“အပြိုင်နွှဲကြသည့် အိမ်ရာစီမံကိန်း သတင်းများ”

“အပြိုင်နွှဲကြသည့် အိမ်ရာစီမံကိန်း သတင်းများ”

(လတ်တလော အိမ်ရာ စီမံကိန်း သတင်းများကို စုစည်းပြီး
တင်ပေးလိုက်ပါတယ်။)

၁။ စတုရန်းပေက ၆၀၀ ကျော်၊ တန်ဖိုးက သိန်း ၅၀၀
ဆိုတာတောင် ဈေးကထပ်တက်နိုင်သေးတယ်လို့ဆိုလိုက်တဲ့
ရတနာဧရာဝဏ် သတင်း

“ရတနာဧရာဝဏ်စီမံကိန်း ပထမအဆင့်
အခန်းခြောက်ထောင်ကျော်ကို တစ်ခန်းလျှင် ကျပ်သိန်း ၅၀၀ ဖြင့်
ရောင်းချရန် ခန့်မှန်းထားဟုဆို”

ရတနာ ဧရာဝဏ် အိမ်ရာ စီမံကိန်း၏ ပထမအဆင့် အခန်းများကို
တစ်ခန်းလျှင် ကျပ် သိန်း ၅၀၀ ခန့်ဖြင့် ရောင်းချရန်
ကနဦး ခန့်မှန်းတွက်ချက်ထားကြောင်း မြို့ရွာနှင့် အိုးအိမ်ဖွံ့ဖြိုးမှု
ဦးစီးဌာန ညွှန်ကြားရေးမှူး ဦးမင်းထိန်က ပြောသည်။

“တန်ဖိုးကတော့ နောက်ဆုံး ဖိုင်နယ် တန်ဖိုးကို သေချာမတွက်
ရသေးဘူး။ ဒါပေမဲ့ သိန်း ၅၀၀ လောက်တော့ ကနဦးတွက်ချက်
ထားတာလေးတွေရှိတယ်” ဟု ဦးမင်းထိန်က ပြောသည်။
အခန်းတစ်ခန်းလျှင် စတုရန်းပေ ၆၀၀ ကျော် ကျယ်ဝန်းမည့်
ရတနာဧရာဝဏ်အိမ်ရာစီမံ ကိန်း၏ ပထမအဆင့်မှာ ၂၀၁၆ တွင်
ပြီးစီးမည်ဖြစ်ပြီး အခန်းပေါင်း ၆,၀၀၀ ကျော်  စတင်ရောင်းချရန်
စီစဉ်ထားသည်။

ဒဂုံဆိပ်ကမ်းမြို့နယ် ရတနာ ဧရာဝဏ်အိမ်ရာစီမံကိန်းရှိ
တိုက် အလုံးရေ ၄၉ လုံးမှ အခန်းပေါင်း ၁၉၆,၀၀၀ ထွက်ပေါ်ရန်
ရည်ရွယ်ထားရာ ပထမအဆင့် တည်ဆောက်ပြီးချိန်တွင်
အခန်းပေါင်း ၆,၀၀၀ ကျော် စတင်ရောင်းချနိုင်ရန်
စီစဉ်ခြင်းဖြစ်သည်။

၂၀၁၃ မှစတင်ခဲ့သည့် ယင်း အိမ်ရာစီမံကိန်းသည်
တည်ဆောက်ချိန် ကြာမြင့်နေ၍ အခန်းတန်ဖိုး
ထပ်မံမြင့်တက်လာမည်ကို စိုးရိမ်ကာ အမြန်ဆုံးအပြီးသတ်
ဆောက် လုပ်နိုင်ရန် ညွှန်ကြားထားကြောင်း
ဦးမင်းထိန်က ပြောသည်။

ရတနာဧရာဝဏ် အိမ်ရာကို ပုဂ္ဂလိက ကုမ္ပဏီ ၃၁ ခုက
အစိုးရ နှင့် အကျိုးတူ တည်ဆောက်နေပြီး လတ်တလောတွင်
စီမံကိန်း တစ်ခုလုံး၏ ၄၀ ရာခိုင်နှုန်းခန့် ပြီးစီးနေပြီဖြစ်သည်။

‘‘ဘဏ်ကနေ ငွေချေးပြီးတော့ အစိုးရ၀န်ထမ်းတွေကို
နှစ်ရှည်ဝယ်ခွင့်ပေးမယ်ဆိုရင်တော့ အဆင်ပြေလိမ့်မယ်။
ဒါပေမဲ့ သိန်း ၅၀၀ ဆိုတဲ့ တန်ဖိုးကတော့
အရမ်းများလွန်းတယ်”ဟု မြို့ပြရေးရာ ပင်တိုင်ဆောင်းပါးရှင်
မြင့်မိုရ်ဆွေက ဝေဖန်သည်။

ရတနာ ဧရာဝဏ် အိမ်ရာ စီမံကိန်းသည် အစိုးရသစ်
လက်ထက်တွင် ၀န်ကြီးဌာနများ တည် ဆောက်သမျှ
အိမ်ရာစီမံကိန်းများ အနက် အကြီးမားဆုံး၊ အခန်းအ ရေအတွက်
အများဆုံး စီမံကိန်း တစ်ခုဖြစ်၍ အိမ်ရာလိုအပ်နေသူများအား
ဖြည့်ဆည်းပေးနိုင်မည့် အခြေအနေ တစ်ခုဖြစ်ကြောင်း
ယင်းအိမ်ရာ စီမံကိန်းတွင် ၀င် ရောက် တည်ဆောက်နေသည့်
မြတ်မင်းဧရာ ဆောက်လုပ်ရေး ကုမ္ပဏီ မန်နေဂျင်းဒါရိုက်တာ
ဦးထွန်းမြတ်စိုးက ပြောသည်။

“စီမံကိန်းက နှစ်ရှည် စီမံ ကိန်းဖြစ်တဲ့အတွက် အခန်းတန်ဖိုး က
တစ်သမတ်တည်းသတ်မှတ်ပြီး အစိုးရဘက်က ရောင်းလို့ရမှာ
မဟုတ်ဘူး။ ဈေးကတက်ပြီးရင်း တက်လာနိုင်တယ်။
ဆောက် လုပ်စရိတ်  ကုန်ကျစရိတ်ကလည်း
ကျွန်တော်တို့ဘက်မှာ အခက်အခဲရှိတယ်” ဟု
ဦးထွန်းမြတ် စိုးက ပြောသည်။

(မိုးညို)

*****

၂။ ငွေသွင်းဖို့ လက်ရှောင်သွားကြတဲ့
တန်ဖိုးနည်း၊ တန်ဖိုးမျှတဟု ဆိုသည့် အိမ်ရာများသတင်း

“ရန်ကုန်မြို့ရှိ တန်ဖိုးနည်း၊ တန်ဖိုးမျှတအိမ်ရာများမှာ
သာမန်အိမ်ရာများနှင့် ဈေးနှုန်းကွာခြားမှုနည်း၍ ၀ယ်ယူခွင့်
ရရှိသော်လည်း ငွေလာမသွင်းသည့်အခန်းများ ရှိနေ”

ရန်ကုန်မြို့တွင် ဆောက်လုပ်ခဲ့ပြီးဖြစ်သော တန်ဖိုးနည်း၊
တန်ဖိုးမျှတဟုဆိုသည့် အိမ်ရာများမှာ သာမန်အိမ်ရာများနှင့်
ဈေးနှုန်းကွာခြားမှုနည်းပါး၍ အခန်းများမဲပေါက်၍ 
ဝယ်ယူခွင့်ရရှိခဲ့သော်လည်း ငွေလာမသွင်းနိုင်သည့်
အခန်းများရှိနေကြောင်း စုံစမ်းသိရသည်။

ပြီးခဲ့သည့် ၂၀၁၄ ခုနှစ်အတွင်းက ရန်ကုန်တိုင်းဒေသကြီး
အစိုးရအဖွဲ့ အစီအစဉ်ဖြင့် မဲနှိုက်ရောင်းချခဲ့သော
လှိုင်သာယာမြို့နယ်ရှိ ရွှေလင်ဗန်း တန်ဖိုးနည်းအိမ်ရာ၊
ဒဂုံမြို့သစ်မြောက်ပိုင်းမြို့နယ် ၄၈ ရပ်ကွက်ရှိ ဗိုလ်ဗထူး
တန်ဖိုးမျှတအိမ်ရာတို့တွင် ၀ယ်ယူခွင့်ရရှိခဲ့သော်လည်း
သတ်မှတ်ချိန်အတွင်း ငွေလာမသွင်းနိုင်သည့် အခန်းများ
ရှိနေခြင်း ဖြစ်သည်။

တန်ဖိုးနည်း၊ တန်ဖိုးမျှတအိမ်ရာများဟု ဆိုသော်လည်း
ရွှေလင်ဗန်း တန်းဖိုးနည်းအိမ်ရာအား တစ်ခန်းလျှင်
ကျပ်သိန်း ၁၁၀ နှင့် ၁၂၀ ကြား၊
ဗိုလ်ဗထူး တန်ဖိုးမျှတအိမ်ရာအား တစ်ခန်းလျှင် အနည်းဆုံး
ကျပ် ၂၃၇ သိန်းမှ ကျပ်သိန်း ၃၀၀ ကျော်အထိ ဈေးနှုန်းများဖြင့်
ရောင်းချခဲ့ခြင်းဖြစ်ပြီး သာမန်အိမ်ရာဈေးနှုန်းများနှင့် ကွာခြားမှု
နည်းပါးကြောင်း၊ ထို့အတွက် အချို့ အခန်းဝယ်ယူခွင့်ရရှိပြီးမှ
ငွေလာမသွင်းနိုင်ခြင်းဖြစ်ပြီး ယင်းအထဲတွင်အစိုးရ၀န်ထမ်းများ
ပါဝင်နေကြောင်း သိရသည်။

ထိုသို့ ငွေလာမသွင်းနိုင်သည့် အခန်းများကို ၀ယ်ယူခွင့်စာရင်းမှ
ပယ်ဖျက်သွားမည်ဖြစ်ပြီး အဆိုပါအခန်းများကို စုစည်းကာ
အခြားဝယ်ယူလိုသူများကို ပြန်လည်ရောင်းချပေးရန်
ညှိနှိုင်းနေကြောင်း ရန်ကုန်တိုင်းဒေသကြီးအစိုးရအဖွဲ့မှ
သိရသည်။

“သတ်မှတ်ချိန်အတွင်း ငွေလာမသွင်းနိုင်တဲ့ အခန်းတွေကို
ဝယ်ယူခွင့် ပယ်ဖျက်သွားပါမယ်။ အဲဒီအခန်းတွေကို အခြား
ဝယ်ချင်တဲ့သူရှိရင် တိုက်ရိုက်ရောင်းပေးမလား။ ဒါမှမဟုတ်
မဲပြန်နှိုက်ပေးမလားဆိုတာတော့ ညှိနှိုင်းနေတုန်းပါပဲ” ဟု
ရန်ကုန်တိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးက
ဆိုသည်။

ရွှေလင်ဗန်း တန်ဖိုးနည်းအိမ်ရာတွင် လက်ရှိအချိန်အထိ
အခန်းပေါင်း ၅၀၀ ကျော် ရောင်းချထားပြီး 
ဗိုလ်ဗထူး တန်ဖိုးမျှတအိမ်ရာတွင် အခန်းပေါင်း ၄၀၀ ခန့်
ရောင်းချခဲ့ပြီးဖြစ်ကြောင်းနှင့် ငွေလာရောက်မသွင်းနိုင်သည့်
အခန်းအရေအတွက် အတိအကျကိုမူ ထုတ်ပြန်ထားခြင်းမရှိပေ။

ရွှေလင်ဗန်း တန်ဖိုးနည်းအိမ်ရာသည် လှိုင်သာယာမြို့နယ်ရှိ
ရွှေလင်ဗန်းချောင်းအနီးတွင် တည်ရှိပြီး မြို့တွင်းနှင့် များစွာ
အလှမ်းဝေးကွာသည့်နေရာဖြစ်ကြောင်း၊
အလားတူ ဗိုလ်ဗထူး တန်းဖိုးမျှတအိမ်ရာသည်လည်း
ဒဂုံမြို့သစ်မြောက်ပိုင်းမြို့နယ် ၄၈ ရပ်ကွက် ဗိုလ်ဗထူး
လမ်းပေါ်တွင် တည်ရှိသဖြင့် မြို့တွင်းနှင့်များစွာ အလှမ်းဝေး
ကွာနေသည်။

သို့ဖြစ်ရာ ထိုသုိ့ ကျပ်သိန်း ၁၀၀ ကျော်၊ ၂၀၀ ကျော်၊ ၃၀၀ ကျော်
စသည့် ဈေးနှုန်းများဖြင့် ရန်ကုန်မြို့တွင်းရှိ
အခြားဆင်ခြေဖုံးမြို့နယ်များဖြစ်သော သာကေတ၊ သင်္ဃန်းကျွန်း၊
တောင်ဥက္ကလာပမြို့နယ်များ၌ပင် အသင့်အတင့်ရှိသော
ကန်ထရိုက်တစ်ခန်း ၀ယ်ယူနိုင်ကြောင်း သိရသည်။

သင်္ဃန်းကျွန်းမြို့နယ်တွင် အသင့်ဆောက်ပြီး ကန်ထရိုက်တိုက်ခန်း
တစ်ခန်းလျှင် ကျပ်သိန်း ၂၀၀ ကျော်ဖြင့်ပင် ၀ယ်ယူရရှိနိုင်ပြီး
အလားတူ တောင်ဥက္ကလာပမြို့နယ်တွင်လည်း  အဆိုပါ
ဈေးနှုန်းနီးနီးဖြင့်ပင် ရရှိပိုင်ဆိုင်နိုင်ကြောင်း အဆိုပါမြို့နယ်များတွင်
နေထိုင်သူအချို့ထံမှ သိရသည်။

ရန်ကုန်မြို့တွင် နယ်မှပြောင်းရွှေ့အခြေချသူ များပြားလာခြင်းကြောင့်
အိမ်ရာလိုအပ်ချက် မြင့်မားနေပြီး ယင်းလိုအပ်ချက်များကို
ဖြည့်ဆည်းနိုင်ရန်ဟုဆိုကာ တန်ဖိုးနည်း၊ တန်ဖိုးမျှတအိမ်ရာများကို
အကောင်အထည်ဖော်ခဲ့သော်လည်း အခြေခံပြည်သူများ
မတတ်နိုင်သည့် ဈေးနှုန်းများ ဖြစ်နေသည်။

(ကျော်ထင်)

*****
၃။ “၀င်ငွေအာမခံချက်ရှိသော ကျူးကျော်များ” အတွက်
တန်ဖိုးနည်းအိမ်ရာဟု ဆိုလိုက်သည့် သတင်း

“ကျူးကျော်များအတွက် တန်ဖိုးနည်းအိမ်ရာများ
တည်ဆောက်ပေးမည်ဟု ဆောက်လုပ်ရေး ဒုဝန်ကြီးဆို”

ကျူးကျော်များ အတွက် တန်ဖိုးနည်းအိမ်ရာများ
တည်ဆောက်ပေးမည်ဟု ဆောက်လုပ်ရေးဝန်ကြီးဌာန
ဒုတိယ၀န်ကြီး ဦးစိုးတင့်က ပြော သည်။

လက်ရှိတည်ဆောက်နေ သော တန်ဖိုးနည်းအိမ်ရာများ ထက်
ဈေးနှုန်းပိုသက်သာသည့် နှုန်းများဖြင့် ကျူးကျော်များအတွက်
တည်ဆောက်ပေးမည်ဟု စက်တင်ဘာ ၂၉ ရက်က
ဆောက်လုပ်ရေးဝန်ကြီးဌာနတွင် ပြုလုပ်သည့်
သတင်းစာရှင်းလင်းပွဲ၌ ဒုဝန်ကြီးကပြောကြားသည်။

“ဘယ်လိုမျိုး ကျူးကျော်မျိုး စုံဖြစ်ပါစေ။ ကျွန်တော်တို့က
ဒီ ကျူးကျော်တဲ့ အိမ်ရာတွေကို သူ တို့ကျူးကျော်နေတဲ့
နေရာတွေမှာ ကျွန်တော်တို့က စနစ်တကျရွှေ့ပြောင်းပေးပါမယ်။
ရွှေ့ပြောင်းပြီး အဲဒီနေရာတွေမှာ တန်ဖိုးအနည်း ဆုံးအိမ်ရာတွေ
တည်ဆောက်ပါ မယ်။ ဆောက်ပြီးလို့ရှိရင် သူတို့ ကို ပြန်ပြီးတော့
နေရာချထားပေး မှာဖြစ်ပါတယ်”ဟု ဦးစိုးတင့်က ပြောသည်။

ဒုဝန်ကြီးက အိမ်ရာတည် ဆောက်ပေးမည်ဟု ဆိုသော်လည်း
အခန်းအရေအတွက်မည် မျှဖော်ဆောင်ပေးမည်ကို ပြောကြား
သွားခြင်းမရှိဘဲ ကျူးကျော် များ နေထိုင်သည့် နေရာဒေသ
အလိုက် အရေအတွက်နှင့် မြေနေရာ အကျယ်အ၀န်းပေါ်
မူတည်ပြီး တန်ဖိုးနည်းအိမ်ရာများ တည်ဆောက်ကာ
ပြန်လည်နေရာချ ပေးမည်ဟု ၀န်ကြီးကဆိုသည်။

“ဒါတွေကိုလည်း ကျွန်တော်တို့ ဘဏ်မှာ အရစ်ကျစနစ်နဲ့ပဲ
လုပ်ပေးမှာပါ။ ကျွန်တော်တို့က ၂၀ ရာခိုင်နှုန်းမတည်ပေးရမယ်။
ဘဏ်နဲ့ တစ်ဆင့်ချိတ်ပြီးလုပ်မှာ ဖြစ်တဲ့အတွက်
သူ့ဝင်ငွေအာမခံချက်ကိုလည်း တစ်ယောက်ယောက်က
ထောက်ခံပြီးတော့ အာမခံပေးရမှာ ဖြစ်ပါတယ်။ မဟုတ်ရင်
ငွေအရစ်ကျပြန်မသွင်း နိုင်မှာစိုးလို့ ထောက်ခံချက်တော့
လိုတာပေါ့” ဟု ဦးစိုးတင့်ကပြော ကြားသည်။

ကျူးကျော်များအတွက် တန်ဖိုးနည်းအိမ်ရာစီမံကိန်းကို
စတင်နေပြီဖြစ်သော်လည်း လက်ရှိတွင် ရွေးကောက်ပွဲကာလ
ရောက်နေ သည့်အတွက် စီမံကိန်းများ ရပ်နားထားပြီး
ရွေးကောက်ပွဲပြီး နောက် စီမံကိန်းလုပ်ငန်းများကို ဆက်လက်
ဆောင်ရွက်မည်ဟု သိရသည်။

ဆောက်လုပ်ရေးဝန်ကြီး ဌာနက လက်ရှိအစိုးရလက်ထက်တွင်
အခန်းပေါင်း ၅၇,၀၀၀ ကျော် တည်ဆောက်ရန် စီစဉ်ထားပြီး
၃၈,၀၀၀ ကျော်ကို တည်ဆောက်ပြီးဖြစ်ကြောင်းနှင့်
၁၉,၀၀၀ ကျော်ကို ယခုနှစ်အတွင်း ဆက်လက်
တည် ဆောက်ရန် စီစဉ်ထားကြောင်း
ဆောက်လုပ်ရေးဝန်ကြီးဌာနက ဆိုသည်။

(နန်းအောင်)

credit - 7day daily & Eleven Media Group