“အငြင်းပွားဖွယ်ရာအချက်များပါဝင်နေသည်ဆိုသော ကွန်ဒိုဥပဒေနှင့် ၄င်းဥပဒေက အိမ်ခြံမြေဈေးကွက်အပေါ် ဘယ်လိုသက်ရောက်မှုရှိနိုင်မလဲ”

“အငြင်းပွားဖွယ်ရာအချက်များပါဝင်နေသည်ဆိုသော
ကွန်ဒိုဥပဒေနှင့် ၄င်းဥပဒေက အိမ်ခြံမြေဈေးကွက်အပေါ်
ဘယ်လိုသက်ရောက်မှုရှိနိုင်မလဲ”

၁။ "ကွန်ဒိုဥပဒေတွင်အငြင်းပွားဖွယ်ရာအချက်များပါဝင်နေ"

ပြီးခဲ့သည့်လအတွင်း ပြည်ထောင်စုလွှတ်တော် က အတည်ပြု
ခဲ့သည့် စုပေါင်းပိုင်အဆောက်အအုံဥပဒေ(ကွန်ဒိုမီနီယံဥပဒေ)
တွင် အဆောက်အအုံသတ်မှတ်ချက်နှင့် နိုင်ငံ ခြားသားဝယ်
ယူခွင့်အပေါ် အငြင်းပွားဖွယ်ရာ အချက်များပါဝင်နေသည်ဟု
အိမ်ခြံမြေကဏ္ဍ တာဝန်ရှိသူများကပြောကြားသည်။

၂၀၁၃ ခုနှစ်တွင် စတင်ရေးဆွဲခဲ့သည့် ကွန်ဒိုမီနီယံဥပဒေကြမ်း
နှင့် ပတ်သက်၍ ပြည်သူ့လွှတ်တော်နှင့် အမျိုးသားလွှတ်တော်
နှစ်ရပ် အကြား သဘောထားကွဲလွဲမှုများကြောင့် အပြီးသတ်
အတည်ပြုနိုင်ခြင်းမရှိပဲ အချိန်သုံးနှစ်နီးပါး ကြန့်ကြာနေခဲ့
ရသည်။

အဆိုပါ ဥပဒေကြမ်းပါအချက်အလက်များနှင့် ပတ်သက် ၍
လွှတ်တော်နှစ်ရပ်အကြား အကြိမ်ကြိမ် ဆွေးနွေးကာ
ပြည်ထောင်စုလွှတ်တော်ဥပဒေကြမ်းပူးပေါင်းကော်မတီ၏
ပြင်ဆင်ချက်များဖြင့် လက်ရှိအစိုးရသက်တမ်း မကုန်ခင်
ပြီးခဲ့သည့် ဇန်န၀ါရီလနောက်ဆုံးသီတင်းပတ်က
အတည်ပြုခဲ့ခြင်း ဖြစ်သည်။

နိူင်ငံခြားသားများဝယ်ယူခွင်နှင့် ကွန်ဒိုဥပဒေ
=======================

အစိုးရအဖွဲ့၏ အတည်ပြုမှုနှင့် အသေးစိတ် နည်းဥပဒေများ
ထွက်ရှိရန် ကျန်နေသော်လည်းပြည်ထောင်စုလွှတ်တော်က
အတည်ပြု ခဲ့ပြီးဖြစ်သော ကွန်ဒိုဥပဒေအရ နိုင်ငံခြားသား
များကို ကွန်ဒိုအဆောက်အအုံ၏ခြောက်ထပ်နှင့် အထက်ကို
၄၀ ရာခိုင်နှုန်း ၀ယ်ယူခွင့်ပြု ထားသည်။

အဆိုပါသတ်မှတ်ချက်သည် ပြည်တွင်းရှိ ဆောက်လုပ်ရေး
လုပ်ငန်းများ နှင့် အိမ်ခြံမြေကဏ္ဍအပေါ် အထောက်အကူ
ပြုမည်ဟု ခန့်မှန်းပြောဆိုနေကြသော်လည်း
ယင်းအချက်၌ပင်အားနည်းချက်ရှိနေသည် ဟု မြန်မာနိုင်ငံ
အိမ်ခြံမြေ၀န်ဆောင်မှု အသင်း အထွေထွေအတွင်းရေးမှူး
ဒေါ်မို့မို့အောင် က ပြောသည်။

"ကွန်ဒိုဥပဒေအရ နိုင်ငံခြားသားကို ၄၀ ရာခိုင်နှုန်းရောင်းခွင့်
ရှိတယ်။ ဒါပေမဲ့ ဘယ်လိုနိုင်ငံခြားသားမျိုးတွေကို
ရောင်းမှာလဲ ဆိုတဲ့အချက်ကပေါ်လာတယ်။
နိုင်ငံခြားသားတိုင်း ကို ရောင်းမှာလား။ ဒါမှမဟုတ် ဘယ်နှနှစ်
နေတဲ့ နိုင်ငံခြားသားတွေကိုဝယ်ခွင့်ပြုမှာလဲ။ အဲဒီလိုရော
သတ်မှတ်ထားသေးလားဆိုတာ တွေမေးဖို့ရှိလာတယ်။
စင်ကာပူလိုနိုင်ငံမှာဆိုရင် နေထိုင်ခွင့်ရမှ (PR) ၀ယ်ခွင့်
ပေးတာမျိုး ရှိတယ်။ ဒီမှာ နိုင်ငံခြားသားတိုင်းသာဝယ်ခွင့်
ပြုမယ်ဆိုရင်တော့ ဒါက စီးပွားရေးအတွက် ကမောက်ကမ
ဖြစ်မယ့်အချက်ထဲမှာ ပါနိုင်တယ်" ဟု ၎င်းက ပြောသည်။

BOT နှင့်ကိုက်ညီမှုမရှိသောကွန်ဒိုဥပဒေ
=====================

ထို့ပြင် လက်ရှိဆောက်လုပ်ရေးဈေးကွက် ထဲတွင် BOT
(တည်ဆောက်၊ လုပ်ကိုင်၊ လွှဲပြောင်း)စနစ်ဖြင့်
ဆောက်လုပ်လျက်ရှိသည့် အဆောက်အအုံအများအပြား
ရှိနေသည့်အတွက် အဆိုပါစနစ်ဖြင့် ဆောက်လုပ်ထားသည့်
အဆောက်အအုံများသည် သတ်မှတ်လိုက်သည့်ဥပဒေအရ
ကွန်ဒိုသတ်မှတ်ချက် နှင့် ကိုက်ညီမှုမရှိကြောင်း မြန်မာနိုင်ငံ
ဆောက်လုပ်ရေးလုပ်ငန်းရှင်များအသင်း ဒုတိယဥက္ကဋ္ဌ
ဦးကိုကိုထွေးက ပြောသည်။

"ဥပဒေထဲမှာ ကွန်ဒိုအခန်းဝယ်တဲ့သူက မြေကိုစုပေါင်း
ပိုင်တယ်လို့ ပြောထားတယ်။အဲ့ဒါဆိုရင်အခုရန်ကုန်မှာ
ဘီအိုတီ ( BOT) စနစ်နဲ့ဆောက်ထားတဲ့ အခန်းတွေက
ကွန်ဒို မဖြစ်တော့ဘူး။ဘာဖြစ်လို့လဲဆိုတော့ မြေက
အစိုးရမြေဖြစ်နေတဲ့အတွက် မြေကိုစုပေါင်းပိုင်လို့
သတ်မှတ်လို့မဖြစ်တော့ဘူး။ ဒီဥပဒေအတိုင်းဆို
တကယ့်ဥပဒေနဲ့ညီတဲ့ ကွန်ဒိုက ရန်ကုန်မြို့မှာ
၁၀ လုံးလောက်ပဲရှိနိုင်တော့ မယ်ထင်တယ်" ဟု
၎င်းက ပြောသည်။

ရန်ကုန်မြို့တွင်းရှိ အချို့သော နိုင်ငံတကာ အဆင့်မီကွန်ဒို
များမှာ နိုင်ငံတော်ပိုင်မြေများပေါ်တွင် ပြည်တွင်း၊ ပြည်ပ ရင်းနှီး
မြှုပ်နှံ သူများနှင့်အစိုးရဌာနများအကြား သဘောတူညီချက်ဖြင့်
နှစ်ရှည် မြေငှားရမ်းလုပ်ကိုင် သည့်စနစ်ဖြင့် ဆောက်လုပ်
ရောင်းချနေကြခြင်းဖြစ်သည့်အတွက် မူလမြေပိုင်ရှင်မှာ
နိုင်ငံတော်ပိုင်မြေများသာ ဖြစ်သည်ဟုလည်း ဦးကိုကိုထွေးက
ပြောသည်။

နိုင်ငံပိုင်မြေကို နှစ်ရှည်မြေငှားရမ်း လုပ်ကိုင်ရာတွင် ကနဦး
ငှားရမ်းခြင်း နှစ် ၅၀ အပြင်ထပ်တိုး ၁၀ နှစ် နှစ်ကြိမ်ဖြင့်
စုစုပေါင်း နှစ် ၇၀ ကို BOTစနစ်ဖြင့် ကွန်ဒိုမီနီယံများ
ဆောက်လုပ်လျက်ရှိသည့်အတွက် အတည်ပြုလိုက်သည့်
ကွန်ဒိုမီနီယံဥပဒေအရ ကွန်ဒိုအဖြစ်သတ်မှတ်ရန်
ခက်ခဲမည်ဖြစ်သည်။

"BOT စနစ်ဆိုတာ အစိုးရဆီမှာ ကုမ္ပဏီ က နှစ်ရှည်မြေငှား
လုပ်ရတာ။ဒါကြောင့် သူတို့မြေပိုင်မဟုတ်တဲ့အတွက်
အစိုးရမြေမှာဆောက်တဲ့ အဆောက်အအုံတွေကမြေပိုင်ရမှာ
မဟုတ်ဘူး။ အစိုးရနဲ့ချုပ်ထားတဲ့စာချုပ်သက်တမ်းအတွင်းပဲ
နေလို့ရမယ်။ အခန်းပိုင်ပြီးမြေမပိုင်သလို ဖြစ်နေတော့
ကွန်ဒိုဥပဒေအရ မညီညွတ်ဘူးဖြစ်နေတယ်။
ကွဲလွဲချက်တွေကတဖြည်းဖြည်း ပေါ်လာတယ်။
ကိုယ်ပိုင်မြေပေါ်မှာ ဆောက်နေတဲ့ ကွန်ဒိုအကြီးတွေ
လောက်ပဲကွန်ဒိုဥပဒေအရ အကျုံးဝင်နိုင်တယ်" ဟု
မြန်မာနိုင်ငံအိမ်ခြံမြေ ၀န်ဆောင်မှု အသင်း
ဒုတိယဥက္ကဋ္ဌ ဦးသန်းဦးကလည်း ပြောသည်။

အငြင်းပွားစရာ မြေဧရိယာ
==============

ထို့ပြင်
ယခင်ကွန်ဒိုမီနီယံဥပဒေမူကြမ်း၌ ကွန်ဒိုအဆောက်အအုံ
ကို မြေတစ်ဧကပေါ် တွင်သာဆောက်ခွင့်ပြုရန်ဟူသော
အချက်ကိုရေးဆွဲခဲ့သော်လည်း အတည်ပြုလိုက် သည့်
အချိန်တွင်မြေဧရိယာကို လျှော့ကာ စတုရန်းပေ ၂၀,၀၀၀
(ဧက၀က်) ပေါ်တွင်သာ ဆောက်လုပ်ခွင့်ပြုရန်ပြင်ဆင်
သတ်မှတ် ခဲ့သည်။ ယင်းသတ်မှတ်ချက်အရ ကွန်ဒိုအများဆုံး
တည်ဆောက်မည့်ရန်ကုန်မြို့အတွက် သတ်မှတ် မြေ
ဧရိယာမှာ နည်းနေပြီး ယာဉ်ကြောကျပ် တည်းမှုများ
ဖြစ်ပေါ်နိုင်သည့်အခက်အခဲများ ရှိနိုင်ကြောင်းလည်း
ဒေါ်မို့မို့အောင်က ပြောသည်။

"ရန်ကုန်မှာ ကွန်ဒိုဆောက်မယ်ဆိုရင် ဒီအဆောက်အအုံထဲကို
ဝင်လာမယ့် ကားအ၀င်အထွက်အတွက် နေရာလိုအပ်မယ်။
ပြီးတော့ ကားထားဖို့နေရာလည်း လိုတယ်။
လမ်းဆုံ၊ လမ်းခွလိုနေရာမျိုးမှာ ဆောက်မယ်ဆိုရင်
ဒီ ဧက၀က် (စတုရန်းပေ ၂၀,၀၀၀) ကဧရိယာနည်းတဲ့အတွက်
ယာဉ်ကြောပိတ်မှာ ကို စိုးရိမ်ရတယ်။ အဲဒါကြောင့် ဒီမြေအကျယ်
ပေါ်မှာ ကွန်ဒိုဆောက်မယ်ဆိုရင် အဆင်မပြေ နိုင်ဘူးလို့
ထင်တယ်" ဟု ၎င်းက ပြောသည်။

ဥပဒေကြမ်းတွင်သတ်မှတ်ခဲ့သည့် မြေ တစ်ဧကအကျယ်အ၀န်း
သည် ကွန်ဒိုအများဆုံးတည်ဆောက်ရန် လိုအပ်သည့်
ရန်ကုန်မြို့ အတွက် ကျယ်လွန်းသည့်မြေဧက ဖြစ်သည့်အတွက်
မြေနေရာမရရှိမှုများ မဖြစ်နိုင်စေရန် လျှော့သတ်မှတ်လိုက်ခြင်း
ဖြစ်ကြောင်း ပြည်သူ့ လွှတ်တော်ဥပဒေကြမ်းကော်မတီ
အတွင်း ရေးမှူး ဦးစောလှထွန်းက ပြောသည်။

"လက်တွေ့ကျတော့တစ်ဧကဆိုတာ ရန်ကုန်လိုမြို့ကြီးမှာ
ကျတော့ ရဖို့ရှားတယ်။ ရန်ကုန်မြို့ထဲမှာဆို တစ်ဧကအကျယ်
ဆိုတာ ရဖို့ပိုခက်တယ်။ အဓိက ကွန်ဒိုဥပဒေ ဦးတည်
တာကလည်း ရန်ကုန်မြို့ကိုး။ ပြီးတော့ရန်ကုန် မှာပဲ ကွန်ဒိုက
ပိုလိုအပ်နေတာဆိုတော့ အားလုံး အဆင်ပြေအောင်
ဧက၀က်ကိုပြောင်းပြီး သတ်မှတ်လိုက်တာ" ဟု ၎င်းက
မြန်မာတိုင်း(မ်) ကိုပြောသည်။

အလုပ်ဖြစ်တဲ့ဥပဒေတွေ ပြဋ္ဌာန်းနိုင်ဖို့ လို
=====================

ထို့ပြင်ဆောက်လုပ်ရေးနှင့် အိမ်ခြံမြေ လုပ်ငန်းများမှာ
မြန်မာနိုင်ငံ၏စီးပွားရေးတွင် အရေးပါသည့်အစိတ်အပိုင်းတစ်ခု
ဖြစ် သည့်အတွက် တာဝန်ရှိသူများနှင့် ဥပဒေရေးဆွဲသူများမှာ
ပြည်သူအလွှာပေါင်းစုံအတွက် အမှန်တကယ်အကျိုးပြုနိုင်သည့်
ဥပဒေများ ရေးဆွဲနိုင်ရန်လိုအပ်ကြောင်း
ပါမောက္ခဒေါက်တာ အောင်ထွန်းသက်က ပြောသည်။

"အခုဖြစ်နေတဲ့ အခြေအနေက အရင်ရှိပြီးသား အခြေအနေကို
အကျိုးအမြတ်အတွက် တဖြည်းဖြည်းလှီးယူနေသလို
ဖြစ်နေတယ်။ မြန်မာ့စီးပွားရေးက နိုင်ငံရေးနဲ့ တွဲနေတယ်။
နိုင်ငံရေးပြောင်းတိုင်း စီးပွားရေးက လိုက်ပြောင်းနေတယ်"
ဟု ၎င်းက ပြောသည်။

ကွန်ဒိုဥပဒေနှင့် ပတ်သက်၍ အသေးစိတ် နည်းဥပဒေများ
ထွက်ပေါ် မလာမီ
"လွှတ်တော်မှာပြဋ္ဌာန်းလိုက်တဲ့ ကွန်ဒိုဥပဒေကြောင့်
နိုင်ငံခြားသား ၀ယ်ခွင့်ရလာတယ်။ အေးနေတဲ့ကွန်ဒိုဈေးကွက်
ပြန်လှုပ်လာမယ်။ အိမ်ခြံမြေ လောကအတွက် အဆင်ပြေနိုင်တဲ့
ဥပဒေနည်းဥပဒေတွေကို လော်ဘီလုပ်ပေးဖို့ လိုအပ် တယ်။
အမှန်တကယ် အလုပ်ဖြစ်တဲ့ဥပဒေတွေ ပြဋ္ဌာန်းနိုင်ဖို့
အရေးကြီးတယ်" ဟုလည်း ဦးအောင်ထွန်းသက်က
ပြောသည်။

(ဇေယျာလင်းနှင့်မြတ်ငြိမ်းအေး)

***

၂။ "လွှတ်တော်အတည်ပြုခဲ့တဲ့ စုပေါင်းအဆောက်အဦဆိုင်ရာ
ဥပဒေကြမ်းကြောင့် အိမ်ခြံမြေဈေးကွက် ဘာဆက်ဖြစ်မလဲ"

ဇန်န၀ါရီလ ၂၂ ရက်က စုပေါင်းအဆောက်အဦးဆိုင်ရာ
ဥပဒေကြမ်းကို ပြည်ထောင်စုလွှတ်တော်က အတည်ပြုခဲ့
ပါတယ်။ အိမ်ခြံမြေလုပ်ငန်း လုပ်ကိုင်သူတွေကတော့
ဒီဥပဒေဟာ အားလုံးမျှော်လင့်နေတဲ့အချိန်မှာ
ထွက်ပေါ်လာတာဖြစ်တယ်လို့ ပြောဆိုကြပါတယ်။
ဒီဥပဒေအတိုင်းသာဆိုရင်
စုပေါင်းပိုင်အဆောက်အဦးရဲ့ ၄၀ ရာခိုင်နှုန်းထက်မပိုတဲ့
အိမ်ခန်းတွေကို နိုင်ငံခြားသားတွေက ဝယ်ယူလို့ရမှာ
ဖြစ်ပါတယ်။ ဒါကြောင့် ပြည်တွင်းအိမ်ခြံမြေဈေးကွက်ထဲမှာ
အရောင်းအဝယ်ပိုဖြစ်လာ လိမ့်ဆိုတဲ့ အသံတွေ အပြင်မှာ
ထွက်ပေါ်နေပါတယ်။

နှစ်ပိုင်းအနည်းငယ်ထဲ အရောင်းအ၀ယ်သိပ်မဖြစ်ခဲ့တဲ့
မြန်မာနိုင်ငံအိမ်ခြံမြေဈေးကွက်က ဒီစုပေါင်းအဆောက်အဦး
ဆိုင်ရာဥပဒေ ကွန်ဒိုမီနီယံဥပဒေကြောင့် လှုပ်လှုပ်ရှားရှား
ဖြစ်လာမလားဆိုတာ စိတ်ဝင်စားစရာပါ။ အိမ်ခြံမြေ
လောကသားတွေကတော့ ဒီဥပဒေမူကြမ်းကို လွှတ်တော်က
အတည်ပြုနိုင်ခဲ့လို့ ဒါဟာအချိန်အခါကောင်းပဲလို့
ယုံကြည်နေကြတာပါ။

"ဒီကွန်ဒိုမီနီယံ ဥပဒေပေါ်ပေါက်လာတဲ့ အတွက်က အခုလို
ထိုင်းမှိုင်းနေတဲ့ အိမ်ခြံမြေဈေးကွက် တစ်နည်းတစ်ဖုံ
ပြန်ပြီးတော့ သွက်လက်နိုင်စရာရှိတယ်။ တချိန်ထဲမှာ
ဒီလိုအခန်းရောင်းချမှု အားကောင်းဖို့ကို မျှော်လင့်ပြီးတော့
တည်ဆောက်နေတဲ့ ကွန်ဒိုမီနီယံဆောက်လုပ်ရေး
လုပ်ငန်းရှင်များ အတွက်လည်း ဈေးကွက်ကျယ်ပြန့်လာနိုင်တဲ့
အတွက်ကြောင့်မို့လို့   ဆောက်ပြီးကာမှ   ရောင်းရတဲ့
အနေထား နည်းပါးတဲ့ ခက်ခဲဒုက္ခမျိုးမကြုံတွေ့တော့ပဲနဲ့
အဆင်ပြေမယ့်သဘော ဈေးကွက်ကျယ်ပြန့်လာမယ့်
သဘောရှိတာကြောင့် ဒါဟာ အားလုံးအတွက် ကောင်းတဲ့
သဘောဖြစ်ပါတယ်။"လို့ မဏ္ဍိုင်အိမ်ခြံမြေ
အကျိုးဆောင်လုပ်ငန်းရဲ့ အုပ်ချုပ်မှု ဒါရိုက်တာ
ဦးသန်းဦးက ပြောပါတယ်။

တစ်ချိန်တည်းမှာပဲ အိမ်ခန်းရောင်းချမှု အားကောင်းဖို့ကို
မျှော်လင့်ပြီး တော့ ကွန်ဒိုဈေးကွက်ကျယ်ပြန့်လာနိုင်တယ်လို့
ဦးသန်းဦးက သုံးသပ်ထားပါတယ်။

ဒီဥပဒေကြမ်းအရ စုပေါင်းအဆောက်အဦးရဲ့ ၄၀ ရာခိုင်နှုန်းထက်
မပိုတဲ့ ကွန်ဒိုအိမ်ခန်းတွေကို ၀ယ်ယူလို့ရနိုင်မှာပါ။ ဒီအပေါ်မှာ
နိုင်ငံခြားသားတွေအနေနဲ့ ကွန်ဒိုတိုက်ခန်းဝယ်ယူမှုများလာနိုင်ပြီး  
ဈေးကွက်အတွင်း ဈေးနှုန်းအနည်းငယ် မြင့်တက်မှုတွေဖြစ်
ပေါ်လာနိုင်တယ်လို့ ဝေဖန်မှုတွေတော့ ရှိလာနေပါတယ်။

ဒီအပေါ်မှာ အွန်လိုင်းအိမ်ခြံမြေအရောင်းအ၀ယ်လုပ်ကိုင်နေသူ
ဦးနေမင်းသူ ကတော့ လာမယ့်နှစ်တွေထဲမှာ ကွန်ဒိုနဲ့ တိုက်ခန်း
အသစ်တွေ တော်တော်များများ ပေါ်ထွက်လာမှာဖြစ်ပြီး
အရောင်းအဝယ်ဈေးကွက်မှာ ဘက်မျှမှုတွေဖြစ်ပေါ် မှာကြောင့်
တည်ငြိမ်တဲ့ဈေးကွက်ဖြစ်လာမယ်လို့ သုံးသပ်ထားပါတယ်။

"ဒီကွန်ဒိုမီနီယံ ဥပဒေက နိုင်ငံခြားသားတွေကို ရောင်းချမှာ
ဖြစ်တဲ့အတွက်ကြောင့် ၀ယ်လိုအားဘက်က အနည်းငယ်
တက်လာလိမ့်မယ်။ ဒါပေမယ့် တဖက်က ပြန်ကြည့်မယ်ဆိုရင်
ရောင်းလိုအားကလဲ ဒီ၂၀၁၆ ထဲမှာပေါ့နော် ကွန်ဒိုမီနီယံ
အသစ်တွေ တိုက်ခန်း အသစ်တွေ အများအပြား
ပေါ်ထွက်လာမယ်လို့ ခန့်မှန်းထားပါတယ်။
တိုက်ခန်းအသစ်ပေါင်း လေးသောင်းကနေ ငါးသောင်းထိ
ပေါ်ထွက်လာမယ်လို့ ကျတော်တို့ ခန့်မှန်းထားပါတယ်။
အဲတော့ ၀ယ်လိုအားလည်းတက်လာမယ်။ ရောင်းလိုအားလဲ
တက်လာမယ်ဆိုတော့ နှစ်ခု ပြန်ယှဉ်လိုက်မယ်ဆိုရင်
ကျတော် သုံးသပ်တာကတော့ ရောင်းလိုအားပိုလိမ့်မယ်လို့
ခန့်မှန်းထားပါတယ်၊ ဈေးနှုန်းအနေနဲ့ တက်မယ်လို့တော့
မမျှော်မှန်းထားပါဘူး။" လို့ iMyammar House ရဲ့
အုပ်ချုပ်မှု ဒါရိုက်တာ ဦးနေမင်းသူက ပြောပါတယ်။

လက်ရှိတည်ဆောက်ပြီးစီးနေတဲ့ မြန်မာနိုင်ငံက
ကွန်ဒိုအိမ်ခန်းတွေမှာ ကွန်ဒို စည်းမျဉ်းစည်းကမ်းနဲ့ ကိုက်ညီတဲ့
အဆောက်အဦးတွေက ၁၅ ရာခိုင်နှုန်းအောက် မှာပဲရှိတယ်လို့
သိရပါတယ်။

ဒီဥပဒေကြမ်းနဲ့ ပတ်သတ်ပြီး မြန်မာနိုင်ငံမှာ ခရီးသွားလုပ်ငန်း
ဝန်ဆောင်မှုလုပ် ငန်း လုပ်ကိုင်နေသူ နိုင်ငံခြားသား
တစ်ယောက်ဖြစ်တဲ့ JOVAGO ခရီးသွားဝန်ဆောင်မှုလုပ်ငန်းက
အုပ်ချုပ်မှု ဒါရိုက်တာ Mr.Hugo Schleicher ကလည်း
အခုလို သုံးသပ်ထားပါတယ်။

"ဒီဥပဒေထွက်ပေါ်လာတာ အရမ်းကောင်းပါတယ်၊ ဒါပေမယ့်
နောက်ထပ်ဆောက်လုပ်မယ့်အရာတွေအတွက်
ဆုံးဖြတ်ချက်ချတဲ့
နေရာမှာ စွန့်စားလုပ်ကိုင်ရမှာအမှန်ပါ။ဒီအပေါ်မှာ
ဆောက်လုပ်ရေး လုပ်ငန်းတွေ  ပိုပြီးတွင်ကျယ်လာမယ်၊
ယှဉ်ပြိုင်မှုတွေပိုပြီးများလာမယ်။"

သူ့အနေနဲ့ကတော့ ဒီမှာ လာရောက်ရင်းနှီးမြှုပ်နှံတာ
ဖြစ်တဲ့အတွက် လုပ်ငန်းပဲ လုပ်ကိုင်ပြီး မြန်မာနိုင်ငံမှာ
ကွန်ဒိုဝယ်ယူဖို့ အစီစဉ်မရှိဘူးလို့ ဆက်ပြောပါတယ်။

ကွန်ဒို ဥပဒေကို ၂၀၁၂ ခုနှစ်လောက်ထဲက ရေးဆွဲခဲ့တာဖြစ်ပြီး
အခုထွက်လာတဲ့ ဥပဒေထဲမှာ တိကျတဲ့ ပြဋ္ဌာန်းချက်တွေ
မပါဘူးလို့ အိမ်ခြံမြေ အသိုင်းအဝိုင်းက ဆိုပါတယ်။

ဒီဥပဒေက အိမ်ခြံမြေဈေးကွက်ကို
ဘယ်လိုအကျိုးသက်ရောက်မှု 
ထပ်ရှိနိုင်မလဲဆိုကတော့ နောက်ထပ်တစ်နှစ်လောက်
စောင့်ကြည့်ရဦးမှာပါ။

(ရှုမဝအောင်)

(စာကြွင်း)
စုပေါင်းပိုင် အဆောက်အအုံဆိုင်ရာ ဥပဒေကြမ်း
(ကွန်ဒိုဥပဒေ) အား နိုင်ငံတော်သမ္မတ၏ သဘောထား
မှတ်ချက်များအတိုင်း ပြင်ဆင်၍ ပြည်ထောင်စု လွှတ်တော်က
ဇန်န၀ါရီ ၂၈ ရက်တွင် အတည်ပြုခဲ့ပြီးဖြစ်သည်။

credit - The Myanmar Times & မဇ္ဈိမသတင်းဌာန
ref - Eleven Media Group