"အိမ်မြေတိုက်ခန်း အ၀ယ်ထပ်လျှင် ရပိုင်ခွင့်''

"အိမ်မြေတိုက်ခန်း အ၀ယ်ထပ်လျှင် ရပိုင်ခွင့်''

"ဝယ်စဉ်ကတော့
ကျွန်မခင်ပွန်းအမည်နဲ့ဝယ်ထားတာပါ။
ကျွန်မတို့ကနယ်မှာ တာဝန်ကျ တော့၊ အဲဒီမြေကွက်ကို
ပြန် မကြည့်ဖြစ် ခဲ့ဘူးပေါ့။
အခု ခင်ပွန်းသည် ကွယ်လွန်မှ အဲဒီမြေ ကွက်ကို
သွားကြည့်ဖြစ်တော့တယ်။
ကျွန်မတို့ဝယ်ထားတယ်ဆိုတဲ့ မြေကွက်မှာ အိမ်လေးတစ်လုံး
တွေတာနဲ့ စုံစမ်းကြည်တော့ သူတို့လည်း ဝယ်ထားတာလို့
သိရပါတယ်။
ကျွန်မတို့ဆီမှာ မြေချပါမစ်က ရှေ့စာရွက်နှစ်ရွက် မူရင်းရှိပြီး
ဝယ်ထားတယ်ဆိုတဲ့ သူဆီမှာတော့ မြေချပါမစ်ရဲ့
နောက်စာရွက်၊ မိသားစုဓာတ်ပုံနဲ့ အိမ် ဆောက်ခွင့်
စာရွက်မူရင်းတွေကို တွေ့ရပါတယ်။
အဲဒါဘယ်လို ဆောင်ရွက်နိုင်သလဲ" လို့
ဆွေးနွေးလာသဖြင့် ဗဟုသုတအဖြစ်
ဤ ဆောင်းပါး ကို ရေး သားလိုက်ခြင်း ဖြစ်ပါသည်။

မှန်ပါသည်။
ယခုအခါ ရန်ကုန်တိုင်း မြို့ပြင်ဒေသများတွင် ကျူးကျော်
နေထိုင်ကြ၍ မြေရောင်းစားနေသည်များလည်းရှိနေပေသည်။
မကြာသေးမီကာလက လှိုင်သာယာမြို့နယ် ပန်းလှိုင်တံ တား
အောက်ရှိ နွံတော လတာပြင်တွင် အကွက်ရိုက်ကာ
တဲများ ဆောက်၍ ကျပ်သုံးသိန်းဖြင့် ရောင်းစားသည်အထိ
မြေယာကျူးကျော်ရောင်းချမှုများဖြစ်ပွားခဲ့သည်။
ဂရန်အတု၊ ပိုင်ဆိုင်မှု အတု ဖြင့် ရောင်းချမှုများ လည်းရှိနေသည်။
ယခုလာရောက် ဆွေးနွေး သော မိတ်ဆွေဆိုလျှင်
ဒဂုံမြို့သစ် တောင်ပိုင်းက ဖြစ်ပေသည်။

အဓိက အချက်မှာ
* မိမိ ဝယ်ယူထားသော မြေကွက် အဆောက်အအုံကို
လက်ဝယ်ရရှိထားရန် အထူးလိုအပ်ပေသည်။
* ဝယ်ထားပြီး မြေကွက်ကို ပစ်ထား၍ မဖြစ်ပါ။
* မြေကွက်ကို ရှင်းလင်း ခြင်း၊
* သက်ဆိုင်ရာ ရပ်ကွက်အာဏာပိုင်များထံ မိမ်ိဝယ်ယူ
လက်ရှိ ဖြစ်ကြောင်း အကြောင်းကြားထား ခြင်း၊
* မကြာခဏ သွားရောက်ကြည့်ရှုခြင်း၊
* ဘေးခြံနီးချင်းအား မိမိပိုင်ဖြစ်ကြောင်း အသိပေး၍
စောင့်ရှောက်စေခြင်းများ အမြဲမပြတ်ရှိရန်
လိုအပ်ပေသည်။
သို့မှသာ ထပ်မံရောင်းချခြင်း ကိစ္စရပ်များမှ
ရှောင်ရှားနိုင် မည်ဖြစ်သည်။

ထို့ပြင်
*** မိမိဝယ်ယူထား သော မြေကွက်သည် ဂရန်မြေဖြစ်ပါက
ဥပဒေနှင့်အညီ စာချုပ်စာတမ်းရုံးတွင် မှတ်ပုံတင်
ပြုလုပ်ချုပ်ဆိုကာ အရောင်းအဝယ် ပြုသင့်ပေသည်။
ပါမစ်မြေဆိုလျှင်လည်း စာရွက်စာတမ်းစုံလင်ခြင်းရှိမရှိ၊
မြေကွက်ပါမစ် စာရွက်စာတမ်း များသည် အမှန်အကန်
ဟုတ်မဟုတ်ကို သက်ဆိုင်ရာ မြေစာရင်း ဌာနတွင် စုံစမ်းပြီးမှ
အရောင်းအ ဝယ်ပြုလုပ်သင့်သည်။ ***

***

*** စာချုပ်စာတမ်းများဖြင့် ရောင်းချရာတွင်
မြေအဆောက်အအုံ ပိုင်ဆိုင်ခွင့်ကို ဦးစွာပဋိညာဉ်ပြုဝယ်သူအား
ဦးစားပေးဆုံးဖြတ်ရမည် *** ဟု စာချုပ်စာတမ်းမှတ်ပုံတင်
အက်ဥပဒေပုဒ်မ ၄၇ တွင် ဖော်ပြထားပေသည်။

ဤသည်နှင့် ပတ်သက်၍
တရားရုံးချုပ်မှ ဆုံးဖြတ်ထုံးဖွဲ့ထားသော
ဒေါ်ခင်မိနှင့် ဒေါ်နီလာလူ ပါ ၃ ဦး
၁၉၉၅ ခုနှစ် မြန်မာနိုင်ငံ တရားစီရင်ထုံး စာမျက်နှာ ၂၄ အမှုတွင်
ဆုံးဖြတ်ထားပါသည်။

ယင်းအမှု၌
- ဒေါ်နီလာလူ က ဗိုလ်မှူးကြီးတင်အေး (အငြိမ်းစား)၊
ဦးမောင်မောင်၊ ဒေါ်ခင်မိတို့ ၃ ဦးအပေါ်
ရန်ကုန်မြို့ မြေတိုင်းရပ်ကွက်အမှတ် ၅၅
မြေကွက်အမှတ် ၄/စ/၁နှင့် မြေကွက်အမှတ် ၄/စ/၂ တို့ကို
တရားဝင်ဝယ်ယူ လက်ရောက် ပိုင်ဆိုင်ကြောင်း
မြွက်ဟကြေညာပေးရန်၊
၁ တရားပြိုင် ထံမှ ငွေကျပ်လေးသောင်း
အမှတ် ၂ နှင့် ၃ တရားပြိုင်တို့ထံမှ ငွေကျပ် တစ်သောင်းစီ
လျော်ကြေးပေးရန်နှင့်
အချင်းဖြစ် မြေ၊ အိမ် တို့နှင့်ပတ်သက်၍
မနှောင့်ယှက်စေရန်အတွက် အမြဲတမ်းတားဝရမ်းထုတ်ပေးရန်
တရားစွဲဆိုခဲ့သည်။

- တိုင်းတရားရုံးတော်က
၁ တရားပြိုင်ထံမှ ငွေကျပ်လေးသောင်းလျော်ကြေးပေးရန်
တောင်းဆိုချက်မှတစ်ပါး
ကျန်အချက်များကို ခွင့်ပြု၍ အနိုင် ဒီကရီ ချမှတ်ပေးခဲ့ပါသည်။
- ဤသည်ကို ဒေါ်ခင်မိက မကျေနပ်၍ တရားရုံးချုပ်သို့
အယူခံဝင်လာခြင်းဖြစ်သည်။
တရားရုံးချုပ် သုံးသပ်ချက် ဆုံးဖြတ်သည်မှာ
- ယခုအမှုသည် ဒေါ်နီလာလူက ဦးမောင်မောင်ထံမှ
အချင်းဖြစ် မြေကွက်နှစ်ကွက်ကို
မှတ်ပုံတင် စာချုပ် အမှတ် ၁၂၄၄/၇၅ ဖြင့် ဝယ်ယူခဲ့သည်။
- ဦးမောင်မောင်သည် အချင်းဖြစ်မြေကွက် နှစ်ကွက်ကို
ဒေါ်ခင်မိ အား ထပ်မံရောင်းချခဲ့ပြီး
- ဒေါ်ခင်မိက ဗိုလ်မှူးကြီးတင်အေး (အငြိမ်းစား) အား
ရောင်းချခဲ့ကြောင်း အဆိုပြုစွဲဆိုထားသည်။
- ဗိုလ်မှုကြီးတင်အေး (အငြိမ်းစား)က အချင်းဖြစ် မြေကွက်များကို
မှတ်ပုံတင်စာချုပ် အမှတ် ၆၇၆/၇၅ ဖြင့်
ဒေါ်ခင်မိထံမှ ဝယ်ယူခဲ့သော်လည်း ယင်းဝယ်ယူခြင်းနှင့်
စပ်လျဉ်း၍ အရှိန်အဝါသုံးပြီး ဝယ်သည်ဟု
ဒေါ်နီလာလူက စွပ်စွဲတိုင်တန်းသဖြင့်
၁၂-၆-၇၇ နေ့ တွင် ဒေါ်ခင်မိအားပြန်လည် ရောင်းချခဲ့သဖြင့်
လက်ဝယ် မရှိတော့ကြောင်း ထွက်ဆိုထုချေ ထားသည်။

- အမှုဖြစ်စဉ်အရ အချင်းဖြစ် မြေကွက်နှစ်ကွက်စလုံးကို
နှစ်ဖက်အမှုသည်များက မှတ်ပုံတင်စာချုပ်များဖြင့်
ဝယ်ယူထားကြ သည်။
- မြေကွက်ရောင်းသူ ဦးမောင်မောင်က ဒေါ်နီလာလူကို
ရောင်းချခြင်း မဟုတ်ဘဲ ဒေါ်ခင်မိကိုသာ ရောင်းချခဲ့ခြင်း
ဖြစ်ကြောင်းနှင့် ဒေါ်နီလာလူအား ရောင်းသည့်
မှတ်ပုံတင် စာချုပ်တွင် မှားယွင်းထည့်သွင်းမိခြင်းဖြစ်ကြောင်း
အကြောင်းပြသည်။
- ရောင်းသူ ဦးမောင်မောင်သည် ဒေါ်ခင်မိအား
ရောင်းချပြီးဖြစ်ခဲ့ လျှင် ဒေါ်နီလာလူအား ထပ်မံ ရောင်းချရန်
မသင့်ပေ။
- တန်ဖိုးကြီးမားသော မြေကို မှားယွင်း ရောင်းမိခြင်း
ဖြစ်သည်ဆိုသော အ ချက်မှာ ယုံကြည်ရန် မလွယ်လှပေ။
- ဒေါ်နီလာလူသည် အ ရောင်းအဝယ် မှတ်ပုံတင်ပေးရန်
တင်သွင်းခဲ့သော နေ့ရက်မှာ ၁၈-၂-၇၅ ဖြစ်သည်။
- ဒေါ်ခင်မိမှတ်ပုံ တင်ရန် တင်ပြသော နေ့ရက်မှာ
၂၅-၃-၇၅ ဖြစ်သည်။
- ယင်းအချက်ကို ထောက်ရှုလျှင် ဒေါ်နီလာလူဝယ်ယူသည့်
အခါက အချင်းဖြစ် မြေနှစ်ကွက်ကို ဒေါ်ခင်မိအား ရောင်းချခြင်း
မပြုရသေးဟု အ မြင်အားဖြင့် ကောက်ယူမှသာလျှင်
သဘာဝကျ မျှတမည်ဟု ဆိုနိုင် မည်ဖြစ် သည်။
- ဒေါ်နီလာလူ၏ စာချုပ် မှတ်ပုံတင်အမှတ်မှာ
၁၂၂၄/၇၅ ဖြစ်ပြီး၊
ဒေါ်ခင်မိ၏ စာချုပ်မှတ်ပုံတင်အမှတ်မှာ ၄၄၁/၇၅ ဖြစ်၍
မှတ်ပုံတင်နေ့ ရက်သည် ဒေါ်ခင်မိက စောပေသည်။

စာချုပ်စာတမ်းမှတ်ပုံ တင် အက်ဥပဒေပုဒ်မ ၄၇ တွင်
*** မှတ်ပုံတင် စာချုပ်တစ်ရပ်၏ အကျိုးသက်ရောက်သော
အချိန်မှာ မှတ်ပုံတင်သည့် အချိန်မဟုတ်ဘဲ
မှတ်ပုံတင်ရန်လိုအပ်သည့် စာချုပ် စာတမ်းဖြစ်စေ၊
မှတ်ပုံတင်ရန်မလိုအပ်သည့် စာချုပ်စာတမ်းဖြစ်စေ
စတင်ချုပ်ဆိုသည့် အချိန်ဖြစ်သည် *** ဟု
ပြဋ္ဌာန်းထားသည်။

ထို့ကြောင့်
စာချုပ်စာတမ်းကို မှတ်ပုံတင်လိုက်သည်နှင့်
တစ်ပြိုင်နက်ချက်ချင်းပင်
မှတ်ပုံတင်သော နေ့ရက်မှ မဟုတ်တော့ဘဲ၊
စာချုပ် စတင်ချုပ်ဆိုသော နေ့ရက်ကို နောက်ကြောင်းပြန်
အကျိုးသက်ရောက် ပေသည်။

ဤအမှုတွင်
- ဒေါ်နီလာလူသည် အရောင်းအဝယ်စာချုပ်ကို
၁၈-၂-၇၅ ရက်စွဲဖြင့် ချုပ်ဆိုထားပြီး၊
ဒေါ်ခင်မိက ၂၅-၃-၇၅ ရက် စွဲဖြင့် ချုပ်ဆိုထားသည်။
- ဒေါ်နီလာလူ၏ မှတ်ပုံတင်စာချုပ်အမှတ် ၁၂၂၄/၇၅ သည်
ဒေါ်ခင်မိ၏ မှတ်ပုံတင်စာချုပ် အမှတ် ၄၄၁/၇၅ ထက်
နောက် ကျသည် ဆိုသော်လည်း
- ရောင်းချရာ၌ စာချုပ်ချုပ်ဆိုသော ရက်စွဲကိုသာ
ဦးစားပေး ဆုံး ဖြတ်ရမည်။

- အရောင်းအဝယ် စာချုပ်ကို နောက်ကျသော ရက်စွဲဖြင့်
ချုပ်ဆိုပြီး မှတ်ပုံတင်ရာ၌ စောနေသောကြောင့်
ယင်း မှတ်ပုံတင်စာချုပ်ကို ဦးစားပေးအတည်ပြုရန် မဟုတ်ဟု
ဆုံးဖြတ်ပြီး ဒေါ်နီလာလူအား အနိုင်ဒီကရီ
ချမှတ်ပေးခဲ့သည်။

ထို့ကြောင့်
ဆွေးနွေးရန်လာသော အမျိုးသမီးအား
မိမိချုပ်ဆို ထားသော မြေအရောင်းအဝယ် စာချုပ်သည်
အခြားသူက ဝယ်ယူ ထားသည်ဆိုသော
အရောင်းအဝယ် စာချုပ်ထက်
စောသည့်နေ့ရက်၌ အရောင်းအဝယ်ပြု ချုပ်ဆိုထားပါက
အခွင့်အရေးရပိုင်ခွင့် ရှိကြောင်း ရှင်းပြခဲ့ပါသည်။

သို့ဖြစ်၍
*** အိမ်ခြံမြေတိုက်ခန်းဝယ်ရာတွင် အဝယ်ထပ်နေပါက
ဦးစွာ စာချုပ်စာတမ်းချုပ်ဆို ဝယ်ယူထားသူကသာ
ရပိုင်ခွင့်ရှိကြောင်း ***
ဗဟုသုတအဖြစ် ရေးသားလိုက်ပါသည်။

ထီယု (ဥပဒေ အတိုင်ပင်ခံ)

credit - Myanmar Market Journal