လုပ်ငန်းများ အပြိုင်အဆိုင် တိုးချဲ့ရန် စီစဉ်လာသော
ဂျပန်နှင့် ကျဆင်းဆဲ နိုင်ငံခြား ငွေလဲနှုန်း”
၁။ "၂၀၁၆ ဘဏ္ဍာနှစ်တွင် မြန်မာ့စီးပွားရေး
ဦးမော့နိုင်ကြောင်း အာရှဖွံ့ဖြိုးရေးဘဏ် ခန့်မှန်း"
၂၀၁၅ ရွေးကောက်ပွဲကို အောင်အောင်မြင်မြင်
ကျင်းပနိုင်ခဲ့တဲ့အတွက် မြန်မာ့စီးပွားရေးဟာ ပြန်လည်
ဦးမော့လာနိုင်တယ်လို့ အာရှဖွံ့ဖြိုးရေးဘဏ်က ခန့်မှန်းတဲ့
အကြောင်း မတ်လ ၃၀ ရက်နေ့က ထုတ်ပြန်ပါတယ်။
၂၀၁၇ မတ်လ ၃၁ ရက်မှာကုန်ဆုံးမယ့် ဒီဘဏ္ဍာနှစ်
အတွင်းမှာ မြန်မာ့စီးပွားရေး တိုးတက်မှုနှုန်းဟာ
၈ ဒသမ ၄ ရာခိုင်နှုန်းအထိ တိုးတက်လာမယ်လို့
ခန့်မှန်းလိုက်တာပါ။
ပြီးခဲ့တဲ့နှစ်ကတော့ နိုင်ငံအနှံ့ ရေကြီးမြေပြိုတာတွေ
ဖြစ်ခဲ့ပြီး စီးပွားရေးတိုးတက်မှုနှုန်းက
၇ ဒသမ ၂ ရာခိုင်နှုန်းပဲ ရှိခဲ့တာပါ။
“အပြုသဘောရလဒ်တွေ ဖြစ်နေပေမယ့် အစိုးရသစ်
အနေနဲ့ စီးပွားရေး ပြုပြင်ပြောင်းလဲမှုမှာ အခြေခံ
အဆောက်အအုံနဲ့ လုပ်သားလိုအပ်ချက်တွေကို
ဖြည့်ဆည်းဖို့၊ ငြိမ်းချမ်းရေးနဲ့ လူမှုအသိုက်အ၀န်းတွေ
အချင်းချင်း သွေးစည်းချစ်ကြည်ကြဖို့ စတဲ့ စိန်ခေါ်မှု
များစွာကို ရင်ဆိုင်ရမှာ ဖြစ်ပါတယ်”
လို့ အာရှဖွံ့ဖြိုးရေးဘဏ်ရဲ့ မြန်မာနိုင်ငံ ဌာနေ
ကိုယ်စားလှယ် ဗင်းဖရက်ဗစ်ကလိုင်းက ပြောပါတယ်။
ငွေကြေးဖောင်းပွမှုနှုန်းကတော့ ဒီနှစ်မှာ မြင့်မားနေနိုင်ပြီး
လာမယ့်နှစ်မှာမှ လျော့ကျသွားမယ်လို့လည်း
ခန့်မှန်းထားပါတယ်။
နှစ်ပေါင်းများစွာ ရင်းနှီးမြှုပ်နှံမှု အားနည်းခဲ့တာကြောင့်
သယ်ယူပို့ဆောင်ရေးကဏ္ဍမှာ လိုအပ်ချက်တွေ
အများကြီးရှိနေပြီး စီးပွားရေးဖွံ့ဖြိုးတိုးတက်မှုကိုနှောင့်နှေး
စေတယ်လို့လည်း ထုတ်ပြန်ချက်က ဖော်ပြပါတယ်။
“ရင်းနှီးမြှုပ်နှံမှု လိုအပ်ချက်များတဲ့အတွက် ပုဂ္ဂလိက
ကဏ္ဍကို ၀င်ရောက်ရင်းနှီးမြှုပ်နှံဖို့အတွက် လှုံ့ဆော်ဖို့
လိုပါတယ်” လို့ အာရှဖွံ့ဖြိုးရေးဘဏ်ရဲ့ မြန်မာနိုင်ငံ
ဒုတိယဌာနေကိုယ်စားလှယ် ပီတာ ဘရင်းဘယ်လ်က
ပြောပါတယ်။
ပြီးတော့ မြန်မာနိုင်ငံအနေနဲ့ တခြားဒေသတွင်း
နိုင်ငံတွေရဲ့ ပို့ဆောင်ရေးစံနှုန်းတွေကို လိုက်မီစေဖို့
အတွက် ၂၀၃၀ ခုနှစ်အထိ အမေရိကန်ဒေါ်လာ
ဘီလီယံ ၆၀ ရင်းနှီးမြှုပ်နှံဖို့ လိုတယ်လို့လည်း
အာရှဖွံ့ဖြိုးရေးဘဏ်က အကြံပြုထားပါတယ်။
(ပိုင်စိုး)
***
၂။ "အစိုးရသစ် မျှော်လင့်ချက်ကြောင့် ဂျပန်ထိပ်တန်း
ကော်ပိုရေးရှင်း လုပ်ငန်းများ မြန်မာနိုင်ငံတွင် လုပ်ငန်းများ
အပြိုင်အဆိုင် တိုးမြှင့်ရန် စီစဉ်"
ဒေါ်အောင်ဆန်းစုကြည်ဦးဆောင်သော အစိုးရသစ်အပေါ်
ထားရှိသည့် မျှော်လင့်ချက်များကြောင့် ဂျပန်ထိပ်တန်း
လုပ်ငန်းများသည် မြန်မာနိုင်ငံရှိ လုပ်ငန်းများ တိုးချဲ့ရန်
အပြိုင်အဆိုင် စီစဉ်နေကြောင်း ဂျပန် သတင်းအေဂျင်စီ
တစ်ခုဖြစ်သော JiJi Press ၏ သတင်းဖော်ပြချက်အရ
သိရသည်။
ဂျပန်နိုင်ငံ၏ ထိပ်တန်း ကော်ပိုရေးရှင်းများ ဖြစ်သော
Misui & Co နှင့် Marubeni Corp တို့သည် မြန်မာနိုင်ငံရှိ
၎င်းတို့၏ လယ်ယာစိုက်ပျိုးရေးလုပ်ငန်းသုံး ဓာတ်မြေသြဇာ
စက်ရုံများ စီမံကိန်းများကို ထုတ်ပြန်ထားပြီး ဖြစ်သည်။
Mitsui သည် ၎င်း၏ စင်ကာပူ မိတ်ဖက်နှင့် မြန်မာနိုင်ငံမှ
မြန်မာ့လယ်ယာစီးပွား အများပိုင် ကော်ပိုရေးရှင်းတို့
ပူးပေါင်းပြီး ဓာတ်မြေသြဇာစက်ရုံ ဆောက်ရန်
မတ်လ အစောပိုင်းက သဘောတူညီချက် ရရှိခဲ့သည်။
Marubeni ကလည်း ပြည်တွင်းမိတ်ဖက် တစ်ဦးနှင့်
ပူးပေါင်းပြီး ဓာတ်မြေသြဇာစက်ရုံ တစ်ရုံကို လာမည့်
၂၀၁၇ ခုနှစ် ဧပြီလတွင် စတင် လည်ပတ်နိုင်ရန်
စီစဉ်ထားကြောင်း သိရသည်။
Mitsubishi Corp၊ Itochu Corp နှင့် Sumitomo Corp
တို့ကလည်း မော်တော်ယာဉ် အခြေပြု စီးပွားရေးလုပ်ငန်း
များတွင် လုပ်ငန်းများ ပိုမိုတိုးမြှင့် ဆောင်ရွက်ရန် ပြင်ဆင်
နေပြီဖြစ်သည်။ ယင်းကော်ပိုရေးရှင်းများ အပါအ၀င်
ဂျပန်ကုမ္ပဏီများသည် မြန်မာနိုင်ငံ၏ ပိုမို ပီပြင်လာသည့်
ဒီမိုကရေစီ လမ်းကြောင်းပေါ်တွင် ပိုမိုလျင်မြန်
သွက်လက်စွာ လုပ်ငန်းများ ဆောင်ရွက်နိုင်ရန်
စီစဉ်နေခြင်း ဖြစ်သည်။
မော်တော်ယာဉ် ၀န်ဆောင်မှုတွင်လည်း Sumitomo က
Hino Mortors Ltd အတွက် ပြုပြင်ထိန်သိမ်းရေး
ဝန်ဆောင်မှု စင်တာများ ဆောင်ရွက်ခွင့် ရရှိထားပြီး
Itochu ကလည်း Isuzu Motors Ltd ၏
မော်တော်ယာဉ်များအတွက် ၀န်ဆောင်မှုများ ပေးအပ်ရန်
သဘောတူညီချက် ရရှိထားသည်။
အခြား ဂျပန်မော်တော်ကား လုပ်ငန်းစုများဖြစ်သော
Toyota၊ Nissan၊ Suzuki၊ Mazda၊ Misubishi စသည်တို့
လည်း မြန်မာဈေးကွက်သို့ ၀င်ရောက်နေပြီဖြစ်သည်။
ထို့ပြင် ဂျပန်နိုင်ငံ အခြေစိုက် ကော်ပိုရေးရှင်း
တစ်ခုဖြစ်သော Mitsubishi Estate Co သည် ရန်ကုန်မြို့
ဗိုလ်ချုပ်အောင်ဆန်း လမ်းပေါ်ရှိ မြန်မာ့မီးရထားရုံးချုပ်
မြေနေရာတွင် အဆင့်မြင့် အဆောက်အအုံများ
ဆောက်လုပ်မည်ဖြစ်ပြီး ယန်း ဘီလျံ ၅၀
(အမေရိကန် ဒေါ်လာ ၄၃၉ သန်းဝန်းကျင်)
ရင်းနှီးမြှုပ်နှံမည်ဖြစ်သည်။
ယင်းစီမံကိန်းကို ဂျပန်နိုင်ငံ တိုကျိုမြို့တွင် ထင်ရှားသည့်
ဗဟိုစီးပွားရေး ကူးသန်းရောင်းဝယ်ရေး ခရိုင်ဖြစ်သော
Marunouchi ကဲ့သို့ ဆောင်ရွက်သွားမည်ဖြစ်ပြီး
ရုံးအဆောက်အအုံများ၊ အဆင့်မြင့် လူနေအဆောက်
အအုံများ၊ ဈေးဝယ်စင်တာများနှင့် ဟိုတယ်များ
ပါဝင်မည်ဖြစ်သည်။
သမ္မတ ဦးသိန်းစိန် ဦးဆောင်သော အစိုးရ လက်ထက်
ကတည်းက ဂျပန်ကော်ပိုရေးရှင်းများ အပါအ၀င်
ဂျပန်စီးပွားရေး အများအပြား ၀င်ရောက်လာပြီး
အဆိုပါ လုပ်ငန်းများကို ၀န်ဆောင်မှု ပေးရန်အတွက်
ဂျပန် ထိပ်တန်းဘဏ် သုံးခုကို ဘဏ်ခွဲဖွင့်လှစ်ခွင့်
လိုင်စင် ထုတ်ပေးခဲ့သည်။
မြန်မာနိုင်ငံတော် ဗဟိုဘဏ်က ၂၀၁၄ ခုနှစ်
အောက်တိုဘာ ၁ ရက်တွင် ပထမအကြိမ်အဖြစ်
ဘဏ်လုပ်ငန်း ကိုးခုကို လိုင်စင်ထုတ်ပေးခဲ့ရာ ဂျပန်ဘဏ်
သုံးဘဏ်ဖြစ်သည့် Bank of Tokyo-Mitsubishi UFJ Ltd၊
Sumitomo Mitsui Banking Corp၊ Mizuho Bank Ltd
တို့ လိုင်စင် ရရှိခဲ့ပြီး ယခု လုပ်ငန်းများ ဆောင်ရွက်နေပြီ
ဖြစ်သည်။
မြန်မာနိုင်ငံမှ ကုမ္ပဏီများနှင့် ရင်းနှီးမြှုပ်နှံမှု ဦးစီးဌာန၏
စာရင်းများအရ မြန်မာနိုင်ငံ ရင်းနှီးမြှုပ်နှံမှု ကော်မရှင်မှ
ခွင့်ပြုထားသော ဂျပန်လုပ်ငန်း ၈၅ ခုရှိပြီး အမေရိကန်
ဒေါ်လာ ၆၁၉ သန်းကျော် မြှုပ်နှံထားသည်။
ထို့ပြင် ရန်ကုန်တိုင်း တောင်ဘက်ခြမ်းရှိ သီလ၀ါ
အထူးစီးပွားရေးဇုန်တွင်လည်း ဂျပန်စီးပွားရေး လုပ်ငန်း
အများအပြား ၀င်ရောက် မြှုပ်နှံလျက် ရှိပြီး
တနင်္သာရီတိုင်းရှိ ထားဝယ် အထူးစီးပွားရေးဇုန်တွင်လည်း
ဂျပန်နိုင်ငံမှ ပါဝင်ဆောင်ရွက်ရန် သဘောတူထားပြီး
ဖြစ်သည်။
(စည်သူအောင်)
***
၃။ "ပြင်ပဈေးကွက်တွင် ဒေါ်လာလဲနှုန်း ဆက်တိုက်
ကျဆင်းနေပြီး တစ်ဒေါ်လာလျှင် ၁၁၈၂ ကျပ် ၀န်းကျင်သို့
ဆက်လက် ကျဆင်း"
ပြင်ပဈေးကွက်တွင် ဒေါ်လာလဲနှုန်း ဆက်တိုက် ကျဆင်း
နေပြီး တစ်ဒေါ်လာလျှင် ၁၁၈၂ ကျပ် ၀န်းကျင်သို့
ဆက်လက် ကျဆင်းလာကြောင်း ပြင်ပဈေးကွက်
အသိုင်းအ၀ိုင်းထံမှ သိရသည်။
ဧပြီလအတွင်း ပြင်ပဈေးကွက်ရှိ ဒေါ်လာလဲနှုန်းသည်
အကျဘက်သို့ ဦးတည်နေပြီး
ဧပြီ ၁ ရက်တွင် တစ်ဒေါ်လာလျှင် ၁၁၉၆ ကျပ်ဝန်းကျင်မှ
ဧပြီ ၄ ရက်တွင် တစ်ဒေါ်လာလျှင် ၁၁၈၂ ကျပ်ဝန်းကျင်သို့
နှစ်ရက်အတွင်း ၁၄ ကျပ်ဝန်းကျင်အထိ
ကျဆင်းခဲ့ခြင်းဖြစ်သည်။
ပြင်ပဈေးကွက်ရှိ ဒေါ်လာလဲနှုန်းသည် ဧပြီ ၄ ရက် အဖွင့်
ဈေးတွင် တစ်ဒေါ်လာလျှင် ရောင်းဈေး ၁၁၈၂ ကျပ်ဝန်းကျင်မှ
မွန်းလွဲပိုင်းတွင် ၁၁၈၄ ကျပ်ဝန်းကျင်သို့ မြင့်တက်လာခဲ့သည်။
ညနေပိုင်းတွင် တစ်ဒေါ်လာလျှင် ၁၁၈၂ ကျပ်ဝန်းကျင်သို့
ပြန်လည် ကျဆင်းခဲ့ပြီး ပြင်ပဈေးကွက်တွင် ဒေါ်လာလဲနှုန်းမှာ
အတက်အကျ အပြောင်းအလဲများလျက် ရှိသည်။
မတ်လအတွင်း နှစ်ပတ်ကျော်ကြာ တစ်ဒေါ်လာလျှင်
ကျပ် ၁၂၁၀ ၀န်းကျင်တွင် တည်ငြိမ်နေသော ပြင်ပဒေါ်လာ
လဲနှုန်းသည် မတ် ၃၀ ရက်တွင် တစ်ဒေါ်လာလျှင် ၁၂၀၆ ကျပ်
ဝန်းကျင်သို့ လေးကျပ်ဝန်းကျင် စတင် ကျဆင်းခဲ့ပြီးနောက်
မတ် ၃၁ ရက်တွင် တစ်ဒေါ်လာလျှင် ၁၂၀၂ ကျပ်ဝန်းကျင်မှ
ဧပြီ ၁ ရက်တွင် တစ်ဒေါ်လာလျှင် ၁၁၉၆ ကျပ်ဝန်းကျင်၊
မတ် ၄ ရက်တွင် တစ်ဒေါ်လာလျှင် ၁၁၈၂ ကျပ် ၀န်းကျင်သို့
ဆက်တိုက်ကျဆင်းနေခြင်း ဖြစ်သည်။
ဗဟိုဘဏ်၏ ရည်ညွှန်းနိုင်ငံခြားငွေလဲနှုန်းတွင် ဒေါ်လာ
သတ်မှတ်နှုန်းသည် မတ် ၂၂ ရက်မှ ဧပြီ ၁ ရက်အထိ
တစ်ဒေါ်လာလျှင် ၁၂၁၆ ကျပ်တွင် တည်ငြိမ်နေခဲ့ပြီး
ဧပြီ ၄ ရက်တွင် တစ်ဒေါ်လာလျှင် ကျပ် ၁၂၁၀ သို့
ခြောက်ကျပ် လျှော့ချ သတ်မှတ်ထားသည်။
ဗဟိုဘဏ် အနေဖြင့် ဧပြီ ၄ ရက်တွင် ဘဏ်နှင့် ငွေကြေး
အဖွဲ့အစည်းများထံမှ တစ်ဒေါ်လာလျှင် ကျပ် ၁၂၁၀ ဖြင့်
ဒေါ်လာ သုံးသန်းကို ငွေကြေးလေလံမှတစ်ဆင့် ၀ယ်ယူ
ခဲ့ကြောင်း ဗဟိုဘဏ်မှ သိရသည်။
မြန်မာနိုင်ငံတော် ဗဟိုဘဏ်၏ ဧပြီလ ၄ ရက် ရည်ညွှန်း
နိုင်ငံခြားငွေလဲနှုန်းမှာ ၁၂၁၀ ကျပ်ဖြစ်သည်။
credit - DVB / Eleven Media Group
မှတ်ချက်။
အိမ်ခြံမြေ အကြောင်းအရာများနှင့် တိုက်ရိုက်မသက်ဆိုင်
သော်လည်း သွယ်ဝိုက်ပတ်သက်မှု့ ရှိသည့် စီးပွါးရေးနှင့်
ဆိုင်ရာ ဆောင်းပါး/သတင်းများ ဖြစ်နေပါသဖြင့်
မိတ်ဆွေများ လေ့လာနိူင်ရန် တင်ခဲ့ခြင်းဖြစ်ပါသည်။
“အိမ်ခြံမြေ လမ်းဆုံ”
No comments:
Post a Comment