“တန်ဖိုးသင့်အိမ်ရာ အရောင်း/အငှား သတင်းများနှင့် ရေရှည်မှာ တန်ဖိုးသင့် အိမ်ရာများ အတွက် မြေနေရာအခက်အခဲ ရှိလာမည်ဟုဆို”

“တန်ဖိုးသင့်အိမ်ရာ အရောင်း/အငှား သတင်းများနှင့်
ရေရှည်မှာ တန်ဖိုးသင့် အိမ်ရာများ အတွက်
မြေနေရာအခက်အခဲ ရှိလာမည်ဟုဆို”

၁။ "တန်ဖိုးသင့်အိမ်ရာများ မြေနေရာအခက်အခဲ
ရေရှည်ပြဿနာဟု ဆို"

ရန်ကုန်မြို့အပါအဝင် မြန်မာနိုင်ငံ မြို့ပြများ၌ တန်ဖိုးသင့်
လူနေအိမ်ရာ လိုအပ်ချက်နှင့်အတူ ထိုအိမ်ရာများ
ဆောက်လုပ်ရန် မြေ နေ ရာ လိုအပ်ချက်သည် ရေရှည်
ဖြေရှင်းရမည့် ပြဿနာဖြစ်ကြောင်း ဆောက်လုပ်ရေး
ဝန်ကြီးဌာန ဒုညွှန်ကြားရေးမှူး ဒေါ်မိုးသီတာက ပြောသည်။

“ရေရှည်မှာ ဘယ်လိုနည်းနဲ့ ဖြေရှင်းမလဲဆိုတော့
ဒေသအစိုးရကလည်း သူ့ရဲ့Responsibility(တာဝန်ယူမှု)
အနေနဲ့ မြေကို လျာထား ပေးရမယ်။
ဗဟိုအစိုးရကလည်း လိုအပ်တဲ့မြေနေရာတွေကို
ပြန်သိမ်းယူနိုင်ရမယ်။
မြို့ထဲမှာဆို လွတ်လပ်လမ်းတွေ အများကြီး ပဲ။
Land Use (မြေအသုံးချမှု) ကို သေသေချာချာ မသုံးထားဘဲနဲ့
အဆောက်အအုံတချို့ မည်ကာမတ္တ အဆောက်အအုံ လေး
ဆောက်ပြီး တချို့ကပစ်ထားတဲ့ ဟာမျိုးတွေ။
ဒီလိုမြေမျိုးကို ပြန်ပြီးသိမ်းယူနိုင်ခွင့် ရှိရမယ်။
သိမ်းယူနိုင်ခွင့် ရှိတဲ့အပြင် အဲဒီအပေါ်မှာ ဖွံ့ဖြိုးရေး
လုပ်ငန်းတွေလုပ်တဲ့ အခါမှာ တန်ဖိုးသင့်တင့်တဲ့ အိမ်ရာတွေ
ပါရမယ်။ ဒီနည်းနဲ့ ဖြေရှင်းမှ ရေရှည်မှာ ရှင်းလို့ရပါမယ်”ဟု
ဒေါ်မိုးသီတာက ပြောဆိုသည်။

လက်ရှိအချိန်၌ အစိုးရ၏ အရံမြေ (Reserve Land) အဖြစ်
ထားရှိသည့် မြေနေရာများသည် တန်ဖိုးနည်းနှင့်
တန်ဖိုးသင့်တင့် အိမ် ရာ များ ဆောက်လုပ်ရန်အတွက်
ရှားပါးနေပြီဖြစ်ကြောင်း၊
မြန်မာနိုင်ငံ၏ အိမ်ရာလိုအပ်ချက်သည် လူဦးရေတိုးနှုန်းနှင့်
နှိုင်းယှဉ်ပါက နှစ်စဉ်တနှစ်လျှင် ၇သိန်းဝန်းကျင် ရှိနေကြောင်း
လည်း ၎င်းက ဆက်ပြောသည်။

ပုဂ္ဂလိက ဆောက်လုပ်ရေး လုပ်ငန်းရှင်များအနေဖြင့်
တန်ဖိုးနည်းအိမ်ရာ လိုအပ်ချက်အား ၀င်ရောက်နိုင်ရေးသည်
မြေဈေးကြီးမြင့်မှုနှင့်ထပ်တူ အခက်အခဲရှိနေမှုနှင့်ပတ်သက်ပြီး
မြနန္ဒာ ဆောက်လုပ်ရေးကုမ္ပဏီ အုပ်ချုပ်မှု ဒါရိုက်တာ
ဦးအေးလင်းက -
“တန်ဖိုးနည်းဖို့ ဆိုတာကြီးက မြေအလကားရမှပဲရမှာ၊
ရန်ကုန်မှာက မြေဈေးကြီးနေတော့ ဘယ်လိုမှ မဖြစ်နိုင်ဘူး။
အဓိကကတော့ မြေရာခန့်ခွဲတဲ့ အပိုင်းမှာ အစိုးရက
ပုဂ္ဂလိကလုပ်ငန်းရှင်တွေကို မြေအလကား ပေးပြီးတော့မှ
square feet လည်း သင့်တင့်သလောက်ပေါ့။
square feet ကျယ်မယ်ဆိုလည်း မလုပ်နိုင်ဘူး။
ဒါတွေက လုပ်ငန်းရှင်တွေကြီးပဲ၊ Risk(စွန့်စားမှု) ယူပြီး
လုပ်လို့မရဘူးပေ့ါ။ အစိုးရက ပံ့ပိုးမှု အများကြီး လိုပါတယ်”
ဟု ပြောသည်။

ယခုအချိန်တွင် ဆောက်လုပ်နေသည့် တန်ဖိုးနည်းနှင့်
တန်ဖိုးသင့် အိမ်ရာများတွင် ရင်းနှီးမြှုပ်နှံမှု ပြုနေကြသူများသည်
ပြည်တွင်း လုပ်ငန်းရှင်များ ဖြစ်ကြပြီး နိုင်ငံခြားသားများနှင့်
ပူးပေါင်းလုပ်ဆောင်နိုင်ခြင်း မရှိသေးကြောင်း
ဒေါ်မိုးသီတာက ပြောဆိုသည်။

တန်ဖိုးနည်း အိမ်ရာများနှင့် တန်ဖိုးသင့်တင့် အိမ်ရာများအတွက်
ပြည်ပရင်းနှီးမြှုပ်နှံသူများ ၀င်လာစေရန် ဖိတ်ခေါ်နေသော်လည်း
လက်ရှိ ပြည်တွင်းဆောက်လုပ်ရေး လုပ်ငန်းများ
အခြေအနေသည် ရပ်တန့်သလောက်နီးပါး ဖြစ်နေသည်ဟု
ဆောက်လုပ်ရေး လုပ်ငန်းရှင်များ ပြောဆိုကြသည်။

ဆောက်လုပ်ရေး လုပ်ငန်းများ၌ ယခင်က တိုက်ခန်းများ
ဆောက်လုပ်သည့်အခါ ကြိုပွိုင့်ရောင်းရခြင်းမှ ၅၀ ရာခိုင်နှုန်း
အထက်ထိ  အရင်းနှီးရခဲ့သော်လည်း ယခုအချိန်တွင်
ကြိုပွိုင့်ရောင်းရချမှုမှ ၂၅ရာခိုင်နှုန်းရဖို့ပင် မလွယ်ကူတော့သည့်
အခြေအနေဖြစ်ကြောင်း၊ အရင်းအနှီး မြန်မြန်ရရှိရန်အတွက်
ဈေးကွက်တွင် လျှော့၍ရောင်းချနေရသည့် အခြေအနေ
ဖြစ်ကြောင်း ဆောက်လုပ်ရေး လုပ်ငန်းရှင် များက
ပြောဆိုကြသည်။

(သစ်နေမိုး)

***

၂။ "ဒဂုံမြို့သစ်တောင်ပိုင်းတွင် တည်ဆောက်မည့်
အခန်းပေါင်း ၁၂၀၀ ပါဝင်သော အငှားအိမ်ရာအား
တစ်လတစ်ခါ အိမ်ငှားခပေးသွင်းစေကာ
သင့်တင့်သောနှုန်းထားဖြင့် ငှားရမ်းမည်ဟုဆို"

ရန်ကုန်တိုင်းဒေသကြီး၊ ဒဂုံမြို့သစ် (တောင်ပိုင်း) မြို့နယ်
အမှတ် (၂ )လမ်းမကြီးနှင့် မဟာဗန္ဓုလမ်းထောင့်တွင်
အကောင်အထည်ဖော်မည့် အခန်းပေါင်း ၁၂၀၀ ပါဝင် သော
အငှားအိမ်ရာစီမံကိန်းအား တစ်လတစ်ခါ
အိမ်ငှားခပေးသွင်းသည့်စနစ်ဖြင့် ငှားရမ်းမည်ဖြစ်ကြောင်း
ရန်ကုန်တိုင်းဒေသကြီး အစိုးရအဖွဲ့မှ သိရသည်။

အဆိုပါအိမ်ရာအား ရန်ကုန်တိုင်းဒေသကြီး အစိုးရအဖွဲ့၏
အစီအစဉ်ဖြင့် မြေ ၁၂ ဒသမ ၅၃၄ ဧကတွင် မကြာမီ
စတင်အကောင်အထည်ဖော်တော့မည်ဖြစ်ကြောင်း သိရသည်။
ယင်းအိမ်ရာငှာရမ်းရာတွင် စည်းကမ်းသတ်မှတ်ချက်များဖြင့်
ငှာရမ်းမည်ဖြစ်ပြီး အိမ်ရာမ၀ယ်နိုင်သူများအတွက်
ရည်ရွယ်ခြင်းဖြစ်သည့်အတွက် အမှန်တကယ်အိမ်ရာ
မ၀ယ်နိုင်ကြောင်း ထောက်ခံပေးသူများကိုသာ ငှားရမ်းမည်
ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့က
ပြောကြားသည်။

မည်သည့်ဈေးနှုန်းဖြင့် ငှားရမ်းမည်ဆိုသည်ကို ဆွေးနွေးနေပြီး
သင့်တင့်သောဈေးနှုန်းဖြင့် ငှားရမ်းပေးမည်ဟု
ရန်ကုန်တိုင်းဒေသကြီးအစိုးရအဖွဲ့က ဆိုသည်။

ယင်းအိမ်ရာကို လက်ရှိ ၂၀၁၅-၂၀၁၆ ဘဏ္ဍာနှစ်အတွင်း
အပြီးဆောက်လုပ်သွားမည်ဖြစ်ပြီး လာမည့် ၂၀၁၆ ခုနှစ်
ဖေဖော်ဝါရီ ၁ ရက်မှ ၁၅ ရက်အတွင်း လျှောက်လွှာများ ၀ယ်ယူ
လျှောက်ထားခွင့်ပြုမည်ဖြစ်ကြောင်း သိရသည်။

ယင်းအိမ်ရာရှိ အခန်းပေါင်း ၁၂၀၀  ခန်းတွင် တစ်ခန်းလျှင်
အိပ်ခန်းတစ်ခု၊ အိမ်သာရေချိုးခန်းများ ပါဝင်မည်ဖြစ်ပြီး
အကျယ်အ၀န်းအားဖြင့် ၅၆၉ ဒသမ ၅ စတုရန်းပေ ရှိမည်
ဖြစ်ကြောင်း သိရသည်။

လျှောက်လွှာတင်ထားသည့် အခန်းအရေအတွက်များပါက
မဲစနစ်ဖြင့် ချထားပေးမည်ဖြစ်ကြောင်း၊ အဆိုပါအိမ်ရာ
လျှောက်သူများအနေဖြင့် အိမ်ရာပိုင်ဆိုင်မှုမရှိကြောင်း
ရပ်ကွက်ကျေးရွာအုပ်ချုပ်ရေးမှူး၏ ထောက်ခံစာပါရှိရမည်
ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့က
ထုတ်ပြန်ထားသည်။

အဆိုပါ အိမ်ရာစီမံကိန်း အကောင်အထည်ဖော်ရန်
ပြည်ထောင်စုအစိုးရအဖွဲ့က ကျပ် ၂၀ ဘီလျံ ထောက်ပံ့ခဲ့ပြီး
ဖြစ်ကြောင်း သိရသည်။

ရန်ကုန်မြို့သို့ နယ်မှပြောင်းရွှေ့အခြေချလာသူဦးရေ
မြင့်တက်လာပြီး မြင့်မားလာသည့် အိမ်ခြံမြေဈေးနှုန်းများကြောင့်
အိမ်ပိုင်ရန် များစွာအလှမ်းဝေးနေကြောင်း၊
ထို့ပြင် ၀င်ငွေနည်းပြည်သူများအတွက် ရည်ရွယ်သည်ဟုဆိုသော
တန်ဖိုးနည်း၊ တန်ဖိုးမျှတ အိမ်ရာများသည်လည်း
အနည်းဆုံးကျပ်သိန်း ၁၁၀ မှ အများဆုံး ကျပ်သိန်း ၃၀၀ ကျော်
အထိ ရှိနေသဖြင့် အခြေခံပြည်သူများ ၀ယ်ယူရန် မတတ်နိုင်ပေ။

သို့ဖြစ်ရာ အိမ်ဝယ်ရန်မတတ်နိုင်သူများအတွက် အငှားအိမ်ရာများ
ဖော်ဆောင်၍ အငှားချထားပေးရန် ပြီးခဲ့သည့်နှစ်များက
ရန်ကုန်တိုင်းဒေသကြီး လွှတ်တော်တွင် ကိုယ်စားလှယ်အချို့က
တင်ပြမှုများရှိခဲ့ပြီး ယခု ဘဏ္ဍာနှစ်တွင်မှ စတင်အကောင်အထည်
ဖော်ရန် လုပ်ဆောင်ခဲ့ခြင်းဖြစ်ကြောင်း၊
သို့သော် ယခုဖော်ဆောင်မည့် အခန်းအရေအတွက်မှာ
၁၂၀၀ သာရှိနေသဖြင့်လုံလောက်မှု မရှိနိုင်ဘဲ
မဲနှိုက်သည့်စနစ်ဖြင့်သာ သွားရမည့်ပုံစံဖြစ်ကြောင်း သိရသည်။

(ကျော်ထင်)

***

၃။ "စည်ပင်က ဆောက်လုပ်နေသည့် ရွှေပြည်သာမြို့နယ်ရှိ
တိုက်ခန်းပေါင်း ၁၉၂ ခန်းကို အနိမ့်ဆုံး ကျပ် ၁၀၉ သိန်းမှ
အမြင့်ဆုံး ကျပ် ၁၇၄ သိန်း သတ်မှတ်ထားပြီး လက်ငင်းစနစ်ဖြင့်
ရောင်းချမည်"

ရန်ကုန်မြို့တော် စည်ပင်သာယာရေး ကော်မတီမှ
ဆောက်လုပ်နေသည့် ရွှေပြည်သာမြို့နယ်ရှိ တိုက်ခန်းပေါင်း
၁၉၂ ခန်းကို အနိမ့်ဆုံး ၁၀၉ သိန်းမှ အမြင့်ဆုံး ၁၇၄ သိန်းကျပ်
သတ်မှတ်ထားပြီး လက်ငင်းစနစ်ဖြင့် ရောင်းချပေးသွားမည်
ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီက
ဒီဇင်ဘာ ၁၃ ရက်တွင် သတင်းထုတ်ပြန်သည်။

ရန်ကုန်မြို့တော် စည်ပင်သာယာရေး ကော်မတီမှ
ဆောက်လုပ်နေသည့် ရွှေပြည်သာမြို့နယ် စက်မှုလမ်းနှင့်
ပိတောက်လမ်းထောင့်ရှိ
ရှစ်ခန်းတွဲ ခြောက်ထပ်တိုက် RC အဆောက်အအုံ လေးလုံး၊
၄၉၀ စတုရန်းပေ (၁၄ ပေ ၃၅ ပေ)ရှိ အခန်းပေါင်း ၁၉၂ ခန်းကို
ရောင်းချရန် ဒီဇင်ဘာ ၂၂ ရက်မှ စတင်၍
ရန်ကုန်တိုင်းဒေသကြီး အစိုးရအဖွဲ့ရုံးတွင် လျှောက်လွှာများ
ရောင်းချသွားမည်ဖြစ်ပြီး ၀ယ်ယူသူ များပြားပါက မဲစနစ်ဖြင့်
ရောင်းချပေးသွားမည်ဖြစ်သည်။

အဆိုပါ တိုက်ခန်းများအတွက်
Level 1 ရှိ အခန်းတစ်ခန်းကို ကျပ် ၁၇၄ သိန်း၊
Level 2 ရှိ အခန်းတစ်ခန်းကို ကျပ် ၁၅၄ သိန်း၊
Level 3 ရှိ အခန်းတစ်ခန်းကို ကျပ် ၁၄၄ သိန်း၊
Level 4 ရှိ အခန်းတစ်ခန်းကို ကျပ် ၁၃၃ သိန်း၊
Level 5 ရှိ အခန်းတစ်ခန်းကို ကျပ် ၁၂၂ သိန်းနှင့်
Level 6 ရှိ အခန်းတစ်ခန်းကို ကျပ် ၁၀၉ သိန်းဖြင့်
ရောင်းချပေးသွားမည်ဖြစ်ကြောင်း ထုတ်ပြန်ချက်တွင်
ဖော်ပြထားသည်။

credit - Irrawaddy Publishing Group &
Eleven Media Group