“၂၀၁၇ အိမ်ခြံမြေဈေးကွက်ကို တင်ကြို သုံးသပ်ခြင်း”

“၂၀၁၇ အိမ်ခြံမြေဈေးကွက်ကို တင်ကြို သုံးသပ်ခြင်း”

၁။ "၂၀၁၇ သည် အိမ်ခြံမြေဈေးကွက် အဆိုးရွားဆုံး
နှစ်တစ်နှစ် ဖြစ်လာနိုင်ဟု လုပ်ငန်းရှင်များသုံးသပ်"

၂၀၁၇ တွင် ရန်ကုန်အိမ်ခြံမြေဈေးသည် ငါးနှစ်အတွင်း
အဆိုးရွားဆုံး ရောင်းအားကျဆင်းနေပြီဖြစ်ကြောင်း
အိမ်ခြံမြေလုပ်ငန်းရှင်များ က ပြောသည်။

ဈေးကွက်အတွင်း ရောင်းလိုအားများပြီး ၀ယ်လိုအား
ထင်သလောက် မြင့်တက်လာခြင်း မရှိသောကြောင့်
၂၀၁၇ သည် အဆိုးဆုံးအခြေအနေဖြစ်ပေါ်နေကြောင်း
အိမ်ခြံမြေ အကျိုးဆောင်များက သုံးသပ်သည်။

‘‘ဈေးကွက်က လုံးဝမကောင်းလာတာကို ကောင်းအောင်
ပြန်လုပ်ဖို့က အခုအိမ်ခြံမြေလောကထဲ ကောက်နေတဲ့
အခွန်တွေ လျှော့ပေးဖို့ပဲ လိုတယ်’’ ဟု
မြန်မာနိုင်ငံ အိမ်ခြံမြေလုပ်ငန်းရှင်အသင်း
ဒုဥက္ကဋ္ဌ ဦးသန်းဦးက ပြောသည်။

ရန်ကုန်အိမ်ခြံမြေဈေးကွက်တွင် အငှားဈေးကွက်သာ
အလုပ်ဖြစ်နေပြီး တန်ဖိုးကြီးအိမ်ခြံမြေများ ထင်သလောက်
အရောင်းအ၀ယ်မဖြစ်ကြောင်း မြတ်တော်ဝင်
ဆောက်လုပ်ရေးကုမ္ပဏီ မန်နေဂျင်းဒါရိုက်တာ
ဦးသော်ဇင်က ပြောသည်။

အိမ်ခြံမြေဈေးကွက်သည် ၂၀၁၃ တွင် အကောင်းဆုံးဖြစ်
ခဲ့ပြီး ယခု ၂၀၁၇ နှင့် နှိုင်းယှဉ်ပါ က တိုက်ခန်းတစ်ခန်းလျှင်
ကျပ်သိန်း ၁၀၀ မှ ၁၅၀ အထိ ဈေးနှုန်းကျဆင်းလာကာ
အရောင်းအ၀ယ် ထင်သလောက် မရှိကြောင်း အိမ်ခြံမြေ
အကျိုးဆောင်အချို့ က ဆို သည်။

သင်္ဃန်းကျွန်းမြို့နယ်ကဲ့သို့ ကန်ထရိုက်တိုက် အများဆုံး
တည်ဆောက်ရာ မြို့နယ်များရှိ ရပ်ကွက်များတွင်
၁၂ ပေ× ပေ ၅၀ တိုက်ခန်းတစ်ခန်းလျှင်
၂၀၁၅ ၌ ကျပ်သိန်း ၂၅၀ ခန့်ဖြင့် အရောင်း အ၀ယ်
ဖြစ်သော်လည်း
၂၀၁၇ တွင် အဆိုပါ ပေအကျယ်အ၀န်းရှိ အခန်းသည်
ကျပ်သိန်း ၁၆၀ အထိပင် ဈေးလျှော့ရောင်းနေရကြောင်း
ထွန်းကမ္ဘာဆောက်လုပ်ရေး ကုမ္ပဏီ မန်နေဂျင်းဒါရိုက်တာ
ဦးဝင်းသော်က ပြောသည်။

ကြည့်မြင်တိုင်မြို့နယ် ပေ ၂၀ × ပေ ၃၀ အကျယ်
အဆင့်မြင့်တိုက်ခန်းအဆင့်ရှိသော ပန်းလှိုင်အိမ်ရာ
သုံးလွှာသည် ၂၀၁၅ က ကျပ်သိန်း ၈၀၀ ခန့်ဖြင့် ရောင်းချရာ
ဝယ်သူမရှိသော်လည်း လက်ရှိတွင် ကျပ်သိန်း ၆၅၀ ခန့်ဖြင့်
အရောင်းအ၀ယ် ဖြစ်ကြောင်း ၎င်းကပြောသည်။

၂၀၁၃ က စမ်းချောင်းမြို့နယ် မင်းလမ်း ငါးလွှာ
၁၃ ပေ × ပေ ၅၀ အကျယ်တိုက်ခန်းသည် ကျပ်သိန်း ၈၅၀
အထိ ဈေးကောင်းပြီး လက်ရှိတွင် ကျပ်သိန်း ၆၀၀ ခန့်ဖြင့်
ရောင်းချနေသော်လည်း ၀ယ်သူမရှိ ဖြစ်နေကြောင်း
စမ်းချောင်းမြို့နယ်ရှိ အိမ်ခြံမြေအကျိုးဆောင်တစ်ဦးက
ပြောကြားသည်။

ဆောက်လုပ်ရေးလောကတွင် ကြိုပွိုင့် တိုက်ခန်းများ
ရောင်းချနေသည့် အခြေအနေမှ ဆောက်လုပ်ပြီးစီးသော
အခန်းများကို အရစ်ကျပုံစံဖြင့် ပြောင်းလဲရောင်းချလာ
ကြောင်း၊ ဈေးထပ်မံကျဆင်းရန် မဖြစ်နိုင်သော်လည်း
အမှန်တကယ်နေထိုင်ရန် ၀ယ်ယူသူများ အဆင်ပြေစေရေး
အရစ်ကျစနစ်ကို ပုံစံအမျိုးမျိုးဖြင့် ရောင်းချရန် စဉ်းစား
လာရကြောင်း အာရှဆောက်လုပ်ရေးလုပ်ငန်းမှ
ဦးရန်အောင်က ဆိုသည်။

ရန်ကုန်တွင် အလုံးအရင်းဖြင့် တည်ဆောက်ထားသည့်
ကွန်ဒိုတိုက်ခန်းများသည် မကြာမီ ထွက်ပေါ်လာမည့်
ကွန်ဒိုနည်း ဥပဒေကြောင့် ဈေးကွက်တွင် အရောင်းအ၀ယ်
ပြန်လည်ကောင်းမွန်လာရန် လုပ်ငန်းရှင်များက
မျှော်လင့်နေသည်။

ယခုနောက်ပိုင်းတွင် အိမ်ခြံမြေဈေးကွက်၌ အခန်းတန်ဖိုး
ကို ရာခိုင်နှုန်းအားဖြင့် လျှော့ချ ခြင်း၊ အရစ်ကျရောင်းချခြင်း
တို့ ဖြင့် ဆောက်လုပ်ရေးကုမ္ပဏီ အများစုက
ရောင်းချလျက် ရှိသည်။

(မိုးညို)

*****

၂။ "သည်အချက်တွေကြောင့် အိမ်ခြံမြေ အရောင်းအဝယ်
အေးနေ"

လက်ရှိ အိမ်ခြံမြေဈေးကွက် အဝယ်ပါးနေတာဟာ ဥပဒေ
ထွက်ရှိဖို့ စောင့်ဆိုင်းနေတာတွေ ၊ ဝယ်ယူသူတွေအနေနဲ့
ဈေးထပ်ကျမလားဆိုပြီး စောင့်ကြည့်နေတာတွေကြောင့်
လည်း သက်ဆိုင်နေတယ်လို့ အိမ်ခြံမြေအကျိုးဆောင်
အချို့က ဆိုပါတယ်။

တိုက်ခန်းတွေ ဘာဖြစ်လို့ မရောင်းရတာလဲဆိုတော့
လူတွေက နောက်ထပ်ဈေးကျဦးမလား စောင့်ကြည့်
ကြတာပါ။ ပြည်သူတွေရဲ့ ယုံကြည့်မှုရပြီး ဈေးကွက်
ပြန်လည်ဦးမော့ဖို့ ဥပဒေတွေ နည်းဥပဒေတွေ အမြန်ဆုံး
ပြဠာန်းပေးမယ်၊
အိမ်ရာဝယ်ယူသူတွေအတွက် နှစ်ရှည်ဘဏ်ချေးငွေ
ရသလောက် လုပ်ပေးမယ်၊ အိမ်ခြံမြေဝယ်ခွန်နှုန်းထားတွေ
ကို မျှတအောင် လုပ်ပေးမယ်ဆိုရင် အိမ်ခြံမြေဈေးကွက်မှာ
အိပ်နေတဲ့ ငွေတွေ ပြန်ဝင်လာမှာ ဖြစ်တယ်လို့
သုံးသပ်ကြပါတယ်။

ငွေတွေဝေါခနဲ စီးဝင်စီးထွက်တဲ့ ပုံပျက်ပန်းပျက်စီးပွားရေး
စနစ်အစား ဥပဒေ နည်းဥပဒေတွေနဲ့ အညီ ပုံမှန်ဝယ်နိုင်
ရောင်းနိုင်တဲ့ စီးပွားရေ အသွင်သဏ္ဍန်သစ် တစ်ခုဆီကို
ကူးပြောင်းပြီး အရောင်းအဝယ်တွေ ပြန်လည်သွက်လက်
လာမှာဖြစ်ပါတယ်။

ဒါတွေကို မပြင်နိုင်ဘူးဆိုရင်တော့ အိမ်ခြံမြေ
ဆောက်လုပ်ရေးလုပ်ငန်းတွေ သာမက အိမ်ဝယ်ချင်တဲ့
လူတွေပါ အခက်အခဲတွေဆက်ကြုံဦးမှာ ဖြစ်တယ်လို့
အိမ်ခြံမြေအကျိုးဆောင်အချို့က ဆိုတယ်။

ကွန်ဒိုနည်းဥပဒေထွက်ရင် အိမ်ခြံမြေနဲ့ ဆောက်လုပ်ရေး
လုပ်ငန်းတွေမှာ ပိုင်ဆိုင်မှုစာရွက်စာတမ်းတွေ
ပိုခိုင်လာမယ်။ ပြည်သူတွေဆီက ယုံကြည်မှုတွေ
ရလာတာနဲ့အမျှ အရောင်းအဝယ် ပြန်သွက်လာမယ်။

အရောင်းအဝယ်သဏ္ဍန် အနေနဲ့လည်း အသွင်သဏ္ဍန်
ပြောင်းလဲလာနိုင်တယ်လို့ iMyanmar House က
သိရပါတယ် ။ ပြည်သူတွေ အိမ်ခြံမြေဝယ်ယူဖို့ တွန့်ဆိုင်း
နေတဲ့ အကျိုးဆက်က ဆောက်လုပ်ရေးနဲ့ အိမ်ခြံမြေ
လောကကို ကျဆင်းစေပါတယ်။

ဆောက်လုပ်ရေးအခက်အခဲ
။။။။။။။။။။။။။။။။။။။။။။။။။။။။။။။။

လက်ရှိဆောက်လုပ်ရေး လုပ်ငန်းကျဆင်းနေတာကြာပြီ
လို့ ဆိုတယ်။ အိမ်ခြံမြေလောကမှာ အဝယ်ပျောက်နေတဲ့
အတွက် ဆုံးရှုံးသူတွေ ၊ ဘဝပျက်တဲ့သူတွေ ၊
ဆောက်လက်စ တန်းလန်းနဲ့ ဆက်ဆောက်ရမလို
ရပ်ထားရမလိုလိုနဲ့ ဖြစ်နေသူတွေရှိပါတယ်။

ရပ်ထားတဲ့ဆောက်လုပ်ရေး လုပ်ငန်းရှင်တွေအနေနဲ့ဆိုရင်
လည်း ရင်းနှီးမြှုပ်နှံထားတဲ့ ဘဏ်တွေက အတိုးတွေက
တက်နေပြီး အရောင်းအဝယ်မကောင်းတဲ့ အချိန်မှာ
အတိုးပေးဖို့တောင် အခက်အခဲတွေရှိနေကြောင်း
သိရပါတယ်။

"အရောင်းအဝယ်မဖြစ်သေးလို့ ဘဏ်တိုးခဏဆိုင်းထား
လို့သွားပြောလို့မရပါဘူး၊ ဘဏ်တိုးက ပုံမှန်တက်နေတာ။
မြန်မာအိမ်ခြံမြေနဲ့ ဆောက်လုပ်ရေးလောကဟာ အတက်
အကျပေါင်းများစွာနဲ့ ခေတ်အဆက်ဆက်မှာ ထွန်းတောက်
လာလိုက်မှိန်သွားလိုက်နဲ့ ပေါ်တစ်လှည့် မြှုပ်တစ်လှည့်
ဖြစ်ခဲ့ပါတယ်။
အခုကာလမှာ ၂၀၁၃ ၊ ၂၀၁၄ အတွင်း ဆောက်ခဲ့တဲ့
အဆောင်အအုံတွေကိုပါ မြင်တွေ့ရမှာဖြစ်ပါတယ်။
သည်အဆောက်အအုံတွေက သည်နေ့ထက်တိုင်
အပြီးသတ်ဖို့ လုံးပန်းနေကြရပါတယ်" လို့
ဆောက်လုပ်ရေးလုပ်ငန်းရှင် တစ်ဦးက ဆိုပါတယ်။

ရန်ကုန်မှာ အိမ်ပိုင်က ၂၀ ရာခိုင်နှုန်းပဲရှိပြီး ၈၀ ရာခိုင်နှုန်းမှာ
အငှါး၊ ကျူးကျော်နဲ့ အဆင်ပြေသလို နေထိုင်ရသူတွေ
ဖြစ်တယ်လို့ သိရပါတယ်။

(မေသက်)

credit - 7day Daily & Kumudra Journal

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0