“ယနေ့ အိမ်ခြံမြေလောကနှင့် အပေါင်”

“ယနေ့ အိမ်ခြံမြေလောကနှင့် အပေါင်”

၁။ "အိမ်ခြံမြေ အပေါင်ဆုံးသည့် ဖြစ်ရပ်များ
ဈေးကွက်အတွင်း ပိုမို များလာ"

အိမ်ခြံမြေဈေးကွက်အတွင်း၌ အရောင်း အ၀ယ်ထက်
အိမ်ခြံမြေပေါင်နှံမှုများပိုမို များပြားလာနေပြီး ပေါင်နှံထားသည့်
အိမ်ခြံ မြေများကို ပြန်လည်ရွေးယူနိုင်ခြင်းမရှိသည့် ဖြစ်ရပ်များ
တစ်နေ့တခြား ပိုမို များပြားလာနေကြောင်း မြန်မာနိုင်ငံ
အိမ်ခြံမြေ၀န်ဆောင်မှုအသင်း (ဗဟို) ဒုတိယဥက္ကဋ္ဌ ဦးသန်းဦး
က မြန်မာတိုင်း(မ်)ကို ပြောသည်။

"အိမ်ခြံမြေဈေးကွက်ထဲကို သာမန်ပြည်သူတွေ၊ လူလတ်
တန်းစားတွေကရှိစုမဲ့စုနဲ့ဝင်လာကြတဲ့ လူတွေရှိသလို တချို့ဆို
မြတ်မလား ဆိုပြီး ပေါင်နှံချေးငှားပြီးမှ ၀င်လာကြတဲ့လူတွေ
လည်းရှိတယ်။
ဒီလူတွေက ဈေးကွက် အေးတာကြာတော့စရိတ်တက်တဲ့ဒဏ်၊
အတိုးတက်တဲ့ဒဏ်ကို မခံနိုင်ကြတော့ ၀ယ်ထားတာတွေကို
ပြန်ရောင်းချင်ကြတယ်။အိမ်ခြံမြေဈေးကွက်ကြီး အရမ်း
ထိုင်းမှိုင်းလာတော့ဝယ်လက်တွေက ရှားသွားတယ်။
ရှိတဲ့ဝယ်လက်တွေကလည်း အောက်ဈေးနဲ့ပဲဝယ်ကြတော့
ပေါင်နှံတဲ့ကိစ္စတွေ ဖြစ်လာတယ်။
မျှော်လင့်ချက်နဲ့ တခြားစီးပွားရေးကနေ ငွေပြန်ဝင်လာကြမယ်
ထင်ပြီး အိမ်တွေ မြေတွေ ပေါင်ကြတာများတယ်။
အိမ်ပေါင်ပြီး ရတဲ့ငွေနဲ့လုပ်တဲ့ တခြားစီးပွားရေးတွေကလည်း
အဆင်မပြေကြတော့ပေါင်ထားတဲ့ အိမ်တွေအတွက် လစဉ်
အတိုးတွေတက်၊ အချိန်တွေကြာလာပြီးပေါင်ထားတဲ့
အိမ်ခြံမြေပါ ပြန်မရွေးနိုင်တော့လို့ ဆုံးကုန်တာ
အခုနောက်ပိုင်းမှာတော်တော်များလာတယ်" ဟု
၎င်းက ပြောသည်။

ကာလရှည်ကြာ အရောင်းအ၀ယ်အေးစက်နေသည့် အိမ်ခြံမြေ
ဈေးကွက်အတွင်း၌ငွေကြေးလိုအပ်သူများက မိမိတို့ပိုင်ဆိုင်
သည့် အိမ်ခြံမြေများကို ပေါင်နှံလာကြသည့်အတွက်
အပေါင်ဈေးကွက် တွင်ကျယ်လျက် ရှိသည်။

အိမ်ခြံမြေ၊ ကွန်ဒိုတိုက်ခန်းများကို အရောင်းအ၀ယ်ပြုလုပ်ရာတွင်
ရောင်းချသည့်တန်ဖိုး၏ငွေကျပ် ၁၀၀ လျှင် နှစ်ကျပ်နှုန်းဖြင့်
အကျိုးဆောင်ခ ရယူလုပ်ကိုင်ကြခြင်းဖြစ်ပြီး၊
အပေါင်ဈေးကွက်တွင်မူ ပေါင်နှံသူက ငွေရှင်ထံသို့ လစဉ်
ပေးရမည့် အတိုးနှုန်း၏ တစ်လစာကိုအကျိုးဆောင်ခအဖြစ်
ရယူလုပ်ကိုင်လျက်ရှိသည်။

"ဈေးကွက်ပေါက်ဈေးရဲ့ တစ်ဝက်ဈေးနဲ့ အရောင်းအ၀ယ်စာချုပ်
ချုပ်ပြီး အပေါင်ခံတာများတယ်။
နှစ်အချက်က လက်ရောက် ရယူမှုကိုငွေရှင်ဘက်ကို အပြည့်
ပေးရတယ်။
ရှင်းရှင်းလင်းလင်းပြောရရင် အိမ်ပေါ်ကနေ လူဆင်းပေးရတဲ့
အပြင် တံခါးပိတ်ပြီး ငွေရှင်ကိုသော့ပါအပ်လိုက်ရတယ်။
အခုအပေါင်ဆုံးတဲ့ ပြဿနာတွေက အိမ်ခြံမြေဈေးကွက်ကလည်း
ပြန်တက်မလာတဲ့အပြင် တခြား စီးပွားရေးကလည်း
မကောင်းတော့ ပြန်မရွေး နိုင်တော့ဘဲ ဆုံးရှုံးကုန်တာဖြစ်တယ်။
လူမဆင်းရင်တော့ ငွေရှင်ကအပေါင်မခံဘူး" ဟု
၎င်းက ပြောသည်။

၂၀၁၅ ခုနှစ် နှစ်ဆန်းပိုင်းမှစတင်ကာ အိမ်ခြံမြေဈေးကွက်
အတွင်း ၀ယ်လက်များမရှိသလောက် နည်းပါးသွားသည့်
အတွက် ယနေ့အချိန်ထိဆိုလျှင် အိမ်ခြံမြေဈေးကွက်ကျဆင်း
လျက်ရှိသည်မှာ တစ်နှစ်ခွဲကျော်၊ နှစ်နှစ်နီးပါး ကာလအတွင်း
သို့ ရောက်ရှိလာပြီဖြစ်သည်။

ကွန်ဒိုမီနီယမ်တိုက်ခန်းများ၊ လူနေတိုက်ခန်းများထက်
လုံးချင်းအိမ်များ၊ မြေကွက်များကိုပိုမိုပေါင်နှံမှု များပြား ကြောင်း
အိမ်ခြံမြေအကျိုးဆောင်များထံမှ သိရသည်။

အိမ်ခြံမြေပေါင်နှံသူအများစုမှာ ငွေကြေးလည်ပတ်ရန် မိမိပိုင်
အိမ်ခြံမြေများကိုပေါင်နှံကာ အခြားစီးပွားရေးလုပ်ငန်းများတွင်
ထည့်သွင်းရင်းနှီးမြှုပ်နှံမှုပြုပြီး ပြန်လည် မြတ်စွန်းသည့်
အမြတ်ဖြင့် ပေါင်နှံထားသည့် အိမ်ခြံမြေများကို ပြန်လည်
ရွေးယူနိုင်သည့် စိတ်ကူးများဖြင့် ပေါင်နှံကြခြင်းရှိသလို
ငွေကြေးလိုအပ်သည့်အတွက် ပေါင်နှံသူများလည်း
အများအပြားရှိနေဆဲဖြစ်သည်။

အိမ်ခြံမြေဈေးကွက်ကျဆင်းမှု ကာလတာရှည်လာခြင်း၊
ပြန်လည်ရောင်းချရာတွင်လည်းဝယ်ယူသူအများစုကနိမ့်ပါးသည့်
ဈေးနှုန်းများဖြင့်သာ ၀ယ်ယူလိုခြင်းကြောင့် မိမိတို့ပိုင်ဆိုင်သည့်
အိမ်ခြံမြေများကိုငွေကြေးလည်ပတ်စေရန်
ပေါင်နှံကြခြင်းဖြစ်သည်။

ပေါင်နှံသည့်အချိန်တွင် ငွေရှင်ဘက်က ပေါင်နှံလိုသည့် အိမ်ခြံမြေ
ကို ဈေးကွက်ပေါက်ဈေး၏ထက်ဝက် ပမာဏရှိနိုင်သည့် ငွေကြေး
ကိုသာ အများဆုံး ငွေထုတ် ချေးပေးသည့်ငွေရှင်များရှိသကဲ့သို့
ဈေးကွက် ပေါက်ဈေး၏ ၃၀ ရာခိုင်နှုန်းကိုသာ ငွေထုတ်ချေးသည့်
ငွေရှင်များလည်း ရှိနေဆဲဖြစ်သည်။

ထို့ပြင် ငွေရှင်များက ပိုင်ဆိုင်မှု ခိုင်မာ သေချာစေရန်
အရောင်းအ၀ယ်စာချုပ် များအပြင်သတ်မှတ်ကာလအတွင်း
ပြန်လည် ရွေးယူနိုင်သည့် အပေါင်စာချုပ်များကို ပူးတွဲချုပ်ဆိုကာ
ငွေထုတ်ချေးသည့်စနစ်ကို ကျင့်သုံးလျက်ရှိပြီး ကျပ် ၁၀၀ လျှင်
ခြောက်ကျပ်အတိုးနှုန်းဖြင့် ရယူလုပ်ကိုင် လျက်ရှိသည်။

အပေါင်ခံသည့် ကာလကိုလည်း အများဆုံး ခြောက်လမှ တစ်နှစ်
အတွင်း ပြန်လည်ရွေးယူရန် တစ်ပါတည်း သတ်မှတ်ကာ
စာချုပ်များတွင် ထည့်သွင်းချုပ်ဆို ပေါင်နှံကြခြင်းဖြစ်သည်။

မြန်မာနိုင်ငံတွင် ပြင်ပပေါင်နှံခြင်းကို ဥပဒေအရ အသိအမှတ်
ပြုထားခြင်း မရှိသည့် အတွက်ပေါင်နှံလိုသည့် အဆောက်အအုံ
များကို အသိသက်သေများဖြင့် အရောင်း အ၀ယ်စာချုပ်များချုပ်
ဆိုကာ ပေါင်နှံလိုသူ နှင့် ငွေရှင်နှစ်ဦး သဘောတူညီချက်များဖြင့်
လုပ်ကိုင်နေကြခြင်းဖြစ်သည်။

"အခုနောက်ပိုင်းဆိုရင် ကာလတန်ဖိုးရဲ့ သုံးချိုးတစ်ချိုးလောက်ပဲ
ငွေရှင်ဘက်ကပေးတော့တယ်။ အဲဒါတောင် ပြန်မရွေးနိုင်တော့
တဲ့လူတွေ အများကြီး။ ရောင်းမယ်ဆိုရင်လည်း ၀ယ်လက်က
အောက်ဈေးလောက်ပဲပေးကြတော့ ပေါင်ကြတယ်။
အတိုးအရင်းမပေးနိုင်လို့ အဆုံးခံလိုက်တဲ့လူတွေရှိသလို
တချို့ကျတော့လည်း ငွေရှင်နဲ့ညှိပြီး ရတဲ့ဈေး နဲ့ ပြန်ရောင်း၊
ငွေရှင်ကို ပေးစရာ ရှင်းစရာ ရှိတာရှင်းပြီး ပိုတဲ့ငွေလေး သုံးပေါ့။
အဓိကပြဿနာကတော့ နေရာတိုင်းမှာ စီးပွားရေး မကောင်းလို့
အပေါင်ဆုံးတွေ ဖြစ်ကုန်တာ" ဟု
ဒဂုံမြို့သစ်မြောက်ပိုင်း အေးရိပ်စံ အိမ်ခြံမြေအကျိုးဆောင်
လုပ်ငန်းပိုင်ရှင် ဒေါ်နီလာကျော်က ပြောသည်။

အိမ်ခြံမြေများကို ဘဏ်များတွင် သွား ရောက်ပေါင်နှံရာတွင်
ပြင်ပငွေရှင်များထံသို့ ပေးရသည့်အတိုးနှုန်းထက် ဘဏ်များက
ရယူသည့်အတိုးနှုန်း အလွန်သက်သာမှုရှိသည့် အားသာချက်
များရှိသော်လည်း များပြားလှသည့် စာရွက်စာတမ်း အဆင့်ဆင့်
ဖြတ်သန်းရခြင်း၊ ၀င်ငွေရရှိနိုင်သည့်လုပ်ငန်းများကို ပြသရခြင်း
ကြောင့် အများစုမှာ ပြင်ပ လုပ်ငန်းရှင်များထံ၌သာ သတ်မှတ်
အတိုးနှုန်းတစ်ခုဖြင့် ပေါင်နှံနေကြရခြင်းဖြစ်သည်။

(ဇေယျာလင်း)

***

၂။ "အိမ်ခြံမြေ တိုက်ခန်းအပေါင် ဈေးကွက်ပေါက်ဈေးထက်
ငါးဆလောက်လျော့"

အိမ်ခြံမြေအရောင်းအေးနေရာမှာ တိုက်ခန်းအများစုလည်း
အပေါင်ဘက်လှည့်ပြီး ဈေးကွက်ရှာရတာတွေရှိတယ်လို့
အကျိုးဆောင်တချို့ထံက သိရပါတယ်။

အခုနောက်ပိုင်း အရောင်းမလိုက်တော့ငွေလိုတယ်ဆိုရင်
အပေါင်ဘက်ကိုလိုက်ပြီးစပ်ရတယ်၊ ဈေးကွက်ကလဲ အပေါင်
ဆိုရင် မူလပေါက်ဈေးထက် ငါးဆလောက်လျော့တယ်၊ ဒါတောင်
ယူတဲ့သူကနည်းတယ်လို့ အောင်မြင် အကျိုးဆောင်က
ကိုအောင်ပိုင်က ပြောပါတယ်။

ဈေး အရနည်း
----------------

အပေါင်ဈေးကွက် အများစုကတော့ ဈေးနှုန်းမြင့်မားတဲ့နေရာ
အများစုကအိမ်ခြံမြေတွေ ကို အပေါင်လက်ခံကြတာများပြီး
ဈေးနှုန်းအနေနဲ့ သိန်း ၁၀ဝ အောက်သာဈေးဖွင့်တာ ကြောင့်
ဈေးနှုန်းအရနည်းပါးတာတွေရှိနေပါတယ်။

ဒါ့အပြင် တချို့ဈေးနည်းတဲ့တိုက်ခန်းတွေကိုတော့ သိန်းဂဏန်း
လောက်သာပေးတာတွေရှိပြီး အပေါင်လက်ခံသူအများစုက  
အရောင်းအဝယ် စာချုပ်နဲ့ချုပ်ဆိုပြီး နားလည်မှုယူကြတာ
ဖြစ်ပါတယ်။

တချို့ အပေါင်လက်ခံချင်ကြတဲ့ မြေအမျိုးအစားတွေကတော့
ဂရန်မြေကိုလက်ခံကြတာများပြီး ပါမစ်မြေနဲ့စလစ်မြေတွေကို
တော့ သက်ဆိုင်ရာ မြေစာရင်းဌာနတွေမှာ စစ်ဆေးပြီးမှ
လက်ခံတာ များတယ်လို့သိရပါတယ်။

သည်လိုအပေါင်ဈေးကွက်ထဲမှာ တိုက်ခန်းအပေါင်တွေလည်း
ပါဝင်ပြီး တိုက်ခန်းအပေါင်ကိုတော့ တကယ့်ဈေးကွက်ထက်
ငါးဆလောက်ဈေးနှိမ်ပြီး အပေါင်ပေးတာတွေရှိပါတယ်။

အပေါင်ဈေးကွက် အများစုမှာဘဏ်ထက် အပြင်ဈေးကွက်ကို
စိတ်ဝင်စားမှုများပြီး အပေါင်ဈေးကွက်အတွက် ဘဏ်အပေါင်
မှာတော့ နာမည်ကြီးဘဏ်တွေထက် အစိုးရနဲ့ ဆက်စပ်တဲ့
ဘဏ်တွေမှာ အပေါင် လက်ခံကြတာများ ပါတယ်။

အစိုးရအပေါင်အများစုက ဈေးနှုန်းအရ အတိုးနှုန်းသက်သာ
ပေမဲ့ အနည်းဆုံးအချိန်သုံးလလောက်ပေးပြီးစစ်ဆေးမှုတွေ
များတာကြောင့် အမှန်တကယ်ငွေကြေးလိုအပ်သူတွေ
အနေနဲ့ အပြင်ဘက်ကအပေါင်ခံသူတွေကိုသာ
အားထားကြတာဖြစ်ပါတယ်။

(ပြည့်ဖြိုးမြင့်မွန်)

credit - The Myanmar Times & Kumudra Journal

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=962655320510074&id=726764717432470&substory_index=0