“ပြန်သိမ်းမည် (သို့မဟုတ်) အရေးယူမည်”

“ပြန်သိမ်းမည် (သို့မဟုတ်) အရေးယူမည်”

၁။ "မန္တလေးတိုင်းက လုပ်ငန်း အကောင်အထည်
မဖော်နိုင်သည့် မြေ ဧက ၃၀၀၀ ကျော် ပြန်သိမ်းမည်"

မန္တလေးတိုင်းအတွင်းရှိ လုပ်ငန်းအကောင်အထည်ဖော်မှု
မရှိသည့် မြေဧကပေါင်း ၃၀၀၀ ကျော်ကို ပြန်သိမ်းမည်
ဖြစ်ကြောင်း မန္တလေးတိုင်း ဒေသကြီး စိုက်ပျိုးရေး၊
မွေးမြူရေးနှင့် ဆည်မြောင်း ၀န်ကြီး ဒေါက်တာ စိုးသန်း
က ပြောသည်။

အဆိုပါ မြေများသည် လယ်ယာမြေကို အခြားနည်း
သုံးစွဲခွင့် လျှောက်တင်ထားပြီး ၆ လအတွင်း
အကောင်အထည် ဖော်မှုမရှိသည့် မြေများ ဖြစ်သည်ဟု
ဆိုသည်။

“လယ်ယာမြေကို အခြားနည်း သုံးစွဲခွင့်ရဖို့ လျှောက်တယ်။
၆ လအတွင်းမှာ ဘာလုပ်ငန်းမှ မလုပ်သေးတဲ့ မြေတွေကို
ပြန်သိမ်းမယ်။ ဥပဒေမှာ သိမ်းတယ်ဆိုတာက မြေကို
သိမ်းမှာ မဟုတ်ပါဘူး၊ သူ့ကို ခွင့်ပြုထားတဲ့ အခြားနည်း
သုံးစွဲခွင့် ကို ပြန်ရုပ်မှာပါ” ဟု ဒေါက်တာ စိုးသန်း က
ရှင်းပြသည်။

*** ဖွံ့ဖြိုးရေးစီမံကိန်းများဆောင်ရွက်ရန်အတွက်
လယ်ယာမြေများကို အခြားနည်းဖြင့် သုံးစွဲခွင့် ပုံစံ (၃၀)
လျှောက်ထားကြရာ ခွင့်ပြုမိန့်ရပြီး ၆ လအတွင်း လုပ်ငန်း
အကောင်အထည်ဖော်မှု မရှိသေးပါက ထိုသုံးစွဲခွင့်အား
ပြန်လည် ရုပ်သိမ်းနိုင်ကြောင်း ၂၀၁၂ ခုနှစ် လယ်ယာမြေ
ဥပဒေတွင် ပြဌာန်းထားသည်။

၂၀၁၂ ခုနှစ် လယ်ယာမြေ ဥပဒေတွင် လယ်ယာမြေပေါ်
တွင် သီးနှံစိုက်ပျိုးခြင်း မဟုတ်ဘဲ ဆေးရုံ၊ စာသင်ကျောင်း၊
ဈေးဝယ်စင်တာ၊ ဟိုတယ်နှင့် ဓာတ်ဆီဆိုင်စသည့်
အဆောက်အအုံများ ဆောက်လုပ်ခြင်း၊ စက်မှုဇုန်နှင့်
ဖွံ့ဖြိုးရေး စီမံကိန်းများအတွက် အသုံးပြုခြင်းစသည့်
အခြားနည်းဖြင့် အသုံးပြုလိုပါက ပုံစံ (၃၀) ဖြင့်
သက်ဆိုင်ရာ မြို့နယ် မြေစာရင်း ဦးစီးဌာနသို့
လျှောက်ထားရမည် ဖြစ်သည်ဟု ဆိုထားသည်။

ထို့အပြင် ဧက ၅၀ အောက် ယာမြေဖြစ်ပါက
သက်ဆိုင်ရာ တိုင်းဒေသ အစိုးရအဖွဲ့က ခွင့်ပြုချက်
ချထားပေးနိုင်ပြီး လယ်မြေဖြစ်ပါက ပြည်ထောင်စု အစိုးရ
ခွင့်ပြုချက်ရမှသာ လုပ်ပိုင်ခွင့် ရရှိမည် ဖြစ်ကြောင်းလည်း
ဖော်ပြပါရှိသည်။ ***

မန္တလေးတိုင်းအတွင်းက အခြားနည်းသုံးစွဲခွင့်ရထားပြီး
လုပ်ငန်းစတင်ခြင်းမရှိသေးသည့် လယ်ယာမြေ ဧကပေါင်း
၃၀၀၀ ကျော်နှင့် မြေလွတ်မြေရိုင်း ဧကပေါင်း ၃ သောင်း
ကျော်တို့အား အောက်တိုဘာ တတိယပတ် အတွင်း
တိုင်း ဒေသကြီး လယ်ယာမြေ စီမံခန့်ခွဲရေး အဖွဲ့က
အပြီးသတ် စိစစ်၍ ဗဟို လယ်ယာမြေ စီမံခန့်ခွဲရေး
အဖွဲ့ထံ တင်ပြသွားမည်ဟု သိရသည်။

“စီမံကိန်းဆောင်ရွက်ဖို့ တခြားဝန်ကြီးဌာန တခုခုကနေ
ခွင့်ပြုမိန့်ကျဖို့ စောင့်နေတာမျိုး ဆိုရင်တော့ တမျိုးပေါ့၊
တချို့က ရေ၀င်ဧရိယာမှန်း သိရဲ့နဲ့ စီမံကိန်းလုပ်ဖို့
လာလျှောက်ကြတယ်၊ ပြီးတော့ မြေဦးပြီး ရောင်းစားဖို့
လုပ်တာတွေ များ နေကြတယ်။ မြေလွတ်မြေရိုင်း
လျှောက်ထားမှုမှာဆို လူတဦးတည်းနဲ့
တောင်တတောင်လုံး ပိုင်နေတာတွေရှိတယ်” ဟု
ဝန်ကြီး ဒေါက်တာ စိုးသန်းက ပြောသည်။

အခြားနည်းဖြင့် သုံးစွဲခွင့်ကျပြီးသား ဧက ၃၀၀၀ ကျော်၏
ထက်ဝက်နီးပါးသည် မြို့ပြစီမံကိန်း လုပ်ငန်း လုပ်ကိုင်ရန်
ခေါင်းစဉ်ဖြင့် လျှောက်ထားကြပြီး တချို့စီမံကိန်းများသည်
ယနေ့အထိ အကောင်အထည်ဖော်မှု မရှိသေးကြောင်း
လည်း ၄င်းက ပြောဆိုသည်။

ယင်းမြေယာကိစ္စများအား ဗဟိုလယ်ယာမြေ စီမံခန့်ခွဲရေး
အဖွဲ့၏ အတည်ပြုချက်ရရှိပြီးပါက ၂ လအတွင်း အပြီး
ဆောင်ရွက်သွားမည်ဟု ဆိုသည်။

မန္တလေးတိုင်းအတွင်း၌ လယ်ယာမြေကို အခြားနည်းဖြင့်
သုံးစွဲခွင့် လျှောက်ထားမှု အများဆုံးမြို့နယ်မှာ အမရပူရ
မြို့နယ်ဖြစ်ပြီး မြေလွတ်မြေရိုင်း လျှောက်ထားမှုတွင်
ပုသိမ်ကြီးနှင့် ပြင်ဦးလွင်မြို့နယ်က အများဆုံးဖြစ်ကြောင်း
မန္တလေးတိုင်း ဒေသကြီး စိုက်ပျိုးရေး၊ မွေးမြူရေးနှင့်
ဆည်မြောင်း ၀န်ကြီးဌာနမှ သိရသည်။

ထိုမြေများအား အခြားနည်းဖြင့် သုံးစွဲခွင့် ပြန်လည်ရုပ်သိမ်း
ပြီးပါက မြေပေါ်တွင် လယ်ယာစိုက်ပျိုးခြင်းမှ အပ အခြား
လုပ်ငန်းများ ဆောင်ရွက်ခွင့်မရှိတော့ဘဲ လုပ်ငန်းပြန်လည်
လုပ်ကိုင်လိုပါက မြို့နယ် မြေစာရင်း ဦးစီးဌာနသို့
လယ်ယာမြေ အခြားနည်းဖြင့် သုံးစွဲခွင့် ပြန်လည်
လျှောက်ထားရမည်ဟု ဆိုသည်။

ဖွံ့ဖြိုးရေး စီမံကိန်းများသည် ငွေကြေး ရင်းနှီးမြှုပ်နှံမှု
အများအပြားဖြင့် ဆောင်ရွက်ရသောကြောင့် အစိုးရတရပ်
က တည်ငြိမ်သည့် မူဝါဒများ ချထားပေးရန် လိုအပ်ပြီး
ထိုသို့မဟုတ်ပါက
နိုင်ငံခြား ရင်းနှီးမြှုပ်နှံမှုများ ၀င်ရောက်ရန်
အဟန့်အတား ဖြစ်စေနိုင်သည်ဟု မန္တလေးမြို့ အမရပူရ
မြို့နယ်တွင် ဆောင်ရွက်လျက်ရှိသည့် တောင်သမန်သစ္စာ
ဟိုတယ်ဇုန် စီမံကိန်းမှ တာဝန်ရှိသူ တဦးက ပြောသည်။

စိမ်းရောင်စိုနှင့် Natural Green Alliance (သဘာဝစိမ်း)
အရပ်ဘက် လူ့အဖွဲ့အစည်းမှ ဦးမောင်မောင်ဦးကလည်း
“လယ်ယာမြေဥပဒေရဲ့ အားနည်းချက်ကို အခွင့်ကောင်း
ယူပြီး အရင်အစိုးရမပြောင်းခင်က သူတို့နဲ့ နီးစပ်ရာလူတွေ
ကပဲ အကွက်အကွင်း ကောင်းတဲ့နေရာတွေကို
လက်ဝါးကြီးအုပ် သိမ်းဆည်းခဲ့ပါတယ်။ နောင်မှာ စီမံကိန်း
တွေနဲ့ ပတ်သတ်ပြီး လူထုအပေါ် ပွင့်လင်းမြင်သာစွာ ချပြ
ဖို့က အရေးကြီးဆုံး အချက်လို့ မြင်ပါတယ်”ဟု
ပြောဆိုသည်။

ထို့အတူ မန္တလေးတိုင်းအတွင်း အစိုးရ အကူးအပြောင်း
ကာလ မြို့ပြဖွံ့ဖြိုးရေး စီမံကိန်းခေါင်းစဉ်ဖြင့် အများပြည်သူ    
နှင့် သက်ဆိုင်သည့် မြေဧကများ ချထားပေးမှုနှင့်
ပတ်သက်ပြီး တိုင်း လွှတ်တော်တွင် အဆိုပြုခဲ့ရာ
အစိုးရအဖွဲ့က မြေယာ အထူး စုံစမ်းစစ်ဆေးရေး အဖွဲ
့ဖွဲ့ကာ စက်တင်ဘာ လလယ်ပိုင်းမှ စတင်စစ်ဆေးမှုများ
လည်း ဆောင်ရွက်လျက်ရှိသည် ဟု တိုင်းဒေသကြီး
လွှတ်တော် ကိုယ်စားလှယ် ဦးတင်အောင်က ပြောသည်။

(မြတ်ပြည့်ဖြိုး)

***

၂။ "တနင်္သာရီတိုင်းမှာ မြေဧက ၆ သိန်းကို အစိုးရ
ပြန်သိမ်း"

တနသာင်္ရီတိုင်းဒေသကြီးမှာ စိုက်ပျိုးရေးလုပ်ငန်းအတွက်
လျှောက်ထားပြီး စိုက်ပျိုးမှု မရှိတဲ့ မြေလွတ်၊ မြေရိုင်းနဲ့
သစ်တောမြေ ဧက ၆ သိန်းကျော်ကို တိုင်းဒေသကြီး
အစိုးရက ပြန်လည်သိမ်းယူသွားမယ်လို့
တိုင်းအစိုးရအဖွဲ့က ပြောပါတယ်။

ဆီအုန်းနဲ့ ရော်ဘာစိုက်ပျိုးဖို့ လုပ်ကိုင်ခွင့်တောင်းခံထား
တဲ့ မြေတွေမှာ သတ်မှတ်ကာလအတွင်း အမှန်တကယ်
အသုံးပြုထားခြင်းမရှိတဲ့အတွက် ပြန်လည်သိမ်းယူတာ
ဖြစ်တယ်လို့ တနသာင်္ရီတိုင်းဒေသကြီး သယံဇာတနဲ့
ပတ်ဝန်းကျင်းထိမ်းသိမ်းရေးဝန်ကြီး ဦးမြင့်မောင်က
ပြောပါတယ်။

"ယခင်က သူတို့လျှောက်တုန်းကတော့ ဆီအုန်းတို့
ရော်ဘာတို့ စိုက်ဖို့လျှောက်တာ အမှန်တကယ်စိုက်ပျိုး
ထားတဲ့ဟာက နည်းနည်းလေးပဲရှိတယ်၊ အခုသိမ်းတယ်
ဆိုတဲ့ဟာက ကျန်တဲ့ဟာကိုသိမ်းတာ နည်းနည်းလေးပဲ
စိုက်တယ်၊ လုံးဝမစိုက်ဘူး၊ တကယ်တော့ ဆီအုန်း
စိုက်တယ်ဆိုတာကလည်း လမ်းမတန်းလောက်ပဲ သူတို့
ဟန်ပြလောက်ပဲစိုက်တာ နောက်များအများကြီး
ကျန်သေးတယ် လျှောက်ထားပြီး သူတို့မစိုက်လို့ပါ"

လုပ်ကိုင်ခွင့်ရယူထားပြီး လေးနှစ်အတွင်း အသုံးပြုထားခြင်း
မရှိတဲ့ သစ်တောမြေဧက သုံးသိန်းခြောက်ထောင်ကျော် နဲ့
မြေလွတ်မြေရိုင်းဧက သုံးသိန်းသုံးသောင်းကျော်ကို
ပြန်လည်သိမ်းယူမှာဖြစ်ပါတယ်။

အဲဒီ မြေတွေထဲက သစ်တောမြေတွေကို ပြန်လည်သိမ်းယူ
ထားပြီးဖြစ်ပေမယ့် မြေလွတ်မြေရိုင်း အသုံးပြုခွင့်မှာ
ဗဟိုအစိုးရက ခွင့်ပြုထားတဲ့မြေနဲ့ တိုင်းဒေသကြီးအစိုးရက
ခွင့်ပြုထားတဲ့မြေဆိုပြီး နှစ်မျိုးရှိတဲ့အတွက် ပြန်လည်
သိမ်းယူဖို့ လုပ်ဆောင်နေပြီလို့ ပြောပါတယ်။

***

၃။ "ပြင်ဦးလွင်တွင် နှစ်ရှည်သီးနှံစိုက်ပျိုးရန် မြေယာငှားရမ်း
ပြီး အကွက်ရိုက်ရောင်းစားသူများကို အရေးယူမည်"

မန္တလေးတိုင်းဒေသကြီး ပြင်ဦးလွင်မြို့နယ်အတွင်း အစိုးရပိုင်
မြေလွတ်မြေရိုင်းနှင့် သစ်တောမြေများကို နှစ်ရှည်သီးနှံ
စိုက်ပျိုးလုပ်ကိုင်ရန်ဟုဆိုကာ ငှားရမ်းပြီး စိုက်ပျိုးရေး
မလုပ်ဘဲ အကွက်ရိုက်ရောင်းစားနေသည့် စီးပွားရေး
လုပ်ငန်းရှင်များကို အရေးယူမည်ဖြစ်ကြောင်း
တိုင်းအစိုးရအ ဖွဲ့မှ သတင်းရရှိသည်။

ပြင်ဦးလွင်မြို့နယ်အတွင်း မြေလွတ်မြေရိုင်း ဧက
ငါးသောင်း ခန့်နှင့် ဧကသောင်းချီသော သစ်တောမြေ
များကို နှစ်ရှည်သီးနှံပင်များ စိုက်ပျိုးလုပ်ကိုင်ရန်ဟုဆိုကာ
ပြီးခဲ့သည့် အစိုးရသက်တမ်း အတွင်း ပုဂ္ဂလိက
လုပ်ငန်းရှင်များကို ငှားရမ်းလုပ်ကိုင်ခွင့်ပြုခဲ့ခြင်း ဖြစ်သည်။

သို့သော် ငှားရမ်းလုပ်ကိုင် ခွင့်ပြုထားသည့် မြေယာများ
ထဲမှ အများစုမှာ မည်သည့်စိုက်ပျိုးရေး လုပ်ငန်းမျှ
လုပ်ကိုင်ခြင်းမရှိဘဲ စီးပွားရေးလုပ်ငန်းရှင်အချို့က
အကွက်ရိုက်ရောင်းစားမှုများရှိနေသည့်အတွက်
အစိုးရအဖွဲ့က အရေးယူရန် စီစဉ်ခြင်းဖြစ်သည်ဟု
မန္တလေးတိုင်းဒေသကြီး စိုက်ပျိုးရေး၊ မွေးမြူရေးနှင့်
ဆည်မြောင်း ဝန်ကြီး ဒေါက်တာစိုးသန်းက ပြောသည်။

‘‘မြေငှားရမ်းစဉ်ကတည်းက နှစ်ရှည်သီးနှံစိုက်ပျိုးဖို့
ဖြစ်ပါတယ်။ တချို့က မြေယူထားပြီး ဘာမှမလုပ်ဘူး။
တချို့က လုပ်ငန်းလုပ်တယ်။ တချို့ကတော့ အကွက်ရိုက်
ရောင်းတာတွေရှိ တယ်။ မေလကစပြီး ပြန်စိစစ်နေပါတယ်။
ဥပဒေအရ အရေးယူမှာ ဖြစ်ပါတယ်’’ ဟု
ဝန်ကြီးဒေါက်တာစိုးသန်းက ဆိုသည်။

သစ်တောမြေများကို ကော်ဖီ၊ ပိုးဇာနှင့် နှစ်ရှည်ပင်စိုက်ခင်း
များ ဆောင်ရွက်ရန် အကြောင်းပြချက်ဖြင့် ပုဂ္ဂလိကသို့
ဧကများစွာ ချထားပေးခဲ့ပြီး သီးနှံစိုက်ပျိုးခြင်း မရှိဘဲ
ဥပဒေမဲ့အကွက်ရိုက် ရောင်းချခြင်း၊ လွှဲပြောင်းရောင်းချခြင်း
များကို ထိရောက်စွာ အရေးယူဆောင်ရွက်ရန် တိုက်တွန်း
ကြောင်းအဆိုကို စက်တင်ဘာက ကျင်းပခဲ့သည့်
မန္တလေးတိုင်း ဒေသကြီး လွှတ်တော်အစည်းအဝေးတွင်
ပြင်ဦးလွင်မြို့နယ်မှ တိုင်းဒေသကြီး လွှတ်တော်
ကိုယ်စားလှယ် ဦးအောင်မင်းက တင် သွင်းခဲ့သည်။

လက်ရှိတွင် မြေလွတ်မြေရိုင်းများ ချထားပေးမှုများကို
ပြန်လည်စိစစ်ပြီးဖြစ်ကာ သစ်တောမြေချထားပေးခဲ့မှုများကို
စိစစ်နေဆဲဖြစ်သည်ဟု လွှတ်တော်ကိုယ်စားလှယ်
ဦးအောင်မင်းက ပြောသည်။

‘‘ကျွန်တော်တို့ ပြန်လည် စိစစ်တဲ့အချိန်မှာ ၅၀ ရာခိုင်နှုန်း
လောက်က ဥပဒေနဲ့မညီဘဲ လုပ်နေတာ တွေ့ရပါတယ်။
နှစ်ရှည် သီးနှံစိုက်ပျိုးဖို့ဆိုပြီး ငှားရမ်းရယူထားပေးမယ့်
ဘာသီးနှံမှ မစိုက်ပျိုးတာ၊ အကွက်ရိုက်ပြီး လက်လွှဲ ရောင်းချ
ထားတာတွေ တွေ့ရပါတယ်’’ဟု ဦးအောင်မင်းက ပြောသည်။

ထိုသို့ မြေယာများ ငှားရမ်း ပြီး ဥပဒေနှင့်မညီဘဲ လုပ်ဆောင်
နေသူများကို အရေးယူမည်ဟု ဒေါက်တာစိုးသန်းက
ပြောသည်။

ပြင်ဦးလွင်မြို့နယ်အတွင်း မြေဧရိယာ ဧကငါးသိန်းခန့်ရှိပြီး
မြို့နယ်မြေဧရိယာ၏ ၄၇ ရာခိုင်နှုန်းကျော်ဖြစ်သော
ဧကနှစ်သိန်း ကျော်မှာ သစ်တောမြေများဖြစ်သည်။
ထို့အပြင် မြေလွတ်မြေရိုင်း များလည်း ဧကများစွာရှိသည်။

ပြီးခဲ့သည့် အစိုးရသက်တမ်းအတွင်း ပြင်ဦးလွင်မြို့နယ်
အတွင်း ရှိ သစ်တောမြေများတွင် သစ်မာ၊ကော်ဖီ၊
အစုအဖွဲ့ပိုင်စိုက်ခင်း၊ စိုက်ပျိုးရေးလုပ်ကိုင်ရန် ပုဂ္ဂလိကသို့
လုပ်ကိုင်ခွင့်ပြုထားသော မြေ ဧကငါးသောင်းကျော်
ရှိခဲ့သည်။

(မောင်တာ)

credit - Irrawaddy Publishing Group /
RFA Burmese & 7day Daily

“အိမ်ခြံမြေ လမ်းဆုံ” မိတ်ဆွေများခင်ဗျာ -
---------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/726764717432470/photos/a.727586294016979.1073741828.726764717432470/962655320510074/?type=3