“ဒုတိယ သမ္မတ(၁)နှင့် တွေ့ဆုံပွဲမှ တင်ပြတောင်းဆိုချက်များ”

“ဒုတိယ သမ္မတ(၁)နှင့် တွေ့ဆုံပွဲမှ တင်ပြတောင်းဆိုချက်များ”

၁။ "ဘဏ်ချေးငွေအပေါ် အတိုးနှုန်း ၁၃ ရာခိုင်နှုန်းကို
၁၀ ရာခိုင်နှုန်းသို့ လျှော့ချပေးရန်နှင့် ဘဏ်အပ်ငွေအပေါ်
အတိုးနှုန်း ရှစ်ရာခိုင်နှုန်းကို ငါးရာခိုင်နှုန်းသို့ လျှော့ချပေးရန်
ကုန်သည်စက်မှုအသင်းချုပ်မှ လုပ်ငန်းရှင်များ တင်ပြ"

ပုဂ္ဂလိကကဏ္ဍတွင် ဖြစ်ပေါ်နေသော လက်ရှိအခက်အခဲများ
ကို ဖြေရှင်းနိုင်ရန်အတွက် ချေးငွေအပေါ် အတိုးနှုန်းလျှော့ချ
ပေးရန်
(Maximum Bank Lending Rate) ကို
လက်ရှိ ၁၃ ရာခိုင်နှုန်းမှ ၁၀ ရာခိုင်နှုန်းသို့ လျှော့ချပေးရန်နှင့်
ဘဏ်အပ်ငွေအပေါ် အတိုးနှုန်း
(Maximum Bank Lending Rate) ကို
လက်ရှိ ရှစ်ရာခိုင်နှုန်းမှ ငါးရာခိုင်နှုန်းသို့ လျှော့ချပေးရန်
လုပ်ငန်းရှင်များမှ တင်ပြမှုအပေါ် ကုန်သည်စက်မှုအသင်းချုပ်
မှ အထွေထွေအတွင်းရေးမှူးချုပ် ဦးအောင်ကြည်စိုး က
မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးစိုးသိန်းနှင့်
ဒုတိယသမ္မတ ဦးမြင့်ဆွေသို့ တင်ပြသည်။

မြန်မာနိုင်ငံတွင် ယခင်က ဘဏ်တိုးနှုန်းနှင့်ပတ်သက်သည့်
ပြောင်းလဲမှု ရှစ်ကြိမ်ပြုလုပ်ခဲ့ဖူးပြီး ဦးသိန်းစိန်အစိုးရ
လက်ထက်တွင် အပ်ငွေအပေါ်အတိုးနှုန်းနှင့် ချေးငွေအပေါ်
အတိုးနှုန်းကို ၂၀၁၁ ခုနှစ် စက်တင်ဘာ ၁ ရက်တွင်
တစ်ကြိမ်နှင့် ၂၀၁၂ ခုနှစ် ဇန်န၀ါရီ ၁ ရက်တွင် တစ်ကြိမ်
နှစ်ကြိမ်အထိ လျှော့ချပေးခဲ့သည်။

“ကျွန်တော်တို့က အတိုးနှုန်း လျှော့ချဖို့ ပြောနေပေမယ့်
ဒီဘဏ် တိုးနှုန်းချဖို့ကိစ္စဟာ Very Sensitive ပါ။
လုပ်ရ ကိုင်ရ အင်မတန် ခက်ပါတယ်။
သို့သော်လည်း လက်ရှိ စီးပွားရေးအခြေအနေအရ အတိုးနှုန်း
လျှော့ချနိုင်မှပဲ စီးပွားရေးက ပြန်လည်တိုးတက်မယ်လို့
တင်ပြထားတာ အများကြီး ရှိနေပါတယ်” ဟု
ကုန်သည်စက်မှု အသင်းချုပ် ဥက္ကဋ္ဌ ဦးဇော်မင်းဝင်း က
ပြောကြားသည်။

ဘဏ်တိုးနှုန်းအား ပြောင်းလဲခြင်း ပြုလုပ်လေ့ရှိသည့်
ကာလများမှာ ငွေဖောင်းပွမှု လျော့ကျချိန်နှင့် စီးပွားရေး
ကျဆင်းနေချိန်တွင် စီးပွားရေး ပြန်လည်မြှင့်တင်နိုင်ရန်
အတိုးနှုန်းလျှော့ချလေ့ရှိပြီး စီးပွားရေး အရှိန်မြင့်နေချိန်နှင့်
ငွေကြေးဖောင်းပွမှု မြင့်မားနေချိန်တွင် အတိုးနှုန်းမြှင့်တင်
လေ့ရှိသည်။

ထိုသို့ အတိုးနှုန်းပြောင်းလဲမှုသည် ရင်းနှီးမြှုပ်နှံမှု၊
အလုပ်အကိုင်ရရှိမှု စသည့် အကျိုးသက်ရောက်မှုများ ရှိနိုင်
မည်ဖြစ်ပြီး မြန်မာနိုင်ငံ၏ လက်ရှိငွေဖောင်းပွမှုနှုန်းမှာ
လက်ရှိအစိုးရလက်ထက် ၂၀၁၆ ခုနှစ် ဇူလိုင်တွင်
၁၂ ဒသမ ၁၂ ရာခိုင်နှုန်းအထိ မြင့်တက်ကာ
လက်ရှိတွင်လည်း ငွေဖောင်းပွနှုန်း မြင့်မားသည့်
အခြေအနေတွင် ရှိနေသည်။

ငွေဖောင်းပွမှုနှုန်း မြင့်မားနေသည် ဆိုသော်လည်း
မြန်မာနိုင်ငံတွင် ဘဏ်တိုးနှုန်း မြင့်မားနေမှုနှင့် အိမ်နီးချင်း
နိုင်ငံများတွင် ဘဏ်တိုးနှုန်းနည်းပါးမှု စသည့် အခြေအနေ
များကြောင့် ၂၀၁၈ ခုနှစ်တွင် မြန်မာနိုင်ငံအပေါ် သက်ရောက်
လာမည့် အာဆီယံစီးပွားရေး အသိုက်အ၀န်းတွင်
ဘဏ်တိုးနှုန်းမြင့်မားသည့် မြန်မာနိုင်ငံမှ လုပ်ငန်းရှင်များ
အနေဖြင့် ယှဉ်ပြိုင်ရခက်ခဲသည့် အခြေအနေ ဖြစ်ပေါ်လာမည်
ဖြစ်၍ ဘဏ်တိုးနှုန်းလျှော့ချနိုင်ရန် လိုအပ်နေကြောင်း
သိရသည်။

ထို့ပြင် ဘဏ်တိုးနှုန်း မြင့်မားနေသည့် မြန်မာနိုင်ငံသို့
စင်ကာပူ၊ ထိုင်းစသည့် ဘဏ်တိုးနှုန်းနိမ့်သည့် နိုင်ငံများမှ
လုပ်ငန်းရှင်များက ယင်းတို့၏ သက်ဆိုင်ရာနိုင်ငံမှ
ငွေများချေးယူ၍ မြန်မာနိုင်ငံဘဏ်များတွင် အပ်နှံကာ
ဘဏ်တိုးနှုန်းကို အမြတ်အစွန်းယူ ဈေးကစားမှုများ
ပြုလုပ်မှုများလည်း ရှိခဲ့သည်။

“လက်ရှိ စီးပွားရေး အခြေအနေအရ ချေးငွေကာလကို
တိုးမြှင့်ပေးပြီး အတိုးနှုန်းကို လျှော့ချပေးသင့်ပါတယ်” ဟု
မြန်မာနိုင်ငံဘဏ်များအသင်း အတွင်းရေးမှူးက
ပြောကြားသည်။

လက်ရှိဘဏ်တိုးနှုန်း ၁၃ ရာခိုင်နှုန်းကို လျှော့ချနိုင်ရန်
နည်းလမ်းရှာဖွေသွားမည်ဟု စီမံကိန်းနှင့် ဘဏ္ဍာရေးဝန်ကြီး
ဌာန ပြည်ထောင်စုဝန်ကြီး ဦးကျော်ဝင်းက
ဖေဖော်ဝါရီ ၁၈ ရက်တွင် ပြုလုပ်သည့် ပုဂ္ဂလိကကဏ္ဍ ဖွံ့ဖြိုး
တိုးတက်ရေး ကော်မတီနှင့် မြန်မာ့စီးပွားရေး လုပ်ငန်းရှင်များ
ပုံမှန်တွေ့ဆုံ ဆွေးနွေးပွဲတွင် ပြောကြားသည်။

“ဘဏ်တိုးနှုန်း ၁၃ ရာခိုင်နှုန်းကို လျှော့ချနိုင်ဖို့ ဘယ်နေရာမှာ
ဖြေရှင်းနိုင်ဖို့ Solution ရှိမလဲဆိုတာ ကျွန်တော်တို့စတင်ပြီး
စဉ်းစားနေပါပြီ။
ဒီ ၁၃ ရာခိုင်နှုန်း လျှော့ချမယ်ဆိုရင် အသီးသီးသော
လုပ်ငန်းတွေမှာ သက်ရောက်မှုတွေ အများကြီး ရှိလာပါမယ်”
ဟု ဦးကျော်ဝင်းက ပြောကြားသည်။

ထို့ပြင် ဘဏ်တိုးနှုန်း ၁၃ ရာခိုင်နှုန်းဆိုသည့် ၀န်ထုပ်ဝန်ပိုးကြီး
ကို ဖြေရှင်းနိုင်ရန် ပြည်သူ့လွှတ်တော်နှင့် အစိုးရအဖွဲ့အတွင်း
ဆွေးနွေးနေသည့်အပြင် လိုအပ်သည့် အကြံပြုမှုများလည်း
ပေးအပ်နိုင်သည်ဟု ဦးကျော်ဝင်းက ဆက်လက်
ပြောကြားသည်။

“ဘဏ်တိုးနှုန်း လျှော့သင့်တယ်။
ဒါပေမဲ့ ချက်ချင်းကြီး ဗြုန်းစားကြီး လျှော့တာမျိုးမဟုတ်ဘဲ
ဖြည်းဖြည်းချင်း လျှော့သင့်တယ်။
လျှော့တဲ့အခါမှာ ပြင်ပကရင်းနှီးမြှုပ်နှံမှု ဈေးကွက်တွေ
ဖွံ့ဖြိုးအောင် လုပ်ရမယ်။
ပုဂ္ဂလိကကဏ္ဍ ဖွံ့ဖြိုးအားကောင်းလာအောင် လုပ်ရမယ်။
ဘဏ်တိုးနှုန်း လျှော့ချတာနဲ့ မလုံလောက်ဘူး။
အဲဒါမှ ဘဏ်တိုးနှုန်းလျှော့တဲ့အခါမှာ Investment Market
ထဲကို ၀င်မယ်။
ဘဏ်တိုးနှုန်းမှာဆိုရင် ကျွန်တော်တို့က အိမ်နီးချင်းနိုင်ငံတွေ
ထက် မြင့်နေတယ်။
မြင့်တဲ့အခါကျတော့ လုပ်ငန်းရှင်တွေကို ငွေထုတ်ချေးရာမှာ
လည်း အတိုးနှုန်းက မြင့်လာတယ်။
အဲဒါတွေကြောင့်မို့ လျှော့ကိုလျှော့သင့်တယ်။
ဒီလိုလျှော့တဲ့အခါမှာ ငွေဖောင်းပွမှုနှုန်းကိုလည်း
မမြင့်အောင်လုပ်ရမယ်။
ဒါပေမဲ့ ဘဏ်တိုးနှုန်း လျှော့ချတာနဲ့ တစ်ပြိုင်နက်
ငွေဖောင်းပွမှုနှုန်းကလည်း လျော့ကျသွားမယ်လို့ ထင်တယ်။
တကယ်လျော့ မလျော့ကတော့ လက်တွေ့မှာ ပြောဖို့ခက်
သေးတယ်။
ဒါပေမဲ့ အဲဒီလို လျော့သွားမယ်လို့ ယူဆရနိုင်တယ်” ဟု
မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကို က
ပြောကြားသည်။

(ဖြိုးဝေ)

*****

၂။ "အိမ်ခြံမြေ ဝင်ငွေခွန်နှုန်းထား လျှော့ချပြင်ဆင်သတ်မှတ်
ပေးရန် တောင်းဆို"

၂၀၁၄ခုနှစ် စက်တင်ဘာလနောက်ပိုင်းကစပြီး  ဒီနေ့အထိ 
အိမ်ခြံမြေ အရောင်းအဝယ် ဈေးကွက် အေးနေလို့ အိမ်ခြံမြေ
ဝင်ငွေခွန်နှုန်းထား လျှော့ချပြင်ဆင်သတ်မှတ်ပေးဖို့
မြန်မာနိုင်ငံ အိမ်ခြံမြေ ဝန်ဆောင်မှုအသင်းက
တောင်းဆိုလိုက်ပါတယ်။

ဒီဇင်ဘာ  ၃၀ ရက်က ရန်ကုန်၊ ကုန်သည်စက်မှုအသင်းချုပ်မှာ
လုပ်ခဲ့တဲ့ ဒုတိယ သမ္မတ ဦးမြင့်ဆွေနဲ့ ပုဂ္ဂလိကလုပ်ငန်းရှင်များ
ပုံမှန်တွေ့ဆုံပွဲမှာ အသင်းဥက္ကဋ္ဌ ဦးခင်မောင်သန်းက တင်ပြ
တောင်းဆိုခဲ့တာ ဖြစ်ပါတယ်။

အိမ်ခြံမြေလုပ်ငန်းမှာ တဦးချင်းလုပ်ကိုင်နေသူများ အလုပ်
မဖြစ်လို့  အလုပ်လက်မဲ့ ဖြစ်နေတယ်။ တခြားလုပ်ငန်းများ
ပြောင်းရွှေ့လုပ်ကိုင်နေပြီး အချို့ကုမ္ပဏီများ အလုပ်ပိတ်သိမ်း
ကြလို့  အခက်အခဲများစွာ ကြုံတွေ့နေရတယ်လို့လည်း
မြန်မာနိုင်ငံ အိမ်ခြံမြေဝန်ဆောင်မှုအသင်းက
တင်ပြခဲ့ပါတယ်။

အငှားဈေးနှုန်းတွေလည်းကျဆင်းပြီး အပေါင်ဈေးကွက်ပဲ
အားကောင်းလာလို့  အိမ်ခြံမြေ ဝင်ငွေခွန်နှုန်းထားမြင့်မားမှု
အခက်အခဲကို လျှော့ချပြင်ဆင်သတ်မှတ်ပေးဖို့ အသင်းက
တောင်းဆိုတာ ဖြစ်ပါတယ်။

စီးပွားရေးမြို့တော်ရန်ကုန်မှာ ၂၀၁၄ခုနှစ်သန်းခေါင်စာရင်း
အရ လူဦးရေ ၇ သန်းကျော် နေထိုင်ပြီး နေထိုင်ဖို့ အိမ်ရာ
လုံလောက်မှုမရှိသေးသလို အိမ်ငှားခဈေးနှုန်းတွေလည်း
မတန်တဆ မြင့်တက်နေတုန်း ဖြစ်ပါတယ်။

*****

၃။ "နိုင်ငံတော် ဒုတိယသမ္မတ(၁) အိမ်ခြံမြေဝန်ဆောင်မှု
ကဏ္ဍနဲ့ ပက်သက်ပြီးဆွေးနွေး"

နိုင်ငံတော် ဒုတိယသမ္မတ(၁)ဦးဆောင်တဲ့ ပုဂ္ဂလိကကဏ္ဍ
ဖွံ့ဖြိုး တိုးတက်ရေးကော်မတီနဲ့ ပုဂ္ဂလိကလုပ်ငန်းရှင်တွေ
(၁၃)ကြိမ်မြောက်တွေ့ဆုံပွဲမှာ အိမ်ခြံမြေဝန်ဆောင်မှုကဏ္ဍနဲ့
ပက်သက်ပြီး ဆွေးနွေးချက်တွေကို ပြုလုပ်ခဲ့ကြတယ်လို့
Myanmar Builders Guide က သိရပါတယ်။

အိမ်ခြံမြေကဏ္ဍနဲ့ပက်သက်ပြီး -

၁။ အိမ်ခြံမြေကဏ္ဍမှာ တစ်ဦးချင်းလုပ်ကိုင်နေသူတွေ
အလုပ်မဖြစ်တဲ့အတွက် အလုပ်လက်မဲ့ဖြစ်နေပြီး
အခြားလုပ်ငန်းတွေကို ပြောင်းရွှေ့လုပ်ကိုင်တာတွေရှိနေပြီး
အချို့ကုမ္ပဏီတွေကို စီးပွားရေး အခက်ခဲတွေကြုံတွေ့
နေကြောင်း၊

၂။ ၂၀၁၄ ခုနှစ် စက်တင်ဘာလနောက်ပိုင်းက စပြီး
အငှားဈေးကွက်ကျဆင်းပြီး အပေါင်ဈေးကွက် အားကောင်း
လာတာကြောင့် အိမ်ခြံမြေ ဝင်ငွေခွန်နှုန်းမြင့်မားမှုအခက်အခဲ
လျှော့ချပြင်ဆင်ပေးရန်၊

၃။ ရန်ကုန်တိုင်းဒေသကြီးနဲ့ မြန်မာတစ်နိုင်ငံလုံးရဲ့
အိမ်ခြံမြေတစ်ပေပတ်လည် ဈေးနှုန်းတွေကို လက်ရှိ
ပေါက်ဈေးနဲ့ကိုက်ညီအောင် ပြင်ဆင်သတ်မှတ်ပေးရန်၊

၎။ တစ်ပေပတ်လည် နှုန်းထားတွေကို စံနှုန်းရယူတဲ့ အခါ
သက်ဆိုင်ရာ အစိုးရအဖွဲ့အစည်းနဲ့ မြန်မာနိုင်ငံ အိမ်ခြံမြေ
ဝန်ဆောင်မှုအသင်းရဲ့ တိုင်းဒေသကြီး၊ ပြည်နယ်တွေမှာ
တာဝန်ခံတွေနဲ့ ပူးပေါင်းဆောင်ရွက်ခွင့်ပြုရန်၊

၅။ တစ်ပေပတ်လည် နှုန်းထားတွေကို အခွန်ထမ်းပြည်သူတွေကို
ပွင့်လင်းမြင်သာအောင် ကြိုဖြန့်ဝေပေးရန် မြန်မာနိုင်ငံ အိမ်ခြံမြေ
ဝန်ဆောင်မှုအသင်းဥက္ကဋ္ဌဦးခင်မောင်သန်းက
တင်ပြထားကြောင်း သိရပါတယ်။

credit - Eleven Media Group / DVB
& Myanmar Builders Guide

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0