“အကွက်ရိုက် လယ်မြေများ၏ နောက်ကွယ်”

“အကွက်ရိုက် လယ်မြေများ၏ နောက်ကွယ်”

၁။ "မန်းမှာ ရွာမြေ၊ ယာမြေ ပိုက်ဘောမိနေသူ များ"

ကျပ် ၉၅ သိန်းခန့် တန်ဖိုးမှ သည် နောင်လေးငါးဆယ်နှစ်
အတွင်း ကျပ်သိန်းရာပိုင်း ထောင်ပိုင်းအထိ တန်ဖိုး
တက်လာနိုင်တယ်ဆိုတဲ့ မျှော်လင့်ချက်ဟာ နှစ်နှစ်နီးပါး
ကြာပြီးနောက် သဲထဲရေသွန်ဖြစ်ခဲ့ ရပါပြီ။

မန္တလေးမြို့နဲ့ အနီးပတ်ဝန်းကျင်ရှိ တန်ဖိုးနည်းရွာမြေ၊
လယ်ယာမြေတွေမှာ ဝယ်ယူရင်းနှီးမြှုပ်နှံတဲ့ လုပ်ငန်းဟာ
စီးပွားရေးအရ တွက်ခြေ အကိုက်ဆုံးလုပ်ငန်း အဖြစ်
တစ်ပိုင်တစ်နိုင် ရင်းနှီးမြှုပ်နှံသူတွေ မျက်စိကျစရာ
ဖြစ်ခဲ့ပါတယ်။

အထူးသဖြင့် မြို့နဲ့မနီးမဝေးမှာရှိတဲ့ ပုသိမ်ကြီးမြို့နယ်
အတွင်းက ကျေးရွာဘက်တွေရှိ တန်ဖိုးနည်းရွာမြေ
လယ်မြေတွေဈေးကောင်း ရနိုင်တယ်ဆိုတဲ့ မျှော်လင့်ချက်
နဲ့ ဝယ်ယူရင်းနှီး မြှုပ်နှံခဲ့ကြပါတယ်။

သည်လို ရွာမြေတွေနဲ့ အကွက်ရိုက်မြေဝယ်လက်တွေထဲမှာ
အများစုက အခြေခံလူလတ်တန်းစားတွေနဲ့ ဝန်ထမ်းတွေ
ဖြစ်တယ်လို့ ဒေသခံအချို့ကို မေးမြန်းမှုတွေအရ
သိရပါတယ်။

လတ်တလော မန္တလေး အိမ်ခြံမြေဈေးကွက်မှာ
အရောင်းအဝယ်ရပ်တန့်လုနီးပါး ကျဆင်းနေပြီး အချို့နေရာ
တွေမှာ မြေတန်ဖိုးရဲ့ ၁၀ ရာခိုင်နှုန်းမှ ၃၀ ရာခိုင်နှုန်း အထိ
အရှုံးခံ  ရောင်းနေ ရပါတယ်။

သည်လို ဈေးကွက်ကျဆင်းနေချိန်မှာ
- ပိုင်ဆိုင်မှုမခိုင်မာတဲ့ မြေဖြစ်တာ၊
- မြေကွက် အကျယ်အဝန်း ကျဉ်းမြောင်းတာ၊
- နေရာ အကွက်အကွင်း လမ်းမသင့်တာ၊
- လူနေ အဆောက်အအုံ ဆောက်လုပ်ဖို့ ခွင့်မပြုတဲ့
မြေအမျိုးအစားဖြစ်တာ၊
- လွှဲပြောင်းရောင်းဝယ်ခွင့် မရှိတာ စတဲ့ မြေတွေ ဝယ်ယူထား
မိတဲ့ သူတွေကတော့ အရှုံးကြီး  ရှုံးနေရပါပြီ။

မြေသူဌေးအိပ်မက်ကြောင့် တတ်နိုင်တဲ့ ငွေအရင်းအနှီးနဲ့
ဝယ်လှောင်ထားတဲ့ မြေကိုလက်ရှိ အရှုံးခံပြန်ရောင်းနေတာ
တောင်  ဝယ်သူမရှိ ဖြစ်နေရပါပြီလို့ မြေဝယ်ထားသူအချို့
က ပြောပါတယ်။

“မြေမြိုခံရတယ်ဆိုတာ ဒါမျိုးပါ၊သူဌေး ဖြစ်မလားဆိုပြီးတော့
ခုကျတော့ ပြန်ရအောင် ရောင်းလို့ရရင်တောင် ကံကောင်း
တယ်မှတ်တာပါပဲ” လို့ ပုသိမ်ကြီးမြို့နယ်ထဲရှိ
အကွက်ရိုက် ကွက်စိတ်မြေ ဝယ်ထားသူ ကိုမျိုးမင်းက
ပြောပါတယ်။

ကိုမျိုးမင်းဟာ သည်မြေကိုဝယ်ယူခဲ့တာ ၂၀၁၆ နှစ်ဆန်းမှာ
ဝယ်ယူခဲ့တာဖြစ်လို့ ယခုဆိုရင် အချိန်နှစ်နှစ်နီးပါး ကြာပြီ
ဖြစ်ပါတယ်။

စုဆောင်းထားတဲ့ငွေကြေးနဲ့ ရှိတဲ့ရွှေတိုရွှေစတွေ ရောင်းချလို့
ရတဲ့ ငွေကျပ် ၉၅ သိန်းနဲ့ ဝယ်ယူထား တဲ့သည်မြေဟာ
သူ့မိသားစုဘဝအတွက် သူဌေးအိပ်မက်ဖြစ်တယ်လို့
ဆိုပါတယ်။

ပတ်ဝန်းကျင်က မိတ်ဆွေတွေအပြင် အများသူငါရောင်းဝယ်မှု
ပြုနေတာကို မြင်တွေ့ ကြားသိရာကစလို့ သည်အကွက်ရိုက်
မြေဝယ်ယူဖို့ ဖြစ်လာရတာလို့ သိရပါတယ်။

‘ကျွန်တော်တင် မဟုတ်ပါဘူး၊ဆွေမျိုးတချို့လဲပါတယ်၊
ဝယ်ကြတဲ့အထဲမှာ၊  နားလည်လို့တော့ မဟုတ်ပါဘူး၊
ဒီလိုပဲ ဘယ်သူကတော့ ဝယ်ပြီး တစ်လလောက်ရှိသေးတယ်၊
ဘယ်လောက်မြတ်တာတို့ ဘယ်သူဆိုဘယ်လောက် နဲ့
ပြန်ရောင်းတာတို့ မြင်နေရတော့ ကိုယ့်လောဘနဲ့ကိုယ်
ဝယ်ဖို့ ဖြစ်လာတာ”လို့ ကိုမျိုးမင်းက ပြောပါတယ်။

အိမ်ခြံမြေ ဝယ်ယူရင်းနှီးမြှုပ်နှံတဲ့ လုပ်ငန်းဟာ အမြတ်အစွန်း
သေချာတဲ့  ရင်းနှီးမြှုပ်နှံမှု လုပ်ငန်းအဖြစ် ၁၉၈၈ နောက်ပိုင်း
မှာ စတင် ရပ်တည်လာခဲ့ပါတယ်။

ပေါက်ဖော်ကြီးတွေ
။။။။။။။။။။။။။။။။။။။။။။

ပြည်တွင်းအခြေစိုက် တရုတ်စီးပွားရေးသမား အချို့
အိမ်ခြံမြေဈေးကွက်ထဲစုပြုံဝင်ရောက် ရင်းနှီးလာရာကစလို့
အိမ်ခြံမြေဈေးကွက်မှာ အရောင်းအဝယ်သွက်ကာ
ဈေးအဆမတန် ပြောင်းလဲမြင့်တက်မှုတွေ ဖြစ်ပေါ်
လာပါတယ်။

မြို့တွင်း အိမ်ခြံမြေဈေး အဆမတန် မြင့်တက်လာခဲ့ပြီး
၂၀ဝ၆ ခုနှစ်ဝန်းကျင်လောက်မှာ အိမ်ခြံမြေဈေးကွက်အတွင်း
လုပ်ငန်းကြီးသမားတွေရဲ့ ရင်းနှီးမြှုပ်နှံမှုပုံစံ ပြောင်းလဲခဲ့
ပါတယ်။

မြို့တွင်းအချက်အချာကျတဲ့ နေရာတွေကို  အရင်တုန်းက
ဈေးကြီးပေး ဝယ်ယူခဲ့ကြရာကနေ မြို့တွင်းအိမ်ခြံမြေ
ဈေးထက်ဈေးနှုန်းပိုမို သက်သာပြီး မြေနေရာလည်း
ကျယ်ဝန်းတဲ့ မြို့နဲ့လည်း မနီးမဝေးမြို့ပြင်ကနေရာတွေမှာ
ပိုမိုဝယ်ယူလာကြပါတယ်။

တစ်ပိုင်တစ်နိုင် လုပ်ငန်းသမားတွေကလည်း အဆိုပါမြို့
ပတ်ဝန်းကျင်ရှိ ရွာတွေက မြေယာတွေ တန်ဖိုးတက်လာ
နိုင်တယ်ဆိုတဲ့ ခန့်မှန်းချက်တွေနဲ့ မြေပေါ်မှာဝင်ရောက်
ရင်းနှီးမြှုပ်နှံခဲ့ကြပါတယ်။

စီးပွားရေးလုပ်ငန်း သမားကြီးတွေက ဧကအလိုက်ပိုင်ဆိုင်မှု
ခိုင်မာတဲ့ မြေတွေမှာ ရင်းနှီးမြှုပ်နှံခဲ့ကြပြီး အရင်းအနှီး
နည်းပါးတဲ့ တစ်ပိုင်တစ်နိုင် ဝယ်လက်တွေကတော့
တစ်ဆင့်ခံ အကွက်ရိုက်မြေတွေ ဝယ်ယူ ရင်းနှီးမြှုပ်နှံခဲ့
ကြပါတယ်။

၂၀၁၆ ခုနှစ်မှာတော့ လယ်ယာမြေအကွက်ရိုက် ရောင်းချ
မှုတွေ၊သစ်တောမြေ အကွက်ရိုက် ရောင်းချမှုတွေ စတဲ့
လွှဲပြောင်းရောင်းဝယ်ခွင့်မရှိတဲ့ မြေရောင်းဝယ်မှုတွေကို
ပြင်းပြင်း ထန်ထန်တားဆီးပိတ်ပင်ဖို့ အာဏာပိုင်တွေ
ဘက်က ကြိုးစားလာတာကြောင့် လယ်ယာမြေယာ
အကွက်ရိုက်ကွက်တွေမှာ မြေပိုင်ဆိုင်မှု အရှုပ်အရှင်း၊
ငွေကြေး အရှုပ်အရှင်း ပြဿနာတွေ ပေါ်ပေါက်လာတယ်။

“မြေဈေးကျတယ် ကျတော့ ဘာဖြစ်လဲ၊
တကယ်ထိခိုက်ကုန်တာက မရှိမဲ့ ရှိမဲ့ ဝယ်ထားတဲ့သူတွေ၊
သူတို့မှာ တစ်နေ့တက်နိုးတက်နိုးနဲ့ ခု ကျတော့
လက်ကြီးသမားကတော့ ရှောင်ထွက် သွားပြီ၊
ဘာဖြစ်လာလဲ၊
ဒီမရှိမဲ့ရှိမဲ့ ဝယ်ထားတဲ့ သူက သူဝယ်ထားတဲ့ ဈေးတောင်
ရောင်းရဖို့ မလွယ်တော့ဘူး၊ ဝယ်သူမရှိဘူး၊
တချို့ဆို မန္တ လေးမှာ နေစရာတစ်နေရာရနည်းလား ဆိုပြီး
ဝယ်ကြတာ၊ ခုကျတော့ ဘာဖြစ်လာလဲဆိုတော့ ကိုယ့်မြေပါ
ဆိုတာ ဘာမှ အထောက်အထား မပြနိုင်ဘူး၊ လက်ညှိုးထိုးပဲ
ပြနိုင်တယ်၊ ဘယ်လိုလုပ်ကြမလဲ”လို့ ပုသိမ်ကြီးမြို့နယ်
မဲခင်းကုန်း ကျေးရွာက ဒေသခံ အကျိုးဆောင်တစ်ဦး က
ပြောပါတယ်။

တွန့်ဆုတ်စေတယ်
။။။။။။။။။။။။။။။။။။။။။။

လက်ရှိအချိန်အထိလည်း ပိုင်ဆိုင်မှုအရှုပ်အရှင်း ပြဿနာတွေ
ဖြစ်ပေါ်နေတာ ရှိနေပြီး ဒါဟာ တစ်ချိန်က အရောင်းအဝယ်
သွက်ခဲ့တဲ့ အရောင်းအဝယ်ဈေးကွက်အပေါ် ဝယ်သူတွေကို
တွန့်ဆုတ်စေတယ်လို့ နယ်ခံမြေပွဲစားအချို့က ပြောပါတယ်။

ဝယ်လက်မရှိလို့ အရောင်းအဝယ် ကျဆင်းလာတာနဲ့အမျှ
ဈေးနှုန်းပါ ကျဆင်းလာခဲ့ပြီး အခုနှစ်ဆန်းပိုင်းက ကျပ်သိန်း
၁၂၀ ခန့်ပေးဈေးရှိခဲ့တဲ့ ပေ ၄၀ ပတ်လည်မြေကွက်တစ်ခု
ဟာ အခု ကျပ် သိန်း ၇၀ ခန့် ဈေးခေါ်ရောင်းတာတောင်
ဝယ်သူမရှိဘူးလို့ သိရပါတယ်။

“မြေကတော့ ဝယ်ရင်မရှုံးနိုင်ဘူးလို့ သိထားတယ်၊
အရင်အရင်ဈေးက ကျတယ်ဆိုတာမှ မရှိဘဲ ကိုယ်ဝယ်တော့
မှ ကျတော့တာပါ ပဲ၊
 ဒီနှစ်ဆန်းပိုင်းလောက်ကတော့ လာဝယ်သေးတယ် ၊
အမြတ်နည်းသေးလို့ဆိုပြီး မရောင်းလိုက်တာ၊
ခုကျတော့ အဲဒီတုန်းက ထွက်ဈေး တစ်ဝက်လောက်ပဲ
ရတော့တယ်”လို့ အကွက်ရိုက် မြေနှစ်ကွက် ဝယ်ယူထားသူ
ကိုကီးကီးက ဆိုပါတယ်။

မန္တလေးမြို့ကနေ ပြင်ဦးလွင်သွားတဲ့ ကားလမ်းဘေး
ပတ်ဝန်းကျင်က မြေယာတွေ၊
ပုသိမ်ကြီးမြို့နယ်သွား ကားလမ်းနံဘေးပတ်ဝန်းကျင်က
မြေယာတွေ၊
မတ္တရာဘက်သွားတဲ့ ကားလမ်းနံဘေး ပတ်ဝန်းကျင်က
မြေယာတွေနဲ့
စစ်ကိုင်း၊တံတားဦး၊ပတ်ဝန်းကျင်က မြေယာတွေက
အကွက်ရိုက်မြေတွေမှာ အခုအခါ အရောင်း အဝယ်
ရပ်နေတယ်လို့ နယ်ခံအကျိုးဆောင်
အချို့က ပြောပါတယ်။

စီးပွားရေးသမားအချို့က အိမ်ခြံမြေလုပ်ငန်းမှာ ထပ်မံ
ရင်းနှီးမြှုပ်နှံဖို့ မလိုလားဘဲ လက်ရှိ ရှိနေတဲ့မြေကို ငွေသား
အဖြစ် ပြောင်းလဲဖို့ကိုပဲ အားသန်နေတယ်။

အစိုးရအနေနဲ့လည်း အာရှစံချိန်တင်မြင့်တက်တဲ့ အိမ်ခြံမြေ
ဈေးကျဆင်း စေဖို့ အစီအမံတွေ ချမှတ်လုပ်ဆောင်ဖို့
ရှိနေပါတယ်။ သည်အတွက် အိမ်ခြံမြေဈေးဟာ ကျဆင်းမြဲ
ကျဆင်းနေဦးမှာပါ။

မြေတွေ အရောင်းအဝယ်ရပ် ဈေးကျနေချိန် ကွက်စိတ်
မြေကွက်ပိုင်ရှင် ကိုမျိုးမင်းတစ် ယောက်ကတော့ 
မြေအရောင်းအဝယ် ပြန်လည် လှုပ်ခတ်ကာ မြေအမျိုးအစား
မရွေး အရောင်းအဝယ်သွက် ဈေးတက်လာဖို့
ဆုတောင်းနေပါတယ်။

(မိုးမြင့်ထွန်း)

*****

၂။ "မန်းမှာ အကွက်ရိုက်မြေ ပိုင်ဆိုင်မှု အရှုပ်အရှင်း
အဖြစ်များနေ"

မန္တလေးအိမ်ခြံမြေဈေးကွက်မှာ မြေအရောင်းအဝယ်ရပ်တန့်
လုနီးပါး ကျဆင်းနေပြီးနောက် အကွက်ရိုက်မြေတွေမှာ
ပိုင်ဆိုင်မှု အရှုပ်အရှင်းပြဿနာတွေ အဖြစ်များလာတယ်လို့
ဒေသခံ အကျိုးဆောင်အချို့က ပြောပါတယ်။

အထူးသဖြင့် မန္တလေး ပုသိမ်ကြီးမြို့နယ်က လယ်ယာမြေကို
အကွက်ရိုက်ရောင်းချထားတဲ့ မြေတွေမှာ ၄င်းပြဿနာတွေ
အဖြစ်များနေတာလို့ ဒေသခံ အကျိုးဆောင် အချို့က
ပြောပါတယ်။

မြေဝယ်ရောင်းအချို့ဟာ လယ်ယာမြေတွေကို အကွက်ရိုက်
ကွက်စိတ် ရောင်းချဖို့ အတွက် မူလလယ်ပိုင်ရှင်ဆီ က
လယ်ယာမြေတွေကို ဝယ်ယူကြပါတယ်။

ဝယ်ရောင်းဟာ မူလလယ်ပိုင်ရှင်ထံ စရန်သဘောငွေပေးချေပြီး
အကွက်ရိုက်မြေရောင်းချလို့ရမှ ရရှိတဲ့ ငွေပေးချေမယ်ဆိုတဲ့
ပုံစံမျိုးနဲ့ ဝယ်တာဖြစ်ကာ သည်လို ရောင်းဝယ်တဲ့ မြေတွေမှာ
ပိုင်ဆိုင်မှု အရှုပ်အရှင်းပြဿနာတွေ အဖြစ်များတာလို့
သိရပါတယ်။

ဥပမာ တစ်ဧကရှိတဲ့ လယ်တစ်ကွက်ကို မျက်နှာစာ ၄၀ ပေ
အနံ ၆၀ ပေ ကျယ်တဲ့ အကွက်တွေခွဲရိုက်ရင်၁၆ကွက်လောက်
ရပြီး ရလာတဲ့ကွက်စိတ် ၁၆ ကွက်မှာ လေးငါးကွက်သာ
ရောင်းချပြီး ကျန်တဲ့ဟာတွေက မရောင်းရတော့ လယ်ရှင်ကို
ပိုက်ဆံ အကျေ မပေးနိုင်ဘူး။

လယ်ပိုင်ရှင်ကလည်း ပိုက်ဆံအကျေမရသေးတော့ မြေက
မြေပဲ ။သည်ဘက်ကကွက်စိတ်ဝယ်သမားကျတော့
သူကလည်း ပိုက်ဆံပေးဝယ်ထားတော့ သူ့မြေ ၊ အဲဒီလို
ဖြစ်နေတာလို့ အကျိုးဆောင်က ရှင်းပြပါတယ်။

လယ်ယာမြေကွက်စိတ်တွေ အရောင်းအဝယ်ကောင်းခဲ့စဉ်က
ပြဿနာတစ်စုံတစ်ရာဖြစ်ပွားခြင်း မရှိပေမဲ့ သည်နှစ်
လယ်မြေကွက်စိတ်အရောင်းအဝယ် သိသိသာသာ ကျဆင်း
သွားချိန်မှာတော့ မူလမြေပိုင်ရှင်နဲ့ ကွက်စိတ်ရိုက်ရောင်းသူ ၊
ကွက်စိတ်တစ်ဆင့်ခံ ဝယ်သူတွေကြားထဲမှာ မြေယာနဲ့
ပတ်သက်ပြီး သုံးပွင့်ဆိုင်အရှုပ်အရှင်းတွေ ယခင်ကထက်
ပိုမိုပေါများ ပေါ်ပေါက်လာတာလို့ ဒေသခံအကျိုးဆောင်
အချို့က ဆိုပါတယ်။

ပုသိမ်ကြီးမြို့နယ်အတွင်းရှိ လယ်ယာမြေကွက်စိတ်တစ်ခုရဲ့
တန်ဖိုးဟာ မြေအကျယ်အဝန်း ၊ လမ်းအနေအထား ၊
မန္တလေးမြို့နဲ့ အနီးအဝေးကို လိုက်ပြီး မျက်နှာစာ တစ်ပေ
ကျပ်သိန်း ၅သိန်း မှ ကျပ် ၂၈သိန်းဝန်းကျင်အထိပေါက်ဈေး
ရှိနေပါတယ်။

ခန့်မှန်းပြောဆိုမှုတွေအရ ပိုင်ဆိုင်မှုအရှုပ်အရှင်း ပြဿနာ
ဖြစ်ပွားနေတဲ့ လယ်ဧက အမြောက်အမြားရှိပြီး တန်ဖိုးနဲ့
တွက်ချက်ကြည့်ရင် ငွေပမာဏ ကျပ်သိန်း သောင်းချီ အထိ
ရှိနိုင်တယ်လို့ ဒေသခံအကျိုးဆောင်အချို့က ဆိုပါတယ်။

၂၀၁၆ ဇူလိုင်လထဲမှာလည်း သည်လို ပြဿတွေ ဖြစ်ပွားခဲ့
ဖူးပါတယ်။ ပြဿနာတွေဖြစ်ပွားနေတဲ့ ကြားထဲမှာ မူလ
ပိုင်ရှင်ဆီက တိုက်ရိုက်မဟုတ်ဘဲ တစ်ဆင့်ခံဝယ်ရောင်းဆီ
က အကွက်ရိုက် ကွက်စိတ်မြေဝယ်ထားသူ အများစုသာ
ထိခိုက်နစ်နာရနေတယ်လို့ သိရပါတယ်။

လယ်ယာမြေ အကွက်ရိုက်ရောင်းချမှုတွေ ၊ သစ်တောမြေ
အကွက်ရိုက်ရောင်းချမှုတွေ စတဲ့ လွှဲပြောင်း ရောင်းဝယ်ခွင့်
မရှိတဲ့ မြေရောင်းဝယ်မှုတွေကို ပြင်းပြင်းထန်ထန်
တားဆီးပိတ်ပင်ဖို့ အာဏပိုင်တွေဘက်က ကြိုးစားလာတာ
ကြောင့် မန္တလေးတိုင်း ပြင်ဦးလွင်မြို့နယ်ရှိ လယ်ယာမြေ
အကွက်ရိုက်ကွက်တွေမှာ မြေပိုင်ဆိုင်မှု အရှုပ်အရှင်း
ပြဿနာကြောင့် တစ်ချိန်က အရောင်းအဝယ်သွက်ခဲ့တဲ့
ပြင်ဦးလွင်မြို့နယ်ရှိ လယ်ယာမြေ အရောင်းအဝယ်
ဈေးကွက်တစ်ခုလုံး အခုအခါ ဝယ်သူမရှိသလောက်နီးပါး
ဖြစ်နေတယ်လို့ နယ်ခံမြေပွဲစားအချို့က ပြောပါတယ်။

(မိုးမြင့်ထွန်း)

credit - Kumudra Journal

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0