“စိတ်ဝင်စားဖွယ် အိမ်ရာစီမံကိန်းကြီးများ”

“စိတ်ဝင်စားဖွယ် အိမ်ရာစီမံကိန်းကြီးများ”

၁။ "ကိုရီးယားနှင့် ပူးပေါင်းဆောင်ရွက်မည့်
ညောင်နှစ်ပင်မြို့ပြ စီမံကိန်းအတွက် မြန်မာက ရှယ်ယာ
၄၀ ရာခိုင်နှုန်းရမည်"

ကန်ဒေါ်လာ တစ်ဘီလီယံ တန်ဖိုးရှိ ညောင်နှစ်ပင်မြို့ပြ
စီမံကိန်းတွင် မြန်မာနိုင်ငံအား ရှယ်ယာ ၄၀ ရာခိုင်နှုန်း
ပေးမည်ဖြစ်ပြီး ကျန် ၆၀ ရာခိုင်နှုန်းကို ကိုရီးယားအစိုးရက
ပိုင်ဆိုင်မည်ဖြစ်ကြောင်း ကိုရီးယားအစိုးရပိုင် LH
ကော်ပိုရေးရှင်း ရန်ကုန်ရုံးခွဲ အထွေထွေမန်နေဂျာ
မစ္စတာ ကင်ဂမ်ဝူးက ပြောကြားသည်။

အဆိုပါစီမံကိန်းသည် ကိုရီးယားလုပ်ငန်းရှင်များအား
ဦးစားပေးဖိတ်ခေါ်ရန်ဖြစ်ပြီး နှစ်နိုင်ငံအကျိုးရှိသည့် လုပ်ငန်း
ဖြစ်လာနိုင်ကြောင်း ၎င်းက ပြောသည်။

အဆိုပါစီမံကိန်းကို ၂၀၀၈ ဖွဲ့စည်းပုံရေးဆွဲရန် အမျိုးသား
ညီလာခံကျင်းပခဲ့သည့် လှည်းကူးမြို့နယ် ညောင်နှစ်ပင်
စခန်းရှိ မြေဧက ၆၀၀ ပေါ်တွင် အကောင်အထည် ဖော်ရန်
ကိုရီးယားဘက်က စီစဉ်ခြင်း ဖြစ်သည်။

သို့သော်  အမျိုးသားညီလာခံကျင်းပခဲ့သည့် သမိုင်းဝင်
အဆောက်အအုံ အပါအ၀င် မြေဧက ၃၀ ကျော်ကို အစိုးရ
ထံ ပြန်လည်ပေးအပ်ရ၍ မြေဧက ၅၅၀ ကျော်သာ
ပြုလုပ်ခွင့် ရခဲ့သည်ဟု မစ္စတာ ကင်ဂမ်ဝူးက
ဆက်လက်ပြောကြားသည်။

အဆိုပါ စီမံကိန်းအတွက် ဆောက်လုပ်ရေးဝန်ကြီးဌာန
မြို့ပြနှင့် အိမ်ရာဖွံ့ဖြိုးရေးဦးစီးဌာန နှင့် ကိုရီးယားအစိုးရပိုင်
LH (Korea Land and Housing Corporation)
ကော်ပိုရေးရှင်းတို့ ၂၀၁၇ ဇွန်လ၁၆ ရက်က ကိုရီးယား နိုင်ငံ
ဂျယ်ဂျူးကျွန်းတွင် လက်မှတ်ရေးထိုးခဲ့ပြီး ၂၀၁၈ နှစ်ဆန်း၌
စတင် အကောင်အထည်ဖော်ရန် ခန့်မှန်းသည်။

အကောင်အထည်ဖော်မည့် စီမံကိန်းများ၌
စက်မှုလုပ်ငန်း ဧရိယာ၊ သုတေသနနှင့် ဖွံ့ဖြိုးရေး စင်တာ၊
သင်တန်းကျောင်း၊ အိမ်ရာနှင့် စီးပွားရေး ဆိုင်ရာ
အဆောက်အအုံများ စသည်တို့ ပါဝင်မည်ဖြစ်ကြောင်း
ဆောက်လုပ်ရေးဝန်ကြီးဌာန ဒု ၀န်ကြီး ဦးကျော်လင်း က
ယမန်နှစ် ဇွန်လက လွှတ်တော်တွင် ပြောကြားထားသည်။

‘‘ကော်ပိုရေးရှင်းဘက်က ငွေကြေးစိုက်ထုတ်သုံးစွဲ ပါတယ်။
မြန်မာအစိုးရက မြေနေရာ စိုက်ရပါတယ်။
ဒီစီမံကိန်းကို ကိုရီးယား အစိုးရက စိတ်ဝင်စားမှုပြင်းထန်
နေပါတယ်’’ဟု မစ္စတာ ကင်ဂမ်ဝူးက ပြောသည်။

အဆိုပါ စီမံကိန်းအတွက် အစိုးရဘက်က တန်ဖိုးနည်းသည့်
မြေနေရာစိုက်ရခြင်း ဖြစ်၍ ရှယ်ယာ ၄၀ ရာခိုင်နှုန်းသာ
ရခြင်းဖြစ်ကြောင်း မြို့ပြနှင့် အိမ်ရာဖွံ့ဖြိုးရေးဦးစီးဌာန
ဒုညွှန်ကြားရေးမှူးချုပ် ဦးမြင့်နိုင်က ပြောကြားသည်။

စီမံကိန်းအကောင်အထည် ဖော်ရန် ရင်းနှီးမြှုပ်နှံမှုကော်မရှင်
သို့ တင်ပြရန်စီစဉ်နေပြီး ခွင့်ပြုချက်ရရှိပါက ၂၀၁၈ နှစ်ကုန်
တွင် မြေပြင်ဆောက်လုပ်ရေး လုပ်ငန်းများ စတင်နိုင်မည်
ဖြစ်ကြောင်း ၎င်းက ပြောသည်။

(ထွန်းထွန်းမင်း)

*****

၂။ "အမြန်လမ်းမကြီးဘေးတွင် တန်ဖိုးနည်းအိမ်ရာများ
စဆောက်မည်"

လှည်းကူးမြို့နယ် အမြန်လမ်းမကြီး၊ မိုင်တိုင်အမှတ်
၃ မိုင်၊ ၅ ဖာလုံ၊ လမ်းဘေးဝဲယာရှိ မြေဧက ၁၄၀၀ ကျော်
ပေါ်တွင် တည်ဆောက်မည့် Eco Green City Project 
စီမံကိန်းအဖြစ် တန်ဖိုးနည်းအိမ်ရာများကို စတင်
တည်ဆောက်သွားမည် ဖြစ်ကြောင်း မြို့ပြနှင့်အိမ်ရာဖွံ့ဖြိုးရေး
ဦးစီးဌာနထံမှ သိရသည်။

မြို့ပြနှင့်အိမ်ရာဖွံ့ဖြိုးရေး ဦးစီးဌာနနှင့် Eco Green City
ကို ဆောက်လုပ်မည့် Alliance Stars ကုမ္ပဏီတို့
၂၀၁၆ ခုနှစ် နှစ်ဆန်းပိုင်းတွင် လုပ်ငန်းလုပ်ကိုင်ရန် သဘော
တူညီခဲ့ပြီး ကနဦး အဆိုပြုချက်အရ တန်ဖိုးနည်းအိမ်ရာအခန်း
၄၀၀၀ ကို ကုမ္ပဏီဘက်က ဆောက်လုပ်ပေးမည်ဖြစ်သည်။

အဆိုပါ စီမံကိန်း စတင်သည်နှင့်တစ်ပြိုင်နက် လက်ရှိ
ဝ မိုင် ၂ ဖာလုံတွင်ရှိသည့် အမြန်လမ်း တိုးဂိတ်ကို မိုင်တိုင်
အမှတ် ၅ မိုင် ၆ ဖာလုံ နေရာသို့ ပြောင်းရွှေ့ဖွင့်လှစ်မည်
ဖြစ်ကြောင်း မြို့ပြနှင့်အိမ်ရာဖွံ့ ဖြိုးရေး ဦးစီးဌာနမှ
ညွှန်ကြားရေးမှူး ဦးယုခိုင်က ပြောကြားသည်။

“လက်ရှိ လုပ်ကိုင်ခွင့်ရရှိထားတဲ့ ကုမ္ပဏီနဲ့ ဆောက်လုပ်ရေး
ဝန်ကြီးဌာနက အကျိုးအမြတ်ခွဲဝေဖို့ ညှိနှိုင်းနေပါတယ်။
အကျိုးအမြတ် ရာခိုင်နှုန်းက ညှိနှိုင်းနေဆဲပါ။
ကနဦးတည်ဆောက်တဲ့ တန်ဖိုးနည်း အိမ်ရာတွေ
ဆောက်ပြီးရင် တိုင်းအစိုးရကို ညှိနှိုင်းပြီး သူတို့တာဝန်ပေးတဲ့
အပေါ်မူတည်ပြီး ဆောင်ရွက်ရမယ်” ဟု ၎င်းက ဆိုသည်။

Eco Green City စီမံကိန်း ပန္နက်တော် တင်ခြင်းကို
ဒီဇင်ဘာလ ၂၃ ရက်က ကျင်းပပြုလုပ်ခဲ့ပြီး မကြာခင်
တည်ဆောက်ရေးလုပ်ငန်းများကို လုပ်ဆောင်သွားမည်
ဖြစ်ကာ စီမံကိန်းကို သုံးနှစ်ခန့်အချိန်ယူ ဆောက်လုပ်မည်
ဖြစ်ကြောင်းနှင့် သက်ဆိုင်ရာဌာနများက စီမံခန့်ခွဲပြီး
ရောင်းချပေးမည် ဖြစ်သည်။

အဆိုပါစီမံကိန်းကို ဆောက်လုပ်ရေးဝန်ကြီးဌာနနှင့်
Alliance Stars Group ကုမ္ပဏီတို့ အကျိုးတူ ပူးပေါင်း
ဆောင်ရွက်ခြင်းဖြစ်ပြီး ယင်းဆောက်လုပ်မည့် အိမ်ရာ
စီမံကိန်းသည် အစိုးရသစ်၏ ပထမဆုံးဆောက်လုပ်မည့်
အကြီးမားဆုံး မြို့သစ်အိမ်ရာစီမံကိန်းဖြစ်ကြောင်း
မြို့ပြနှင့်အိမ်ရာဖွံ့ ဖြိုးရေး ဦးစီးဌာနထံမှ သိရသည်။

စီမံကိန်းကို အပိုင်း ၂ ပိုင်းခွဲကာ တည်ဆောက်သွားမည်
ဖြစ်ပြီး
ပထမအဆင့် မြို့သစ်စီမံကိန်းအနေနှင့် တန်ဖိုးနည်း၊
တန်ဖိုးသင့် အိမ်ရာများ၊ အထပ်မြင့်အိမ်ရာများ၊
ဈေးနှင့် စားသောက်ဆိုင်များ၊ အုပ်ချုပ်ရေးဆိုင်ရာ
ရုံးလုပ်ငန်းများ၊ အမြန်လမ်း ယာဉ်ရပ်နားစခန်းများ၊
ဈေးဝယ်စင်တာ၊ ပန်းခြံ၊ ကစားကွင်းများနှင့် နိုင်ငံတကာ
ကျောင်းများ၊ ကိုယ်ပိုင်ကျောင်းများ၊ ဆေးရုံများ၊ ဟိုတယ်များ
ကိုလည်း ထည့်သွင်း ဆောက်လုပ်သွားမည်ဖြစ်သည်။

ဒုတိယအဆင့်အနေနှင့် သီးသန့်လုံးချင်း အိမ်ရာများ၊
အဆင့်မြင့် အိမ်ရာ စီမံကိန်းများ၊ နိုင်ငံတကာအဆင့်မီ
ဆေးရုံ၊ ကျောင်းများ အပါအဝင် ဟိုတယ်ဇုန်နှင့် အများပြည်သူ
အနားယူအပန်းဖြေရန် Amusement Park နေရာများ
ထည့်သွင်း တည်ဆောက်သွားမည်ဖြစ်ကြောင်း သိရသည်။

အဆိုပါစီမံကိန်းမှာ ယခင်အစိုးရ လက်ထက်ကတည်း က
ပြုလုပ်ခဲ့သည့် စီမံကိန်းဖြစ်ပြီး ဆောက်လုပ်ရေး ဝန်ကြီးဌာန
အနေနှင့် သက်ဆိုင်ရာ အစိုးရအုပ်ချုပ်အဖွဲ့ထံ တင်ပြကာ
ယင်းပေါ်မူတည်ပြီး ပြည်ထောင်စုအဆင့်က ဆောင်ရွက်ခြင်း
ဖြစ်ကြောင်းနှင့် ဝန်ကြီးဌာနအနေနှင့် လွှတ်တော်ကို
တိုက်ရိုက်တင်ပြခြင်းမရှိဘဲ ပြည်ထောင်စုက ဆောင်ရွက်
သည့် စီမံကိန်းဖြစ်ကြောင်း မြို့ပြနှင့် အိမ်ရာဖွံ့ ဖြိုးရေး
ဦးစီးဌာနထံမှ သိရသည်။

စီမံကိန်းမြေဖော်ဆောင်မည့် မြေနေရာမှာ ယခင်
လယ်/ဆည်ဝန်ကြီးဌာန၊ စိုက်ပျိုးရေးဦးစီးဌာနမှ
စပါးလင်ဆီမွှေး စိုက်ခင်းအတွက် လုပ်ဆောင်ရန် ချထား
ပေးခဲ့ခြင်းဖြစ်ပြီး မြို့ပြနှင့် အိမ်ရာဖွံ့ဖြိုးရေး ဦးစီးဌာနသို့
၂၀၁၆ ခုနှစ်တွင် မြို့ပြဖော်ထုတ်ရန် လွှဲပြောင်းပေးခဲ့ခြင်း
ဖြစ်သည်။

စီမံကိန်း အကောင်အထည်ဖော်မည့် မြေဧရိယာအတွင်း
ကျူးကျော်နေထိုင်သည့် ကျူးကျော်တဲ ၅၀၀၀ ကျော်ကို
၂၀၁၇ ခုနှစ်၊ ဇွန်လက စတင်ကာ ရဲတပ်ဖွဲ့ဝင်အင်အား
၂၀၀ ခန့်၊ အရပ်သား အလုပ်သမားအင်အား
၂၀၀၀ ခန့်နှင့် ဖယ်ရှားခဲ့သည်။

*****

၃။ "သာကေတမြို့နယ်အတွင်း မြေသုံးဧကကျော်တွင်
ဒေါ်လာသန်း ၇၀ ကျော်တန်ဖိုးရှိ မြခွာညိုအိမ်ရာ စီမံကိန်း
ကို တရုတ်-မြန်မာ နိုင်ငံခြား ဖက်စပ်ရင်းနှီးမြှုပ်နှံမှုဖြင့်
တည်ဆောက်မည်"

ရန်ကုန်တိုင်းဒေသကြီး သာကေတမြို့နယ် အတွင်း
မြေသုံးဧကကျော်၌ ဒေါ်လာသန်း ၇၀ ကျော်တန်ဖိုးရှိ
မြခွာညိုအိမ်ရာ စီမံကိန်းကို နိုင်ငံခြားဖက်စပ်ရင်းနှီးမြှုပ်နှံမှု
ဖြင့် တရုတ်-မြန်မာ ဖက်စပ်တည်ဆောက်မည်ဖြစ်ကြောင်း
ဇန်န၀ါရီ ၁၉ ရက်ကပြုလုပ်သည့် မြန်မာနိုင်ငံ ရင်းနှီးမြှုပ်နှံမှု
ကော်မရှင်၏ သတင်းစာရှင်းလင်းပွဲမှ သိရသည်။

“တရုတ်-မြန်မာဖက်စပ်ပါ။
Commercial And Residential Buildings ဆောက်ပြီး
တော့ ပြန်လည် ငှားမယ်၊ ရောင်းချတဲ့စီမံကိန်းပါ” ဟု
ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန
ညွှန်ကြားရေးမှူး ဦးကျော်ဝင်းထွန်းက ပြောကြားသည်။

သာကေတမြို့နယ်အတွင်း တည်ဆောက်မည့် မြခွာညို
အိမ်ရာစီမံကိန်းကို Construction, Selling, Leasing
and Management of Commercial And Residential
Buildings လုပ်ငန်းလုပ်ကိုင်ရန် တရုတ်-မြန်မာဖက်စပ်
Yangon Golden River Investment Co.,Ltd အား
ဇန်န၀ါရီ ၁၅ ရက်ကပြုလုပ်သည့် (၁/၂၀၁၈) ကော်မရှင်
အစည်းအဝေးပွဲမှ အတည်ပြု ခွင့်ပြုပေးခဲ့ခြင်းဖြစ်သည်။

အဆိုပါ မြခွာညိုအိမ်ရာစီမံကိန်းကို ရန်ကုန်တိုင်းဒေသကြီး
သာကေတမြို့နယ် မြေတိုင်းရပ်ကွက်အမှတ် (၈)၊
မြေကွက်အမှတ် ၆၁၊ ၆၂၊ ၆၃၊ ၆၄၊ ၆၅၊ ၆၆၊ ၆၇၊ ၆၈၊ ၆၉၊
၇၀၊ ၇၁၊ ၇၈ တို့ရှိ မြေဧက ၃ ဒသမ ၈ ဧကပေါ်၌
တည်ဆောက်ရေးလုပ်ငန်းများ ဆောင်ရွက်သွားမည်
ဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်အတွင်း မြန်မာနိုင်ငံအတွင်း
အိမ်ရာအဆောက်အအုံ တည်ဆောက်မှုလုပ်ငန်းများ၌
မြန်မာနိုင်ငံသား လုပ်ငန်းရှင်အများစုက အများဆုံး
ဝင်ရောက်ရင်းနှီးမြှုပ်နှံလျက်ရှိကြောင်း ရင်းနှီးမြှုပ်နှံမှုနှင့်
ကုမ္ပဏီများ ညွှန်ကြားမှုဦးစီးဌာနမှ သိရသည်။

“ဒီနှစ်ထဲမှာ နိုင်ငံသားတွေက အိမ်ရာကဏ္ဍမှာ ၀င်ရောက်မှု
များတယ်” ဟု ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု
ဦးစီးဌာနမှ ဒုတိယညွှန်ကြားရေးမှူးချုပ်
ဦးသန်းအောင်ကျော် က ပြောကြားသည်။

မြန်မာနိုင်ငံ၏ အိမ်ရာအဆောက်အအုံကဏ္ဍတွင် နိုင်ငံခြား
ရင်းနှီးမြှုပ်နှံမှုအနေဖြင့် ဒေါ်လာ ၁ ဒသမ ၀၆ ဘီလျံအထိ
ဝင်ရောက်မြှုပ်နှံထားကြောင်း သိရသည်။

ကုမ္ပဏီဥပဒေသစ်ကြောင့် နိုင်ငံခြားရင်းနှီးမြှုပ်နှံမှုများမှ
ငွေများစီးဝင်လာခြင်း၊ ကွန်ဒိုမီနီယံနှင့်ပတ်သက်သည့်
နည်းဥပဒေထွက်ရှိလာခြင်းကြောင့် ကာလအတန်ကြာ
အေးစက်နေသည့် အိမ်ခြံမြေဈေးကွက် ပြန်လည်လှုပ်ခတ်
လာနိုင်ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်
အတွင်းရေးမှူး ဦးအောင်နိုင်ဦးက
Myanmar Investment Outlook Seminar-2018
အခမ်းအနားတွင် ပြောကြားထားသည်။

(ဇေယျာငြိမ်း)

credit - 7day Daily / The Voice
& Eleven Media Group

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0