“ရန်ကုန်တိုင်းလွှတ်တော်ထဲရောက် မြို့သစ်စီမံကိန်း သတင်းများ”

“ရန်ကုန်တိုင်းလွှတ်တော်ထဲရောက် မြို့သစ်စီမံကိန်း
သတင်းများ”

၁။ "ရန်ကုန်မြို့သစ် တည်ဆောက်မည့် ကော်ပိုရေးရှင်းကို
မြို့သစ်စီမံကိန်းတွင် အမြင့်ဆုံး အာဏာပိုင်အဖြစ်
သတ်မှတ်"

ရန်ကုန်မြို့သစ် တည်ဆောက်ရေးတွင် အကောင်အထည်
ဖော်မည့် New Yangon Development Corporation ကို
မြို့သစ်တည်ဆောက်ရေးတွင် အမြင့်ဆုံး အာဏာပိုင် အဖွဲ့
အဖြစ် သတ်မှတ်ထားကြောင်း ရန်ကုန်တိုင်းဒေသကြီး
အစိုးရအဖွဲ့ လျှပ်စစ်၊စက်မှုလက်မှုနှင့်လမ်းပန်းဆက်သွယ်ရေး
ဝန်ကြီး ဒေါ်နီလာကျော်က ပြောကြားသည်။

ဇူလိုင်လ ၁၀ ရက်နေ့က ကျင်းပသည့် ရန်ကုန်တိုင်းဒေသကြီး
လွှတ်တော်အစည်းအဝေးတွင် ဝန်ကြီး ဒေါ်နီလာကျော်က
ရန်ကုန်မြို့သစ် စီမံကိန်းနှင့် ပတ်သက်၍ လွှတ်တော်သို့
ရှင်းလင်းတင်ပြစဉ် ယင်းသို့ ပြောကြားခဲ့ခြင်း ဖြစ်သည်။

ရန်ကုန်မြို့သစ် စီမံကိန်း တည်ဆောက်မည့် ကော်မတီ
အမည်ကို New Yangon Development Corporation ဟု
အမည်ပေးထားပြီး အဆိုပါကော်မတီကို အစိုးရ၏
၁၀ဝ ရာခိုင်နှုန်း ဆောင်ရွက်မှုဖြစ်သော ကော်ပိုရေးရှင်းပုံစံဖြင့်
ဖွဲ့စည်းဆောင်ရွက်သွားမည် ဖြစ်ကာ ယင်းကုမ္ပဏီသည်
ရန်ကုန်မြို့သစ် တည်ဆောက်ရေးတွင် အမြင့်ဆုံး အာဏာပိုင်
အဖွဲ့ ဖြစ်လာမည် ဖြစ်ကြောင်း ဒေါ်နီလာကျော်က
ပြောဆိုသည်။

ရန်ကုန်မြို့သစ် တည်ဆောက်ရေး လုပ်ငန်းကော်မတီ ကို
အစိုးသစ် လက်ထက် ၂၀၁၇ ဖေဖော်ဝါရီလတွင် ပြန်လည်
ဖွဲ့စည်း၍ ယခင် အစိုးရလက်ထက်က မူလ စာချုပ် ချုပ်ခဲ့သည့်
ကုမ္ပဏီများကို စာချုပ်ဖျက်သိမ်း၍ ရန်ကုန်တိုင်း ဒေသကြီး
အစိုးရက ရာနှုန်းပြည့် ကြီးကြပ် ကွပ်ကဲသွားရန် စီစဉ်ခဲ့ခြင်း
ဖြစ်ကြောင်း ၎င်းက ဆိုသည်။

ထို့ပြင် ရန်ကုန်မြို့သစ် စီမံကိန်း အကောင်အထည်ဖော်ရာ
တွင် လိုအပ်သော ငွေကြေး အရင်းအနှီးများကို ကမ္ဘာ့ဘဏ်၊
အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF)၊
နိုင်ငံတကာ ဘဏ္ဍာရေး ကော်ပိုရေးရှင်း (IFC) စသည့်
ငွေကြေးဌာနများမှ ရင်းနှီးမြှုပ်နှံ၍ လုပ်ငန်းခွင်တွင် ပါဝင်
ဆောင်ရွက်ခြင်း၊ ပြည်ပချေးငွေ ရယူခြင်း၊
Private Enterprise လျှပ်စစ်လုပ်ငန်း၊ ရေလုပ်ငန်း စသည်
တို့ကို ပြည်သူလူထု ပါဝင်သည့် (PPP) စနစ်ဖြင့်
ဆောင်ရွက်ခြင်းစသည့် နည်းလမ်းများဖြင့် ရယူသွားမည်
ဖြစ်ကြောင်း တိုင်းအစိုးရ အဖွဲ့ထံမှ သိရသည်။

ဒေါ်နီလာကျော်၏ အဆိုပါစီမံကိန်း တည်ဆောက်ရေး
ရှင်းလင်းချက်အပြီးတွင် ရန်ကုန်တိုင်းဒေသကြီး လွှတ်တော်
ဘဏ္ဍာရေး၊ စီမံကိန်းနှင့် စီးပွားရေး ကော်မတီ ဥက္ကဋ္ဌ
ဒေါ်စန္ဒာမင်းက လွှတ်တော်တွင် ဆွေးနွေးခွင့်ရရန်
တောင်းဆိုခဲ့ပြီး လွှတ်တော်က ဆွေးနွေးခွင့်ပြုခဲ့၍ လာမည့်
တိုင်းလွှတ်တော် အစည်းအဝေးတွင် ဆွေးနွေးသွားမည်
ဖြစ်သည်။

အဆိုပါ စီမံကိန်းကို အကောင်အထည်ဖော်ရန် ယခင်အစိုးရ
လက်ထက်က အတည်ပြုခဲ့ခြင်း ဖြစ်သော်လည်း လက်ရှိ
အစိုးရသစ် လက်ထက်တွင် ဆောင်ရွက်မည့် ပုံစံအသစ်များ
ရင်းနှီးမြှုပ်နှံမှု ပုံစံအသစ်များဖြင့် ပြန်လည် ဆောင်ရွက်သွား
မည်ဖြစ်သောကြောင့် ရန်ကုန်တိုင်းလွှတ်တော်တွင် ပြန်လည်
ဆွေးနွေးရန် လိုအပ်နေပြီး စီမံကိန်းကို မည်သို့ အကောင်
အထည်ဖော်မည်ကို အစိုးရက ပြန်လည် ရှင်းလင်းရန်
လိုအပ်နေသေးကြောင်း တိုင်းဒေသကြီး လွှတ်တော်
ကိုယ်စားလှယ် ဒေါ်စန္ဒာမင်းက ပြောကြားသည်။

“ဘယ်လိုပုံစံမျိုး ဆောင်ရွက်မယ်ဆိုတာ ကျယ်ကျယ်ပြန့်ပြန့်
သိဖို့ လိုအပ်ပါတယ်။ ဒီစီမံကိန်းက ကြီးမားတဲ့ စီမံကိန်း
တစ်ခု ဖြစ်တယ်လေ”ဟု ၎င်းက ဆိုသည်။

ရန်ကုန်မြို့သစ် စီမံကိန်းကို ကြည့်မြင်တိုင် တစ်ဖက်ကမ်း
အေးရွာ အပါအဝင် ကြည့်မြင်တိုင်မြို့နယ်၊ တွံတေးမြို့နယ်၊
ဆိပ်ကြီးခနောင်တိုမြို့နယ်တို့တွင် အဆိုပြု ခန့်မှန်းဧရိယာ
ဧက သုံးသောင်းဖြင့် တည်ဆောက် သွားရန်
စီစဉ်ထားကြောင်း တိုင်းအစိုးရထံမှ သိရသည်။

*****

၂။ "မြို့သစ်စီမံကိန်းက ကျူးကျော်နှင့် လျှပ်စစ်မီးပြဿနာများ
ဖြေရှင်းနိုင်ဟု လမ်းပန်းဆက်သွယ်ရေးဝန်ကြီးပြော"

ရန်ကုန်မြို့သစ်တည်ဆောက်ခြင်းဖြင့် ကျုးကျော်ပြဿနာများ၊
အလုပ်လက်မဲ့ပြဿနာများ၊ ရေပေးဝေမှုနှင့် လျှပ်စစ်မီး ပြဿနာများ
ကို ဖြေရှင်းနိုင်မည်ဟု ရန်ကုန်တိုင်း လျှပ်စစ်၊ စက်မှုလက်မှုနှင့်
လမ်းပန်းဆက်သွယ်ရေးဝန်ကြီး ဒေါ်နီလာကျော်က 
ရန်ကုန်တိုင်းဒေသကြီး လွှတ်တော် အရေးပေါ်
အစည်းအဝေး တွင် ပြောဆိုလိုက်သည်။

ဝန်ကြီး ဒေါ်နီလာကျော်က
“နံပတ် ၁ ကတော့ ကမ္ဘာ့ဘဏ်၊ IMF, IFC- International
Finance Corporation အစရှိသော ငွေကြေးဆိုင်ရာ နေရာ
ဌာနများမှ ကိုယ်တိုင် ရင်းနှီးမြုပ်နှံမှု လုပ်ငန်းစဉ်ဖြင့် ပါဝင်
ဆောင်ရွက်ခြင်း၊
နံပတ် ၂ အဖြစ် နိုင်ငံတကာ ချေးငွေရယူခြင်း၊
နံပတ် ၃ အဖြစ် လျှပ်စစ်လုပ်ငန်း ရေပေးဝေရေး လုပ်ငန်း
အစရှိသည်တို့မှာ PPP စနစ်ဖြင့် ဆောင်ရွက်ခြင်း၊
အဆိုပါ နည်းလမ်းအားဖြင့် အစိုးရ၏ ဆောင်ရွက်မှု
၁၀၀ ရာခိုင်နှုန်းဖြစ်သော cooperation ပုံစံနဲ့ ဆောင်ရွက်
သွားမှာ ဖြစ်ပါတယ်” ဟု လွှတ်တော်တွင် ရှင်းပြသည်။

ရန်ကုန်မြို့သစ် စီမံကိန်းတွင် ရန်ကုန်မြို့ အနောက်ဘက်
ပန်းလှိုင်မြစ်နှင့် တွံတေး တူးမြောင်းအကြား၊ လှိုင်မြစ်နှင့်
လှိုင်သာယာ-တွံတေး ကားလမ်းအကြား မြေနေရာများကို
လျာထားပြီး ကြည့်မြင်တိုင် တဖက်ကမ်း၊ တွံတေးမြို့နယ်ရှိ
မြေနေရာများ ပါဝင်သည်။

ရန်ကုန်မြို့သစ် တည်ဆောက်မည့် အစီအမံ အနေဖြင့်
ကောင်းမွန်သော သယ်ယူပို့ဆောင်ရေး၊ အချက်အခြာကျမှု၊
အချိန်တိုအတွင်း လူမှုရေးဆိုင်ရာ အခြေခံ အဆောက်အအုံ
များနှင့် ထိတွေ့နိုင်မှု၊ လုပ်ငန်းစုအချင်းချင်း၊ ရပ်ကွက်အဝန်း
အဝိုင်း အချင်းချင်း ထိရောက်စွာ ကူးလူးဆက်ဆံရန်
အခြေခံကာ ၂၅၀ မီတာ အချင်းဝက်ရှိပြီး ၅၀၀ မီတာ အချင်း
ရှိသော အစုအဖွဲ့များ ဖွဲ့စည်းကာ ဆောင်ရွက်မည်ဟု
သိရသည်။

ရန်ကုန်မြို့သစ် စီမံကိန်းသည် သမ္မတဟောင်း ဦးသိန်းစိန်
လက်ထက်က ဝေဖန်မှုများစွာ ရှိခဲ့သဖြင့် ရပ်ဆိုင်းထားပြီး
နောက် NLD အစိုးရသစ် လက်ထက်တွင် ရန်ကုန်တိုင်း
ဝန်ကြီးချုပ် ဦးဖြိုးမင်းသိန်းက မြို့သစ်စီမံကိန်းကို ယခုနှစ်
ဖေဖော်ဝါရီလတွင် ပြန်လည် စတင်မည်ဟု ပြောဆိုထား
သော်လည်း ယနေ့အချိန်ထိ စတင်နိုင်ခြင်း မရှိသေးပါ။

ရန်ကုန်တိုင်းအစိုးရအဖွဲ့သည် ယနေ့တွင် လွှတ်တော်
အရေးပေါ် အစည်းအဝေးခေါ်ယူကာ
- ရန်ကုန် မြို့တော်ကို တိုးချဲ့တည်ဆောက်ရန် လိုအပ်လာပုံများ၊
- တိုးချဲ့တည်ဆောက်ရန် ယခင် အစိုးရ၏ ဆောင်ရွက်ခဲ့မှုများ၊
- လက်ရှိ ရန်ကုန်မြို့သစ်ကို တည်ဆောက်မည့် အစီအမံနှင့်
ပြင်ဆင် ဖွဲ့စည်းခြင်းများ၊ လုပ်ငန်းဆောင်ရွက်မှု ပုံစံ ပြန်လည်
ပြင်ဆင်သည့် အကြောင်းအရင်းအများ၊
- ကြုံတွေ့နိုင်သည့် ငွေကြေးရင်းနှီးမြုပ်နှံမှုနှင့် အခြေခံ
အဆောက်အအုံ ဆိုင်ရာ စီမံခန့်ခွဲမှု အပေါ် ပြင်ဆင်ထားမူများ
ကို ရန်ကုန်တိုင်းဒေသကြီး လျှပ်စစ်၊စက်မှုလက်မှုနှင့်
လမ်းပန်းဆက်သွယ်ရေးဝန်ကြီး ဒေါ်နီလာကျော်က
ရှင်းလင်းတင်ပြခဲ့သည်။

ရန်ကုန်မြို့သစ်စီမံကိန်းကို ရန်ကုန်တိုင်းဒေသကြီး လွှတ်တော်
ကိုယ်စားလှယ်များအား လွှတ်တော်တွင် ဆွေးနွေးခွင့်ပေးရန်
ဆိပ်ကြီးခနောင်တို မြို့နယ် တိုင်းဒေသကြီး လွှတ်တော်
ကိုယ်စားလှယ် ဒေါ်စန္ဒာမင်းက တင်ပြခဲ့ရာ လွှတ်တော်ဥက္ကဋ္ဌ
က အချက်အလက်များ ဆက်လက် တင်ပြပေးရန် ဆုံးဖြတ်ခဲ့
သဖြင့် အဆိုပါ စီမံကိန်းအပေါ် အကြံပြုချက်များ ရှိသည့်
လွှတ်တော်ကိုယ်စားလှယ်များအနေဖြင့် ဇူလိုင် ၁၁ ရက်နေ့
နောက်ဆုံးထားကာ စာဖြင့် ပေးပို့ရမည်ဟု သိရသည်။

ဆိပ်ကြီးခနောင်တို မြို့နယ် လွှတ်တော်ကိုယ်စားလှယ်
ဒေါ်စန္ဒာမင်းက
“ပြီးခဲ့တဲ့ အစိုးရလက်ထက်တုန်းက Developer တွေမဟုတ်
တော့ဘဲနဲ့ အခုကျတော့ Developer အသစ်တွေ ပြန်ခေါ်
မယ်ဆိုတဲ့ စီမံကိန်း ဖြစ်ပါတယ်။
ဒါပေမယ့် ဘယ်လိုပုံစံမျိုးနဲ့ ပြောင်းလဲမယ် ဆိုတာကိုလည်း
အသေးစိတ်တင်ပြသွားတာ မရှိဘူးဖြစ်တဲ့ အတွက်
ကျမအနေနဲ့ အသေးစိတ် မပြောပြနိုင်ပါဘူး။
ဒီစီမံကိန်းအပေါ်မှာ ကျယ်ကျယ်ပြန့်ပြန့် သိဖို့လိုပါသေးတယ်။”
လွှတ်တော်တွင် ပြောဆိုသည်။

၂၀၁၄ သန်းခေါင်စာရင်း အရ ရန်ကုန်တိုင်းဒေသကြီးအတွင်း
တွင် လူဦးရေ ၇ ဒသမ ၃၆ သန်းရှိပြီး လူဦးရေ တိုးနှုန်းမှာ
၂၀၀၅ မှ ၂၀၁၄ ခုနှစ် အတွင်း ၂ ဒသမ ၄၈ သန်း နှုန်ဖြင့်
တိုးတက်လာသောကြောင့် မျှော်မှန်း လူဦးရေ အနေဖြင့်
၂၀၃၁ တွင် ၁၀ ဒသမ ၇၂ သန်း ဖြစ်သွားနိုင်ဖွယ် ရှိကြောင်း
အစိုးရအဖွဲ့၏ အဆိုအရ သိရသည်။

(သဇင်လှိုင်)

credit - The Voice & Irrawaddy Publishing Group

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/726764717432470/photos/a.727586294016979.1073741828.726764717432470/1183546585087612/?type=3&theater