"ဒီလိုမျိုးတွေလည်း ရှိတတ်တယ်(၂)"

"ဒီလိုမျိုးတွေလည်း ရှိတတ်တယ်(၂)"

"အိမ်၊ ခြံ၊ မြေ၊ တိုက်ခန်း ရောင်းဝယ်မှုတွင် စာချုပ်အတုနှင့်
ဆင့်ပွားရောင်းချခြင်းများ ဖြစ်ပေါ်နေ"

အိမ်ခြံမြေတိုက်ခန်းရောင်းဝယ်မှုဈေး ကွက်အတွင်း
စာချုပ်အတုများ၊ ဆင့်ပွားရောင်းချခြင်းများဖြစ်ပေါ်
လျက်ရှိကြောင်း အိမ်ခြံမြေ၀န်ဆောင်မှုအသင်းမှ
တာဝန်ရှိသူတစ်ဦးက ပြောသည်။

ထိုကဲ့သို့ အိမ်ခြံမြေတိုက်ခန်းကဲ့သို့ မရွှေ့ပြောင်းနိုင်သည့်
ပစ္စည်းများအား စာချုပ်အတုများပြုလုပ်ခြင်း၊
ပိုင်ဆိုင်မှု စာချုပ်များကို ဆင့်ပွားရောင်းချခြင်းများကြောင့်
ပိုင်ဆိုင်မှုဆိုင်ရာ အငြင်းပွားမှုကိစ္စရပ်များ ဖြစ်ပေါ်လျှက်
ရှိကြာင်း သိရသည်။

* အခန်းပေး အခန်းယူ ကန်ထရိုက် စနစ် ခေတ်စားခဲ့သည့်
သင်္ဃန်းကျွန်း၊ တောင်ဥက္ကလာပ၊ သာကေတ၊
မြောက်ဥက္ကလာပစသည့် မြို့နယ်များတွင်
တိုက်ခန်းပိုင်ဆိုင်မှုနှင့်ပတ်သက်၍
စာချုပ်ဆင့်ပွား ရောင်းချမှုများအပြင်
* တောင်ဒဂုံ၊ မြောက်ဒဂုံ၊ သန်လျင်စသည့်မြို့နယ်အများစုတွင်
အိမ်ခြံမြေပိုင်ဆိုင်မှုအတွက် စာချုပ်အတုပြုလုပ်ရောင်းချမှုများ
ရှိကြောင်း သိရသည်။

''ပထမတော့ စပေါ်ပျောက်နဲ့ ငှားနေတာပေါ့။
ငှားလာတာ ကြာလာတော့ ပတ်ဝန်းကျင်မှာ သူပိုင်သလို
ဖြစ်လာ တယ်။
နောက်တော့ တိုက်ခန်းပိုင်ဆိုင်ကြောင်း စာချုပ်အတုတွေ
လုပ်ပြီး ရောင်းတယ်။
အဲဒီ ၀ယ်လိုက်တဲ့လူက လည်း ဈေးကောင်းရလို့ထပ်ပြီး
နောက်တယောက်ကို ရောင်းတယ်။
ပိုင်ရှင်ကပေါ်လာတော့ အရှုပ်အရှင်းတွေ ဖြစ်လာရော။
အခုနောက်ပိုင်း ဒီလိုပြဿနာတွေများလာတယ်''ဟု
မြန်မာနိုင်ငံ အိမ်ခြံမြေ၀န်ဆောင်မှုအသင်းမှ
အထွေထွေအတွင်းရေးမှူး ဒေါ်မို့မို့အောင်က ပြောသည်။

''မြေကွက်တကွက်ကို ပိုက်ဆံလိုနေလို့ပါဆိုပြီး
ပွဲစားကနေ ပိုင်ရှင်ဆိုတဲ့ လင်မယားနှစ်ယောက်ကို
ခေါ်လာ တယ်။
သိန်းတရာနဲ့ ၀ယ်ထားတာကို ငွေလိုလို့ သိန်း ၆၀ လောက်နဲ့
အရောင်းအ၀ယ်လုပ်မယ်ပြောတယ်။
နောက်တရက်မှ ပိုင်ဆိုင်မှု တွေပြတယ်။
အရောင်းအ၀ယ်လုပ်ပြီး သုံး၊ လေးရက်လောက်မှာ
ပွဲစားခေါ်လာတဲ့ အိမ်ရှင်ဆိုတဲ့ လင်မယားတွေက
ဝယ်လိုက်တဲ့လူဆီဖုန်းဆက်တယ်။
သူတို့က ပိုင်ရှင်မဟုတ်ပါဘူး။ ပွဲစားခေါ်လို့ လိုက်လာရတာပါလို့
ပြောတယ်။
သူတို့တွေပေးထားတဲ့ မြေကွက်ပိုင်ဆိုင်မှုစာချုပ်က
အတုကြီးဖြစ်နေတယ်။
အဲဒီတော့ ပြဿနာတွေ ဖြစ်ကုန်ရော''ဟု
မြောက်ဒဂုံမြို့နယ်တွင် စာချုပ်အတုဖြင့် လိမ်လည်ရောင်းချမှု
ဖြစ်ခဲ့ပုံကို ဒေသခံတဦးက ပြောသည်။

ထိုကဲ့သို့ ပိုင်ဆိုင်မှု အငြင်းပွားဖွယ်များ၊
စာချုပ်စာတမ်း အရှုပ်အရှင်းပြဿနာများ ဖြစ်ပွားရခြင်းသည် ၀
ယ်ယူသူ (သို့) ရောင်းချသူများကုန်ကျစရိတ်များပြားမည်ဟု
ထင်ကာ တတ်ကျွမ်းနားလည်သည့် ဥပဒေပညာရှင်များ
ခေါ်ယူလေ့မရှိခြင်းစသည်တို့ကြောင့် ဖြစ်ပေါ်လေ့ရှိကြောင်း
သိရသည်။

အိမ်ခြံမြေ တိုက်ခန်းအရောင်း အ၀ယ်များပြုလုပ်ပါက
အရောင်းအ၀ယ်ပြုလုပ်ထားသည့် စာချုပ်အား
ဝယ်ယူထားသည့်တန်ဖိုးနှင့်ညီမျှသည့် တံဆိပ်ခေါင်း ခွန်
ထမ်းဆောင်ခြင်း၊ စာချုပ်စာတမ်း မှတ်ပုံတင်ကြေးပေးဆောင်၍
မှတ်ပုံတင်ဆောင်ခြင်း စသည်တို့ကို ပြုလုပ်သင့်ကြောင်း
ဥပဒေပညာရှင်များက အကြံပြုပြောဆိုသည်။

ထို့အပြင် အရောင်းအ၀ယ် ပြုလုပ်နေစဉ် ကာလများအတွင်း
ပိုင်ဆိုင်မှုနှင့်ပတ်သက်၍ ကန့်ကွက်မှုရှိ၊ မရှိကို
သတ်မှတ်ရက်တခုထား၍ နိုင်ငံပိုင်သတင်းစာမှ
ကြေညာခြင်းသည်လည်း အရှုပ်အရှင်းများရှိခဲ့ပါက
သိရှိနိုင်ကြောင်း သိရသည်။

''အခန်းတခန်းတည်းကို သုံး၊ လေးဦးက ဆင့်ပွားရောင်းချ
လာတာကို တွေ့လာရတယ်။
အဲဒီတော့ အိမ်ခြံမြေ တိုက်ခန်းပဲဖြစ်ဖြစ် မရွှေ့ပြောင်းနိုင်တဲ့
ပစ္စည်းတွေရောင်းဝယ်တဲ့အခါ သတင်းစာ ထဲထည့်ပြီး
ကန့်ကွက်မှုရှိ၊ မရှိ ကြေညာလိုက်၊ နားလည်တတ်ကျွမ်းတဲ့
ရှေ့နေတွေရဲ့အကြံဥာဏ်ကို ရယူပါ။
အိမ်ခြံမြေ တိုက်ခန်းဝယ်တာပဲ၊ ဒါပေမဲ့ ပြဿနာဝယ်မိသလို
ဖြစ်နေတယ်။ နောက်တခုက အခွန်ရှောင်ချင်ကြတယ်။
အဲဒီတော့ မလိုအပ်တဲ့ ပြဿနာတွေဖြစ်နိုင်ပါတယ်''ဟု
အထက်တန်းရှေ့နေတဦးဖြစ်သည့် ဦးအေးထွန်းဒွေးက
အကြံပြုပြောဆိုသည်။

၂၀၁၅ ခုနှစ် ပြည်ထောင်စု၏ အခွန်အကောက်ဥပဒေတွင်
အိမ်ငှားရမ်းခြင်း ၀န်ဆောင်မှုလုပ်ငန်းအတွက်
ကုန် သွယ်လုပ်ငန်းခွန် မကျသင့်ကြောင်း ဖော်ပြထားပြီး
နိုင်ငံတော်အတွင်း ဆောက်လုပ်ပြီး ရောင်းချသည့်
အဆောက်အအုံ ရောင်းချခြင်းမှ ရောင်းရငွေအပေါ်တွင်
သုံးရာခိုင်နှုန်းဖြင့် ကုန်သွယ်လုပ်ငန်းခွန် ကျသင့်စေရ မည်ဟု
ပြဋ္ဌာန်းထားသည်။

(မင်းဗညား)

*****

( “အိမ်ခြံမြေ လမ်းဆုံ” မှ (august) လက
တင်ခဲ့သော post အဟောင်းဖြစ်ပါသည်။
မဖတ်ရသေးသော မိတ်ဆွေများ
လေ့လာ ဖတ်ရှုနိူင်ရန် တွဲ၍ ပြန်တင်ခြင်းဖြစ်ပါသည်။)

"စာရွက်စာတမ်းအတု အများအပြားပေါ်ထွက်လာသည့်အတွက်
အိမ်ခြံမြေ အရောင်းအ၀ယ် ပြုလုပ်ရာတွင်ဂရုစိုက်ရန်လို"

နည်းပညာမြင့်မားလာခြင်းနှင့်အတူ
ပိုင်ဆိုင်မှုဆိုင်ရာ စာရွက်စာတမ်းအတုများကို အစစ် နီးပါး
ခွဲခြားမရအောင် ပြုလုပ်လာကြသည့်အပြင်
အိမ်ခြံမြေအရောင်းအ၀ယ်အေးနေသည့် ယခုလို
အချိန်မျိုးတွင်ဝယ်ရောင်းများ၊ မြေကွက်ပိုင်ရှင်များက
၎င်းတို့၏ ပိုင်ဆိုင်မှု များကို ငွေလှည့်သုံးသည့်ဖြစ်ရပ်များ
ဈေးကွက်အတွင်း အများအပြားတွေ့မြင်နေရသည့်အတွက်
အရောင်းအ၀ယ်များပြုလုပ်ရာတွင် ပိုင်ဆိုင်မှုမှန်၊ မမှန်နှင့်
အရှုပ်အရှင်း ရှိ၊ မရှိကို ဦးစွာစိစစ်ပြီးမှ ၀ယ်ယူသင့်ကြောင်း
မြန်မာနိုင်ငံ အိမ်ခြံမြေ၀န်ဆောင်မှုအသင်း တာဝန်ရှိသူများက
ပြောသည်။

"တချို့မြေကွက်တွေဆို ဂရန်က နှစ်ခု၊ သုံးခုလောက်တွေ့ရသလို
မြေချပါမစ်တွေ၊ စလစ်တွေဆိုရင်လည်း မြေကွက်တစ်ခုအတွက်ကို
ငါးစောင်၊ ခြောက်စောင်လောက် တွေ့ဖူးတယ်"ဟု
မြန်မာနိုင်ငံ အိမ်ခြံမြေ၀န်ဆောင်မှု အသင်း(ဗဟို)
အထွေထွေအတွင်းရေးမှူး ဒေါ်မို့မို့အောင်က ပြောသည်။

*** အိမ်ခြံမြေဈေးကွက်အတွင်း မြေကွက်များ ကို
စလစ်၊ မြေငှားစာချုပ်(ဂရန်)နှင့် မြေချပါမစ်များဖြင့်
အရောင်းအ၀ယ်ပြုလုပ်နေကြခြင်းကြောင့်
ဝယ်သူအများစုသည်
စာရွက်စာတမ်း အထောက်အထားများ မှန်၊ မမှန်ကို
စိစစ်ဝယ်ယူမှု အားနည်းသည့်အတွက်
မသမာ သူများ၊ မြေရှင်အချို့နှင့်ဝယ်ရောင်းအချို့မှ
ယင်းအားနည်းချက်ကို အခွင့်ကောင်းယူကာ
မြေကွက် တစ်ကွက်ကို ၀ယ်ယူသူနှစ်ဦး သို့မဟုတ်
ထို့ထက်ပိုပြီးရောင်းချခဲ့သည့် ဖြစ်စဉ်များကြောင့်
တရားရုံးများတွင် မြေကွက်များကို လက်ရောက်ရရှိလိုမှုဖြင့်
ဦးတိုက်လျှောက်ထားမှုများ အများအပြားတွေ့မြင်လာရသည့်
အတွက် လိမ်လည်ရောင်းချမှုများ ကို အမှုဖွင့်ကာ
တရားစွဲဆိုခဲ့ရသည့် ဖြစ်စဉ်များကိုလည်း
တွေ့မြင်လာရကြောင်း ***
အိမ်ခြံမြေ အကျိုးဆောင်များက ပြောသည်။

"တချို့စာရွက်စာတမ်းတွေကအတုနဲ့ အစစ်ခွဲဖို့ခက်တယ်။
မြေပိုင်ဆိုင်မှု မှန်၊ မမှန် ကို သွားစစ်ပြီးမှ ငွေချေရင်တော့
ဒီပြဿနာ မဖြစ်ပါဘူး။
အခုနောက်ပိုင်း အရောင်းအ၀ယ် အေးတော့ ပိုင်ရှင်တွေက
ပေါင်ထားတာများတယ်။
တစ်ဖက်ကလည်း ပေါင်ထားပြီးဖြစ် သလို
တစ်ဖက်မှာလည်း ငွေလိုလို့ရောင်းချင်တဲ့အတွက်
အခုလို ဂရန်အတုတွေ၊ ပါမစ်အတု တွေ
ဇာတ်လမ်းဖြစ်လာတယ်" ဟု အေးရိပ်စံ
အိမ်ခြံမြေအကျိုးဆောင်လုပ်ငန်းက ဦးဝင်းထိန်က ပြောသည်။

*** မြို့ကွက်အသစ်များ ဖော်ထုတ်ပြီး အများ ပြည်သူကို
မြေနေရာများချပေးရာတွင် အိုးအိမ်ဦးစီးဌာနက
မိသားစုဓာတ်ပုံပါ မြေချပါမစ် များဖြင့် ချထားပေးခဲ့ပြီး
ပါမစ်စည်းကမ်းအရ ထိုမြေချပါမစ်များကို
တရားဝင်ပြန်လည် ရောင်းချခွင့်မရှိဘဲ
ယင်းမြေကွက်အတွင်း နေအိမ်ဆောက်လုပ်ရန်အတွက်သာ
အထောက်အထားတစ်ခုအဖြစ် ထုတ်ပေးထားခြင်းဖြစ်ပြီး
ဈေးကွက်အတွင်း မြေချပါမစ်များကို အရပ်စာချုပ်များဖြင့် ချုပ်ဆို
အရောင်းအ၀ယ် ပြုလုပ်လာနေခြင်းများ သည်လည်း
တရားဝင်မှုမရှိသည့်အပြင် အိုးအိမ်ဦးစီးဌာနက ထုတ်ပေး
သည့်မြေကွက် များ အမည်ပေါက်မှန်၊ မမှန်ကိုလည်း
စိစစ် ပေးလျက်ရှိကြောင်း ***
မြို့ပြနှင့်အိမ်ရာဖွံ့ဖြိုးရေး ဦးစီးဌာန တာဝန်ရှိသူများက
ပြောသည်။

"ကျွန်တော်တို့က မြေစီမံခန့်ခွဲမှုတွေကိုမလုပ်တော့ပေမယ့်
ကျွန်တော်တို့ထုတ်ပေးထားတဲ့ ပိုင်ဆိုင်မှုအထောက်အထား
မှန်၊ မမှန်ကိုတော့ စစ်ပေးနေပါတယ်"ဟု
မြို့ပြနှင့် အိမ်ရာဖွံ့ဖြိုးရေးဌာန ဒုတိယညွှန်ကြားရေးမှူး
ဦးထွန်းမြင့်အောင်က ပြောသည်။

 ရန်ကုန်မြို့ရှိ အဆောက်အအုံများ၊ မြေကွက်များ၊ မြို့သစ်များရှိ
ပိုင်ဆိုင်မှုဆိုင်ရာ အထောက် အထားများကို ၁၉၉၆ ခုနှစ်မှစ၍
ရန်ကုန် မြို့တော် စည်ပင်သာယာရေးကော်မတီထံ
လွှဲပြောင်းခဲ့ပြီးဖြစ်သော်လည်း အချို့သော အိမ်ရာစီမံကိန်းများနှင့်
စက်မှုဇုန်များကို အိုးအိမ်ဦးစီးဌာနက စီမံခန့်ခွဲလျက်ရှိပြီး
လွှဲပြောင်းနေဆဲကာလဖြစ်ကြောင်း
၎င်းက ပြောသည်။

 ထို့ပြင်
*** ၀ယ်ယူမည့်မြေကွက်များ၏ ပိုင်ဆိုင်မှု အထောက်အထား
မှန်၊ မမှန်ကိုလည်း
ရန်ကုန် မြို့တော် စည်ပင်သာယာရေးကော်မတီ မြေရာ ဌာနတွင်
စိစစ်နိုင်ပြီး အချိန်တစ်ပတ်ခန့်အတွင်း ပြန်လည်
အကြောင်းကြားပေးလျက်ရှိသည်။ ***
မြေရာနှင့် အိမ်ပိုင်ဆိုင်မှုဆိုင်ရာစာချုပ် စာတမ်းများကို
အတုပြုလုပ်ခြင်းများ များပြား လာသည့်အတွက်
ထိုပိုင်ဆိုင်မှုစာချုပ်များကိုအပေါင်အဖြစ်ထားကာ
ငွေကြေးထုတ် ချေးပေးသော ဘဏ်များမှာလည်း
စာချုပ်အတုများဖြင့်ငွေကြေးချေးငှားပြီး အလိမ်ခံ ရမည်ကို
စိုးရိမ်ပူပန်လာရကြောင်း ဘဏ် လုပ်ငန်းရှင်များကပြော
သည်။

"ဂရန်အတုတွေနဲ့ ဘဏ်မှာ ပိုက်ဆံ လာချေးတာမျိုးက
အရင်ကတည်းက ရှိပါတယ်။
ဒါပေမဲ့ အခု ဂရန်အတုတွေများနေတော့ ပိုပြီးတော့
သတိထားနေရတယ်။ ဂရန် အတု၊ အစစ်ခွဲဖို့
သေချာစိစစ်မှုတွေကိုလည်း ပြုလုပ်နေရတယ်"ဟု
သမ၀ါယမဘဏ် အုပ်ချုပ်မှုဒါရိုက်တာ
ဦးဖေမြင့်က ပြောသည်။

"ဘဏ်မှာ အိမ်၊ မြေတွေရဲ့ဂရန်ကို အပေါင် အနေနဲ့ထားပြီး
ပိုက်ဆံချေးပေးတော့မယ်ဆိုရင်
အဲဒီဂရန်ကို အတုလား၊ အစစ်လား ခွဲခြားသိဖို့
ဘဏ်ကနေ ရှေ့နေကိုထပ်ငှားပြီး
ရန်ကုန်မြို့တော်စည်ပင်သာယာရေးကော်မတီမှာ
သွားစစ်ဆေးပါတယ်။

ရှေ့နေငှားခနဲ့ စည်ပင်ကစစ်ဆေးခကိုတော့
ဘဏ်ကနေအကုန်ခံရတာပေါ့။
ဒါပေမဲ့ အဲဒီလိုမစစ်ဆေး ရင် စာချုပ်အတုတွေကိုသာ
အပေါင်ခံမိရင်ဘဏ်ကရှုံးမှာပေါ့"ဟု ၎င်းကပြောသည်။
 စာချုပ်အတုနှင့် ငွေချေးပြီး အလိမ်ခံရ သည့် သတင်းများ
ကို မကြာခဏ ကြားရတတ် သော်လည်း စီဘီဘဏ်သည်
ဂရန်စာချုပ်အတုနှင့် ပိုက်ဆံချေးပြီးအလိမ်ခံရခြင်းကို
ယခုအချိန်ထိ မတွေ့ကြုံရသေးကြောင်း ဦးဖေမြင့်က
ပြောသည်။

"စာချုပ်တစ်ခုတည်းကို အတုသုံးလေးခု လုပ်ပြီး
ဘဏ်တွေအားလုံးနီးပါးခန့်မှာ ချေးငွေယူတာမျိုးတွေ ရှိတယ်။
စာချုပ်အစစ်တစ်ခု ကို လက်ထဲမှာ ကိုင်ထားပြီး
အတုတွေလုပ်ပြီးဘဏ်တွေကို စာချုပ်အတုပြပြီး
ချေးတာမျိုး တွေလည်း တွေ့ရတယ်။
တချို့လူတွေကျ သူတို့ဝယ်ထားတဲ့အိမ်တွေ၊ မြေတွေက
စာချုပ် အတုနဲ့ လိမ်ရောင်းခံထားရတယ်ဆိုတာ သူတို့
ကိုယ်တိုင်မသိဘဲ ငွေလာချေးတဲ့သူမျိုး တွေလည်းရှိတယ်"ဟု
၎င်းက ပြောသည်။

(ဇေယျာလင်း, တင်ရတနာထွန်း)

credit - စောင့်ကြည့်သတင်းဂျာနယ် &
Myanmar Times