“အတည်ပြုလိုက်သော ၂၀၁၈ အခွန်ဥပဒေနှင့် နောက်ဆက်တွဲ သတင်းများ”

“အတည်ပြုလိုက်သော ၂၀၁၈ အခွန်ဥပဒေနှင့်
နောက်ဆက်တွဲ သတင်းများ”

၁။ "၂၀၁၈ အခွန်ဥပဒေ အတည်ပြု ၊
အခွန်သက်သာခွင့်များမပါဝင်ဘဲ ယခင်နှစ် အတိုင်းသာ
အခွန် ဆက်လက်ကောက်ခံမည်"

၂၀၁၈ ခုနှစ် အတွက် ပြည်ထောင်စု၏ အခွန်အကောက်
ဥပဒေ အား ပြည်ထောင်စုလွှတ်တော်၌ ဥပဒေကြမ်း
တစ်ပိုဒ်ချင်းစီ အလိုက် ဆွေးနွေးပြီး ယနေ့
မတ်လ ၂၀ ရက်နေ့တွင် အတည်ပြုလိုက်ပြီ ဖြစ်သည်။

ယနေ့ အတည်ပြုလိုက်သည့် အခွန်အကောက်ဥပဒေတွင်
အခွန်သက်သာခွင့်အတွက် ပြင်ဆင်ချက်များ မပါရှိဘဲ 
အတည်ပြုလိုက်ခြင်း ဖြစ်သည်။

လက်ရှိ အတည်ပြုလိုက်သည့် ၂၀၁၈ ပြည်ထောင်စု
အခွန်အကောက် ဥပဒေအရ ယခင်နှစ်နည်းတူ လစာဝင်ငွေ
မှ နှစ်တစ်နှစ်အတွင်း ကျပ်ငွေ ၄၈ သိန်း အထက်ရရှိသူ
မည်သူမဆို သတ်မှတ်ထားသည့် အခွန်နှုန်းထားအရ
အခွန်ဆောင်ရမည် ဖြစ်သည်။

"လစာဝင်ငွေကတော့ အရင်တုန်းက ၄၈ သိန်းပါ။
၄၈ သိန်းအထိပဲ ရှိတဲ့သူဆိုရင် အခွန်ပေးစရာ မလိုပါဘူး။
ဥပဒေကြမ်းကော်မတီမှာ ပထမ တင်ပြတုန်းကတော့
တစ်နှစ်စာ သိန်း ၆၀ လို့ ပြင်ဆင်လိုက်ပေမယ့် အခုက
၄၈ သိန်းလို့ပဲ ပြန်ပြီး ပြင်ဆင်တာပါ။
တစ်လကို လေးသိန်းဝင်တဲ့သူပေါ့ ၊ အခွန်ဆောင်စရာ
မလိုဘူးပေါ့။
ဥပဒေကြမ်း ကော်မတီမှာတုန်းက တစ်လကို ငါးသိန်း
ဝင်တဲ့သူ အခွန်ဆောင်စရာမလိုဘူးလို့ တင်ပေမယ့်
အခု မူရင်းအတိုင်းပဲ လေးသိန်း အတိုင်းပဲ ပြန်ပြောင်း
လိုက်တာပါ" ဟု ပြည်ထောင်စုလွှတ်တော် ဥပဒေကြမ်း
ပူးပေါင်း ကော်မတီ ဥက္ကဌ ဦးထွန်းထွန်းဟိန်က
ဆိုသည်။

ယင်းအပြင် စည်းကြပ်မှုမှ ကင်းလွတ်နေပြီး ၀င်ငွေရလမ်း
မဖော်ပြနိုင်သူများအတွက် အခွန်သက်သာခွင့် ပေးမည့်
၃ ရာခိုင်နှုန်း မှ ၅ ရာခိုင်နှုန်းအထိ ကောက်ခံမည့်
အစီအစဉ်ကို ဖျက်သိမ်းပြီး ယခု အတည်ပြုလိုက်သည့်
ဥပဒေအရ
- ကျပ်ငွေ သိန်း ၃၀၀ အောက် ဆိုပါက ၁၅ ရာခိုင်နှုန်း ၊
- ကျပ်ငွေ သိန်း ၃၀၀ မှ ကျပ်သိန်း ၁၀၀၀ အတွင်း ဆိုပါက
၂၀ ရာခိုင်နှုန်း နှင့်
- ကျပ်သိန်းတစ်ထောင်နှင့် အထက် ဆိုပါက ၀င်ငွေခွန်
၃၀ ရာခိုင်နှုန်း ပေးဆောင်ရမည် ဖြစ်သည်။

"ဒီနှစ်အတွက်က ဒီအတိုင်း ဆက်သွားမှာပဲ။
အခွန်လျော့ပေးမယ်ပြောပြီးမှ ပြန်တိုးတာတော့ မဟုတ်ဘူး ၊
နဂိုမူလအတိုင်းပဲ ပြန်ဖြစ်သွားတာ" ဟု ပုလဲမြို့နယ်
ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က
ဆိုသည်။

သို့သော်လည်း အခွန် စည်းကြပ်မှုမှ ကင်းလွတ်နေပြီး
ဝင်ငွေရလမ်း မဖော်နိုင်သူများအတွက် အခွန်သက်သာခွင့်ကို
သီးခြားဥပဒေတစ်ရပ်ပြဋ္ဌာန်းပေးရန် စီစဉ်နေသည်ဟု
ပြည်ထောင်စုလွှတ်တော်ဥပဒေကြမ်းပူးပေါင်းကော်မတီ က
ဆိုသည်။

(ဇေယျာမော် ၊ အောင်မြတ်သူ)

*****

၂။ "အခွန်သက်သာခွင့် သီးခြား ဥပဒေတရပ် ပြဌာန်းပေးမည်"

ဝင်ငွေရလမ်း မဖော်ပြနိုင်သည့် ငွေကြေးများအတွက် အခွန်နှုန်း
လျော့ချပေးနိုင်ရန် စီးပွားရေး လုပ်ငန်းရှင်များနှင့် ညှိနှိုင်း
ဆွေးနွေးပြီး ကျယ်ကျယ်ပြန့်ပြန့် စဉ်းစားသုံးသပ်၍ ပြည့်စုံသော
သီးခြား ဥပဒေတရပ် ရေးဆွဲ၍ ပြည်ထောင်စု လွှတ်တော်သို့
အမြန်ဆုံး တင်ပြသွားမည်ဖြစ်ကြောင်း စီမံကိန်းနှင့် ဘဏ္ဍာရေး
ဝန်ကြီးဌာန ဒုတိယ ဝန်ကြီး ဦးမောင်မောင်ဝင်းက ပြောသည်။

“သူ့ဆိုင်ရာ ဌာနတွေ ရှိတယ်။
UMFCCI အဖွဲ့အစည်းတွေ ရှိတယ်။
နောက် လိုအပ်ရင် လိုအပ်သလို အခွန်ထမ်းဆောင်တဲ့
လုပ်ငန်းရှင်ကြီးတွေနဲ့ ကျယ်ကျယ်ပြန့်ပြန့် သုံးသပ်ပြီးတော့
ပိုမို ပြည့်စုံတဲ့ သီးခြား ဥပဒေတရပ် ရေးဆွဲသွားဖို့
ဆက်ဆောင်ရွက်သွားမှာပါ။
အခု လွှတ်တော်မှာ ပြီးတာနဲ့ မြန်နိုင်သမျှ မြန်မြန် ဖြစ်အောင်
စလုပ်မယ်”ဟု ဦးမောင်မောင်ဝင်းက နေပြည်တော်တွင်
ပြောသည်။

၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကြမ်း
တွင် စည်းကြပ်မှုမှ လွတ်ကင်းနေသော ဝင်ငွေနှင့် ပိုင်ဆိုင်မှု
များအတွက် အခွန် ကင်းလွတ်ခွင့် ပုဒ်မ ထည့်သွင်းခြင်း
မပြုရန် ဥပဒေကြမ်း ကော်မတီ၏ သဘောထား မှတ်ချက်
အတိုင်း ယနေ့ ကျင်းပသည့် ပြည်ထောင်စု လွှတ်တော်က
အတည်ပြုလိုက်သည်။

ယင်းသည် လက်ရှိရပ်ဆိုင်းလုနီးပါးဖြစ်နေသော
ဆောက်လုပ်ရေးလုပ်ငန်းကဏ္ဍကို အသက်ရှုချောင်သွား
စေမည်ဟု ထိပ်တန်း ဆောက်လုပ်ရေး လုပ်ငန်းရှင်များက
ထောက်ခံတင်ပြခဲ့သော အခွန်နှုန်းထား လျှော့ချရေးကို
ပယ်ချခဲ့ခြင်း ဖြစ်သည်။

ဝင်ငွေခွန် မဆောင်ရသေးသူများသည် မရွှေ့မပြောင်းနိုင်
သော ပစ္စည်းများဝယ်ယူပါက အခွန် ၁၅ ရာခိုင်နူန်းမှ
၃၀ ရာခိုင်နူန်းအထိ ပေးဆောင်ရန် သတ်မှတ်ထားချက်အား
၃ ရာခိုင်နူန်းမှ ၅ ရာခိုင်နူန်းသို့ လျှော့ချပေးစေလိုကြောင်း၊
ထိုဝင်ငွေခွန် လျှော့ပေးလိုက်ခြင်းသည် လက်ရှိ ဝယ်ယူမှု
နည်းပါးပြီး ဈေးကွက်ပျက်နေရာမှ အခွန်လျှော့ခြင်းကြောင့်
အရောင်းအဝယ်များ ရှိလာပြီး ဈေးကွက်အတွင်း ရင်းနှီး
မြှုပ်နှံသူများ ဝင်ရောက်လာစေနိုင်သောကြောင့်
ဖြစ်ကြောင်း ဆောက်လုပ်ရေးလုပ်ငန်းရှင်များက
ထောက်ခံတင်ပြခဲ့ကြသည်။

ယင်း အခွန်သက်သာခွင့် ပြုသည့်ကိစ္စကို အမှန်တကယ်
ဆောင်ရွက်ရန် လိုအပ်ပါက ဥပဒေကြမ်းတခုအဖြစ် သီးခြား
ရေးဆွဲပြုစု၍ လွှတ်တော်သို့ တင်သွင်းရန် ဥပဒေကြမ်း
ပူးပေါင်းကော်မတီ အတွင်းရေးမှူး ဒေါက်တာ မြတ်ဉာဏစိုး
က ပြောသည်။

“အဖွဲ့အစည်းပေါင်းစုံနဲ့ ညှိနှိုင်းပြီးမှ သီးခြား ဥပဒေတရပ်
ရေးဆွဲဆောင်ရွက်ဖို့ လိုအပ်ပါတယ်။
နှစ်စဉ်တင်သွင်းနေကြ ပြည်ထောင်စု အခွန်အကောက်
ဥပဒေကြမ်းမှာ ထည့်သွင်းဖော်ပြခြင်းဟာ ပြည်စုံလုံလောက်မှု
မရှိတာကို လေ့လာတွေ့ရှိရပါတယ်” ဟု ၎င်းက
လွှတ်တော်တွင် ပြောသည်။

လာမည့် ဘတ်ဂျက်ကာလ ဧပြီလ ၁ ရက်နေ့တွင် အခွန်များ
လျော့ချနိုင်တော့မည်ဟု လုပ်ငန်းရှင်များက မျှော်လင့်ခဲ့ကြ
သော်လည်း ယခုလို သီးသန့် ဥပဒေတခု ပြဌာန်းမည် ဆိုပါက
ဆက်လက် စောင့်ရဦးမည် ဖြစ်ကြောင်း၊
ထို သီးသန့် ဥပဒေသည်လည်း အောင်မြင်မည်ဟု မပြောနိုင်
ကြောင်း ရန်ကုန်မြို့မှ စီးပွားရေး လုပ်ငန်းရှင်တဦး ဖြစ်သူ
ဒေါက်တာ စိုးထွန်းက ပြောသည်။

“ဒီအခွန်ကိစ္စတွေမှာ လွှတ်တော်ကိုယ်စားလှယ်တွေမှာလည်း
ကြေလည်ဖို့ လိုတယ်။
အစိုးရအနေနဲ့ ဒီအခွန်တွေ ဘာကြောင့် လျော့ချဖို့ လိုတယ်
ဆိုတာကို လွှတ်တော်ကိုယ်စားလှယိတွေကို ကြိုတင်
အသိပေးဖို့ လိုတယ်။
အခု လွှတ်တော်ကိုယ်စားလှယ်တွေက ကြိုမသိဘူး လို့
ပြောတယ်”ဟု ၎င်းက ဆိုသည်။

၎င်းက ဆက်၍ အခွန်လျော့ချမှု ရွေ့ဆိုင်းလိုက်သဖြင့်
လုပ်ငန်းရှင်များထဲတွင် ဆောက်လုပ်ရေး လုပ်ငန်းရှင်များမှာ
အထိနာနိုင်ကြောင်း၊
တချို့ လုပ်ငန်း ရှင်များသည် ဘဏ်ချေးငွေများ ယူထားသဖြင့်
ဆောက်လုပ်ရေး လုပ်ငန်းများ အထိနာပါက ဘဏ်များပါ
ယင်းအကျိုးဆက်ကို ခံရနိုင်၍ လုပ်ငန်းရှင်များ
အကြွေးမဆပ်နိုင်ပါက ပြဿနာများ
ရှိနိုင်ကြောင်း ပြောသည်။

သို့သော် ဝင်ငွေရလမ်း မဖော်ပြနိုင်ဘဲ စည်းကြပ်မှုမှ
ကင်းလွတ်နေသည့် ငွေမည်းများသည် အခွန် အနည်းငယ်
ဆောင်ရုံဖြင့် ငွေဖြူဖြစ်လာပြီး တရားဝင် လုပ်ငန်းများ
ဖြစ်ပေါ်လာမည်ဖြစ်ရာ ပုံမှန် အခွန်ထမ်းများ အတွက်
မမျှတကြောင်း လွှတ်တော် ကိုယ်စားလှယ်တချို့က
သုံးသပ်ခဲ့ကြသည်။

ထို့ကြောင့် ဝင်ငွေခွန်နှုန်းထားများမှာ
၁ ကျပ်မှ သိန်း ၃၀၀ အထိ ၁၅ ရာခိုင်နှုန်း၊
သိန်း ၃၀၀ မှ သိန်း ၁၀၀၀ အထိ ၂၀ ရာခိုင်နှုန်း၊
သန်း ၁၀၀၀ နှင့်အထက် ၃၀ ရာခိုင်နှုန်း အခွန်ဆောင်ရမည်
ဖြစ်ကြောင်း ဥပဒေကြမ်း ပူးပေါင်းကော်မတီ၏ အစီရင်ခံစာ
တွင် ဖော်ပြထားသည်။

ထို့ပြင် အခွန် ဥပဒေကြမ်းတွင် ၁၅၀၀ CC မှ ၂၀၀၀ CC
အထိ ဗင်ကား၊ ဆလွန်း၊ ဆီဒင်၊ ဝက်ဂွန်ကားများ၊ ကူပေး
ကားများသည် ပြည်သူ အများ ဝယ်ယူ စီးနင်းနိုင်သည့်
အိမ်သုံးအမျိုးအစားကားများ ဖြစ်၍ အထူးကုန်စည်ခွန်
၂၀ ရာခိုင်နှုန်းအစား ၁၀ ရာခိုင်နှုန်းသို့ ပြင်ဆင်
သတ်မှတ်ချက်ကို လွှတ်တော်က အတည်ပြုခဲ့သည်။

သို့သော် ဝင်ငွေခွန်နှင့် ပတ်သက်၍ မူလ အဆိုပြုချက်အတိုင်း
တနှစ်ဝင်ငွေ ကျပ် ၄၈ သိန်းရှိပါက ဝင်ငွေခွန် ဆောင်ရမည်
ဖြစ်ကြောင်းလည်း သိရသည်။

(ထက်နိုင်ဇော်)

credit - Mizzima - News in Burmese
& Irrawaddy Publishing Group

**********

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=1183546585087612&id=726764717432470&substory_index=0