“လယ်ယာမြေလုပ်ပိုင်ခွင့်လက်မှတ် ပုံစံ-၇
အမည်ပြောင်း၍ မရသေးပါ”
"လယ်ယာမြေ၀ယ်ယူရာတွင် လုပ်ပိုင်ခွင့်လက်မှတ်ပုံစံ-၇
အမည်ပြောင်း၍ မရသေးကြောင်း တောင်သူများပြော"
လယ်ယာမြေများ ၀ယ်ယူရာတွင်
လယ်ယာမြေ လုပ်ပိုင်ခွင့် လက်မှတ်ပုံစံ-၇ ၀ယ်ယူခဲ့သူ၏
အမည် တရားဝင် ပြောင်းလဲမရသေးကြောင်း
သရက်ခရိုင်အတွင်း ကျေးရွာသားအချင်းချင်း
လယ်ယာမြေပြန်လည်ဝယ်ယူခဲ့သော တောင်သူများက
ပြောသည်။
‘‘မြေစာရင်းက ဒေသတာဝန်ခံကိုမေးတော့
ကျေးရွာအုပ်ချုပ် ရေးမှူးရှေ့မှာ အရောင်းအ၀ယ် စာချုပ်
ချုပ်ခိုင်းတယ်။
မြေစာရင်း ဌာနမှာ အမည်ပြောင်းဖို့ စုံစမ်း ကြည့်တော့
ပြောင်းမရသေးဘူး ပြောတယ်’’ဟု ယာမြေ၀ယ်ယူခဲ့ သူ
သနပ်ကျေးရွာဒေသခံတစ်ဦး ကပြောသည်။
ပုံစံ-၇ အမည်ပြောင်းလဲမရ သေးသဖြင့်
စိုက်ပျိုးစရိတ်ချေးငွေ ရယူရာတွင်လည်းကောင်း၊
သမ ၀ါယမ အသင်းများနှင့် ကုမ္ပဏီ များက ပေးသော
လယ်ယာသုံး ပစ္စည်းများအရစ်ကျစနစ်ဖြင့်ဝယ် ယူရာတွင်
လည်းကောင်း အခက် အခဲရှိနေသည်ဟု
လယ်ယာမြေ ၀ယ်ယူခဲ့သော တောင်သူများက ပြောသည်။
အောင်လံမြို့နယ် မြေစာရင်းဦးစီးဌာန ဦးစီးအရာရှိ
ဦးလှ မင်းထွန်းက
‘‘နာမည်ပြောင်းလို့ မရသေးတာက
အခွန်တံဆိပ် ခေါင်းတန်ဖိုး မသတ်မှတ်ရသေး လို့ပါ။
အဲဒါသတ်မှတ်ပြီး ဥပဒေ အရပေါ့။ အခွန်တံဆိပ်ခေါင်းကပ်
မှတ်ပုံတင် စာချုပ်ချုပ်ပြီး ပြောင်းလို့ရမှာပါ’’
ဟုပြောသည်။
အသစ်ပြဋ္ဌာန်းခဲ့သော
လယ်ယာမြေနည်းဥပဒေပုဒ်မ ၂၄(က) တွင်
လယ်ယာမြေလုပ်ပိုင်ခွင့်ကို ရောင်းချခြင်း၊ လဲလှယ်ခြင်း
(သို့မဟုတ်) ပေးကမ်းခြင်းဖြင့် လွှဲ ပြောင်းလျှင်
လွှဲပြောင်းပေးသူနှင့် လွှဲပြောင်းလက်ခံသူတို့သည်
လယ်ယာမြေ တည်ရှိသည့် သက်ဆိုင်ရာရပ်ကွက်
(သို့မဟုတ်) ကျေးရွာအုပ်စု လယ်ယာမြေ စီမံခန့်ခွဲမှုအဖွဲ့
ရှေ့မှောက်တွင် တံဆိပ်ခေါင်းခွန်ထမ်းဆောင်၍
စာချုပ်ချုပ်ဆိုရမည်ဟုဖော်ပြထားသည်။
သို့သော် နည်းဥပဒေပုဒ်မ ၂၄(ခ)တွင်
နည်းဥပဒေခွဲ(က)အရ
ချုပ်ဆိုသော စာချုပ်ကို စာချုပ်သည့်နေ့မှ
ရက်ပေါင်း ၁၂၀အတွင်း
သက်ဆိုင်ရာ မြို့နယ်ဦးစီး ဌာနရုံးတွင် မှတ်ပုံတင်ရမည်ဟု
ဖော်ပြပါရှိသောကြောင့်
အသစ် ပြဋ္ဌာန်းခဲ့သည်မှာ သုံးနှစ်ခန့်ကြာ မြင့်ပြီဖြစ်သော
အဆိုပါလယ်ယာ မြေဥပဒေသည်
တောင်သူလယ်သမားများအတွက် အကျိုးကျေးဇူးရရှိမှု
မရှိဖြစ်နေကြောင်း
အောင် လံမြို့နယ် အမျိုးသားဒီမိုကရေစီ အဖွဲ့ချုပ်ပါတီ၏
တောင်သူလယ် သမားရေးရာကော်မတီဥက္ကဋ္ဌ
ကို မြတ်ကိုကပြောသည်။
(လင်းသက်နိုင်)
credit - 7day daily
No comments:
Post a Comment