“ထိပ်စီး မငြိမ်သေးသော အခွန်စနစ်နှင့် ခိုင်မာသည့် မူဝါဒများ လိုအပ်နေသေးသည့် တန်ဖိုးနည်းအိမ်ရာများ”

“ထိပ်စီး မငြိမ်သေးသော အခွန်စနစ်နှင့် ခိုင်မာသည့် မူဝါဒများ
လိုအပ်နေသေးသည့် တန်ဖိုးနည်းအိမ်ရာများ”
၁။ "အခွန်မဆောင်ပါက ကား၊ အိမ်ခြံမြေနှင့် တန်ဖိုးကြီး
ပစ္စည်းများ ၀ယ်ယူခွင့်မပြုသော စနစ် သမ္မတထံ
တင်ပြရန်စီစဉ်"

နိုင်ငံတော်သို့ တရားဝင် အခွန်ပေးဆောင်ခြင်း မရှိပါက
ကား၊ အိမ်ခြံမြေအပါအ၀င် တန်ဖိုးကြီးကုန်ပစ္စည်းများဝယ်ယူခွင့်
မပြုသည့်အခွန်စနစ်ကို ပြဋ္ဌာန်းရန် နိုင်ငံတော်သမ္မတထံသို့
တင်ပြရန်စီစဉ်နေကြောင်း ပြည်တွင်း အခွန်များဦးစီး
ဌာနညွှန်ကြားရေးမှူးချုပ်ဦးမင်းထွဋ်ကပြောသည်။

နိုင်ငံတကာတွင် ကျင့်သုံးခြင်းမရှိသည့် အိမ်ခြံမြေ၊ ကားစသည့်
တန်ဖိုးကြီးကုန်ပစ္စည်းများ ရောင်းဝယ်ရာ၌ တရားဝင်ငွေရလမ်း
မဖော်ပြနိုင်သည့်(စည်းကြပ်မှုကင်းလွတ်ခြင်း)အတွက်
ကောက်ခံနေသော အခွန်စနစ်ကို ပယ်ဖျက်ရန်စီစဉ်ခြင်း
ဖြစ်သည်။

ဝင်ငွေရလမ်းမဖော်ပြနိုင်ပါက ယခုအခါကားဝယ်ယူရာတွင်
၁၅ရာခိုင်နှုန်းနှင့် အိမ်ခြံမြေ၀ယ်ယူရာ၌ အများဆုံး
၃၀ရာခိုင်နှုန်းနှင့်အထက် အခွန်ပေးဆောင်ရန်ပြည်ထောင်စု
အခွန်အကောက်ဥပဒေတွင် ပြဋ္ဌာန်းထားသည်။

တရားဝင်အခွန်ဆောင်ထားခြင်းမရှိသော စည်းကြပ်မှု
ကင်းလွတ်နေသည့် ငွေဖြင့်ဝယ်ယူခြင်း
(တစ်နည်းငွေမည်းဖြင့် ၀ယ်ယူခြင်း)များကို မြန်မာတစ်နိုင်ငံသာ
လက်ရှိအချိန်၌ ခွင့်ပြုထားခြင်း ဖြစ်သည်ဟု ဆိုသည်။

‘‘မြန်မာနိုင်ငံအနေနဲ့ ငွေကြေးခ၀ါချမှုကို ခွင့်ပြုသလိုဖြစ်နေတော့
နိုင်ငံတကာမှာ ပုံရိပ်မကောင်းဘူး။ ဒါကြောင့် ဒီစနစ်ကို
ပယ်ဖျက်ဖို့ကြိုးစားတာပါ’’ဟု ဦးမင်းထွဋ်ကပြောသည်။

ထိုစနစ်ကို ဖျက်သိမ်းမည် ဆိုပါက
လာဘ်စားမှုမှရရှိသော ငွေများဖြင့်ဝယ်ယူမှုများ၊
မူးယစ် ဆေးဝါးရောင်းဝယ်မှုမှ ရရှိသောငွေများဖြင့် ၀ယ်ယူမှုများ
အပါအ၀င် အစိုးရကိုအခွန်ဆောင်ထားခြင်းမရှိသောငွေများဖြင့်
ဝယ်ယူမှုကို တားဆီးနိုင်လာမည်ဖြစ်ကြောင်းဦးမင်းထွဋ်က
ဆက်လက် ပြောကြားသည်။

တရားမ၀င်ငွေမည်းများကို ခ၀ါချမှုများရှိခဲ့သော
မြေကစားမှုများကြောင့် အိမ်ခြံမြေဈေးနှုန်း ကြီးမြင့်မှု၊
တရားမ၀င်ငွေကြေး ဈေးကွက်တွင် နိုင်ငံခြားငွေရောင်းဝယ်
ခြင်းဖြင့် ငွေကစားမှုနှင့်ငွေကြေးဖောင်းပွမှုတို့ကို ထိန်းသိမ်း
လာနိုင်မည်ဟု ၎င်းကဆိုသည်။

လက်ရှိအစိုးရ၏ ၀င်ငွေသည် အခွန်အပေါ်တွင် အဓိက
ထားသဖြင့် စည်းကြပ်မှုမှကင်းလွန်ခွန်စနစ်ကို ဖျက်သိမ်းလျှင်
တရားဝင်အခွန်ဆောင်သည့် ဒီမိုကရေစီ အလေ့အကျင့်ကောင်း
များလည်းဖြစ်လာမည်ဟု စီးပွားရေးလုပ်ငန်းရှင်အချို့က
ထောက်ခံပြောကြားသည်။

ထိုစနစ်ကို စတင်ဖျက်သိမ်းချိန်တွင် စီးပွားရေးတုံ့နှေးနိုင်သော်
လည်း အချိန်ကာလတစ်ခုကြာမြင့်ပါက ပုံမှန်ပြန်ဖြစ်လာမည်ဟု
စီးပွားရေးလုပ်ငန်းရှင်ဒေါက်တာ စိုးထွန်းကပြောသည်။

‘‘ပြောင်းတဲ့အချိန်မှာတော့ ၀ယ်မရ၊ ရောင်းမရနဲ့ လုပ်ငန်းတွေ
ရပ်သွားနိုင်တယ်’’ဟု ၎င်းကပြောသည်။

(ပြည်သိမ်း)

***

၂။ "အမှန်တကယ်အိမ်ရာလိုအပ်သူများအတွက် ခိုင်မာသည့်
မူဝါဒများလို"

အိမ်ရာလိုအပ်ချက်မြင့်မားနေသည့် ရန်ကုန်မြို့တွင် နိုင်ငံတော်၏
အစီအစဉ်ဖြင့် ဆောက်လုပ်ပြီးနှင့်ဆောက်လုပ်ဆဲဖြစ်သော
တန်ဖိုးနည်းအိမ်ရာစီမံကိန်းများက ထွက်ရှိလာမည့် တိုက်ခန်း
များကို  ပြည်သူများလက်ဝယ်သို့ ရောက်ရှိစေရန် ခိုင်မာ
တိကျသည့်အိမ်ရာမူဝါဒများ၊ စည်းမျဉ်းစည်းကမ်းများ
ချထားရန်လိုအပ်ကြောင်း၊ လွှတ်တော်ကိုယ်စားလှယ်များက
မြန်မာတိုင်း(မ်)ကို ပြောသည်။

ယခင်အစိုးရလက်ထက်ကမူ အဆိုပါ အိမ်ရာနေထိုင်လိုသူများက
တိုင်းဒေသကြီး အစိုးရအဖွဲ့သို့တိုက်ခန်းဝယ်ယူခွင့်လျှောက်လွှာ
များဖြင့် ကြိုတင်လျှောက်ထားရပြီး မဲနှိုက်ကာ ပေါက်မဲစနစ်ဖြင့်
ရွေးချယ်ခြင်းဖြစ်သည်။

ထို့နောက် လက်ငင်းငွေချေခြင်း၊ အရစ်ကျ ငွေပေးချေခြင်း စသည့်
စနစ်များဖြင့် ၀ယ်ယူရသည်။ မဲစနစ်ဖြင့် ၀ယ်ယူခဲ့သူတချို့မှာ
မိမိတို့တိုက်ခန်းများကို လက်လွှဲပြန်လည်ရောင်းချခြင်း၊
အငှားချထားခြင်းများ ပြုလုပ်ခဲ့ကြသည်။

တချို့မှာမူ ၀ယ်ယူခွင့်မဲပေါက်ခဲ့သော်လည်း လာရောက်
ဆက်သွယ်ခြင်းမရှိခဲ့ပေ။

မင်္ဂလာဒုံမြို့နယ်ပြည်သူ့လွှတ်တော် ကိုယ်စားလှယ်
ဦးအောင်လှိုင်ဝင်းက လျှောက် ထားသူများ၏ သတင်း
အချက်အလက် ပြည့်စုံစွာ မရခြင်းကြောင့် အိမ်ရာချထား
ပေး ရာတွင် လွဲမှားမှုများရှိနေကြောင်းပြောသည်။

"နိုင်ငံတကာမှာက ၀င်ငွေကိုကြည့်ပြီးမှ ၀င်ငွေနိမ့်တဲ့သူတွေကို
ဦးစားပေး ရောင်းတယ်။ဝင်ငွေနည်းတဲ့လူတွေပဲ မဲနှိုက်ခွင့်
ရမယ်။ ကျန်တဲ့လူတွေ နှိုက်ခွင့်မရတဲ့စနစ်နဲ့ ရောင်းချတယ်"
ဟု ၎င်းကပြောသည်။

ယခုမူ ၀င်ငွေမြင့်သူများလည်း လာရောက်လျှောက်ထားပြီး
ပြန်လည်ရောင်းချမှုများ ရှိနေကြောင်း ပြောသည်။

"အပြင်မှာဖြစ်နေတာက တန်ဖိုးနည်း အိမ်ရာကို ချမ်းသာတဲ့
လူကော၊ဆင်းရဲတဲ့လူကော ၀င်လုကြတဲ့သဘောဖြစ်နေလို့
တကယ် လိုတဲ့လူတွေ မရကြတာဖြစ်တယ်။
အိမ်လေး အလုံး ၁၀၀ လောက်ဆောက်ပြီး မဲဖောက်
ရောင်းနေရင်လည်း ဒီကိစ္စက အဆင်ပြေမှာ
မဟုတ်ဘူး။ တိကျတဲ့မူဝါဒ ချဖို့လိုလာပြီ"ဟု ၎င်းက
ပြောသည်။

ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီး
ဌာနမှ တွက်ချက်မှုအရ ရန်ကုန်မြို့တွင်နှစ်စဉ် အိမ်ထောင်စု
ဦးရေ၏ ၇၅,၀၀၀ မှ ၁၀၀,၀၀၀ ခန့်အထိ ရှိနေ သည်။

အများစုမှာ အခြေခံလူတန်းစားများ၊ အစိုးရနှင့် ပုဂ္ဂလိက
လုပ်ငန်းများတွင်လုပ်ကိုင်နေသည့် လူလတ်တန်းစား
ဝန်ထမ်းများဖြစ်ကြသည်။

တန်ဖိုးနည်းအိမ်ရာအများစုမှာ မြို့တွင်း နှင့်
အလှမ်းကွာပြီး သွားလာရခက်ခဲခြင်း၊ ရေမီးပြည့်စုံအောင်
ထောက်ပံ့နိုင်မှုအားနည်း ခြင်း စသည့်အချက်အလက်များကို
ပြုပြင်နိုင်ရန်လည်း လိုအပ်နေသေးကြောင်း ရန်ကုန်တိုင်း
ဒေသကြီးလွှတ်တော်၊ သင်္ဃန်းကျွန်းမြို့ နယ်မဲဆန္ဒနယ်
အမှတ်(၁)မှ တိုင်းဒေသကြီး လွှတ်တော်ကိုယ်စားလှယ်
ဦးနေဘုန်းလတ်က ပြောသည်။

"လူတွေကို နေပျော်တဲ့ ဘ၀လေးတစ်ခု ဖန်တီးပေးရမယ်။
တိုက်အမြင့်ကြီးဆောက်၊အခန်းလေးပေးလိုက်၊ အခန်းတွေ
ထွက်လာပြီး နေရာချပေးလိုက်ရုံနဲ့ အဆင်မပြေနိုင်ဘူး။
သွားဖို့လမ်းလည်း ရှိရမယ်၊ အပန်းဖြေစရာနေရာလေးလည်း
ပါရမယ်၊ လိုအပ်ချက်တွေလည်းပြည့်စုံအောင် ဖြည့် ဆည်း
ပေးနိုင်မှ အောင်မြင်မယ်"ဟု ၎င်းကပြောသည်။

"အခုဘာဖြစ်နေလဲဆိုတော့ အချို့နေရာတွေဆိုရင် လူတွေကို
အခန်းတွေပေး တိုက်ဆောက်ပြီး တင်ပေးလိုက်ပေမဲ့
ရေတောင် မှန်မှန်မပေးနိုင်ဘူးဆိုတော့ အဆင်မပြေကြဘူး။
ဒီလိုအမှားတွေ၊ စနစ်တွေကိုတာဝန် ရှိသူတွေ ပြန်စဉ်းစားမှာ
သေချာပါတယ်"ဟု ၎င်းကဆိုသည်။

ဒဂုံမြို့သစ်ဆိပ်ကမ်းနှင့်လှိုင်သာယာ မြို့နယ်များအတွင်း
တည်ဆောက်ပြီးစီးခဲ့ သည့် ယုဇန၊ ကနောင်နှင့် ရွှေလင်ပန်း
တန်ဖိုး နည်းအိမ်ရာများမှ တိုက်ခန်းပေါင်း ၂၂၀ ကျော်ကို
ယခုလအတွင်း မဲစနစ်ဖြင့်ရောင်းချ ပေးသွားမည်ဖြစ်ကြောင်း
ဆောက်လုပ်ရေး ၀န်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီး
ဌာန၏ ညွှန်ကြားရေးမှူးချုပ် ဦးမင်းထိန်က ပြောသည်။

အမြင့်ဆုံးတန်ဖိုးအားဖြင့် မြေညီ ထပ်တစ်ခန်းလျှင် ကျပ်သိန်း
၁၂၀ ဖြစ်သည်။
"လိုနေတဲ့အိမ်ရာတွေကို ဆက်ပြီးဆောက် သွားမှာပါ။
စည်းမျဉ်းစည်းကမ်းသစ်တွေလည်း ရေးဆွဲနေပါတယ်။
ပြည်သူတွေကလည်း တန်ဖိုးနည်းအိမ်ရာတွေနဲ့ ပတ်သက်ပြီး
စိတ်ဝင်စားနေတာကြောင့်လည်း မဲနှိုက်လိုက် တာ အကောင်းဆုံး
နည်းလမ်းပဲ ဖြစ်ပါလိမ့်မယ်"ဟု၎င်းကပြောသည်။

အစိုးရသစ်လက်ထက်တွင် အများပြည်သူ အိမ်ရာ
လိုအပ်ချက်များဖြည့်ဆည်းနိုင်ရန် ရည်ရွယ်ချက်ဖြင့်
ကျပ်သိန်း ၁၀၀ အောက် တန်ဖိုးနည်းတိုက်ခန်းပေါင်း
၂၀၀,၀၀၀ အထိ နိုင်ငံတစ်ဝန်းတွင် တည်ဆောက်ရန်လျာ
ထားသည်။

ကနဦးစီမံချက်အဖြစ် အိမ်ရာလိုအပ်ချက် အများအပြား
ရှိနေသည့် ရန်ကုန်တိုင်းဒေသကြီးအတွင်း၌လည်း
ကျပ်သိန်း ၁၀၀ အောက်တန်ဖိုးနည်းတိုက်ခန်းပေါင်း
၈,၀၀၀ ကို စတင်ဆောက်လုပ်နေပြီဖြစ်သည်။

(ဇေယျာလင်း)

credit - 7day Daily & The Myanmar Times