"ေ၀၀ါးသွားတဲ့ မြို့သစ်စီမံကိန်း သတင်းနှင့် ငွေဖောင်းပွနေတာ နိူင်ငံ စီးပွားရေးအားကောင်းနေခြင်းကြောင့်လို့ဆိုလိုက်တဲ့ သတင်းများ"

"ေ၀၀ါးသွားတဲ့ မြို့သစ်စီမံကိန်း သတင်းနှင့်
ငွေဖောင်းပွနေတာ နိူင်ငံ စီးပွားရေးအားကောင်းနေခြင်းကြောင့်
လို့ဆိုလိုက်တဲ့ သတင်းများ"

၁။ "ရန်ကုန်မြို့ကို ဧကတစ်သိန်းကျော် တိုးချဲ့မည့်
မြို့သစ်ခုနစ်ခုအား ယခုအစိုးရလက်ထက်တွင်
အကောင်အထည်ဖော်နိုင်မည် မဟုတ်ဘဲ နောက်အစိုးရများက
ဘတ်ဂျက်ပေါ် မူတည်၍ လုပ်ဆောင်မည်"

“မဟာရန်ကုန် မြို့ပြဖွံ့ဖြိုးရေး မဟာဗျူ ဟာစီမံကိန်း ၂၀၄၀” အရ
ရန်ကုန်မြို့ကို ဧက တစ်သိန်းကျော် တိုးချဲ့မည့်
မြို့သစ်ခုနစ်ခုအား ယခုအစိုးရလက်ထက်တွင် အကောင်အထည်
ဖော်နိုင်မည် မဟုတ်ကြောင်း သိရသည်။

ထို့အတွက် နောက်အစိုးရများက ၎င်းတို့၏ ဘတ်ဂျက်ပေါ်
မူတည်၍ လုပ်ဆောင်မည်ဟု ရန်ကုန်မြို့တော်
စည်ပင်သာယာရေးကော်မတီ၊ မြို့ပြစီမံကိန်းရေးဆွဲရေးဌာနမှ
ဒုတိယဌာနမှူး ဦးတိုးအောင်က ပြောကြားသည်။

 “မဟာရန်ကုန် မြို့ပြဖွံ့ဖြိုးရေး မဟာဗျူ ဟာစီမံကိန်း ၂၀၄၀” ကို
ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ၏
အကူအညီဖြင့် ရေးဆွဲခဲ့ရာ ယင်းစီမံကိန်းတွင် မြို့ပြင်ပတ်လမ်းများ၊
မြို့သစ်များ တိုးချဲ့သင့်သည့် စီမံကိန်များပါဝင်ကြောင်း သိရသည်။

သို့ ဖြစ်၍ ရန်ကုန်မြို့ကို  ဧကတစ်သိန်းကျော် တိုးချဲ့ရန်
မြို့သစ်စီမံကိန်း ခုနစ်ခု ပါဝင်လာခြင်းဖြစ်ပြီး ယင်းစီမံကိန်းအား
ရန်ကုန်တိုင်းဒေသကြီး လွှတ်တော်မှတစ်ဆင့်
ချပြခဲ့ပြီးဖြစ်ကြောင်း သိရသည်။

ရန်ကုန်မြို့ကို မြို့တိုးချဲ့ရန်
ဦးစားပေး (၁) တွင် ရန်ကုန်အရှေ့ပိုင်းမြို့သစ် ၁၇၃၇၅ ဧက၊
ဦးစားပေးအဆင့်(၂) ရန်ကုန် အနောက်တောင်ပိုင်းမြို့သစ်
၂၁၇၁၆ ဧက၊
ဦးစားပေး (၃) သန်လျင်မြို့သစ် ၂၁၁၉၃ ဧက၊
ဦးစားပေး (၄) ဒလမြို့သစ် ၁၅၁၇၃ ဧက၊
ဦးစားပေး (၅) ထန်းတပင်မြို့သစ် ၂၄၇၄၈ ဧက၊
ဦးစားပေး (၆) မှော်ဘီမြို့သစ် ၁၁၅၉၄ ဧကနှင့်
ဦးစားပေး (၇) လှည်းကူးမြို့သစ် ၆၉၃၃ ဧက
စုစုပေါင်း ၁၁၈၇၃၂ ဧကကို လျာထားခြင်း ဖြစ်သည်။
ယင်းစီမံကိန်းခုနစ်ခုသည် အသေးစိတ်ရေးဆွဲသည့်အဆင့်အထိ
မရောက်သေးဘဲ ယခုမှ concept အဆင့်သာ ရှိနေသေး၍
အသေးစိတ်ကို ထုတ်ပြောနိုင်ခြင်း မရှိသေးဟု ဆိုသည်။

 “ *** ရန်ကုန်မြို့ကို တိုးချဲ့မယ့် ဧကတစ်သိန်းကျော်ရှိပါတယ်။
ဒါပေမဲ့ ဒါဟာအတိအကျ မပြောနိုင်သေးပါဘူး။
ဒီစီမံကိန်းတွေကို နောက်လာမယ့် အစိုးရတွေက
ဘတ်ဂျက်ပေါ် မူတည်ပြီး လုပ်ရမှာဖြစ်ပါတယ်။
ဒီနေရာ ရွေးထားပေမယ့် ဖြစ်ချင်မှလည်း ဖြစ်မှာပေါ့ *** ”ဟု
ဦးတိုးအောင်က ဆက်လက်ပြောကြားသည်။

ယင်းစီမံကိန်းများသည် သက်ဆိုင်ရာဒေသခံ ပြည်သူလူထုနှင့်
ဆွေးနွေးပြီးမှ လုပ်ဆောင်ရမည့် စီမံကိန်းများဖြစ်ပြီး
အတိအကျ ဖော်ဆောင်ဖြစ်မည်ဆိုပါက ကွင်းဆင်းကာ
ပြည်သူလူထုနှင့် အသေးစိတ် ဆွေးနွေးသွားရမည်ဟု
သိရသည်။

အဆိုပါမြို့သစ် ခုနစ်ခုအနက်
* ပထမဦးစားပေး ရန်ကုန်အရှေ့ပိုင်းမြို့သစ် ၁၇၃၇၅ ဧကကို
ကျော်၍
ရန်ကုန် အနောက်တောင်ပိုင်းမြို့သစ် (ရန်ကုန်မြို့သစ်စီမံကိန်း)
၂၁၇၁၆  ဧကကို ဦးစွာအကောင်အထည်ဖော်ရန် *
ရန်ကုန်တိုင်းဒေသကြီးအစိုးရအဖွဲ့က တင်ဒါခေါ်ယူခဲ့ရာ
တင်ဒါတင်သွင်းခဲ့သည့် ကုမ္ပဏီသုံးခုရှိပြီး
ရန်ကုန်အနောက်တောင်ဒေသဖွံ့ဖြိုးရေး အများနှင့်သက်ဆိုင်သော
ကုမ္ပဏီ၊ Business Capital City Development Ltd နှင့်
ရွှေသံလွင်ကုမ္ပဏီ၏ ကုမ္ပဏီခွဲဖြစ်သည့်
ရွှေပုပ္ပားအပြည်ပြည်ဆိုင်ရာ ဆောက်လုပ်ရေးကုမ္ပဏီ
လိမိတက်တို့ ဖြစ်ကြောင်း သိရသည်။

ရန်ကုန် မြို့သစ်စီမံကိန်းသည် စီမံကိန်းပမာဏ
ကြီးမားသောကြောင့် ယင်းတင်ဒါများကို စိစစ်နေဆဲသာဖြစ်ပြီး
ယခုအစိုးရလက်ထက်တွင်
ရွေးချယ်နိုင်မှု ရှိ မရှိကို အတိအကျမပြောနိုင်ကြောင်း
ရန်ကုန်တိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးက
ဆိုထားပြီး ယင်းစီမံကိန်းသည် နောက်အစိုးရလက်ထက်တွင်မှာ
အကောင်အထည်ဖော်နိုင်မည့် အနေအထားဖြစ်နေကြောင်း
သိရသည်။

ရန်ကုန်မြို့၏ ပုံမှန်လူဦးရေတိုးနှုန်း ၂ ဒသမ ၆ ရာခိုင်နှုန်း ရှိသဖြင့်
တိုးပွားလျက်ရှိသည့် လူဦးရေအပြင်
အိုးမဲ့အိမ်မဲ့နှင့် ကျူးကျော်များအတွက် နေရာချထားပေးနိုင်ရန်
မြို့သစ်များ တိုးချဲ့ဖော်ထုတ်ရန် လိုကြောင်း
“မဟာရန်ကုန်မြို့ပြဖွံ့ဖြိုးရေး မဟာဗျူဟာစီမံကိန်း ၂၀၄၀” တွင်
ဖော်ပြထားသည်။

- ရန်ကုန်မြို့သည် လက်ရှိဧရိယာ ၃၄၀  စတုရန်းမိုင်ခန့်ရှိနေပြီး
ထပ်မံတိုးချဲ့မြို့သစ် ခုနစ်ခုသည် စတုရန်းမိုင် ၁၀၀ ခန့်ရှိကြောင်း၊ 
- အဆိုပါစတုရန်းမိုင် ၁၀၀ ကျော်တွင် လူဦးရေ ရှစ်သန်းခန့်
ထပ်မံနေထိုင်မည်ဖြစ်ကြောင်း၊
- လက်ရှိရန်ကုန်မြို့၏ လူဦးရေ ငါးသန်းကျော် ပေါင်းလိုက်ပါက
လူဦးရေ ၁၃ သန်းကျော် နေထိုင်နိုင်မည်ဖြစ်ကြောင်း သိရသည်။

(ကျော်ထင်)

*****

၂။ "မြန်မာ့စီးပွားရေးအားကောင်းနေခြင်းကြောင့်
ငွေကြေးဖောင်းပွနေဟု ဗဟိုဘဏ်ဒုဥက္ကဋ္ဌ ဆို"

* မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှု
အားကောင်းနေ ခြင်းကြောင့် ငွေကြေးဖောင်းပွမှု
ဖြစ်ပေါ်နေခြင်းဖြစ်ကြောင်း *
မြန်မာနိုင်ငံတော်  ဗဟိုဘဏ် ဒုတိယဥက္ကဋ္ဌ
ဒေါက်တာဆက် အောင်က နိုဝင်ဘာ ၂၀ ရက်တွင်
ဟိုတယ်နှင့် ခရီးသွားလုပ်ငန်းရှင် များတွေ့ဆုံပွဲ၌ ပြောကြားသည်။

မြန်မာနိုင်ငံ၏ စီးပွားရေးတိုး တက်မှုနှုန်းသည်
တစ်နှစ်လျှင် ၇ ရာခိုင်နှုန်းကျော်ရှိနေသည်ဟု
နိုင်ငံတကာငွေကြေးရန်ပုံငွေအ ဖွဲ့(IMF) က ဗဟိုဘဏ်သို့
အစီ ရင်ခံတင်ပြထားပြီး ၂၀၁၅-၂၀၁၆ ဘဏ္ဍာနှစ်တွင်
ငွေကြေး ဖောင်းပွမှုသည် ၁၁ ဒသမ ၃ ရာ ခိုင်နှုန်းအထိ
မြင့်တက်လာ ကြောင်း ကမ္ဘာ့ဘဏ်၏
စောင့် ကြည့်အစီရင်ခံစာက ဆိုသည်။

ကမ္ဘာ့ဘဏ်၏ ဧပြီလ စီးပွား ရေးစောင့်ကြည့်အစီရင်ခံစာတွင်
မြန်မာနိုင်ငံ၏ စီးပွားရေးတိုးတက် မှုနှုန်းသည်
၈ ဒသမ ၅ ရာခိုင်နှုန်း ခန့်ရှိသည်ဟု ခန့်မှန်းထားသော်လည်း
ရွေးကောက်ပွဲနှင့် ရေကြီး ရေလျှံမှုများကြောင့်
အောက်တို ဘာလထုတ်ပြန်သော စီးပွားရေး စောင့်ကြည့်
အစီရင်ခံစာတွင် ၂ ရာခိုင်နှုန်းလျော့ကျသွားသည်။

အမေရိကန်၊ ဥရောပသမဂ္ဂ နိုင်ငံများ၊
ဂျပန်စသည့် ဖွံ့ဖြိုးမှု အားကောင်းသည့် နိုင်ငံများတွင်
၂၀၀၈ စီးပွားရေးအကျပ်အတည်း ကြောင့် ယနေ့အထိ
စီးပွားရေးဖွံ့ ဖြိုးမှုကျဆင်းနေပြီး စီးပွားရေးကျ ဆင်းမှုနှင့်အတူ
ငွေကြေးဖောင်းပွ မှုမရှိကြောင်း ဦးဆက်အောင်က ဆိုသည်။

‘‘ဒီနိုင်ငံမှာက စီးပွားရေးက အရမ်းတိုးတက်နေတယ်။
ဒါ ကြောင့် ငွေကြေးဖောင်းပွမှုက လည်း မြင့်လာတာပါ။
ငွေကြေး ဖောင်းပွမှုကျအောင်လုပ်ဖို့က
ဆေးခါးကြီးသောက်ရသလိုပဲ။ ဘယ်သူမှကြိုက်မှာ
မဟုတ်ဘူး’’ ဟု ဒေါက်တာဆက်အောင်က ပြောသည်။

လူအများမနှစ်သက်သော် လည်း ငွေကြေးဖောင်းပွမှုကို
လျှော့ချရန် ဗဟိုဘဏ်နှင့် ဘဏ္ဍာ ရေးဝန်ကြီးဌာနတို့    
ပူးပေါင်း ဆောင်ရွက်နေရကြောင်း မြန်မာ နိုင်ငံဗဟိုဘဏ်
ဒုတိယဥက္ကဋ္ဌက ပြောသည်။

- ဘဏ္ဍာရေးဝန်ကြီးဌာနသည် အခွန်များတိုးမြှင့်
ကောက်ခံခြင်း၊
- အစိုးရအသုံးစရိတ်လျှော့ချခြင်း၊
- ငွေတိုက်စာချုပ်များ ထုတ်ရောင်း ခြင်းစသည့်
ဆောင်ရွက်မှုများဖြင့် ငွေကြေးဖောင်းပွမှုများကို
လျှော့ချရမည်ဖြစ်ကြောင်း ၎င်းက ဆို သည်။

* အခွန်တိုးမြှင့်ကောက်ခံမှုကို လူအများနှစ်သက်မှု မရှိခြင်း၊
* ပြု ပြင်ပြောင်းလဲရေး ဆောင်ရွက်နေ သော အစိုးရ
ဖြစ်သောကြောင့် အ သုံးစရိတ်များ မလျှော့ချနိုင်ခြင်း၊
* ငွေတိုက်စာချုပ်များမှာလည်း လူ များ စိတ်ဝင်စားမှု
နည်းပါးနေခြင်း တို့ကြောင့် အခက်အခဲဖြစ်နေရ ကြောင်း
၎င်းက ပြောသည်။

ဗဟိုဘဏ်အနေဖြင့်
ငွေကြေးဖောင်းပွမှုနှုန်း လျှော့ချရန် ဘဏ်များက ငွေချေးမှုများကို
ကန့် သတ်ခြင်း၊ေ
ဈးကွက်အတွင်းသို့ ငွေပြန်သွင်းခြင်းများ ဆောင်ရွက် ရမည်ဟု
ဦးဆက်အောင်က ရှင်း ပြသည်။

(ပြည်သိမ်း)

credit - Eleven Media Group