“တံဆိပ်ခေါင်းခွန် အကြောင်း သိကောင်းစရာများ”

“တံဆိပ်ခေါင်းခွန် အကြောင်း သိကောင်းစရာများ”

၁။ "တံဆိပ်ခေါင်းခွန် သတ်မှတ်တန်ဖိုးမှသာ အိမ်ခြံမြေ
စာချုပ်စာတမ်း တရားဝင်မည်"

စာချုပ်စာတမ်းပြုလုပ်တဲ့အခါမှာ တံဆိပ်ခေါင်းက
သတ်မှတ်ထားတဲ့ တန်ဖိုးမဖြစ်ရင်တရားမ၀င်တာမျိုး
ရှိတာကြောင့် အရပ်ထဲမှာ လွယ်လွယ်ကူကူချုပ်ဆိုနေကြတဲ့
စာချုပ်စာတမ်းတွေဆို သတိပြုသင့်တယ်လို့ သိရပါတယ်။

အရပ်ထဲမှာ လွယ်လွယ်ကူကူချုပ်ဆိုနေတဲ့ တိုက်ခန်း
အရောင်းအ၀ယ်တွေ၊လုံးချင်းအိမ်တွေ၊မြေတွေရောင်းဝယ်
ကြတဲ့ စာချုပ်တွေမှာ ဥပဒေအရ တရားဝင်ဖို့ဆိုတာ
သတ်မှတ်ထားတဲ့ စာချုပ်စာတမ်းတံဆိပ်ခေါင်းခွန်ဖြစ်ဖို့
လိုအပ်တာပါ၊တချို့ကတရားရုံးမှာ သက်သေခံအဖြစ်
အသုံးပြုလို့ မရနိုင်ဘူးလို့ပြောပါတယ်။

အကျိုးဆောင် ရှေ့နေဦးအောင်မိုးက
*** တိုက်ခန်းအရောင်းအ၀ယ်တင်မကဘဲ စာချုပ်အားလုံး
သတ်မှတ်ထားတဲ့ တံဆိပ်ခေါင်းခွန်တန်ဖိုးကို ပေးဆောင်
ရတယ်၊မပြည့်မီရင်တရားရုံးမှာ သက်သေခံအဖြစ် သုံးလို့
မရပါဘူး၊ချုပ်ဆိုတဲ့ အခါမှာ တန်ဖိုးမပြည့်ဘူးဆိုရင်
ကုစားလို့တော့ ရပါတယ် *** လို့ သိရပါတယ်။

အများစုက အရောင်းအ၀ယ်စာချုပ်တွေကို စာချုပ်ပါ
အချက်အလက်တွေလောက်သာ အလေးထားပြီး
လုပ်ဆောင်ကြတာများတယ်။တချို့တွေက အလွယ်တကူပဲ
စာစီစာရိုက်ဆိုင်တွေ ၊စာချုပ်စာတမ်း ရောင်းတဲ့ ဆိုင်တွေ
ကနေ ၀ယ်ယူပြီး ချုပ်ဆိုကြတာမျိုးပါ။အသင့်ရိုက်ထားတဲ့
စာချုပ်တွေမှာပဲ အချက်အလက်တွေဖြည့်စွတ်ပြီး
အလွယ်တကူချုပ်ဆိုကြတာဖြစ်တယ်။

သတ်မှတ်ထားတဲ့ တန်ဖိုးထက်လျော့နည်းနေတဲ့
စာချုပ်တံဆိပ်ခေါင်းခွန်ကို တရားဝင်ဖြစ်အောင် ဖြည့်စွက်လို့
ရတယ်လို့ အကျိုးဆောင်ရှေ့နေတချို့ဆီက သိရတယ်။
တံဆိပ်ခေါင်းခွန် ဥပဒေအရ ပြောင်းလဲသတ်မှတ်ထားတဲ့
တန်ဖိုးတွေအတိုင်းဖြစ်ဖို့ သက်ဆိုင်ရာမြို့နယ်
အခွန်ဦးစီးဌာနမှာပေးသွင်းလို့ရပါတယ်။

ဝယ်ရောင်း အကျိုးဆောင်ဦးဝင်းနိုင်က
"စာချုပ်အများစုက တော့ အရောင်းအ၀ယ်စာချုပ်ကို
အပြင်ကနေ၀ယ်ပြီး ချုပ်လိုက်ကြတာပဲ၊တံဆိပ်ခေါင်း
ဘယ်လောက်တန်တယ်ဆိုတာတောင် သေချာမကြည့်ကြ
တော့ဘူး၊ အမှုအခင်းဖြစ်ရင် တရားဝင်ဖြစ်တဲ့ အချက်တွေ
ရှိရင်ပိုပြီး ခိုင်မာတာပေါ့" လို့ ပြောပါတယ်။

တချို့က ငါးကျပ်တန် အခွန်တံဆိပ်ခေါင်းနဲ့ ချုပ်တယ်။
အချို့ကခြောက်ကျပ်တန်စတဲ့ အမျိုးမျိုးနဲ့ ချုပ်ကြတယ်။
ချုပ်ဆိုထားတဲ့ ကာလနှစ်အပိုင်းအခြားကိုကြည့်ပြီး
တံခွန်ခေါင်းခွန်ဥပဒေက သတ်မှတ်ထားတဲ့
နှစ်ကာလအပိုင်းအခြားအတွင်းမှာ ချုပ်ဆိုတဲ့ကတိစာချုပ်
တွေဖြစ်ရင်တော့ တရားဝင်တယ်လို့ သိရပါတယ်။

လက်ရှိ်မှာတော့
*** ၂၀၁၄ ခုနှစ်တံဆိပ်ခေါင်းအက်ဥပဒေပြင်ဆင်ချက်အရ
- ကတိစာချုပ်ဆိုရင်ငွေကျပ် ၃၀၀ တန်တံဆိပ်ခေါင်းခွန်
သတ်မှတ်ထားပြီး
- ကျမ်းကျိန်လွှာလက်ထပ်စာချုပ်တွေမှာတော့ ငွေကျပ် ၁၅၀
တန် တံဆိပ်ခေါင်းခွန် သတ်မှတ် ထမ်းဆောင်ရမှာ
ဖြစ်တယ်။ *** လို့သိရပါတယ်။

ဦးအောင်မိုးက
* တကယ်လို့ ကိုယ်ဆောင်ထားတဲ့ တံဆိပ်ခေါင်းခွန်
သတ်မှတ်ထားတာထက်နည်းနေရင် နည်းနေတဲ့ တန်ဖိုးကိုပဲ
မြို့နယ်အခွန်ဦးစီးဌာနတွေမှာ သွားဆောင်လို့ရတယ်၊
သတ်မှတ်ကာလအတွင်းမှာ ထမ်းဆောင်ရမယ့်တံဆိပ်ခေါင်းခွန်
နှုန်းထားအတိုင်း အပြည့်အ၀ထမ်းဆောင်မှု မရှိခဲ့ရင်တော့
အဲဒီစာချုပ်ဟာ ဥပဒေနဲ့ မညီဘူး သတ်မှတ်နိုင်ပါတယ် *
လို့ပြောပါတယ်။

မြို့နယ်အခွန်ဦးစီးဌာနတွေမှာ ဖြည့်စွတ်ထမ်းဆောင်ရတဲ့
အခွန်ကို ပေးဆောင်တဲ့ အခါမှာ ဒဏ်ငွေပါပေးဆောင်ရတာ
ဖြစ်တယ်။လျော့နည်း ထမ်းဆောင်ထားလို့ ထပ်မံထမ်းဆောင်
ရမယ့် တံဆိပ်ခေါင်းခွန်အပြင် တံဆိပ်ခေါင်းခွန်ရဲ့ ၁၀ ဆကို
တံဆိပ်ခေါင်း အက်ဥပဒေပုဒ်မ ၃၅ (က)အရ ထမ်းဆောင်ရမှာ
ဖြစ်တယ်လို့ သိရပါတယ်။

ဖြည့်စွတ်ထမ်းဆောင်လို့ ရတယ်ဆိုတာက
ဥပမာ - စာချုပ်ချုပ်ဆိုတုန်းက ငါးကျပ်တန် အခွန်တံဆိပ်ခေါင်း
ဖြစ်ခဲ့ရင် ၂၀၁၄ ခုနှစ်ထဲ မှာ ချုပ်ဆိုထားရင် သတ်မှတ်ထားတဲ့
၃၀၀ တန်တံဆိပ်ခေါင်း ဖြစ်ဖို့ ၂၉၅ ကျပ်ကိုမြို့နယ်အခွန်ဦးစီး
ဌာနမှာပေးသွင်းလိုက်ရင် တရားဝင်ဥပဒေနဲ့ ညီသွားမှာ
ဖြစ်တယ်လို့ သိရပါတယ်။

***

၂။ "တန်ဖိုးမပြည့်သည့် တံဆိပ်ခေါင်း တရားဝင်/မ၀င်"

အိမ်၊ ခြံ၊ မြေ အရောင်းအ၀ယ်ကတိစာချုပ် ချုပ်ဆိုရာတွင်
တန်ဖိုး ၃၀၀ိ/-ကျပ် သတ်မှတ်ထားသော်လည်း
၁၀၀ိ/၊ ၂၀၀ိ/ အခွန်တံဆိပ်ခေါင်းများဖြင့် တန်ဖိုးလျှော့၍
ချုပ်ဆိုသည့် စာချုပ်များကိုလည်း မကြာခဏတွေ့ဖူးသည်။

တစ်ခါတစ်ရံဖြစ်တတ်သည်မှာ စာချုပ်ဝယ်သူကိုယ်တိုင်မသိ၍
ဝယ်မိသူများရှိသကဲ့သို့ ရောင်းသည့် ဆိုင်ရှင်ကိုယ်တိုင်
ကလည်း တန်ဖိုးသတ်မှတ်ချက်ကို နားမလည်သည်ကိုလည်း
တွေ့ရသည်။

တံဆိပ်ခေါင်းများမှာ ၁၀၀ိ/တန်မှ ၁၀၀၀ိ/တန်အထိ
အခွန်ရုံးများတွင် မူလဈေးရင်းအတိုင်း ရောင်းချပေးသော်လည်း
ပြင်ပ ဆိုင်များတွင် (၁၀)ဆမှ အဆ(၂၀)အထိဈေးကြီး ပေး၍
ဝယ်ကြရလေ့ရှိသည်။

ပြင်ပဈေးတွင် အခွန်တံဆိပ်ခေါင်းအလွတ် ၁၀၀ိ/တန်မှ
၁၀၀၀ိ/တန်အထိ တံဆိပ်ခေါင်းတစ်ရွက်လျှင်
၁၄၀၀ိ/(တစ်ထောင့်လေးရာ)အထိ ဈေးကြီးပေး၍
ပြန်ဝယ်ကြရ သည်။

ယင်းကဲ့သို့ ပြင်ပပေါက်ဈေးတူညီမှုကြောင့်
တန်ဖိုးနည်း ၁၀၀ိ/-တန်တံဆိပ်ခေါင်းဖြင့် စာချုပ်လျှင်လည်း
ရသည်ဟု အမှတ်မှားသွားကြသည်။

ဥပမာ ။ ။ ဂရန်အမည်ပေါက်သူထံမှ မြေနှင့်အိမ်ဝယ်ယူရာတွင်
၁၀၀ိ/တန် တံဆိပ်ခေါင်းစာချုပ်ဖြင့် ၀ယ်ယူခဲ့သည် ဆိုပါစို့။
အဆိုပါဂရန်အမည်ပေါက်ရောင်းသူက အိမ်နှင့်မြေတန်ဖိုး
ငွေများကို လက်ရောက်ယူပြီးနောက်၊ ၀ယ်ယူသူမှ
မှတ်ပုံတင်အရောင်းအ၀ယ်စာချုပ်ပေးရန် တောင်းဆိုသည့်
အခါ လိုက်နာခြင်းမရှိပါက ၀ယ်သူက ရောင်းသူသို့
မှတ်ပုံတင်ရုံးတွင် အရောင်းအ၀ယ်စာချုပ်ပေးရန်
တရားရုံးတွင် တရားစွဲဆိုယူရလေ့ရှိသည်။

တရားရုံးတွင် ရောင်းသူနှင့် ၀ယ်သူတို့ အရောင်းအ၀ယ်
ပြုလုပ်ထားသည့် ကတိစာချုပ်ကို သက်သေခံအဖြစ်
တင်သွင်းရသည်။

ထိုအခါ တံဆိပ်ခေါင်းခွန် အက်ဥပဒေအရ တန်ဖိုး၃၀၀ိ/-ကျပ်
မပြည့်လျှင် တရားရုံးတွင် သက်သေခံတင်သွင်းခွင့် မရပါ။
ထိုအခါ တန်ဖိုး ၃၀၀ိ/-ကျပ်ပြည့်ရန် အခွန်ရုံးတွင် လိုအပ်သည့်
တံဆိပ်ခေါင်းကို ထပ်မံကပ်ပြီးမှ သက်သေခံ တင်သွင်းခွင့်
ရပါသည်။

ထို့ကြောင့် အစကောင်းမှ အနှောင်းသေချာ ဆိုသလို
မူလအစကပင် ၃၀၀ိ/-ကျပ်တန်တံဆိပ်ခေါင်းပေါ်တွင်
စာချုပ်ခြင်းက ပိုမိုကောင်းမွန်ပြီး နောင်ရေးစိတ်အေးရပါသည်။

မှတ်ချက် ။ ။

ယခုတင်ပြသည့်အချက်မှာ တရားမမှုများအတွက် ရည်ညွှန်းခြင်း
ဖြစ်ပါသည်။ ပြစ်မှုဆိုင်ရာဥပဒေ/ ရာဇ၀တ်မှုများနှင့်
မသက်ဆိုင်ပါ။ ရာဇ၀တ်မှုများတွင် တံဆိပ်ခေါင်းတန်ဖိုး
သတ်မှတ်ချက်မရှိပါ။ မည်သည့်တံဆိပ်ခေါင်း ပေါ်တွင်
ချုပ်ဆိုထားသည့် မူရင်းစာချုပ်စာတမ်းမဆို
သက်သေခံတင်သွင်းခွင့်ရပါသည်။

(AKYOSAUNG)

credit - Modern & အိမ်၊ ခြံ၊ မြေ ဂျာနယ်