"ဆုပေးရော ဒဏ်ပေးပါ အားနည်းနေသည့် အခွန်"

"ဆုပေးရော ဒဏ်ပေးပါ အားနည်းနေသည့် အခွန်"

အခွန်ထမ်းဆောင်ခြင်းဟူသည် နိုင်ငံသားများ
ဆောင်ရွက်ရသည့် တာဝန်ပင် ဖြစ်သည်။ သို့သော်
အခွန်ထမ်းဆောင်ခြင်း၏ အကျိုးကျေးဇူးသည်
ဘာလဲဟူသည်ကား မေးခွန်းထုတ်စရာ ရှိသည်။

ယေဘုယျအားဖြင့်  ပညာရေး၊ ကျန်းမာရေးနှင့် တိုင်းပြည်
ဖွံ့ဖြိုးရေးလုပ်ငန်းစဉ်များအတွက် လိုအပ်သည့် အခြေခံ
အဆောက်အအုံများကို အစိုးရက ဖော်ဆောင်ရာတွင်
အခွန်ငွေဖြင့်သာ အသုံးချရခြင်းဖြစ်သည်။

အခွန်ငွေရရှိမှု နည်းပါးသည့် နိုင်ငံဖြစ်ပါက နိုင်ငံ၏
သယံဇာတများကို ရောင်းချခြင်း၊ ပြည်ပချေးငွေရယူခြင်း
များဖြင့် ဆောင်ရွက်ရသဖြင့် နောက်ဆက်တွဲ အကျိုးဆက်
များစွာကို ခံစားကြရသည်။

စစ်အစိုးရတာဝန်ယူခဲ့စဉ်ကာလတစ်လျှောက်
အခွန်ထမ်းဆောင်သည့်အလေ့အထ မြန်မာပြည်တွင်
နည်းပါးခဲ့သည်။

၂ဝ၁၁ ခုနှစ် ရွေးကောက်ခံအစိုးရစနစ် ပေါ်ပေါက်လာပြီး
နောက် အခွန်ယဉ်ကျေးမှု ပြန်လည်ထွန်းကားစပြုလာ
ခဲ့သည်။ သို့သော် နိုင်ငံ၏လူဦးရေအားဖြင့် ဆိုပါက အခွန်
ထမ်းဦးရေသည် အလွန်နည်းပါးနေဆဲ ဖြစ်သည်။

အခွန်ဥပဒေအရ အခွန်တိမ်းရှောင်သူများကို
ပြစ်မှုပြစ်ဒဏ်များ ပြဌာန်းထားသော်လည်း လက်တွေ့တွင်
အကောင်အထည်ဖော်ဆောင်ရွက်မှု အားနည်းလွန်း
နေသည်။ ၎င်းအချက်သည်ပင် အခွန်ထမ်းများနှင့်
အခွန်တိမ်းရှောင်သူများအကြား မမျှတမှု တစ်ရပ် ဖြစ်နေ
စေသည်ဟု ဆိုနိုင်သည်။

တည်ဆဲဥပဒေအရ လူတစ်ဦး၊ ကုမ္ပဏီတစ်ခု၏ အခွန်
ထမ်းဆောင်ပြီး ရငွေများသည် ဝင်ငွေရ လမ်းကြောင်း
ပြနိုင်သောငွေ 'ငွေဖြူ' များဖြစ်သည်။ ထို့အတွက်
၎င်းငွေများဖြင့် တစ်စုံတစ်ရာပြန်လည်ဝယ်ယူရာတွင်
ဝင်ငွေခွန် ထပ်မံပေးဆောင်ရန် မလိုတော့ဘဲ ကင်းလွတ်
ခွင့်ရှိသည်။ ၎င်းအချက်သည်ပင် အခွန်ထမ်းများအတွက်
နိုင်ငံက ပြန်လည်ပေးထားသည့် အခွင့်အရေး
မက်လုံးတစ်ရပ် ဖြစ်သည်။

သို့ရာတွင် ၎င်းအခွင့်အရေးကိုပင် အခွန်ထမ်းများအနေဖြင့်
ပြည့်ဝစွာ အကျိုးခံစားခွင့် ရှိရေးသည် ရှုပ်ထွေးလွန်းနေ
သဖြင့် အခွန်ထမ်းများက ခံစားခွင့်မရှိဘဲ ဖြစ်နေသည်။

အခြားတစ်ဖက်တွင် အခွန်တိမ်းရှောင်နေသူများ အတွက်
မြင်သာသည့် ပြစ်ဒဏ်ကျခံရမှုများ မရှိခြင်းက အားနည်းချက်
ဖြစ်နေသည်။ ထို့အတွက် အခွန်ထမ်းဆောင်သူ
အရေအတွက် နည်းပါးနေစေသည့် အချက်တစ်ရပ် ဟု
ဆိုနိုင်သည်။

''အခွန်ဆောင်တဲ့သူနဲ့ အခွန်ရှောင်တဲ့သူ ရတဲ့ အခွင့်အရေး
က အတူတူဖြစ်နေတယ်။
အဲဒီတော့ အခွန်မဆောင်လည်း ဘာမှမဖြစ်ဘူးဆိုတဲ့ အသိ
က အခွန်ထမ်းတဲ့သူဦးရေကို နည်းနေစေတယ်'' ဟု
ပို့ကုန်လုပ်ငန်းရှင် ဦးနေလင်းဇင်က ပြောသည်။

လက်ရှိတွင် ပြည်တွင်း၌ အခွန်ထမ်းဆောင်လုပ်ကိုင်နေသည့်
ကုမ္ပဏီများ၏ရောင်းကုန်များသည် အခွန်တိမ်းရှောင်သည့်
ကုမ္ပဏီများ၏ ရောင်းကုန်များနှင့် ဈေးကွက်ယှဉ်ပြိုင်မှု
မပြုလုပ်နိုင်သည့် အခြေအနေများ ရှိနေကြသည်။

ထို့ပြင် နိုင်ငံအနေဖြင့်လည်း အခွန်ထမ်း အရေအတွက်
တိုးတက်လာရန် လုပ်ဆောင်ခြင်းထက် အခွန်ထမ်းဆောင်
သူများထံမှ အခွန်တိုးမြှင့်ရရှိရေးကိုသာ ဦးစားပေးနေခြင်း
ကလည်း မမျှတမှုကို ဖြစ်နေစေသည် ဟု
စီးပွားရေးလုပ်ငန်းရှင်များက ပြောသည်။

''ဆောင်တဲ့ သူက ဆောင်တယ်၊မဆောင်တဲ့သူကလည်း
မဆောင်ဘူးဆိုတဲ့အခါမှာ လုပ်ငန်းတူ၊ ပစ္စည်းတူချင်း
ယှဉ်ရရင် ကုန်ကျစရိတ်ချင်း မတူတော့ဘူး။
အဲဒါကြောင့် ဈေးကွက်ထဲမှာ ယှဉ်ပြိုင်ဖို့က အခွင့်အရေး
တန်းတူ မရှိတော့ဘူး ''ဟုမြန်မာနိုင်ငံ ကုန်သည်များနှင့်
စက်မှုလက်မှုလုပ်ငန်းရှင်များ အသင်းဘုတ်အဖွဲ့ဝင်တစ်ဦး
ဖြစ်ပြီး သွင်းကုန်လုပ်ငန်းရှင်ကြီး တစ်ဦးဖြစ်သူ
ဒေါက်တာအောင်သိန်း က ပြောသည်။

''လုပ်ငန်းတိုင်း၊ လူတိုင်းကို အခွန်ဆောင်သူဖြစ်အောင်
လုပ်ပေးသင့်တယ်။
အခွန်ဆိုတာကိုလည်း ဆောင်နိုင်တဲ့ ပမာဏတစ်ခုကို
ဖြစ်စေပြီး လွတ်နေတဲ့နေရာမရှိအောင် လုပ်နိုင်ရင်တောင်
လက်ရှိထက်အများကြီးပိုရလာမှာပါ။
အခုက အခွန်မဆောင်ဘဲ လွတ်နေတဲ့ နေရာတွေလည်း
အများကြီး'' ဟု ၎င်းက ဆက်ပြောသည်။ 

ပြည်တွင်းအခွန်ဦးစီးဌာန ညွှန်ကြားရေးမှူးချုပ် ဦးမင်းထွဋ်
ကမူ ထိုကဲ့သို့ အခွန်ကင်းလွတ်သူများရှိနေခြင်း အတွက်
၎င်းတို့ဌာနသည် အခြားဌာနဆိုင်ရာများနှင့် ချိတ်ဆက်မှု
ကို တိုးမြှင့်လုပ်ကိုင်နေလျက်ရှိသည် ဟု ပြောသည်။

''အခွန်ကင်းလွတ်တဲ့နေရာ မရှိဖို့အတွက် ဆောင်ရွက်
နေပါတယ်။
ဥပမာအားဖြင့် လုပ်ငန်းတစ်ခုကို လုပ်တော့မယ်ဆိုရင်
မြို့နယ် စည်ပင်သာယာရေးကော်မတီနဲ့ သက်ဆိုင်ရာ
ဌာနမှာ လိုင်စင်ယူရတယ်။
အဲဒီလိုလိုင်စင်ယူတဲ့အခါမှာ အခွန်တာဝန်ကျေပွန်တဲ့သူ
ကိုသာ လိုင်စင်ထုတ်ပေးဖို့အတွက် လုပ်ထားတယ်။
ဆောက်လုပ်ရေးလုပ်ငန်းတစ်ခုဟာလည်း အဆောက်
အအုံတစ်ခုဆောက်ပြီးရင် လူနေထိုင်ခွင့်တောင်းခံတဲ့
အခါမှာ အခွန်ဆောင်ပြီးမှသာ လူနေထိုင်ခွင့်ကို
ရရှိနိုင်မယ့် နည်းလမ်းတွေကို လုပ်ထားပါတယ်''ဟု
ညွှန်ကြားရေးမှူးချုပ် က ပြောသည်။

လစာဝင်ငွေခွန်နဲ့ ပတ်သက်လို့လည်း အခွန်ထမ်းများလာဖို့
အတွက် ပြည်တွင်းအခွန် ဦးစီးဌာနအနေဖြင့် တစ်နေရာ
တည်းတွင် အပြီးဆောင်ရွက်နိုင်သည့် One Stop Service
စနစ်များကို အသုံးပြု၍ လုပ်ကိုင်နေသည်ဟု
၎င်းက ပြောသည်။

အခြားတစ်ဖက်တွင်မူ ကုမ္ပဏီလုပ်ငန်းတစ်ခုသည် ကုမ္ပဏီ
ရငွေများကို အခွန်ထမ်းဆောင်ပြီးပါက ၎င်းတို့၏ ရပိုင်ခွင့်
ဖြစ်သည့် အခွန်ထမ်းဆောင်မှုမှတ်တမ်းရရှိရန် အခက်အခဲ
ရှိနေသည်ဟု ဦးနေလင်းဇင်က ပြောသည်။

ကုမ္ပဏီ၏ အခွန်ထမ်းဆောင်မှုအား ကုမ္ပဏီအမည်ဖြင့်
အခွန်ပြေစာကိုသာရရှိပြီး ကုမ္ပဏီတည်ထောင်သူ၏
အမည်ဖြင့် အခွန်ထမ်းဆောင်မှုမှတ်တမ်း မရရှိခြင်း
ကလည်း အခက်အခဲ တစ်ရပ်ဖြစ်နေစေလျက်ရှိသည်ဟု
၎င်းက ပြောသည်။

ပြည်ထောင်စု၏ အခွန်အကောက် ဥပဒေတွင် ဝင်ငွေခွန်
ဥပဒေပုဒ်မ ၆ နှင့် ၆-က တို့တွင် ဝင်ငွေခွန် ထမ်းဆောင်
ထားပြီးသည့်ငွေ (ဝင်ငွေရလမ်းကြောင်းဖော်ပြနိုင်သောငွေ)
ဖြင့် အိမ်ခြံမြေ စသည့် အခြေပြုပစ္စည်း တစ်မျိုးမျိုးကို
ပြန်လည်ဝယ်ယူပါက ဝင်ငွေခွန်ကင်းလွတ်ခွင့်
ပြုထားသည်။

အခွန်ဆောင်ကြောင်း အထောက်အထားအဖြစ်
ဝင်ငွေခွန်ဆောင်သူသည် တစ်သီးပုဂ္ဂလဖြစ်ပါက
အပြာရောင်မှတ်တမ်းစာအုပ်နှင့်
စီးပွားရေးလုပ်ငန်းများဖြစ်ပါက အဝါဖျော့ရောင်မှတ်တမ်း
စာအုပ်ဖြင့် မှတ်တမ်း ရယူခွင့် ရှိသည်။

၎င်းမှတ်တမ်းစာအုပ်များဖြင့် အခွန်ထမ်းဆောင်သူ
လူတစ်ဦးချင်းနှင့် လုပ်ငန်းများသည် နှစ်အလိုက်ဝင်ငွေခွန်
ပေးဆောင်ထားမှုများကို သက်ဆိုင်ရာမြို့နယ် အခွန်ရုံးများ
တွင် တံဆိပ်ထု၍ မှတ်တမ်းရယူ အတည်ပြုနိုင်သည်။

၎င်းမှတ်တမ်းစာအုပ်တွင်မူ လုပ်ငန်း၊သို့မဟုတ် လူတစ်ဦးချင်း
၏ လစဉ် ဝင်ငွေနှင့် ၎င်းဝင်ငွေအတွက် အခွန်ပေးချေမှု
ပမာဏကို ဖော်ပြထားသည်။

အကယ်၍ လူတစ်ဦးသည် အခွန်ထမ်းဆောင်ပြီး ဝင်ငွေ
သိန်း ၅ဝဝ ရှိပါက သိန်း ၅ဝဝ တန်ဖိုးရှိ တိုက်ခန်း၊ သို့မဟုတ်
အခြားအခြေပြုပစ္စည်း တစ်ခုခုဝယ်ယူရာတွင် ဝင်ငွေခွန်
ထပ်မံပေးဆောင်ရန် မလိုတော့ဘဲ ခုနှိမ်ခွင့်ရရှိမည်
ဖြစ်သည်။ သိန်း ၆ဝဝ တန်ဖိုးရှိတိုက်ခန်းကို ဝယ်ယူမည်
ဆိုပါက သိန်း ၅ဝဝ ကို ခုနှိမ်၍ သိန်းတစ်ရာအပေါ်တွင်သာ
ဝင်ငွေခွန် ပေးဆောင်ရမည်ဖြစ်သည်။

ထို့အတွက် အခွန်ခုနှိမ်မည်ဆိုပါက တိုက်ခန်းဝယ်ယူမှု
ပြုလုပ်သည့် သက်ဆိုင်ရာမြို့နယ်အခွန်ရုံးတွင် ဝင်ငွေခွန်
ပေးဆောင်ပြီး မှတ်တမ်းစာအုပ်ကိုပြ၍ ဝင်ငွေခွန်
မကျသင့်စေရန် တောင်းခံနိုင်ခွင့် ရှိသည်။

ဝင်ငွေရလမ်းကြောင်း မဖော်ပြနိုင်သည့်ငွေများဖြင့် အခြေပြု
ပစ္စည်း တစ်ရပ်ရပ်ကို ဝယ်ယူရာတွင်လည်း
- တစ်ကျပ်မှ ကျပ်သိန်း ၃ဝဝ အထိကို ၁၅ ရာခိုင်နှုန်း၊
- ကျပ်သိန်း ၃ဝဝ မှ သိန်း ၁,ဝဝဝ အထိကို ၂ဝ ရာခိုင်နှုန်း၊
- ကျပ်သိန်း ၁,ဝဝဝ နှင့် အထက်ကို ၃ဝ ရာခိုင်နှုန်းဖြင့်
ဝင်ငွေခွန် ထမ်းဆောင်ရမည်ဟု ဖော်ပြထားသည်။

''ကုမ္ပဏီဆိုတာက လူက တည်ထောင်ထားတာဖြစ်တယ်။
ကုမ္ပဏီအမည်နဲ့ အခွန်ပြေစာပေးသလို နှစ်အလိုက်
အခွန်ထမ်းဆောင်ထားတဲ့ ပမာဏကို လူအမည်နဲ့လည်း
ထုတ်ပေးဖို့လိုတယ်။
အဲဒီတော့မှ ဒီကုမ္ပဏီကို တည်ထောင်တဲ့သူက အိမ်ဖြစ်စေ၊
ကားဖြစ်စေ ဝယ်ယူတဲ့အခါမှာ ငွေဖြူအနေနဲ့ ဝင်ငွေခွန်
ထပ်မဆောင်ရဖို့ တောင်းဆိုခွင့် ရှိမှာပါ။
ကုမ္ပဏီရဲ့ အခွန်ဆောင်ထားပြီးသားကို လူနာမည်နဲ့
မှတ်တမ်းအဖြစ် မရတဲ့အတွက် ကားတို့၊ အိမ်တို့ ပြန်ဝယ်တဲ့
အခါမှာ ဝင်ငွေရလမ်း မပြနိုင်ဘူးဆိုပြီး ဝင်ငွေခွန်
ထပ်ဆောင်ရတယ်။
ဒါက သဘာဝ လုံးဝမကျဘူး။
အဲဒီတော့ အခွန်ဆောင်တာက ဘာအကျိုးမှ မရှိသလို
ဖြစ်နေတယ်'' ဟု ဦးနေလင်းဇင်က ပြောသည်။

အချို့သောနိုင်ငံများတွင်မူ အခွန်ထမ်းဦးရေ များလာရန်
အတွက် မက်လုံးပေးသည့် စနစ်များဖြင့် ဆွဲဆောင်သည့်
နည်းလမ်းများကို ဆောင်ရွက်ထားသည်။

ဥပမာအားဖြင့် ထိုင်ဝမ်နိုင်ငံတွင်ဆိုလျှင် ဈေးဝယ်စင်တာ
များ၊ စားသောက်ဆိုင်များတွင် သုံးသည့် ငွေရှင်းပြေစာကို
တစ်နိုင်ငံလုံး တစ်ပုံစံတည်း သတ်မှတ်ထားပြီး ထိုပြေစာ
သည် နံပါတ်စဉ်များပါဝင်ကာ ထီလက်မှတ်လည်း
ဖြစ်သည်။ နှစ်လတစ်ကြိမ် ထိုင်ဝမ်ဒေါ်လာ ၁ဝ သန်း
(အမေရိကန်ဒေါ်လာ ၃၃၅,ဝဝဝ ခန့်)တန်သည့် ထိုထီဆုမဲ
ကို ဖောက်ပေးသည်။ ထို့အတွက် စားသုံးသူများသည်
ငွေချေပြေစာကို မဖြစ်မနေ တောင်းဆိုကြပြီး ဆိုင်မှ
ပေးအပ်ခြင်း မရှိပါက တိုင်ကြားကြသည်။

လက်ရှိတွင် မြန်မာနိုင်ငံ၌ စီးပွားရေးလုပ်ငန်းများအားလုံးကို
ရာနှုန်းပြည့် အခွန်စည်းကြပ်နိုင်ရန် ဆောင်ရွက်နိုင်မှုမရှိ
သေးသည့်အပြင် တစ်ဦးချင်းဝင်ငွေများအပေါ်တွင်လည်း
ရာနှုန်းပြည့် ဝင်ငွေခွန်စည်းကြပ်နိုင်ရန် ဆောင်ရွက်နိုင်
သေးခြင်း မရှိသေးပေ။

တစ်ဦးချင်းဝင်ငွေများအနေဖြင့်ဆိုပါက ဘဏ်လုပ်ငန်းများနှင့်
ချိတ်ဆက်၍ လစာပေးသည့် ကုမ္ပဏီများမှ ဝန်ထမ်းများနှင့်
အစိုးရဝန်ထမ်းများအပေါ်တွင်သာ ဝင်ငွေခွန်စည်းကြပ်
နိုင်သေးခြင်းဖြစ်သည်။

ထို့အတူ စီးပွားရေးလုပ်ငန်းများတွင်လည်း တရားမဝင်
ကုန်သွယ်မှု လုပ်ငန်းများ၊ ဒီဂျစ်တယ်စနစ်အပေါ် မှီခို
လုပ်ကိုင်သည့် လုပ်ငန်းများအပေါ်တွင်
အခွန်စည်းကြပ်နိုင်မှု အားနည်းနေဆဲဖြစ်သည်။

ထို့အတွက် ပြည်တွင်းအခွန်ဦးစီးဌာနအနေဖြင့် ၂ဝ၁၈ ခုနှစ်
မှစတင်ကာ ဒစ်ဂျစ်တယ်စနစ်ဖြင့် လုပ်ကိုင်နေသည့်
ရောင်းဝယ်မှုလုပ်ငန်းများ၊ ကြော်ငြာများအပေါ်တွင် ဝင်ငွေခွန်
စည်းကြပ်မှုများကို စတင်တော့မည်ဟုလည်း
ညွှန်ကြားရေးမှူးချုပ်က မြန်မာတိုင်း(မ်)ကို ပြောသည်။

မြန်မာနိုင်ငံသည် လက်ရှိအခြေအနေတွင် အစိုးရ၏
အရအသုံးဆိုင်ရာ စာရင်းများရေးဆွဲရာ၌ လိုငွေများ နှစ်စဉ်
ပြနေလျက်ရှိသည်။

ထို့အတွက် ပြည်ပမှ ကြွေးမြီများရယူရခြင်း၊ ဗဟိုဘဏ်မှ
ငွေချေးခြင်းများကို နှစ်စဉ်ဆောင်ရွက်နေရသည်။ ၎င်းချေးငွေ
များအတွက် အတိုးပေးရန်လိုသဖြင့် နိုင်ငံအတွက် ရေရှည်
တွင် အခက်အခဲဖြစ်စေလာနိုင်သည်။ ထို့အတွက်အခွန်ငွေ
တိုးမြှင့်ရရှိရေးက အရေးကြီးသည်ဟု စီးပွားရေးပညာရှင်
များက ပြောကြသည်။ 

ယခု ၂ဝ၁၇ ခုနှစ် ပြည်ထောင်စု၏ အခွန်အကောက်ဥပဒေ
တွင် အခွန်ကဏ္ဍအရပ်ရပ်မှ အခွန်ရငွေများကို ကျပ် ၆,၄၈၁
ဘီလျံရရှိရန် လျာထားသည်။ သို့သော် ပြည်တွင်းအခွန်ဦးစီး
ဌာနမှ ကောက်ခံသည့် တံဆိပ်ခေါင်းခွန်၊ ဝင်ငွေခွန်၊
ကုန်သွယ်ခွန်နှင့် အောင်ဘာလေသိန်းဆု စသည့် အခွန်
ကဏ္ဍများ၏ ရငွေသည် ဘဏ္ဍာနှစ်၏ ထက်ဝက် ခြောက်လ
တာအတွင်း ကျပ် ၂,၁၅ဝ ဘီလျံကိုသာ ရရှိထားသည်။
သုံးပုံတစ်ပုံခန့်သာရသေးသည့်သဘော ဖြစ်သည်။

နိုင်ငံတစ်နိုင်ငံ၏ ဖွံ့ဖြိုးရေး ဆောင်ရွက်ရာတွင် အခွန်ငွေ
ရရှိရေးသည် အဓိကအရေးပါသည့် အချက်ဖြစ်သည်။
သို့သော် အခွန်ထမ်းများ နစ်နာစေမည့် အခွန်စနစ်နှင့်
အခွန်ကင်းလွတ်မှုမရှိသော မျှတသည့် အခွန်စနစ်ဖြစ်ရေး
သည်လည်း အရေးပါလှသည်။ ထို့အတွက် အခွန်ရှောင်သူ
များကို မည်သို့ ကိုင်တွယ်မည်၊ အခွန်ထမ်းများကို မည်သည့်
ခံစားခွင့်များပေးမည် ဆိုခြင်းကလည်း အရေးပါလှသည့်
အချက်ဖြစ်သည်။

ထို့အတူ အခွန်ထမ်းပြည်သူများ၏ ခံစားခွင့်များက
ဘာဖြစ်မလဲဆိုသည့် အချက်ကလည်း နိုင်ငံအနေဖြင့်
မဖြစ်မနေဖော်ဆောင်ပေးရန် လိုအပ်နေသည်။

(ထင်လင်းအောင်)

credit - The Myanmar Times

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0