“အစိုးရ အပြောင်းအလဲအပြီး ရင်းနှီးမြုပ်နှံမှု ဈေးကွက် သတင်းများနှင့် ဝေဖန်သုံးသပ်မှုများ”

“အစိုးရ အပြောင်းအလဲအပြီး ရင်းနှီးမြုပ်နှံမှု ဈေးကွက်
သတင်းများနှင့် ဝေဖန်သုံးသပ်မှုများ”

၁။ "စတော့ဈေးကွက်ကြောင့် အိမ်ခြံမြေ၊ ရွှေနှင့် ကား
ဈေးကွက်များတွင် ရင်းနှီးမြုပ်နှံသူ လျော့ကျဖွယ်မရှိသေး"

ရန်ကုန် စတော့ အိတ်ချိန်း ဈေးကွက်ကြောင့် အိမ်ခြံမြေ၊
ရွှေနှင့်ကား ဈေးကွက်များတွင် ရင်းနှီးမြုပ်နှံသူ လျော့ကျ
ဖွယ် မရှိကြောင်း လေ့လာသုံးသပ်သူများက
သုံးသပ်ပြောဆိုသည်။

ယခင်က ငွေကြေးတတ်နိုင်သူအများစု ဝင်ရောက်ဈေး
ကစားခဲ့သည့် မော်တော်ကား၊နိုင်ငံခြားငွေကြေးလဲလှယ်
ခြင်း နှင့် ရွှေ ဈေးကွက် နေရာတွင် စတော့ ရှယ်ယာ
ဈေးကွက် အပေါ် နေရာသစ် အဖြစ် အရင်းအနှီး
ဈေးကွက်ကို ပြောင်းရွှေ့လာကြသော်လည်း အိမ်ခြံမြေ၊
ရွှေ နှင့် ကား စသည့် စီးပွားရေးလုပ်ငန်းများတွင်
ရင်းနှီးမြုပ်နှံသူ လျော့ကျဖွယ် မရှိဟု သိရသည်။

မြန်မာနိုင်ငံ မော်တော်ယာဉ် တင်သွင်းထုတ်လုပ်
ဖြန့်ဖြူးသူများ အသင်း ဥက္ကဋ္ဌ ဒေါက်တာ စိုးထွန်းက
“ကားဈေးကွက် ထဲမှာလည်း ကျဆင်းသွားဖို့ မရှိပါဘူး။
FMI မှာ ရင်းနှီးမြုပ်နှံမယ့်သူတွေမှာ အိမ်ခြံမြေ နဲ့
ကားမှာ ရင်းနှီးမယ့်သူတွေ မပါပါဘူး။ စတော့
ဈေးကွက်မှာလည်း ရွေးချယ်စရာ ထောင်ချီ
မရှိသေးဘူး။ မြန်မာနိုင်ငံမှာ ရှိရုံ လုပ်တာပါ။
နိုင်ငံတကာ ပုံစံမျိုး မဟုတ်သေးပါဘူး” ဟု
ရှင်းပြသည်။

လက်တလောတွင် ဒေါ်လာ နှင့်ရွှေဈေးကွက် မှာလည်း
ဈေးနှုန်းအတက်အကျ မြန်ဆန်နေသလို ကား
ဈေးကွက်၌လည်း ဈေးကွက် ငြိမ်သက်နေသည့်
အခြေအနေ ဖြစ်ကြောင်း ဈေးကွက်အတွင်းမှ
စုံစမ်းသိရသည်။

“အ်ိမ်ခြံမြေ ဈေးကွက်မှာ ဝင်လာမယ့် ရင်းနှီးမြုပ်နှံမှု
တချို့လည်း စတော့ရှယ်ယာ ဈေးကွက်ထဲကို
အထိုက်အလျောက် စီးဝင်သွားနိုင်တယ်။ ဒါပေမယ့်
စတော့ရှယ်ယာ ဈေးကွက် ပေါ်လာလို့ အိမ်ခြံမြေ
ဈေးကွက် အေးသွားတာ မဟုတ်ဘူး။ ဈေးကွက်က
သူ့ သဘာဝအလျောက် အေးနေတာ”ဟု မြန်မာနိုင်ငံ
အိမ်ခြံမြေ ဝန်ဆောင်မှု အသင်း ဒုတိယ ဥက္ကဋ္ဌ
ဦးသန်းဦးက သုံးသပ်သည်။

ဆက်လက်၍ ဦးသန်းဦးက
“အစိုးရသစ်က မြန်မာနိုင်ငံရဲ့ စီးပွားရေးကို ဘယ်လို
မူဝါဒ ချမှတ်ပြီး ကျင့်သုံးမလဲ။ အခုချိန်ထိ မသိရ
သေးဘူး။ မြန်မာနိုင်ငံရဲ့ စီးပွားရေး တစိတ်တပိုင်း
ဖြစ်တဲ့ အိမ်ခြံမြေအပေါ်မှာရော ဘယ်လိုမူဝါဒတွေ
ရေးဆွဲမှာလဲ။ အဲဒါကို စောင့်ကြည့်ပြီးမှ အိမ်ခြံမြေ
ဈေးကွက်က အေးတယ် သွက်တယ် ကျတယ်
ပြောလို့ရမယ်” ဟု ပြောသည်။

စတော့ရှယ်ယာဈေးကွက် ပေါ်ထွန်းလာခြင်းသည်
အိမ်ခြံမြေဈေးကွက် အပေါ်တွင် သက်ရောက်မှုရှိလာနိုင်
ကြောင်း ခန့်မှန်းမှုများ ရှိနေသော်လည်း ဈေးကစားခြင်း
မဖြစ်ပေါ်နိုင်ကြောင်း သိရသည်။

ရန်ကုန် စတော့ရှယ်ယာ အရောင်းအဝယ် ဈေးကွက်
မတိုင်ခင် ကာလ က အဓိက အားဖြင့် ရွှေဈေးနှုန်းနှင့်
နိုင်ငံခြားငွေ လဲလှယ်သည့် နှုန်းထားများ
အပြောင်းအလဲ ဖြစ်ခဲ့သော်လည်း အိမ်ခြံမြေနှင့်
ကားဈေးကွက်တွင် အပြောင်းအလဲ ထူးခြားမှု မရှိခဲ့ပေ။

မတ်လ ၂၅ ရက်မတိုင်ခင် က မီးလင်း ရွှေ (အခေါက်)
တကျပ်သားလျှင် ကျပ် ၈ သိန်းကျော် အထိ ဈေးမြင့်တက်
ခဲ့သော်လည်း လက်ရှိ နှုန်းထားမှာ တကျပ်သားလျှင်
၇၈၈,၆၀၀ ကျပ် ဖြစ်နေရာ ဈေးနှုန်း ကျဆင်းနေကြောင်း၊
အမေရိကန် ဒေါ်လာ ဈေးနှုန်းမှာလည်း ယခင်က
တဒေါ်လာလျှင် ၁၃၀၀ အထိ မြင့်တက်ခဲ့ရာက
လတ်တလောတွင် ကျပ် ၁၂၀၀ ဝန်းကျင်သာ
ရှိတော့ကြောင်း သိရသည်။

ပြည်တွင်း ပြည်ပ မှ ရင်းနှီးမြုပ်နှံလိုသူများ က အစိုးရသစ်
ချမှတ်မည့် စီးပွားရေး မူဝါဒကို စောင့်ကြည့်နေဆဲဖြစ်ရာ
အိမ်ခြံမြေ ဈေးကွက်သာမက စီးပွားရေး လုပ်ငန်း အများစု
တုံ့ဆိုင်းနေသည့် ကာလဖြစ်သည်။

“အခုချိန်က အိမ်ခြံမြေကလည်း အေးတယ်။ အခြား
ဈေးကွက်တွေကလည်း အေးနေချိန်မှာ
စတော့ရှယ်ယာက အသစ် အဆန်း ဖြစ်နေတာ။ တခြား
ယှဉ်ပြိုင်နိုင်တဲ့ ကုန်ပစ္စည်း ရှိလာမှ သိရမှာ။ အခုချိန်မှာက
စတော့ဈေးကွက်မှာ ရင်းနှီး မြုပ်နှံသူက စတင် ထိတွေ့တဲ့
သဘောပဲ ရှိပါသေးတယ်။ ကျွမ်းကျင်မှု မရှိသေးပါဘူး။
ဒါပေမယ့် ရင်းနှီးမြုပ်နှံသူတွေ အတွက် ရွေးချယ်စရာ
တိုးလာတာပေါ့။ စတော့ဈေးကွက် ဘယ်လောက်
အောင်မြင်လဲ စောင့်ကြည့် ပြီးမှ ဘယ်ဈေးကွက်မှာ
ကျဆင်းသွားတယ်လို့ ပြောလို့ရမှာပါ”ဟု မြန်မာနိုင်ငံ
ရွှေလုပ်ငန်းရှင်များ အသင်း အတွင်းရေးမှူး
ဦးကျော်ဝင်းက ပြောသည်။

မြန်မာနိုင်ငံ၏ ပထမဆုံးဖြစ်သည့် ရန်ကုန်စတော့
ဈေးကွက်ကို မတ်လ ၂၅ ရက်က စတင်ဖွင့်လှစ်ခဲ့ရာ
ပထမမြန်မာ ရင်းနှီး မြုပ်နှံမှုကုမ္ပဏီ (FMI) က ရှယ်ယာများ
ကို စတင် ရောင်းချခဲ့ရာတွင် ရှယ်ယာတစုလျှင်
၃၁၀၀၀ ကျပ်ဖြင့် အရောင်း အ၀ယ် ဖြစ်ခဲ့ပြီး ၀ယ်လိုအား
များခဲ့ရာ ၄၀၀၀၀ ကျပ် ဝန်းကျင် အထိ
ပေါက်ဈေးရှိခဲ့ကြောင်း သိရသည်။

ရန်ကုန်စတော့အိတ်ချိန်းတွင် ဒုတိယကုမ္ပဏီ အဖြစ်
သီလဝါအထူးစီးပွားရေးဇုန် အများပိုင်ကုမ္ပဏီ (MTSH)
ကလည်း ဧပြီလကုန် တွင် စတင်၍ ရှယ်ယာ
အရောင်းအဝယ် ပြုလုပ်မည်ဖြစ်ကြောင်း သိရ သည်။

မြန်မာနိုင်ငံ၏ ပထမဆုံး စတော့အိတ်ချိန်း ဖြစ်သည့်
ရန်ကုန် စတော့ အိတ်ချိန်းကို ပြီးခဲ့သည့် ၂၀၁၅ ခုနှစ်
ဒီဇင်ဘာ ၉ ရက်က စတင် ဖွင့်လှစ်ခဲ့ပြီး မြန်မာ့
စီးပွားရေးဘဏ်က ၅၁ ရာခိုင်နှုန်း၊ တိုကျို စတော့
အိတ်ချိန်းက ၁၈ ဒသမ ၇၅ ရာခိုင်နှုန်းနှင့် ဂျပန် ဒိုင်ဝါ
သုတေသနက ၃၀ ဒသမ ၂၅ ရာခိုင်နှုန်း ထည့်ဝင်၍
အကောင်အထည် ဖော်ခဲ့ကြခြင်း ဖြစ်သည်။

ရန်ကုန်စတော့ အိတ်ချိန်းသို့ ရှယ်ယာများ ဝင်ရောက်
ရောင်းချခွင့် ရထားသည့် အခြားကုမ္ပဏီများမှာ
မြန်မာနိုင်ငံ သားများဘဏ်၊ ပထမပုဂ္ဂလိကဘဏ်၊
မြန်မာ့လယ်ယာစီးပွားရေး အများပိုင် ကော်ပိုရေးရှင်း
နှင့် Great Horkham ကုမ္ပဏီ တို့ဖြစ်ကြောင်း၊
ရှယ်ယာ ရောင်းချခွင့်ပြုရန် လျှောက်ထားသည့်
အများပိုင်ကုမ္ပဏီများလည်း ရှိကြောင်း၊ လက်ရှိခွင့်ပြု
ထားသည် ကုမ္ပဏီများနှင့် ထပ်တိုးမည့် ကုမ္ပဏီများ
စုစုပေါင်းလျှင် ရှယ်ယာဈေးကွက်တွင် ရောင်းချ ခွင့်
ရရှိမည့် ကုမ္ပဏီ ၁၀ ခု ကျော်မည်ဖြစ်ကြောင်း
သိရသည်။

(မေစိုးစံ)

***

၂။ "FMI စတော့ရှယ်ယာ တန်ဖိုး ပထမအကြိမ်
၂,၀၀၀ ကျပ် ပြန်ကျ"

ရန်ကုန်စတော့အိတ် ချိန်းတွင် FMI ကုမ္ပဏီ၏ ရှယ်ယာ
တန်ဖိုးသည် ပထမဆုံးအကြိမ် မတ်လ ၃၁ ရက်၌
ကျဆင်းခဲ့ ကြောင်း သတင်းရရှိသည်။

စတင်ဖွင့်လှစ်သည့် မတ်လ၂၅ ရက်မှစ၍ မြင့်တက်ခဲ့သော
စတော့ရှယ်ယာတန်ဖိုးမှာ ကျပ် ၄၁,၀၀၀ မှ ၃၉,၀၀၀ သို့
ပြန်လည်ကျဆင်းလာခြင်းဖြစ်ပြီး အစုရှယ်ယာ တန်ဖိုး၏
၎ ဒသမ ၉ ရာခိုင်နှုန်းရှိကြောင်း ရန်ကုန်စတော့အိတ်ချိန်းမှ
သိရသည်။

ရှယ်ယာတန်ဖိုး ကျဆင်းခဲ့ သကဲ့သို့ ရှယ်ယာ ရောင်းအား
လည်း ကျဆင်းခဲ့သည်။ FMI ကုမ္ပဏီ၏ အစုရှယ်ယာများ
သည် မတ်လ ၂၉ ရက်တွင် အစုရှယ်ယာ အရောင်းအဝယ်
အများဆုံးဖြစ်ခဲ့ ပြီး မတ်လ ၃၀ ရက်တွင် အရောင်းအဝယ်
စတင်ကျဆင်းခဲ့ကာ မတ်လ ၃၁ ရက်၌ ရှယ်ယာတန်ဖိုးနှင့်
ရောင်းအားပါ တစ်ပြိုင်နက် ပြန်လည်ကျဆင်းခြင်း
ဖြစ်သည်။

‘‘စဖွင့်တုန်းက လူတွေက စိတ်ဝင်စားခဲ့ပြီး အခုတော့
တဖြည်းဖြည်း ပုံမှန်ဖြစ်သွားတဲ့ သဘောပါပဲ။
ကုမ္ပဏီဘက်က ရှယ်ယာဈေးကို မြင့်တက်အောင်
ဆွဲတင်ခဲ့တာလည်းပါတယ်’’ ဟု ရန်ကုန်စတော့အိတ်ချိန်း
တွင် အရောင်းအဝယ်လုပ်ရန် လေ့လာ နေသည့်
အမျိုးသမီး တစ်ဦးက ပြောသည်။

FMI ကုမ္ပဏီသည် ရှယ်ယာ အရောင်းအဝယ် စတင်
ဖွင့်လှစ်ချိန်တွင် အစုရှယ်ယာ ၁၁၀,၀၀၀ ကျော်
ဒုတိယနေ့ ၂၀၀,၀၀၀ ကျော် တတိယနေ့တွင်
၂၁၀,၀၀၀ ကျော်နှင့် မတ်လ ၃၀ ရက်တွင် ရှယ်ယာ
၇၀,၀၀၀ ကျော် ဝယ်ရောင်းလုပ်နိုင်ခဲ့ပြီး
မတ်လ ၃၁ ရက်တွင် ရှယ်ယာ ၆၅,၀၀၀ ကျော်သာေ
ရာင်းချနိုင်ခဲ့သည်။

FMI ကုမ္ပဏီ၏ ရှယ်ယာ ဈေးသည် စတင်ဖွင့်လှစ်သည့်နေ့
တွင် အကြမ်းဖျင်း သတ်မှတ်နှုန်း ဖြင့် ကျပ် ၂၆,၀၀၀ ထက်
၁၉ ရာခိုင်နှုန်း မြင့်တက်ခဲ့ပြီး ကျပ် ၃၁,၀၀၀ ပေါက်ခဲ့သည်။
မတ်လ ၃၀ ရက်တွင် ကျပ် ၄၁,၀၀၀ အထိ
ဈေးပေါက်ခဲ့သည်။

FMI ကုမ္ပဏီ၏ အစုရှယ် ယာသည် မတ်လ ၂၉ ရက်တွင်
ကျပ်၈ ဒသမ ၆ ဘီလီယံကျော် ရောင်း ချခဲ့ပြီး
ရန်ကုန်စတော့အိတ်ချိန်းတွင် စတင်အရောင်းအဝယ်
ပြု လုပ်ချိန်၌ အများဆုံးပမာဏ ဖြစ် ခဲ့သည်။
မတ်လ ၃၁ ရက်တွင် ၂ ဒသမ ၅ ဘီလီယံကျော်သာ
ရောင်းချနိုင်ခဲ့သည်။

လက်ရှိအချိန်တွင် အစုရှယ်ယာရောင်းချရန် အများပိုင်
ကုမ္ပဏီခြောက်ခု ခွင့်ပြုထားပြီး ကုမ္ပဏီများဘက်က 
အစုရှယ်ယာလက်မှတ်များ အီလက်ထရွန်နစ်စနစ် သို့
ကူးပြောင်းပြီးပါက ရောင်းချ နိုင်မည်ဖြစ်သည်။

ရန်ကုန်စတော့အိတ်ချိန်း ဈေးကွက်အတွင်း ဂျပန်နိုင်ငံက
၄၉ ရာခိုင်နှုန်း၊ မြန်မာနိုင်ငံက ၅၁ ရာခိုင်နှုန်း စုစုပေါင်း
ရင်းနှီး မြှုပ်နှံမှုတန်ဖိုးကျပ် ၃၁ ဘီလီယံ
(ဒေါ်လာ ၂၄ သန်းကျော်)ရှိသည်။
ရန်ကုန်  စတော့အိတ်ချိန်းကို
၂၀၁၅ ဒီဇင်ဘာ ၉ ရက်က ဖွင့် လှစ်ခဲ့ခြင်းဖြစ်သည်။

(ထွန်းထွန်းမင်း)

***

၃။ "အစိုးရ အလွှဲအပြောင်းအပြီးတွင် မြန်မာငွေတန်ဖိုး
တက်ပြီး တစ်ဒေါ်လာ ၁,၂၀၀ ကျပ်အောက် ကျဆင်း"

အစိုးရအာဏာ အလွှဲအပြောင်း အေးချမ်းစွာ ပြီးဆုံးခဲ့ပြီး
နိုင်ငံရေး တည်ငြိမ်လာခြင်း ကြောင့် မြန်မာကျပ်ငွေ တန်ဖိုး
ရှေ့ဆက် မြင့်တက်လာနိုင်သည် ဟု စီးပွားရေး လုပ်ငန်း
အချို့က သုံးသပ်သည်။

အစိုးရ အပြောင်းအလဲအပြီး နောက်တစ်ရက်တွင်
ရန်ကုန်မြို့ရှိ ပြင်ပငွေဈေးကွက်၌ အမေရိကန် ဒေါ်လာ
တန်ဖိုး စတင်ကျ ဆင်းလာသည်။ မတ်လ ၂၉ ရက် က
တစ်ဒေါ်လာလျှင် ကျပ် ၁,၂၁၀ခန့်  ဈေးရှိသော
အမေရိကန်ဒေါ်လာဈေးသည် မတ်လ ၃၁ ရက်ညနေ၌
တစ်ဒေါ်လာလျှင် ၁,၁၉၇ ကျပ်သို့ ကျဆင်းလာသည်။

‘‘အစိုးရပြောင်းသွားတော့ မြန်မာငွေ ပြန်မာလာနိုင်တယ်။
နိုင်ငံတကာကလည်း အစိုးရကို ယုံကြည်တော့
ရင်းနှီးမြှုပ်နှံမှုတွေ ပိုလာရင် ကျပ်တန်ဖိုးက ထပ်
တက်ဦးမှာပါ’’ ဟု ပြည်ပသို့ဆန် တင်ပို့ရောင်းချနေသည့်
ဦးမျိုးသူရအေးက ပြောသည်။

လက်ရှိတွင် သီးနှံပေါ်ချိန် ဖြစ်နေပြီး ကုန်သည်များက
ဝယ်ယူသိုလှောင်မှု၊ ဦးသိန်းစိန်အစိုးရ၏ ပုဂ္ဂလိကပိုင်
ပြုလုပ်ရေးခေါင်းစဉ်ဖြင့် နိုင်ငံပိုင်မြေ၊ အဆောက်အအုံများ
လုပ်ငန်းရှင်ကြီးများထံ ရောင်းချထားမှုများမှ ငွေပြန်လည်
တောင်းယူမှုများကြောင့် လှည့် လည်သုံးစွဲနေသည့်
ကျပ်ငွေနည်း ပါးခြင်း၊ နိုင်ငံတကာငွေ ဈေးကွက်များတွင်
လည်း  အမေရိကန်ဒေါ်လာ တန်ဖိုးကျဆင်းနေခြင်း
စသည်တို့ကြောင့် မြန်မာ ကျပ်ငွေတန်ဖိုးသည် မိုးရာသီ
မတိုင်မီအထိ မြင့်တက်နေနိုင်ကြောင်း စီးပွားရေး
လုပ်ငန်းရှင်အချို့က ခန့်မှန်းနေကြသည်။

သို့သော် မြန်မာ ကျပ်ငွေ တန်ဖိုးသည် ရေရှည်တွင်
မြင့်တက်နိုင်မည့် အခြေအနေကို သံသယရှိသူများလည်း
ရှိနေသည်။

နိုင်ငံခြား  ရင်းနှီးမြှုပ်နှံမှုနှင့် အကူအညီများ ဝင်ရောက်မှု
နှေး ခြင်း၊ မြန်မာ၏ အဓိကပို့ကုန်ဖြစ် သော သဘာဝ
ဓာတ်ငွေ့ဈေးနှုန်း တန်ဖိုးကျဆင်းပြီး ကုန်သွယ်မှုလိုငွေ
လျှော့ချနိုင်ခြင်း မရှိပါက အမေရိကန်ဒေါ်လာ တန်ဖိုးမှာ
ပြန်လည်မြင့်တက်လာနိုင်ကြောင်း ဘဏ်လုပ်ငန်း
ကျွမ်းကျင်သူအချို့ က ပြောသည်။

(ပြည်သိမ်း)

credit - Irrawaddy Publishing Group & 7day Daily