“အိမ်ခြံမြေ ဆက်စပ် သတင်းများနှင့်
ပြည်ပ ရင်းနှီးမြှုပ်နှံမှုများ အပေါ်သုံးသပ်ခန့်မှန်းမှုများ”
၁။ "အိမ်၊ ခြံ၊ မြေ စံနှုန်းဟောင်းတွင် မပါသည့်နေရာများ
အတွက် အခွန်ဆောင်ရန်နှုန်းထားကို ဘုတ်အဖွဲ့ဖြင့်
ဆုံးဖြတ်မည်"
ရန်ကုန်တိုင်းဒေသကြီးအတွင်း အိမ်၊ ခြံ၊ မြေ အခွန်အခများကို
ပြီးခဲ့သည့်နှစ်က နှုန်းဟောင်းဖြင့်သာ ကောက်ခံမည်ဖြစ်ပြီး
* အဆိုပါ နှုန်းဟောင်းတွင် မပါဝင်သည့်နေရာများကို
အခွန်ကောက်ခံမှု စိစစ်ကြပ်မတ်ရေးဘုတ်အဖွဲ့အစည်းအဝေးမှ
တစ်ဆင့် ဆုံးဖြတ်ကောက်ခံမည်ဖြစ်ကြောင်း *
ပြည်တွင်းအခွန်များ ဦးစီးဌာနမှ သိရသည်။
ပြည်တွင်းအခွန်များဦးစီးဌာန၊ ရန်ကုန်မြို့တော်
စည်ပင်သာယာရေးကော်မတီတို့ပါဝင်ဖွဲ့စည်းထားသည့်
အခွန်ကောက်ခံမှု စိစစ်ကြပ်မတ်ရေးဘုတ်အဖွဲ့က ၂၀၁၄ ခုနှစ်က
သတ်မှတ်ရန် ကျန်ရှိခဲ့သည့် နေရာများကို အခွန်တန်ဖိုးဖြတ်ရန်
ရောက်ရှိလာပါက အဆိုပါအဖွဲ့၏ နှစ်ပတ်တစ်ကြိမ်
အစည်းအဝေးမှ တစ်ဆင့် ဆုံးဖြတ်ပေးမည်ဖြစ်ကြောင်း
ပြည်တွင်းအခွန်များ ဦးစီးဌာန ထံမှ သိရသည်။
ပြီးခဲ့သည့်နှစ်က ရန်ကုန်တိုင်းဒေသကြီးအတွင်း
တစ်ပေပတ်လည်စံနှုန်းများ သတ်မှတ်ရာတွင် အတွင်းလမ်းများ
အတွက် နှုန်းထားသတ်မှတ်ချက်များစွာ ကျန်ရှိခဲ့ပြီး ယခင်က
သီးသန့်ထုတ်ပြန်ရန် စီစဉ်ခဲ့သော်လည်း ယခုအခါ
ထုတ်ပြန်တော့မည်မဟုတ်ကြောင်း ပြည်တွင်းအခွန်များဦးစီးဌာနမှ
အကြီးတန်းအရာရှိတစ်ဦးက ဆိုသည်။
“ဒီဘုတ်အဖွဲ့က နှုန်းထားတွေကို မှန်မှန်ကန်ကန်
ဖြတ်တောက်ပေးမယ်ဆိုရင်တော့ အခွန်ဆောင်ရတာ
အဆင်ပြေစေမှာပါ” ဟု Estate Myanmar အိမ်၊ ခြံ၊ မြေ
အကျိုးဆောင်လုပ်ငန်း အမှုဆောင်အရာရှိချုပ်
ဦးဟိန်းမိုးမြင့်လွင်က ပြောသည်။
*****
၂။ "၂၀၁၆ တွင် အိမ်ခြံမြေဈေးကျနိုင်ဟု လုပ်ငန်းရှင်တချို့
ခန့်မှန်း"
အိမ်ခြံမြေလုပ်ငန်း ၂၀၁၅ ခုနှစ် နှစ်ကုန်ပိုင်းသို့ ရောက်လာသည့်
အချိန်တွင်ဈေးကွက် ကို ယခင်ပုံမှန်အနေအထားသို့ ပြန်လည်
ရောက်ရှိရန် မျှော်မှန်းထားသည့် အခြေအနေများရှိနေသော်လည်း
လာမည့် ၂၀၁၆ တွင်မူ အိမ်ခြံမြေဈေးနှုန်းများ ချပေးနိုင်မှသာလျှင်
ယခင်ဈေးကွက်၏ ပုံမှန်အနေထားသို့ ပြန်ရောက်နိုင်မည်
ဖြစ်ကြောင်း အိမ်ခြံမြေ လုပ်ငန်းရှင်များက ပြောသည်။
"မြန်မာနိုင်ငံက ၂၀၁၆ မှာ ရင်းနှီးမြှုပ်နှံမှု တွေ တိုးလာနိုင်တဲ့
အနေအထားရှိပါတယ်။ လာရောက်မြှုပ်နှံမယ့် စီးပွားရေးတွေ
အတွက် အိမ်ခြံမြေ လိုအပ်ချက်တွေ ရှိလာမှာပါ။ ဒါပေမဲ့
မြန်မာနိုင်ငံရဲ့ အိမ်ခြံမြေဈေးနှုန်းတွေကဘန်ကောက်တို့၊
တရုတ်တို့နဲ့ ယှဉ်မယ် ဆိုရင် ဈေးနှုန်းတွေက မြင့်နေတာကို
တွေ့ရ ပါတယ်။ အဲဒါကြောင့် သူတို့တွေနဲ့ ယှဉ်နိုင်ဖို့ ဒီက
အိမ်ခြံမြေဈေးနှုန်းတွေကို ချပေးနိုင်မှ ဖြစ်မှာပါ" ဟု
iMyanmar House com မှ အမှုဆောင်အရာရှိချုပ်
ဦးနေမင်းသူက ပြောသည်။
လက်ရှိ မြန်မာနိုင်ငံ၏ အိမ်ခြံမြေဈေးနှုန်းများမှာလည်း
အမြင့်ဆုံးအနေအထားများသို့ ရောက်ရှိထားပြီး ဖြစ်သည့်အတွက်
၂၀၁၆ ခုနှစ်တွင် အရောင်းအ၀ယ်များ ပြန်ဖြစ်ရန်မှာ
၂၀၁၅ ခုနှစ်ထက် အိမ်ခြံမြေဈေးနှုန်းများကျဆင်းမည်ဖြစ်ကြောင်း
၎င်းကပြောသည်။
"ကျွန်တော်တို့ ခန့်မှန်းထားသလောက်တော့ လာမယ့်နှစ်မှာ
အိမ်ခြံမြေအရောင်းအ၀ယ်တွေကတော့အများကြီး ပြန်ဖြစ်လာ
နိုင်ပါတယ်။ ဒါပေမဲ့ ဈေးနှုန်းတွေကတော့ ဒီနှစ်နဲ့ယှဉ်ရင်
ဈေးနှုန်းတွေ ပြန်ကျမယ်လို့ ထင်ပါတယ်။ ဘာဖြစ်လို့လဲဆိုတော့
၂၀၁၆ မှာ တိုက်ခန်းအသစ်တွေ၊ ကွန်ဒိုအသစ်တွေ အများကြီး
ထွက်လာဖို့ ရှိတယ်။ နောက်ပြီး မြို့သစ်တွေ ချဲ့ထွင်မယ်
ဆိုရင်လည်း မြေနေရာ ပေါ်ထွက်လာမှုတွေကြောင့် ဈေးနှုန်းတွေ
ပြန်ကျနိုင်ပါတယ်" ဟု ဦးနေမင်းသူကပြောသည်။
အိမ်ခြံမြေဈေးနှုန်းများသည် ၂၀၁၂ နောက်ပိုင်းတွင် နိုင်ငံ၏
ရင်းနှီးမြှုပ်နှံမှု လုပ်ငန်းနည်းပါးမှုများကြောင့် ငွေကြေး ခိုင်မာကာ
အမြတ်အစွန်းများသည့် မြေ၊ ကွန်ဒို၊ တိုက်ခန်းများ၏
အရောင်းအ၀ယ်များ မြင့်တက်မှုများကြောင့် ဈေးနှုန်းများ
တစ်ရှိန် ထိုး မြင့်တက်ခဲ့ခြင်းဖြစ်သည်။
သို့သော် ၂၀၁၆ ခုနှစ်တွင် အစုရှယ်ယာ ဈေးကွက်များ
ထွက်ပေါ်လာပြီး ရင်းနှီးမြှုပ်နှံမှု လုပ်ငန်းတိုးလာနိုင်မည့်အတွက်
ယခင်က ရင်းနှီးမြှုပ်နှံမှု အားကောင်းခဲ့သည့် အိမ်ခြံမြေဈေးကွက်တွင်
ဈေးနှုန်းများအနည်းငယ် ကျဆင်းနိုင်ကြောင်း အိမ်ခြံမြေ
လုပ်ငန်းရှင် များက သုံးသပ်သည်။
"ဒီ ၂၀၁၂ နောက်ပိုင်းမှာ ရင်းနှီးမြှုပ်နှံမှု ပိုင်းက အိမ်ခြံမြေ တစ်ခုပဲ
ရှိသလိုဖြစ်ခဲ့တော့ ဈေးနှုန်းတွေက အဆမတန်မြင့်တက်သွားတယ်။
ဘာဖြစ်လို့လဲဆိုတော့ ရွှေ၊ ကားနဲ့ ဒေါ်လာတို့ရဲ ဈေးကွက်ကလည်း
ဈေး မတည်ငြိမ်မှုတွေကြောင့် သူတို့ဘက်ကို ရင်းနှီး မြှုပ်နှံမှု
နည်းသွားတယ်။ဒါပေမဲ့ လာမယ့်နှစ် မှာ အစုရှယ်ယာဈေးကွက်
ပေါ်လာမယ်ဆိုရင် ဒီအိမ်ခြံမြေဈေးနှုန်းတွေအပေါ် အကျိုး
သက်ရောက်ပြီး ဈေးနှုန်းတွေပြန်ကျမယ်လို့ ခန့်မှန်းထားပါတယ်" ဟု
အိမ်ခြံမြေ လုပ်ငန်းရှင်များက ပြောသည်။
ထို့ကြောင့် လာမည့် ၂၀၁၆ ခုနှစ်တွင် အိမ်ခြံမြေဈေးနှုန်းများမှာ
တစ်နိုင်ငံလုံး အတိုင်းအတာဖြင့် ၁၀ ရာခိုင်နှုန်းမှ
၁၅ ရာခိုင် နှုန်းအထိ ကျဆင်းသွားနိုင်ကြောင်းလုပ်ငန်း ရှင်များက
ခန့်မှန်းကြသည်။
လတ်တလော ရွေးကောက်ပွဲပြီးစီးသွား သည့် နောက်ပိုင်းတွင်လည်း
အိမ်ခြံမြေဈေးကွက်အတွက် အပြောင်းအလဲများမဖြစ် လာသေး
သော်လည်း နောက်တက်လာမည့် အစိုးရသစ်လက်ထက်တွင်
အိမ်ခြံမြေလုပ်ငန်း ဆိုင်ရာမူဝါဒများ ကောင်းလာရန်
မျှော်မှန်းထားသည်ဟု မန္တလေးအိမ်ခြံမြေ၀န်ဆောင်မှုအသင်းမှ
ဦးတင်မောင်က ပြောသည်။
"အခုရွေးကောက်ပွဲ ပြီးသွားပြီဖြစ်တဲ့အတွက် လာမယ့်
ငါးနှစ်သက်တမ်းမှာကောင်းမွန်တဲ့အစိုးရသစ်တစ်ရပ် ပေါ်လာ
လိမ့်မယ်လို့ မျှော်လင့်တဲ့အတွက်ကျွန်တော်တို့ အိမ်ခြံမြေလုပ်ငန်း
မှာလည်း အရောင်းအ၀ယ် လုပ်တဲ့သူတွေအတွက် ဈေးကောင်းရခြင်း၊
မရခြင်းထက် အိမ်ခြံမြေလုပ်ငန်းအတွက် မူဝါဒတွေ
ကောင်းမွန်လာဖို့ကိုပဲ မျှော်လင့် ပါတယ်" ဟု ၎င်းကပြောသည်။
လာမည့်အစိုးရသစ် လက်ထက်တွင် လည်း လက်ရှိအစိုးရထက်
ကောင်းမွန်သည့် လက်ရှိ အိမ်ခြံမြေမူဝါဒတွေ ပေါ်ထွက်လာ ရန်
မျှော်လင့်ကြောင်း၎င်းကပြောသည်။
"အခုက မြို့ပြလိုနေရာတွေက မြေပိုင်ဆိုင်ဖို့၊ အိမ်ပိုင်ဆိုင်ဖို့
ခက်ခဲကြတယ်။ အဲဒီတော့ ကျူးကျော်အဖြစ်နဲ့နေထိုင်မှုတွေ
ဖြစ်လာတယ်။ အဲဒါရဲ့ အဓိကအချက်က အိမ်ခြံမြေဈေးတွေ
အဆမတန်ကြီးမြင့်တာဖြစ်တဲ့အတွက် ဒီပြဿနာတွေကို
ဖြေရှင်းနိုင်ဖို့က အိမ်ခြံမြေကိုလွယ်လွယ်ကူကူနဲ့ ပိုင်ဆိုင်နိုင်ဖို့ကို
တိကျတဲ့ မူဝါဒတွေနဲ့ ဆွဲနိုင်ဖို့ လိုအပ်ပါတယ်"ဟု
ဦးတင်မောင်က ပြောသည်။
(မြတ်ငြိမ်းအေး)
*****
၃။ "ရွေးကောက်ပွဲ ရလဒ် ကြောင့် နိုင်ငံခြားရင်းနှီး မြှုပ်နှံမှု
ပိုဝင်လာမည်ဟု UMFCCI ဒုတိယ ဥက္ကဋ္ဌ ပြောကြား"
မြန်မာနိုင်ငံ ဒီမိုကရေစီ စနစ်သို့ အသွင် ကူးပြောင်းရေးတွင်
အဓိက အရေးပါသော ၂၀၁၅ ရွေးကောက်ပွဲ ရလဒ်ကြောင့်
အတိုက်အခံ ပါတီဖြစ်သည့် အမျိုးသားဒီမိုကရေစီအဖွဲ့ချုပ်က
မဲဆန္ဒနယ်အများစုကို အနိုင်ရရှိခဲ့ရာ ကောင်းမွန်သည့်
အစိုး ရသစ်ဖြစ်လာနိုင်သည့်အတွက်
နိုင်ငံခြားရင်းနှီး မြှုပ်နှံမှု များ(FDI) ပိုမိုဝင်ရောက်လာနိုင်ကြောင်း
ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်
(UMFCCI) ဒုတိယ ဥက္ကဋ္ဌ ဒေါက်တာ မျိုးသက်က
ပြောကြားသည်။
နိုဝင်ဘာလ ၁၂ ရက်နေ့က ရန်ကုန်မြို့၊ UMFCCI တွင်
ကျင်းပပြုလုပ်သော Contruction Power & Mining
ကုန်ပစ္စည်းပြပွဲပြုလုပ်ရန် သတင်းစာရှင်းလင်းပွဲတွင် ၎င်းက
အထက်ပါအတိုင်းပြောကြားလိုက်ခြင်း ဖြစ်သည်။
“ ကောင်းမွန်သောအခြေအနေနဲ့ ကောင်းမွန်သော အစိုးရသစ်
ဖြစ်လာနိုင်တဲ့ အခြေအနေတွေလည်း ရှိနေပါတယ်။
ဒီအချိန်မှာ နိုင်ငံခြားရင်းနှီးမြှုပ်နှံမှုတွေလည်း ဝင်လာမှာ
ဖြစ်ပါတယ်။ စီးပွားရေးအခြေအနေကောင်းတွေဖြစ်လာ
နိုင်တယ်လို့လည်း သုံးသပ်ခန့်မှန်းမိပါတယ် ” ဟု
ဒေါက်တာ မျိုးသက်က ဆိုသည်။
NLD ပါတီက အစိုးရသစ်ကို ဖွဲ့စည်းနိုင်မည့် အလားအလာများ
ရှိနေသည့်အတွက် စီးပွားရေးလုပ်ငန်းရှင်များအနေဖြင့်
ကောင်းမွန်သော အခြေအနေကို လက်မလွှတ်သင့်ဘဲ
အမိအရဆုပ်ကိုင်သင့်ကြောင်း ၎င်းက
တိုက်တွန်းပြောကြားလိုက်သည်။
လတ်တလော ရွေးကောက်ပွဲအခြေအနေကြောင့်
ဆောက်လုပ်ရေးလုပ်ငန်းကဏ္ဍသို့ နိုင်ငံခြားရင်းနှီးမြှုပ်နှံမှုများ
လျင်မြန်စွာ စတင်ဝင်ရောက်နေပြီဖြစ်ပြီး
ရွေးကောက်ပွဲလွန်ကာလတွင် ယခုထက်ပိုမိုဝင်ရောက်လာမည်
ဖြစ်ကြောင်း ဆောက်လုပ်ရေးလုပ်ငန်းရှင်အသိုင်းအဝိုင်းက
ပြောကြားသည်။
လက်ရှိ မြန်မာ့စီးပွားရေးအခြေအနေ လျင်မြန်ပြောင်းလဲ၍
ပွင့်လင်းမြင်သာလာသည့်အတွက် ပြည်ပနိုင်ငံများမှ
ရင်းနှီးမြှုပ်နှံရန် စိတ်ဝင်စားမှုပိုမိုမြင့်တက်လာခဲ့ပြီး
အပြန်အလှန်ကုန်သွယ်မှုပင်မကဘဲ ရင်းနှီးမြှုပ်နှံမှုတွင်လည်း
နိုင်ငံအများက လုပ်ဆောင်လာကြကြောင်း၊
လာမည့် ဘဏ္ဍာနှစ်အတွင်း GDP တိုးတက်မှုနှုန်းသည်လည်း
၈ ဒသမ ၅ ရာခိုင်နှုန်းရှိမည်ဖြစ်သည့်အတွက်
နိုင်ငံခြားရင်းနှီးမှုများ ပိုမိုမျက်စိကျလျက်ရှိကြောင်း
စီးပွားရေး လုပ်ငန်းရှင်အသိုင်းအဝိုင်းထံမှသိရသည်။
credit - The Voice Weekly & The Myanmar Times
