“၂ဝ၁၇ အခွန်အကောက် ဥပဒေကြမ်းနှင့် အိမ်ခြံမြေဈေးကွက်”

“၂ဝ၁၇ အခွန်အကောက် ဥပဒေကြမ်းနှင့် အိမ်ခြံမြေဈေးကွက်”

၁။ "အေးစက်နေသည့် ရန်ကုန် အိမ်ခြံမြေဈေးကွက်
ဈေးနှုန်းများ ငြိမ်နေဦးမည်"

ရင်းနှီးမြှုပ်နှံသူများ အချိန်အတော်ကြာ စောင့်ကြည့်ခဲ့ကြသည့်
ရန်ကုန် အိမ်ခြံမြေဈေးကွက်သည် ယခုအချိန်ထိ ဈေးကွက်
အေးစက်နေဆဲဖြစ်ကြောင်း အိမ်ခြံမြေအကျိုးဆောင်များက
ပြောသည်။

နှစ်နှစ်ကျော် သုံးနှစ်နီးပါးအထိ အရောင်းအဝယ် မကောင်းခဲ့
သည့် အိမ်ခြံမြေဈေးကွက်ကိုအစိုးရသစ်တက်ပြီး ၂ဝ၁၆ ခုနှစ်  
နှောင်းပိုင်းများတွင် ပြန်လည်ကောင်းမွန်လာမည်ဟုလုပ်ငန်း
လုပ်ကိုင်သူများက များစွာမျှော်လင့်ထားခဲ့သော်လည်း တကယ့်
လက်ရှိအချိန်ထိ ရန်ကုန်မြို့၏ အိမ်ခြံမြေဈေးကွက်မှာ
ထူးထူးခြားခြား ပြောင်းလဲမလာခဲ့ပေ။

ယင်းအခြေအနေတွင် ရန်ကုန်မြို့၏ အိမ်ခြံမြေဈေး ကြီးမြင့်နေ
မှုများကို ထိန်းချုပ်သွားမည်ဟုရန်ကုန်တိုင်းဒေသကြီးဝန်ကြီးချုပ်
ဦးဖြိုးမင်းသိန်းက ပြီးခဲ့သည့် ဖော်ဖော်ဝါရီလ၌ပြောခဲ့သည်။

ရန်ကုန်မြို့၏ အိမ်ခြံမြေဈေးနှုန်းများသည် အိမ်ခြံမြေ အရောင်း
အဝယ် အေးစက်ခြင်းနှင့်အတူ ယခုရက်ပိုင်းများအတွင်း
ဈေးနှုန်းများ အနည်းငယ် မသိမသာကျဆင်းမှုများရှိလာကြောင်း
ရန်ကုန်အခြေစိုက် အိမ်ခြံမြေအကျိုး ဆောင်များက ပြောသည်။

အိမ်ခြံမြေ အရောင်းအဝယ်၊ အငှား ဝန်ဆောင်မှုပေးသည့်
House com mm ဝက်ဘ်ဆိုက်ကလည်းဈေးကွက်ငြိမ်သက်
နေသည့် အိမ်ခြံမြေဈေးနှုန်းများသည် ယခုရက်ပိုင်းအတွင်း
ကျဆင်းလာသည်ဟု၎င်းတို့၏ လေ့လာမှု တစ်ရပ်တွင်
ဖော်ပြထားသည်။

''ဒဂုံအရှေ့ပိုင်း၊ တောင်ပိုင်းနဲ့ ဆိပ်ကမ်းဘက်တွေမှာ မြေဈေး
တွေ ကျလာတာကို တွေ့ရတယ်။
အရင်က ပေါက်ဈေး ၃၅ သိန်း၊ သိန်း ၄ဝ ရှိတဲ့ မြေကွက်တွေက
အခု သိန်း ၃ဝ လောက်ပဲဈေးရှိတော့တယ်။
သင်္ဃန်းကျွန်း ဆို အရင်က သိန်း ၁၃,ဝဝဝ လောက်ထိ ပေးတဲ့
ခြံမြေကို အခုသိန်း ၁ဝ,ဝဝဝ ခေါ်ထားပေမဲ့ တစ်လပြည့်တော့
မယ် ဝယ်မယ့်သူ မရှိသေးဘူး''ဟု ရန်ကုန်တိုင်းအိမ်ခြံမြေ
ဝန်ဆောင်မှုလုပ်ငန်းရှင်များ အဖွဲ့ဝင်တစ်ဦး၏ ဖြေကြားချက်ကို
House com mm ကေ ဖ်ာပြထားသည်။

ရန်ကုန်မြို့တစ်မြို့လုံးအတိုင်းအတာဖြင့် ယခုတစ်လအတွင်း
ပျမ်းမျှအားဖြင့် ၁ဝ ရာခိုင်နှုန်းမှ၂ဝ ရာခိုင်နှုန်းခန့် အိမ်ခြံမြေ
ဈေးနှုန်းများကို လျှော့ချလျက်ရှိကြောင်း အိမ်ခြံမြေအကျိုးဆောင်
များကပြောသည်။

''အခုရက်ပိုင်းတော့ ဈေးတွေကတော့ ၁ဝ ကနေ ၂ဝ ရာခိုင်နှုန်း
လောက်တော့ ဈေးတွေကျတာကိုတွေ့ရတယ်။
ဈေးကျတယ်ဆိုတာ အိမ်ခြံမြေရောင်းချင်တဲ့သူတွေက ပုံမှန်
ဈေးတွေထက်လျှော့ပြီးရောင်းလာကြတယ်။
အိမ်ခြံမြေဈေးကွက်ကလည်း ဘာမှမပြောင်းလဲဘူးလေ။
အဲဒီတော့ ရန်ကုန်မြို့နေရာတော်တော်များများမှာ ဈေးတွေ
လျှော့လာကြတယ်။ အများကြီးမဟုတ်ဘဲ နည်းနည်းချင်းစီ
ဈေးတွေလျှော့လာတယ်'' ဟု စိုင်းခွန်နောင် အိမ်ခြံမြေ
အကျိုးဆောင်မှ ကိုဟိန်းဇံက ပြောသည်။

ထို့ပြင် လက်ရှိအိမ်ခြံမြေဈေးကွက်အတွင်း အိမ်ခြံမြေအရောင်း
အဝယ် ဖြစ်ပေါ်နေခြင်းများသည်လည်း ငွေလိုအပ်သူများ၏
ထုတ်ရောင်းချခြင်းများသာရှိပြီး ယခင်ထက် ဈေးလျှော့ချထား
သော်လည်းလွယ်လွယ်ကူကူ ရောင်းထွက်ခြင်းများ
မရှိကြောင်း အိမ်ခြံမြေအကျိုးဆောင်များက ပြောသည်။

''ရန်ကုန်မှာ နေရာတိုင်းက အဝယ်အေးနေပါတယ်။
ပြန်ရောင်းတဲ့သူတွေကလည်း ဗိုက်နာလို့ ထုတ်ရောင်းတဲ့သူ
တွေလောက်ပဲ ရှိတယ်။ အခုဈေးတွေ ကျတယ်ဆိုတာကလည်း
ဈေးကွက်ထဲမှာအရောင်းအဝယ်စီးဆင်းမှုနည်းလို့၊ ဝယ်တဲ့သူ
နည်းလို့ ဖြစ်နေတာ''ဟု အိမ်ခြံမြေအကျိုးဆောင်
တစ်ဦးက ပြောသည်။

ထို့ပြင် အိမ်ခြံမြေ ရောင်းဝယ်ရာတွင် ဝင်ငွေရလမ်း ဖော်မပြနိုင်
ပါက ပေးဆောင်ရသောဝင်ငွေခွန်သည်လည်း ယခုရေးဆွဲ
လျက်ရှိသည့် ၂ဝ၁၇ အခွန်ကောက်ဥပဒေကြမ်းတွင်အခွန်နှုန်း
မလျှော့ဘဲ ၂ဝ၁၆ ခုနှစ်အတိုင်းပင် ကောက်ခံရန် ရေးဆွဲထား
သည့်အတွက်အခွန်နှုန်းကြောင့် အိမ်ခြံမြေဈေးများ ဆက်လက်
ကျဆင်းနိုင်ကြောင်းအိမ်ခြံမြေ လုပ်ငန်းရှင်များက ပြောသည်။

''အခွန်တွေက မဖြစ်မနေ ဆောင်ခိုင်းမယ်။ ပြီးတော့ အခွန်နှုန်း
တွေကလည်း မလျှော့ဘူး။ အိမ်ခြံမြေဆို မနှစ်ကအတိုင်းပဲ။
ကားဆို အခွန်တွေတိုးလိုက်တာဆိုတော့ အခု အခွန်ကြောင့်
အကုန်လုံး ဈေးကွက်တွေအေးတာပေါ့။ အိမ်ခြံမြေကတော့
အရင်ကတည်းက အေးနေတာ။အခု အခွန်မလျှော့တာကြောင့်
ဈေးလည်းကျနိုင်တယ်''ဟု ရွှေကံမြေ အိမ်ခြံမြေအကျိုးဆောင်မှ
ဦးခင်မောင်အေး က ပြောသည်။

၂ဝ၁၇ ခုနှစ် အခွန်ကောက်ဥပဒေကြမ်းကို လာမည့်
ဧပြီ ၁ ရက်တွင် စတင်ကောက်ခံသွားမည်ဖြစ်ပြီး အိမ်ခြံမြေ
ရောင်းဝယ်ရာတွင် ဝင်ငွေရလမ်း ဖော်မပြနိုင်ပါက ပေးဆောင်
ရမည့် ဝင်ငွေခွန်မှာပြောင်းလဲခြင်းမရှိသည့် အတွက်
ယင်းအခွန်နှုန်းသည် ၂ဝ၁၆ ခုနှစ် အခွန်ကောက်ဥပဒေတွင်
ပြဋ္ဌာန်းထားသည့်အတိုင်း
- တစ်ကျပ်မှ သိန်း ၃ဝဝ အထိ ၁၅ ရာခိုင်နှုန်း၊
- ၃ဝ၁ သိန်းမှ ကျပ်သိန်း၁­,ဝဝဝ အထိ ၂ဝ ရာခိုင်နှုန်းနှင့်
- ကျပ် ၁,ဝဝ၁ သိန်းနှင့် အထက်မှာ ၃ဝ ရာခိုင်နှုန်းတို့
ဖြစ်သည်။

အဆိုပါ အခွန်နှုန်းမှာ အိမ်ခြံမြေအခွန် ပေးဆောင်ရသူများ
အတွက် သက်သာသည့်နှုန်းမဟုတ်သည့်အတွက် အဆင်မပြေ
ကြောင်း အိမ်ခြံမြေလုပ်ငန်းရှင်များက ဝေဖန် သုံးသပ်လျက်
ရှိကြသော်လည်း ယခုနှစ်တွင်လည်း အခွန်နှုန်းကို အစိုးရက
မလျှော့ခဲ့ပေ။

သို့သော် ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက
အိမ်ခြံမြေဈေးနှုန်းများကိုတဖြည်းဖြည်းချင်း ထိန်းချုပ်သွားမည်
ဟု ပြောဆိုခဲ့မှုနှင့်အတူ အခွန်နှုန်း မြင့်မားခြင်းမှာလည်း
ထိန်းချုပ်နည်းတစ်ခု ဖြစ်နိုင်သော်လည်း ကောင်းမွန်သည့်
နည်းလမ်းမဟုတ်ကြောင်း အိမ်ခြံမြေအကျိုးဆောင်များက
ပြောသည်။

''ဈေးတွေကို ထိန်းချုပ်ပြီး ကျသွားအောင်လုပ်မယ်ဆိုတာ
အခွန်မြှင့်လိုက်ရုံနဲ့ ကျမှာမဟုတ်ပါဘူး။
တကယ်က မြို့သစ်တွေ၊ မြေကွက်သစ်တွေ၊ အိမ်ရာသစ်
တွေကို အစိုးရက ဖော်ပေးမှ ကျမှပါ။
အခုက ဈေးကျတယ်ဆိုတာ အရောင်းအဝယ်မကောင်းလို့
ဈေးနည်းနည်းပါးပါးလျှော့ခေါ်တာလောက်ပဲ ဖြစ်လာမှာပါ။
လက်တွေ့ ဈေးကွက်မှာ ဝယ်ရောင်းလု ပ်ရင်
အဲဒီလောက်ထိ ထိုးမကျဘူး။ မြို့လယ်လို နေရာတွေက
ဈေးတွေမာနေတုန်းပဲ''ဟု
ဦးခင်မောင်အေးက မြန်မာတိုင်း(မ်)ကို ပြောသည်။

ရန်ကုန်မြို့၏ အိမ်ခြံမြေဈေးကွက်တွင် ဝယ်ရောင်းဈေးကွက်
ဖြစ်ပေါ်မှုနည်းသော်လည်းအငှားဈေးကွက်မှာမူ ပုံမှန်ငှားရမ်းမှု
များရှိနေပြီး နှစ်စဉ် ၁ဝ ရာခိုင်နှုန်းမှ ၁၅ ရာခိုင်နှုန်းအတွင်း
အငှားဈေး တက်မှုများရှိကြောင်း သိရသည်။

(မြတ်ငြိမ်းအေး)

***

၂။ "ယခု သတ်မှတ်လိုက်သော အခွန်နှုန်းထားကြောင့်
အိမ်ခြံမြေဈေး ဆက်ကျဖွယ် ရှိ"

အိမ်ခြံမြေဈေးနှုန်းများ တဖြည်းဖြည်းကျဆင်းအောင် လုပ်ဆောင်
သွားမည် ဆိုရာတွင် ယခုသတ်မှတ်ထားသော အခွန်နှုန်းထား
များသည်ပင် ဈေးကွက် အကျဘက်သို့ ဦးတည်နိုင်သောကြောင့်
အခြားနည်းနှင့် ထပ်မံလုပ်စရာ မလိုအပ်တော့ကြောင်း
ဆာက်လုပ်ရေးနှင့် အိမ်ခြံမြေလုပ်ငန်း အသိုင်းအဝိုင်းမှ
ဝေဖန်ပြောဆိုသည်။

လာမည့် ဧပြီ ၁ ရက်တွင် စတင် ကောက်ခံရန် ရေးဆွဲနေသည့်
၂ဝ၁၇ ခုနှစ် အခွန်အကောက် ဥပဒေကြမ်းမှာ ယခင်နှစ်က
နှုန်းထားအတိုင်း ကောက်ခံရန် ဥပဒေကြမ်းတွင် ထည့်သွင်း
ထားခြင်းဖြစ်သော ကြောင့် တန်ဖိုးအလိုက် ရောင်းရမှုအပေါ်
ပေးဆောင်ရမည့် အခွန်နှုန်းသတ်မှတ်ချက်များမှာ
- တစ်ကျပ်မှ သိန်း ၃ဝဝ အထိ ၁၅ ရာခိုင်နှုန်း၊
- သိန်း ၃ဝ၁ မှ ကျပ် သိန်း ၁ဝဝဝ အထိ ရာခိုင်နှုန်း ၂ဝ နှင့်
- ကျပ်သိန်း ၁ဝဝဝ အထက်ဆိုလျှင် ရာခိုင်နှုန်း ၃ဝ
ဖြစ်သည်။

ထို့ကြောင့် လက်ရှိအချိန်တွင်လည်း အခွန်နှုန်းထားကြောင့်
တစ်နှစ်ကျော် ကာလအတွင်း အိမ်ခြံမြေဈေးကွက်တွင်
ရာခိုင်နှုန်း ၃ဝ ခန့် ကျဆင်းပြီးဖြစ်ရာ၊ ယင်းစနစ်ကို ဆက်လက်
ကျင့်သုံးပါက အိမ်ခြံမြေဈေးနှုန်း များ ဆက်လက်ကျဆင်းနိုင်
ကာ အရောင်းအဝယ်ပါ နိမ့်ဆင်းလာနိုင်ကြောင်း သိရသည်။

မြန်မာနိုင်ငံ အိမ်ခြံမြေဝန်ဆောင်မှုအသင်း(ဗဟို)
ဒုတိယ ဥက္ကဋ္ဌ(၁) ဦးသန်းဦးက
''ဒီနှုန်းထားအတိုင်းဆိုရင် အိမ်ခြံမြေဈေးနှုန်းများသည် ဒီထက်
မက ထပ်ဆင်းအုံးမယ်။ ဆင်းဖို့ရှိတယ်။ ဒီနှုန်းထားနဲ့ ဘယ်သူမှ
ဝယ် ရောင်း မလုပ်နိုင်ဘူး။ ဘယ်သူမှလဲ သေချာပေါက်
မဆောင်နိုင်ဘူး။ အခုတောင် နှစ် နှစ်အတွင်းမှာ အိမ်ခြံမြေက
ရာခိုင်နှုန်း ၂ဝ ကနေ ရာခိုင်နှုန်း ၃ဝ အထိ ကျဆင်းနေ ပြီ''ဟု
ပြောသည်။

ဈေးကွက်အနေအထားမှာ ယင်းကဲ့သို့ ဖြစ်နေချိန်တွင်
ရန်ကုန်တိုင်းဒေသကြီး ဝန်ကြီးချုပ်က မြေဈေးနှုန်းများကို
တဖြည်း ဖြည်းကျဆင်းအောင် လုပ်ဆောင်သွားမည် ဖြစ်ပြီး
မြေဈေးအပေါ်တွင် မျှော်လင့်ချက်များ မထားကြရန် သတိပေး
ပြောဆိုမှုများ ပြုလုပ်ထားသေးသည်။

အကယ်၍ အိမ်ခြံမြေဈေးနှုန်းများကို ဖြစ်သင့်ဖြစ်ထိုက်သည့်
ဈေးနှုန်းထက် အတင်းအကျပ် ကျဆင်းအောင် လုပ်ဆောင်မည်
ဆိုပါက အိမ်ခြံမြေလုပ်ငန်းနှင့် ဆောက်လုပ်ရေး လုပ်ငန်းများ
အပြင် ဘဏ်လုပ်ငန်းများပါ ထိခိုက်လာနိုင်သောကြောင့်
ဈေးများ တစ် ဟုန်ထိုးတက်ခြင်း၊ ကျခြင်း မဖြစ် ပေါ်အောင်
အစိုးရမှ ကြီးကြပ် ထိန်းသိမ်း သွားသင့်သည်ဟု
ဆောက်လုပ်ရေး လုပ်ငန်းရှင် ဦးသက်ဝင့်ကျော်ဇင်က
သုံးသပ်ပြောဆိုသည်။

(ဖြူသစ်လွင်)

credit - The Myanmar Times & Yangon Times Journal

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=962655320510074&id=726764717432470&substory_index=0