“ရှေ့မဆက်နိုင်သေးသော ဟံသာဝတီ”

“ရှေ့မဆက်နိုင်သေးသော ဟံသာဝတီ”

၁။ "ဟံသာဝတီ လေဆိပ်စီမံကိန်း သဘောတူညီချက်
ဒုတိယအကြိမ် ပျက်ပြန်"

အစိုးရနှင့် ဂျပန်၊ စင်ကာပူတို့ ပါဝင်သော စီးပွာရေး
လုပ်ငန်းစုကြီးတို့ကြား အပြည်ပြည်ဆိုင်ရာ ဟံသာဝတီ
လေဆိပ် ဆောက်လုပ်ရေး သဘောတူညီချက် နောက်ဆုံး
သတ်မှတ်ထားသော ရက်လွန်ကာ ပျက်ပြယ်သွားပြီဖြစ်ပြီး
ဆောက်လုပ်ရေးကုန်ကျစရိတ် တွက်ချက်မှု ကွာခြားချက်
ကြောင့်ဟု သိရသည်။

အဆိုပါ ဟံသာဝတီ လေဆိပ်စီမံကိန်းမှာ အမေရိကန်
ဒေါ်လာ ၁ ဒသမ ၅ ဘီလီလျှံကုန်ကျမည့် ပဲခူးမြို့အနီး
မြေဧက ၉ ထောင်ခန့်ပေါ်၌ တည်ဆောက်မည့်
နိုင်ငံတကာ လေဆိပ်သစ်ကြီးဖြစ်ပြီး ဂျပန်နိုင်ငံ
JGC Corporation, စင်္ကာပူ Yongnam Holdings နှင့်
ချန်ဂီလေဆိပ်များ နိုင်ငံတကာ တိုပါဝင်သော JGC-
Yangnam- Changi Airport International
Consortium အစုရှယ်ယာ စီးပွားရေး လုပ်ငန်းကြီးနှင့်
မြန်မာ့မြို့ပြလေကြောင်း ဦးစီးဌာနတို့မှ ပြီးခဲ့သည့်
၂၀၁၆ခုနှစ် ဇန်နဝါရီလ ၃၀ ရက်နေ့က သဘောတူ
လက်မှတ် ရေးထိုးခဲ့ကြခြင်း ဖြစ်သည်။

JGC- Yangnam- Changi Airport International
Consortium စီးပွားရေး လုပ်ငန်းကြီးနှင့် ဆွေးနွေးမှု
ပျက်ပြယ်ခြင်း အဓိက အချက်မှာ ကုန်ကျစရိတ်
တွက်ချက်မှု ကွာခြားခြင်းကြောင့်ဟု လေကြောင်း
ပို့ဆောင်ရေး ညွှန်ကြားမှု ဦးစီးဌာန ညွှန်ကြားရေးမှူး
ဦးရဲထွဋ်အောင်က ပြောသည်။

“တင်ဒါအောင်တဲ့အချိန်က သူတို့ တင်ဒါအောင်ထားတဲ့
Proposal မှာ ကုန်ကျစရိတ်အားလုံးကို သူတို့ငွေနဲ့
ဆောက်မယ်။
ဒါမှမဟုတ် ချေးငွေနဲ့ ဆောက်မယ်။
သူတို့ပြန်ဆပ်မယ် ဆိုတာ ပါတယ်။
နောက်ပိုင်း ဆွေးနွေးရင်း ဆွေးနွေးရင်းနဲ့ မဟုတ်ဘူး
ဒီစီမံကိန်းက ပြန်ရနိုင်ချေနည်းတယ်ဆိုပြီး အစကတည်း
က ဒီကုန်ကျစရိတ်တွေကို သူတို့ဘက်က အကုန်ဆပ်
ပါ့မယ် ပြောထားတာကို သူတို့ဘက်က တဝက်ပဲ
ဆပ်ပါ့မယ် ပြောပြန်ရော။
ဆိုတော့ အဆင်မပြေတော့ဘူး” ဟု
ဦးရဲထွဋ်အောင်က ပြောသည်။

စီမံကိန်းအတွက် ၂၀၁၂ ခုနှစ်ကစ၍ တင်ဒါခေါ်ယူခဲ့ခြင်း
ဖြစ်ပြီး အစိုးရနှင့် ပုဂ္ဂလိကတို့အကြား ပူးပေါင်းဆောင်ရွက်
သော PPP စနစ်ကို အခြေခံသည့် စီမံကိန်းတခုဖြစ်ပြီး
စီမံကိန်း တည်ဆောက်ရန်အတွက် ဂျပန်နိုင်ငံမှနေ၍
အစိုးရချင်းချေးငွေ အမေရိကန်ဒေါ်လာ သန်း ၇၀၀ ကျော်
ရရှိရန် သဘောတူထားပြီး ဖြစ်ကြောင်း လေကြောင်း
ပို့ဆောင်ရေး ညွန်ကြားမှုဦးစီးဌာနထံမှ သိရသည်။

လျာထားထားသော ဟံသာဝတီ လေဆိပ်စီမံကိန်းသည်
ရန်ကုန်မြို့ မြောက်ဘက် ကီလို ၈၀ အကွာတွင် တည်ရှိပြီး
တနှစ်လျှင် ဧည့်သည် ၁၂ သန်းကို လက်ခံ ဝန်ဆောင်မှု
ပေးနိုင်ရန် စီစဉ်ထားသည်။

၂၀၂၂ ခုနှစ်တွင် စတင် ဖွင့်လှစ်ရန် မျှော်လင့်ထားရာ
ယခုကဲ့သို့ သဘောတူညီချက်များ အကြိမ်ကြိမ် ပျက်နေ
သောကြောင့် စီမံကိန်း ရည်မှန်းချက် ပြည့်မီ ပြီးစီးရန်မှာ
မေးစရာ ဖြစ်လာသည်။

ထို့ပြင် လေဆိပ်နှင့် ရန်ကုန်မြို့ထဲသို့ ဆက်သွယ်ချိတ်ဆက်
မည့် အမြန်လမ်း အစီအစဉ်မှာလည်း လေထဲတွင်သာ
ရှိသေးသည်။

“အခြေခံအဆောက်အဦးနဲ့ ကားပါကင်ပဲ သူတို့ (ပုဂ္ဂလိက)
ဘက်က ဆောက်ရမယ်။
ဒါကို ကုန်ကျစရိတ်က အများကြီး မြင့်ထားတယ်။
အဲဒါကို စစ်ဆေးဖို့အတွက် ဦးတို့က စစ်ဆေးရေးအဖွဲ့ ငှားပြီး
တော့ စစ်မယ်၊
ဘာတွေကုန်ကျစရိတ်ရှိတာလဲ ဘယ်လိုတွက်ချက်ထားလဲ
ဒါမျိုးကို စစ်ချင်တာပေါ့။
ဥပမာ သံက ဘယ်နှစ်ချောင်းလဲ၊ လွယ်လွယ်ပြောရရင်
သွပ်က ဘယ်နှစ်ချပ်လဲပေါ့။ တချပ်ဆို ဈေးနူန်းက
ဘယ်လောက်လဲပေါ့၊ ဒါမျိုးစစ်ချင်တယ်။
အဲဒီလို အစိုးရဖက်က ဆားဗေ့လုပ်မယ်ဆိုတာ သူတို့က
ခွင့်မပြုနိုင်ဘူး။ ဒါလည်း တချက်ဖြစ်တယ်”ဟု
ဦးရဲထွဋ်အောင်က ပြောသည်။

စီမံကိန်းတည်ဆောက်ရာတွင် အပိုင်း ၂ ခု ရှိပြီး တင်ဒါ
ရရှိသည့် ကုမ္ပဏီဘက်မှ အခြေခံအဆောက်အဦးနှင့်
ကားပါကင်တည်ဆောက်ရမည် ဖြစ်ပြီး မြန်မာအစိုးရဘက်
မှ လေယာဉ်ပြေးလမ်းနှင့် ဆက်စပ်သည့် ကိစ္စရပ်များကို
လုပ်ဆောင်ရမည် ဖြစ်သည်ဟု စည်းကမ်းချက်တွင်
ပါရှိသည်။

“ဟံသာဝတီလေဆိပ်ကို အပြည်ပြည်ဆိုင်ရာ လေဆိပ်တွေ
ပြေးဆွဲပြီဆိုရင် ရန်ကုန် လေဆိပ်ကို အပြည်ပြည်ဆိုင်ရာ
လေယာဉ်တွေ မဆင်းသက်ဖို့ ဆိုတဲ့ဟာမျိုး တောင်းဆိုတာ
သူတို့ဖက်က ရှိတယ်။
ဒါလဲ ဦးတို့ဖက်က သဘောတူထားပြီးသား ဖြစ်တယ်။
သူတို့က တရားဝင် ထုတ်ပြန် ပေးစေချင်တယ်။
ဒါပေမယ့် ဦးတို့ဘက်က တရားဝင်ထုတ်ပြန်ဖို့ ဥပဒေပိုင်း
အရ လုပ်မှာတွေ ရှိတော့ ထုတ်ပြန်ပေးရန် မရှိသေးဘူး။
ဒါကိုလည်း သူတို့ စဉ်းစားတာ ဖြစ်မယ်”ဟု ဦးရဲထွဋ်အောင်
က ဆွေးနွေးမှု မပြေလည်မှုများကို ပြောကြားသည်။

ကနဦး ဟံသာဝတီ နိုင်ငံတကာလေဆိပ် တည်ဆာက်မှု
ကန်ထရိုက်ကို တောင်ကိုရီးယား စီးပွားရေးလုပ်ငန်းကြီး
တခုက ရရှိခဲ့သော်လည်း အလားတူ ပျက်သွားခဲ့ပြီး
လက်ရှိ အစုရှယ်ယာ စီးပွားရေး လုပ်ငန်းကြီးက ၂၀၁၄
အောက်တိုဘာလက ကန်ထရိုက်ကို ရရှိလိုက်ခြင်း
ဖြစ်သည်။

ဦးရဲထွဋ်အောင်က
“သဘောတူညီချက်က ၂ နှစ်သက်တမ်းပဲထားတယ်။
ဇန်နဝါရီလ ၃၀ ရက်နေ့က ပြည့်သွားပြီ။
စာချုပ်မချုပ်နိုင်ဘူး။ ပျက်ပြယ်တယ်လို့ပါတယ်။
ဒါကို ဝန်ကြီးရုံးကနေတဆင့် အစိုးရအဖွဲ့ကို တင်ပြ
ထားတယ်။ သူတို့ အဲအဖွဲ့နဲ့ ဆွေးနွေးမှုကို ရပ်ဆိုင်းဖို့
ပြင်ဆင်ထားတယ်”ဟု ၎င်းက ဧရာဝတီသို့ ပြောသည်။

စီမံကိန်းကို ဆက်လက် ဆောက်လုပ် အကောင်အထည်
ဖော်သွားရန်အတွက်မူ ပို့ဆောင်ရေးနှင့် ဆက်သွယ်ရေး
ဝန်ကြီးဌာနမှ တဆင့် ပြည်ထောင်စု အစိုးရအဖွဲ့သို့ တင်ပြ
ထားကြောင်းလည်း ပြောသည်။

“ထပ်ပြီးတော့ တင်ဒါခေါ်သွားမယ်။
မြန်မာပြည်မှာတော့ တင်ဒါ ခေါ်ချင်မှ ခေါ်မယ်။
အစိုးရအဖွဲ့ တွေက ကူညီဖို့ ကမ်းလှမ်းနေတာ ရှိတယ်။
အစိုးအချင်းချင်း (G to G) လုပ်ဖို့ ဒီလိုကမ်းလှမ်းနေတဲ့အခါ
ဥပမာ ဂျပန်ဆိုပါတော့ သူတို့အစိုးရက ဒါနဲ့ ပတ်သတ်လို့
ငွေရေးကြေးရေး အလုံးစုံ အကူညီပေးမယ်။
တည်ဆောက်ဖို့ လုပ်မယ် ဆိုရင်လည်း ဖြစ်နိုင်တယ်။
ဒါကြောင့် အစိုးရအဖွဲ့၏ ဆုံးဖြတ်ချက်ရရင် ဆက်ဆောက်
မှာ ဖြစ်တယ်” ဟု ဦးရဲထွဋ်အောင်က ရှင်းပြသည်။

ထို ဟံသာဝတီ အပြည်ပြည်ဆိုင်ရာ လေဆိပ် စီမံကိန်းနှင့်
ပတ်သက်ပြီး မြန်မာနိုင်ငံ ရင်းနှီးမြှုပ်နှံမှု ကော်မရှင်သို့
တရားဝင် တင်ပြထားခြင်းလည်း မရှိသေးကြောင်း
သိရသည်။

(မျိုးပပစန်း)

*****

၂။ "ဟံသာဝတီလေဆိပ် တင်ဒါပျက်ခြင်းမှာ ကွမ်းခြံကုန်း
လေဆိပ်ကြောင့် မဟုတ်ဟု ဦးဖြိုးမင်းသိန်းဆို"

ပဲခူးတိုင်းရှိ ဟံသာဝတီ လေဆိပ်စီမံကိန်းတင်ဒါ ပယ်ဖျက်ခြင်း
သည် ကွမ်းခြံကုန်းတွင် တည် ဆောက်မည့် လေဆိပ်သစ်
စီမံကိန်းကြောင့် မဟုတ်ကြောင်း ရန်ကုန်တိုင်းဝန်ကြီးချုပ်
ဦးဖြိုးမင်းသိန်းက ပြောသည်။

ဟံသာဝတီလေဆိပ်စီမံကိန်း ကြန့်ကြာနေခြင်းသည်
ရန်ကုန်တိုင်း ကွမ်းခြံကုန်းမြို့နယ်ရှိ လေဆိပ်အသစ် စီမံကိန်း
နှင့်သက် ဆိုင်ခြင်းရှိ၊မရှိအပေါ် မီဒီယာများ၏ မေးမြန်းမှုကို
ဝန်ကြီးချုပ်က ဖြေကြားသည်။

‘‘ဟံသာဝတီလေဆိပ် တည်ဆောက်မယ်ဆိုတဲ့ကိစ္စ ပြီးခဲ့တဲ့
အစိုးရက ဆုံးဖြတ်ခဲ့တာ ရှိတယ်။
ဒါနဲ့ပတ်သက်ပြီး အစ်ကိုတို့ဘက် က ကန့်ကွက်စရာဘာမှ
မရှိပါဘူး။
ဒါပေမဲ့ ရန်ကုန်မှာလည်း ပြေးလမ်း တစ်ခုကနေ နှစ်ခု၊
သုံးခုရှိတာ လေယာဉ်ကွင်းတစ်ခုရှိသင့်တယ်လို့
ယူဆပါတယ်’’ ဟု ၀န်ကြီးချုပ်က ပြောသည်။

အထက်ပါ လေဆိပ်စီမံကိန်းသည် စဉ်စားထားသည့်
အဆင့် ဖြစ်ပြီး စီမံကိန်းအဆင့်မရောက်သေးကြောင်း
စဉ်းစားထားသည့် အဆင့်တွင် ထုတ်ဖော်ပြောကြားခြင်း
သည်ထိုနေရာရှိ ဒေသခံများ အတွက် မြေယာတန်ဖိုး
ချင့်ချိန် တွက်ချက်နိုင်ရန် ဖြစ်သည်ဟု ဦးဖြိုးမင်းသိန်း က
ပြောသည်။

ရန်ကုန်အပြည်ပြည်ဆိုင်ရာ လေဆိပ်သည် ခရီးသည်
ဝင်ရောက်မှု အကန့်အသတ်ရှိပြီး ပြေးလမ်းတစ်ခုသာရှိ၍
လေယာဉ်ကြီး ဆင်းသက်ရန် အခက်အခဲရှိ၍ နိုင်ငံတကာ
လေဆိပ်အသစ် တည်ဆောက်ရန်လိုအပ်ခြင်းဖြစ်သည်။

ဦးသိန်းစိန်အစိုးရ လက်ထက်တွင် ပဲခူးမြို့ ကျောက်တိုင်ရွာ
အနီး ဂျပန်ခေတ်လေဆိပ်သဖွယ် အသုံးပြုသော မြေဧက
၉၀၀ ကျော်တွင် ဟံသာဝတီလေဆိပ် အသစ်
အကောင်အထည်ဖော်ရန် စီစဉ်ခြင်းဖြစ်သည်။

စီမံကိန်းအတွက် ဂျပန် JGC ကုမ္ပဏီ၊
စင်ကာပူမှ Yongnam Holdings ကုမ္ပဏီနှင့်
Changi Airport International ကုမ္ပဏီ သုံးခုပေါင်း
အစုရှယ်ယာပိုင်သည့် စီးပွားရေး လုပ်ငန်းစုကြီးက ၂၀၁၄
အောက်တိုဘာတွင် တင် ဒါ ရရှိခဲ့သည်။

ထိုတင်ဒါအောင်ထားမှု သဘောတူညီချက်သက်တမ်းသည်
၂၀၁၈ ဇန်န၀ါရီ၌ ကုန်ဆုံးခဲ့သည်။ ဟံသာဝတီ လေဆိပ်
စီမံကိန်း အကောင်အထည် ဖော်ရန် မြန်မာအစိုးရနှင့်
သဘောတူညီချက် သက်တမ်း ကုန်ဆုံးပြီ ဖြစ်သော်လည်း
ညှိနှိုင်းမှု အဆင်မပြေ၍ သက်တမ်းမတိုးနိုင်သေးကြောင်း
စင်ကာပူ Yongnam Holdings ကုမ္ပဏီက
ဖေဖော်ဝါရီ  ၂၆ ရက်တွင် ကြေညာချက် ထုတ်ပြန်သည်။

(ထွန်းထွန်းမင်း)

credit - Irrawaddy Publishing Group & 7day Daily

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0