"အိမ်ခြံမြေအရောင်းအ၀ယ်ကိစ္စများနှင့် စပ်လျဉ်း၍ သိမှတ်ဖွယ်အချို့"

"အိမ်ခြံမြေအရောင်းအ၀ယ်ကိစ္စများနှင့် စပ်လျဉ်း၍
သိမှတ်ဖွယ်အချို့"

အိမ်ခြံမြေရောင်းဝယ်ရာတွင် စရန်ငွေချထား၍
ရောင်းဝယ်မှုများနှင့် ပတ်သတ်သောအရောင်းအ၀ယ်ကိစ္စ
များတွင် မကြာခဏကြုံတွေ့ရလေ့ရှိသည့် အရောင်းအ၀ယ်
ပျက်ယွင်းမှုများတွင်
- မူလ စရန်ချထားသူမှ သတ်မှတ်ကာလမတိုင်မီ
ကျန်ငွေအပြည့်မပေးနိုင်ခြင်းကြောင့် မူလစရန်ငွေများ
ဆုံးရှုံး၍ အရောင်းအ၀ယ်ကိစ္စ မဖြစ်မြောက်မှုများအပြင်
- အခြားအကြောင်းတစ်ခု အနေဖြင့်လည်း ၀ယ်သူမှ
စရန်ငွေ ချထားပေးပြီးနောက်သတ်မှတ်ကာလအတွင်း
ကျန်ငွေတန်ဖိုးအား ပေးချေရန် စီစဉ်ဆောင်ရွက်သော်လည်း
ရောင်းချသူမှ ကျန်ငွေတန်ဖိုးအား လက်ခံ၍ ပိုင်ဆိုင်မှု
လွှဲပြောင်းပေးရန်အတွက်တိမ်းရှောင်သည့်
အနေဖြင့်အရောင်းစာချုပ် ချုပ်ဆိုရန် ပျက်ကွက်သည့်
ကိစ္စများလည်း ဖြစ်ပေါ်တတ်လေ့ရှိသည်။

စရန်ငွေချထား၍ အရောင်းအ၀ယ်ပြုလုပ်ရာတွင်
အများသတ်မှတ်နားလည်ကြသည့်သဘောအရ စရန်ငွေပေး၍
ကတိစာချုပ်ဖြင့် အရောင်းအ၀ယ်ပြုလုပ်ထားသည့်
အိမ်ရာတိုက်ခန်းနှင့်ဆက်စပ်ရာ ပစ္စည်းများအား ရောင်းချသူမှပင်
တာဝန်ယူထိန်းသိမ်းပေးရမည့်တာဝန်ရှိသည်။

အကယ်၍ ၀ယ်ယူသူမှ စရန်ငွေအား စုစုပေါင်းတန်ဖိုးနီးပါးခန့်
ပေးချေထားသည့် အနေအထားဆိုလျှင် ၀ယ်သူအား
အိမ်ရာတိုက်ခန်းကို လက်လွှဲပြောင်းပေးနိုင်ပြီး
ကျန်ငွေတန်ဖိုးအား ခံဝန်ကတိ စာချုပ်စာတမ်းချုပ်ဆို၍
အရောင်းအ၀ယ်ကိစ္စဖြစ်မြောက် နိုင်မည်ဖြစ်သည်။

သို့သော်အထက်ပါ ကနဦးဖော်ပြပါ ပြဿနာများကဲ့သို့
ဝယ်သူမှ စရန်ငွေ ကြိုတင်ချထား၍ သတ်မှတ်ကာလအတွင်း
ငွေအကျေပေးချေရန်ဆောင်ရွက်သော်လည်း ရောင်းသူမှ
အကြောင်းအမျိုးမျိုးပြ ရှောင်တိမ်းနေလျှင်သော်လည်းကောင်း၊
ခရီးသွားလာမှုများပြုလုပ်ပြီး အပြီးသတ် စာချုပ်ချုပ်ရက်
ကျော်လွန်စေ၍အရောင်းအ၀ယ် စာချုပ်မချုပ်ဆိုနိုင်ရန်
တိမ်းရှောင်မှုများ ကြုံတွေ့ရလျှင် ရောင်းချသူအနေဖြင့်
အပြီးသတ် အရောင်းအ၀ယ်စာချုပ်ချုပ်ဆိုရန် ပျက်ကွက်မှုများ
အတွက် ဥပဒေနည်းလမ်းအရ အရေးယူဆောင်ရွက်၍
ရ/မရ နှင့်မည်သို့သော ဥပဒေကြောင်းအရ
ဆောင်ရွက်ရမည်ကိုလည်း အိမ်ခြံမြေ အရောင်းအ၀ယ်ကိစ္စ
များနှင့် စပ်လျင်း၍ လေ့လာမှတ်သားမိသမျှအား 
မျှဝေဖော်ပြလိုက်ပါသည်။

စရန်ငွေရယူထားပြီးအပြီးသတ်ရောင်းချရန် စာချုပ်ချုပ်ဆိုမှုအား
ပျက်ကွက်ပါက ပြစ်မှုဆိုင်ရာ ပုဒ်မ ၄၂၀ အရလိမ်လည်မှု
မြောက်မမြောက် ဥပဒေကြောင်းအရ ဆန်းစစ်ကြည့်
မည်ဆိုလျှင်
*** မည်သူမဆို လိမ်လည်လှည့်ဖျားခံရသူအား
ပစ္စည်းတစ်ခုခုကို တစ်ဦးတစ်ယောက်အားပေးအပ်စေရန်ဖြစ်စေ၊
ထိုပစ္စည်းအား ဆက်လက်ထားရှိစေရန်ဖြစ်စေ သူတစ်ပါးအပေါ်
မကောင်းသည့် စိတ်စေတနာဖြင့် လိမ်လည်လှည့်ဖျားရန်
အကြံနှင့် မရိုးဖြောင့်သောနည်းဖြင့် သွေးဆောင်လျှင်
လိမ်လည်မှုမြောက်သည် *** ဟု ဆိုသည်။

ဥပဒေအကြံပေးပုဂ္ဂိုလ် ဆရာထီယုရေးသားသော
ဆောင်းပါးတစ်ပုဒ်တွင် ဤသို့သောပြဿနာဖြစ်ပွားခဲ့မှုကို
အခြေခံ၍ ဥပဒေဆိုင်ရာ ဖြေရှင်းလုပ်ဆောင်နိုင်မှု တစ်ရပ်ကို
ရှင်းလင်းဖော်ပြထားသည်ကို တွေ့ရသည်။

အမှုတွင်
- ဦးဘိုးကျင်နှင့် ဒေါ်ခင်ထွေး တို့မှ ဦးအုန်းမောင်ဆိုသူအား
အိမ်နှင့်မြေကိုသတ်မှတ်တန်ဖိုးတစ်ခုဖြင့် ရောင်းချရန်
သဘောတူစာချုပ်ချုပ် ချုပ်ဆိုခဲ့ရာ အပြီးသတ်အရောင်းအ၀ယ်
စာချုပ်ချုပ်ဆိုခြင်း မပြုလုပ်မီ ဦးအုန်းမောင်မှ စရန်ငွေပေးအပ်၍
ကျန်ငွေကို သတ်မှတ်ကာလအတွင်း အပြီးပေးချေမည့်
ကတိခံဝန်ဖြင့် ချုပ်ဆိုခဲ့သည်။
- သို့သော် ဦးအုန်းမောင်မှ ကျန်ငွေအားသတ်မှတ်ကာလအတွင်း
သွားရောက်ပေးချေသော်လည်း ဦးဘိုးကျင်နှင့် ဒေါ်ခင်ထွေးတို့မှ
ငွေအပြီးသတ်ပေးချေ၍ အရောင်းအ၀ယ်ပြုမှုကို လက်မခံသဖြင့်
ဦးအုန်းမောင်မှနေ၍ဦးဘိုးကျင်နှင့် ဒေါ်ခင်ထွေးတို့အား
စရန်ငွေကိုလိမ်လည်ရကြောင်း ပြစ်မှုဆိုင်ရာ
ဥပဒေပုဒ်မ ၄၂၀ ဖြင့် တရားရုံးသို့ တိုင်ကြားသည့်ကိစ္စ
ဖြစ်လာသည်။
- ဤတွင် ဦးဘိုးကျင်၊ ဒေါ်ခင်ထွေးတို့မှ မိမိတို့ အိမ်နှင့်ခြံအား
ရောင်းချရန် သဘောတူညီခဲ့ပြီး ဦးအုန်းမောင်ထံမှ စရန်ငွေကို
လည်း ရယူထားကာ သတ်မှတ်ကာလအတွင်း
ကျန်ငွေပေးချေခြင်းကို လက်မခံပဲ အရောင်းအ၀ယ် စာချုပ်
ချုပ်ဆိုမပေးခြင်းအား ဥပဒေပုဒ်မ ၄၂၀ နှင့်ငြိစွန်းခြင်း ရှိ/မရှိ
သုံးသပ်ရာတွင်

- ဦးဘိုးကျင်နှင့် ဒေါ်ခင်ထွေးတို့အနေဖြင့်ဦးအုန်းမောင်ထံမှ
စရန်ငွေ ရယူထားကြောင်းကို တွေ့ရသည်။
- စရန်ငွေ ရယူပြီးနောက်ပိုင်းအိမ်နှင့်မြေအားအပြီးသတ်
ရောင်းချရန် ငြင်းဆိုခဲ့ခြင်းမှာ စရန်ငွေရယူစဉ်က ချုပ်ဆိုသော
ကတိက၀တ်ကိုဖောက်ဖျက်ရာ ရောက်နိုင်ပေသည်။
- အချင်းဖြစ်ပွားရာ အိမ်နှင့်မြေမှာဦးဘိုးကျင်နှင့်ဒေါ်ခင်ထွေးတို့
ပိုင်ဆိုင်ကြောင်း ခိုင်လုံကာ
- စရန်ပေး စာချုပ်ချုပ်ဆိုစဉ်ကအိမ်နှင့်မြေ မရှိပဲ
အိမ်မြေရှိသယောင် လိမ်လည်စာချုပ်ချုပ်ဆိုခြင်းမဟုတ်သည်
့အပြင်
- စရန်ငွေ ပေးချေထားသူ ဦးအုန်းမောင်နှင့် မိသားစုကိုလည်း
ဦးဘိုးကျင်မှ အခြင်းဖြစ်ပွားရာအိမ်ခြံ၌ပင် နေထိုင်ခွင့်
ပေးထားကြောင်း စစ်ဆေးတွေ့ရှိသောကြောင့်
- လိမ်လည်လှည့်ဖျား၍စရန်ငွေ ယူထားကြောင်း
မပေါ်ပေါက်သဖြင့် ပြစ်မှုဆိုင်ရာ ဥပဒေပုဒ်မ ၄၂၀ အရ
အရေးယူနိုင်မည် မဟုတ်ဟု စီရင်ဆုံးဖြတ်ချက်ချခဲ့သည်။

- သို့သော် စရန်ငွေ ရယူထားပြီး အိမ်နှင့်ခြံအား အပြီးသတ်
ဆက်လက်ရောင်းချရန် ပျက်ကွက်ခြင်းအား ပြစ်မှုဆိုင်ရာဥပဒေ
ပုဒ်မ၄၂၀ အရ တရားစွဲဆိုခွင့် မရှိသော်လည်း
- ကတိစာချုပ်တွင် ဖော်ပြထားသည့် စရန်ချပေးသူအတွက်
နစ်နာကြေး သို့မဟုတ် လျော်ကြေးငွေအား တရားမမှုဖြင့်
တရားစွဲဆိုတောင်းပိုင်ခွင့်ဖြစ်စေ ၊အရောင်းအ၀ယ် စာချုပ်
ဆက်လက်ချုပ်ဆို၍ အိမ်နှင့်ခြံအား လွှဲပြောင်းပေး
စေလိုမှု ဖြစ်စေ ရှိမည်ဖြစ်သည် ဟု ပါရှိပါသည်။

ထို့ကြောင့် အိမ်ခြံမြေ စရန်ချထားခြင်းနှင့် စပ်လျင်း၍
ဖြစ်ပေါ်လာနိုင်သော ပြဿနာများအတွင်း ထိုသို့သော ကိစ္စများ
ကြုံတွေ့လာပါက ဗဟုသုတအနေဖြင့် မှတ်သားနားလည်
နိုင်စေရန်အတွက် အိမ်ခြံမြေဆိုင်ရာပြဿ နာများနှင့်
ဥပဒေနည်းလမ်းအရ ဖြေရှင်းလုပ်ဆောင်နိုင်ခြင်းများအား
Property com mm သတင်းမီဒီယာအဖွဲ့မှ လေ့လာရေးသား
တင်ပြလိုက်ပါသည်။

credit - Property Media Team