“၁ဒေါ်လာ = ၁၄၂၈ကျပ်နှင့် ဆက်စပ်သတင်းများ”

“၁ဒေါ်လာ = ၁၄၂၈ကျပ်နှင့် ဆက်စပ်သတင်းများ”

၁။ "ဒေါ်လာဝယ်လိုအား ဆက်မြင့်တက်နေပြီး
၁ ဒေါ်လာလျှင် ၁၄၂၈ ကျပ် အထိရှိလာ"

ဈေးကွက်အတွင်း ယနေ့ဒေါ်လာလဲလှယ်နှုန်း
ပေါက်ဈေးသည် ညနေပိုင်း၌ အမေရိကန် ၁ ဒေါ်လာလျှင်
၁၄၂၈ ကျပ် ဈေးဖြစ်နေကြောင်း ဒေါ်လာရောင်းဝယ်
လုပ်ကိုင်သူများထံမှ သိရသည်။

ယခုကဲ့သို့ ဒေါ်လာလဲလှယ်နှုန်း မြင့်တက်နေခြင်းသည်
- မြန်မာနိုင်ငံတော် ဗဟိုဘဏ်၌ နိုင်ငံခြားအရန်ငွေ
နည်းပါးနေခြင်း၊
- ဈေးကွက်အတွင်း ကျပ်ငွေများနေခြင်း ၊
- သွင်းကုန်အစားထိုး ကုန်ထုတ်ပစ္စည်း ထုတ်လုပ်နိုင်စွမ်း
မရှိ၍ ဈေးကွက်အတွင်း ဒေါ်လာဝယ်လိုအား မြှင့်တက်
နေခြင်းဖြစ်ကြောင်း ကမ္ဘာ့ဘဏ်လက်အောက်ရှိ
International Finance Corporation ( IFC) က
ဌာနေကိုယ်စားလှယ် မစ္စတာ ဗစ်(ခ်) ရမ်ကူးမားက
ပြောသည်။

“ဗဟိုဘဏ်မှာ နိုင်ငံခြားအရန်ငွေက ၃ လစာပဲ ရှိတယ်။
ဈေးကွက်မှာ ကျပ်ငွေများနေတယ်။
ကျပ်ငွေတွေကို လျှော့ချဖို့ လိုတယ်။
ဒါကို IFC က အကြံဉာဏ် ပေးထားတယ်။
ထုတ်ကုန်ထုတ်လုပ်နိုင်စွမ်း မရှိသရွေ့
ဒေါ်လာဝယ်လိုအား မြင့်တက်နေဦးမှာ” ဟု
မစ္စတာ ဗစ်(ခ်)ရမ်ကူးမားက ဆိုသည်။

ထို့အပြင် ဒေါ်လာဈေး မြင့်တက်နေခြင်းသည် အမေရိကန်
သမ္မတသစ်အဖြစ် ရွေးချယ်ခံခဲ့ရသည့် ဒေါ်နယ်ထရမ့်၏
စီးပွားရေးကောင်းမွန်အောင် ပြုလုပ်သွားမည့် မူဝါဒများ
ကြောင့် အမေရိကန်ဒေါ်လာဈေး ခိုင်မာနေကြောင်းနှင့်
ပြည်တွင်းအနေဖြင့် ကုန်သွယ်ရေးလိုငွေ၊ ဘဏ္ဍာရေးလိုငွေ
ကြီးမားနေရာတွင် လိုငွေများလျှော့ချနိုင်ရန်နှင့် ပို့ကုန်
မြင့်တင်နိုင်ရေးသည် အရေးကြီးသည့် အချက်တချက်
အနေဖြင့် ပါဝင်နေကြောင်း စီးပွားရေး ပေါ်လစီပိုင်း
ပညာရှင် ဒေါက်တာအောင်ကိုကိုက ပြောသည်။

“ကမ္ဘာမှာလည်း ဒေါ်လာတက်တယ်။ ပြည်တွင်းမှာက
ပို့ကုန်များများမရှိတော့ နိုင်ငံခြား ပို့ကုန်ရငွေလည်း
သိပ်များများ မရှိဘူး။ ရေတိုဖြေရှင်းရရင် ကုန်သွယ်ရေးမှာ
မလိုအပ်တဲ့ ကုန်တွေလျှော့သွင်းရမယ်။ ဇိမ်ခံပစ္စည်းတွေ
လျှော့ရမယ်။ ဒေါ်လာငွေများများနဲ့ ပေးသွင်းရမယ့်
ပစ္စည်းတွေ ကန့်သတ်ဖို့ လိုတယ်”ဟု ၎င်းက ဆိုသည်။

ဒေါက်တာအောင်ကိုကိုက
“ကျပ်ငွေတန်ဖိုးကျဆင်းတာ စိုးရိမ်စရာပါ။
အခြေခံစားသုံးကုန်တွေ ဈေးတက်လာနိုင်တယ်။
ဒါကို ဗဟိုဘဏ်ကနေ လက်ရှိမြန်မာကျပ်ငွေကို
ထပ်မကျအောင် ဗဟိုဘဏ် အပါအဝင် စီမံဘဏ္ဍာ
ဝန်ကြီးဌာန၊ ကုန်သွယ်ရေး ဝန်ကြီးဌာန၊ ဆောက်လုပ်ရေး
ဝန်ကြီးဌာန စတဲ့ ဌာနတွေနဲ့ ပူးပေါင်းဖြေရှင်းသွားရမယ်”
ဆက်ပြောသည်။

ယနေ့ (ဒီဇင်ဘာ ၁၅ ရက်) တွင် ပြင်ပဒေါ်လာဈေးကွက်၌
၁ ဒေါ်လာလျှင် ၁၄၁၆ ကျပ် အရောင်းအဝယ်ရှိခဲ့ပြီး
ညနေပိုင်း ဈေးပိတ်ခါနီးအချိန်၌ ၁ဒေါ်လာလျှင် ၁၄၂၈ ကျပ်
အထိ ဖြစ်ပေါ်သည်။

ဒေါ်လာဈေးမြင့်တက်မှုနှင့် ပတ်သက်ပြီး ပြင်ပငွေကြေး
ဈေးကွက် လုပ်ကိုင်နေသူတဦးက
“ကားမူဝါဒ ကန့်သတ်လိုက်တာကြောင့်ရယ်၊
ကမ္ဘာမှာ ဒေါ်လာဈေးက မာနေတာကြောင့်ရယ်၊
ဈေးကွက်မှာ ဒေါ်လာဈေး တက်နေတယ်။ ကုမ္ပဏီတွေရော
တဦးချင်းတွေရော ဝယ်လိုအား တက်တယ်။ အဓိကတော့
ဘဏ်တွေက လိုသလောက် ထုတ်မရောင်းပေးနိုင်တာ
ကြောင့်လည်း ပါတယ်။ သူတို့က ပေးနိုင်ရင် အပြင်
ဈေးကွက်က ဒီလောက်ဖြစ်လာမှာ မဟုတ်ဘူး” ဟု
ပြောသည်။

ပုဂ္ဂလိကဘဏ်များက ဒေါ်လာထုတ်ပေးနိုင်စွမ်း မရှိခြင်းနှင့်
ပတ်သက်၍ ကမ္ဘောဇဘဏ်၏ အကြီးတန်း အကြံပေး
ဦးသန်းလွင်က
“ ပုဂ္ဂလိကဘဏ်တွေက အခုမှ နိုင်ငံခြားဈေးကွက်ကို
စဝင်တာ။ နိုင်ငံခြားဘဏ်နဲ့ ပြိုင်လို့မရဘူး။ အဓိက
အင်အားများတာ ဗဟိုဘဏ်ပဲ။ ပုဂ္ဂလိကဘဏ်တွေမှာ
ထုတ်ပေးနိုင်တဲ့ အင်အားလည်း သိပ်မရှိဘူး။ အပြင်
ဈေးကွက်က ပုဂ္ဂလိကဘဏ်တွေထက် ၁၀ ဆလောက်
ပိုကြီးတယ်။ ထိန်းနိုင်တာက အစိုးရ၊ ဗဟိုဘဏ်က
ပေါ်လစီနဲ့ပဲ ထိန်းရမှာ” ဟု ပြောသည်။

ဒေါ်လာဈေး မြင့်တက်နေပြီး ကျပ်ငွေတန်ဖိုးကျဆင်းနေမှု
အပေါ် ငွေကြေးအာဏာပိုင် အဖွဲ့အစည်းတခုဖြစ်သည့်
မြန်မာနိုင်ငံတော် ဗဟိုဘဏ်က ကြားဝင်ဖြေရှင်းပေးခြင်း
ကို မတွေ့ရကြောင်း၊ ကျပ်ငွေတန်ဖိုး ကျဆင်းခြင်း
ဆက်လက် ဖြစ်ပေါ်ပါက အခြေခံကျသည့် လူသုံးကုန်
ပစ္စည်းများ ဈေးမြင့်တက်လာပြီး စိုးရိမ်ရသည့်
အနေအထားရှိကြောင်း စီးပွားရေးပညာရှင်များက
ထောက်ပြပြောဆိုသည်။

ဈေးကွက်အတွင်း မြန်မာငွေကြေး ဖောင်းပွလာခြင်းကြောင့်
ယခုရက်ပိုင်းအတွင်း အခြေခံကျသည့် စားသောက်ကုန်
ပစ္စည်းများဖြစ်သည့် ဆန်တအိတ်လျှင် ယခင်ရောင်းဈေး
ထက် ကျပ်၂၀၀၀ အထိ ဈေးမြင့်လာကြောင်း၊
ဟင်းသီးဟင်းရွက် ဈေးနှုန်းများသည်လည်း ယခင်ဈေးနှုန်း
ထက် နှစ်ဆနီးပါး မြင့်တက်လာနေကြောင်း စားသုံးသူ
ပြည်သူများက ပြောသည်။

“ဈေးက အကုန်တက်တယ်၊
ဆီဆိုရင် ပဲဆီပဲဖြစ်ဖြစ် စားသုံးဆီပဲဖြစ်ဖြစ် ၁ ပိဿာကို
ဝယ်နေကျဈေးထက် ၃၀၀ တက်တယ်။
ဂေါ်ဖီပန်းပွင့်ဆို တပတ်အတွင်း တပွင့်ကို ၄၀၀ ကျပ်
ကနေ ၇၀၀ ပေးဝယ်ရတယ်။
ချဉ်ပေါင်ဆို တစီး ၅၀ ကနေ ၁၀၀ ကျပ် ဝယ်ရတယ်။
ကိုယ်က ထမင်းဆိုင်ရောင်းနေတာကို ဈေးနှုန်းတက်တိုင်း
ဈေးလိုက်တက်လို့ မရဘူး။ အခုတောင် အရောင်းအဝယ်
တွေပါးတယ်” ဟု ပုဇွန်တောင်လမ်းမကြီးပေါ်တွင် ဖွင့်လှစ်
ရောင်ချနေသည့် ထမင်းဆိုင်ပိုင်ရှင် တဦးက ပြောသည်။

(မေစိုးစံ)

***

၂။ "မော်တော်ယာဉ် တင်သွင်းခွင့် လျှောက်ထားမှုများ
ကြောင့် လတ်တလော ဒေါ်လာဈေးနှုန်း မြင့်တက်လာဟု
ဈေးကွက် လေ့လာသူများ သုံးသပ်"

ယခုရက်ပိုင်းအတွင်း မော်တော်ယာဉ် တင်သွင်းခွင့်
လျှောက်ထားခြင်းများကြောင့် လတ်တလော အခြေအနေတွင်
အမေရိကန် ဒေါ်လာဈေးနှုန်းမှာ ၁၃၈၀ ကျော်မှ ၁၄၀၀ ကျော်
အထိ မြင့်တက်လာခဲ့ခြင်း ဖြစ်ကြောင်း ဒေါ်လာဈေးကွက်
အသိုင်းအ၀ိုင်းမှ သိရသည်။

“မနေ့ က ဒေါ်လာဈေးက ၁၃၈၆ ကနေ ၁၃၉၅ အထိ
အဲလောက် တက်တယ်။ခုမနက်က ၁၄၀၅ ကျပ်လောက်
စပြီးတော့ ၁၄၁၂ လောက် ရှိလာခဲ့တယ်။ဒေါ်လာဈေးက
များနေပြီ။အဓိကတော့ ဒီနှစ်ထဲမှာ မော်တော်ယာဉ်
တင်သွင်းခွင့် ပါမစ်တွေ ရှိတယ်။free ပါမစ်လို့ ခေါ်တာပေါ့။
တစ်ဦးချင်း လိုင်စင်တွေ အဲဒါတွေက ၂၃ ရက်နေ့ 
နောက်ဆုံးထားပြီး လိုင်စင်လျှောက်ရမှာ ဆိုတော့
ငွေထည့်ကြတာပေါ့။အဲဒီလူတွေက ဒီနေ့ နဲ့  နက်ဖြန်ကို
နောက်ဆုံးထားပြီး ထည့်နေကြတာပေါ့။” ဒေါ်လာဈေးကွက်
စောင့်ကြည့် လေ့လာသူ ဦးစန်းဝင်းက ပြောသည်။

ထို့ အတူ ကမ္ဘာ့ ရွှေဈေး ကျဆင်းခြင်းကြောင့်လည်း ပါဝင်ပြီး
မော်တော်ယာဉ် ပါမစ်များ ကျပြီးသွားပါက ဒေါ်လာဈေးမှာ
ပြန်အေးသွားနိုင်ခြေ ရှိကြောင်း ၄င်းက သုံးသပ်သည်။

သို့ သော် မော်တော်ယာဉ် တင်သွင်းခွင့် တစ်ခုတည်းကြောင့်
မဟုတ်ဘဲ အမေရိကန် ဗဟိုဘဏ်မှ အတိုးနှုန်း မြှင့်တင်ရန်
ကြေညာလိုက်သည့် အတွက် တစ်ကမ္ဘာလုံးတွင် ဒေါ်လာ
ဈေးနှုန်း မြင့်တက်လာခဲ့ပြီး မြန်မာနိုင်ငံ အနေဖြင့်လည်း
သက်ရောက်မှု ခံစားရခြင်း ဖြစ်ကြောင်း မော်တော်ယာဉ်
လုပ်ငန်း လုပ်ကိုင်သူ မြန်မာနိုင်ငံ ဆန်စပါး အဖွဲ့ ချုပ်
ဒုတိယ ဥက္ကဋ္ဌ ဒေါက်တာ စိုးထွန်းက ပြောသည်။

NLD ပါတီမှ စီးပွားရေး အကြံပေး ကော်မတီ အဖွဲ့ဝင်
ဦးရဲမင်းဦးက လက်ရှိ ဒေါ်လာဈေး တက်နေရသည့် အဓိက
အကြောင်းရင်းမှာ  ပြည်တွင်း၌ ဒေါ်လာလိုချင်သူများသည့်
အတွက် ဒေါ်လာရှားပါးမှုကို ဖြစ်စေခြင်းကြောင့် ဖြစ်
ကြောင်း ၊ ဒေါ်လာ ရှားပါးမှု ဖြစ်စေသည့်
အကြောင်းရင်းအား ရှာရာတွင် ဗဟိုဘဏ် တစ်ခုတည်း နှင့်
မဆိုင်ဘဲ တစ်ခြားသော ဝန်ကြီးဌာနများ၊ စီးပွားရေး
လုပ်ငန်းများနှင့် လည်း သက်ဆိုင်ကြောင်း
သုံးသပ်ထားသည်။

M.O.B ဘဏ်၏ အငြိမ်းစားဥက္ကဋ္ဌ ဦးမြသန်းက 
အဓိကမှာ ဒေါ်လာဈေးငြိမ်ရန်မှာ အဓိကကျပြီး မှောင်ခို
ဈေးကွက်ကို တတ်နိုင်သမျှ ပပျောက်သွားအောင်
လုပ်လိုက်ပါက ဈေးနှုန်းငြိမ်မည် ဖြစ်ကြောင်း ၊ ဒေါ်လာဈေး
ကျအောင် ချက်ချင်း လုပ်၍ မရဘဲ ရေရှည် စီမံချက်ဖြင့်
လုပ်ရမည် ဖြစ်ကြောင်း ပြောသည်။

ဒီဇင်ဘာ ၁၅ ရက်တွင် မြန်မာနိုင်ငံတော် ဗဟိုဘဏ်၏
အမေရိကန် ဒေါ်လာ သတ်မှတ်လဲလှယ်နှုန်းမှာ ၁၃၅၀ကျပ်
ဖြစ်ပြီး နေ့ လည်ပိုင်းတွင် ငွေလဲကောင်တာများ၌
ကျပ် ၁၄၀၀ ၊ ၁၄၁၀ နှုန်းထား ဖြစ်ပေါ်နေကြောင်း
သိရသည်။

ထို့ အတူ ကမ္ဘာ့ ရွှေဈေးမှာ တစ်အောင်စလျှင် ၁၁၄၁ ဒေါ်လာ
ရှိပြီး မြန်မာ့ရွှေဈေးမှာ တစ်ကျပ်သားလျှင် ၈၅၉,၅၀၀ ကျပ်
ပေါက်ဈေး ရှိကြောင်း သိရသည်။

***

၃။ "နိုင်ငံခြား ဘဏ်စာရင်းတွေကို တင်ပြဖို့ ဗဟိုဘဏ်
ညွန်ကြား"

နိုင်ငံခြားဘဏ်တွေမှာ စာရင်းဖွင့်ထားတဲ့ ဘဏ်စာရင်းတွေကို
ဒီဇင်ဘာ ၁၂ ရက် နောက်ဆုံး တင်ပြဖို့ မြန်မာနိုင်ငံ ဗဟိုဘဏ်
က ညွှန်ကြားချက် ထုတ်ပြန်ခဲ့ပြီး လိုက်နာမှု မရှိပါက
၂ဝ၁၂ နိုင်ငံခြား သုံးငွေ စီမံခန့်ခွဲမှု ဥပဒေ ပုဒ်မ ၃၈ နဲ့ ၄၂
အရ အရေးယူမယ်လို့ ဆိုပါတယ်။

အခုလို ကိုင်တွယ် လုပ်ဆောင်မှုက ဒေါ်လာဈေး တရှိန်ထိုး
မြင့်တက်မှုကို တန့်သွားစေနိုင်သလို ဈေးကစားသူတွေ
ထိတ်လန့်သွားနိုင်တယ်လို့ စီးပွားရေး ပညာရှင်
ဦးလှမောင်က ပြောပါတယ်။

ပြည်ပမှာ ဒေါ်လာတွေ တရားမဝင်ရောက်နေတာ ဘီလျံနဲ့ ချီ
ရှိနေပြီး တချို့မှာ ဘဏ်စာရင်း ၅ ခုနဲ့ ၁၁ ဘီလျံထိ ရှိတာမျိုး
တွေ့ရတယ်လို့ သိရပါတယ်။

ရန်ကုန်က ငွေလဲဌာန အသေးစားတွေမှာတောင် တရက်ကို
ဒေါ်လာ သန်းနဲ့ချီ အရောင်းအဝယ်ဖြစ်တယ်လို့လည်း
ဦးလှမောင်က ဆိုပါတယ်။

အခုလို ဒေါ်လာဈေး ထိန်းမရ ဖြစ်ရတဲ့ အကြောင်းတွေက
ပြည်ပပို့ကုန် တန်ဖိုး လျော့နည်းပြီး အစိုးရမှာ ဝင်ငွေ မရှိလို့
ငွေကြေးဖောင်းပွမှုတွေ ဖြစ်တာကြောင့်လို့ သူက
ဆိုပါတယ်။

အစိုးရ မှန်းထားတာထက် ဘက်ဂျက် လျော့နည်းနေလို့
လွှတ်တော်မှာ ဖြည့်စွက်တောင်းရတာမျိုးတွေလည်း
ရှိပါတယ်။

credit - Irrawaddy Publishing Group /
Xinhua Myanmar & BBC Burmese

(မှတ်ချက်)

အိမ်ခြံမြေ အကြောင်းအရာများနှင့် 
တိုက်ရိုက်မသက်ဆိုင်သော်လည်း သွယ်ဝိုက်ပတ်သက်မှု့
ရှိသည့် စီးပွါးရေးဆိုင်ရာ သတင်းများ ဖြစ်နေပါသဖြင့်
မိတ်ဆွေများ လေ့လာနိူင်ရန် တင်ခဲ့ခြင်းဖြစ်ပါသည်။

“အိမ်ခြံမြေ လမ်းဆုံ”

“အိမ်ခြံမြေ လမ်းဆုံ” မိတ်ဆွေများခင်ဗျာ -
---------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/726764717432470/photos/a.727586294016979.1073741828.726764717432470/962655320510074/?type=3