“ထွက်ပေါ်လာတော့မည့် အိမ်ခြံမြေ၀န်ဆောင်မှု ဥပဒေ”

“ထွက်ပေါ်လာတော့မည့် အိမ်ခြံမြေ၀န်ဆောင်မှု ဥပဒေ”

၁။ "အိမ်ခြံမြေ ၀န်ဆောင်မှုလုပ်ငန်းဥပဒေ အမြန်ထွက်ပေါ်ရန်
ဆောင်ရွက်မည်"

အိမ်ခြံမြေ ၀န်ဆောင်မှုလုပ်ငန်းဆိုင်ရာ ဥပဒေတစ်ရပ်ရှိလာပါက
အကျိုးဆောင်များရရှိမည့် ၀င်ငွေအပေါ်အခွန်စည်းကြပ်နိုင်မည်
ဖြစ်သဖြင့် ယင်းဥပဒေကို အချိန်တိုအတွင်း ပေါ်ထွက်ရန်
ဆောင်ရွက်သွားမည်ဖြစ်ကြောင်း ပြည်ထောင်စုလွှတ်တော်
ဥပဒေ ရေးရာနှင့် အထူးကိစ္စရပ်များ လေ့လာစိစစ်သုံးသပ်ရေး
ကော်မရှင်၏ အဖွဲ့ဝင်တစ်ဦးက နေပြည်တော်တွင်ပြုလုပ်သည့်
အိမ်ခြံမြေ၀န်ဆောင်မှု ဥပဒေမူကြမ်း ဆွေးနွေးပွဲတွင်
မြန်မာတိုင်း(မ်)ကို ပြောသည်။

"လက်ရှိ လောလောဆယ် ၀င်ငွေခွန်ထဲမှာ အကျိုးဆောင်တွေ
ဆီက အခွန်မပါ ပါဘူး။
ဒီအိမ်ခြံမြေ ၀န်ဆောင်မှုလုပ်ငန်းဆိုင်ရာ ဥပဒေပေါ်လာရင်
ဝင်ငွေခွန်အနေနဲ့ အကျိုး ဆောင်တွေကအခွန်ဆောင်ရမယ်။
ဒါကြောင့် ဥပဒေထွက်လာရင် ရငွေထဲမှာ အများကြီး တိုးလာ
မှာပါ" ဟု ကော်မရှင် အဖွဲ့ဝင် ဦတင်မောင်ဦးက
မြန်မာတိုင်း(မ်)ကို ပြောသည်။

ထို့ပြင် လက်ရှိ မြန်မာနိုင်ငံအခြေအနေ အရ လာမည့်နှစ်များတွင်
နိုင်ငံခြား ရင်းနှီးမြှုပ်နှံမှု များစွာ ၀င်ရောက်လာနိုင်သည့်အတွက်
အိမ်ခြံမြေကဏ္ဍအတွက်လည်း ရင်းနှီးမြှုပ်နှံသူများ စိတ်ချ
ယုံကြည်ရသည့် ဥပဒေများ ရှိသင့်သည့်အတွက် ယင်းဥပဒေမှာ
မဖြစ်မနေ လိုအပ်ကြောင်း ၎င်းက ပြောသည်။

"ဒီဥပဒေက နိုင်ငံတော်အတွက် မဖြစ်မနေလိုအပ်တဲ့ဥပဒေ
ဖြစ်ပါတယ်။ မကြာခင်မှာနိုင်ငံတကာရဲ့အရင်းအနှီးတွေက
အများကြီး ၀င်လာလိမ့်မယ်။ ၀င်လာတဲ့အခါ နိုင်ငံခြားသားက
ဥပဒေ ရှိလားမေးရင် လက်ဆုပ်လက်ကိုင် မပြနိုင်ဘူး။
အဲဒါကြောင့် ခိုင်မာတဲ့ ဒီလိုအိမ်ခြံမြေဆိုင်ရာ ဥပဒေ ရှိဖို့
လိုတယ်" ဟု ၎င်းက ပြောသည်။

လက်ရှိ အိမ်ခြံမြေအကျိုးဆောင်လုပ်ငန်းတွင် အမှန်တကယ်
လုပ်ငန်းလုပ်ကိုင်သည့်အကျိုးဆောင်များ၊ ကုမ္ပဏီများ ရှိသကဲ့သို့
အရပ်ပွဲစားများလည်းရှိပြီး ၀န်ဆောင်ခ (သို့) ပွဲစားခ ယူဆောင်
သည့် နှုန်းထားများမှာလည်း ဥပဒေတစ်ခုအနေဖြင့် သတ်မှတ်
ထားသည့် နှုန်းထားများမဟုတ်သည့်အတွက် ယင်းကိစ္စရပ်များ
အတွက် ဥပဒေလိုအပ်နေခြင်း ဖြစ်ကြောင်း ၎င်းက ပြောသည်။

"ဒီအိမ်ခြံမြေ ၀န်ဆောင်မှုလောကကို ထဲထဲဝင်ဝင် လေ့လာ
ကြည့်ရင် ရသင့်တာ မရတာတွေ၊နိုင်ငံတော်အစိုးရအတွက်
အခွန်မရတာတွေ၊ ၀ယ်တဲ့သူတွေ၊ ရောင်းတဲ့သူတွေအတွက်
အာမခံ မရှိတဲ့ ၀န်ဆောင်မှုတွေ၊ အကျိုးဆောင်တွေဘက်က
လည်း နစ်နာမှုတွေ ရှိတာတွေကြောင့် တိုင်းပြည်ရဲ့ ဒီလို
ကာလမျိုးမှာ မြန်မာနိုင်ငံ ဖွံ့ဖြိုးတိုးတက်မှု အတွက် ဒီဥပဒေ
ကတော့ သေချာပေါက်ရာနှုန်းပြည့် ပေါ်လာဖို့လိုတယ်" ဟု
ဦးတင်မောင်ဦးက ပြောသည်။

လက်ရှိ အိမ်ခြံမြေလုပ်ငန်းဆိုင်ရာ ၀န်ဆောင်မှုဥပဒေ
အခြေအနေမှာ မြန်မာနိုင်ငံအိမ်ခြံမြေ၀န်ဆောင်မှုအသင်း
(ဗဟို)၏ အဆိုပြုတင်သွင်းထားသည့် အဆိုပြုချက်များသာရှိပြီး
ယင်းအဆိုပြုချက်များကိုအခြေပြု၍ အခြားဝန်ဆောင်မှု အသင်း
များအားလုံးက ပေးပို့အဆိုပြုချက်များကို အခြေခံကာ
ဥပဒေကြမ်းတစ်ရပ်အဖြစ် ဦးစွာထွက်ပေါ်ရန် လုပ်ဆောင်
ရမည် ဖြစ်ကြောင်း သိရသည်။

"မြန်မာနိုင်ငံ အိမ်ခြံမြေ၀န်ဆောင်မှု အသင်း(ဗဟို)က အဆိုပြု
တင်သွင်းလိုက်တဲ့ အတွက် ဦးစားပေးရေးဆွဲရမယ့် ဥပဒေ
ဖြစ်သွားပါပြီ။ ဒီဥပဒေကြောရိုးမှာပါတဲ့ အချက်တွေကိုပဲဆွေးနွေး
စေချင်ပါတယ်။ ဥပဒေကော်မရှင်ကလည်း တခြားအဖွဲ့တွေရဲ့
တင်သွင်းတာတွေကိုဘယ်အချက် ကတော့ ပါသင့်တယ်၊
ဘယ်အချက်ကတော့ မပါသင့်ဘူးဆိုတာ သုံးသပ်ပြီးရေးဆွဲ
သွားမှာပါ" ဟု မြန်မာနိုင်ငံအိမ်ခြံမြေ ၀န်ဆောင်မှုအသင်း
(ဗဟို) ဥက္ကဋ္ဌ ဦးခင်မောင်သန်းကပြောသည်။

ပြည်ထောင်စုလွှတ်တော် ဥပဒေရေးရာ နှင့် အထူးကိစ္စရပ်များ
လေ့လာစိစစ်သုံးသပ် ရေးကော်မရှင်ကလည်း ယင်းအိမ်ခြံမြေ
ဝန်ဆောင်မှုလုပ်ငန်းဆိုင်ရာ ဥပဒေမှာ နိုင်ငံအတွက် မဖြစ်မနေ
လိုအပ်နေသည့်အတွက် အချိန်တိုအတွင်း အမြန်ဆုံး
ထွက်ပေါ်ရန် လုပ်ဆောင်သွားမည်ဖြစ်ကြောင်း
ဦးတင်မောင်ဦးက ပြောသည်။

"ဒီလိုအချိန်မျိုးမှာ နိုင်ငံအတွက် လိုအပ် တဲ့ဥပဒေကို ပြဋ္ဌာန်း
အောင် လုပ်ရမှာပါ။ ဒါပေမဲ့ ဥပဒေပေါ်လာဖို့လိုတယ်ဆိုပြီး
လေးငါးနှစ် အချိန်ကြာလို့လည်း မဖြစ်ဘူး" ဟု ၎င်းက
ပြောသည်။

ထို့ပြင် နိုင်ငံတော်အခွန်ရရှိရေးအတွက်မှာလည်း ခိုင်မာသည့်
ဥပဒေရှိမှသာ ဖြစ်သည့်အတွက် ယခု အိမ်ခြံမြေအကျိုးဆောင်
လောက ၀န်ဆောင်မှုများမှ အခွန် ပေးဆောင်ခြင်းဖြင့်
နိုင်ငံတော်အတွက် များစွာ ထောက်ပံ့ရလာနိုင်ကြောင်း
၎င်းက ပြောသည်။

"တိုင်းပြည်အတွက်အလိုအပ်ဆုံးက အခု ချိန်မှာ ဥပဒေ၊
တိုင်းပြည်အတွက် အလိုအပ်ဆုံးက အခွန်၊
ဒါကြောင့် အခွန်ခိုင်ခိုင်မာမာနဲ့ ဥပဒေပြဋ္ဌာန်းပြီးလုပ်မှ ရပါမယ်။
ရန်ကုန်မှာ တစ်ဧကကို သိန်း ၁,၀၀၀ နဲ့၁၀ ဧကဆို
သိန်း တစ်သောင်း ကို ဧကရာနဲ့ချီ ၀ယ်နေကြပြီ။
သိန်းပေါင်း သောင်းနဲ့ချီဝယ်နေကြတဲ့ အတွက်ပွဲစားလောက
က လာတဲ့ အခွန် နိုင်ငံတော်အတွက် အထောက်အပံ့
ဖြစ်မယ်လို့ ထင်ပါတယ်"ဟု ဦးတင်မောင်ဦးက ပြောသည်။

ထို့ပြင် အိမ်ခြံမြေအရောင်းအ၀ယ်လုပ်ကိုင်မှုများတွင်လည်း
စာရွက်စာတမ်းအတုများ၊စာချုပ်အတုများဖြင့် လိမ်လည်လုပ်
ဆောင်နေမှုများ၊ ခိုင်မာမှုမရှိသည့် ပွဲစားများ ၏ လိမ်လည်မှုများ၊
ကောင်းမွန်မှု မရှိသည့် ၀န်ဆောင်မှုများကြောင့် အိမ်၊ မြေ၀ယ်ယူ
သူ များမှာလည်း ပြဿနာအခက်အခဲများရှိခဲ့ကြသည့် အတွက်
ယင်းကဲ့သို့ အိမ်ခြံမြေ ၀န်ဆောင်မှုပေးသည့် အကျိုးဆောင်များ
ကို စနစ်တကျနှင့် ဥပဒေဘောင်အတွင်း လုပ်ဆောင်နိုင်မည့်
ဥပဒေ ထွက်ပေါ်လာပါက အဆိုပါ ပြဿနာများလည်းလျော့နည်း
သွားမည်ဖြစ်ကြောင်း ဦးခင်မောင်သန်းက ပြောသည်။

(မြတ်ငြိမ်းအေး)

***

၂။ "မြန်မာနိုင်ငံ အိမ်ခြံမြေ၀န်ဆောင်မှု ဥပဒေကို အထူး
ဦးစားပေး ဥပဒေအမှတ် ၄၉ အဖြစ် သတ်မှတ်ထားပြီး ယခုနှစ်
အတွင်း ပေါ်ပေါက်လာရေး ဆောင်ရွက်နေကြောင်း သိရ"

မြန်မာနိုင်ငံ အိမ်ခြံမြေ၀န်ဆောင် ဥပဒေကို အထူးဦးစားပေး
ဥပဒေ အမှတ် ၄၉ အဖြစ် သတ်မှတ်ထားပြီး ယခုနှစ်အတွင်း
ပေါ်ပေါက်လာရေး ဆောင်ရွက်နေကြောင်း မြန်မာနိုင်ငံ
အိမ်ခြံမြေ ၀န်ဆောင်မှုအသင်းမှ သိရသည်။

“မြန်မာနိုင်ငံမှာလည်း အိမ်ခြံမြေဥပဒေ တစ်ရပ်ကတော့
ပေါ်ပေါက်ဖို့အချိန်အခါ ရောက်ပြီဆိုတာ တင်ပြတော့
တက်ရောက်လာတဲ့ ၀န်ကြီးဌာနတွေ၊ ရှေနေချုပ်ရုံးတွေကနေ
တစ်ခဲနက် ထောက်ခံတဲ့အတွက်ကြောင့် အိမ်ခြံမြေ
ဝန်ဆောင်မှု ဥပဒေကို အထူးဦးစားပေးရေးဆွဲရမယ်။
ဥပဒေအမှတ် ၄၉ အနေနဲ့ အသိအမှတ်ပြုပြီးတော့ ဒီဥပဒေကို
၂၀၁၇ ခုနှစ်မှာ ပေါ်ပေါက်လာဖို့ ထင်သာမြင်သာရှိအောင်
မြန်မာနိုင်ငံအိမ်ခြံမြေ ၀န်ဆောင်မှု အသင်းကြီးက နိုင်ငံတော်
အဆင့် အသင်းဖြစ်တာနဲ့အညီ နေပြည်တော်မှာ နိုင်ငံတော်
အဆင့် ဆွေးနွေးပွဲ လုပ်တယ်။
အဲဒီက ဆွေးနွေးချက်တွေကို ပြည်ထောင်စုလွှတ်တော် ဥပဒေ
ရေးရာ ကော်မရှင်ကို တင်ပြထားတယ်”  ဟု မြန်မာနိုင်ငံ
အိမ်ခြံမြေ၀န်ဆောင်မှု အသင်း၏ ဥက္ကဋ္ဌ ဦးခင်မောင်သန်းက
ပြောကြားသည်။

မြန်မာနိုင်ငံအိမ်ခြံမြေ၀န်ဆောင်မှု အသင်းအနေနှင့် ဇွန်လ
နောက်ပိုင်းခန့်တွင် ပေါ်ပေါက်လာရေး မျှော်မှန်းထားကြောင်းနှင့်
အဆိုပါ ဥပဒေမူကြမ်းကို ပြည်ထောင်စုအဆင့် လွှတ်တော်
အသီးသီးတွင် ဆွေးနွေးသွားမည် ဖြစ်ကြောင်း သိရသည်။

“အိမ်ခြံမြေဈေးကွက်နဲ့ သွယ်ဝိုက်ပြီးတော့ သက်ရောက်နိုင်မှု
ရှိတယ်။ ဥပမာ ၀န်ဆောင်မှု လုပ်နေတဲ့ တစ်ဦးချင်းဖြစ်ဖြစ်
အကြံပေးပဲဖြစ်ဖြစ် လုပ်မယ်ဆိုရင် လိုင်စင် ရှိရမယ်။
မြန်မာနိုင်ငံမှာက လိုင်စင်မရှိဘူး။ အာဆီယံ နိုင်ငံတွေမှာက
လိုင်စင်ရှိတယ်။ ပရော်ဖက်ရှင်နယ်တွေဆိုရင် လိုင်စင်ရှိရမယ်။
ဒါကြောင့်မို့ ၀န်ဆောင်မှု ဥပဒေ ထွက်ရင် လိုင်စင် မဖြစ်မနေ
ထုတ်ပေးဖို့လိုမယ်။ လိုရင် အဲဒီကနေ အိမ်ခြံမြေ ကောင်စီလိုမျိုး
ပေါ်ပေါက်လာမယ်။ ကောင်စီကနေ ထိန်းချုပ်မယ်။ တစ်ဦးချင်း
တစ်ယောက်ချင်း လုပ်မယ်ဆိုရင်ဖြစ်စေ၊ အဖွဲ့အလိုက် ကုမ္ပဏီ
လုပ်မယ်ဆိုရင်လည်း ကောင်စီမှာ မှတ်ပုံတင်ရမယ်။
ကောင်စီက သက်ဆိုင်ရာသင်တန်းတွေ၊ ဒီပလိုမာသင်တန်း
တွေ တက်ရမယ်။ ဒီထက်ကြာသွားရင် တက္ကသိုလ်အဆင့်
သင်တန်းတွေ တက်ရမယ်။
စနစ်တကျဖွဲ့စည်းထားတဲ့အတွက်ကြောင့် အိမ်ခြံမြေဈေးကွက်
ထဲကို ဈေးကစားတာမျိုး နိုင်ငံခြားသားကပဲ လာ ကစားမလား၊
ပြည်တွင်းမှာရှိတဲ့ စီးပွားရေး လုပ်ငန်းရှင်ကပဲ ကစားမလား၊
လိုင်စင်ရတဲ့ အေဂျင်စီတွေက ပရော်ဖက်ရှင်နယ်တွေဖြစ်တဲ့
အတွက်ကြောင့် အသိစိတ်နဲ့ မမျှတတဲ့ ဈေးမျိုးမဖြစ်အောင်
အသင်းကို အကြောင်းကြားရင် အသင်းက သက်ဆိုင်ရာနဲ့
ချိတ်ဆက်ပြီး ဒါတွေကို အချိန်မီတားဆီးနိုင်မယ်။
ပြည်သူအတွက်၊ တိုင်းပြည်အတွက်မျှတတဲ့ ဈေးနှုန်းတစ်ခုမှာ
တည်တည်ငြိမ်ငြိမ်နဲ့ ဈေးကွက်တည်ငြိမ်တဲ့အခြေအနေမှာ
ဆောင်ရွက်မယ်။ အခြားကိစ္စတွေမှာလည်း တိုင်းပြည်ကို
အကျိုးပြုမယ်”  ဟု မြန်မာနိုင်ငံ အိမ်ခြံမြေ၀န်ဆောင်မှုအသင်း
ဥက္ကဋ္ဌ ဦးခင်မောင်သန်းက ပြောကြားသည်။

မြန်မာနိုင်ငံ အိမ်ခြံမြေ၀န်ဆောင်မှု အသင်းအနေနှင့်
ဝန်ဆောင်မှုဥပဒေကြမ်းကို သြဂုတ် ၂၆ ရက်က ပြည်ထောင်စု
လွှတ်တော် ဥပဒေရေးရာကော်မတီသို့ တင်ပြခဲ့ရာ ၂၀၁၆ ခုနှစ်
စက်တင်ဘာ ၈ ရက်တွင် အဆိုပါကော်မတီက မြန်မာနိုင်ငံ
အိမ်ခြံမြေ၀န်ဆောင်မှု အသင်းကိုဖိတ်ခေါ်ကာ အဆိုပြုတင်သွင်း
ရခြင်းကို မေးမြန်းခဲ့ကြောင်း၊ ထိုကဲ့သို့ ဥပဒေတင်သွင်းရခြင်း
သည် အိမ်ခြံမြေ၀န်ဆောင်မှု လုပ်ဆောင်နေသည့် အကျိုးဆောင်
အချင်းချင်း၊ အိမ်ခြံမြေအကျိုးဆောင် အပ်နှံသည့် ပြည်သူများ
အကြားတွင် ခိုင်မာသည့် စနစ်တစ်ခု ပေါ်ပေါက်လာရေးနှင့်
အကျိုးဆောင်လုပ်ငန်း လုပ်ကိုင်သူများကို လိုင်စင်ထုတ်ပေး
နိုင်ရေးအတွက် ဆောင်ရွက်ခြင်းဖြစ်ကြောင်း သိရသည်။

(ထက်ရှိုင်း)

credit - The Myanmar Times & Eleven Media Group

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=962655320510074&id=726764717432470&substory_index=0