“အနာဂတ် အိမ်ခြံမြေ အခြေအနေအပေါ် ခန့်မှန်းချက် အမျိုးမျိုး နှင့် လက်ရှိ ဈေးကွက်ဆိုင်ရာ သတင်းများ”

“အနာဂတ် အိမ်ခြံမြေ အခြေအနေအပေါ်
ခန့်မှန်းချက် အမျိုးမျိုး နှင့် လက်ရှိ ဈေးကွက်ဆိုင်ရာ
သတင်းများ”
၁။ "အိမ်ခြံမြေဈေး အေးနေပြီး အကျဘက်သာ ရှိဟုဆို"

အစိုးရသစ်လက်ထက် တွင် နိုင်ငံခြားရင်းနှီးမြှုပ်နှံမှုများ
အဝင်နည်းပါက အိမ်ခြံမြေဈေး ကွက် အရောင်းအဝယ်
အေးပြီး ဈေးကျဆင်းလာနိုင်သည်ဟု အိမ် ခြံမြေ
အကျိုးဆောင်အချို့က ဝေ ဖန်ပြောကြားသည်။

မြန်မာနိုင်ငံ၏ အိမ်ခြံမြေ ဈေးကွက်သည်
- တရုတ်နိုင်ငံမှ ပြည်ပသို့ ငွေလွှဲပို့မှုများကန့်သတ်လာခြင်း၊
- ပြည်တွင်း၌လည်း ငွေကြေးခဝါချမှုများ စောင့်ကြည့်
စစ်ဆေးမှုများရှိလာခြင်း၊
- ဝင်ငွေရလမ်းမဖော်ပြနိုင်ဘဲဝယ်ယူမှုများအပေါ်အခွန်ငါးဆ
တိုးမြှင့်ခြင်းတို့ ကြောင့် အရောင်းအဝယ်သည် လက်ရှိတွင်
အေးနေကြောင်း အကျိုးဆောင် အချို့က ပြောကြားသည်။

‘‘အိမ်ခြံမြေ ဈေးကွက်က အစိုးရသစ်ရဲ့စီးပွားရေးမူဝါဒ
အပေါ်မှာ မူတည်နေတယ်။ နိုင်ငံခြားရင်းနှီးမြှုပ်နှံမှုက
မျှော်လင့်ချက် သာမရှိရင် ဒီနှစ်မှာလည်း ဈေး ကွက်က
အိဆင်းသွားဦးမှာပဲ’’ဟု မဏ္ဍိုင်အိမ်ခြံမြေအကျိုးဆောင်
မန်နေဂျင်းဒါရိုက်တာ ဦးသန်းဦး က ပြောသည်။

တရုတ်အစိုးရသည် ၂၀၁၅အတွင်း တရုတ်နိုင်ငံမှပြည်ပသို့
ငွေလွှဲသည့် နိုင်ငံသားများ၏ငွေစာရင်းများကို တင်းကျပ်စွာ
ကန့် သတ်လာပြီး တရုတ်နိုင်ငံသားတစ်ဦးကို တစ်နှစ်လျှင်
အမေရိကန်ဒေါ်လာ ၅၀,၀၀၀ အထိသာ
ငွေလွှဲခွင့်ပြုထားသည်။

တရုတ်နိုင်ငံ၏ ငွေများသည် အိမ်ခြံမြေ ဈေးကွက်သို့ အဝင်
နည်းလာပြီးကျောက်စိမ်းကျောက်မျက်ရတနာရောင်းချရမှုမှ
ဝင်ငွေများကလည်း ယခုဘဏ္ဍာနှစ်ကိုးလအတွင်း
သန်း ၅၀၀ ကျော်သာရရှိကာ ယခင်နှစ်ထက် လျော့နည်း
လာသည်။ ကျောက်စိမ်း၊ ကျောက်မျက်ရတနာရောင်းချမှုမှ
ဝင်ငွေလျော့နည်းခြင်းမှာလည်း အိမ်ခြံမြေဈေးကွက်တွင်
အရောင်းအဝယ် လျော့ကျစေကြောင်း
အကျိုးဆောင်များက  ပြောကြားသည်။

ဝင်ငွေရလမ်းမဖော်ပြနိုင်ပါက ယခုဘဏ္ဍာနှစ်အတွက်
တရားဝင်ပြဋ္ဌာန်းသော ပြည်ထောင်စုအခွန်အကောက်
ဥပဒေတွင် တစ်ကျပ်မှ ကျပ်သိန်း ၃၀၀ အတွင်း
၁၅ ရာခိုင်နှုန်းအခွန်ဆောင်ရမည် ဖြစ်သည်။

ယခင်ဘဏ္ဍာနှစ် ပြည်ထောင်စုအခွန်အကောက်ဥပဒေတွင်
ဝင်ငွေရလမ်းမဖော်ပြနိုင်ပါက တစ်ကျပ်မှ သိန်း ၃၀၀
အတွင်း ဝင်ငွေခွန် ၃ ရာခိုင်နှုန်းသတ်မှတ် ခဲ့သည်။
ဝင်ငွေရလမ်း မဖော်ပြ နိုင်ပါက အခွန်နှုန်းထားသည်
ငါးဆမြင့်တက်လာသဖြင့်
‘‘အခွန်တိုးရင် အရောင်းအဝယ် ပိုပြီးအေးမယ်’’ဟု
စိုင်းခွန်နောင်ဆောက်လုပ်ရေးနှင့် အိမ်ခြံမြေ
လုပ်ငန်းပိုင်ရှင် ဦးစိုင်းခွန်နောင်က အိမ်ခြံမြေဈေးကွက်
အခြေအနေကို ပြောပြသည်။

အိမ်ခြံမြေ ဈေးကွက်သည် အစိုးရသစ်လက်ထက်တွင်
မြို့ပြ စီမံကိန်းများ ကောင်းမွန်စွာ ရေးဆွဲပြီးပါက ဈေးနှုန်း
ပြန်လည်ကျဆင်းနိုင်ခြေရှိနေသည်ဟု စီးပွားရေးလုပ်ငန်းရှင်
မြန်မာနိုင်ငံ ဆန်စပါးအသင်းချုပ်ဥက္ကဋ္ဌ ဦးချစ်ခိုင် က
ပြောကြားသည်။

(ပြည်သိမ်း)

***

၂။ "ကွန်ဒိုမီနီယံဥပဒေကြောင့် နိုင်ငံခြားသားများအနေဖြင့်
အဆင့်မြင့်အိမ်ရာများရှိ အခန်းများ ပိုင်ဆိုင်ခွင့်ရရှိလာခြင်းက
ဈေးကွက်ဝယ်လိုအားအပေါ် သက်ရောက်မှုရှိဟု ဆို"

၂၀၁၆ ခုနှစ် ဇန်န၀ါရီလအတွင်းက ထုတ်ပြန်ခဲ့သည့်
ကွန်ဒိုမီနီယံဥပဒေကြောင့် နိုင်ငံခြားသားများအနေဖြင့်
အဆင့်မြင့်အိမ်ရာများရှိ အခန်းများ ပိုင်ဆိုင်ခွင့်ရရှိလာခြင်းက
ဈေးကွက်ဝယ်လိုအားအပေါ် သက်ရောက်မှုရှိစေကြောင်း
အိမ်ခြံမြေ ရောင်း၊ ၀ယ်၊ ငှားရမ်းခြင်းဆိုင်ရာ အင်တာနက်
ဝက်ဘ်ဆိုက် တစ်ခုဖြစ်သည့် House com mm မှ
ထုတ်ပြန်ချက်အရ သိရသည်။

ယင်းကဲ့သို့ ကွန်ဒိုမီနီယံဥပဒေ မထွက်သေးခင် ၂၀၁၅ ခုနှစ်
နိုဝင်ဘာလအတွင်းက ကျင်းပခဲ့သည့် ရွေးကောက်ပွဲပြီး
နောက်ပိုင်းကာလများမှ စတင်ပြီး အိမ်ခြံမြေဈေးကွက်
ပြန်လည်လှုပ်ခတ်လာခဲ့ကြောင်း ရန်ကုန်မြို့ရှိ အိမ်ခြံမြေ
အကျိုးဆောင်များထံမှ စုံစမ်းသိရသည်။

ရန်ကုန်မြို့၏ အိမ်ခြံမြေ အရောင်းဈေးကွက်တွင်
ရောင်းလိုသူများပြီး ၀ယ်ယူသူ နည်းပါးနေဆဲဖြစ်သော်လည်း
အငှားဈေးကွက်တွင်မူ တစ်ခန်းလျှင် ကျပ်တစ်သိန်းခွဲ
ဝန်းကျင်နှင့် နှစ်သိန်းအောက် တိုက်ခန်းများ အငှားသွက်
နေကြောင်း သိရသည်။

- အရှေ့တောင်အာရှရဲ့ စီးပွားရေးဇုန်တစ်ခုဖြစ်ခြင်းကြောင့်
ရန်ကုန်မြို့သည် မြန်မာနိုင်ငံ၏ အခြားသောမြို့များထက်
ပိုမိုသက်ရောက်မှုရှိခဲ့ပြီး ဈေးများလည်း တစ်ဟုန်ထိုး
တက်လာခဲ့ကြောင်း၊
- ကမ္ဘာ့နိုင်ငံများသို့ စီးပွားရေးကဏ္ဍအား ချိတ်ဆက်လိုက်
သည်နှင့် တစ်ပြိုင်နက် နိုင်ငံအတွင်းရှိ
အိမ်ခြံမြေဈေးနှုန်းများက မြင့်တက်လာခဲ့ကြောင်း၊
- အာရှဒေသတွင်း အိမ်ခြံမြေရင်းနှီးမြှုပ်နှံမှုပြုလုပ်ရန်အတွက်
ဟောင်ကောင်၊ စင်ကာပူနှင့် တရုတ် စသောနိုင်ငံများ
ပထမဦးစားပေး စဉ်းစားမိနိုင်သော နိုင်ငံများဖြစ်ကြောင်း၊
- သို့သော် တရုတ်နိုင်ငံ၏ စီးပွားရေးနှေးကွေးမှုသည်
တိုင်းပြည်ရဲ့အိမ်ခြံမြေဈေးကွက်အပေါ်အကျိုးသက်ရောက်မှု
ရှိခဲ့သည့်အတွက် ရင်းနှီးမြှုပ်နှံသူများအနေဖြင့် ပိုမို
ကောင်းမွန်သေချာသော ရင်းနှီးမြှုပ်နှံမှုအတွက် ဒေသတွင်းရှိ
အခြားနိုင်ငံများတွင် ပိုမိုရှာဖွေလာကြကြောင်း သိရသည်။

စီးပွားရေးတိုးတက်မှုနှုန်းထား မြန်ဆန်မှုနှင့် အာရှ၏
လက်ရှိ ဖြစ်တည်နေသည့် ဈေးကွက်အကျိုးအမြတ်များမှာ
ရင်းနှီးမြှုပ်နှံသူများအား ဆွဲဆောင်မှုဖြစ်စေကြောင်း၊
House com mm ၏ မိခင်ကုမ္ပဏီဖြစ်ပြီး အပြည်ပြည်ဆိုင်ရာ
အိမ်ခြံမြေကွန်ရက်တစ်ခုဖြစ်သည့် Lamudi မှ အာရှဒေသ
အတွင်းရှိ ၂၀၁၆ ခုနှစ်အတွင်း ရင်းနှီးမြှုပ်နှံရန်
သင့်တော်သော နိုင်ငံအချို့ကို ထုတ်ပြန်ခဲ့ကြောင်း
သိရသည်။

အဆိုပါ မြို့မှာမှာ လတ်တလော အရှိန်အဟုန်ဖြင့်
တိုးတက်လျက်ရှိနေပြီး အထူးသဖြင့် အိမ်ခြံမြေကဏ္ဍများတွင်
ရင်းနှီးမြှုပ်နှံရန် ကောင်းမွန်သောအခြေအနေများ
ဖြစ်ပေါ်နေသည့် ဖိလစ်ပိုင်၊ မြန်မာ၊ အင်ဒိုနီးရှား၊
သီရိလင်္ကာနှင့် ဘင်္ဂလားဒေရ်ှနိုင်ငံများမှ မြို့များဖြစ်ကြောင်း
သိရသည်။
          
(နီလာ)

***

၃။ "ရန်ကုန်အ်ိမ်ခြံမြေဈေးကွက်အတွင်း ကန်ထရိုက်
တိုက်ခန်းများ ကြိုပွိုင့်ဖြင့် ရောင်းချမှု များလျက်ရှိပြီး ဈေးနှုန်း
မြင့်မားမှုကြောင့် ၀ယ်ယူသူနည်းပါး"

ရန်ကုန်အိမ်ခြံမြေဈေးကွက်အတွင်း ကန်ထရိုက်တိုက်ခန်းများ
ကြိုပွိုင့်ဖြင့်ရောင်းချမှု များပြားလာလျက်ရှိပြီး ဈေးနှုန်း
မြင့်မားမှုကြောင့် ၀ယ်ယူသူနည်းပါး လျက်ရှိကြောင်း
ရန်ကုန်အိမ်ခြံမြေ ၀ယ်၊ရောင်းဈေးကွက်နှင့် ရန်ကုန်
ဆောက်လုပ်ရေး လုပ်ငန်းရှင် အသိုင်းအ၀ိုင်းများမှာ
သိရသည်။

ရန်ကုန်မြို့နယ် အတွင်းရှိ သာကေတ၊ ဒေါပုံ၊ ကြည့်မြင်တိုင်၊
ကမာရွတ်၊ မရမ်းကုန်း၊ သင်္ဃန်းကျွန်း၊ သုဝဏ္ဏ၊ လှိုင်၊
မြောက်ဒဂုံ၊ တောင်ဥက္ကလာပ၊ တောင်ဒဂုံ၊ ဒဂုံဆိပ်ကမ်း
အစရှိသည့် မြို့နယ်များတွင် ကြိုပွိုင့်စနစ်ဖြင့် ရောင်းချလျက်
ရှိသည့် တိုက်ခန်းများ ပိုမိုတွေ့ရှိလာလျက် ရှိကြောင်းကို
အိမ်ခြံမြေဈေးကွက် အတွင်းမှ သိရသည်။

"ဒီတစ်နှစ်၊နှစ်နှစ်လောက် အတွင်းမှာ ကန်ထရိုက်တိုက်တွေ
ဆောက်တာ အရမ်းများလာတယ်။၂၀၁၅ နောက်ပိုင်းတွေက
စပြီးတော့ ကြိုပွိုင့်ရောင်းတာ ပိုများလာတယ်။
အရင်တုန်းကဆို ကြိုပွိုင့်တိုက်ခန်းတွေ သိပ်မရှိဘူး။
အိမ်ဝယ်တဲ့သူတွေ အနေနဲ့က ကန်ထရိုက်တိုက်တွေကို
ဝယ်ယူဖို့ စိတ်ဝင်စားတယ်။ ဒါပေမဲ့ ဒီတိုက်တွေက ဈေးနှုန်း
မြင့်နေတာနဲ့ အရည်အသွေး မပြည့်မီတာတို့၊
ဈေးကွက်ခိုင်မာမှု သိပ်မရှိတာတွေကြောင့် ၀ယ်ယူသူ
နည်းတယ်။ အရင်တိုက်ခန်းဟောင်းတွေကိုပဲ ၀ယ်ဖို့
ပို စိတ်ဝင်စားတာတို့၊ ၀ယ်ဖို့စုံစမ်းတာတို့သာ များတယ်"
ဟု ရန်ကုန်အတွင်း အိမ်ခြံမြေ အကျိုးဆောင်လုပ်ငန်း
လုပ်ကိုင်လျက်ရှိသူ ကိုဇင်မင်းက ဆိုသည်။

အဆိုပါ ကြိုပွိုင့်စနစ်ဖြင့် ရောင်းချလျက်ရှိသော တိုက်ခန်း
ဈေးနှုန်းများ အနေဖြင့် အနိမ့်ဆုံး ကျပ်သိန်း ၃၀၀ မှ
သိန်းထောင်ကျော်ဝန်းကျင် တန်ဖိုးရှိ တိုက်ခန်းများ
ဖြစ်ကြောင်း ရန်ကုန်မြို့ အတွင်းရှိ ကြိုပွိုင့်ဈေးကွက်
အတွင်းမှ စုံစမ်းသိရသည်။

ဒါ့ပြင် ကြိုပွိုင့်တိုက်ခန်း ၀ယ်ယူထားသူ တစ်ဦးကလည်း
"ကျွန်မက ကျောက်တံတားမြို့နယ်မှာ ၂၀၁၄ ခုနှစ်
လောက်တုန်း ကြိုပွိုင့်နဲ့ တိုက်ခန်းဝယ်လိုက်တယ်။
ဝယ်တုန်းက သိန်း ၆၀၀ နဲ့  ဒါပေမဲ့ တိုက်တစ်ဝက်လောက်
ဆောက်ပြီးတော့ ကျွန်မ သွင်းထားတဲ့ငွေကို
ပြန်အမ်းတယ်။
ဆောက်လည်းဆောက်ပြီး သိန်းတစ်ထောင်ကျော်နဲ့
ပြန်ရောင်းတယ်လို့ ကြားတယ်။
ကြိုပွိုင့်တွေက သိပ်ပြီးမယုံကြည်ရဘူး။ နောက်ပြီး
ကန်ထရိုက်တွေကလည်း အမျိုးမျိုးပဲ။ အဲဒါကြောင့်
ကြိုပွိုင့်တိုက်ခန်းတွေ များလာပေမယ့် ၀ယ်ဖို့စိတ်မ၀င်စား
တော့ဘူး" ဟု ကြိုပွိုင့်တိုက်ခန်း ၀ယ်ယူခြင်းနှင့်
ပက်သတ်၍ ပြောကြားခဲ့သည်။

ဒါ့အပြင် ကန်ထရိုက်များဆောက်လုပ်သည့် ကြိုပွိုင့်စနစ်ဖြင့်
ရောင်းချလျက်ရှိသည့် တိုက်ခန်းများ အနေဖြင့်
- နေထိုင်ခွင့်အမိန့်ကျ ဆောက်လုပ်ပြီး တိုက်ခန်းများလောက်
ဈေးကွက်အခိုင်အမာ ရပ်တည်နိုင်မှု မရှိခြင်း၊
- ခွင့်ပြုချက်မဲ့ ကန်ထရိုက်တိုက်များ ဖြစ်နေခြင်း
- (without) များကြောင့် တချို့ဝယ်ယူထားပြီးမှ  ပြန်လည်
ဖျက်သိမ်း ရခြင်းတို့ကြောင့် ငွေကြေးနစ်နာ ဆုံးရှုံးမှုများ
ရှိသည်။

ရန်ကုန်မြို့တော်စည်ပင်သာယာရေးကော်မတီမှ ခွင့်ပြုမိန့်ဖြင့်
တည်ဆောက်သော ကန်ထရိုက်တိုက်များ အနေဖြင့်
တစ်လလျှင် အလုံး ၆၀၀ ခန့် ဆောက်လုပ်ခွင့် ပြုထားပြီး
၂၀၁၅ ခုနှစ်အတွင်း အဆောက်အအုံပေါင်း ၆၈၀၀ ကျော်
ဆောက်လုပ်ခွင့် ပြုထားကြောင်း အင်ဂျင်နီယာနှင့်
အဆောက်အအုံဌာနမှ သိရသည်။

အိမ်ခြံမြေဈေးကွက်၌ ထိုသို့ကြိုပွိုင့် တိုက်ခန်းများ
အမြောက်အမြားဆောက်လုပ်လာခြင်းတို့ကြောင့်
တိုက်ခန်းများ ၀ယ်ယူမှု များလာလျက်ရှိသော်လည်း
ကြိုပွိုင့်တိုက်ခန်းများ အနေဖြင့် ၀ယ်ယူရန် စိတ်ဝင်စားမှု
နည်းပါးလျက်ရှိကြောင်း အိမ်ခြံမြေဈေးကွက်မှ
စုံစမ်းသိရသည်။

ကြိုပွိုင့်တိုက်ခန်းများ ၀ယ်ယူမှု နည်းပါးလျက် ရှိသော်လည်း
တိုက်ခန်းအရောင်းအ၀ယ်ဖြစ်ပေါ်မှုများမှာ ယခင်နှစ်များထက်
၁၀ ရာခိုင်နှုန်းမှ ရာခိုင်နှုန်း ၃၀ အထိ မြင့်တက်လာလျက်
ရှိကြောင်းကို အိမ်ခြံမြေ အကျိုးဆောင်များထံမှ သိရသည်။

(အေးမို့မို့အောင်သူ၊ မြတ်စုနိုင်)

credit - 7day daily & Eleven Media Group