“နိုင်ငံတကာနှင့် ရင်ပေါင်တန်းတော့မည့် ဂျက်ပါဝါနှစ် နှင့် အထူးစီးပွားရေးဇုန် စီမံကိန်း ငါးခု မိတ်ဆက်ပွဲ”

“နိုင်ငံတကာနှင့် ရင်ပေါင်တန်းတော့မည့် ဂျက်ပါဝါနှစ် နှင့်
အထူးစီးပွားရေးဇုန် စီမံကိန်း ငါးခု မိတ်ဆက်ပွဲ”

၁။ "မြန်မာ့ စီးပွားရေး ဂျက်ပါဝါနှင့် လေထဲပြေးမည့်နှစ်ဟု
စီမံ/ဘဏ္ဍာဝန်ကြီး ကြုံးဝါး"

အမျိုးသား ဒီမိုကရေစီအဖွဲ့ချုပ် (NLD) အစိုးရက မြန်မာပြည်
စီးပွားရေးကို အရှိန်အဟုန်နှင့် တိုးတက်အောင် ဆောင်ရွက်
တော့မည် ဖြစ်၍ မြန်မာ့ စီးပွားရေးသည် ယခုနှစ်၌ ကမ္ဘာ
မြေကြီး၏ ဆွဲငင်အားကို တွန်းကန်ပြီး ဂျက်ပါဝါနှင့် လေထဲသို့
ပြေးမည့်နှစ်ဟု သတ်မှတ်နိုင်ကြောင်း စီမံကိန်းနှင့် ဘဏ္ဍာရေး
ဝန်ကြီး ဦးကျော်ဝင်းက ယနေ့ နေပြည်တော်ရှိ MICC – 2
တွင် ကျင်းပသည့် မြန်မာ့ ရင်းနှီးမြုပ်နှံမှု ဖိုရမ်
အဖွင့်အမှာစကားတွင် ကြုံးဝါး ပြောဆိုလိုက်သည်။

“ကျနော်တို့ အစိုးရအဖွဲ့ အနေနဲ့ ခံယူထားတဲ့ ခံယူချက်လေး
တခု ရှိပါတယ်။
ပြီးခဲ့တဲ့ ကုန်ဆုံးခဲ့တဲ့ တနှစ်တာကာလမှာ လေယာဉ်ပျံတစီး
အနေနဲ့ Run way မှာ ပြေးတဲ့ အချိန်ကာလလို့ သတ်မှတ်
တယ်။
ဒါပေမယ့် ဒီနှစ် ဒီကာလကတော့ Run Way ကနေပြီးတော့
ကမ္ဘာ မြေကြီးရဲ့ Gravity ကို ဆန့်ကျင်တွန်းကန်ပြီးတော့
ဂျက်ပါဝါနဲ့ လေထဲကိုပြေးမယ့်နှစ်လို့ ပြောရပါတယ်” ဟု
ဦးကျော်ဝင်းက ပြောသည်။

စီမံကိန်းနှင့် ဘဏ္ဍာရေးဝန်ကြီးဌာနသည် မြန်မာ့ စီးပွားရေး
မူဝါဒ ၁၂ ချက်ကို ချမှတ်ရန် အကောင်အထည်ဖော်မည်ဟု
၂၀၁၆ ခုနှစ် သြဂုတ်လတွင် ထုတ်ပြန်ခဲ့သော်လည်း
လက်တွေ့တွင် စီးပွာရေး တိုးတက်မှု မရှိခဲ့ခြင်းကြောင်း
ပြည်သူများ၏ ဝေဖန်မှုကို ခံနေရသည်။

အစိုးရသစ်အနေဖြင့် တိုင်းပြည် စီးပွားရေး တိုးတက်အောင်
ဆောင်ရွက်ရာတွင် ယခင် အစိုးရ၏ လုပ်ဆောင်ချက်
အကောင်း အဆိုး များကို ဆက်လက် တာဝန်ယူရကြောင်း၊
တိုင်းပြည် စီးပွားရေးကို လူတစုက ခြယ်လှယ်ခြင်းမျိုး မဖြစ်
စေရန် ဆောင်ရွက်နေကြောင်း
ဝန်ကြီး ဦးကျော်ဝင်းက ပြောသည်။

“ကျနော်တို့ရှိတဲ့ အစွမ်းအစနဲ့ မီးကုန်ယမ်းကုန် ကြိုးစားပြီး
တော့ ထောင်တက်နိုင်အောင်၊ တွန်းလှန်တက်နိုင်အောင်လို့
တက်နေအောင် ကြိုးစားသွားပါမယ်။ ဒါဟာ ကျနော်တို့
လက်ရှိ ရည်မှန်းထားတဲ့ ရည်မှန်းချက်တခု ဖြစ်ပါတယ်”ဟု
ဦးကျော်ဝင်းက ပြောသည်။

မြန်မာ့ ရင်းနှီးမြုပ်နှံမှု ဖိုရမ်ကို ကျင်းပနိုင်သဖြင့် မြန်မာနိုင်ငံ၏
ဖြစ်ပေါ်တိုးတက် ပြောင်းလဲမှုများကို နိုင်ငံတကာမှ ပုဂ္ဂိုလ်များ
ကိုယ်တိုင် ကိုယ်ကျ လေ့လာနိုင်မည်ဖြစ်ပြီး ရင်းနှီးမြုပ်နှံလိုသူ
များအတွက် အထောက်အကူ ဖြစ်စေနိုင်ကြောင်း
မြန်မာ ရင်းနှီးမြုပ်နှံမှု ကော်မရှင်
အတွင်းရေးမှူး ဦးအောင်နိုင်ဦးက ဧရာဝတီသို့ ပြောသည်။

ဦးအောင်နိုင်ဦးက
“ကျနော်တို့ အဓိက လိုနေတာက Infrastructure ပါ။
အဲဒီအတွက်လည်း မူဝါဒတွေ ချပြီးတော့ တိုးမြင့် ဆောင်ရွက်
နေတာမျိုးတွေ ရှိပါတယ်။
ဥပဒေပိုင်းဆိုင်ရာကလည်း အရင်ထက်စာရင်တော့
ပိုအားကောင်းလာပေမယ့် ပြည့်စုံတဲ့အဆင့်တော့ မရောက်
သေးဘူး” ဟု ပြောသည်။

တိုင်းပြည်သို့ ရင်းနှီးမြုပ်နှံလိုသူများကို ဖိတ်ခေါ်လိုပါက ရှေးဦး
စွာ လျှပ်စစ်မီး မှန်မှန်လာအောင် ဆောင်ရွက်ပေးသင့်ကြောင်း
Mandalay Myotha Industrial Development Public
ကုမ္ပဏီမှ မန်နေဂျင်း ဒါရိုက်တာ ဒေါက်တာ ထွန်းထွန်းအောင်
က ပြောသည်။

ဒေါက်တာ ထွန်းထွန်းအောင်က
“နိုင်ငံတနိုင်ငံ အဓိက ဖွံ့ဖြိုးတိုးတက်ဖို့က Infrastructure ပဲ။
ကျနော်တို့ဆီမှာ လျှပ်စစ်မီး လုံလုံ လောက်လောက် ရရှိဖို့
အရေးကြီးတယ်။ နောက်ပြီးတော့ ဒီမှာ ခင်းကျင်းပြသထား
သလို Industry Zone တွေ Industry Park တွေ တကယ်
ဖွံ့ဖြိုးလာရင် အလုပ်အကိုင် အခွင့်အလမ်းတွေလည်း
တိုးတက်လာလိမ့်မယ်လို့ မြင်တယ်”ဟု ပြောသည်။

အစိုးရအနေဖြင့် ပြည်တွင်း၌ စိုက်ပျိုးရေးနှင့် မွေးမြူရေးကဏ္ဍ
ဖွံ့ဖြိုးတိုးတက်စေရန် တိုင်းနှင့် ပြည်နယ် အစိုးရများနှင့်
တိုင်ပင်ကာ တနိုင်ငံလုံးတွင် မြေလွတ်၊ မြေရိုင်းများ ရှာဖွေ
နေပြီ ဖြစ်၍ ယင်းကဏ္ဍမှ ထုတ်လုပ်မှုများစွာဖြင့် ပြည်တွင်း၊
ပြည်ပ ဈေးကွက်များသို့ ထိုးဖောက်သွားမည်ဟု
စီမံကိန်းနှင့် ဘဏ္ဍာရေး ဝန်ကြီးက ပြောသည်။

“လုပ်နိုင်ဖို့ မြေတွေ ပေးပါမယ်။
တိုင်းနဲ့ပြည်နယ် အစိုးရ အားလုံးနဲ့လည်း ညှိနှိုင်းပြီးပါပြီ။
သူတို့ ခွင့်ပြုနိုင်တဲ့ လွတ်လွတ်လပ်လပ် မြေတွေကို ကြိုပြီး
တော့ ရှာထားပါတယ်”ဟု ၎င်းက ပြောသည်။

ထို့ပြင် မြန်မာနိုင်ငံသို့ ပြည်တွင်းမှ ဖြစ်စေ၊ ပြည်ပမှ ဖြစ်စေ
ရင်းနှီးမြှပ်နှံမယ့်သူများက ကိုယ်ဘာသာ စဉ်းစား၍ ယူလာ
သည့် ပရောဂျက်များကို တင်ဒါမခေါ်ဘဲ ခွင့်ပြုပေးနိုင်သော်
လည်း သက်ဆိုင်ရာ ဝန်ကြီးဌာန သို့မဟုတ် အစိုးရ
အဖွဲ့အစည်းမှ ချမှတ်ပေးသည့် ပရောဂျက်များကိုမူ ပါဝင်
ယှဉ်ပြိုင်၍ တင်ဒါစနစ်အောက်မှ သွားရလိမ့်မည်ဟု
စီမံကိန်းနှင့် ဘဏ္ဍာရေး ဝန်ကြီးဌာနက ပြောသည်။

(ထက်နိုင်ဇော်)

*****

၂။ "နိုင်ငံစီးပွားရေး နိုင်ငံတကာနှင့် ရင်ပေါင်တန်းနိုင်တော့မည်
ဟု ဒုသမ္မတ ဦးမြင့်ဆွေပြော"

မြန်မာ့စီးပွားရေး တိုးတက်မြင့်မားလာဖို့နဲ့  ကမ္ဘာ့ဈေးကွက်ကို
ချဲ့ထွင်နိုင်ရန်   ရင်းနှီးမြှပန်ှံမှု ဖိုရမ် ကို နေပြည်တော်ရှိ
MICC 2 မှာ  ဇွန်လ ၆ ရက်နေ့က စတင်ကျင်းပနေပါတယ်။

၂ ရက်ကြာ ကျင်းပမယ့် ဒီဖိုရမ်မှာ  အစိုးရကိုယ်စားလှယ်တွေ၊
သက်ဆိုင်ရာ ဝန်ကြီးဌာနတွေက ကိုယ်စားလှယ်တွေ၊
အပြည်ပြည်ဆိုင်ရာ အဖွဲ့အစည်းတွေနဲ့ ပြည်တွင်း ပြည်ပက
လုပ်ငန်းရှင်တွေ တက်ရောက်ခဲ့ကြပါတယ်။

နိုင်ငံတော် ဒုတိယသမ္မတ ဦးမြင့်ဆွေက
“အခုလို အစိုးရနဲ့ ပုဂ္ဂလိက တိုက်ရိုက်ထိတွေ့ခွင့် ရတဲ့အတွက်
အစိုးရ၊ ပုဂ္ဂလိက နှစ်ဖက် ပူးပေါင်းဆောင်ရွက်မှုတွေကို
အကောင်အထည်ဖော် နိုင်ရုံသာမက နိုင်ငံစီးပွားရေးဟာ
လည်း နိုင်ငံတကာနဲ့ ရင်ပေါင်တန်းနိုင်တော့မှာ ဖြစ်ပါတယ်”
လို့  ပြောသွားပါတယ်။

မြန်မာနိုင်ငံမှာ စီးပွားရေးလုပ်ငန်းရှင်တွေ ရင်းနှီးမြှုပ်နှံမှု
လုပ်ငန်းတွေကို အဆင်ပြေ ချောမွေ့စွာ လုပ်ကိုင်ဆောင်ရွက်
နိုင်ဖို့၊ ပြည်တွင်းက ကုမ္ပဏီတွေနဲ့ နိုင်ငံတကာက စီးပွားရေး
လုပ်ငန်းရှင်တွေ ပူးပေါင်းဆောင်ရွက်နိုင်ဖို့နဲ့ ကမ္ဘာ့ဈေးကွက်
ကို ချဲ့ထွင်နိုင်ဖို့အတွက် ရည်ရွယ် ကျင်းပ ပြုလုပ်တာလို့
သိရပါတယ်။

နိုင်ငံတကာအဖွဲ့အစည်းအချို့ရဲ့ ကြိုတင်ခန့်မှန်းချက်ကတော့
၂၀၃၀ ခုနှစ်အထိ နိုင်ငံအတွက် လိုအပ်တဲ့ ရင်းနှီးမြှုပ်နှံမှု
ပမာဏမှာ အမေရိကန်ဒေါ်လာ ၆၅၀ ဘီလီယံ ဖြစ်ပြီးတော့
အခြေခံ အဆောက်အအုံအတွက် လိုအပ်တဲ့ ရင်းနှီးမြှုပ်နှံမှု
ပမာဏကတော့ အမေရိကန်ဒေါ်လာ ၃၂၀ ဘီလီယံ
ဖြစ်တယ်လို့ သိရပါတယ်။

အဲဒီလိုအပ်တဲ့ ငွေကြေးပမာဏကို ပုဂ္ဂလိက ကဏ္ဍကို
ဖိတ်ခေါ်ပြီး အစိုးရနဲ့ ပုဂ္ဂလိက အကျိုးတူ ပူးပေါင်းဆောင်ရွက်မှု
နဲ့ ဖြည့်ဆည်းပေးရမှာ ဖြစ်တယ်လို့ 
ဒုသမ္မတ ဦးမြင့်ဆွေက ပြောပါတယ်။

မြန်မာနိုင်ငံရဲ့ စီးပွားရေးလုပ်ကိုင် ဆောင်ရွက်မှုအဆင့်ဟာ
ဆိုရင် ကမ္ဘာ့ဘဏ်ရဲ့ Doing Business Report (၂၀၁၄)
အစီရင်ခံစာအရ ၁၈၂ ဖြစ်ခဲ့ပြီး ၂၀၁၇ ခုနှစ် အစီရင်ခံစာမှာ
တော့ အဆင့် ၁၇၀ ကို တက်လာခဲ့ပါတယ်။

(အောင်ကိုကိုလတ် - နေပြည်တော်)

*****

၃။ "နိုင်ငံခြားရင်းနှီးမြှုပ်နှံသူများအတွက် အထူးစီးပွားရေးဇုန်
စီမံကိန်း ငါးခုမိတ်ဆက်"

နေပြည်တော်၌ ဇွန်လ ၆ ရက်က ကျင်းပသည့်
Myanmar Investment Forum တွင် အထူးစီးပွားရေးဇုန်
စီမံကိန်းသစ် ငါးခုကို နိုင်ငံခြားရင်းနှီးမြှုပ်နှံသူများအတွက်
မြန်မာနိုင်ငံက စတင်မိတ်ဆက်ခဲ့သည်။

မြန်မာနိုင်ငံ၏ အထူးစီးပွား ရေးဇုန်များနှင့် စက်မှုဇုန်များတွင်
လာရောက်ရင်းနှီးမြှုပ်နှံရန် အခွင့် အလမ်းများနှင့် ပတ်သက်၍
အဆိုပါ ဖိုရမ်ကိုနေပြည်တော် MICC II တွင် ကျင်းပနေခြင်း
ဖြစ်သည်။

အဆိုပါဖိုရမ်တွင် လက်ရှိအကောင်အထည်ဖော်နေသည့်
အထူးစီးပွားရေးဇုန် သုံးခုအပြင် အထူးစီးပွားရေးဇုန် ငါးခုကို
နိုင်ငံခြားရင်းနှီးမြှုပ်နှံသူများအား စတင်မိတ်ဆက်ခြင်း
ဖြစ်သည်။

အဆိုပါကိစ္စနှင့် ပတ်သက်၍ ရင်းနှီးမြှုပ်နှံမှုကော်မရှင်
အတွင်းရေးမှူး ဦးအောင်နိုင်ဦးက
‘‘ပုဂ္ဂလိကကဏ္ဍကနေပြီး သူတို့ ဖြစ်စေချင်တဲ့ဆန္ဒကို အဆိုပြု
တာပါ။ အစိုးရဘက်ကတော့ SEZ (အထူးစီးပွားရေးဇုန်)နဲ့
ပတ်သက်ရင် သုံးခုပဲ ပြင်ဆင်ထားတာ ရှိပါသေးတယ်။
ထပ်လုပ်ဖို့ လတ်တလောအစီအစဉ်ကတော့ အစိုးရ က
ဆုံးဖြတ်ထားတာမရှိသေးပါ ဘူး။ ဒီနေ့တင်ပြထားတာလေး
တွေကတော့ သူတို့အနာဂတ်မှာ သူတို့မျှော်မှန်းထားတဲ့
SEZ တွေကိုတင်ပြထားတာပါ’’ဟု ဆိုသည်။

အဆိုပါတင်ပြချက်များနှင့် ပတ်သက်၍ ရင်းနှီးမြှုပ်နှံမှုကော်မရှင်
သို့ လုပ်ကိုင်ရန် ဆန္ဒရှိကြောင်း တင်ပြသည့် အဆင့်သာ
ရှိသေးကြောင်း ၎င်းက ဆက်လက် ပြောကြားသည်။

လက်ရှိ အစိုးရက အကောင်အထည်ဖော်နေသည့်
- သီလ၀ါအထူးစီးပွားရေးဇုန်၊
- ထားဝယ်အထူးစီးပွားဇုန်နှင့်
- ကျောက်ဖြူအထူးစီးပွားရေးဇုန်များအပြင်ထပ်မံတင်ပြလာ
သည့် အထူးစီးပွားရေးဇုန် ငါးခုသည်
- မွန်ပြည်နယ်ဆိပ်ကမ်းသစ်နှင့် အထူးစီးပွားရေးဇုန်၊
- မန္တလေးစက်မှု အထူးစီးပွားရေးဇုန်၊
- မြ၀တီစက်မှု အထူးစီးပွားရေးဇုန်၊
- ပဲခူးစက်မှု အထူးစီးပွားရေးဇုန်နှင့်
- ဧရာဝတီရေနက်ဆိပ်ကမ်းနှင့် အထူးစီးပွားရေးဇုန်တို့
ဖြစ်သည်။

ရန်ကုန်တိုင်းဝန်ကြီးချုပ် ပြောထားသည့် ဒလအထူးစီးပွားရေး
ဇုန်နှင့် ပတ်သက်၍ ယခုဖိုရမ် တွင် တင်ပြလာခြင်းမရှိသေး
ပေ။ အဆိုပါအထူးစီးပွားရေးဇုန်နှင့် ပတ်သက်၍ ရန်ကုန်တိုင်း
ဝန်ကြီးချုပ် အစီအစဉ်ဖြင့်သာ အကောင်အထည်ဖော်သည့်
အဆင့်သာရှိပြီး ကော်မရှင်သို့ တင်ပြလာသည့် အဆင့်
မရောက်သေးကြောင်း ဦးအောင်နိုင်ဦးက ပြောသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အမြဲတမ်း
အတွင်းဝန် ဦးတိုးအောင်မြင့်က
‘‘အပြင်မှာ ရင်းနှီးမြှုပ်နှံတာ မြေဈေးတွေကြီးနေရင်
အထူးစီးပွားရေးဇုန်များမှာ ရင်းနှီးမြှုပ်နှံကြပါ။ အမှန်တကယ်
လုပ်ငန်းလုပ်မယ့် သူကို မြေငှားပေးဖို့ အစိုးရက စီစဉ်ထား
ပါတယ်’’ဟု ဆိုသည်။

မြန်မာနိုင်ငံတွင် လက်ရှိ အကောင်အထည်ဖော်နေသည့်
အထူးစီးပွားရေးဇုန် သုံးခုအနက် သီလ၀ါ အထူးစီးပွားရေးဇုန်
တစ်ခုတည်းသာ လုပ်ငန်းများစတင် လည်ပတ်နေပြီး
ထားဝယ် အထူး စီးပွားရေးဇုန်နှင့် ကျောက်ဖြူ အထူးစီးပွားရေး
ဇုန်တို့သည် လုပ်ငန်း စတင်ရန် ဆွေးနွေးဆဲ အဆင့်သာ
ရှိနေသေးသည်။

(ထွန်းထွန်းမင်း)

credit - Irrawaddy Publishing Group / DVB
& 7day Daily

“အိမ်ခြံမြေ လမ်းဆုံ” မိတ်ဆွေများခင်ဗျာ -
------------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/726764717432470/photos/a.727586294016979.1073741828.726764717432470/1183546585087612/?type=3&theater