“မြန်မာကို ကူညီထောက်ပံ့မည့် ဂျပန် နှင့် ယင်းကူညီထောက်ပံ့မည့်အစီအစဉ်အပေါ် မေးမြန်းချက်များ”

“မြန်မာကို ကူညီထောက်ပံ့မည့် ဂျပန် နှင့်
ယင်းကူညီထောက်ပံ့မည့်အစီအစဉ်အပေါ် မေးမြန်းချက်များ”

၁။ "ဂျပန်က မြန်မာကို ငါးနှစ်အတွင်း ဒေါ်လာရှစ်ဘီလီယံခန့်
ကူညီထောက်ပံ့မည်"

မြန်မာနိုင်ငံ၏ ဖွံ့ဖြိုးရေးအတွက် လာမည့်ငါးနှစ်တာကာလ
အတွင်း ယန်းဘီလီယံ ၈၀၀
(အမေရိကန်ဒေါ်လာ ၈ ဘီလီယံခန့်) ကို ဂျပန်က ကူညီ
ထောက်ပံ့မည်ဖြစ်ကြောင်း ဂျပန်ဝန်ကြီးချုပ်ရှင်ဇိုအာဘေးက
ဒေါ်အောင်ဆန်းစုကြည်အား နိုဝင်ဘာ ၂ ရက် တွင်
ကတိပြုပြောကြားခဲ့သည်။

ဂျပန်သို့ ငါးရက်တာ အလည်အပတ် ရောက်ရှိနေသော
နိုင်ငံတော်၏အတိုင်ပင်ခံပုဂ္ဂိုလ်နှင့် ဂျပန်ဝန်ကြီးချုပ်တို့
တွေ့ဆုံပွဲအပြီးပြုလုပ်ခဲ့သည့် ပူးတွဲသတင်းစာရှင်းလင်းပွဲ
တွင် ဂျပန်၏ ကူညီ ထောက်ပံ့မည့်အစီအစဉ်ကိုထုတ်ပြန်
ကြေညာခြင်းဖြစ်သည်။

ဂျပန်−မြန်မာပူးပေါင်းဆောင်ရွက်ရေးအစီအစဉ်အမည်ဖြင့် 
ကန် ဒေါ်လာ ၇ဒသမ၇၃ဘီလီယံအနက်
ဒေါ်လာ  ၃၈၇ သန်းကို တိုင်းရင်း သား လူနည်းစုများ
နေထိုင်ရာဒေသများစီးပွားရေးဖွံ့ဖြိုးရေးအတွက်
ကူညီမည်ဖြစ်သည်။

‘‘ဒီအကူအညီဟာ မြန်မာရဲ့ အမျိုးမျိုးသောဒေသတွေဆီ
ငြိမ်းချမ်းရေးတည်ဆောက်မှုအသီးအပွင့်တွေ ကူညီဖြန့်ဝေ
ပေးပြီး ရှေ့ဆက်လက်ချီတက်မောင်းနှင်စေလိမ့်မယ်လို့
ကျွန်တော်တို့မျှော်လင့်ပါတယ်’’ဟု မစ္စတာအာဘေး က
သတင်းစာရှင်းလင်းပွဲ၌ ပြောကြားသည်။

ကျန်ငွေများကို
လေဆိပ်များ၊ လျှပ်စစ်ဓာတ်အားစီမံကိန်းများ၊ အခြေခံ
အဆောက်အအုံ တည်ဆောက်ရေးကဲ့သို့ ကဏ္ဍများတွင်
သုံးစွဲမည်ဟု ဆိုသည်။

ထို့အပြင် သက်တမ်းအိုဟောင်းနေပြီဖြစ်သော ရေအား
လျှပ်စစ်စက်ရုံနှစ်ရုံကို ပြန်လည်မွမ်းမံရေးအတွက်လည်း
ချေးငွေယန်း ၁၀ဒသမ၈ ဘီလီယံ
(ဒေါ်လာ သန်း၁၀၀ ကျော်) လည်း ပေးအပ်မည်ဖြစ်ကြောင်း
ဂျပန်နိုင်ငံခြားရေးဝန်ကြီးက ပြောကြားသည်။

ဂျပန်အစိုးရနှင့် ဂျပန်အခြေစိုက် ပုဂ္ဂလိကကဏ္ဍ စီးပွားရေး
လုပ်ငန်းများအနေဖြင့် ယင်း ယန်း ဘီလီယံ ၈၀၀
(ဒေါ်လာ ရှစ်ဘီလီယံခန့်) ကို ကူညီရန် အသင့်ရှိသည်ဟု
ဆိုသည်။

မြန်မာ၏မိတ်ဆွေတစ်ဦးအနေဖြင့် ဂျပန်သည်
အများပြည်သူ ကဏ္ဍ၊ ပုဂ္ဂလိက ကဏ္ဍအားလုံးတွင်
မြန်မာအစိုးရ သစ်အား အပြည့်အ၀ထောက်ခံမှု
ပေးအပ်မည်ဟု ဂျပန်ဝန်ကြီးချုပ်က ပြောကြားခဲ့သည်။

‘‘ ဒီအကူအညီကြောင့် မြန်မာရဲ့ ဖွံ့ဖြိုးတိုးတက်ရေးကို
အထောက်အကူ ပြုလိမ့်မယ်လို့ ကျွန်မတို့ မျှော်လင့်
ပါတယ်’’ ဟု ဒေါ်အောင်ဆန်းစုကြည်က
ပြောကြားသည်။

မြန်မာကိုစီးပွားရေးအကူအညီပေးမည့် နှစ်ကာလ
သက်တမ်း ထပ်မံတိုးမြှင့်ခြင်းအတွက် ဂျပန်ကို
ကျေးဇူးစကားလည်း ပြောကြားခဲ့သည်။

ထို့အတူမြန်မာက အသစ်တစ်ဖန်ပြန်လည်တည်ဆောက်
လျက်ရှိသော ငြိမ်းချမ်းရေးနှင့်တည်ငြိမ်ရေးကို ဂျပန်က
ကူညီထောက်ပံ့နေခြင်းကိုလည်း အသိအမှတ်ပြုကြောင်း
၎င်းက တုံ့ပြန်ပြောကြားသည်။

‘‘ဂျပန်နဲ့ ကျွန်မတို့ရဲ့ ဆက်ဆံရေးဟာ ချောချောမွေ့မွေ့
ကို တိုးတက်နေပါတယ်’’ ဟု ဒေါ်အောင်ဆန်းစုကြည်က
ဘာသာပြန်မှတစ်ဆင့်ပြောကြားခဲ့သည်။

မြန်မာအနေဖြင့် သမိုင်းစာမျက်နှာသစ်ကို ရေးနေသည့်
ယခု အချိန်တွင် မြန်မာ၏ မိတ်ဆွေကောင်း၊
ယုံကြည်စိတ်ချရသော မိတ်ဖက်တစ်ဦးအဖြစ် မြန်မာနှင့်
အတူတကွ ဂျပန်ကလျှောက်လှမ်းမည်ဟု ယုံကြည်စိတ်ချ
ကြောင်း ဒေါ်အောင်ဆန်းစုကြည်က  ဆိုသည်။

ဂျပန်၏ အကူအညီများ ကမ်းလှမ်းခြင်းမှာ မြန်မာတွင်
တရုတ်၏ စီးပွားရေး၊ နိုင်ငံရေးလွှမ်းမိုးမှုအပေါ် ယှဉ်ပြိုင်
ခြင်းကို ရောင်ပြန်ဟပ်နေကြောင်းလေ့လာဆန်းစစ်သူများ
က သုံးသပ်သည်။

ဂျပန်နိုင်ငံသည် မြန်မာနိုင်ငံကို အဓိက ကူညီထောက်ပံ့
နေသည့် အဓိက အလှူရှင်နိုင်ငံများအနက် တစ်နိုင်ငံ
ဖြစ်သည်။  

အာဘေးသည် ၃၆နှစ်တာအတွင်း မြန်မာကို လာရောက်
သည့် ပထမဆုံးဂျပန်ဝန်ကြီးချုပ်အဖြစ် ၂၀၁၃ တွင်
လာရောက်ခဲ့ပြီး မြန်မာက ဂျပန်ကိုပေးစရာရှိသည့်
အကြွေး အမေရိကန်ဒေါ်လာ ၁ ဒသမ၇၄ ဘီလီယံကို
လျှော်ပေးခဲ့ဖူးသည်။

တစ်ချိန်တည်းမှာပင် အကူအညီသစ်အဖြစ်
ယန်း ၅၁ ဘီလီယံ ကျော်ပေးအပ်မည့်အစီအစဉ်ကို
ကြေညာခဲ့သည်။ ယင်းအနက် သီလ၀ါအထူးစီးပွားရေးဇုန်
စီမံကိန်း အတွက် ယန်းဘီလီယံ ၂၀ချေးငွေ ပါဝင်သည်။

ဒေါ်အောင်ဆန်းစုကြည်နှင့် မစ္စတာအာဘေးတို့သည်
- နှစ်နိုင်ငံအကြားစီးပွားရေးကဏ္ဍပူးပေါင်း ဆောင်ရွက်ရေး၊
- အထူးသဖြင့် မြန်မာ့စီးပွားရေးဖွံ့ဖြိုးတိုးတက်မှုအတွက်
ဂျပန်က ပုဂ္ဂလိကလုပ်ငန်း များရင်းနှီးမြှုပ်နှံမှုပိုမို
လာရောက်ရေး၊
- ကာကွယ်ရေးကဏ္ဍပူးပေါင်း ဆောင်ရွက်ရေး၊
- မြန်မာ၏အမျိုးသား  ပြန်လည်ရင်ကြားစေ့ရေး
လုပ်ငန်းစဉ်များကို ဂျပန်က ပံ့ပိုး ဆောင်ရွက်သွားရေး
ကိစ္စရပ်များ အပါအ၀င် နှစ်နိုင်ငံဆက်ဆံရေး နှင့် ဒေသ
ဆိုင်ရာ ကိစ္စရပ်များ ဆွေးနွေးခဲ့ကြောင်း နိုင်ငံခြားရေး
ဝန်ကြီးဌာနက ထုတ်ပြန်သည်။

တွေ့ဆုံပွဲ အပြီးတွင် မြန်မာနှင့် ဂျပန်နှစ်နိုင်ငံအစိုးရကြား
၏ ဂျပန် ပြည်ပပူးပေါင်းဆောင်ရွက်မှုလုပ်အားပေးများ
စေလွှတ်ရေးအစီအစဉ်အရ မြန်မာသို့ လုပ်အားပေးများ
စေလွှတ်ရေးဆိုင်ရာ စာချွန်လွှာကို နှစ်နိုင်ငံအစိုးရ
ကိုယ်စားလှယ်များ လက်မှတ်ရေးထိုးခဲ့သည်။ 
ယင်းလက်မှတ်ရေးထိုးပွဲသို့ ဒေါ်အောင်ဆန်းစုကြည်နှင့်
မစ္စတာအာဘေးတို့ တက်ရောက်ခဲ့သည်။

၎င်းတို့နှစ်ဦးမတွေ့ဆုံမီ နံနက်က တိုကျိုတွင်
ဒေါ်အောင်ဆန်းစုကြည်သည် ဂျပန်ရောက် မြန်မာများနှင့်
တွေ့ဆုံပြီး ကမ္ဘာ့ စီးပွားရေးတိုးတက်မှုနှေးကွေးနေသည့်
့အထဲ မြန်မာ့စီးပွားရေးဆိုင်ရာအခက်အခဲများထပ်ဆောင်း
ရှိနေခြင်းကြောင့် မြန်မာ့စီးပွားရေးကို ကဏ္ဍအားလုံးတွင်
ဖွံ့ဖြိုးရန် လိုအပ်နေကြောင်း ပြောကြားခဲ့သည်။

ရင်းနှီးမြှုပ်နှံမှုအများအ ပြားနှင့် လတ်ဆတ်သစ်လွင်သော
အကြံဥာဏ်များရှိသည့် စီးပွားရေးကျွမ်းကျင်ပညာရှင်
အများအပြားလိုအပ်နေကြောင်း ၎င်းကပြောကြားခဲ့သည်။

(ငြိမ်းငြိမ်းပြည့်)

***

၂။ "ဂျပန် မြန်မာ အကူအညီပေးရေး အစီအစဉ် အကြောင်း
မေးမြန်းချက်"

ဂျပန်နိုင်ငံကို ၅ ရက်ကြာခရီးစဉ်အဖြစ် ရောက်ရှိနေတဲ့
ဒေါ်အောင်ဆန်းစုကြည်ဟာ ဂျပန်ဝန်ကြီးချုပ် ရှင်ဆိုအာဘေး
နဲ့ တွေ့ဆုံပြီး ၂ နိုင်ငံ ပူးပေါင်းဆောင်ရွက်မယ့်ကိစ္စရပ်တွေနဲ့
ဂျပန်ဘက်က အကူအညီပေးရေး ကိစ္စတွေကို ဆွေးနွေး
သဘောတူခဲ့ကြပါတယ်။

ဘယ်လို သဘောတူညီမှုတွေ ပါဝင်လဲဆိုတာကို
ဂျပန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်
ယာဆူဟီဆာ ကာဝါမူရာ Yasuhisa Kawamura ကို
ကိုမိုးမြင့်က မေးကြည့်ထားပါတယ်။

* ပထမဆုံး ခေါင်းဆောင် ၂ ဦးအနေနဲ့ အဓိက ဘာတွေ
သဘာတူခဲ့ပါသလဲလို့ မေးကြည့်တော့ -

ခေါင်းဆောင်တွေ သဘောတူညီတာကတော့ နှစ်နိုင်ငံ
ဆက်ဆံရေးနဲ့ ပူးပေါင်းဆောင်ရွက်ရေး ကိစ္စတွေကို
ရှေ့ဆက်ပြီး ပိုမိုလုပ်ဆောင်ကြဖို့ ဖြစ်ပါတယ်။

စက်တင်ဘာလတုန်းက ခေါင်းဆောင် ၂ ဦး လာအိုမှာ
တွေ့တုန်းကလည်း ဂျပန်ဘက်က အကူအညီပေးဖို့
ကတိပေးခဲ့ပါတယ်။ အခုသဘောတူတာက အဲဒီတုန်းက
အကူအညီအပါအဝင် ဆက်လက် ကူညီမယ့်ကိစ္စကို
ဆွေးနွေးတာပါ။

* နှစ်ဘက်ခေါင်းဆောင်တွေ တွေ့တဲ့အခါ ဂျပန်နိုင်ငံကနေ
မြန်မာနိုင်ငံကို ငွေကြေးအကူအညီပေးဖို့ သဘောတူ
တယ်လို့ သိရပါတယ်။ဘယ်လို ကူညီမှာပါလဲ။

ဟုတ်ပါတယ်။ ဒါပေမယ့် ကျွန်တော်တခု ပြောချင်တာက
အခုပေးမယ့် ငွေကြေးက အစိုးရခေါင်းဆောင်သစ်
အောက်မှာ
မြန်မာနိုင်ငံရဲ့ နိုင်ငံတည်ဆောက်ရေးလုပ်ငန်းတွေအတွက်
ခြုံငုံပြီးပေးတဲ့ အကူအညီမျိုး ဖြစ်ပါတယ်။

နိုင်ငံတည်ဆောက်ရေး ဆိုရာမှာ ဝန်ကြီးချုပ် အာဘေးက
အချက် ၄ ချက်ထုတ်ပြောပါတယ်။
နံပါတ်တစ်က အမျိုးသား ပြန်လည် သင့်မြတ်ရေး၊
နံပါတ် ၂ က စီးပွားရေးဖွံ့ဖြိုးရေး၊
နံပါတ် ၃ က ပုဂ္ဂလိကကဏ္ဍမှာ တိုက်ရိုက်နိုင်ငံခြား
ရင်းနှီးမြှပ်နှံမှုတွေ တိုးလာရေး နဲ့
နံပါတ် ၄ က နှစ်နိုင်ငံ နိုင်ငံသား အချင်းချင်းကြား
ဆက်သွယ် ဆောင်ရွက်ရေးတွေ ဖြစ်ပါတယ်။
ဒီနေရာတွေမှာ ပူးပေါင်း ဆောင်ရွက်နိုင်ဖို့ ဖြစ်ပါတယ်။

* အခု ပေးမယ့် ငွေကြေးပမာဏက ဘယ်လောက်ပါလဲ။
ဘယ်အပိုင်းတွေမှာ ဘယ်လောက်ကူညီဖို့ ရှိပါလဲ။

အခုလာမယ့် ၅ နှစ်အတွင်း ခန့်မှန်းခြေ အမေရိကန်ဒေါ်လာ
သန်း ၈ ထောင်လောက် ပေးမှာ ဖြစ်ပါတယ်။ ယန်းနဲ့ဆိုရင်
ဘီလျံ ၈၀၀ ဖြစ်ပါတယ်။ အဲဒီထဲမှာ ဂျပန်အစိုးရပိုင်း
အကူအညီတစ်ခုတည်းက မဟုတ်ဘဲ ပုဂ္ဂလိကပိုင်းကပါ
ပါဝင်မှာ ဖြစ်ပါတယ်။

လုပ်ငန်းတွေအနေနဲ့ဆို စိုက်ပျိုးရေး၊ လျှပ်စစ်ထုတ်လုပ်ရေး၊
လူသား အရင်းအမြစ် ဖွံ့ဖြိုးရေးနဲ့ လူနည်းစု တိုင်းရင်းသား
တွေ အတွက် အကူအညီပေးရေးတွေ ပါပါတယ်။

အထူးစီးပွားရေးဇုန် ကိစ္စလည်း ပါပါတယ်။ ဘယ်အပိုင်း
တွေမှာ ငွေကြေးပမာဏ ဘယ်လောက်ရှိတယ်ဆိုတာ
အတိအကျ တွက်ဖို့ လိုပါသေးတယ်။

ဒါပေမယ့် အမျိုးသား ရင်ကြားစေ့ရေး အတွက်
နောက် ၅ နှစ်အတွင်း ယန်း ဘီလျံ ၄၀ ကူညီဖို့ ရှိပါတယ်။

နောက်ပြီး အခုပြောတဲ့ ယန်း ဘီလျံ ၈၀၀ ထဲမှာ ချေးငွေ
တွေလည်း ပါမှာ ဖြစ်သလို ပုဂ္ဂလိကပိုင်းက စီးပွားရေး
ရင်းနှီးမြှုပ်နှံမှုတွေလည်း ပါမှာ ဖြစ်ပါတယ်။

* ဒေါ်အောင်ဆန်းစုကြည်က နိုင်ငံခြားရင်းနှီးမြှပ်နှံမှုတွေ
အများကြီးလာဖို့ မျှော်လင့်တဲ့အကြောင်း ပြောထားပါတယ်။
ဂျပန်အနေနဲ့ မြန်မာနိုင်ငံမှာ ဘယ်လောက် ရင်းနှီးမြှုပ်နှံဖို့
အဆင်သင့်ဖြစ်နေပါပြီလဲ။

ပုဂ္ဂလိကပိုင်းက ဘယ်လောက်ရင်းနှီးမြှပ်နှံမယ်ဆိုတာက
ပုဂ္ဂလိကပိုင်းရဲ့ အခြေအနေတွေအပေါ် မူတည်ပါတယ်။

ကိန်းဂဏန်းတချို့ပြောရရင်တော့ ဂျပန်ရင်းနှီးမြှုပ်နှံမှုဟာ
ပြီးခဲ့တဲ့ ၃ နှစ်အတွင်းမှာဆိုရင်
၂၀၁၃ တုန်းက ဒေါ်လာ ၅၆ သန်း၊
၂၀၁၄ မှာ သန်း ၂၀၀ကျော် နဲ့
၂၀၁၅ မှာ ၅၂၈ သန်းရှိပါတယ်။
ဒါကိုကြည့်ရင် ဂျပန်ရင်းနှီးမြှုပ်နှံမှု ဘယ်လောက် တိုးလာ
နေသလဲဆိုတာ သိနိုင်ပါတယ်။

ဂျပန်ဝန်ကြီးချုပ်က ဒေါ်အောင်ဆန်းစုကြည်နဲ့ တွေ့စဉ်
အတွင်း ပုဂ္ဂလိက ရင်းနှီးမြှုပ်နှံမှုတွေက မြန်မာရဲ့ ဖွံ့ဖြိုး
တိုးတက်ရေး အတွက် အရေးကြီးကြောင်း ပြောခဲ့ပါတယ်။
မြန်မာအစိုးရဘက်က ရင်းနှီးမြှုပ်နှံမှုဥပဒေပြင်ဆင်ပြီး
ချဉ်းကပ်မှုပုံစံအသစ်နဲ့ သွားမှာကိုလည်း
မစ္စတာ အာဘေးက ကြိုဆိုခဲ့ပါတယ်။

မြန်မာဘက်ကလည်း ရင်းနှီးမြှုပ်နှံမှုကို အားပေးစေမယ့်
ဥပဒေစည်းမျဉ်းတွေ၊ စနစ်တွေ ပိုမို အကောင်အထည်
ဖော်လာမယ်လို့ ကျွန်တော်တို့က မျှော်လင့်ပါတယ်။

* မြန်မာအပေါ် ၊ နောက်ပြီး ဒေသတွင်းအပေါ် တရုတ်ရဲ့
သြဇာလွှမ်းမှုကို တန်ပြန်ဖို့ ဂျပန်က ကြိုးစားနေတယ်ဆိုပြီး
ပြောကြတာလည်း ရှိပါတယ်။ အခုလက်ရှိ
မြန်မာအပေါ်ထားတဲ့ ဂျပန်ရဲ့ မူဝါဒက ဘာပါလဲ။

မြန်မာကိစ္စပြောရရင် ၂ ချက် ရှိပါတယ်။
ပထမတချက်က မဟာဗျူဟာကျတဲ့အချက်ပါ။ ဝန်ကြီးချုပ်
အာဘေးကလည်း ပြောပါတယ်။ မြန်မာဟာ ပထဝီနိုင်ငံရေး
အရ အရှေ့တောင်အာရှအတွင်းမှာရော၊ အိန္ဒိယနဲ့
ဆက်စပ်တဲ့ မဲခေါင်ဒေသမှာပါ အရေးပါတဲ့နေရာမှာ
ရှိနေပါတယ်။ ဂျပန်အနေနဲ့ ဒေသတွင်း အရေးအားလုံးကို
ထည့်သွင်းစဉ်းစားပါတယ်။

ဒုတိယတစ်ချက်ကတော့ ဂျပန်နဲ့ မြန်မာကြား
ဘုံသဘောထားအားဖြင့် လက်ခံထားတဲ့ လွတ်လပ်မှု၊
ဒီမိုကရေစီနဲ့ လူ့အခွင့်အရေး၊ ဥပဒေစိုးမိုးမှု စတဲ့ တန်ဖိုးတွေ
ရှိနေပါတယ်။ ဒါကြောင့် မြန်မာကို မိတ်ဆွေကောင်းနိုင်ငံ
အဖြစ် ဂျပန်က သဘောထားသလို အခု အစိုးရသစ်
လက်ထက်မှာလည်း ဒီမိုကရေစီရေးက အားစရာ
အနေအထား တွေ့ရပါတယ်။

credit - 7day Daily & BBC Burmese

မှတ်ချက်-

အိမ်ခြံမြေ အကြောင်းအရာများနှင့် 
တိုက်ရိုက်မသက်ဆိုင်သော်လည်း သွယ်ဝိုက်ပတ်သက်မှု့
ရှိသည့် စီးပွါးရေးဆိုင်ရာ ဆောင်းပါး/သတင်းများ
ဖြစ်နေပါသဖြင့် မိတ်ဆွေများ လေ့လာနိူင်ရန် တင်ခဲ့ခြင်း
ဖြစ်ပါသည်။

“အိမ်ခြံမြေ လမ်းဆုံ”

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/726764717432470/photos/a.727586294016979.1073741828.726764717432470/962655320510074/?type=3