“မြန်မာနိုင်ငံထဲဝင်လာသော JICA သတင်းများ”

“မြန်မာနိုင်ငံထဲဝင်လာသော JICA သတင်းများ”

၁။ "ရန်ကုန်မြို့အတွက် စီမံကိန်းသုံးခု ဂျပန်အထောက်အပံ့
အမေရိကန်ဒေါ်လာ ရှစ်ဘီလျံထဲမှ စတင်သုံးမည်"

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်
သွားရောက်ခဲ့သည့် ဂျပန်ခရီးစဉ်တွင် ရရှိခဲ့သော ဖွံ့ဖြိုးရေး
အထောက်အပံ့ ငွေကြေး အမေရိကန်ဒေါ်လာ ရှစ်ဘီလျံ
အတွင်းမှ အချို့ကိုအသုံးပြု၍ စီမံကိန်းသုံးခုကို စတင်နေပြီ
ဖြစ်ကြောင်း ဂျပန်အပြည်ပြည်ဆိုင်ရာပူးပေါင်း
ဆောင်ရွက်ရေး အေဂျင်စီ (JICA) ထံမှသိရသည်။

အဆိုပါ ကူညီထောက်ပံ့မှုအတွင်းမှ ယခုနှစ်တွင် စတင်
နေသည့် စီမံကိန်းများမှာ
- ရန်ကုန်မြို့၌သန်လျင်တံတားသစ် တည်ဆောက်ရေးနှင့်
ရန်ကုန်မြို့ ရေပေးဝေရေးစီမံကိန်းနှစ်ခုတို့ဖြစ်သည့်
- တောင်ဒဂုံမြို့နယ်ရှိ လဂွမ်းပြင် ရေပေးဝေရေးနှင့်
- လှိုင်မြစ် တစ်ဖက်ကမ်းရှိ ကုက္ကိုဝရေပေးဝေရေးစီမံကိန်း
တို့ဖြစ်ကာ (JICA) ၏ စီမံခန့်ခွဲမှုများနှင့်ပင်
လုပ်ဆောင်သွားမည်ဖြစ်သည်။

"ဒီဂျပန်အစိုးရရဲ့ထောက်ပံ့မှုက ငါးနှစ် အကူအညီဖြစ်ပါ
တယ်။ ချေးငွေအားလုံးကို ဘယ်စီမံကိန်းမှာ
ဘယ်လောက် ငွေကြေး ချေးသွားမယ်ဆိုတာတော့
အတိအကျ မသတ်မှတ်ရသေးပါဘူး။ဒါပေမဲ့ ဒီနှစ်ကတော့
ပထမနှစ်ဖြစ်တဲ့အတွက် အဲဒီထဲက တချို့စီမံကိန်းတွေ
ကတော့ စနေပါပြီ"ဟု JICA ၏ မြန်မာနိုင်ငံဆိုင်ရာ
တာဝန်ခံကိုယ်စားလှယ်
မစ္စတာ ကိုင်အိချီယိုနာကာဆာဝါက ပြောသည်။

ဂျပန်၏ ကူညီထောက်ပံ့မှုတွင် အတိုး နှုန်းသက်သာသည့်
ရေရှည်အထောက်အပံ့ (ODA Loan)နှင့် ပြန်လည်
ပေးဆပ်ရန်မလိုသည့်ချေးငွေ (Grant Aid) တို့ ပါဝင်သည်။
ထို့ပြင် ယင်း ဒေါ်လာရှစ်ဘီလျံအကူအညီတွင် ပါဝင်သည့်
အတိုးနှုန်းသက်သာသည့် နှစ်ရှည်ချေးငွေ (ODA Loan)
များကို JICA က အများဆုံးစီမံခန့်ခွဲသွားမည်ဖြစ်ကာ
ချေးငွေရရှိမည့် စီမံကိန်းများကိုလည်း JICA ကပင်
စီမံကိန်းပြီးဆုံးသည်အထိ ပါဝင် ဆောင်ရွက်သွားမည်
ဖြစ်ကြောင်း မြန်မာနိုင်ငံဆိုင်ရာတာဝန်ခံကိုယ်စားလှယ်
မစ္စတာ ကိုင်အိချီယို နာကာဆာဝါက ပြောသည်။

ဂျပန်အကူအညီငွေကြေးဖြင့် စတင်မည်ဖြစ်သည့် စီမံကိန်း
များနှင့်ပတ်သက်၍ မစ္စတာ ကိုင်အိချီယိုနာကာဆာဝါက
"သန်လျင်တံတားသစ်တစ်စင်းကို ထိုးဖို့ အတွက် အစီအစဉ်
ရှိပါတယ်။ နောက်တစ်ခါရန်ကုန်မြို့ရဲ့ ရေပေးဝေတဲ့စီမံကိန်း
ကို အဆင့်မြှင့်တင်တဲ့ စီမံကိန်းတွေလည်း အဲဒီထဲမှာ ပါဝင်
ပါတယ်။လဂွမ်းပြင်ဆိုတဲ့နေရာကနေ ရန်ကုန်မြို့ကိုရေပေး
ဝေတဲ့ စီမံကိန်း၊ ကုက္ကိုဝကနေ လှိုင်မြစ်ကိုဖြတ်ပြီးတော့
ရန်ကုန်မြို့ရဲ့ အလယ်ပိုင်းကို ရေပေးဝေဖို့ စီစဉ်ထားပြီး
ဖြစ်ပါတယ်။ အမေရိကန် ဒေါ်လာ ရှစ်ဘီလျံထဲမှာပါတဲ့
စီမံကိန်းတွေ ဖြစ်ပါတယ်"ဟု ၎င်းက ပြောသည်။

သန်လျင်တံတားသစ်စီမံကိန်းသည် အတိုးနှုန်းသက်သာ
သည့် ချေးငွေထောက်ပံ့သည့် အစီအစဉ်ဖြင့်တည်ဆောက်
သွားမည် ဖြစ်ပြီး အမေရိကန်ဒေါ်လာသန်း ၂၈၀
ကုန်ကျမည်ဖြစ်သည်။

အတိုးနှုန်းမှာ သုညဒသမ ၀၁ ရာခိုင်နှုန်းဖြစ်ပြီး နှစ်ပေါင်း ၄၀
နှစ်ရှည် ချေးငွေဖြစ်သည်။ JICA ကတံတားဆောက်လုပ်ရေး
ပိုင်း အတွက် ပုဂ္ဂလိကဆောက်လုပ်ရေးကုမ္ပဏီများကို
တင်ဒါခေါ်သွားမည်ဖြစ်ကာ လက်ရှိအချိန်တွင် တံတားဒီဇိုင်း
၏ အသေးစိတ် တွက်ချက်မှု ပြီးစီးနေပြီဖြစ်ပြီး လာမည့်
၂၀၁၇ တွင် စတင်ဆောက်လုပ်နိုင်ရန် စီစဉ်ထားကြောင်း
သိရသည်။

"ပထမဆုံးအနေနဲ့ တည်ဆောက်မယ့် ကုမ္ပဏီကိုရွေးချယ်ပြီး
တဲ့အခါ ဆောက်လုပ်ရေးအနေနဲ့ စာချုပ်ချုပ်ရပါတယ်။
ကုမ္ပဏီ က တံတားကို စပြီးဆောက်ဖို့အတွက် လိုအပ်တဲ့
စက်ပစ္စည်းတွေတင်သွင်းဖို့ ၁၅ ရာခိုင်နှုန်းငွေပမာဏကို
စာချုပ်ထဲမှာ ထည့်ချုပ်ရပါတယ်။ အဲဒီငွေကို ပေးတဲ့အခါမှာ
ဆောက်လုပ်ရေးဝန်ကြီးဌာနက ကုမ္ပဏီကို ပေးတာမျိုး
မဟုတ်ဘဲ JICA က တိုက်ရိုက်ပေးမှာဖြစ်ပါတယ်"ဟု
မစ္စတာ နာကာဆာဝါက မြန်မာတိုင်း(မ်)ကို ပြောသည်။

ထို့ပြင် ရန်ကုန်မြို့၏ ရေပေးဝေရေး အဆင့်မြှင့်တင်သည့်
စီမံကိန်းများဖြစ်သည့် တောင်ဒဂုံမြို့နယ်တွင် လဂွမ်းပြင်
ရေပေးဝေ ရေးစီမံကိန်းမှာလည်း အတိုးနှုန်းနည်း ချေးငွေ
အစီအစဉ်ဖြင့် လုပ်ဆောင်သွားမည်ဖြစ်ပြီး လာမည့်
၂၀၁၇ ဇွန်လတွင် ဆောက်လုပ်ရေးလုပ်ငန်းများ
စတင်နိုင်မည်ဖြစ်သည်။

ရန်ကုန်မြို့ တစ်ဖက်ကမ်းရှိ ကုက္ကိုဝမှ လှိုင်မြစ်ကိုဖြတ်၍
ရန်ကုန်မြို့၏ အလယ်ပိုင်း မြို့နယ်များကိုရေပေးဝေမည့်
စီမံကိန်းမှာ ၂၀၁၇ ခုနှစ်တွင် ချေးငွေပေးရေး သဘော
တူညီမှုလက်မှတ် ရေးထိုးမည်ဟု သိရသည်။

(မြတ်ငြိမ်းအေး)

***

၂။ "ဧက ၅၀အထိ ပိုင်ဆိုင်တဲ့ တောင်သူတစ်ဦးကို
ကျပ်သန်း ၅၀ အထိ ချေးငွေ ထုတ်ပေးမည်"

လယ်ယာမြေ ဧက၅၀ အထိပိုင်ဆိုင်တဲ့ တောင်သူလယ်သမား
တစ်ဦးကို ကျပ်သန်း ၅၀ အထိ ချေးငွေ ထုတ်ပေးသွားမှာ
ဖြစ်ကြောင်း စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီး
ဒေါက်တာ အောင်သူက ပြည်ထောင်စု လွှတ်တော်မှာ
ဒီနေ့  ပြောပါတယ်။

နိုင်ငံတော်သမ္မတက ပြည်ထောင်စုလွှတ်တော်ထံ ပေးပို့
ထားတဲ့ ဂျပန်နိုင်ငံအပြည်ပြည်ဆိုင်ရာ ပူးပေါင်း
ဆောင်ရွက်ရေးအေဂျင်စီထံကနေ ဂျပန်ယန်း သန်းပေါင်း
ကိုးသောင်းလေးထောင်နီးပါး ချေးယူမယ့်ကိစ္စနဲ့ ပတ်သက်
ပြီး လွှတ်တော်ထံ ရှင်းလင်းတင်ပြရာမှာ ပြည်ထောင်စု
ဝန်ကြီး ဒေါက်တာအောင်သူ က ပြောခဲ့တာဖြစ်ပါတယ်။

ဂျပန်နိုင်ငံအပြည်ပြည်ဆိုင်ရာ ပူးပေါင်းဆောင်ရွက်ရေး
အေဂျင်စီထံကနေ ချေးယူမယ့် ငွေတွေထဲက
မြန်မာ့ လယ်ယာကဏ္ဍဖွံ့ဖြိုးရေးစီမံကိန်းတွေအတွက်
ဂျပန်ယန်းသန်းပေါင်း တစ်သောင်းငါးထောင်ကျော်ကို
စိုက်ပျိုးရေး၊ မွေးမြူရေးနဲ့ဆည်မြောင်းဝန်ကြီးဌာနက
အသုံးပြုသွားမှာဖြစ်ပါတယ်။

ဝန်ကြီးဌာနက အကောင်အထည်ဖော်မယ့် လယ်ယာကဏ္ဍ
နဲ့ ကျေးလက်ဒေသဖွံ့ဖြိုးရေးစီမံကိန်းကို လာမယ့်
၂၀၁၇ - ၂၀၁၈ ဘဏ္ဍာရေးနှစ် မှာ နေပြည်တော်ကောင်စီ
နယ်မြေ ၊ ဧရာဝတီတိုင်းဒေသကြီး၊ မန္တလေးတိုင်းဒေသကြီး
နဲ့ ပဲခူးတိုင်းဒေသကြီးအနောက်ဖက်ခြမ်းမှာ စတင်မှာဖြစ်ပြီး
နောက်နှစ်မှာ မွန် ပြည်နယ်၊ ရှမ်းပြည်နယ်တောင်ပိုင်းနဲ့
ရန်ကုန်တိုင်းဒေသကြီးတို့မှာ ဆက်ပြီး လုပ်ဆောင်သွားမှာ
ဖြစ်ကြောင်းလည်း ဒေါက်တာအောင်သူက ပြောပါတယ်။

အဲဒီချေးငွေဟာ အတိုးနှုန်း သုည ဒသမ သုညတစ်
ရာခိုင်နှုန်းဖြစ်ပြီး ပြန်ဆပ်ရမယ့်ကာလမှာ ဆိုင်းငံ့ကာလ
အပါအ၀င် နှစ်ပေါင်း လေးဆယ်နဲ့ အတိုးကို တစ်နှစ်
နှစ်ကြိမ်ပေးသွင်းရမှာဖြစ်ပါတယ်။

အဲဒီချေးငွေတွေနဲ့
- ဆောက်လုပ်ရေးဝန်ကြီး ဌာနက
တိုင်းနဲ့ပြည်နယ်တွေမှာ လမ်းနဲ့တံတားစီမံကိန်းတွေအတွက်
အသုံးပြုမှာဖြစ်သလို၊
- ပို့ဆောင်ရေးနဲ့ ဆက်သွယ်ရေးဝန်ကြီးဌာနက
ရန်ကုန်-မန္တလေးရထားလမ်းအဆင့်မြှင့် တင်ခြင်း
လုပ်ငန်းကိုအကောင်အထည်ဖော်မယ်လို့လည်း
သိရပါတယ်။

ဒါ့အပြင် လျှပ်စစ်နဲ့စွမ်းအင်ဝန်ကြီးဌာနကလည်း
တိုင်းနဲ့ပြည်နယ်တွေနဲ့ မြို့ကြီး တွေအတွက် လျှပ်စစ်
ဓာတ်အားဖြန့်ဖြူးလုပ်ငန်းတွေကိုအသုံးပြုသွားမှာဖြစ်
ကြောင်းနဲ့ ရန်ကုန်မြို့ ရေပေးဝေရေးလုပ်ငန်းအတွက်လည်း
လုပ်ဆောင်သွားမှာဖြစ်ကြောင်း သက်ဆိုင်ရာ ၀န်ကြီးဌာန
တွေ က ပြည်ထောင်စု လွှတ်တော်မှာ ရှင်းပြခဲ့ပါတယ်။

မြန်မာ့လယ်ယာဖွံ့ဖြိုးရေးဘဏ်အနေနဲ့ အဲဒီချေးငွေထဲ
ကနေ တောင်သူလယ်သမားတွေနဲ့ လယ်ယာစီးပွားရေး
လုပ်ငန်းရှင်တွေကို တစ်နှစ်ကို အတိုးနှုန်း ၈ ရာခိုင်နှုန်းနဲ့
ချေးပေးသွားမှာဖြစ်ပါတယ်။

***

၂။ "ဂျိုက်ကာချေးငွေဖြင့်ဆောက်မည့် စီမံကိန်း ၆၅ ခု
လာမည့် ဇူလိုင်လတွင် ပြီးစီးမည်"

ဂျပန်အပြည်ပြည်ဆိုင်ရာ ပူးပေါင်းဆောင်ရွက် ရေးအေဂျင်စီ
(JICA) က မြန်မာနိုင်ငံအတွက်အတိုးနှုန်း သက်သာသည့်
ရေရှည်အထောက် အပံ့ချေးငွေများ (ODA Loan) ကို
ပေးလျက်ရှိရာ ယင်းချေးငွေဖြင့် တိုင်းဒေသကြီးနှင့် ပြည်နယ်
များတွင် ကျေးလက်ဒေသဖွံ့ဖြိုးရေး စီမံကိန်း၆၅ ခုကို
လုပ်ဆောင်လျက်ရှိပြီး လာမည့် ၂၀၁၇ ခုနှစ်အတွင်း
ပြီးစီးမည် ဖြစ်ကြောင်း သတင်းထုတ်ပြန်သည်။

"ဒါက ဂျိုက်ကာရဲ့ ပထမဆုံး ချေးငွေစီမံကိန်းပါ။
အတိုးနှုန်းသက်သာတဲ့ ရေရှည် အထောက်အပံ့၊
အကျိုးစီးပွားဖွံ့ဖြိုးဖို့အတွက် လုပ်ကိုင်ရမယ့် အခြေခံ
အဆောက်အအုံ အကြီးစားတွေကိုအကောင်အထည်ဖော်ဖို့
အတွက် ချေးငွေပေးတာပါ။ အခုစီမံကိန်း ၆၅ ခုက
ပထမပိုင်းဖြစ်ပြီး ဒါပြီးရင် ဒုတိယပိုင်းအတွက်လည်း
ဆက်လက်ပေးသွားမှာပါ" ဟု JICA ၏ အဆိုပါစီမံကိန်း
အတွင်းရေးမှူး ဖြစ်သူ ဒေါ်မိုင်သော်ဒါမင်းက ပြောသည်။

အဆိုပါ ODA Loan ချေးငွေသည် မြန်မာနိုင်ငံ၏ ဆင်းရဲ
မွဲတေမှုလျှော့ချရေးအတွက် ဂျိုက်ကာကထောက်ပံ့ခြင်း
ဖြစ်သည့် အတွက် ဒေသတွင်း ဖွံ့ဖြိုးတိုးတက်ရေး စီမံကိန်း
များအဖြစ် တိုင်းဒေသကြီးနှင့် ပြည်နယ် ၁၄ ခုတွင်
လမ်းပန်းဆက်သွယ်ရေး ဖွံ့ဖြိုးရေး၊ လျှပ်စစ်မီးရရှိရေးနှင့်
ရေရရှိရေးတို့ အတွက် အသုံးပြုခြင်းဖြစ်သည်။

"ဒီစီမံကိန်းအပိုင်း(၁)မှာတော့ လမ်းတွေ၊ တံတားတွေ
ဆောက်ပေးတယ်။ အခြေခံအဆောက်အအုံမှာဆို
လျှပ်စစ်ရယ်၊ ရေပေးဝေရေးရယ်ကို အဓိကလုပ်ပေးတယ်။
ချေးငွေ သဘောတူစာချုပ်ကိုတော့ ဇွန်လ ၂၀၁၃ မှာ
လက်မှတ်ရေးထိုးခဲ့တယ်။ စီမံကိန်းတွေ ကိုတော့ ၂၀၁၄ မှာ
စပြီးလုပ်ခဲ့ပါတယ်"ဟု ၎င်းက ပြောသည်။

ယင်းဆင်းရဲမွဲတေမှုလျှော့ချရေးဆိုင်ရာ ဒေသတွင်းဖွံ့ဖြိုး
တိုးတက်ရေး စီမံကိန်း အပိုင်း(၁)အတွက် ချေးငွေပမာဏ
မှာ ဂျပန် ယန်း ၁၇ ဘီလျံ
(အမေရိကန်ဒေါ်လာ သန်း ၁၅၀ ကျော်) ဖြစ်ကာ
- လမ်းတံတားစီမံကိန်း များအတွက် ရှစ်ဘီလျံ၊
- လျှပ်စစ်ရရှိရေး စီမံကိန်းများအတွက် ၄ ဒသမ ၃ ဘီလျံနှင့်
- ရေပေးဝေရေးစီမံကိန်းအတွက် နှစ်ဘီလျံ အပြင်
- စီမံကိန်းများအတွက် အကြံပေးကုမ္ပဏီ ငှားရမ်းရန်
တစ်ဘီလျံနှင့်
- လျာထားငွေသုည ဒသမ ၆ ဘီလျံ အသုံးပြုကြောင်း
သိရသည်။

ချေးငွေဖြင့် အကောင်အထည်ဖော်သည့် စီမံကိန်းများသည်
တိုင်းဒေသကြီး ၁၄ ခုလုံးမှဒေသများတွင် ခွဲဝေ အသုံးပြု
သွားခြင်းဖြစ်ပြီး စီမံကိန်းစုစုပေါင်း ၆၅ ခုအနက်
- လမ်းတံတားတည်ဆောက်ရေးစီမံကိန်း ၁၅ ခု၊
- လျှပ်စစ်ရရှိရေးစီမံကိန်း ၂၇ ခုနှင့်
- ရေပေးဝေရေး စီမံကိန်း၂၃ ခုတို့ဖြစ်သည်။

လမ်းတံတားတည်ဆောက်ရေးစီမံကိန်းတွင် လမ်းပန်း
ဆက်သွယ်ရေးမဖွံ့ဖြိုးသည့် ဒေသများ၏ လမ်းများကို
ပိုမိုကောင်းမွန်ရန် အတွက် လမ်းဖောက်လုပ်ပေးခြင်း၊
တူးမြောင်းများတွင် ကွန်ကရစ်တံတား တည်ဆောက်
ပေးခြင်းများဖြစ်သည်။

လျှပ်စစ်ရရှိရေး စီမံကိန်းများတွင်မူ မဟာဓာတ်အားလိုင်း
ရရှိသည့် ဒေသများနှင့် ဓာတ်အားလိုင်းမရရှိသည့် ဒေသများ
ဟူ၍ နှစ်မျိုးခွဲကာ ဓာတ်အားလိုင်းမရသည့် ဒေသများတွင်
ဓာတ်ခွဲရုံများတည်ဆောက်ပေးခြင်း နှင့် လျှပ်စစ်ဓာတ်အား
လိုင်းများ သွယ်တန်း ပေးခြင်းတို့ ဖြစ်သည်။

သို့သော် မဟာဓာတ်အားလိုင်း မရောက်ရှိသည့်
တနင်္သာရီတိုင်းဒေသကြီးအတွင်းရှိ မြို့နယ်များကဲ့သို့သော
ဒေသများအတွက် ဒီဇယ်ဂျင်နရေတာများနှင့် ဓာတ်အားဖြန့်
သည့် လိုင်းများအတွက် အသုံးပြုကြောင်း သိရသည်။

ရေပေးဝေရေးစီမံကိန်းတွင် ရေရရှိရန် ခက်ခဲသည့် အပူပိုင်းဇုန်
နှင့် တောင်ပေါ် ဒေသများကို အဓိကထား၍ ရေလှောင်ကန်၊
ရေစစ်ကန်များ တည်ဆောက်ပေးခြင်း၊ ရေတူးဖော်ခြင်းနှင့်
ရေပိုက်များ သွယ်တန်းပေးခြင်း တို့ကို ပြုလုပ်
ပေးလျက်ရှိသည်။

ထို့ပြင် စီမံကိန်းများအကောင်အထည်ဖော်ရာတွင် စီမံကိန်း
အားလုံးကို စီမံကိန်းနှင့် ဘဏ္ဍာရေးဝန်ကြီးဌာနအောက်ရှိ
နိုင်ငံခြား စီးပွားဆက်သွယ်ရေးဦးစီးဌာန (FRD) က ဦးစီး
ဆောင်ရွက်ပြီး ဒေသများအတွင်းလက်တွေ့
အကောင်အထည်ဖော်မှုတွင် သက်ဆိုင်ရာဝန်ကြီးဌာနများက
စီမံခန့်ခွဲ ဆောင်ရွက်ကြောင်း သိရသည်။

"ဂျိုက်ကာက ဒီချေးငွေတွေ ချေးမယ့် စီမံကိန်းက
ဒီကဏ္ဍတွေအတွက် ထောက်ပံ့သွားမယ်လို့သဘောတူပြီး
သွားတဲ့အခါမှာ သက်ဆိုင်ရာ ၀န်ကြီးဌာနနဲ့ ပြည်နယ်တိုင်း
အစိုးရအဖွဲ့ကသူတို့ရဲ့ ထောက်ပံ့ဖို့လိုအပ်တဲ့ နေရာတွေကို
အဆိုပြုတင်ပြကြပါတယ်။ အဲဒီထဲကနေ ဂျိုက်ကာက
ဘတ်ဂျက်နဲ့ ချိန်ညှိပြီး ပြန်ရွေးချယ်သွားပါတယ်"ဟု
ဒေါ်မိုင်သော်ဒါမင်းက ပြောသည်။

လမ်းတံတားတည်ဆောက်ရေးစီမံကိန်းများတွင်မူ စီမံကိန်း
အားလုံး၏ ဆောက်လုပ်ရေးလုပ်ငန်းများကို ပြည်တွင်း
ကန်ထရိုက်တာများကို တင်ဒါခေါ်၍ တည်ဆောက်ခြင်း
ဖြစ်ပြီးစီမံခန့်ခွဲမှုပိုင်းကို သက်ဆိုင်ရာဝန်ကြီး ဌာနက
စီမံခန့်ခွဲကြောင်း ၎င်းက ပြောသည်။

သို့သော် ဂျိုက်ကာက ဂျပန်နိုင်ငံက အကြံပေးကုမ္ပဏီများ
ကို ငှားရမ်းပြီး စီမံကိန်းများအကောင်အထည်ဖော်သည့်အချိန်မှ
ပြီးဆုံးသည့်အချိန်ထိ စီမံမှုများ၊ စစ်ဆေးမှုများ ပြုလုပ်ကြောင်း
သိရသည်။

ဂျပန်အပြည်ပြည်ဆိုင်ရာ ပူးပေါင်း ဆောင်ရွက်ရေးအေဂျင်စီ
JICA ချေးငွေ ဖြင့် ပြုလုပ်မည့်ဖွံ့ဖြိုးတိုးတက်ရေးစီမံကိန်း
အပိုင်း(၁) ပြီးစီးပါက အပိုင်း(၂)အတွက် ဂျပန်ယန်း ၁၄
ဘီလျံဘတ်ဂျက်လျာထားပြီး စီမံကိန်းအသေးစိတ်မှာ
မရေးဆွဲရသေးကြောင်း ဂျိုက်ကာက ပြောသည်။

(မြတ်ငြိမ်းအေး)

credit - The Myanmar Times & RFA Burmese

မှတ်ချက်။

အိမ်ခြံမြေ အကြောင်းအရာများနှင့် 
တိုက်ရိုက်မသက်ဆိုင်သော်လည်း
သွယ်ဝိုက်ပတ်သက်မှု့ ရှိသည့်   
နိုင်ငံခြား ရင်းနှီးမြှုပ်နှံမှုနှင့်
အခြေခံ အဆောက်အအုံများ ဆိုင်ရာ
ဆောင်းပါး/သတင်းများ ဖြစ်နေပါသဖြင့်
မိတ်ဆွေများ လေ့လာနိူင်ရန် တင်ခဲ့ခြင်းဖြစ်ပါသည်။

“အိမ်ခြံမြေ လမ်းဆုံ”

“အိမ်ခြံမြေ လမ်းဆုံ” မိတ်ဆွေများခင်ဗျာ -
---------------------------------------------

အိမ်ခြံမြေနဲ့ပတ်သက်တဲ့ ကြော်ငြာများအား
အောက်ပါ link ကိုနှိပ်၍ လေ့လာနိူင်ပါတယ်။

https://www.facebook.com/726764717432470/photos/a.727586294016979.1073741828.726764717432470/962655320510074/?type=3