"အိမ်ရာစီမံကိန်း သတင်းများ"

"အိမ်ရာစီမံကိန်း သတင်းများ"

၁။ ရောင်းချမည့် တန်ဖိုးကို မထုတ်ပြန်နိူင်သေးတဲ့
ရတနာဧရာဝဏ် အိမ်ရာစီမံကိန်း သတင်း

"ရတနာဧရာဝဏ် အိမ်ရာစီမံကိန်းမှ အခန်းပေါင်း ၆,၀၀၀ ကျော်ကို
လာမည့်နှစ်တွင် ရောင်းချမည်"

တည်ဆောက်နေသော ရတနာဧရာဝဏ်အိမ်ရာစီမံကိန်း ၏
ပထမအဆင့်မှ အခန်းပေါင်း ၆,၀၀၀ ကျော်ကို လာမည့် ၂၀၁၆ တွင်
စတင်ရောင်းချနိုင်ရန် ဆောင်ရွက်နေကြောင်း
မြို့ရွာနှင့် အိုးအိမ်ဖွံ့ဖြိုးမှု ဦးစီးဌာန ညွှန်ကြားရေးမှူး ဦးမင်းထိန်က
ပြောကြားသည်။

“စီမံကိန်းကို အမြန်ဆုံးပြီးစီးအောင်ဆောင်ရွက်ဖို့ ၀န်ကြီးက
လုပ်ငန်းရှင်တွေနဲ့တွေ့ပြီး တိုက် တွန်းနေတာတွေလည်း
ဒီရက်ပိုင်း လုပ်နေတယ်”ဟု ၎င်းက ဆက်လက်ပြောသည်။
ဒဂုံဆိပ်ကမ်းမြို့နယ်ရှိ ရတနာ ဧရာဝဏ်အိမ်ရာစီမံကိန်းရှိ
တိုက်အလုံးရေ ၄၉ လုံးမှ အခန်း ပေါင်း ၁၉၆,၀၀၀ ထွက်ပေါ်ရန်
ရည်ရွယ်ထားရာ ပထမအဆင့် တည်ဆောက်ပြီးချိန်တွင်
အခန်း ပေါင်း ၆,၀၀၀ ကျော်ကို စတင် ရောင်းချနိုင်ရန်
စီစဉ်နေခြင်း ဖြစ်သည်။

အဆိုပါ အခန်းများ ရောင်းချမည့် တန်ဖိုးကို လတ်တလောတွင်
ညှိနှိုင်းနေဆဲဖြစ်ပြီး နောက်ဆုံးအဆင့်တန်ဖိုးကို
မတွက်ချက်ရသေးကြောင်း ဦးမင်းထိန်က ပြောသည်။

၂၀၁၃ မှစတင်ခဲ့သည့် ယင်းအိမ်ရာစီမံကိန်းမှာ တည်ဆောက်ချိန်
ကြာမြင့်နေ၍ အခန်းတန်ဖိုးထပ်မံမြင့်တက်လာမည်ကို စိုးရိမ်ကာ
အမြန်ဆုံးအပြီးသတ်ဆောက်လုပ်ရန် ညွှန်ကြားထားကြောင်း
ဦးမင်းထိန်က ပြောသည်။

အဆိုပါစီမံကိန်းတွင် ပုဂ္ဂလိက ကုမ္ပဏီ ၃၁ ခုက အစိုးရ နှင့်
အကျိုးတူ တည်ဆောက်နေခြင်းဖြစ်ပြီး လတ်တလောတွင်
စီမံကိန်း တစ်ခုလုံး၏ ၄၀ ရာခိုင်နှုန်းခန့် ပြီးစီးနေပြီ ဖြစ်သည်။

ယခု ဆောက်လုပ်ရေးဝန် ကြီးဌာနက တည်ဆောက်နေသည့်
ရတနာဧရာဝဏ် အိမ်ရာစီမံကိန်းသည် အစိုးရသစ်လက်ထက်တွင်
ဝန်ကြီးဌာနများ  တည်ဆောက်သမျှ အိမ်ရာစီမံကိန်းများထဲတွင်
အကြီးမားဆုံး၊ အခန်းအရေအတွက် အများဆုံး စီမံကိန်းတစ်ခု
ဖြစ်သဖြင့် အိမ်ရာလိုအပ်နေသူများအား ဖြည့်ဆည်းပေးနိုင်မည့်
အခြေအနေ တစ်ခုဖြစ်ကြောင်း
ယင်းအိမ်ရာ စီမံကိန်းတွင် ၀င်ရောက်တည်ဆောက်နေသည့်
မြတ်မင်းဧရာ ဆောက်လုပ်ရေးကုမ္ပဏီ မန်နေဂျင်း ဒါရိုက်တာ
ဦးထွန်းမြတ်စိုးက ပြောသည်။

“စီမံကိန်းက နှစ်ရှည် စီမံ ကိန်းဖြစ်တဲ့အတွက် အခန်းတန်ဖိုးက
တစ်သမတ်တည်းသတ်မှတ် ပြီး အစိုးရဘက်က ရောင်းလို့ရမှာ
မဟုတ်ဘူး။ ဈေးကတက်ပြီးရင်း တက်လာနိုင်တယ်။
ဆောက်လုပ် စရိတ် ကုန်ကျစရိတ်ကလည်း
ကျွန်တော်တို့ဘက်မှာ အခက်အ ခဲရှိတယ်”ဟု
ဦးထွန်းမြတ်စိုးက ပြောသည်။

(မိုးညို)

*****
၂။ အရင်ထက် ပိုကောင်းတဲ့ စနစ် နဲ့ ရောင်းချနိုင်ဖို့ စီစဉ်နေတယ်
ဆိုတဲ့  ရွှေလင်ပန်း တန်ဖိုးနည်းအိမ်ရာ စီမံကိန်း သတင်း

"ရွှေလင်ပန်း တန်ဖိုးနည်းအိမ်ရာ စီမံကိန်းမှ အပိုင်း (၂) နှင့်
အပိုင်း (၃) ၈ဝ ရာခိုင်နှုန်းကျော် ပြီးစီး"

ရွှေလင်ပန်းတန်ဖိုးနည်း အိမ်ရာစီမံကိန်း၏ ကျန်ရှိနေသည့်
အိမ်ရာ အပိုင်း နှစ်ခုအား ဒီဇင်ဘာလအတွင်း အပြီးသတ်
တည်ဆောက်သွားနိုင်ရန် မျှော်လင့်ထားကြောင်း မြို့ပြနှင့်
အိမ်ရာဖွံ့ဖြိုးရေးဦးစီးဌာနမှ သိရသည်။

“လက်ရှိမှာ အပြီးသတ်နိုင်အောင် ဆောင်ရွက်နေပါ တယ်။
အခုချိန်မှာတော့ အိမ်ရာစီမံကိန်းက ၈ဝ ရာခိုင်နှုန်းကျော်
ပြီးစီးနေပါပြီ” ဟု မြို့ပြနှင့်အိမ်ရာဖွံ့ဖြိုးရေးဦးစီးဌာန၊
ရန်ကုန် တိုင်းဒေသကြီးမှ တာဝန်ရှိသူတစ်ဦးက ပြောသည်။
ရွှေလင်ပန်းတန်ဖိုးနည်း အိမ်ရာစီမံကိန်းအား ၂ဝ၁၃ ခုနှစ်၌
စတင်၍ တည်ဆောက်ခဲ့ခြင်းဖြစ်ပြီး တည်ဆောက်ရခြင်း၏
ရည်ရွယ်ချက်မှာ လက်ရှိ ရန်ကုန်မြို့တွင်း လူနေသိပ်သည်းမှု
များကြောင့် ယင်းပြဿနာများအား ဖြေရှင်းနိုင်ရန် တန်ဖိုးနည်း
အိမ်ရာများ ဖော်ဆောင်ရခြင်းဖြစ်ကြောင်း သိရသည်။

၎င်းစီမံကိန်းအား အပိုင်း သုံးပိုင်းခွဲကာ ဆောင်ရွက်လျက် ရှိကာ
ပထမပိုင်းကို ၂ဝ၁၄ ခုနှစ်တွင် ရောင်းချခဲ့ပြီး ဖြစ်ရာ
ကျန်ရှိနေသည့် အပိုင်း (၂) နှင့် အပိုင်း (၃) စီမံကိန်းအား
၂ဝ၁၅ ခုနှစ် နှစ်ကုန်တွင် အပြီးသတ် ဆောက်လုပ်သွားမည်
ဖြစ်ကြောင်း သိရသည်။

ရွှေလင်ပန်း တန်ဖိုးနည်းအိမ်ရာစီမံကိန်း၏ အပိုင်း (၁)အား
အခန်း ခြောက်ခန်းတွဲ၊ လေးထပ်တိုက် ၂၄ လုံးအား
၂ဝ၁၄ ခုနှစ်တွင် အပြီးတည်ဆောက်ကာ အရစ်ကျစနစ်ဖြင့်
ပြည်သူ များထံ ရောင်းချခဲ့ပြီး ဖြစ်ကြောင်း သိရသည်။
အခန်းပေါင်း ၅၇၆ ခန်း ပါဝင်ပြီး တန်ဖိုးနည်းတိုက်ခန်းတစ်ခန်း၏
ရောင်းချ သည့် တန်ဖိုးမှာ သိန်း ၁ဝဝ မှ
သိန်း ၁၂ဝ ဝန်းကျင်ရှိခဲ့ကြောင်း သိရသည်။

“အပိုင်း (၁) ရောင်းတုန်းက အရစ်ကျစနစ်ကိုမှ မဲနှိုက်ပြီး
ရောင်းပေးတာပါ။ အဲဒီမှာ လိုအပ်ချက်တွေ များခဲ့တယ်။
အခု အပိုင်း (၂) နဲ့ အပိုင်း (၃) မှာတော့ အရင်ထက်
ပိုကောင်းတဲ့ စနစ် နဲ့ ရောင်းချနိုင်ဖို့ စီစဉ်နေတယ်” ဟု
မြို့ပြနှင့် အိမ်ရာဖွံ့ဖြိုးရေး ဦးစီးဌာန၊ ရန်ကုန်တိုင်းဒေသကြီးမှ
တာဝန်ရှိသူတစ်ဦးက ပြောသည်။

ရွှေလင်ပန်း တန်ဖိုးနည်းအိမ်ရာစီမံကိန်း အပိုင်း (၁) အား
၂ဝ၁၄ ခုနှစ်၊ ဇန်နဝါရီလတွင် အပြီးသတ် တည်ဆောက်ခဲ့ပြီး
နောက်ပိုင်း ဝယ်ယူလိုသူများအား လျှောက်လွှာ ခေါ်ယူခဲ့ရာ
ဇူလိုင်လ နောက်ဆုံးပတ်တွင် လျှောက်လွှာခေါ်ဆိုမှုများကို
ရပ်ဆိုင်းခဲ့သည်။ ထို့နောက် အဆင့်ဆင့် ဆောင်ရွက်ခဲ့ပြီး
နိုဝင်ဘာလတွင် လျှောက်လွှာတင်ထားသူများအား
မဲနှိုက်စနစ်ဖြင့် ရောင်းချပေးခဲ့သည်။

“တန်ဖိုးနည်းအိမ်ရာဆိုပြီး လိုချင်ခဲ့တာ၊ လျှောက်လွှာလည်း
တင်ပါတယ်။ မရခဲ့ဘူး။ လျှောက်လွှာတင်ရတာလည်း
အရမ်း ခဲယဉ်းတယ်။ တင်တဲ့သူတွေလည်း အရမ်းများတယ်။
အပြင်မှာ လျှောက်လွှာ ပြန်ရောင်းစားတာတွေတောင် ရှိခဲ့တယ်။
နောက် ထပ်ရောင်းဖို့ ရှိတယ်လို့လည်း သိရတယ်။
ပြည်သူတွေအတွက် ရောင်းပေးမယ်ဆိုရင် ပြည်သူတွေ
အလွယ်တကူ ဝယ်နိုင်မယ့် စနစ်မျိုးကို လုပ်ဆောင်
ပေးသင့်တယ်” ဟု မရမ်းကုန်းမြို့နယ် တွင် နေထိုင်သူ
မတင်မာလွင်က ပြောသည်။

မကြာခင် ပြီးစီးတော့မည့် ရှစ်ခန်းတွဲ၊ လေးထပ် ၁၄ လုံးနှင့်
လေးခန်းတွဲ လေးထပ် သုံးလုံးပါ အပိုင်း (၂) စီမံကိန်း၊
ခြောက်ခန်းတွဲ လေးထပ် ၂၁ လုံးပါ အပိုင်း (၃) စီမံကိန်းတို့အား
ဒီဇင်ဘာလတွင် အပြီးသတ်ဆောက်လုပ်နိုင် ရန်
ကြိုးစားလုပ်ဆောင်လျက်ရှိပြီး အပိုင်း နှစ်ခုအတွက်
အခန်း ပေါင်း ၁,ဝဝဝ တိတိ ဆောက်လုပ်သွားမည် ဖြစ်ကြောင်း
မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ သိရသည်။

အဆိုပါ တန်ဖိုးနည်းအိမ်ရာစီမံကိန်းအား
လှိုင်သာယာ မြို့နယ်၊ ရွှေလင်ပန်းစက်မှုဇုန်အနီး၊
ရွှေလင်းပန်းရွာ အဟောင်း မြေနေရာ၌ တည်ဆောက်နေခြင်း
ဖြစ်ပြီး ၎င်းးစီမံကိန်းအား ၂ဝ၁၃ ခုနှစ်၊ ဇွန်လ ၂၃ ရက်တွင်
စတင်ခဲ့ခြင်း ဖြစ်သည်။

လက်ရှိ၌ တန်ဖိုးနည်းအိမ်ရာအဖြစ် ရန်ကုန်တိုင်းဒေသကြီး
အတွင်း ရွှေလင်ပန်းတန်ဖိုးနည်းအိမ်ရာနှင့်
ကျန်စစ်မင်း တန်ဖိုး နည်း အိမ်ရာတို့အား
တည်ဆောက်လျက်ရှိကြောင်း သိရ သည်။

(ကြူကြူးကို)

credit - 7day daily & Trade Time Journal