“ဈေးဆိုင်ခန်းတွေဟာ
သဘာဝဘေးအန္တရာယ်ကြောင့်ဖြစ် ဖြစ်၊
အခြားအကြောင်းတစ်ခုခုကြောင့်ဖြစ်ဖြစ် ပျက်စီးဆုံးရှုံး
ခံရရင် သက်ဆိုင်ရာထံက နစ်နာကြေး
လျော်ကြေးတွေရတယ် မဟုတ်လား”
မိတ်ဆွေတစ်ဦးနှင့် လက်ဖက်ရည်ဆိုင်တွင် ထိုင်နေစဉ်
မေးလိုက်ခြင်းဖြစ်သည်။
“ဟာ-မင်းကလည်းကွာ၊ အေး အေးဆေးဆေး
စိတ်လွတ်ကိုယ်လွတ် ထိုင်ချင်လို့ လက်ဖက်ရည်ဆိုင်ကို
လာပါတယ်။ ဒီဥပဒေကြောင်း ကိစ္စတွေက
ဘယ်က ရောက်လာပြန်တာလဲ”
“သြော်-ဒါကလည်း ကြုံတုန်း မေးမြန်းဆွေးနွေးရတာလေ”
“အေးပါကွာ၊ မင်းကျွေးတဲ့ နန်းကြီးသုပ်နဲ့ လက်ဖက်ရည်
စားသောက်ပြီးနားပူခံလိုက်ရဦးမှာပေါ့”
“ဟဲ ဟဲ” ဟုဆိုပြီး သူငယ်ချင်း၏ မျက်နှာအနည်းငယ်
ရွှင်သွားသည်။
“အဲ-ဟိုတလောက ရန်ကုန် မင်္ဂလာဈေးကြီး မီးလောင်တယ်
မဟုတ်လား၊ ဆိုင်ရှင်တွေကို နိုင်ငံ တော်က ထောက်ပံ့ကြေး
တွေ ထုတ်ပေးနေတယ်လေ။ အေး-တစ် ခုတော့ရှိတာပေါ့။
သဘာဝဘေး အန္တရာယ်ဆိုတာ ရေ၊ မီး၊ မြေပြို မယ်၊
မြေငလျင်ဒဏ်ခံရမယ် စတဲ့ သဘာဝဘေးအန္တရာယ်
ကိစ္စမျိုးကို ဆိုလိုတာဖြစ်တယ်။မင်းပြောတဲ့
အခြားအကြောင်း တစ်ခုခုလို့ဆိုတဲ့ နေရာမှာ ဆိုင်ခန်းထဲ
ဓားပြတိုက် သွားတာ၊ ပစ္စည်းခိုးယူသွားတာ၊ ဆိုင်ခန်းကို
ဖျက်ဆီးသွားတာစတဲ့ ပုဂ်္ဂိုလ်ရေးရာ ကိစ္စတွေတော့
မပါဘူးပေါ့ကွာ”
“ဆိုင်ပိုင်ရှင်တွေကိုပဲ အဓိက ထားပြီး ထောက်ပံ့ကြေးတွေ
ပေးတယ်လို့ ပြောသံတွေ ကြားရ တယ်”
“ဒါကလည်း မင်းသိချင်တဲ့ ဥပဒေနဲ့အညီ ဆောင်ရွက်တာ
ပဲပေါ့”
“ဒါဆိုရင် တစ်ဆင့်ငှားထားတဲ့ လူတွေက မရတော့ဘူးပေါ့၊
ဈေးဆိုင်ခန်းလည်း ပြန်မရဘူးပေါ့”
“သာမန်အားဖြင့်တော့ အငှားယူထားတဲ့ သူတွေက
တရားဝင်ငွေသွင်းပြီး ရထားတဲ့ ဆိုင်ခန်း မဟုတ်တဲ့အတွက်
ပြန်ရဖို့ ခက်ခဲမှာပဲဖြစ်တယ်”
“တချို့က အပျောက်သဘောမျိုး ငွေကြေး မြောက်မြားစွာ
ပေးပြီး ၀ယ်ထားတာလည်း ရှိကြတယ်လို့ ပြောတယ်”
“ * အမှန်ကတော့ အပျောက်ငွေကြေးစနစ်နဲ့ ဆိုင်ခန်းကို
လွှဲပြောင်းမယ်။ ရောင်းချမယ်ဆိုရင် သက်ဆိုင်ရာဆိုင်ခန်း
ဆိုင်ရာ ကော်မတီနဲ့ ဆက်သွယ်ပြီး
ဆိုင်ခန်း အမည်ပြောင်းရေး ကိစ္စကို ဆက်လက်
ဆောင်ရွက်ရမှာဖြစ်တယ် * ”
“ဒါဆို အချင်းချင်းချုပ်ဆိုထားတဲ့ ကတိစာချုပ်ကလည်း
အရေးကြီးတာပေါ့နော်”
“မှန်တာပေါ့၊
* အငှားစာချုပ်ပဲ ဖြစ်ဖြစ်၊ အပျောက်စနစ်နဲ့
ရောင်းချလွှဲပြောင်းတာပဲဖြစ်ဖြစ် ကတိစာချုပ်ထဲမှ
အကယ်၍ သဘာဝ ဘေးအန်္တရာယ်တစ်ခုကြောင့်
နစ်နာဆုံးရှုံးသွားရင် ဆိုင်ခန်းပိုင်ရှင်က ဘယ်လို
ဆောင်ရွက်ပေးမယ်၊
ငှားရမ်းသက်တမ်း ကုန်ရင်ဘယ်လို ဆောင်ရွက်ပေးမယ်
စတဲ့ အပြန်အလှန် ကတိပေးချက်တွေကို
ကတိဝန်ခံချက်နဲ့အတူ ကတိစာချုပ် တစ်ခုကို
ချုပ်ဆိုထားဖို့ လိုပါမယ်။
ဒါမှ ဈေးဆိုင်ခန်းဝယ်ထားတဲ့ သူတွေ ငှားရမ်းလုပ်ကိုင်
နေသူတို့ အနေနဲ့ ဥပဒေနဲ့အညီ အခွင့်အရေး
ရရှိမှာဖြစ်တယ် * ”
“အင်း ဒီလိုတော့လည်း ဟုတ် နေတာပဲ”
“ဒါဆို မင်းသိချင်တာတွေ ပြည့်စုံသွားပြီပေါ့”
“မပြီးသေးဘူးကွ၊ အခုမှ ဇာတ်လမ်းကစမှာ”
“ဟင်” ကျွန်တော် အံသြသွားသည်။
ဘာများ ကပ်သီးကပ် သပ်မေးမလဲဟု အနည်းငယ်တော့
စိုးထိတ်သွားသည်။
“ဒီလိုကွ၊ ငါအိမ်ထောင်မကျမီကတည်းက ငါ့ယောက္ခမမှာ
ဈေး ဆိုင်ခန်းတစ်ခန်းရှိတယ်”
“ဘယ်ဈေးမှာလဲ”
“တောင်ဥက်္ကလာထဲကပဲ”
“မြို့တော်စည်ပင်သာယာပိုင် ဈေးထဲကဆိုတော့
သက်ဆိုင်တဲ့ ဆိုင်ခန်းအခွန်အခတွေ ဘယ်သူ့ အမည်နဲ့
ရှိနေသလဲ”
“ငါယောက္ခမ အမည်နဲ့ပဲ”
“အဲဒီတော့ အခု ဘာပြဿနာ ရှိလို့လဲ”
“အဲဒီဆိုင်ခန်းမှာ ဆွေရိပ်မျိုးရိပ်မကင်းတဲ့ သူတစ်ယောက်ကို
အငှားချထားပြီး ဈေးရောင်းခွင့်ပြု ထားတယ်”
“ဆိုင်ခန်းအငှား စာချုပ်ကော ချုပ်ထားလား”
“မိန်းမပြောစကားအရတော့ တိုက်ခန်းအငှားစာချုပ်ရှိတယ်လို့
ပြောတယ်”
“ဆိုင်ခန်းအငှားစာချုပ်တော့ မတွေ့သေးဘူးပေါ့”
“ဟုတ်တယ် သူငယ်ချင်း၊
အခု အဲဒါဆိုင်ခန်းက ဆင်းမပေးဘူး လုပ်နေလို့”
“မင်းတို့က ဆိုင်ခန်းကနေ နှင်ဖို့ စိတ်ကူးရှိတယ်ပေါ့၊
ငှားရမ်း သက်တမ်းကုန်သွားလို့လား”
“ဒီလိုမဟုတ်ဘူး။ အခု ယောက်္ခမအဘွားကြီး ဆုံးသွား တော့
ဆိုင်ခန်းဖွင့်နေသူတွေက ဆင်းမပေးတာပဲ သူငယ်ချင်း”
“အခုဆိုင်ခန်းလခတွေက ဘယ်သူကောက်သလဲ”
“အဘွားကြီးရှိစဉ်ကတည်းက မပေးတော့ဘူး၊
ဆိုင်အခွန်အခတွေကိုလည်း ဆိုင်ငှားထားတဲ့ သူတွေကပဲ
ပေးသွင်းတယ်”
“ဘယ်သူအမည်နဲ့ ဆိုင်အခွန်အခကို ပေးတာလဲ”
“အဘွားကြီးအမည်နဲ့ပဲ ပေးသွင်းနေတယ်လို့ သိရတယ်”
“ဒါဆိုရင်တော့ အခြေအနေ ကောင်းပါတယ်ကွာ၊
မင်းစိတ်မပူအောင်ပြောရမယ်ဆိုရင် စည်ပင်သာယာအဖွဲ့ပိုင်
ဈေးခန်းတွေနဲ့ ပတ်သက်လို့ တရားရုံးချုပ်က
ဆုံး ဖြတ်ထားတဲ့ စီရင်ထုံး တစ်ခုရှိ တယ်”
“ဟာ-ဗဟုသုတအဖြစ် ပြော ပြပါဦး”
ငါမှတ်မိသလောက်ပြောရ ရင်
ဦးထွန်းကြည်နှင့် ဒေါ်ကြည် စိန်
(ကွယ်လွန်သူ ဒေါ်လေးငယ်၏ တရားဝင်ကိုယ်စားလှယ်)
၁၉၉၂ ခုနှစ်၊ မြန်မာနိုင်ငံ စီရင်ထုံး စာ မျက်နှာ ၇၃ အမှုမှာ
- တရားလို ဒေါ်လေးငယ်က အချင်းဖြစ်ဆိုင်ခန်းကို
လွန်ခဲ့သော နှစ်ပေါင်း ၃၀ ကျော်ကတည်းက
ခင်ပွန်းဖြစ်သူ ဦးတန်လက်ရှိ ပိုင်ဆိုင်ပြီး သံဖြူပုံး လုပ်ငန်း
လုပ်ကိုင်ခဲ့ကြောင်း၊
- ဦးထွန်းကြည်မှာ ဦးတန်ထံသံဖြူပုံး လုပ်ငန်းအလုပ်သင်
ဖြစ်ပြီး လခစား လုပ်ကိုင်စေကြောင်း၊
- ဦးတန်ကွယ် လွန်သွားသောအခါ ဦးထွန်းကြည်က
ချက်ချင်းဆိုင်ခန်း အတင်းဖွင့် ၍ သံဖြူလုပ်ငန်း ဆက်လက်
လုပ်ကိုင်သဖြင့် တရားစွဲဆိုရခြင်းဖြစ်ကြောင်း
အဆိုပြုသည်။
ဦးထွန်းကြည်က
- ဦးတန်ပိုင် ဆိုင်ခန်းမဟုတ်ကြောင်း
- ဦးသာဒွေး ၏ လုပ်ငန်းဖြစ်ကြောင်း၊
- ဦးသာဒွေးက ဦးတန်ကို သံဖြူလုပ်ငန်း သင်ပေးခဲ့ခြင်းဖြစ်ပြီး
မိမိတို့အတူ နေကြောင်း ထုချေသည်။
တရားရုံးချုပ်က ဆုံးဖြတ် သည်မှာ
- စည်ပင်သာယာ ဈေးဆိုင်ခန်းများ၏ ပိုင်ရှင်မှာ
စည်ပင် သာယာအဖွဲ့ဖြစ်သည်။
- သို့သော် စည်ပင်သာယာရေး အဖွဲ့၏ တရားဝင်
ချထားပေးချက်အရဆိုင်ခန်းရရှိသူများသည် စည်းကမ်းနှင့်
အညီ အခွန်ထမ်းဆောင်၍ ဆိုင်ခန်းကို လက်ရှိထားလျက်
ဈေးရောင်းချခွင့်ရသည်။
- ထိုသို့ ချထားခြင်းခံရသော ဆိုင်ရှင်သေဆုံးပါက
ထိုဆိုင်ခန်း ကို ၎င်း၏ ဇနီး၊ ခင်ပွန်းသားသမီး များအနေဖြင့်
ဆက်ခံခွင့်ရရှိပြီး စည်းကမ်းနှင့်အညီ အခွန်ထမ်း ဆောင်၍
ဆိုင်ခန်းအား လက်ရှိ ထားပြီး ဈေးရောင်းချခွင့်ရသည်။
ယခုအမှုတွင်
- အချင်းဖြစ် ဆိုင်ခန်းမှာ ကွယ်လွန်သူ ဦးတန် အား
လွန်ခဲ့သော နှစ် ၃၀ ကျော်ခန့်ကပင် တရားဝင်ချပေးသော
ဆိုင်ခန်းဖြစ်ပြီး
- ဦးတန်အနေဖြင့် ဆိုင်ခန်းကို လက်ရှိ အသုံးပြု၍
သံဖြူလုပ်ငန်း လုပ်ကိုင်လာခဲ့ကြောင်း၊
- ဦးထွန်းကြည်မှာ ဦးတန်က ပညာသင်ပေးပြီး ဆိုင်တွင်
လက်ခစား အဖြစ် လုပ်ကိုင်နေသူဖြစ်ကြောင်း
ပေါ်ပေါက်သည်။
ထို့ကြောင့် ဈေးရောင်းချခွင့်ရသော ဦးတန် ကွယ်လွန်သွား
သဖြင့် ဆိုင်ခန်းနှင့် ပတ်သက်သည့် အကျိုးခံစားခွင့် များကို
ဇနီးဖြစ်သူ ဒေါ်လေးငယ် က ဆက်ခံရမည်ဖြစ်ပြီး
ဒေါ်လေး ငယ်ကွယ်လွန်ပါက ၎င်းတို့၏ သား သမီးများက
အမွေဆက်ခံခွင့်ရ မည်ဖြစ်ကြောင်း ဆုံးဖြတ်ခဲ့သည်။
“အဲဒီစီရင်ထုံး ဆုံးဖြတ်ချက် အရဆိုရင် သူငယ်ချင်းရဲ့
ယောက္ခမကို ဆိုင်ဖွင့်ခွင့်ပြုထားတဲ့ဆိုင်ခန်းဟာ
သူကွယ်လွန်သွားတာနဲ့ သူရဲ့သားသမီးတွေကသာ
အမွေ ဆက်ခံရရှိမှာဖြစ်တယ် သူငယ် ချင်း”ဟု
ရှင်းပြဆွေးနွေးလိုက်ပါ သည်။
“ဒါနဲ့ နေပါဦး၊ ငါတို့က ထပ်မံလွှဲပြောင်းရောင်းချမယ်ဆိုရင်”
“ဒါကတော့ ငါအထက်က ပြောခဲ့သလို
ဆိုင်ခန်းဆိုင်ရာ စည် ပင်သာယာအဖွဲ့ထံ တင်ပြပြီး
အ ရောင်းအ၀ယ် ကတိစာချုပ် ချုပ်ဆို လွှဲပြောင်းလို့
ဝယ်သူရဲ့ ဆိုင်ခန်းအမည်ပေါက်ပြောင်းခြင်းကို
လုပ်ဆောင်ရမှာဖြစ်တယ် သူငယ် ချင်း”
ထီယု(ဥပဒေ အတိုင်ပင်ခံ)
credit - ဈေးကွက် ဂျာနယ်
No comments:
Post a Comment