“လယ်မြေများကို အကွက်ရိုက် ရောင်းချမည် ဆိုလျှင်”

“လယ်မြေများကို အကွက်ရိုက် ရောင်းချမည် ဆိုလျှင်”

၁။ "ထန်းတပင်မြို့နယ်ရှိ လယ်မြေများ အကွက်ရိုက်
ရောင်းချနေသူများကို အရေးယူမည်"

ရန်ကုန်တိုင်းဒေသကြီး ထန်းတပင်မြို့နယ်တွင် လယ်ယာမြေ
များကို အကွက်ရိုက်ကာ စီးပွားဖြစ် ရောင်းချနေသူများကို
အရေးယူရန် တိုင်းဒေသကြီး အစိုးရအဖွဲ့က စီစဉ်နေကြောင်း
ထန်းတပင်မြို့နယ်၊ မဲဆန္ဒနယ် အမှတ်(၁)မှ
ဦးအောင်ဘုန်းကျော်စံဦး က ပြောကြားသည်။

အဆိုပါမြို့နယ်တွင် လယ်ယာမြေကို အခြားနည်းသုံးစွဲခွင့်
မရရှိဘဲ ပလပ်မြေ၊ စာကျက်မြေများနှင့် ကိုယ်ပိုင်လယ်ယာမြေ
များကို အမြတ်ထုတ်မည့်သူများက ဝယ်ယူပြီး အကွက်ရိုက်
ရောင်းစားခြင်းများ၊ လယ်ယာမြေပေါ်တွင် ဆောက်လုပ်ခွင့်
မရရှိဘဲ ကျူးကျော်နေထိုင်သူများကို အရေးယူမည်ဖြစ်ကြောင်း
၎င်းက ဆိုသည်။

“လယ်မြေကို အခြားနည်းသုံးစွဲခွင့် မရဘဲနဲ့ ခြံတွေ အကွက်
ရိုက်တယ်။ လမ်းတွေ ဖောက်တယ်။
အခိုင်အမာ အဆောက်အအုံတွေ ဆောက်တာ ဥပဒေနဲ့အညီ
အရေးယူဖို့ ရှိ၊ မရှိ တိုင်းလွှတ်တော်မှာ မေးခွန်းမေးမြန်းခဲ့တာ
ကို ရောင်းချတဲ့သူတွေကို အရေးယူမယ်လို့ ဝန်ကြီးက
ပြောထားပါတယ်။
အခုလက်ရှိတော့ အရေးယူဖို့ ဆောင်ရွက်နေပါတယ်” ဟု
ဦးအောင်ဘုန်းကျော်စံဦးက ဆိုသည်။

ထန်းတပင်မြို့နယ်တွင် လယ်မြေ တစ်ဧကကို
သိန်းတစ်ရာ၊ နှစ်ရာကျပ်ဖြင့် ဝယ်ယူကာ ပေ ၂၀၊ ပေ ၆၀
နှင့် ပေ ၄၀ ၊ ပေ ၆၀ အကွက်များ ရိုက်ကာ တစ်ကွက်လျှင်
သိန်း ၅၀မှ သိန်းတစ်ရာအထိလည်းကောင်း၊
လမ်းမဘေးနေရာများတွင် သိန်းငါးရာမှ သိန်းတစ်ထောင်
ကျော်အထိ ဈေးခေါ်ကာ အရပ်စာချုပ်ဖြင့် ရောင်းချလျက်
ရှိကြောင်း တိုင်းလွှတ်တော် ကိုယ်စားလှယ်ထံမှ
သိရသည်။

ယခုလက်ရှိ ထန်းတပင်မြို့နယ်တွင် လယ်ယာမြေကို
အကွက်ရိုက်ကာ ဝယ်ယူနေထိုင်သည့် ကျူးကျော်အိမ်ခြေ
နှစ်သောင်းခန့်ရှိပြီး အနောက်ပိုင်းတက္ကသိုလ် လမ်းမကြီး၊
ဝါးတရာ အုပ်စုနားတွင် အများဆုံး နေထိုင်လျက်ရှိသည်။

*****

၂။ "မြေများကို အကွက်ရိုက်ရောင်းသည့် ရပ်/ကျေး
အုပ်ချုပ်ရေးမှူး ၁၅ ဦးကို အရေးယူ"

မွန်ပြည်နယ်အတွင်း မြို့နယ် ၁၀ အတွင်းတွင် မြေများအား
အကွက်ရိုက်၍ ရောင်းချနေသည့် ကျေးရွာ အုပ်ချုပ်ရေးမှူး
၁၅ ဦး ခန့်အား အမှုဖွင့် အရေးယူထားပြီး ဖြစ်ကာ လယ်မြေ၊
ဥယျာဉ်ခြံမြေ၊ စားကျက်မြေနှင့် ကျေးရွာပိုင်မြေများအား
အကွက်ရိုက်၍ ရောင်းချခြင်း မပြုလုပ်ရန်အတွက်
အုပ်ချုပ်ရေးမှူးများအား ခံဝန်ချက် ထိုးခိုင်းထားကြောင်း
မွန်ပြည်နယ် ဝန်ကြီးချုပ် ဒေါက်တာ အေးဇံက ပြောသည်။

“စုစုပေါင်း ၁၅ ဦးလောက်ကို အရေးယူ ထားတယ်၊ မော်လမြိုင်
ခရိုင်မှာလည်း ရှိတယ်၊ သထုံ ခရိုင်မှာလည်း ရှိတယ်၊ သူတို့ကို
တရားရုံးမှာ တရားစွဲဆို ထားပါတယ်၊ အဂတိလိုက်စားတဲ့
ပုဒ်မနဲ့ပါ” ဟု မွန်ပြည်နယ် ဝန်ကြီးချုပ် ဒေါက်တာ အေးဇံက
ဧရာဝတီသို့ ပြောကြားသည်။

ကျေးရွာ အုပ်ချုပ်ရေးမှူးများသည် ၎င်းတို့ စီမံခွင့် ရှိသည့်
စားကျက်မြေ၊ ကျေးရွာပိုင် မြေများနှင့် အခြား မြေများအား
ကျေးရွာ ဖွံ့ဖြိုးတိုးတက်ရေး ရန်ပုံငွေအတွက်ဟု ဆိုကာ
ခေါင်းစဉ်တပ်၍ ရောင်းချခဲ့ပြီး ၎င်းရောင်းချရသည့်ငွေကြေးများ
ကို ကျေးရွာ ဖွံ့ဖြိုးတိုးတက်ရေးအတွက် သုံးစွဲထားသည့်
စာရင်း ဇယားများဖြင့် မပြနိုင်၍ ၎င်းတို့အား အဂတိ
လိုက်စားမှု ပုဒ်မဖြင့် တရားစွဲဆို ထားခြင်း ဖြစ်ကြောင်း
သိရသည်။။

မွန်ပြည်နယ် ရှိ မြို့နယ် ၁၀ မြိုနယ် အတွင်းရှိ ကျေးရွာ
အုပ်ချုပ်ရေးမှူးများအား ပြီးခဲ့သည့် ဖေဖော်ဝါရီလ ၁ ရက်နေ့
တွင် မွန်ပြည်နယ် အစိုးရ အဖွဲ့က ဆင့်ခေါ်၍ ၎င်းတို့
စီမံပိုင်ခွင့်ရှိသည့် စားကျက်မြေ၊ ကျေးရွာပိုင်မြေများနှင့်
မည်သည့် မြေအမျိုးအစားများကို မဆို တရားဝင်
လျှောက်ထား၍ အခြားနည်း အသုံးပြုခွင့်မရှိပဲ ရောင်းချခြင်းများ
ပြုလုပ်ခဲ့ပါက ပြင်းထန်စွာ အရေးယူခံရမည် ဖြစ်ကြောင်း
ခံဝန်ချက် ရေးထိုးခိုင်းခဲ့ပြီး ဖြစ်သည်။

ထိုသို့ ဖမ်းဆီးအရေးယူထားသည့် ကျေးရွာ အုပ်ချုပ်ရေးမှူးများ
အနက် ပေါင်မြို့နယ်အတွင်းမှ ကျေးရွာ အုပ်ချုပ်ရေးမှူးများမှာ
အများစု ဖြစ်ကြောင်း မွန်ပြည်နယ် စိုက်ပျိုး မွေးမြူရေးနှင့်
ပို့ဆောင်ဆက်သွယ်ရေး ဝန်ကြီး ဦးထွန်းဌေးက
ဧရာဝတီသို့ ဆက်လက် ပြောကြားသည်။

ဝန်ကြီး ဦးထွန်းဌေးက
“ကျနော်တို့ ပြည်နယ်အစိုးရ အဖွဲ့က စီမံခန့်ခွဲ ပိုင်ခွင့်မရှိတဲ့
မြေအမျိုးအစားတွေလည်း ရှိတယ်၊ ဥပမာ စားကျက်မြေတို့
ရွာသီးသန့် မြေတို့ အဲဒီမြေ အမျိုးအစားတွေက သက်ဆိုင်ရာ
ရပ်ကျေး အုပ်ချုပ်ရေးမှူးတွေရဲ့ စီမံခန့်ခွဲပိုင်ခွင့် အောက်မှာ
ရှိသွားတယ်၊ အကွက်ရိုက်တယ်၊ ရောင်းစားတယ်၊ သူတို့
ကိုယ်ပိုင် စည်းတံဆိပ်တွေ ထုပေးတယ်၊ အထူးသဖြင့်
ပေါင်မြို့နယ်ထဲက ရပ်ကျေး အုပ်ချုပ်ရေးမှူးတွေ အများစု
ပါဝင်တာကို တွေ့ရတယ်” ဟု ရှင်းပြသည်။

မွန်ပြည်နယ် လွှတ်တော်သို့ ရေးသား ပေးပို့ လာသည့်
တိုင်စာ များအနက် ကျေးရွာ အုပ်ချုပ်ရေးမှူးများမှ မြေကွက်
အကွက်ရိုက် ရောင်းချခြင်း အပါအဝင် မြေယာပြဿနာနှင့်
စပ်လျဉ်းသည့် တိုင်စာများ အများဆုံး ဖြစ်ကာ ၂၀၁၆ ခုနှစ်
အတွင်းတွင် မွန်ပြည်နယ် လွှတ်တော်မှ လက်ခံ ရရှိ
ထားသည့် တိုင်စာ အစောင်ရေ ၁၃၀၀ ကျော် အနက်
မြေယာနှင့် ပတ်သက်သည့် တိုင်စာ ၅၀ ရာခိုင်နှုန်းကျော်
ရှိကြောင်း မွန်ပြည်နယ် တိုင်ကြားစာ၊ အသနားခံစာ၊
တင်ပြစာများနှင့် အထွေထွေ ကိစ္စရပ်များ လေ့လာ
သုံးသပ်ရေး ကော်မီတီ ဥက္ကဋ္ဌ ဦးအောင်ကျော်သူထံက
သိရသည်။

မေလ ၇ ရက်နေ့က ကျင်းပသည့် မွန်ပြည်နယ် လွှတ်တော်
ဒုတိယအကြိမ် ဆဋ္ဌမမြောက် ပုံမှန် အစည်အဝေး၌
ပေါင်မြို့နယ် မဲဆန္ဒနယ် အမှတ် ၂ မှ လွှတ်တော်
ကိုယ်စားလှယ် ဦးဇော်ဇော်ထူးက မြေကြီးတူး ရောင်းစားမှု၊
အကွက်ဖော် ရောင်းစားမှုနှင့် ပတ်သက်၍ သိရှိလိုသော
ကြယ်ပွင့်ပြ မေးခွန်းအား မေးမြန်းခဲ့ရာ ထိုသို့ ပြုလုပ်နေခြင်း
ကို ဆက်လက် အရေးယူ ဆောင်ရွက်သွားရန် ရှိကြောင်း
မွန်ပြည်နယ် ဝန်ကြီးချုပ် ဒေါက်တာ အေးဇံနှင့် မွန်ပြည်နယ်
စိုက်ပျိုး မွေးမြူရေးနှင့် ပို့ဆောင် ဆက်သွယ်ရေး
ဝန်ကြီး ဦးထွန်းဌေး တို့က ဖြေကြားသွားခဲ့သည်။

ပြီးခဲ့သည့် ဇွန်လ ၁ ရက်နေ့တွင် မွန်ပြည်နယ် အစိုးရရုံး၌
ပြုလုပ်ခဲ့သည့် အစိုးရ သက်တမ်း ၁ နှစ်ပြည့် လုပ်ဆောင်ချက်
များနှင့် ပတ်သက်သည့် သတင်းစာ ရှင်းလင်းပွဲ၌လည်း
မွန်ပြည်နယ် ဝန်ကြီးချုပ် ဒေါက်တာ အေးဇံက လယ်မြေအား
အခြားနည်း အသုံးပြုခွင့် မရပဲ အဆောက်အဦ
ဆောက်လုပ်ခြင်း၊ အကွက်ရိုက် ရောင်းချခြင်း၊ လယ်မြေများမှ
မြေတူး၍ အုတ်ဖုတ်လုပ်ခြင်း စသည့် ပြဿနာများ မွန်ပြည်နယ်
အတွင်း၌ ကျယ်ကျယ်ပြန့်ပြန့် ဖြစ်ပေါ်နေကြောင်း
ပြောကြားထားသည်။

ဟင်္သာနီ (မွန်မြေ)

credit - The Voice & Irrawaddy Publishing Group

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/726764717432470/photos/a.727586294016979.1073741828.726764717432470/1183546585087612/?type=3&theater