“မြန်မာနိုင်ငံ ရင်းနှီးမြှုပ်နှံမှုဥပဒေသစ်နှင့် အတူ”

“မြန်မာနိုင်ငံ ရင်းနှီးမြှုပ်နှံမှုဥပဒေသစ်နှင့် အတူ”

၁။ "စီးပွားရေးလုပ်ငန်းများကို လာမည့် ဇန်န၀ါရီ ၁ ရက်မှ
စ၍ ရင်းနှီးမြှုပ်နှံမှု ဥပဒေသစ်ဖြင့် ခွင့်ပြုတော့မည်"

စီးပွားရေးလုပ်ကိုင်မှု အဆိုပြုလွှာ တင်သွင်းခြင်းကို
၂၀၁၇ ခုနှစ်၊ ဇန်န၀ါရီ ၁ ရက်မှစတင်ကာ အသစ်ထုတ်ပြန်
ထားသော မြန်မာနိုင်ငံ ရင်းနှီးမြှုပ်နှံမှု ဥပဒေသစ်ပါ
အချက်အလက်များဖြင့် အတည်ပြု လုပ်ဆောင်တော့မည်
ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု
ဦးစီးဌာနDICA ညွှန်ကြားရေးမှူးချုပ် ဦးအောင်နိုင်ဦးက
ပြောသည်။

သို့ရာတွင် မြန်မာနိုင်ငံသားများ ရင်းနှီးမြှုပ်နှံမှုနှင့်
နိုင်ငံခြားသား ရင်းနှီးမြှုပ်နှံမှု ဥပဒေပါ ပြဋ္ဌာန်းချက်များဖြင့်
အဆိုပြုလွှာတင်သွင်းလိုသူများကို ယခု ၂၀၁၆ ခုနှစ်၊
ဒီဇင်ဘာ ၃၁ ရက်အထိ နောက်ဆုံးထား လက်ခံပေးသွားရန်
ဆောင်ရွက်ထားသည်ဟုလည်း ၎င်းက ပြောသည်။

ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာန DICA ရုံး
တွင် ဒီဇင်ဘာ ၁၉ ရက်ကသတင်းစာရှင်းလင်းပွဲ တစ်ရပ်ကို
ပြုလုပ်ခဲ့ကာ ဦးအောင်နိုင်ဦးက ပြောခဲ့ခြင်းဖြစ်သည်။

"ဥပဒေဟောင်းနှစ်ခုပါ ပြဋ္ဌာန်းချက်တွေနဲ့ အဆိုတင်သွင်းမယ့်
ရင်းနှီးမြှုပ်နှံမှုတွေကို ဒီဇင်ဘာ ၃၁ ရက်အထိ လက်ခံပြီး စိစစ်
ပေးသွားမှာ ဖြစ်ပါတယ်။ ခွင့်ပြုချက်တွေကိုလည်း အဲဒီဥပဒေ
ဟောင်းနှစ်ခုပါ ပြဋ္ဌာန်းချက်တွေနဲ့ စိစစ်သွားမှာပါ။ ဒါပေမဲ့
ဇန်န၀ါရီ ၁ ရက်က စပြီး ဥပဒေဟောင်းနှစ်ခုနဲ့ တင်သွင်းတဲ့
အဆိုပြုလွှာတွေကို လက်ခံတော့မှာ မဟုတ်ပါဘူး။
ဥပဒေသစ်ပါ ပြဋ္ဌာန်းချက်တွေနဲ့ ဆောင်ရွက်သွားတော့မှာ
ဖြစ်ပါတယ်"ဟု ဦးအောင်နိုင်ဦးက ပြောသည်။

လက်ရှိတွင် မြန်မာနိုင်ငံသား ရင်းနှီးမြှုပ်နှံမှု ဥပဒေနှင့်
နိုင်ငံခြားသား ရင်းနှီးမြှုပ်နှံမှု ဥပဒေနှစ်ခုတွင် မြန်မာနိုင်ငံ
ရင်းနှီးမြှုပ်နှံမှု ကော်မရှင်၏ ခွင့်ပြုချက်ဖြင့် လုပ်ကိုင်ပါက
မည်သည့်လုပ်ငန်းကိုမဆို ၀င်ငွေခွန် ကင်းလွတ်ခွင့် ငါးနှစ်
ခံစားခွင့်ပြုထားသည်။

ကုန်ထုတ်လုပ်ငန်းများဖြစ်ပါက ထုတ်လုပ်သည့် ကုန်စည်များ
ကို ပြည်ပသို့တင်ပို့ရာတွင် ရရှိသည့် အမြတ်ငွေအပေါ်တွင်
ဝင်ငွေခွန် ၅၀ ရာခိုင်နှုန်း ထပ်မံ ခံစားခွင့်နှင့် လုပ်ငန်းစတင်
လည်ပတ်ချိန်မှ ကနဦးသုံးနှစ်အတွင်း တင်သွင်းသည့်
ကုန်ကြမ်းပစ္စည်းများ အပေါ်တွင် အကောက်ခွန်နှင့်ပြည်တွင်း
အကောက်ခွန် နှစ်မျိုးစလုံးအား ကင်းလွတ်ခွင့် ပြုထားသည်။

ထို့ပြင် လုပ်ငန်းများသည် စတင် လည်ပတ်စဉ်မှာ
အမှန်တကယ် အရှုံးပေါ်ပေါက်ပါက၎င်း အရှုံးငွေများကို
သုံးနှစ်အထိ သယ်ယူခုနှိမ်ခွင့်များကိုလည်း ခွင့်ပြုထားသည်။
သို့ရာတွင် ၎င်းဥပဒေနှစ်ရပ်အား ပေါင်းစည်းကာ ဥပဒေတစ်ခု
တည်းအဖြစ် အသစ်ပြဋ္ဌာန်းလိုက်သည့် မြန်မာနိုင်ငံ ရင်းနှီး
မြှုပ်နှံမှု ဥပဒေတွင် သက်သာခံစားခွင့်များကို ပြင်ဆင်
ပြဋ္ဌာန်းထားသည်။

ထိုကဲ့သို့ ပြင်ဆင်ချက် အသစ်များအဖြစ် ၀င်ငွေခွန်ကင်းလွတ်
ခံစားခွင့်များကို
- ဇုန်(၁)အတွင်းပါဝင်သည့် လုပ်ငန်းများအား ခံစားခွင့်
ခုနစ်နှစ် ဆက်တိုက်၊
- ဇုန်(၂)အတွင်း ပါဝင်သည့်လုပ်ငန်းများအား ခံစားခွင့်
ငါးနှစ်ဆက်တိုက်နှင့်
- ဇုန် (၃)အတွင်းပါဝင်သည့် လုပ်ငန်းများအားခံစားခွင့်
သုံးနှစ်ဆက်တိုက်ဖြင့် ခံစားခွင့်ရှိသည်ဟု ပြဋ္ဌာန်းထားသည်။

ထိုကဲ့သို့ ဇုန်အလိုက် ခံစားခွင့်ပြုရာတွင်လည်း ရင်းနှီးမြှုပ်နှံမှု
ကော်မရှင် DICA ကသီးခြား ထုတ်ပြန် သတ်မှတ်ထားသည့်
လုပ်ငန်းများတွင် ၀င်ရောက်မြှုပ်နှံသည့်လုပ်ငန်းကဏ္ဍကို
သာ ခံစားခွင့်ပေးရေးအတွက်လည်း ထည့်သွင်း
ပြဋ္ဌာန်းထားခြင်း ဖြစ်သည်။

သို့ရာတွင် နိုင်ငံသားပိုင် စီးပွားရေးလုပ်ငန်းများကိုမူ လုပ်ငန်း
လုပ်ကိုင်သည့် ဒေသနှင့်စီးပွားရေးလုပ်ငန်း အမျိုးအစား
အလိုက် အထူး ကင်းလွတ်သက်သာခွင့်၊ သို့မဟုတ် ပိုမို
သာလွန်သည့် ကင်းလွတ် သက်သာခွင့်များအဖြစ် အစိုးရ
အဖွဲ့ ခွင့်ပြုပေးနိုင်ရန်အတွက်လည်း ပြဋ္ဌာန်းထားသည်။

ထို့အတူ လုပ်ငန်းအမျိုးအစားအလိုက် ကုန်ကြမ်းပစ္စည်း
တင်သွင်းမှုများတွင်လည်းလုပ်ငန်းအမျိုးအစားအလိုက်
အကောက်အခွန်ကင်းလွတ်ခွင့်၊ အကောက်ခွန်နှင့်
ပြည်တွင်းအခွန် နှစ်ရပ်စလုံး ကင်းလွတ်ခွင့်ရရှိရန်
ပြဋ္ဌာန်းထားသည်။

"ရင်းနှီးမြှုပ်နှံမှုဇုန် သတ်မှတ်တာနဲ့ အထောက်အပံ့ပေးမယ့်
စီးပွားရေးလုပ်ငန်းအမျိုးအစားသတ်မှတ်တာတွေကို လာမယ့်
၂၀၁၇ ခုနှစ်၊ ဇန်န၀ါရီလထဲမှာ ထုတ်ပြန်သွား ပေးမှာ
ဖြစ်ပါတယ်"ဟုဦးအောင်နိုင်ဦးက ဆက်လက်ပြောသည်။

လက်ရှိတွင် မြန်မာနိုင်ငံ ရင်းနှီးမြှုပ်နှံမှုကော်မရှင်၌ ဥပဒေ
ဟောင်း နှစ်ရပ်ပါ ပြဋ္ဌာန်းချက်များဖြင့် ခွင့်ပြုပေးနိုင်ရန်
တင်သွင်းထားသည့်လုပ်ငန်းအဆိုပြုလွှာ ၅၂ စောင်ကျန်ရှိ
နေဆဲဖြစ်သည်ဟု ဦးအောင်နိုင်ဦးက ဆက်လက်ပြောသည်။

အဆိုပါ လုပ်ငန်းအဆိုပြုလွှာများအပြင် ဒီဇင်ဘာ ၃၁ ရက်
အတွင်း တင်ပြလာသည့်လုပ်ငန်းအဆိုပြုလွှာများ အားလုံး
ကိုလည်း ဥပဒေဟောင်းနှစ်ရပ်ပါ ပြဋ္ဌာန်းချက်များဖြင့် စိစစ်
ခွင့်ပြုပေးသွားမည် ဖြစ်သည်ဟုလည်း ၎င်းက ပြောသည်။

သို့ဖြစ်ရာ ၁၉၈၈ ခုနှစ်မှ လက်ရှိ ၂၀၁၆ ခုနှစ်၊ နိုဝင်ဘာလ
အထိတွင် နိုင်ငံခြား ရင်းနှီးမြှုပ်နှံမှုဥပဒေဖြင့် ခွင့်ပြုခဲ့သည့်
လုပ်ငန်း ပေါင်း ၁,၁၇၉ ခု ရှိခဲ့ပြီး ရင်းနှီးမြှပ်နှံမှုပမာဏ
၆၇ ဘီလျံ ရှိထားသည်။

ထို့အတူ မြန်မာနိုင်ငံသား ရင်းနှီးမြှုပ်နှံမှုဥပဒေဖြင့် ခွင့်ပြုခဲ့
သည့်လုပ်ငန်းပေါင်း ၁,၂၂၃ ခု ရှိပြီး ကန်ဒေါ်လာ
၈ ဒသမ ၃၀၅ ဘီလျံနှင့် ကျပ်ငွေ
၁၂,၃၅၇ ဒသမ ၆၄၈ ဘီလျံကျော် ရှိသည်။

(ထင်လင်းအောင်)

***
၂။ "၂၀၁၇ မှာ ဘယ်နိုင်ငံတွေက ဘယ်လောက်လာပြီး
ရင်းနှီးမြှုပ်နှံကြမလဲ"

လာမယ့် ၂၀၁၇ ခုနှစ်ဟာ အရပ်သား အစိုးရအတွက် စီးပွားရေး
ပြုပြင်ပြောင်းလဲမှုကို အဓိကလုပ်ဆောင်ရမယ့် နှစ်လို့
ပညာရှင် အချို့က သုံးသပ်ကြပါတယ်။

အစိုးရဟာ လာမယ့်နှစ်ဆန်းပိုင်းမှာ ရင်းနှီးမြှုပ်နှံမှုနည်းဥပဒေကို
ပြဋ္ဌာန်းဖို့ ရှိနေပါတယ်။

ဒါကြောင့် လာမယ့်နှစ်မှာ ဘယ်နိုင်ငံတွေကနေ ဘယ်လိုရင်းနှီး
မြှုပ်နှံမှုတွေ ဝင်လာမယ်ဆိုတာ ပညာရှင်အချို့ကို
မေးမြန်းထားပါတယ်။

ဂျပန်
------

ဂျပန်နိုင်ငံက ရင်းနှီးမြှုပ်နှံမှုတွေ အများဆုံးဝင်ရောက်လာမယ်လို့
စီးပွားရေးပညာရှင်အချို့က သုံးသပ်ပါတယ်။

အကြောင်းရင်းကတော့ သီလဝါ အထူးစီးပွားရေးဇုန်စီမံကိန်းနဲ့
ဆက်စပ်နေတဲ့ လုပ်ငန်းတွေကြောင့်ပါ။

ဂျပန်နိုင်ငံက  အကြီးစားစက်ရုံတွေ တည်ဆောက်တဲ့ နေရာတွေ၊
အကြီးစား ဆိပ်ကမ်းတွေ၊ လမ်း၊ တံတားဆက်သွယ်ရေးတွေ
နေရာမှာ ရင်းနှီးမြှုပ်နှံမှု ပိုမို လုပ်လာမယ်လို့ ပညာရှင်တွေက
ခန့်မှန်းပါတယ်။

လက်ရှိ မြန်မာနိုင်ငံမှာ အများဆုံး ရင်းနှီးမြှုပ်နှံနေတာက
စင်ကာပူဖြစ်ပြီး ဒုတိယအများဆုံးက တရုတ်နိုင်ငံဖြစ်ပါတယ်။

မြန်မာနိုင်ငံအတွင်း ရင်းနှီး မြှုပ်နှံမှုဝင်ရောက်လာတဲ့အခါ မိမိ
နိုင်ငံအတွင်းမှ ကုန်ကြမ်းကို အသုံးပြုပြီး ကုန်ချောထုတ်မယ့်
ရင်းနှီးမြှုပ်နှံမှုမျိုးကို ပိုမိုမျှော်လင့်သင့်တယ်လို့ စီးပွားရေး
ပညာရှင်အချို့ က ပြောပါတယ်။

မြန်မာနိုင်ငံဟာ ပို့ကုန်ထက် သွင်းကုန်ပိုမို များပြားနေတဲ့
အတွက် စီးပွားရေးအခြေအနေ လျော့နည်းခဲ့ရပါတယ်။

မြန်မာနိုင်ငံအတွင်း ဝင်ရောက်လာတဲ့ရင်းနှီး မြှုပ်နှံမှု လုပ်ငန်း
တွေမှာလည်း သယံဇာတနဲ့ စက်ရုံလုပ်ငန်းမျိုးစုံ သာ
ဝင်ရောက်မှုများနေတယ်လို့ သုံးသပ်ကြပါတယ်။

ဂျပန်နိုင်ငံဟာ၂၀၁၆ ခုနှစ်မှာ အကြီးမားဆုံးရင်းနှီးမြှုပ်နှံမှု
ကတော့ သီလဝါအထူးစီးပွားရေးဇုန် ဖြစ်ပြီး အိမ်ခြံမြေကုမဏီ၊
စားသောက်ကုန်ကုမဏီတွေ၊ ငွေကြေးချေးငှားပေးတဲ့ကုမဏီ
တွေအတွက် ရင်းနှီးမြှုပ်နှံမှုတွေ ပြု လုပ်ခဲ့တယ်လို့
သိရပါတယ်။

ဂျပန်နိုင်ငံဟာ ၂၀၁၅- ၂၀၁၆ ခုနှစ်မှာ အမေရိကန်ဒေါ်လာ
၂၁၉.၇၉၃ သန်း ရင်းနှီးမြှုပ်နှံထားတယ်လို့ သိရပါတယ်။

စင်ကာပူ
----------

၂၀၁၇ ခုနှစ်မှာ စင်ကာပူနိုင်ငံ က မြန်မာနိုင်ငံကို စက်ပစ္စည်းနဲ့
ပတ်သက်တဲ့ရင်းနှီးမြှုပ်နှံမှုနဲ့ ကမ်းလွန် ရေနံတူးဖော်တဲ့စက်
တွေ ထုတ်လုပ်တဲ့စက်ရုံခွဲ လာရောက် ဖွင့်လှစ်နိုင်တယ်လို့
စီးပွားရေး ပညာရှင် ဦးလှမောင်က ပြောပါ တယ်။

မြန်မာနိုင်ငံမှာလည်း ကမ်းလွန်ရေနံတွင်းတွေရှိပေမဲ့ တူးဖော်
်တဲ့ပစ္စည်းတွေကိုတော့ တခြားနိုင်ငံက ဝယ်ယူသုံးစွဲ ကြရပါ
တယ်။ အဲသည်ရင်းနှီးမြှုပ်နှံမှုမျိုး ဝင်ရောက်လာရင်
မြန်မာနိုင်ငံမှာ တစ်နှစ်ပတ်လုံး အလုပ်အကိုင်ရှိလာနိုင်
တယ်လို့ သုံးသပ်ကြပါတယ်။

၂၀၁၅-၂၀၁၆ ဘဏ္ဍာနှစ် ရင်းနှီးမြှုပ်နှံမှုပမာဏမှာ အမေရိကန်
ဒေါ်လာ လေးဘီလျံရှိပြီး ၂၀၁၆-၂၀၁၇ နိုဝင်ဘာလအထိ
အမေရိကန်ဒေါ်လာ နှစ်ဘီလျံ ရှိတယ်လို့ သိရပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က
ဒီဇင်ဘာ ပထမပတ်မှာ စင်ကာပူနိုင်ငံကို ချစ်ကြည်ရေးခရီးစဉ်
သွားရောက်ချိန်က စင်ကာပူနိုင်ငံက ရင်းနှီးမြှုပ်နှံသူတွေနဲ့
တွေ့ဆုံခဲ့ပါ တယ်။

စင်ကာပူနိုင်ငံကအိမ်ခြံမြေ ဖွံ့ဖြိုးတိုးတက်ရေး ကဏ္ဍတွေမှာ
အဓိကထားမြှုပ်နှံထားပေမဲ့ ရင်းနှီး မြှုပ်နှံမှုတွေ ပိုမိုတိုးတက်ဖို့
ဆိုရင် နိုင်ငံခြားရင်းနှီးမြှုပ်နှံမှု နည်းဥပဒေကို စောင့်ဆိုင်း
နေတယ်လို့ ပြော ဆိုထားပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့
တောင်းဆိုချက်အရ စင်ကာပူနိုင်ငံဟာ မြန်မာနိုင်ငံမှာ
အသက်မွေးဝမ်းကျောင်းလုပ်ငန်းဆိုင်ရာ သင်တန်းကျောင်း
တွေ၊ မြန်မာလုပ်သားတွေအတွက် အရည်အသွေးမြှင့်တင်
ရေးဆိုင်ရာ သင်တန်းကျောင်းတွေအတွက် ရင်းနှီးမြှုပ်နှံ
လိမ့်မယ်လို့ သုံးသပ်ထားပါတယ်။

တရုတ်နိုင်ငံ
--------------

၂၀၁၇ ခုနှစ်မှာ တရုတ်နိုင်ငံက သူ့ရဲ့ပိုးလမ်းမ မဟာဗျူဟာကျ
စီမံကိန်းကို အရှိန်အဟုန်မြှင့်ပြီး ဆောင်ရွက်မှာဖြစ်လို့ မြန်မာ
နိုင်ငံဟာ ဖွံ့ဖြိုးရေးဆိုင်ရာ စီမံကိန်းတွေကို လက်ခံရရှိမှာ
ဖြစ်တယ်လို့ သုံးသပ်ပါတယ်။

တရုတ်နိုင်ငံက ကျောက်ဖြူ ရေနက်ဆိပ်ကမ်းနဲ့ အထူးစီးပွားရေး
ဇုန်မှာ ရင်းနှီးမြှုပ်နှံထားပါတယ်။ ပိုးလမ်း မဟာဗျူဟာအရ
လာမယ့်နှစ်မှာ မြန်မာနိုင်ငံနဲ့ ဆက်စပ်နေတဲ့ ဖွံ့ဖြိုးမှုဆိုင်ရာ
ရင်းနှီးမြှုပ်နှံမှုတွေကို အရှိန်အဟုန်မြှင့် လုပ်ဆောင်
တော့မယ်လို့ ပညာရှင် အချို့က သုံးသပ်ထားပါတယ်။

မကြာသေးခင်ကပဲ ပိုးလမ်းမရဲ့စီမံကိန်းတစ်ခုဖြစ်တဲ့
ကျည်ဆန် ရထားစီမံကိန်းကို မြန်မာနိုင်ငံအတွင်းမှာ
လာမယ့်နှစ်မှာ အကောင်အထည်ဖော်ဖို့ရှိတယ်လို့ တရုတ်
သတင်းမီဒီယာတွေက ရေးသားထားပါတယ်။

ပိုးလမ်းမကြီးကို ဖောက်လုပ်ဖို့ အစီအစဉ်ရှိတဲ့အတွက်
မြန်မာနိုင်ငံက ကြားခံနိုင်ငံဖြစ်လာတဲ့အခါ ရင်းနှီးမြှုပ်နှံမှု
ပိုမိုရလာနိုင်တယ်လို့ စီးပွားရေးပညာရှင် ဦးလှမောင်က
ပြောပါတယ်။

တရုတ်နိုင်ငံဟာ မြန်မာနိုင်ငံမှာဒုတိယအများဆုံး
ရင်းနှီးမြှုပ်နှံမှု ပြုလုပ်တဲ့ နိုင်ငံဖြစ်ပါတယ်။ မြန်မာနိုင်ငံ ရေနံနဲ့
သဘာဝဓာတ်ငွေ့ကဏ္ဍမှာ အများဆုံး ရင်းနှီးမြှုပ်နှံ
ထားပါတယ်။

၂၀၁၇ မှာ တရုတ်နိုင်ငံက ဖုန်းဟန်းဆက်စက်ရုံတွေ
မြန်မာနိုင်ငံမှာ စက်ရုံခွဲဖွင့်ပြီး ရင်းနှီးမြှုပ်နှံလာနိုင်တယ်လို့
သုံးသပ်ကြပါတယ်။

၂၀၁၅-၂၀၁၆ ဘဏ္ဍာနှစ်မှာ တရုတ်နိုင်ငံရဲ့ရင်းနှီးမြှုပ်နှံမှု
ပမာဏက အမေရိကန်ဒေါ်လာ ၃.၃ ဘီလျံရှိတယ်။

၂၀၁၆-၂၀၁၇ ဘဏ္ဍာနှစ် (နိုဝင်ဘာလအထိ) ရင်းနှီးမြှုပ်နှံမှု
ပမာဏမှာ အမေရိကန် ဒေါ်လာ ဝ.၄ ဘီလျံရှိတယ်လို့
သိရပါတယ်။

လာမယ့်နှစ်မှာ တရုတ်နိုင်ငံဟာ မြစ်ဆုံစီမံကိန်းနဲ့ပတ်သက်လို့
အပြီးသတ်ဆုံးဖြတ်ချက်တစ်ခုကိုချဖို့ အစိုးရကို တွန်းအား
ပေးနိုင်ပါတယ်။ တိုက်ပွဲဖြစ်ပွားတဲ့ရှမ်းပြည်နယ် မြာက်ပိုင်း
တစ်ကြောက မြန်မာ- တရုတ်ရေနံပိုက်လိုင်း စီမံကိန်းရဲ့
လုံခြုံရေးအတွက်လည်း အစိုးရနဲ့ အထူးအလေးပေး
ဆွေးနွေးလုပ်ဆောင်မယ်လို့ ခန့်မှန်းထားကြပါတယ်။

ထိုင်းနိုင်ငံ
-----------

မြန်မာနိုင်ငံမှာ လက်ရှိလုပ်ကိုင်နေတဲ့ ရင်းနှီးမြှုပ်နှံမှုက
သဘာဝဓာတ်ငွေ့ထုတ်လုပ်မှုဖြစ် တယ်။ ၂၀၁၆-၂၀၁၇
(နိုဝင်ဘာလအထိ) ရင်းနှီးမြှုပ်နှံမှုတတိယအများဆုံးဖြစ်ပြီး
ရင်းနှီးမြှုပ်နှံမှုမှာ ဒေါ်လာ ဝ.၁ ဘီလျံရှိပါတယ်။

လာမယ့် ၂၀၁၇ ခုနှစ်မှာ လည်း သဘာဝဓာတ်ငွေ့ထုတ်လုပ်မှု
ကိုသာ ဦးစားပေးလုပ်ဆောင်မှာဖြစ်တယ်လို့ ခန့်မှန်းထားကြပါ
တယ်။ ဒါ့အပြင် ထိုင်းနိုင်ငံက အလှကုန်ထုတ်လုပ်ရေး လုပ်ငန်း
တွေဟာ  အခုနှစ်မှာ ဈေးကွက်ကို စမ်းသပ်လေ့လာခဲ့ပြီး
လာမယ့် နှစ်ထဲမှာ အမှန်တကယ် ရင်းနှီးမြှုပ်နှံမှုတွေ
ပြုလုပ်လိမ့်မယ်လို့ ခန့်မှန်း ထားပါတယ်။

အဝတ်အထည်လုပ်ငန်းတွေ၊ စားသောက်ကုန်လုပ်ငန်းတွေ
အပြင် ခရီးသွားလုပ်ငန်းတွေ မြှင့်တင်ရေးကုမဏီတွေလည်း
မြန်မာနိုင်ငံဘက်ကို ၂၀၁၇ခုနှစ်မှာ ခြေဦးချလာမယ်လို့
ထိုင်းသတင်းစာတွေက ရေးသားထားပါတယ်။

ဥရောပ
----------

ဖွံ့ဖြိုးစနိုင်ငံတွေဆီက စိုက်ပျိုးရေးထွက်ကုန်တွေကို ဥရာပနိုင်ငံ
တွေက အလေးပေး ဝယ်ယူလေ့ရှိတာကြောင့် လာမယ့်နှစ်မှာ
မြန်မာနိုင်ငံမှာ organic farming တွေ စိုက်ပျိုးနိုင်ဖို့ လာရောက်
ရင်းနှီးမြှုပ်နှံနိုင်တယ်လို့ ပညာရှင် အချို့က ခန့်မှန်းထားပါတယ်။

မြန်မာနိုင်ငံကို ခပ်သွက်သွက် လာရောက်တာကတော့ ဗြိတိန်နဲ့
ဂျာမနီနိုင်ငံတွေဖြစ်ပြီး မြန်မာ့စိုက်ပျိုးရေးကဏ္ဍ တိုးတက်ဖို့ကို
လည်း ဂျာမနီနိုင်ငံက အကူအညီတွေ ပေးနေပါတယ်။

ဗြိတိန်နိုင်ငံကတော့ ရေနံနဲ့ သဘာဝဓာတ်ငွေ့ကဏ္ဍကို မျက်စိ
ကျနေတယ်။ ၂၀၁၆ခုနှစ်အတွင်းမှာ နာမည်ကျော် ကုမဏီ
တွေက ရင်းနှီးမြှုပ်နှံမှု ပြုလုပ်ပြီးဖြစ်လို့ ဝင်ရောက်လာမယ့်
ကဏ္ဍသစ်ကို ခန့်မှန်းရခက်နေဆဲ ဖြစ်ပါတယ်။

ဂျာမနီနိုင်ငံဟာ မြန်မာနိုင်ငံမှာ ၂၀၁၆-၂၀၁၇ (နိုဝင်ဘာလ)
အထိ အမေရိကန်ဒေါ်လာ ၁.၁၅၃ သန်း ရင်းနှီး
မြှုပ်နှံထားပါတယ်။

အမေရိကန်
--------------

အမေရိကန်နိုင်ငံဟာ လာမယ့်နှစ်မှာ စွမ်းအင်ကဏ္ဍနဲ့ ဥပဒေ
ဆိုင်ရာအကြံပေး လုပ်ငန်းတွေမှာ လာရောက်ရင်းနှီးမြှုပ်နှံ
လိမ့်မယ်လို့ US- Myanmar Investement အဖွဲ့က
ခန့်မှန်းထားပါတယ်။

အမေရိကန်နိုင်ငံဟာလည်း စီးပွားရေးပိတ်ဆို့မှုတွေ ဖယ်ရှား
လိုက်ကတည်းက ရင်းနှီးမြှုပ်နှံဖို့ စောင့်ကြည့်နေပြီး  နိုင်ငံခြား
ရင်းနှီး မြှုပ်နှံမှုနဲ့ပတ်သက်တဲ့ ဥပဒေတွေ နည်းဥပဒေတွေကို
စောင့်ဆိုင်းနေတာ ဖြစ်ပါတယ်။

အမေရိကန်ကုန်သည်ကြီး များအဖွဲ့က လာမယ့်နှစ်မှာ
ပင်လယ်ရေကြောင်း ကုန်သွယ်ရေး လုပ်ငန်းတွေမှာ 
အဓိကထား ရင်းနှီးမြှုပ်နှံလိမ့်မယ်လို့ ခန့်မှန်းထားပါ တယ်။

အမေရိကန်ရဲ့ပီဇာကုမဏီတွေ၊  အချိုရည်ကုမဏီတွေ၊
ကြက်ကြော်စတဲ့ စားသောက်ကုန် ကုမဏီတွေကတော့
၂၀၁၆ခုနှစ် မှာ အ များဆုံးဝင်ရောက်ခဲ့တယ်။

ကြီးမားတဲ့ ရင်းနှီးမြှုပ်နှံမှုကြီးတွေကတော့ ၂၀၁၇ ခုနှစ်မှာ
လာရောက် လိမ့်မယ်လို့ ဆိုပါတယ်။ အမေရိကန်ဟာ
၂၀၁၅-၂၀၁၆ ဘဏ္ဍာ ရေးနှစ်မှာ အမေရိကန်ဒေါ်လာ
၂.၆၁၀ဘီလျံကျော် ရင်းနှီးမြှုပ်နှံခဲ့တယ်လို့ သိရပါတယ်။

အိန္ဒိယ
--------

အိန္ဒိယနိုင်ငံဟာ လာမယ့်နှစ်မှာ အိန္ဒိယ-ထိုင်း-မြန်မာ
သုံးနိုင်ငံ လမ်းမကြီး စတင်အသက်ဝင်ဖို့ ရှိတာကြောင့်
မြန်မာနိုင်ငံမှာ သယ်ယူပို့ဆောင်ရေးနဲ့ ပတ်သက်တဲ့
လုပ်ငန်းတွေ၊ ဝန်ဆောင်မှုဆိုင်ရာ လုပ်ငန်းတွေ၊ အခြေခံ
အဆောက် အအုံဆိုင်ရာ လုပ်ငန်းတွေမှာ ရင်းနှီးမြှုပ်နှံမှု
ပြုလုပ်ပါလိမ့်မယ်။

အိန္ဒိယနိုင်ငံက လက်ရှိမှာ မြန် မာနိုင်ငံကို TATA
မော်တော်ကား ကုမဏီ ရင်းနှီးမြှုပ်နှံမှုသာရှိပြီး မြန်မာနိုင်ငံမှာ
လမ်းပန်းဆက်သွယ်ရေး အဆင်ပြေလာတဲ့အခါ ရင်းနှီး
မြှုပ်နှံမှုတွေ ပိုမိုဝင်ရောက်လာနိုင်တယ်လို့
ခန့်မှန်းထားပါတယ်။

တကယ်တော့ အိန္ဒိယနိုင်ငံရဲ့ စီမံကိန်းအကောင်အထည်
ဖော် တဲ့ လုပ်ငန်းစဉ်တွေဟာ ၂၀၁၆ ခုနှစ်မှာ ရပ်နားထား
ရပေမဲ့ တရုတ်နဲ့ အပြိုင် ကျောက်ဖြူရေနက်ဆိပ်ကမ်းမှာ
စက်မှုဇုန်တစ်ခုဆောက်ဖို့ ရှိပါ တယ်။

ဒါ့အပြင် လာမယ့်နှစ်မှာ အိန္ဒိ ယရဲ့ မဟာဗျူဟာ စီမံကိန်း
ဖြစ်တဲ့ စက်မှုဇုန်လုပ်ငန်း အကောင်အထည်ဖော်မှာဖြစ်တဲ့
အပြင် အိန္ဒိ ယ-မြန်မာ-ဘင်္ဂလားဒေ့ရှ် ရေနံ ပိုက်လိုင်းစီမံကိန်း
က  မြန်မာနိုင်ငံမှာ အလုပ်အကိုင်အခွင့်အလမ်းတွေ
ထောင်နဲ့ချီပြီး ဖန်တီးပေးနိုင် လိမ့်မယ်လို့
ပညာရှင်အချို့က ခန့် မှန်းထားပါတယ်။

အိန္ဒိယနိုင်ငံက ၂၀၁၅-၂၀၁၆ ခုနှစ်မှာ အမေရိကန်ဒေါ်လာ
၂၂၄ သန်းကျော် ရင်းနှီးမြှုပ်နှံခဲ့ပါတယ်။

လုပ်ဆောင်ရမယ်
--------------------

မြန်မာနိုင်ငံကို ရင်းနှီးမြှုပ်နှံမှုတွေ ဝင်ရောက်လာတဲ့အခါ
လမ်းပန်းဆက်သွယ်ရေးကောင်းမွန်အောင် လုပ်ဆောင်ရမှာ
ဖြစ်ပြီး ရုံးလုပ်ငန်းတွေ  ဆောင်ရွက်တဲ့အခါမှာလည်း
အလွယ်တကူ ဆောင်ရွက်နိုင်အောင် လုပ်ဆောင်ဖို့ လိုအပ်
တယ်လို့ စီးပွားရေးပညာရှင်ဦးဇော်ဖေဝင်းက ပြောပါတယ်။

သူက
“နောက်တစ်ခုက တရားဥပဒေစိုးမိုးရေးကို အဓိက
လုပ်ဆောင်ရမယ်၊ တတ်နိုင်သလောက် မှုခင်းတွေ ကျဆင်း
အောင် လုပ်ရမယ်” လို့ ဆက်ပြောပါတယ်။

စီးပွားရေးပညာရှင် ဦးလှမောင်က
‘နိုင်ငံခြားရင်းနှီးမြှုပ်နှံမှု တွေဝင်ရောက်လာရင် မြန်မာနိုင်ငံမှာ
လျှပ်စစ်ဓာတ်အား လုံလောက်အောင် ထိန်းချုပ် နိုင်ဖို့၊
လက်ရှိမှာ မြန်မာနိုင်ငံရဲ့ထိပ်ဆုံးဖြစ်နေတဲ့ အိမ်ခြံမြေ
ဈေးကွက်ကို ဈေးနှုန်းချဖို့ လိုအပ်ပါတယ်˘လို့ ပြောပါတယ်။

-----

"မြန်မာနိုင်ငံမှာ ၂၀၁၅-၂၀၁၆ ခုနှစ် ဘဏ္ဍာနှစ်အတွက်
ရင်းနှီးမြှုပ်နှံမှုထိပ်တန်း ၁၃ နိုင်ငံ"

(အမေရိကန်ဒေါ်လာ)
- စင်ကာပူနိုင်ငံ ၄၂၄၆.၈၇၅ သန်း
- တရုတ်နိုင်ငံ ၃၃၂၃.၈၅၃ သန်း
- နယ်သာလန်နိုင်ငံ ၄၃၈.၈၂၅ သန်း
- မလေးရှားနိုင်ငံ ၂၅၇.၂၂၁ သန်း
- ထိုင်းနိုင်ငံ ၂၃၆.၁၇၄ သန်း
- ဟောင်ကောင် ၂၂၄.၆၆၅ သန်း
- အိန္ဒိယနိုင်ငံ ၂၂၄.၂၂၃ သန်း
- ဂျပန်နိုင်ငံ ၂၁၉.၇၉၃ သန်း
- တောင်ကိုရီးယားနိုင်ငံ ၁၂၈.ဝ၉၁ သန်း
- ဗြိတိန်နိုင်ငံ ၇၅.၃၁၀ သန်း
- ဩစတြေးလျားနိုင်ငံ ၂၉.၇၃၃ သန်း
- ဘရူနိုင်းဒါရူဆလန်နိုင်ငံ ၂၆.၄၈၃ သန်း
- အင်ဒိုနီးရှားနိုင်ငံ ၁၃.၁၉၀ သန်း

-----

"မြန်မာနိုင်ငံမှာ ၂၀၁၆-၂၀၁၇ ဘဏ္ဍာရေးနှစ်
(နိုဝင်ဘာလအထိ) ရင်းနှီးမြှုပ်နှံမှု ထိပ်တန်း ၁၀ နိုင်ငံ"

(အမေရိကန်ဒေါ်လာ)
- စင်ကာပူနိုင်ငံ ၂၅၃၃.၃၇၈ သန်း
- တရုတ်နိုင်ငံ ၄၃၉.၅၂၃ သန်း
- ထိုင်းနိုင်ငံ ၁၀၆.၂၇၈ သန်း
- ဟောင်ကောင် ၉၇.ဝ၁၆ သန်း
- ဂျပန်နိုင်ငံ ၅၀.၅၆၉ သန်း
- တောင်ကိုရီးယားနိုင်ငံ ၁၆.၈၃၃ သန်း
- မလေးရှားနိုင်ငံ ၁၀.၁၈၄ သန်း
- ဘရူနိုင်းနိုင်ငံ ၉.၂၂၈ သန်း
- အင်ဒိုနီးရှားနိုင်ငံ ၉.ဝ၃၄ သန်း
- ထိုင်ဝမ် ၅.၇၁၀ သန်း

(မို့မို့သန္တာ)

credit - The Myanmar Times & Kumudra Journal

(မှတ်ချက်)

အိမ်ခြံမြေ အကြောင်းအရာများနှင့် 
တိုက်ရိုက်မသက်ဆိုင်သော်လည်း သွယ်ဝိုက်ပတ်သက်မှု့
ရှိသည့် စီးပွါးရေးဈေးကွက်ဆိုင်ရာ သတင်းများ
ဖြစ်နေပါသဖြင့် မိတ်ဆွေများ လေ့လာနိူင်ရန်
တင်ခဲ့ခြင်းဖြစ်ပါသည်။

“အိမ်ခြံမြေ လမ်းဆုံ”

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------
အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။
https://www.facebook.com/permalink.php?story_fbid=962655320510074&id=726764717432470&substory_index=0