“လမ်းကြောင်းပေါ်ရောက်လာသော တိုက်ခန်းအိမ်ရာ ဥပဒေ”

“လမ်းကြောင်းပေါ်ရောက်လာသော တိုက်ခန်းအိမ်ရာ ဥပဒေ”

၁။ "မြေပိုင်ဆိုင်မှု၊ အိမ်ခန်းပိုင်ဆိုင်မှုများနှင့် ပတ်သက်သည့်
အငြင်းပွားမှုများ လျှော့နည်းစေရေးအတွက် ဥပဒေတစ်ရပ်
ပြဌာန်းဖို့ရှိ"

မြို့ပြ အိမ်ရာအဆောက်အအုံများတွင် မြေပိုင်ဆိုင်မှု၊
အိမ်ခန်းပိုင်ဆိုင်မှုများနှင့် ပတ်သက်သည့် အငြင်းပွားမှုများ
လျှော့နည်းစေရေးအတွက် ဥပဒေတစ်ရပ် ပြဌာန်းသွားရန်
စီစဉ်နေကြောင်း မြန်မာနိုင်ငံ လိုင်စင်ရ ကန်ထရိုက်တာ
အသင်းမှ သိရသည်။

ယင်းအတွက် မြန်မာနိုင်ငံလိုင်စင်ရ ကန်ထရိုက်တာများ
အသင်းက တိုက်ခန်းအိမ်ရာအဆောက်အအုံဆိုင်ရာ ဥပဒေ
(အဆိုပြု ဥပဒေကြမ်း) ဆွေးနွေးပွဲကို ဒီဇင်ဘာလ ၂၆ ရက်
က မြန်မာနိုင်ငံဆောက်လုပ်ရေး လုပ်ငန်းရှင်များ အသင်း
တွင် ပြုလုပ်ခဲ့သည်။

အဆိုပါဥပဒေကြမ်းနှင့်ပတ်သက်ပြီး မြန်မာနိုင်ငံ လိုင်စင်ရ
ကန်ထရိုက်တာများအသင်းမှ အလုပ်အမှုဆောင်
ဦးနန္ဒကျော်က
“ တိုက်ခန်းတစ်ခန်းကို ငွေကြေး ရာဂဏန်း၊ ထောင်ဂဏန်း
ပေးဝယ်ပြီး သူတို့မှာ ပိုင်ဆိုင်မှု အထောက်အထား
မရှိပါဘူး။
တကယ့် တကယ်နှစ်ပြည့်လို့ ပြန်ဖျက်တဲ့အခါ၊
နောက်တခါ ပြန်ဖျက်တာ မဟုတ်ပဲနဲ့ တခါပြန်ရောင်းတဲ့အခါ
အဲဒီအခါမှာ သူတို့က ပိုင်ဆိုင်မှု မရှိတဲ့အခါကြတော့ သူတို့ကို
ဥပဒေအရ ပိုင်ဆိုင်ကြောင်း ထုတ်ပေးစေချင်တယ်။
ထုတ်ပေးနိုင်မယ်ဆိုရင် သူတို့အနေနဲ့ အိမ်ပိုင်ဆိုင်လာမယ်။
ဒီထက်ပိုမြင့်လာရင် သူတို့က တခြားနိုင်ငံတွေလိုပေါ့
နေအိမ် တိုက်ခန်းဝယ်တဲ့အခါမှာ ဘဏ်အပေါင်နဲ့ဝယ်လို့
ရတယ်။
သုံးရာတန် တိုက်ခန်းကို တစ်ရာရှိရင် တစ်ရာ ပေးမယ်။
ကျန်တဲ့နှစ်ရာကို ဘဏ်မှာ ပေါင်ပြီး ပြန်ဆပ်မယ်။
အဲလိုဆိုရင် လူနေမှုအဆင့်အတန်း မြင့်လာမယ်“ ဟု
ပြောသည်။

ယင်းဥပဒေအား အတည်ပြုပြဌာန်းနိုင်ရေးအတွက် အိမ်ရာ
ကဏ္ဍနှင့် ဆက်နွယ်နေသည့် ဆောက်လုပ်ရေး ၀န်ကြီးဌာန၊
မြန်မာနိုင်ငံဆောက်လုပ်ရေးလုပ်ငန်းရှင်များ အသင်းနှင့်
အဆိုပြု ဥပဒေကြမ်း အား တင်သွင်းသည့် မြန်မာနိုင်ငံ
လိုင်စင်ရ ကန်ထရိုက်တာများအသင်းမှ တာဝန်ရှိသူများ
တက်ရောက်ဆွေးနွေးခဲ့ကြသည်။

ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေး
ဦးစီးဌာနမှ ညွှန်ကြားရေးမှူးချုပ် ဦးမင်းထိန်က
“အဓိကတော့ အိမ်ရာကဏ္ဍမှာ ကွန်ဒို စုပေါင်းအိမ်ရာ
အဆောက်အအုံဆိုင်ရာ ဥပဒေတွေ ထွက်လာတယ်။
ထွက်လာပြီးတော့ ဒီဥပဒေထဲမှာ အကြုံးမ၀င်တဲ့
အဆောက်အအုံတွေ ရှိတယ်။
ဒီအဆောက်အအုံတွေကိုလည်း ခိုင်မာတဲ့ အာမခံချက်
ကလေးတွေ ပေါ်ပေါက်လာဖို့အတွက်ကို အဖွဲ့အစည်း
တွေကနေပြီးတော့ အဆိုပြုလာတဲ့အတွက် ဒီဥပဒေလေး
ကလည်း ကျွန်တော်တို့ နိုင်ငံတော် အတွက်ရော ပြည်သူ
တွေအတွက်ရော အိမ်ရာကဏ္ဍအတွက်ရော လိုအပ်တဲ့
ဥပဒေတစ်ရပ်ဖြစ်တဲ့အတွက်ကြောင့် မို့လို့ ဆွေးနွေးတာ
ဖြစ်ပါတယ်" ဟု ဆိုသည်။

ယင်းဥပဒေပေါ်ထွက်လာပါက တိုက်ခန်း အိမ်ရာ
အဆောက်အအုံ၏ အိမ်ခန်းများကို ဥပဒေနှင့်အညီ တရားဝင်
ပိုင်ဆိုင် လက်ရှိထားခွင့်၊ အကျိုးခံစားခွင့်နှင့် စနစ်တကျ
လွှဲပြောင်းခွင့်များ ရရှိစေရန် ရည်ရွယ်ထားကြောင်း
သိရသည်။

လက်ရှိ အိမ်ခန်းဝယ်ယူရာတွင် ဖြစ်ပေါ်နေသည့်
ပြသာနာများနှင့် ပတ်သက်ပြီး မြန်မာနိုင်ငံဆောက်လုပ်ရေး
လုပ်ငန်းရှင်များအသင်း ဒုတိယဥက္ကဋ္ဌ ဦးရှိန်ဝင်းက
" အခုလောလောဆယ် အခြေအနေမှာ တချို့ကိစ္စတွေမှာ
ဖြေရှင်းလို့ မရတဲ့ ကိစ္စလေးတွေ ရှိတယ်။
အိမ်ရှင်၊ အိမ်ငှားနဲ့ဖြစ်တဲ့  ပြသာနာတွေ
အိမ်ခန်းပိုင်ဆိုင်မှုနဲ့ ပတ်သက်တဲ့အငြင်းပွားတဲ့ပြသာနာတွေ၊
အိမ်ခန်းပိုင်ဆိုင်ပြီးတော့ အိမ်ခန်းကို ရောင်းဝယ်တဲ့အခါမှာ
အိမ်ရှင်နဲ့ အိမ်ငှားကြားထဲမှာ နာမည်ပြောင်းခဆိုတဲ့
ပြသာနာတွေ အများကြီးပါ။
တရားရုံးမှာလည်း မလိုလားအပ်ပဲနဲ့ အမှုအခင်းတွေ
အများကြီးဖြစ်နေတာကို တွေ့ရှိရတာ ဖြစ်ပါတယ်။ " ဟု
ဆိုသည်။

ယင်းဥပဒေထွက်ပေါ်လာပါက  လက်ရှိဖြစ်ပေါ်နေသော
အိမ်ခန်းပိုင်ဆိုင်မှုအား စနစ်တကျ သတ်မှတ်ပြဌာန်းနိုင်မည်
ဖြစ်သည့်အတွက် အိမ်ရှင်၊ အိမ်ငှားများအကြား ဖြစ်ပေါ်
နေသည့် ပြသာနာများ အပါအ၀င် အိမ်ခန်း ပိုင်ဆိုင်မှု
ပြသာနာများအား ဖြေရှင်းပေးနိုင်မည် ဖြစ်ကြောင်း
သိရသည်။

(အာကာ)

*****

၂။ "ဈေးကွက်လိုအပ်ချက် ဖြည့်ဆည်းနိုင်မယ့်  
တိုက်ခန်းဥပဒေ ရှိသင့်"

တိုက်ခန်း အရောင်းအဝယ်အတွက် တိုက်ခန်း ဥပဒေ
လိုအပ်တယ်လို့ သိရတယ်။

တိုက်ခန်းဥပဒေ အဓိကလိုအပ်နေတာက ကြိုပွိုင့်ပြဿနာ၊
တိုက်ခန်းပိုင်ဆိုင်မှု (အပျောက်စနစ်) ပုံစံတွေ၊ ပြန်ဖြိုပြီး
ဆောက်တဲ့အခါ ဝယ်သူရောင်းသူ အခွင့်အရေးတွေ
အစိုးရတိုက်ခန်း၊ ပုဂ္ဂလိက တိုက်ခန်းစတဲ့ အရာတွေ
အားလုံးကို ဖြေရှင်းနိုင်ဖို့ ဈေးကွက်ထဲမှာ လိုအပ်နေတာ
ဖြစ်တယ်။

ဦးကိုကိုထွေးက
‘Apartment Law ကို တင်ပြထား ပါတယ်၊
ရောင်းသူဝယ်သူတွေအတွက်ရော နိုင်ငံခြားသားတွေကိုပါ
ဝယ်ခွင့်ပေးရင် အခွန်အတွက်ပိုပြီး ရရှိလာနိုင်မယ်”လို့
ပြောပါတယ်။

ဈေးကွက်ထဲမှာ ကြိုပွိုင့်နဲ့ အရစ်ကျ ဝယ်တာတွေကို
ဝယ်သူတွေက ယုံကြည်မှု သိပ်မရှိကြတော့တာပါ။ 
ကန်ထရိုက် အကျိုးတူတည်ဆောက်တဲ့ ဈေးကွက်ကလည်း
အရှုပ်အရှင်းပြဿနာတွေ အများဆုံးဖြစ်ခဲ့တာကြောင့်
အေးစက်နေတာ ဖြစ်တယ်။

အကျိုးဆောင်ရှေ့နေ ဦးတင်ဦးက
‘ကြိုပွိုင့်စနစ်နဲ့ အခန်းတွေကိုရောင်းချပြီး ရတဲ့ ငွေတွေနဲ့
ဆောက်လုပ်ရေးမှာသာ အသုံးပြုရမယ်ဆိုတဲ့ ဥပဒေမှာ
ဖော်ပြမထားတာ၊
တခြားနိုင်ငံတွေမှာ ကြိုပွိုင့်စနစ်နဲ့ ရောင်းချရင် ဘယ်လို
လုပ်ဆောင်ရမယ်ဆိုပြီး ပြဋ္ဌာန်းထားတဲ့ ဥပဒေတွေ
ရှိတယ်၊
တရားဥပဒေကြောင်းအရ ဝယ်သူတွေ အတွက် ထောက်ပံ့
ပေးနိုင်တာမျိုးလဲ မရှိဘူး၊
ဒါကြောင့် အကျင့်ပျက်တဲ့  ဆောက်လုပ်ရေးသမားတွေက
အခွင့်ကောင်းယူပြီး လုပ်ဆောင် နေတာဖြစ်တယ်၊
ဝယ်သူ အခွင့်အရေး နဲ့ ပတ်သက်ပြီး ရှင်းလင်းတိကျ
ခိုင်မာမှုတွေ ပါဝင်ဖို့ ဥပဒေမှာ လိုအပ်တယ်” လို့
ပြောပါတယ်။

(အေးမွန်)

credit - Mizzima News & Kumudra Journal

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0