"မြန်မာ့အိမ်ခြံမြေအပေါ် ဝေဖန်သုံးသပ်မှုနှင့် ဈေးကွက် အခြေအနေ"

"မြန်မာ့အိမ်ခြံမြေအပေါ် ဝေဖန်သုံးသပ်မှုနှင့်
ဈေးကွက် အခြေအနေ"

၁။ "ဖွံ့ဖြိုးဆဲနိုင်ငံများအနက် မြန်မာနိုင်ငံ၏ မြေဈေးသည်
တစ်စတုရန်း မီတာလျှင် ပျမ်းမျှ ၆၀၅ ဒေါ်လာဖြင့် အမြင့်ဆုံး
ဖြစ်နေသော်လည်း ပိုများလာမည့် ရင်းနှီး မြှုပ်နှံမှုများအတွက်
မြန်မာ့အိမ်ခြံမြေ ဈေးကွက်မှာ စိတ်ဝင်စားဖွယ်
အကောင်းဆုံး ဖြစ်နေ"

ဒေသတွင်း နိုင်ငံများနှင့် ဖွံ့ဖြိုးဆဲ နိုင်ငံများအနက် မြန်မာနိုင်ငံ၏
မြေဈေးနှုန်းသည် တစ်စတုရန်းမီတာလျှင် ပျမ်းမျှ ၆၀၅ဒေါ်လာဖြင့်
အမြင့်ဆုံး ဖြစ်နေသော်လည်း ဖွံ့ဖြိုးဆဲ နိုင်ငံဖြစ်နေ၍
ပိုမို များပြားလာဦးမည့် ရင်းနှီး မြှုပ်နှံမှုများအတွက်
မြန်မာ့အိမ်ခြံမြေ ဈေးကွက်မှာ စိတ်ဝင်စားဖွယ် အကောင်းဆုံး
ဖြစ်နေဆဲ ဖြစ်ကြောင်း ပြည်တွင်းအခြေစိုက် အွန်လိုင်း
အိမ်ခြံမြေ လုပ်ငန်းစုဖြစ်သည့် House com mm က
နိုဝင်ဘာ ၂ ရက်တွင်  သတင်း ထုတ်ပြန်လိုက်သည်။

မြန်မာနိုင်ငံ၏ ပျမ်းမျှ မြေဈေးသည် တစ်စတုရန်း မီတာလျှင်
အမေရိကန် ဒေါ်လာ၆၀၅ ဒေါ်လာဖြစ်နေပြီး
မြန်မာနိုင်ငံကဲ့သို့ နိုင်ငံခြား ရင်းနှီးမြှုပ်နှံ သူများစိတ်ဝင်စား
နေသည့် ပါကစ္စတန် နိုင်ငံ၏ ပျမ်းမျှ မြေဈေးမှာ
တစ်စတုရန်း မီတာလျှင် ၂၅၈ အမေရိကန် ဒေါ်လာသာ
ရှိနေသည်။

ထို့ပြင် ဒေသတွင်း နိုင်ငံများဖြစ်သည့် ဘင်္ဂလားဒေ့ရှ် နိုင်ငံ၏
ပျမ်းမျှမြေဈေးနှုန်းမှာ တစ်စတုရန်းမီတာလျှင် ၂၀၉ဒေါ်လာနှင့်
အင်ဒိုနီးရှား နိုင်ငံ၏ ပျမ်းမျှမြေ ဈေးနှုန်းမှာ တစ်စတုရန်း
မီတာလျှင်၂၅၉ ဒေါ်လာသာ ဖြစ်နေပြီး
မြန်မာနိုင်ငံ၏ ပျှမ်းမျှမြေ ဈေးနှုန်းသည် ဖွံ့ဖြိုးဆဲနိုင်ငံများအနက်
အမြင့်ဆုံး ဖြစ်နေသည် House com mm ၏
သတင်း ထုတ်ပြန်ချက်တွင် ဖော်ပြထားသည်။

အိမ်ခြံမြေ ကဏ္ဍတွင် ရင်းနှီးမြှုပ်နှံမှု ပြုလုပ်မည်ဆိုပါက
ဖွံ့ဖြိုးဆဲ နိုင်ငံများတွင် ရင်းနှီးမြုပ်နှံမှု ပြုလုပ်ခြင်းသည်
ရေရှည်အတွက် ပိုမို ကောင်းမွန်သည့် အခြေအနေတွင်ရှိနေပြီး
နိုင်ငံအများစုတွင် အိမ်ခြံမြေ ၀ယ်ယူ၍ ရင်းနှီး မြုပ်နှံခြင်းကို
ရွှေ၊ ငွေ၊ ကျောက်မျက်ရတနာ စသည်တို့ ၀ယ်ယူ
ရင်းနှီး မြုပ်နှံခြင်းထက် ပိုမိုလုံခြုံစိတ်ချ ရသည်ဟူ၍
အခိုင်အမာ ယုံကြည်ကြပြီး
စတော့ရှယ်ယာတွင် ရင်းနှီး မြုပ်နှံမည်ဆိုလျှင်လည်း
တည်ငြိမ်မှု မရှိနိုင်ခြင်းများကြောင့် အိမ်ခြံမြေ
ရင်းနှီးမြှုပ်နှံမှုများကသာ ရင်းနှီးမြှုပ်နှံသူများကို အကာအကွယ်
ပေးနိုင်သည့် အနေအထား ဖြစ်နေသည်။

မြန်မာနိုင်၏ အိမ်ခြံမြေ ကဏ္ဍသည် စင်ကာပူနိုင်ငံထက်ပင်
များပြားနေပြီး မြန်မာနိုင်ငံတွင် အများစုက အိမ်၊ ခြံ၊ မြေကို
လက်ကိုင်ထားပြီး ကစားနေသဖြင့် နိုင်ငံခြားမှ အမှန်တကယ်
လာရောက် ရင်းနှီးမြှုပ်နှံသူများ အတွက် အခက်အခဲဆုံးနှင့်
အကုန်အကျဆုံးမှာ မြေနေရာအတွက်ဖြစ်ကာ
အခြားနိုင်ငံများတွင် မြေနေရာအတွက် မြှုပ်နှံမှုမှာ
ရင်းနှီးမြှုပ်နှံမှု စုစုပေါင်း ကုန်ကျစရိတ်၏ ရာခိုင်နှုန်း ၂၀
ဝန်းကျင်သာ ရှိချိန်တွင် မြန်မာနိုင်ငံတွင် ရာခိုင်နှုန်း ၃၀ မှ
ရာခိုင်နှုန်း ၄၀ အထိ ရှိနေဆဲ ဖြစ်နေသည်ဟု
ဗြိတိန်အခြေစိုက် Savills မှ အကြီးတန်း မန်နေဂျာ
Sushant Bihani က ပြောကြားသည်။

“ဖွံ့ဖြိုးဆဲ နိုင်ငံတစ်ခု အနေနဲ့ အခက်အခဲ ရှိပေမယ့်လည်း
ရေရှည်အတွက်ဆိုရင် မြန်မာနိုင်ငံက အရမ်းကောင်းတဲ့
ဈေးကွက်တစ်ခုပါ။ အထူးသဖြင့် မြန်မာနိုင်ငံလို နိုင်ငံမျိုးတွေရဲ့
မြေတွေဟာ ရင်းနှီးမြှုပ်နှံမှု အထိန်း အကွပ်တွေအတွက်
အဓိက သော့ချက်တစ်ခုလည်း ဖြစ်ပါတယ်။

ပြီးတော့လည်း မြန်မာနိုင်ငံ အနေနဲ့ တန်ဖိုးရှိတဲ့ ရင်းနှီး မြှုပ်နှံမှု
အခွင့်အလမ်းတွေ အများကြီး တည်ရှိရာ နေရာတစ်ခုလည်း
ဖြစ်နေပါတယ်” ဟု မြန်မာနိုင်ငံ အိမ်ခြံမြေ ဈေးကွက်အပေါ်
House com mm ၏
မန်နေဂျင်း ဒါရိုက်တာ Balaji Ramaswami မှ သုံးသပ်သည်။

တရုတ်နိုင်ငံရှိ စီးပွားရေး အကျပ်အတည်းများကို ရှောင်ရှားရန်
ဂျပန် ရင်းနှီး မြှုပ်နှံသူများမှ ၎င်းတို့၏ ရင်းနှီး မြှုပ်နှံများကို
အလျင်အမြန် ဖွံ့ဖြိုး တိုးတက်လျက်ရှိသည့် မြန်မာနိုင်ငံသို့
စတင် ပြောင်းလဲခဲ့ကြသည့် အတွက် နှစ်အတန်ကြာ
စီးပွားရေး ပိတ်ဆို့မှုများဖြင့် မြန်မာပြည်သည် တစ်ခေတ်ပြန်လည်
ဦးမော့လာခဲ့သည်။

ထို့ပြင် နောင်လာမည့် နှစ်နှစ်အတွင်း မြန်မာ စီးပွားရေးဖွံ့ဖြိုးမှုမှာ
၇ ဒသမ ၈ ရာခိုင်နှုန်းအထိ မြင့်တက်နိုင်ပြီး ပိုမိုများပြားလာသော
ရင်းနှီး မြှုပ်နှံသူများအတွက် မြန်မာ့အိမ်ခြံ မြေဈေးကွက်မှာ
စိတ်ဝင်စားဖွယ် အကောင်းဆုံး နယ်ပယ် ဖြစ်နေသည်။

၂၀၁၄ခုနှစ် နောက်ပိုင်းတွင် နိုင်ငံခြား ပိတ်ဆို့ အရေးယူမှုများကို
အတတ်နိုင်ဆုံး လျှော့ချနိုင်ခဲ့ပြီး နိုင်ငံတကာ ကုမ္ပဏီများဖြစ်သည့်
Walmart နှင့် ကိုကာကိုလာတို့ကိုလည်း မြန်မာ့မြေပေါ်သို့
ရောက်ရှိစေနိုင်ခဲ့ပြီး မြန်မာ့မြေဈေးများလည်း ရုတ်တရက်
မြင့်တက်ခဲ့သည်။            
                          
(ဖြိုးဝေ)

*****

၂။ "ရန်ကုန် အိမ်ခြံမြေ ဈေးနှုန်း မာနေဆဲ"

လွန်ခဲ့သည့် သုံးနှစ်အတွင်း အိမ်ခြံမြေဈေးကွက် အနေအထား
အလွန်ကောင်းမွန်ခဲ့သော်လည်း
၂၀၁၄ ခုနှစ်နှစ်ကုန်ပိုင်းမှစ၍ ဈေးကွက်ငြိမ်သက်နေခဲ့ရာ
လက်ရှိတွင် သိသိသာသာအေးစက်လျက်ရှိသည်။

အထူးသဖြင့် မြန်မာနိုင်ငံ၏ မြို့ကြီးများ ဖြစ်သည့် ရန်ကုန်နှင့်
မန္တလေးမြို့များတွင် အိမ်ခြံမြေအရောင်းအ၀ယ်များ သိသာစွာ
လျော့ကျသွားခဲ့ပြီး ကွန်ဒို၊ တိုက်ခန်းငှားရမ်းမှုများလောက်သာ
အလုပ်ဖြစ်ခဲ့သည်။

ထို့ပြင် ၂၀၁၅ ခုနှစ်သည် နိုင်ငံရေးအပြောင်းအလဲများ
ဖြစ်ပေါ်နိုင်သည့် ရွေးကောက်ပွဲအခြေအနေများကြောင့်
နိုင်ငံ၏ စီးပွားရေးလုပ်ငန်းအများစု၏ ရင်းနှီးမြှုပ်နှံမှုမှာ
စောင့်ကြည့် အနေအထားများဖြစ်ခဲ့သည့်အတွက်
အိမ်ခြံမြေရင်းနှီးမြှုပ်နှံသည်လည်း ပို၍ငြိမ်သက်ကာ
လွန်ခဲ့သည့်ငါးလအတွင်း ဈေးကွက် အတွင်း၌
အိမ်ခြံမြေရောင်းဝယ်မှုမရှိ သလောက်အထိ ဖြစ်ခဲ့သည်။

အိမ်ခြံမြေတွင် ရင်းနှီးမြှုပ်နှံမှုအများစုမှာ
ငွေကြေးပိုလျှံသူများ၏ ရင်းနှီးမြှုပ်နှံမှု အများဆုံးဖြစ်သည့်အတွက်
လက်တလော ဈေးကွက်ငြိမ်သက်နေသည့် အနေအထားကို
တောင့်ခံ နိုင်သူများရှိသကဲ့သို့ ငွေကြေးလိုအပ်ချက် အရ
ရောင်းချရန်လိုအပ်သူများလည်း ရှိနေသည့်အတွက်
ဈေးကွက်အတွင်း အရောင်းအ၀ယ်အချို့ ဖြစ်ပေါ်ခဲ့သည်ဟုလည်း
အိမ်ခြံမြေ အကျိုးဆောင်များက ပြောသည်။

ရန်ကုန်အိမ်ခြံမြေ ဈေးကွက်အတွင်း ပြီးခဲ့သည့် အောက်တိုဘာက
စတင်၍ တန်ဖိုး မြင့်လုံးချင်းအိမ်များ၊ ကွန်ဒိုများကို ဈေးချကာ
ရောင်းချနေသည့် သတင်းများ ထွက်ပေါ်လာ ခဲ့သည်။

ယင်းကဲ့သို့ ရောင်းချမှုများရှိသော်လည်း အဆိုပါ အိမ်မြေများ၏
လျှော့ဈေးများမှာဈေးကွက်အတွင်း အမှန်တကယ်
ကျဆင်းသွားခြင်းမဟုတ်ဘဲ
ယခင်ကအိမ်ခြံမြေခေတ်ကောင်းချိန်တွင် ခေါ်ဆိုထားသည့်
ဈေးအမြင့် များကြောင့် ယခုအချိန်တွင် ပုံမှန်ဈေးနှုန်းများဖြင့်
ပြန်လည်ရောင်းချခြင်းဖြစ်ကြောင်း အိမ်ခြံမြေအကျိုးဆောင်များက
ပြောသည်။

"တကယ်တော့ဈေးချရောင်းတာ မဟုတ် ပါဘူး။
သူတို့က အမြင့်ဆုံးဈေးတွေ ခေါ်ထားကြတော့
အိမ်ခြံမြေဈေးတွေက အဆမတန်မြင့်နေတာ။
အခုလို ဈေးကွက်ငြိမ်နေတဲ့ အချိန်မှာ
ဈေးတွေကို အရင်ပုံမှန်ဈေးကို ပြန်ဖြုတ်ချပြီး ရောင်းကြတော့
ဈေးချပြီး ရောင်းသလိုဖြစ်နေတာ။ တကယ်တော့ ဈေးတွေက
မကျပါ ဘူး" ဟု မြပန်းသခင် အိမ်ခြံမြေအကျိုးဆောင်
ကိုမင်းမင်းစိုးက ပြောသည်။

ဈေးကွက်အတွင်းတွင် သိန်းသောင်းချီတန်သည့်
လုံးချင်းအိမ်များကို ဈေးလျှော့ကာရောင်းချနေခြင်းသည်
အိမ်ခြံမြေဈေးနှုန်းများ ကျဆင်းသွားခြင်း မဟုတ်ဘဲ
လုပ်ငန်းကောင်းမွန်သည့် ပွင့်လင်းရာသီသို့ ရောက်ရှိ
လာသည့်အတွက် အရောင်းအ၀ယ်ပြန်လည်စတင်လာခြင်းနှင့်
အမြင့်ခေါ်ဈေးများကိုလျော့ကာ ရောင်းချခြင်းဖြစ်ကြောင်း
အကျိုးဆောင်များက ပြောသည်။

"ရန်ကုန်မှာ အောက်တိုဘာ လကုန်ပိုင်း လောက်ကစပြီး
ကျွန်တော်တို့ဆီကို အိမ်တွေ၊ တိုက်ခန်းတွေ ရောင်းဖို့အတွက်
လာအပ်တဲ့ သူတွေ ရှိလာပါတယ်။
ဈေးကွက်က တောက် လျှောက်အေးနေပေမယ့် အ
ခုအိမ်ခြံမြေ လုပ်ငန်းလုပ်လို့ကောင်းတဲ့အချိန်
ပြန်ရောက်လာ တော့ အရောင်းအ၀ယ်လုပ်ဖို့ ပြင်ဆင်လာတဲ့
သူတွေရှိလာပါတယ်။ ဈေးတွေကတော့ ပုံမှန်ဈေးတွေပါပဲ" ဟု
Luxury Estate Myanmar မှ
တာဝန်ရှိသူတစ်ဦးက ပြောသည်။

ယင်းကဲ့သို့ တန်ဖိုးမြင့်လုံးချင်းအိမ်များ ရောင်းချမှုရှိလာခြင်းသည်
အောက်ဈေး များဖြင့် အိမ်ခြံမြေများကို ဈေးကွက်တွင်
ထုတ်နေခြင်းမဟုတ်ဘဲ ဈေးခေါ်မှုများသာ ဖြစ်ကြောင်း
မြန်မာနိုင်ငံ အိမ်ခြံမြေ၀န်ဆောင် မှုအသင်း
အထွေထွေအတွင်းရေးမှူး ဒေါ်မို့မို့ အောင်ကပြောသည်။

"အခု ဈေးကွက်ထဲမှာ လုံးချင်းအိမ်တွေ ပြန်ရောင်းနေတာ
တွေက ငွေမလည်တဲ့သူ တွေ ဒါမှမဟုတ်
ငွေပိုက်မထားချင်တဲ့သူ လောက်ပဲ ဈေးချရောင်းနေကြတာပါ။
ဒါပေမဲ့ ဈေးကို အဆမတန်လျှော့ပြီး အောက်ဈေးတွေ နဲ့
ချရောင်းနေတာတော့ မဟုတ်ပါဘူး။
အိမ်ခြံ မြေက ရင်းနှီးမြှုပ်နှံထားရတာများတော့
တချို့ကျတော့ တကယ်ရောင်းတာမဟုတ်ဘဲ
ဈေးခေါ်ကြည့်တာမျိုးတွေ ရှိတယ်" ဟု ၎င်းက ပြောသည်။

သို့သော် အိမ်ခြံမြေအတွင်းငွေမြှုပ်ကာ ငွေလိုအပ်နေသူများမှာ
ယခင်နှစ်များနှင့် ယှဉ်ပါက ၂၀ ရာခိုင်နှုန်းခန့် လျှော့ချကာ
ရောင်းချမှုများ ရှိနေပြီး ယင်းသို့ရောင်းချသူ ဦးရေးမှာ
အိမ်ခြံမြေ ဈေးကွက်အတွင်း နည်းပါးကြောင်း
အိမ်ခြံမြေအကျိုးဆောင်လုပ်ကိုင်သူ ဦးဟိန်းဇံက ပြောသည်။

"ဈေးကွက်မကောင်းတဲ့အချိန်မှာ တောင့်ခံမထားနိုင်တဲ့သူတို့၊
ငွေလိုလို့ ဗိုက်နာပြီးရောင်းချင်နေတဲ့သူတွေကတော့
အရင်ဈေး တွေထက် ၁၀ ရာခိုင်နှုန်း၊ ၂၀ ရာခိုင်နှုန်းလောက်
လျှော့ပြီး ရောင်းတာတွေ ရှိတယ်။ ဒါပေမဲ့ အဲဒါကလည်း
လူတိုင်းမဟုတ်ပါဘူး။
အများစုကငွေပိုလို့ ဒီမှာလာရင်းနှီးထားတဲ့ သူတွေပဲဆိုတော့
တောင့်ခံနိုင်တဲ့သူတွေက များပါတယ်။
အဲဒီလိုရောင်းတဲ့သူက ၁၀ ဦးမှာ သုံးဦးလောက်ပဲ ရှိပါတယ်" ဟု
၎င်းကပြော သည်။

ရန်ကုန်အိမ်ခြံမြေသည် ၀ယ်လိုအား မြင့်တက်မှု ကြာရှည်ခဲ့သည့်
အလျောက်ပြန်လည်ဈေးကစားသူများဖြင့် စည်ကားခဲ့ သည့်
ဈေးကွက်ဖြစ်ခဲ့သည့်အတွက်
ဈေးနှုန်း များမှာလည်း လုပ်ငန်းကောင်းခဲ့သည့် ၂၀၁၁ ကစတင်၍
တစ်စတစ်စ တက်လာခဲ့ရာ ၂၀၁၄ ခုနှစ်ခန့်တွင်
အမြင့်ဆုံးအနေအထားများသို့ ရောက်ရှိခဲ့ပြီး
အရှေ့တောင်အာရှတွင် ဈေး အကြီးဆုံး အိမ်ခြံမြေဈေးကွက်
ဖြစ်ခဲ့သည်။

ထို့ကြောင့် ၂၀၁၄ ခုနှစ် အောက်တိုဘာ လကုန်ထိ
ရန်ကုန်အိမ်ခြံမြေဈေးကွက်၏၀ယ်လိုအား ရောင်းလိုအား
ကျဆင်းနေခဲ့ သော်လည်း အိမ်ခြံမြေဈေးနှုန်းများမှာ
မာနေ ဆဲဖြစ်ပြီး ကျဆင်းလာခဲ့သည်ဆိုသည့် သတင်းစကားများမှာ
မမှန်ကန်ခဲ့ဘဲ ဈေးခေါ်မှုများ၊ ဗိုက်နာသူများ၏
ဈေးချရောင်းမှုများကြောင့် သာ ဖြစ်ကြောင်း
အိမ်ခြံမြေ အကျိုးဆောင် များကဆိုသည်။

အောက်တိုဘာအတွင်း တန်ဖိုးမြင့် အိမ်၊ ကွန်ဒိုရောင်းချမှုများ၏
ဈေးခေါ်ဆိုမှုများသည် တစ်စတုရန်းပေလျှင်
ကျပ်တစ်သိန်း ၀န်းကျင်မှ ကျပ် ၁၀ သိန်းထိဈေးများရှိသည့်
အိမ်ခြံမြေ များရှိနေကြောင်း အိမ်ခြံမြေ အကျိုးဆောင်များက
ပြောသည်။

(မြတ်ငြိမ်းအေး)

credit - Eleven Media Group & The Myanmar Times