"ပါမစ်မြေ ဝယ်မှာလား ဂရန်မြေ ဝယ်မှာလား သတိတော့ထား"

"ပါမစ်မြေ ဝယ်မှာလား ဂရန်မြေ ဝယ်မှာလား
သတိတော့ထား"

ယခုနှစ်ဆန်းပိုင်းမှစ၍ အိမ်ခြံမြေ အရောင်းအဝယ် လုပ်ငန်းများ
လှုပ်ရှားစ ပြုလာပြီ ဖြစ်သည်။

ရန်ကုန်မြို့တွင် ဈေးကွက်အခြေအနေကို မသိနိုင်သော်လည်း
မြို့သစ်များ ဖြစ်သည့် လှိုင်သာယာ၊ ရွှေပြည်သာ၊ ရွှေပေါက်ကံ
မြို့သစ်၊ ဒဂုံမြို့သစ် မြောက်ပိုင်း/ တောင်ပိုင်း/ အရှေ့ပိုင်း နှင့်
ဒဂုံဆိပ်ကမ်းမြို့နယ် များတွင် ဝယ်ယူလိုသူများနှင့် ကွင်းဆင်း
လေ့လာနေသူများကို မြင်တွေ့ နေရသည်။

မြေဈေးများ ပြန်ကောင်းလာမည့် အလားအလာ
အကျိုးဆောင်များ လှုပ်ရှားနေတာလွန်ခဲ့သော (၂)နှစ်ခန့်မှစ၍
ငုတ်တုတ်ထိုင် ၍ ငေးငိုင်နေခဲ့သော အိမ်ခြံမြေ အကျိုးဆောင်
များမှာ ယခု အခါတွင်မူ တွေးမှိုင်နေစရာ မလိုတော့ဘဲ ဝယ်ဖို့
မြေကွက်ရှာနေသူများ စုံစမ်းနေသူများအတွက် taxi ကားဖြင့်
တစ်သွယ် ဆိုင်ကယ်စီး၍ တစ်မျိုး ရပ်ကွက်အတွင်း၊ အပြင်
မြေကွက်များကို အပြေးအလွှား ရှာဖွေပေးနေသည်ကို
တွေ့ရသည်။

-----

"သိန်း(၅၀) နှင့် (၁၀၀) အထက်နား မြေကွက်များ
ဝယ်သူအများ စိတ်ဝင်စား"

မြေကွက်ဝယ်လိုသူများမှာ များသောအားဖြင့် မြေကွက်လွတ်
များကို ပိုမို ကြိုက်နှစ်သက်သူ များနေသဖြင့် မြို့ပြင်
လယ်ကွက်များဆီသို့ ခေါ်ဆောင်၍ လိုက်လံ ပြသနေသည်ကို
လည်း မြင်တွေ့ရသည်။

မြေကွက် ဝယ်လို သူများမှာ သိန်းထောင်ကျော်တန်
မြေကွက်များထက် ဈေးအနည်းဆုံး သိန်း ငါးဆယ် ခန့် နှင့်
ရနိုင်သည့် မြေကွက်များသိန်းတစ်ရာတန် မြေကွက်များနှင့်
သိန်းတစ်ရာထက် နည်းနည်းပိုသည့် မြေကွက်များကိုသာ
ဝယ်လိုသည့် ဆန္ဒများ ရှိကြသည်။

-----

"မြေချပါမစ် ကြိုက်သူများ ယခုအခါ ခေါင်းခဲ ဝေဒနာ
ထပ်တိုးလာ "

မြေကွက် ဝယ်သည့်အခါတွင်လည်း ထုံစံအတိုင်း မြေချပါမစ်
ကို ပိုမို ကြိုက်နှစ်သက်ကြသည်။ သို့သော် ယနေ့အချိန်အခါ
တွင် မြေချပါမစ်များကို ဝယ်ယူပြီး ကိုင်ထားသော်လည်း
ပိုင်ဆိုင်မှု စိတ်မချရသည်ကို တွေ့မြင် လာရသည်။

လွန်ခဲ့သည့် အနှစ် ၂၀ က မြေချပါမစ် မူရင်းဝယ်၍
အိမ်ဆောက်နေထိုင်လာခဲ့သူများပင် ခေါင်းခဲရသည့် ပြဿနာ
များနှင့် ကြုံတွေ့နေရပြီဖြစ်သည်။

-----

"ဂရန်သစ် လျှောက်ထားလျင် မှန်ကန်မှု ရှိမရှိ
မြေပြင်ကွင်းဆင်းကြည့်မှ သိ"

လူစည်းကားပြီး ရပ်ကွက်အတွင်း နေထိုင်သူပင် ဖြစ်စေကာမူ
* သူတစ်ပါး အမည်ပေါက် မြေချပါမစ် မူရင်းကိုင်ထားပြီး
အနှစ်(၆၀) ဂရန်သစ် မလျှောက်ထားခဲ့မှုကြောင့် တစ်ချိန်က
မြေချပါမစ် အမည်ပေါက်သူက လက်ရှိနေထိုင်သူ မသိဘဲ
မြို့တော်စည်ပင်တွင် ပါမစ်ပျောက်ဖြင့် ဂရန်သစ်
လျှောက်ထားကြသူများလည်း ရှိနေသည်။ *

သို့ရာတွင် ဂရန်သစ် လျှောက်ထားသူ၏ မြေတိုင်းရပ်ကွက်
နှင့် မြေကွက်တည်နေရာ မှန်ကန်ခြင်း ရှိမရှိ မြို့တော်စည်ပင်
မြေတိုင်းဌာနမှ လာရောက် စစ်ဆေးသည့်အခါမှ မြေချပါမစ်
မူရင်းကိုင်ထားပြီး လက်ရှိနေထိုင်သူ ပိုင်ရှင်အစစ်ကို
တွေ့ရတော့သည်။

-----

"ပါမစ်ပျောက်ဖြင့် ဂရန် လိမ်လည်လျှောက်ထားသူ များပြား"

ဤတွင်မှ ဖြစ်ကြောင်းကုန်စင်ကို မြို့တော်စည်ပင်မှ သိရှိပြီး
နောက် ပါမစ်ပျောက်ဖြင့် ဂရန် လျှောက်ထားသူ၏ လိမ်လည်
လျှောက်ထားမှုကို ပယ်ချ လိုက်တော့သည်။

ယခုဖြစ်စဉ်မျိုးမှာ လူနေထိုင်သည့် ရပ်ကွက် အတွင်းမို့
လိမ်လည်သူက နောက်ဆုတ်သွားခြင်း ဖြစ်သည်။

အကယ်၍ လူမစည်ကားသေးသည့် လယ်ကွင်းဖြစ်ပါက
ပါမစ် ကိုင်ထားသူများအဖို့ ရင်မအေးနိုင်သည်မှာ အမှန်ပင်
ဖြစ်သည်။

* အမှန်တကယ် ဝယ်ထားသူ မသိရှိလိုက်ရဘဲ
မူလအမည်ပေါက်သူက ဂရန်သစ်ထုတ်ယူသွားနိုင်သည်ကို
သတိထားရမည် ဖြစ်သည်။ *

-----

"မြေကွက်ပေါ်မှာ အိမ်ဆောက်ထားလျှင် သတိထား ဝယ်ပါ"

ယနေ့အခါသမယတွင် မြေချပါမစ် မြေကွက် ဝယ်တော့မယ်
ဆိုလျှင် ပစ်မထားဘဲ အမြဲ စောင့်ကြည့်ဖို့တော့ လိုသည်။
ထို့ပြင် ကံဆိုး၊ ကံကောင်း (၂)မျိုး နှင့်လည်း ကြုံတွေ့နိုင်
သေးသည်။

* ယခုအခါ ရန်ကုန်မြို့တော်စည်ပင်မှ ပါမစ်ပျောက်ဖြင့်
ဂရန်သစ် လျှောက်ထားတော့မည့်သူများကို မြေကွက်
အတွင်း အိမ်ဆောက်ထားမှသာလျှင် ဂရန်သစ်
ချပေးသည်ဟု သိရသည်။ *

သို့ရာတွင် မြေကွက် ဝယ်ရန် သွားရောက်ကြည့်သည့်အခါ
အိမ်ဆောက် ထားသည့် မြေကွက် တွေ့လျှင် ပါမစ်ပျောက်ဖြင့်
ဂရန်သစ် လျှောက် ထားခြင်းလား၊
ဝယ်ထားသူမှာ အမှန်တကယ် နေဖို့အတွက် ဆောက်ထား
ခြင်းလား စဉ်းစားရတော့မည်။

လူစည်ကားသည့် ရပ်ကွက်အနီးမြေကွက်တွင် အိမ်ဆောက်
ထားလျှင် ပိုင်ရှင်ကိုယ်တိုင် နေရန်ဖြစ်စေ၊ ငှားစားရန်ဖြစ်စေ
ဆောက်လုပ်ထားခြင်း ဖြစ်နိုင်သည်။

* အကယ်၍ လူနေကျဲသည့် ကွင်းလယ်ခေါင်တွင်
မော်လမြိုင်ခေါင်းဖြင့် ဒယိမ်းဒယိုင် ဆောက်ထားသည်ကို
တွေ့ရလျှင် ပါမစ်ပျောက်ဖြင့် ဂရန်လျှောက်ထားခြင်းလား
အိမ်ဆောက်ပြမှ ဂရန်သစ်ထုတ်ပေးမည်ဖြစ်၍
အိမ်ဆောက်ပြခြင်းမျိုး ဖြစ်သည်။ *

-----

"မြေကွက် ဝယ်ထားသူများ မကြာခဏ သွားကြည့်ကြပါလား"

သို့အတွက် ယခုလို ပွင့်လင်းရာသီ တွင် မြေကွက်ဝယ်ယူရန်
လေ့လာနေသူများနှင့် ရင်းနှီးမြှုပ်နှံရန် စိုင်းပြင်းနေသူများသို့
အသိပေးလိုသည်မှာ
- ပါမစ် ကိုင်ထားတိုင်းလည်း စိတ်မချရသလို
- ဂရန်သစ် ကိုင်ထားတိုင်းလည်း တစ်သတ်လုံး စိတ်ချလို့
မဖြစ်ပါ။
- ဝယ်မည်ဆိုပါက အိုးအိမ်ဖြစ်စေ၊ စည်ပင်ဖြစ်စေ သွားရောက်
စုံစမ်းဖို့ လိုသည်။
- မိမိဝယ်ယူမည့် မြေကွက် ရာဇဝင်ကိုလည်း
လေ့လာထားသင့်သည်။
- မကြာမကြာ မြေကွက်ကိုလည်း သွားကြည့်ပေးကြပါရန်
တိုက်တွန်းရေးလိုက်ရပါသည်။

(လွှတ်တော်ရှေ့နေ မောင်ကောင်းဖေ)

credit - iMyanmar House

“အိမ်ခြံမြေ လမ်းဆုံ” မိတ်ဆွေများခင်ဗျာ -
---------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/permalink.php?story_fbid=962655320510074&id=726764717432470&substory_index=0