“ပြဋ္ဌာန်းပေးရန်လိုလာသည့် တိုက်ခန်းအိမ်ရာဥပဒေ”

“ပြဋ္ဌာန်းပေးရန်လိုလာသည့် တိုက်ခန်းအိမ်ရာဥပဒေ”

၁။ "တိုက်ခန်းရောင်းဝယ်မှုများအတွက် တိုက်ခန်းအိမ်ရာ
ဥပဒေ ပြဋ္ဌာန်းပေးရန် လို"

တိုက်ခန်း အရောင်းအ၀ယ်ဈေးကွက်တွင် ပိုင်ဆိုင်မှု ပိုမိုခိုင်မာ
ကြောင်း ပြသနိုင်ရန်အတွက်တိုက်ခန်းအမျိုးအစားအားလုံးနှင့်
ဆိုင်သော ဥပဒေတစ်ခု ပြဋ္ဌာန်းရန် လိုအပ်ကြောင်း
ဆောက်လုပ်ရေး လုပ်ငန်းရှင်များက ပြောသည်။

ဆောက်လုပ်ရေးလုပ်ငန်းများ ပိုမိုတွင်ကျယ်လာပြီး အထပ်မြင့်
တိုက်များ ဆောက်လုပ်လာကြသည်မှာ ဆယ်စုနှစ်နှစ်ခုကျော်
ရှိလာပြီဖြစ်သော်လည်း ယခုအချိန်ထိ တိုက်ခန်းများအတွက်
တိကျသော ဥပဒေမရှိ သေးကြောင်း အာရှဆောက်လုပ်ရေး
လုပ်ငန်းမှအထွေထွေမန်နေဂျာ ဦးရန်အောင်က
ပြောသည်။

ကွန်ဒိုမီနီယံဥပဒေမှာ ကွန်ဒိုအဆောက်အအုံများအတွက်သာ
သီးသန့်ဖြစ်သောကြောင့် တိုက်ခန်းများအားလုံးကို ကိုယ်စား
ပြုမည့်တိုက်ခန်းအိမ်ရာဥပဒေတစ်ခု လိုအပ်ကြောင်း
၎င်းက ပြောသည်။

"ရန်ကုန်မှာ ကွန်ဒိုအဆောက်အအုံက လက်ချိုးရေလို့ရတဲ့
အနေအထားမှာ ရှိနေတယ်။
၁၉၉၀ နောက်ပိုင်းကတည်းက တိုက်တွေဆောက်လာကြပြီး
ကန်ထရိုက်တိုက်တွေလည်းဆောက်လုပ်တာ များလာကြတယ်
ဆို တော့ တဖြည်းဖြည်းနဲ့ တိုက်ခန်းတွေလည်းများလာပြီ။
တိုက်ခန်းတွေအားလုံးနဲ့ အကျုံးဝင်မယ့် အိမ်ရာဥပဒေတစ်ခု
ပြဋ္ဌာန်းပေးဖို့လိုအပ်နေပါပြီ" ဟု ၎င်းက ပြောသည်။

လက်ရှိအချိန်တွင် တိုက်ခန်းဝယ်ယူသူများ အနေဖြင့်
တိုက်ခန်းဝယ်ယူရာတွင် မြေရှင်နှင့်အရပ်စာချုပ်သာ ချုပ်ထား
ရပြီး တိုက်ခန်းကို ပြန်လည်ရောင်းဝယ် ပြုလုပ်ရာတွင်လည်း
မြေရှင်က လက်မှတ်ထိုးပေးရန် လိုအပ်ကြောင်း
ဦးရန်အောင်က ပြောသည်။

"တိုက်ခန်းအရောင်းအ၀ယ်လုပ်ရင်တောင် မြေရှင်မှာပဲ ဂရန်ရှိ
လို့ မြေရှင်ရဲ့လက်မှတ်လိုအပ်ပြီး မြေရှင်ကို တိုက်ခန်းခရဲ့
တစ်ရာခိုင်နှုန်းပေးရတယ်။ တကယ်လို့သာတိုက်ခန်းတွေ
အားလုံးနဲ့ တိုက်ရိုက်သက်ဆိုင်မယ့် တိုက်ခန်းအိမ်ရာ ဥပဒေ
သာရှိလာခဲ့မယ်ဆိုရင် တိုက်ခန်းရောင်းဝယ်လုပ်ဖို့ မြေရှင်နဲ့
မဆိုင်တော့ဘဲ တိုက်ခန်းပိုင်ရှင် တစ်ယောက်အနေနဲ့
ရောင်းဝယ်လုပ်နိုင်မှာပါ" ဟု ၎င်းက ပြောသည်။

မြေကွက်ဝယ်ယူသူများအနေဖြင့် မြေ ဂရန်စာချုပ်ကို အာမခံ
ထားခြင်း၊ ဘဏ်များတွင်အပေါင်ထားခြင်းများ ပြုလုပ်နိုင်သော်
လည်း တိုက်ခန်းဝယ်ယူသူများအနေဖြင့်တိုက်ခန်းစာချုပ်ကို
ထိုကဲ့သို့ အသုံးမပြုနိုင် သောကြောင့် ပိုင်ဆိုင်မှု ပိုမိုခိုင်မာ
စေရန် ဥပဒေလိုအပ်ကြောင်း ၎င်းက ပြောသည်။

"တိုက်ခန်းပိုင်ရှင်တွေအနေနဲ့ မြေပိုင်ဆိုင်သူတွေလိုပဲ တိုက်ခန်း
စာချုပ်ကို ဘဏ်တွေမှာအပေါင်ထားတာတွေ၊ အာမခံထားတာ
တွေ လုပ်လို့ရဖို့ တိုက်ခန်းအိမ်ရာဥပဒေတစ်ခုလိုအပ်ပါတယ်။
တိုက်ခန်းစာချုပ်တွေကလည်း မြေစာချုပ်တွေလိုပဲ ခိုင်မာမှုရှိမှ
ရင်းနှီးမြှုပ်နှံသူတွေက တိုက်ခန်းတွေကို ပိုဝယ်ယူလာကြမှာ
ဖြစ်ပြီး တိုက်ခန်းအရောင်း ဈေးကွက်ပိုမိုကောင်းမွန်လာမှာ
ဖြစ်ပါတယ်" ဟု ဦးရန်အောင်က ပြောသည်။

တိုက်ခန်းများအားလုံးကို ကိုယ်စားပြုမည့် တိုက်ခန်းအိမ်ရာ
ဥပဒေကို အမြန်ဆုံးပြဋ္ဌာန်းရန်လိုအပ်နေပြီး လက်ရှိအချိန်တွင်
ကွန်ဒို မီနီယံဥပဒေ၏ နည်းဥပဒေတွင် တိုက်ခန်းများအားလုံး
အတွက် ကိုယ်စားပြုသော နည်းဥပဒေများ ပါဝင်မလားကို
စောင့်ကြည့်ရန် လိုအပ်ကြောင်း မြန်မာနိုင်ငံ ဆောက်လုပ်ရေး
ဆိုင်ရာ လုပ်ငန်းရှင်များအသင်းဥက္ကဋ္ဌ ဦးသာဌေးကပြောသည်။

"ကွန်ဒိုဥပဒေနဲ့ တိုက်ခန်းဥပဒေက နည်းနည်းရောထွေးပြီး
ရှုပ်နေတယ်။ တိုက်ခန်းတွေအားလုံးကို ကိုယ်စားပြုမယ့်
ဥပဒေ တစ်ခုကို အမြန်ဆုံးပြဋ္ဌာန်းပေးဖို့ လိုအပ်နေပါတယ်။
ကွန်ဒိုဥပဒေမှာ တိုက်ခန်းတွေအားလုံးကို ကိုယ်စားပြုတဲ့
နည်းဥပဒေတွေ ပါမလား၊
ဒါမှမဟုတ် ဥပဒေအသစ်တစ်ခု လိုမလားဆိုတာသိဖို့ ဒီလထဲ
မှာ ထွက်မယ့် ကွန်ဒိုဥပဒေကိုအရင်စောင့်ကြည့်ရပါမယ်"ဟု
၎င်းက ပြောသည်။

ဆောက်လုပ်ရေးဝန်ကြီးဌာနမှဆောက်လုပ်သော တိုက်ခန်းများ
အတွက် ပိုင်ရှင် စာအုပ်များ သီးသန့်ထုတ်ပေးသော်လည်း
ကျန်တိုက်ခန်းများအားလုံးမှာ မြေရှင်တစ်ဦးတွင်သာ စာချုပ်ရှိပြီး
ကျန်တိုက်ခန်းဝယ်ယူသူများအတွက် အရပ်စာချုပ်ကိုသာ
အသုံးပြုနေ ရဆဲဖြစ်ကြောင်း ဦးရန်အောင်က ပြောသည်။

ယခုချိန်တွင်တိုက်ခန်းအိမ်ရာများအားလုံးကို ကိုယ်စားပြုသော
ဥပဒေကို ရေးဆွဲနေ ခြင်းမရှိသေးကြောင်း ဆောက်လုပ်ရေး
ဝန်ကြီးဌာန၊ မြို့ပြဖွံ့ဖြိုးတိုးတက်ရေးဌာနမှ ဦးဝင်းနိုင်က
ပြောသည်။

(တင်ရတနာထွန်း)

***

၂။ "တိုက်ခန်းဥပဒေမရှိသေးလို့ စာရွက်စာတမ်းမိတ္တူ တောင်းပါ"

ဆောက်ပြီးသားတိုက်ခန်းတွေအတွက် ဥပဒေအတိအကျမရှိ
သေးတဲ့အတွက် ဝယ်ယူတဲ့အခါ တိုက်ခန်းနဲ့ သက်ဆိုင်တဲ့
စာရွက်စာတမ်းမိတ္တူတွေ တောင်းယူပြီး စာချုပ်ချုပ်ဆိုထားသင့်
တယ်လို့ သိရပါတယ်။

တိုက်ခန်းအိမ်ရာ မူဝါဒ ဥပဒေသာ ထွက်လာခဲ့ရင် ဥပဒေနဲ့
အညီ ဖြစ်နိုင် မဖြစ်နိုင်ဆိုတာ ကြိုမသိနိုင်သေးတာကြောင့်
ဝယ်သူတွေအနေနဲ့ အပြည့်အစုံ တောင်းယူထားသင့်တယ်လို့
သိရတယ်။

ကွန်ဒိုဥပဒေလို ဥပဒေထွက်လာပေမဲ့ သတ်မှတ်ချက်တွေနဲ့
ကွဲပြားနေတာတွေ၊ မကိုက်ညီတာတွေ ဈေးကွက်ထဲမှာ
ရှိနေပါတယ်။

တိုက်ခန်းပြဿနာတွေမှာ အများစု ဆုံးရှုံးနစ်နာရသူတွေက
ဝယ်သူတွေ ဖြစ်တယ်လို့ ဈေးကွက်အတွင်းက သိရပါတယ်။

အထွေထွေ အကျိုးဆောင် ဦးကျော်စွာက
“ကန်ထရိုက်နဲ့ မြေရှင်တွေ ချုပ်ဆိုထားတဲ့ စာချုပ်မိတ္တူတွေ၊
လူနေခွင့်ကျပြီးသားဆို လူနေခွင့်ပါမစ် မိတ္တူတွေ၊
မြေရှင်လက်မှတ်ရေးထိုးထားတဲ့ဆက်စပ်စာချုပ်တွေအကုန်
တောင်းထားရင်တော့ ပို ကောင်းတယ်၊
ပြဿနာဖြစ်လာရင်တောင် ကိုယ့်ဘက်က ခိုင်မာတဲ့
အထောက်အထားပြနိုင်တယ်”လို့ ပြောပါတယ်။

တိုက်ခန်းဈေးကွက်ထဲမှာအရောင်းအဝယ်အေးသွားရတဲ့
အကြောင်းအရင်းတစ်ခုက ယုံကြည်မှုနည်းသွားပြီး ဈေးကွက်
သိသိသာသာ လျော့ကျသွားတာ ဖြစ်တယ်။

အရစ်ကျကြိုပွိင့်ဈေးကွက်နဲ့ ဆောက်ပြီးသားတိုက်ခန်း
အရောင်းဈေးကွက်ပါ အေးနေတာ ဖြစ်တယ်။

အရောင်းအဝယ်အများစုက အရပ်စာချုပ်တွေနဲ့ ချုပ်ဆိုပြီး
အလွယ်တကူ ဝယ်ယူကြတယ်။ တချို့ဆို ရှေ့နေက စာရွက်
စာတမ်းလိုနေတယ်ပြောတာတောင် နောက်မှယူမယ်ဆိုပြီး
ဝယ်ယူကြတာတွေလည်းရှိတယ်လို့ အကျိုးဆောင်ရှေ့နေ
တချို့ဆီက သိရပါတယ်။

အထက်တန်းရှေ့နေ မသီတာက
“စာချုပ်ကိုတော့ ဖြစ်နိုင်သမျှ ခိုင်မာအောင် ချုပ်ဆိုရမှာပဲ၊
ဥပဒေအပြောင်းအလဲတွေရှိလာရင် ကိုယ့်ဘက်က သေချာမှု
ရှိအောင် လုပ်သင့်တယ်၊ တချို့က ပြီး ပြီးရောပုံစံနဲ့ ချုပ်ဆိုကြ
တာတွေ ရှိတယ်၊
ဆောက်လုပ်ခွင့်ကျထားတဲ့ စာရက်စာတမ်းကအစ
တောင်းကြည့်သင့်ရင် တောင်းရမှာ၊
တချို့ က ပြောပြလဲ အပိုလို့ထင်တာတွေ ရှိတယ်၊
တကယ်တော့ ကိုယ့်ဘက်က ခိုင်မာအောင် လုပ်ထားသင့်
လို့ပါ” လို့ ပြောပါတယ်။

- လက်ဆင့်ကမ်းရောင်းချထားတဲ့ တိုက်ခန်းဟောင်းတွေဆို
လည်း အရပ်စာချုပ်နဲ့ဆိုရင် အရောင်းအဝယ်လုပ်ခဲ့တဲ့
ဆက်စပ်စာချုပ်အဆင့်ဆင့်ကို စစ်ဖို့လိုအပ်တယ်။
- ဆက်စပ်စာချုပ်တိုင်းမှာ မြေရှင်လက်မှတ်ပါမပါ စိစစ်ဖို့
လိုပါတယ်။
- တချို့က အပေါင်ခံထားပြီးရထားတဲ့ အခန်းမျိုး ဖြစ်နိုင်
တာကြောင့် သေချာသတိပြု ဝယ်သင့်တယ်လို့ သိရပါတယ်။

(အေးမွန်)

credit - The Myanmar Times & Kumudra Journal

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=962655320510074&id=726764717432470&substory_index=0