“တန်ဖိုးနည်းအိမ်ရာ ဖော်ဆောင်မှု အကျိုးဆက်အပေါ် အမြင်များ”

“တန်ဖိုးနည်းအိမ်ရာ ဖော်ဆောင်မှု အကျိုးဆက်အပေါ်
အမြင်များ”  

၁။ "တန်ဖိုးနည်းအိမ်ရာ ဖော်ဆောင်မှုက
အိမ်ခြံမြေဈေးကွက်ကို သက်ရောက်မှုမရှိနိုင်"

တန်ဖိုးနည်းအိမ်ရာ ဖော်ဆောင်နေတာဟာ အိမ်ခြံမြေ
ဈေးကွက်ကို သက်ရောက်မှုမရှိဘူးလို့ အိမ်ခြံမြေလုပ်ငန်းရှင်
အသင်းက ပြောပါတယ်။

လက်ရှိအချိန်မှာ တန်ဖိ်ုးနည်းအိမ်ရာ ဖော်ဆောင်နေမှုက
အလွန်နည်းပါးနေတာဖြစ်လို့ အိမ်ခြံမြေဈေးကွက်ကို
လှုပ်ခတ်မှု မရှိနိုင်သလို အိမ်ခြံမြေဈေးကွက် တည်ငြိမ်
နေတာဟာလည်း တန်ဖိုးနည်းအိမ်ရာတွေ ဖော်ဆောင်နေမှု
ကြောင့် မဟုတ်ဘူးလို့ မြန်မာနိုင်ငံ အိမ်ခြံမြေလုပ်ငန်းရှင်များ
အသင်း ဒု-ဥက္ကဋ္ဌ ဦးသန်းဦးက ပြောပါတယ်။

“လက်ရှိကာလမှာက တန်ဖိုးနည်းဆိုပြီး ထွက်လာတဲ့
အခန်းတွေက ပြောပလောက်အောင် သိပ်မရှိသေးဘူး။
နောက်တခုက လက်ငင်းအနေအထားအရ လိုအပ်နေတဲ့
နေရာ ဖြည့်စွမ်းနိုင်မှု ဆိုတာကလည်း အနီးစပ်ဆုံးပြောရရင်
ဆင့်ပါးစပ် နှမ်းပက်သလိုပဲ ဖြစ်နေတယ်။ ဒါကြောင့်မို့လို့
အိမ်ခြံမြေဈေးကွက်တခုလုံးကို လက်ရှိ ဖော်ထုတ်ပါတယ်
ဆိုတဲ့ တန်ဖိုးနည်းအိမ်ရာ က ဘာမှထူးခြားမှုမရှိဘူး။
အခု အိမ်ခြံမြေဈေးကွက် အေးတာက နဂိုကတည်းကိုက
သူ့အကြောင်းနဲ့သူ အေးနေတာ။ အခုလို တန်ဖိုးနည်း
အိမ်ရာတွေ ဖော်ထုတ်တဲ့အတွက် အိမ်ခြံမြေဈေးကွက်ကို
လှုပ်နှိုးနိုင်တဲ့ အနေအထား မရှိသေးဘူး။”

လက်ရှိအချိန်မှာတော့ ကျပ်သိန်း ၁၀၀ အောက်
တန်ဖိုးနည်း အိမ်ရာတွေကို ရန်ကုန်နဲ့ မန္တလေးမြို့တွေမှာ
ဖော်ဆောင်နေပါတယ်။

အခြေခံလူတန်းစားတွေအတွက်တော့ တန်ဖိုးနည်းအိမ်ရာ
ဖော်ဆောင်ပေးတာ  အကောင်းဆုံးဖြစ်ပေမယ့် အဲဒီ
အိမ်ရာမျိုးတွေ နည်းနေသေးတဲ့အတွက်လည်း အိမ်ခြံမြေ
ဈေးကွက်ကို အကျိုးသက်ရောက်မှု မရှိနိုင်ဘူးလို့
ရန်ကုန်တိုင်း အိမ်ခြံမြေလုပ်ငန်းရှင်များအသင်း ဥက္ကဋ္ဌ
ဦးစိုင်းခွန်နောင်က ပြောပါတယ်။

“တန်ဖိုးနည်းအိမ်ရာနဲ့ပတ်သက်လို့ အိမ်ခြံမြေဈေးကွက်ကို
ဘယ်လောက်အထိ လှုပ်ခတ်မလဲဆိုတဲ့ မေးခွန်းက
ကောင်းပါတယ်။ ဒါပေမယ့်လို့ ကျနော့်တယောက်တည်း
အမြင်အရ ပြောရရင် သိပ်ပြီး ကြီးကြီးမားမား လှုပ်ခတ်မှု
တော့ မရှိဘူး။ တန်ဖိုးနည်းအိမ်ရာ ဝယ်တဲ့သူတွေက
တန်ဖိုးနည်းတဲ့အလျောက် အရောင်းအဝယ်တွေ လုပ်ကြတဲ့
အပေါ်မှာ ဒီဘက် တန်ဖိုးမြင့်ဧရိယာတွေကို ထိခိုက်ဖို့တော့
မရှိဘူး။ တခုတော့ ကျနော်တို့ ကြိုဆိုရမှာက အခြေခံ
လူတန်းစားတွေ အိမ်ရာပိုင်ဆိုင်ခွင့်ကို ရရှိမှာမို့လို့
ဒီတန်ဖိုးနည်းအိမ်ရာတွေ များများပေါ်ဖို့အတွက်
တန်ဖိုးနည်းအိမ်ရာဆောက်တဲ့အပေါ်မှာ ကြိုဆိုပါတယ်။”

အစိုးရသစ်လက်ထက် ရန်ကုန်မြို့နဲ့ မန္တလေးမြို့ကြီးတွေမှာ
တန်ဖိုးနည်းအိမ်ရာတွေ ဖော်ထုတ်ခဲ့ပေမယ့် အချက်အချာ
ကျတဲ့ မြို့နယ်တွေမှာရှိတဲ့ တန်ဖိုးကြီး အိမ်ခြံမြေဈေးတွေ
ကတော့ ထိုးကျမသွားဘဲ ဈေးနှုန်းတွေက အတက်အကျ
ငြိမ်နေပါတယ်။

(စိုးယုဇော်)

***

၂။ "တန်ဖိုးနည်းအိမ်ရာ စီမံကိန်းကြောင့် ဆောက်လုပ်ရေး
လုပ်ငန်းငယ်များ ထိခိုက်နိုင်ဖွယ်မရှိ"

အစိုးရသစ်လက်ထက်တွင် မြန်မာနိုင်ငံ တစ်ဝန်း
ဆောက်လုပ်ရန် ရည်ရွယ်ထားသော တန်ဖိုးနည်းအိမ်ရာ
စီမံကိန်းများကြောင့် ပုဂ္ဂလိကကန်ထရိုက်တိုက်
ဆောက်လုပ်ရေးလုပ်ငန်းများအတွက် ကြီးမားသည့် ထိခိုက်
နစ်နာမှုဖြစ်ပေါ်လာဖွယ်မရှိကြောင်း ပြည်တွင်း
ဆောက်လုပ်ရေးလုပ်ငန်း လုပ်ကိုင်သူများ၊ အိမ်ခြံမြေ
အကျိုးဆောင်များက ပြောသည်။

အများပြည်သူ အိမ်ရာလိုအပ်ချက်များ ဖြည့်ဆည်းနိုင်ရေး
အတွက် ကျပ်သိန်း ၁၀၀ အောက် တန်ဖိုးနည်းအိမ်ရာများ
ကို ဖော်ဆောင်သွားမည်ဖြစ်ကြောင်း အစိုးရသစ် လက်ထက်
တွင်ဆောက်လုပ်ရေးဝန်ကြီး ဌာနက ကြေညာခဲ့သည်။

အိမ်ရာလိုအပ်ချက် အများဆုံးရှိနေသည့်ရန်ကုန်တိုင်း
ဒေသကြီး ၌ မြို့စွန်မြို့နယ်များဖြစ်သည့် မင်္ဂလာဒုံနှင့် ဒဂုံ
ဆိပ်ကမ်းမြို့နယ်များတွင်တန်ဖိုးနည်း အိမ်ရာ အခန်းပေါင်း
၈,၀၀၀ ကျော်ကို ကနဦး စီမံချက်များဖြင့် စတင်ဆောက်လုပ်
နိုင်ရန် ပြင်ဆင်လျက်ရှိသည်။

"တန်ဖိုးနည်းအိမ်ရာတွေ အများအပြား ဆောက်မယ်ဆိုပေမဲ့
လည်း လက်ရှိဆောက်နေတဲ့ ပြည်တွင်းကန်ထရိုက်လောက
ကို ထိခိုက်နိုင်စရာ မရှိပါဘူး။ ဘာဖြစ်လို့လဲဆိုတော့ လက်ရှိ
ကန်ထရိုက်တိုက်ဆောက်နေတဲ့လူတွေ လုပ်တဲ့နေရာ၊
ဈေးကွက်နဲ့တန်ဖိုးနည်းအိမ်ရာ ဆောက်မယ့်နေရာ၊ ဈေးကွက်
အနေအထားက မတူပါဘူး။
တန်ဖိုးနည်း အိမ်ရာဆောက်မှာက ဒဂုံတို့၊ လှိုင်သာယာ တို့မှာ
ဆောက်မှာဖြစ်လို့ဈေးကွက်က သီးခြား ဖြစ်နေတယ်၊
ဈေးကွက်မတူပါဘူး"ဟု မြန်မာ နိုင်ငံဆောက်လုပ်ရေးဆိုင်ရာ
လုပ်ငန်းရှင် များအသင်း တွဲဖက်အထွေထွေအတွင်းရေးမှူး
လည်းဖြစ်၊System EngineeringConstruction ကုမ္ပဏီ၏
အုပ်ချုပ်မှုဒါရိုက်တာ လည်းဖြစ်သူ ဦးကျော်ကျော်စိုးက
ပြောသည်။

နယ်မြို့များတွင် အလုပ်အကိုင် အခွင့်အလမ်းများ ရှားပါးလာ
သည့်အတွက် အလုပ်အကိုင်အခွင့်အလမ်း အများအပြား
တည်ရှိ သည့် ရန်ကုန်တိုင်းဒေသကြီးအတွင်းသို့နှစ်စဉ်
အနယ်နယ်အရပ်ရပ်မှ ပြောင်းရွှေ့ အခြေချနေထိုင်သူများ
တစ်နှစ်လျှင် လူဦးရေသုံးသိန်းခန့် ရှိနေသည်။

များပြားလာသည့် လူဦးရေအလိုက် အိမ်ခန်းလိုအပ်ချက်မှာ
တစ်နှစ်လျှင် ၇၅,၀၀၀ ကျော်ရှိကြောင်း မြန်မာနိုင်ငံဆိုင်ရာ
ဆောက်လုပ်ရေးဆိုင်ရာ လုပ်ငန်းရှင်များအသင်းက ခန့်မှန်း
တွက်ချက် ထားသည်။

" တန်ဖိုးနည်းအိမ်ရာဆောက်မယ့်အရေအတွက်များရင်တော့
ထိခိုက်နိုင်ပါတယ်။ အခုဆောက်မယ့် အရေအတွက်လောက်
နဲ့တော့ ပြင်ပကန်ထရိုက်တာတွေရဲ့ ဈေးကွက်ကို မထိခိုက်
နိုင်ပါဘူး။ ဆောက်မယ့် နေရာကလည်း အရေးကြီးတယ်။
နေရာဒေသနဲ့ ဆောက်တဲ့အနေအထားပေါ် မူတည်
သေးတယ်"ဟု
I Green Development and Engineering Group ၏
ဒါရိုက်တာ ဦးကျော်ကျော်နိုင်က ပြောသည်။

ရန်ကုန်၊ မန္တလေးအပါအ၀င် အဓိက မြို့ကြီးများတွင်
တန်ဖိုးနည်းအိမ်ရာ အရေအတွက်များများ ဆောက်လုပ်ရန်
ပြင်ဆင် နေသော်လည်း
- ဆောက်လုပ်မည့် တန်ဖိုးနည်းအိမ်ရာများမှာ စီးပွားရေး
အချက်အချာ ကျသည့်နေရာများနှင့် ဝေးကွာသည့်နေရာ
များတွင်ရှိနေခြင်း၊
- အမှန်တကယ် အကောင်အထည်ဖော် တည်ဆောက်
ပြီးစီးရန်နှင့်အများပြည်သူတို့လက်ဝယ်သို့ ရောက်ရှိစေရန်
အတွက်လည်း အချိန်ကာလကြာမြင့်နိုင်ခြင်းတို့ကြောင့်
လက်ရှိ ကန်ထရိုက်တိုက် ဆောက်လုပ်သည့် လုပ်ငန်းများ
ကို ထိခိုက်လာနိုင်ဖွယ်မရှိကြောင်း ဆောက်လုပ်ရေး
လုပ်ငန်းရှင်များက မြန်မာတိုင်း(မ်)ကိုပြောသည်။

အများပြည်သူ အိမ်ရာလိုအပ်ချက်များကို ဖြည့်ဆည်းနိုင်ရန်
နိုင်ငံတော်က တန်ဖိုးမျှတအိမ်ရာစီမံကိန်းများ၊ တန်ဖိုးနည်း
အိမ်ရာစီမံကိန်းများနှင့် အငှားအိမ်ရာ စီမံကိန်းများကို
အကောင်အထည်ဖော် ဆောင်ရွက်လျက်ရှိသည်။

ထို့ပြင် ပြည်တွင်း ဆောက်လုပ်ရေးလုပ်ငန်းရှင်များကလည်း
မြေရှင်များနှင့်ပူးပေါင်းကာ အခန်းအချိုးတူ ရယူသည့်စနစ်၊
မြေ၀ယ်ကာ ကန်ထရိုက်တိုက် ဆောက်လုပ်ရောင်းချသည့်
စနစ်များ ဖြင့် ဆောင်ရွက်နေသော်လည်း အစိုးရနှင့်
ပုဂ္ဂလိကအခန်းကဏ္ဍမှ အိမ်ရာဆောက်လုပ် ဖြည့်ဆည်းနိုင်မှု
မှာ တစ်နှစ်လျှင် အိမ်ခန်း ပေါင်း ၃၀,၀၀၀ကျော်သာ ရှိသဖြင့်
အိမ်ရာ လိုအပ်ချက်များ အများအပြားရှိနေဆဲ ဖြစ်သည်။

"ရပ်ကွက်ထဲမှာ မြေရှင်နဲ့ပေါင်းဆောက်တဲ့ ကန်ထရိုက်တိုက်
မှာနေနိုင်တဲ့ လူတွေလည်းရှိတယ်။
သိန်း ၁၀၀ ကျော်၊ သိန်း၂၀၀ ကျော်ပေးနေနိုင်တဲ့ လူတန်းစား
တွေလည်း ရှိတယ်။
တန်ဖိုးနည်းအိမ်ရာတွေက သိန်း ၁၀၀ အောက် ရောင်းမယ်
ဆိုတော့ ဈေးကွက် က တသီးတခြားစီ ဖြစ်ပါတယ်။
တန်ဖိုးနည်း အိမ်ရာကြောင့် ရပ်ကွက်ထဲက ကန်ထရိုက်တာ
တွေ၊ ဆောက်လုပ်ရေးလုပ်ငန်းငယ်တွေထိခိုက်နစ်နာနိုင်
တယ်ဆိုတာ မဖြစ်နိုင်ပါ ဘူး"ဟု မြန်မာနိုင်ငံ အိမ်ခြံမြေ
ဝန်ဆောင်မှု အသင်း(ဗဟို) အထွေထွေအတွင်းရေးမှူး
ဒေါ်မို့မို့အောင်က ပြောသည်။

တန်ဖိုးနည်းအိမ်ရာစီမံကိန်းများကို နိုင်ငံတော်က စီမံကိန်း
များဖြင့် ချမှတ်အကောင် အထည်ဖော်ဆောင်ရာတွင်
- အမှန်တကယ် အိမ်ရာလိုအပ်ချက်ရှိသည့် ပြည်သူများ
လက်ဝယ်သို့ရောက်ရှိစေရန်၊
- အလုပ်အကိုင်အခွင့်အလမ်းနှင့် သွားလာရေးလွယ်ကူ
အဆင်ပြေစေသည့် နေရာများတွင် တည်ဆောက်ရန်နှင့်
- နိုင်ငံတကာကဲ့သို့ နှစ်ရှည်အရစ်ကျ ငွေပေးသွင်း စေသည့်
စနစ်များဖြင့်ရောင်းချနိုင်ရန် လိုအပ်ကြောင်း အိမ်ခြံမြေနှင့်
ဆောက်လုပ်ရေးလုပ်ငန်း လုပ်ကိုင်သူများက ပြောသည်။

(ဇေယျာလင်း)

credit - DVB News & The Myanmar Times

“အိမ်ခြံမြေ လမ်းဆုံ” မိတ်ဆွေများခင်ဗျာ -
---------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=962655320510074&id=726764717432470&substory_index=0