“ဆောက်လုပ်ရေးလောက၏ သတင်း အထွေထွေ”

“ဆောက်လုပ်ရေးလောက၏ သတင်း အထွေထွေ”

၁။ "ဆောက်လုပ်ရေးလုပ်ငန်းရှင်အများစု ချေးငွေများ
မဆပ်နိုင်၍ အကြွေးတင်သည့်ပြဿနာ ကြုံတွေ့နေရ"

ပြည်တွင်း ဆောက်လုပ်ရေးကုမ္ပဏီအများစု တိုက်ခန်း
အရောင်းအဝယ် အေးနေခြင်းကြောင့် ဘဏ်ချေးငွေ
အတိုးနှုန်းများ ပိကာ အတိုးပေါ် အတိုးဆင့်သည့်
ပြဿနာမျိုးအထိ ကြုံတွေ့နေရကြောင်း ဆောက်လုပ်ရေး
ကုမ္ပဏီ အသိုင်းအဝိုင်းမှ သိရသည်။

"နေရာတိုင်းလိုလိုမှာက ဆောက်လုပ်ရေးတွေရပ်နေ
ကြတယ်။ အခုက အလုံးလိုက်အပ်တဲ့ တိုက်တွေလောက်နဲ့
ရပ်တည်နေကြတာ" ဟု ယူကေဆောက်လုပ်ရေး
မန်နေဂျာ ကိုထက်ဝေ က ပြောဆိုသည်။

ခက်ခဲ
။။။။။။။

ပြည်တွင်း အိမ်ခြံမြေနှင့်တိုက်ခန်း အရောင်းအဝယ်များမှာ
၂၀၁၄ နှစ်ကုန်ပိုင်းမှ စတင်ကာ ၂၀၁၈ နှစ်စအထိ
အရောင်းအဝယ်များ အေးစက်လာခဲ့ခြင်းကြောင့်
အသေးစားနှင့် အလတ်စား ဆောက်လုပ်ရေးကုမ္ပဏီများ
လုပ်ငန်း လည်ပတ်ရန် လွန်စွာခက်ခဲနေကြောင်း
သိရသည်။

ဆောက်လုပ်ရေးလုပ်ငန်း လုပ်ကိုင်နေသည့် ကုမ္ပဏီများတွင်
အခြေခိုင်သည့် ကုမ္ပဏီများ ရှိသကဲ့သို့ လုပ်ငန်းစတင်သည့်
အချိန်ကတည်း က ချေးငွေနှင့် စတင် လုပ်ကိုင်နေသူများ
ရှိသည့်နည်းတူ ၂၀၁၃ ခုနှစ် အတွင်းက ကန်ထရိုက်
လုပ်ငန်းများ ပေါ်ပြူလာဖြစ်ခဲ့ခြင်းကြောင့် ယင်းအချိန်မှစ၍
အိမ်ရှင်များစွာဖြင့် စာချုပ်ချုပ်ဆိုပြီး လုပ်ကိုင်နေသူများလည်း
ရှိခဲ့သည်။

လက်ရှိတွင် ဆောက်လုပ်ရေးလုပ်ငန်းရှင်များ အနေဖြင့်
လုပ်ငန်းများအား ဆက်လက် တည်ရှိနိုင်ရန် ထိန်းသိမ်း
ဆောင်ရွက်နေကြပြီး ယခင်က ကန်ထရိုက်တိုက် ၁၀ လုံး
အား တစ်ပြိုင်တည်း ဆောက်လုပ်နိုင်ခဲ့သော်လည်း
ယခုအခါ ကန်ထရိုက်တိုက်တစ်လုံး ဆောက်လုပ်ပြီးစီးခဲ့
လျှင်ပင် ထပ်မံဆောက်လုပ်နိုင်ရန် ခက်ခဲကြောင်း
သိရသည်။

ခက်ခဲရခြင်းမှာ ဒေါ်လာဈေးများ မြင့် တက်နေ၍
ဆောက်လုပ်မည့်ကုန်ပစ္စည်းများ၏ဈေးနှုန်းများ မြင့်မား
နေခြင်းကြောင့်ဖြစ်ပြီး လက်ရှိ ကန်ထရိုက်တိုက်များနှင့်
ပတ်သက်ပြီး မျက်နှာဖွင့် ၂၅ ပေ ကျော်လွန်သည့် တိုက်များ
ကို ကားပါကင် ထည့်သွင်းတည်ဆောက်ရမည့် အခြေအနေ
များကြောင့် ဖြစ်သည်။

အရှုံးခံ
။။။။။။။

တိုက်ခန်းများ ရောင်းမထွက်ခြင်းကြောင့် ဆောက်လုပ်မှု
ကုန်ကျစရိတ်များ ပြန်လည် ပေါ်ထွက်လာခြင်းမရှိသည့်အပြင်
ဆောက်လုပ်ရေးလုပ်ငန်းရှင် အသေးစားများ အကြီးအကျယ်
အရှုံးပေါ်ကြပြီး လုပ်ငန်းရှင်ကြီးများမှာလည်း ကုမ္ပဏီများ
ဆက်လက်ရပ်တည်နိုင်ရန်နှင့် မိမိတို့အားမှီခိုနေရသည့်
ဝန်ထမ်းများအတွက် လုပ်ငန်းများကို အရှုံးခံကာ
လုပ်ကိုင်လျက်ရှိကြောင်း သိရသည်။

အဆိုပါ အခက်အခဲများမှာ ၂၀၁၅ ခုနှစ် ဧပြီလ နောက်ပိုင်း
ပိုမိုကြီးထွားလာခဲ့ပြီး ဆောက်လုပ်ရေးကုမ္ပဏီအများစုမှာ
တိုက်ခန်းများကို အရစ်ကျရောင်းသည့်စနစ်များ အထိ
အသုံးပြုလာခဲ့ကြကြောင်း၊
ယခုနောက်ပိုင်းတွင်အရောင်း အဝယ်များ ရပ်တန့်လုနီးပါး
ရှိနေခဲ့ပြီး လုပ်ငန်းရှင်အများစုမှာလည်း ၂၀၁၈ ခုနှစ်အတွင်း
ဖြစ်ပေါ်လာမည့် အစိုးရမူဝါဒအပြောင်းအလဲများကို
မျှော်လင့်နေရခြင်းဖြစ်သည်။

(လူလေး)

*****

၂။ "ခွင့်ပြုချက် မကျသေးဘဲ ဆောက်လုပ်ထားသည့်
အဆောက်အအုံများ၊ အထပ်ကျော်လွန်ဆောက်လုပ်ထား
သည့် ကန်ထရိုက်တိုက်များကို မြို့တော်စည်ပင်သာယာရေး
ကော်မတီက ကျသင့်ဒဏ်ကြေးငွေထဲမှ ရာခိုင်နှုန်း ၇၀
လျှော့ချပေးမည်ဟု ဆို"

ခွင့်ပြုချက်မကျသေးဘဲ ဆောက်လုပ်ထားသည့်
အဆောက်အအုံများ၊ သတ်မှတ်ထားသည့် အထပ်ထက်
အထပ်ကျော်လွန် ဆောက်လုပ်ထားသည့် ကန်ထရိုက်တိုက်
များကို မြို့တော်စည်ပင်သာယာရေးကော်မတီက ကျသင့်
ဒဏ်ကြေးငွေ ရာခိုင်နှုန်း ၇၀ လျှော့ချပေးမည်ဖြစ်ကြောင်း
ဇန်န၀ါရီ ၁၈ ရက်တွင် ရန်ကုန်တိုင်းဒေသကြီး
မရမ်းကုန်း မြို့နယ် မဲဆန္ဒ အမှတ် (၁) လွှတ်တော်
ကိုယ်စားလှယ် ဦးရန်ရှင်းက The Daily Eleven
သတင်းစာသို့ ပြောကြားသည်။

ပြီးခဲ့သည့် အစိုးရလက်ထက် ၂၀၁၄ ခုနှစ်တွင် ခွင့်ပြုချက်
မကျသေးဘဲ ဆောက်လုပ်ထားသည့် အဆောက်အအုံများ၊
သတ်မှတ်ထားသည့်အထပ်ထက် ကျော်လွန်ဆောက်လုပ်
ထားသည့် ကန်ထရိုက်တိုက်များအား ဒဏ်ကြေးငွေ ချမှတ်
ခြင်းများ၊ အဆောက်အအုံဖြိုချခိုင်းခြင်းများ လုပ်ဆောင်ခဲ့
ကြောင်း သိရသည်။ အစိုးရလက်ထက် ယင်းကဲ့သို့
ဒဏ်ကြေးငွေများကို ရာခိုင်နှုန်း ၇၀ အထိ လျှော့ချပေးခြင်း
ဖြစ်ကြောင်း သိရသည်။

“အထူးလျှော့ပေါ့ပေးလိုက်တာပါ။
ဒီ ဖြစ်စဉ်က ပြီးခဲ့တဲ့အစိုးရလက်ထက် ၂၀၁၄ ခုနှစ်က
ဒဏ်ရိုက်တဲ့ ကိစ္စတွေ စပြီး ဆောင်ရွက်ကြတယ်။
ခွင့်ပြုချက်မကျသေးခင် ဆောက်တဲ့ အဆောက်အအုံတွေ၊
အထပ်ကျော်ဆောက်တဲ့ အဆောက်အအုံတွေ
အဲဒီအဆောက်အအုံတွေနဲ့ပတ်သက်ပြီး ဒဏ်ရိုက်တာတွေ၊
အဆောက်အအုံ ရပ်ခိုင်းတာတို့၊ ပြန်ဖြိုချခိုင်းတာတွေ
၂၀၁၄ ခုနှစ်က လုပ်ခဲ့တယ်။
အဲဒီဟာက ဒီအတိုင်းပဲ တန်းလန်းကြီးဖြစ်နေတဲ့အခါ
ကျတော့ ကျွန်တော်တို့အစိုးရလက်ထက်မှာ ကျွန်တော်
အပါအ၀င် လွှတ်တော်ကိုယ်စားလှယ်လေးဦး လွှတ်တော်
ထဲမှာ ဒီကိစ္စနဲ့ပတ်သက်ပြီး ဆွေးနွေးခဲ့ကြပါတယ်။
ဆွေးနွေးပြီးတဲ့အခါကျတော့ ပထမတစ်ရစ်အနေနဲ့
ဒဏ်ဆောင်ပြီး အဆောက်အအုံတွေပြန်ဆောက်ခွင့်
ပေးခဲ့တယ်။ ပြီးခဲ့တဲ့နှစ်ကပေါ့။
ဒီနှစ်မှာတော့ အဲဒီဟာတွေက ဆက်ပြီးမလုပ်နိုင်တာတွေ
များနေတဲ့အတွက် ရန်ကုန်တိုင်းဒေသကြီး အစိုးရအနေနဲ့
အထူး စဉ်းစားပေးတာပေါ့။
ချမှတ်တဲ့ဒဏ်ကြေးက သိန်းတစ်ရာကျတယ် ဆိုရင်
ရာခိုင်နှုန်း ၇၀ လျှော့ပြီးတော့ သိန်း ၃၀ ပဲ ဒဏ်ဆောင်
ရတော့မယ်။ အဲဒီလိုမျိုး သတ်မှတ်ပေးလိုက်ပါတယ်” ဟု
ရန်ကုန်တိုင်း ဒေသကြီး မရမ်းကုန်းမြို့နယ်
မဲဆန္ဒအမှတ် (၁) လွှတ်တော်ကိုယ်စားလှယ်
ဦးရန်ရှင်းက ဆိုသည်။

ယင်းကဲ့သို့ ဒဏ်ကြေးငွေလျှော့ချပေးသည့် အဆောက်အအုံ
များတွင် အုပ်စုသုံးခုရှိကြောင်း၊
ပထမတစ်ခုမှာ အစိုးရနှင့် ဌာနဆိုင်ရာမြေများပေါ်တွင်
ကျူးကျော်ဆောက်လုပ်သည့် အဆောက်အအုံများ၊
ဒုတိယတစ်ခုမှာ မြေပိုင်ဆိုင်မှု မရှင်းလင်းခြင်း၊ တိုင်ကြား
ခံထားရသည့် အဆောက်အအုံများဖြစ်ပြီး
တတိယတစ်ခုမှာ မြေယာပိုင်ဆိုင်မှုရှိသော်လည်း
ခွင့်ပြုချက်မကျမှု သို့မဟုတ် ခွင့်ပြုချက်မယူဘဲ ဆောက်လုပ်
သည့် အဆောက်အအုံများ ဖြစ်ကြောင်း ဦးရန်ရှင်းက
ဆက်လက်ပြောကြားသည်။

မရမ်းကုန်းမြို့နယ်တွင် ခွင့်ပြုချက်မကျသေးဘဲ ဆောက်လုပ်
ထားသည့်အဆောက်အအုံများ၊ သတ်မှတ်ထားသည့်
အထပ်ထက် ကျော်လွန်ဆောက်လုပ်ထားသည့်အတွက်
ဒဏ်ကြေးငွေ ချမှတ်အရေးယူခံထားရသည့် အဆောက်
အအုံပေါင်း ၄၅၀ ရှိကြောင်း သိရပြီး ရန်ကုန်တိုင်းဒေသကြီး
အတွင်း ဒဏ်ကြေးငွေ ချမှတ်ခံရထားသည့် အဆောက်အအုံ
၂၀၀၀ နီးပါးရှိကြောင်း၊ ရန်ကုန်မြို့တော် စည်ပင်သာယာရေး
ကော်မတီ ၁၀ ထပ်ရုံးနှင့် ဆက်သွယ်ဆောင်ရွက်ရမည်
ဖြစ်ကြောင်း သိရသည်။

(ရှိုင်းလင်းအောင်)

*****

၃။ "မြန်မာနိုင်ငံအတွင်း မည်သည့်နေရာမဆို အဆောက်အအုံ
တည်ဆောက်ပါက အရည်အသွေးတစ်ပြေးညီ တည်ဆောက်
နိုင်ရေး အဆောက်အအုံဆိုင်ရာစည်းမျဉ်း ရေးဆွဲထားပြီး
လွှတ်တော်သို့ တင်ပြထားဟုဆို"

မြန်မာနိုင်ငံအတွင်း မည်သည့်နေရာ၌မဆို အဆောက်အအုံ
တည်ဆောက်ပါက အရည်သွေးအားလုံး တစ်ပြေးညီ
တည်ဆောက်နိုင်ရန်အတွက် Building Code
(အဆောက်အအုံဆိုင်ရာ စည်းမျဉ်း) ကိုရေးဆွဲထားပြီးဖြစ်ကာ
လွှတ်တော်သို့ တင်ပြထားကြောင်း ဇန်န၀ါရီ ၁၆ ရက်က
ရန်ကုန်မြို့တော် စည်ပင်သာယာရေးကော်မတီ၌ ကျင်းပသည့်
(International Conference on Enhancement of
Urban Disaster Resilience under the UNU Grant
for Global Sustainability Project) အခမ်းအနားတွင်
မြန်မာနိုင်ငံ မြေလျင်ကော်မတီ ဒုတိယဥက္ကဋ္ဌ ဦးစောထွေးဇော်
က ပြောကြားသည်။

“နောက်ထပ်ဆောက်တဲ့ အဆောက်အအုံတွေအတွက်
ကတော့ အခုဆိုရင် Building Code ပေါ့။
အဆောက်အအုံဆိုင်ရာ စည်းမျဉ်းကို အကြမ်းဆွဲထားပြီးပါပြီ။
အတည်ပြုဖို့ လုပ်နေပါတယ်။
အဲဒါလည်း ကျွန်တော်တို့ကတော့ မြန်မြန်အတည်ပြုစေချင်
ပါတယ်။
အဆောက်အအုံ Building Code ကို တစ်ပြေးညီရထားရင်
အားလုံးပေါ့။ အထပ်နိမ့်ပဲဖြစ်ဖြစ်၊ အထပ်မြင့်ပဲဖြစ်ဖြစ်၊
မြို့ပေါ်မှာဖြစ်ဖြစ်၊ ကျေးရွာမှာပဲဖြစ်ဖြစ် တစ်နိုင်ငံလုံး
အတိုင်းအတာနဲ့ အရည်အသွေးတစ်ပြေးညီ တည်ဆောက်
လို့ရသွားမှာပေါ့” ဟု ဦးစောထွေးဇော်က ပြောကြားသည်။

လက်ရှိအချိန်အတွင်း အဆိုပါ Building Code
(အဆောက်အအုံဆိုင်ရာစည်းမျဉ်း) ကို ဆောက်လုပ်ရေး
ဝန်ကြီးဌာနက တာဝန်ယူကာ မြန်မာနိုင်ငံအင်ဂျင်နီယာ
အသင်းမှ ရေးဆွဲထားပြီးဖြစ်ကြောင်း၊ ဆောက်လုပ်ရေးဝန်ကြီး
ဌာနမှတစ်ဆင့် လွှတ်တော်သို့ တင်ပြထားကြောင်း သိရသည်။

“မြန်မာနိုင်ငံအင်ဂျင်နီယာအသင်းကနေ ဆွဲပါတယ်။
ပြီးတော့ဆွဲဖို့ကို တာဝန်ခံတာက ဆောက်လုပ်ရေးဝန်ကြီး
ဌာနကပါ။ အဲဒါဆွဲပြီးတော့ ဆောက်လုပ်ရေးဝန်ကြီးဌာနကို
ပြန်ပြီးပေးထားပါပြီ။ ဆောက်လုပ်ရေးဝန်ကြီးဌာနကနေ
လွှတ်တော်ကိုတင်ထားရင်း တန်းလန်းပေါ့နော်” ဟု
ဦးစောထွေးဇော်က ပြောကြားသည်။

လွှတ်တော်သို့ တင်ပြဆွေးနွေးရာတွင် ဆောက်လုပ်ရေး
ဆိုင်ရာ ပညာရပ်အသုံးအနှုန်း ဝေါဟာရများကို ဘာသာ
ပြန်ဆိုရာတွင် အခက်အခဲများရှိနေသဖြင့် အချိန်ကြန့်ကြာမှု
များရှိနေကြောင်း သိရသည်။

“ဒီမှာတင်တဲ့အချိန်မှာလည်း ကျွန်တော်တို့က ဘာသာပြန်
ရမှာတွေနဲ့ဆိုတော့ နည်းလေးကြန့်ကြာနေတဲ့သဘော
ရှိပါတယ်။
ဒီပညာရပ်ပိုင်းဆိုင်ရာ ဝေါဟာရတွေအကုန်လုံးကို
ဘာသာပြန်ဖို့ဆိုတာလည်း အခက်အခဲနဲ့ ကြန့်ကြာတာ
တွေရှိနေတော့ ကျွန်တော်တို့က အင်ဂျင်နီယာ ကောင်စီ
လည်းရှိနေတော့ ကောင်စီရဲ့ဥပဒေအောက်ကိုပဲ
ကျွန်တော်တို့ ဒီလိုစည်းမျဉ်းတွေကို ပြဋ္ဌာန်းနိုင်တဲ့
အခွင့်အာဏာလည်း ပေးထားတာဆိုတော့ အဲဒီဘက်
ကနေ ကျွန်တော်တို့ Building Code ကို
အသက်ဝင်အောင်လုပ်ဖို့လည်း ကြိုးစားနေပါတယ်” ဟု
၎င်းက ပြောကြားသည်။

ရန်ကုန်မြို့ရှိ အရေးကြီးအဆောက်အအုံ ၆၀ ၏ မြေငလျင်
ဒဏ်ခံနိုင်ရည်ရှိမှုနှင့် ခိုင်ခံ့မှုတို့အပေါ် လေ့လာဆန်းစစ်မှုများ
ပြုလုပ်လျက်ရှိကြောင်း မြန်မာနိုင်ငံမြေငလျင်ကော်မတီမှ
သိရသည်။

(ဇေယျာငြိမ်း)

credit - The Myanmar Times &
Eleven Media Group

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0