"ထူးခြားသတင်း နှစ်ပုဒ်"

"ထူးခြားသတင်း နှစ်ပုဒ်"

(ပထမ သတင်းက
မေးခွန်းထုတ်စရာဖြစ်သွားတဲ့ မြို့တော်စည်ပင်၏
မြေကွက် လေလံ ခေါ်ယူမှု သတင်းပါ။)

"မြေကွက်များ လေလံတင်မည့်အစီအစဉ်
ရက်အကန့်အသတ်မရှိ ရွှေ့ဆိုင်း"

ရန်ကုန်မြို့တော်စည် ပင်က လေလံတင်မည့် မြေကွက်
၇၀ ကျော် လေလံတင်မည့် ရက်ကို ရက်အကန့်အသတ်မရှိ
ရွှေ့ဆိုင်းလိုက်ကြောင်း သတင်းရရှိသည်။

မြေကွက်အချို့တွင် ပိုင်ဆိုင် မှု အငြင်းပွားမှုများရှိနေခြင်း၊
ကျူး ကျော်မြေကွက်များပါဝင်နေခြင်း၊ လယ်သမား အချို့က
ကန့်ကွက် မှုများ ရှိနေခြင်းတို့ကြောင့်
မြေကွက်များလေလံတင်ခြင်းကို ရက်အကန့်အသတ်မရှိ
ရွှေ့ဆိုင်းခြင်း ဖြစ်သည်။

လေလံပွဲကို ရန်ကုန်မြို့ တော်စည်ပင်သာယာရေးကော်မ တီက
- မူလ သြဂုတ် ၂၇ ရက်နှင့် ၂၈ ရက်တွင် သတ်မှတ်ထားရာမှ
- စက်တင်ဘာ ၃ ရက်နှင့် ၄ ရက်သို့ ရွှေ့ဆိုင်းခဲ့ပြီး
- စက်တင်ဘာ ၁၇ ရက်နှင့် ၁၈ ရက်သို့
ဒုတိယအကြိမ်ရွှေ့ဆိုင်းလိုက်ပြီးနောက်
- ယခုအပြီးသတ်ရက်အကန့်အသတ်မရှိ ရွှေ့ဆိုင်းခဲ့ခြင်း
ဖြစ်သည်။

ထို့ကြောင့် လေလံဝင်မည့် သူများ လေလံအာမခံကြေးများ ကို
စည်ပင်သာယာအဆောက် အအုံဌာနတွင်
ပြန်လည်ထုတ်ယူနိုင်ကြောင်း ကြေညာထားသည်။

* အစိုးရသက်တမ်း ကုန်ဆုံးခါနီးတွင် ယခုကဲ့သို့
မြို့တော်စည်ပင်က မြေကွက်များကို အလောတကြီး
ရောင်းချနေခြင်းမှာ မေးခွန်းထုတ်စရာဖြစ်ပြီး
ဌာနတွင်း ဘတ်ဂျက်လိုအပ်ချက်ကြောင့် ယခုကဲ့သို့ရောင်းချရခြင်း
ဖြစ်သည်ဟု ပြောဆိုခြင်းမှာ သဘာဝ မကျကြောင်း *
မြို့ပြစီမံကိန်းပညာရှင် တစ်ဦးက ပြောသည်။

‘‘ * ရန်ကုန်မြို့တော် စည်ပင် အနေနဲ့ အိမ်ရာစီမံကိန်းတွေ
အ တွက် မြေကွက်တွေ ရှားပါးနေတဲ့ အထဲက ဘာကြောင့်
မြေတွေ ရောင်းချသလဲဆိုတဲ့ မေးခွန်းကို ဖြေစေချင်ပါတယ်။
အထူးသဖြင့် မြေဈေးတွေကျနေတဲ့အချိန်မှာ ထုတ်ရောင်းတာ
ပိုပြီး အံ့သြဖို့ ကောင်းလွန်ပါတယ် * ’’ဟု ၎င်းက ဝေဖန်သည်။

လေလံတင်မည့်မြေကွက်များတွင် 
ပေ ၄၀×၆၀၊ ပေ ၁၅၀×၈၀ မြေကွက်များပါဝင်ပြီး
သာကေတ၊ ရွှေပြည်သာ၊ တောင်ဒဂုံ၊ မြောက်ဥက္ကလာပ
အစရှိသည့် မြို့စွန်မြေကွက်အများစုဖြစ်ကာ ဌာနအတွင်း
ဘတ်ဂျက်လိုငွေမြင့်မားနေ၍ လေလံတင်ရောင်းချမည်
ဖြစ်ကြောင်း ရန်ကုန်မြို့တော်စည်ပင်သာယာရေး
ကော်မတီဝင်တစ်ဦးက လေလံတင်ရန် စီစဉ်ကာ
ပြောကြားထားဖူးသည်။

ယခုနှစ်အတွင်း ရန်ကုန်မြို့ တော်စည်ပင်က
- အချက်အချာကျ သည့် မြို့တွင်းမြို့နယ်များမှ
မြေ ဧကကျယ်သည့် မြေခုနစ်ကွက်ကို ပထမဆုံးအကြိမ်
တင်ဒါခေါ်ယူခဲ့ ဖူးပြီး
- ဒုတိယအကြိမ်အဖြစ် မြို့စွန်လေးမြို့နယ်မှ မြေကွက်အချို့ကို
လေလံတင်ရောင်းချထားသည်။
- တတိယအကြိမ်အဖြစ် ပြီးခဲ့သည့် လကစည်ပင်ပိုင်
မြေကွက်အချို့ ကို ရောင်းချခဲ့ပြီး
- စတုတ္ထအကြိမ် သည် မြို့တော်စည်ပင်မြေကွက်
အရေအတွက်အများဆုံးလေလံ ခေါ်ယူမှု ဖြစ်ကြောင်း
သတင်းရရှိသည်။

(မိုးညို)

*****

(နောက် သတင်းကတော့ ထပ်မံ အကြောင်းပြလာတဲ့
ဝိုးတ၀ါးဖြစ်ဆဲ ဟံသာဝတီ လေဆိပ်စီမံကိန်း သတင်း)

"ဟံသာဝတီလေဆိပ်စီမံကိန်း JICA စစ်တမ်းအပေါ်မူတည်"

ဟံသာဝတီ အပြည်ပြည်ဆိုင်ရာ လေဆိပ်ဆောက်လုပ်ရန်
အတွက် ဂျပန်နိုင်ငံ အခြေစိုက် JICA အဖွဲ့အစည်းမှ
ဟံသာဝတီ မြေနေရာအား လုပ်ဆောင်ရန် သင့်မသင့် စစ်တမ်း
ကောက်ယူနေရာ လေဆိပ် ဆောက်လုပ်ရန် ၎င်းစစ်တမ်းပေါ်တွင်
မူတည်နေကြောင်း လေကြောင်းပို့ဆောင်ရေး
ညွှန်ကြားရေးမှူး ဦးစီဌာန ညွှန်ကြားရေးမှူးချုပ် (ပူးတွဲ)
ဦးမင်းလွင်က ပြောသည်။

ဟံသာဝတီ အပြည်ပြည်ဆိုင်ရာ လေဆိပ်ဆောက်လုပ်ရန်
အတွက် ၂၀၁၂ ခုနှစ် ကပင်တင်ဒါ ခေါ်ယူခဲ့ခြင်းဖြစ်ပြီး
တင်ဒါအောင်မြင်သည့် ကုမ္ပဏီများအနေဖြင့် လေဆိပ်
ဆောက်လုပ်ရန် ငွေကြေးပမာဏ မတတ်နိုင်သဖြင့်
နှောင့်နှေးနေရခြင်း ဖြစ်ပြီး စီမံကိန်း ဆက်လက် လုပ်ဆောင်ရန်
Oda ရယူဖို့ အစိုးရထံ တင်ပြထားကာ
တင်ဒါပြန်လည် ခေါ်ယူပြီး ကုမ္ပဏီ ပြန်လည် ရွေးချယ်ခဲ့သည့်
အတွက် ၂၀၁၈ခုနှစ်တွင် စီမံကိန်း စတင် အကောင်အထည်
ဖော်ရန် သတ်မှတ်ထားသော်လည်း ၂၀၂၀ခုနှစ် နောက်ဆုံးထား
လုပ်ဆောင်နိုင်မည် ဖြစ်ကြောင်း ၎င်းထံမှ သိရသည်။

“ *** ဂျပန် JICA ဘက်ကလည်း အပြည်ပြည်ဆိုင်ရာ
လေဆိပ်လုပ်ဖို့အတွက် ပြည့်စုံမှုရှိလား၊ မရှိလားဆိုတာကို
Fisibal Study လုပ်နေတယ်။ သူ့ရဲ့ လုပ်ထုံးလုပ်နည်းအရ
လုပ်ရင်တော့ တစ်လ၊ နှစ်လနဲ့ မပြီးဘူး။ ၂၀၁၆မှာ ထွက်မယ်။
ဟံသာဝတီမှာ လုပ်လို့ သင့်မသင့်ဆိုတာ Yes or No ထွက်မယ်။
မသင့်ဘူးဆိုရင် သူတို့ပြောတဲ့ ဒီနေရာဟာ လုပ်ရန် မသင့်ဘူး
ဆိုရင်တော့ ရပ်သွားမှာပေါ့ *** ”ဟု ၎င်းက ပြောသည်။

အဆိုပါ လေဆိပ်နှင့် ပတ်သက်၍
ယခုလကုန်၌ တင်ဒါအောင်သည့် ကုမ္ပဏီ လက်မှတ်ရေးထိုးရန်ရှိပြီး
လေဆိပ်နှင့် ပတ်သက်၍
Public Announcement (လူထု အသိပေးခြင်း) များ
လုပ်ဆောင်ရန်ရှိကြောင်း၊
၎င်းလေဆိပ်အား ၂၀၁၈ခုနှစ်တွင် ဖွင့်လှစ်နိုင်ရန်
လျာထားသော်လည်း ကုမ္ပဏီများ အနေဖြင့် ငွေကြေးကဏ္ဍ
အဆင်မပြေမှုများကြောင့် ကြန့်ကြာနေရာ
၂၀၂၀ ခုနှစ်တွင် နောက်ဆုံးထား ဆောင်ရွက်မည် ဖြစ်ကြောင်း
၎င်းထံမှ သိရသည်။

မြန်မာနိုင်ငံတွင် လေယာဉ်ကွင်း (၆၉)ကွင်းရှိပြီး
လက်ရှိ ပြေးဆွဲလျက်ရှိသည့် လေယာဉ်ကွင်းမှာ (၃၃)ကွင်း
ရှိသည်။
၎င်း(၃၃)ကွင်းတွင် အပြည်ပြည်ဆိုင်ရာ လေဆိပ်မှာ
ရန်ကုန်၊ မန္တလေး၊ နေပြည်တော် သုံးကွင်းရှိရာ
ရန်ကုန်- အပြည်ပြည် ဆိုင်ရာ လေဆိပ်မှာ ယခင်က
အကောင်းဆုံး လေဆိပ်ဖြစ်ခဲ့ပြီး
Parking Area ရှားပါးခြင်း၊ မြေနေရာ အခက်အခဲများကြောင့် 
ဟံသာဝတီ လေဆိပ်အား ထပ်မံ တည်ဆောက်ရခြင်း
ဖြစ်ကြောင်း ၎င်းထံမှ သိရသည်။

credit - 7day daily & messenger news journal

(စာကြွင်း)

“ဘာတွေကို ယုံကြည်ရမလဲ … ဟေ့”
ကိုချစ်ကောင်း သီချင်း - ငြီးကြည့်တာပါ … :-) ။