“အိမ်ရာ စီမံကိန်းများ နှင့် နောက်ဆက်တွဲ သတင်းများ”

“အိမ်ရာ စီမံကိန်းများ နှင့် နောက်ဆက်တွဲ သတင်းများ”

၁။ "ရတနာနှင့် ဧရာဝဏ် အိမ်ရာစီမံကိန်း အမြန်ဆုံး
အပြီးသတ် ဆောက်လုပ်ရန် ညွှန်ကြား"

ဒဂုံဆိပ်ကမ်းမြို့နယ်တွင် တည်ဆောက်နေသည့် ရတနာနှင့်
ဧရာဝဏ် အိမ်ရာစီမံကိန်းများသည် တည်ဆောက်ချိန်ကြာမြင့်
ပါက အခန်းတန်ဖိုး မြင့်တက်လာ မည်ကို စိုးရိမ်သဖြင့်
အမြန်ဆုံး အပြီးသတ် ဆောက်လုပ်ရန် ညွှန်ကြားထားကြောင်း
မြို့ရွာနှင့် အိုးအိမ်ဖွံ့ဖြိုးမှု ဦးစီးဌာန ညွှန်ကြားရေးမှူး
ဦးမင်းထိန်က ပြောကြားသည်။

၂၀၁၃ မှ စတင် တည် ဆောက်နေသော ရတနာနှင့် ဧရာဝဏ်
အိမ်ရာစီမံကိန်း၏ ပထမ အဆင့်မှ အခန်းပေါင်း
၆,၀၀၀ ကျော်ကို ၂၀၁၆ တွင် စတင်ရောင်းချနိုင်ရန် မြို့ရွာနှင့်
အိုးအိမ်ဖွံ့ဖြိုးမှု ဦးစီးဌာနက ရည်ရွယ်ထားသည်။

အဆိုပါစီမံကိန်းကို ပုဂ္ဂလိ ကကုမ္ပဏီ ၃၁ ခုက အစိုးရနှင့်
အကျိုးတူ တည်ဆောက်ခြင်းဖြစ်ပြီး လတ်တလောတွင်
စီမံကိန်းတစ်ခုလုံး၏ ၄၀ ရာခိုင်နှုန်းခန့် ပြီးစီးနေ ပြီဖြစ်သည်။

အဆိုပါစီမံကိန်းတွင် ရောင်းချမည့်တန်ဖိုးအားဖြင့် တစ်ခန်းလျှင်
အကျယ်အဝန်းပေါ်မူတည် ပြီး ကျပ်သိန်း ၅၀၀ မှ
သိန်း ၆၀၀ ကျော် ကနဦး ရည်ရွယ်ထားပြီး အပြီးသတ်
တန်ဖိုး မသတ်မှတ်ရသေးကြောင်း သိရသည်။

ဒဂုံဆိပ်ကမ်း  မြို့နယ်ရှိ ရတနာ၊ ဧရာဝဏ်အိမ်ရာစီမံကိန်းရှိ
တိုက်အလုံးရေ ၄၉ လုံးမှ အခန်းပေါင်း ၁၉၆,၀၀၀ ထွက်ပေါ်ရန်
ရည်ရွယ်ထားရာ ပထမအဆင့် တည်ဆောက်ပြီးချိန်တွင်
အခန်းပေါင်း ၆,၀၀၀ ကျော်ကို စတင်ရောင်းချနိုင်ရန်
စီစဉ်နေခြင်းဖြစ်သည်။

ဆောက်လုပ်ရေး ဝန်ကြီး ဌာနက တည်ဆောက်နေသည့်
ရတနာ၊ ဧရာဝဏ်အိမ်ရာစီမံကိန်း သည်
အစိုးရသစ်လက်ထက်တွင် ဝန်ကြီးဌာနများက တည်ဆောက်
ခဲ့သည့် အိမ်ရာစီမံကိန်းများတွင် အကြီးမားဆုံး၊ အခန်း
အရေအတွက် အများဆုံး စီမံကိန်းတစ်ခုဖြစ်သဖြင့် အိမ်ရာ
လိုအပ်နေသူ များကို ဖြည့်ဆည်းပေးနိုင်မည့်
အခြေအနေတစ်ခုဖြစ်သည်။

(မိုးညို)

***

၂။ "သီလဝါအထူးစီးပွားရေးဇုန် အိမ်ရာ စီမံကိန်း
အကောင်အထည်ဖော် ဆောင်ရွက်မည်"

ရန်ကုန်တိုင်းဒေသကြီး၊ သန်လျင်-ကျောက်တန်းမြို့နယ်ရှိ
သီလဝါ အထူးစီးပွားရေးဇုန် အိမ်ရာ စီမံကိန်း အား
လူနေမြေကွက် (၅၈၈)ကွက်၊ မြေဧရိယာ (၁၃၁.၅၉၄)ဧက
ပေါ်တွင် အကောင်အထည်ဖော် ဆောင်ရွက်သွားမည်
ဖြစ်ကြောင်း ဆောက်လုပ်ရေး ဝန်ကြီးဌာနမှ သိရသည်။

သီလဝါအထူးစီးပွားရေးဇုန် အိမ်ရာ စီမံကိန်းအား
အကောင်အထည်ဖော်ဆောင်ရွက်ရာတွင် တင်ဒါ
ယှဉ်ပြိုင်သည့်စနစ် Turn-Key Process ဖြင့် ပုဂ္ဂလိကကဏ္ဍနှင့်
အကျိုးတူဆောက်လုပ်မည် ဖြစ်ပြီး ပြည်တွင်း နိုင်ငံသား
လုပ်ငန်းရှင်များသည် လုပ်ငန်းဆိုင်ရာ အဆိုပြုလွှာများကို
ဇန်န၀ါရီလ ၂၁ ရက် နောက်ဆုံးထား၍ ပေးပို့ သွားရန်
အဆိုပြု တင်ဒါများအား ခေါ်ယူထားကြောင်း သိရသည်။

ထို့ ပြင် ၂၀၁၅ - ၂၀၁၆ ဘဏ္ဍာနှစ်တွင်  ပြည်သူ့  အငှားအိမ်ရာ
၅၁၅၆ ခန်း၊ ဝန်ထမ်းအိမ်ရာ ၁၈၃၀ ခန်း၊ တန်ဖိုးနည်းအိမ်ရာ
၁၁၁၆၀ ခန်း၊ တန်ဖိုးသင့်အိမ်ရာ ၆၈၂၉ ခန်းနှင့် တန်ဖိုးမြင့်
အကျိုးတူအိမ်ရာ ၄၃၈၂ ခန်းကို ဖြည့်ဆည်း ပေးနိုင်ရန်
ဆောင်ရွက်လျက်ရှိကြောင်း သိရသည်။

ယခုအစိုးရလက်ထက် ၂၀၁၁ မှ ၂၀၁၅ ခုနှစ်အတွင်း
တိုင်းဒေသကြီး၊ ပြည်နယ်များနှင့် ကိုယ်ပိုင် အုပ်ချုပ်ခွင့်ရ
ဒေသများတွင် ဝန်ထမ်းအိမ်ရာ ၂၅၉၆ ခန်း၊ တန်ဖိုးနည်းအိမ်ရာ
၂၀၂၉၈ ခန်း၊ တန်ဖိုးသင့်အိမ်ရာ ၇၁၃၆ ခန်းနှင့် အကျိုးတူအိမ်ရာ
၆၀၂၉ ခန်းတို့ ကို တည်ဆောက်ပေးခဲ့ပြီး ဖြစ်ကြောင်း သိရသည်။

ထို့ ပြင် အိမ်ရာကဏ္ဍ၌ နှစ် (၂၀) နှစ်ရှည် ဖွံ့ ဖြိုးရေး စီမံကိန်းဖြင့်
၂၀၁၁ - ၂၀၁၂ ဘဏ္ဍာရေးနှစ်မှ ၂၀၃၀ - ၂၀၃၁ ဘဏ္ဍာရေးနှစ်
အထိ အိမ်ရာယူနစ် တစ်သန်းကို တိုင်းဒေသကြီးနှင့်
ပြည်နယ်များ ၏ မြို့ တော်များနှင့် ဖွံ့ ဖြိုးမှု အလားအလာရှိသည့်
မြို့ ကြီး (၈၁)မြို့ ၌ တည်ဆောက်ရန် ရည်မှန်းထားကြောင်း
သိရသည်။

***

၃။ "ရန်ကုန်မြို့ရှိ တန်ဖိုးနည်း၊ တန်ဖိုးမျှတ အိမ်ရာများအား
ဝင်ငွေနည်း ပြည်သူများ မ၀ယ်ယူနိုင်ဘဲ အိမ်ရာအခန်းများမှာ
အမှန်တကယ် လိုအပ်သူများထက် ကြားပွဲစားများ လက်ထဲသို့
ရောက်ရှိနေဟုဆို"

ရန်ကုန်မြို့တွင် တည်ဆောက်ခဲ့ပြီးသော တန်ဖိုးနည်း၊ တန်ဖိုးမျှတ
အိမ်ရာများအား ၀င်ငွေနည်း ပြည်သူများ မ၀ယ်ယူနိုင်ဘဲ
အိမ်ရာအခန်းများမှာ အမှန်တကယ် အိမ်ရာလိုအပ်သူများထက်
ကြားပွဲစားများ လက်ထဲသို့သာ ရောက်ရှိနေကြောင်း ရန်ကုန်မြို့ရှိ အိ
မ်ရာများနှင့် ပတ်သက်၍ သုတေသန ပြုလုပ်နေသူ ဦးဇင်မင်း၏
ပြောကြားချက်အရ သိရသည်။

အစိုးရ အနေဖြင့် ၀င်ငွေနည်း လူတန်းစားများအတွက်
တန်ဖိုးနည်း အိမ်ရာစနစ်များကို ထူထောင်ပေးနိုင်မှု မရှိဘဲ
ယခုတည်ဆောက်ခဲ့သည့် တန်ဖိုးနည်း၊ တန်ဖိုးမျှတ အိမ်ရာများ
သည်လည်း ၀ယ်ယူနိုင်စွမ်း မရှိသည့် အိမ်ရာများ ဖြစ်နေပြီး
ဝင်ငွေနည်း ပြည်သူများ မ၀ယ်ယူနိုင်ကြောင်း
၎င်းကပြောကြားသည်။

ရန်ကုန်မြို့တွင် တည်ဆောက်ခဲ့ပြီးသော တန်ဖိုးနည်း၊ တန်ဖိုးမျှတ
အိမ်ရာများအား အနည်းဆုံး ကျပ်သိန်း ၁၁၀ မှ အများဆုံး
ကျပ်သိန်း ၃၀၀ ကျော်အထိ ဈေးနှုန်းများဖြင့် ရောင်းချခဲ့ခြင်းဖြစ်ပြီး
- လှိုင်သာယာရှိ ရွှေလင်ဗန်း တန်ဖိုးနည်း အိမ်ရာကို အနည်းဆုံး
ကျပ်သိန်း ၁၁၀၊
- ဒဂုံမြို့သစ် မြောက်ပိုင်းမြို့နယ်ရှိ ဗိုလ်ဗထူးနှင့်
ဗိုလ်မင်းရောင် တန်ဖိုးမျှတ အိမ်ရာကို ကျပ်သိန်း၂၀၀ ကျော်မှ
ကျပ်သိန်း ၃၀၀ ကျော်အထိ စသည်ဖြင့် ရောင်းချခဲ့ခြင်းဖြစ်ပြီး
- ယခုရွှေပြည်သာတွင် ရောင်းချမည့် တန်ဖိုးနည်းဟုဆိုသည့်
အခန်းပေါင်း ၁၉၂ ခန်းကို အနည်းဆုံး ကျပ် ၁၀၉ သိန်းမှ
အများဆုံး ကျပ် ၁၇၄ သိန်းဖြင့် ရောင်းချရန် လျှောက်လွှာများ
ခေါ်ယူထားပြီး ဖြစ်သည်။

ဒဂုံမြို့သစ်(မြောက်ပိုင်း) မြို့နယ်တွင် တည်ဆောက်ခဲ့ပြီးဖြစ်သော
ဗိုလ်ဗထူး တန်ဖိုးမျှတအိမ်ရာ၊ ဗိုလ်မင်းရောင် တန်ဖိုးမျှတ
အိမ်ရာများသည်လည်း အမှန်တကယ် လိုအပ်သည့်သူများ
လက်ထဲသို့ မရောက်ရှိဘဲ ကြားခံပွဲစားများ လက်ထဲတွင်သာ
ရှိနေကြောင်း သိရသည်။

"ဗိုလ်မှူးဗထူးအိမ်ရာ၊ ဗိုလ်မင်းရောင် အိမ်ရာတွေဆိုရင်လည်း
ကြာပွဲစားတွေ လက်ထဲမှာပဲ ရှိနေတယ်။ တကယ်လိုအပ်တဲ့သူတွေ
လက်ထဲကို မရောက်ဘူး။ တကယ်လိုအပ်တဲ့သူတွေ လက်ထဲကို
ရောက်မှ အိမ်ရာဈေးနှုန်း တည်ငြိမ်မှာ" ဟု ဦးဇင်မင်းက
ဆက်လက် ပြောကြားသည်။

ယင်းသို့ ၀ယ်ယူနိုင်စွမ်းရှိသည့် အိမ်ရာများထက် အငှားအိမ်ရာ
ပြည်သူ့အိမ်ရာကဲ့သို့ စီမံကိန်းများ ဖော်ဆောင်၍ သက်သာသော
ဈေးနှုန်းဖြင့် ငှားရမ်းပေးမှသာ အိမ်ရာပြဿနာ ကို
တစ်ဖက်တစ်လမ်းမှ ဖြေရှင်းနိုင်မည် ဖြစ်ကြောင်းလည်း
ရန်ကုန်တိုင်းဒေသကြီး ဗဟန်းမြို့နယ် မဲဆန္ဒနယ် အမှတ် (၂)
လွှတ်တော် ကိုယ်စားလှယ် ဒေါက်တာညိုညိုသင်းက
ပြောကြားသည်။

ရန်ကုန်မြို့သို့ နယ်မှ ရွှေ့ပြောင်း အခြေချလာသူဦးရေ
များပြားလာမှုကြောင့် အိမ်ရာ လိုအပ်ချက် အများအပြား
ရှိနေသော်လည်း ယင်းလိုအပ်ချက်ကို ဖြည့်ဆည်းပေးနိုင်သည့်
အခြေအနေ မရှိသေးကြောင်း၊ ထို့ပြင် အိမ်ငှားခ ဈေးနှုန်းများ
မြင့်တက်မှု၊ အိမ်ရာဈေးနှုန်းများ မြင့်တက်မှုတို့ကြောင့်
ကျူးကျော်နေထိုင်သူ များပြားလာကြောင်း ၎င်းက ဆိုသည်။

ရန်ကုန်မြို့တော် စည်ပင်သာယာ နယ်နိမိတ် ၃၃ မြို့နယ်အတွင်း
ကျူးကျော်နေထိုင်သူ သုံးသိန်းနီးပါးရှိပြီး ရန်ကုန်တိုင်းဒေသကြီး
နယ်နိမိတ် ၄၅ မြို့နယ်စလုံး ဆိုပါက ကျူးကျော်နေထိုင်သူ
ငါးသိန်းနီးပါးအထိ ရှိနိုင်သည်ဟု ခန့်မှန်းထားသည်။

ယင်းအနက် လှိုင်သာယာမြို့နယ်သည် စက်မှုဇုန် များပြားသည့်
အတွက် ကျူးကျော်နေထိုင်သူ ဦးရေ အများဆုံးဖြစ်ပြီး
တစ်သိန်းကျော်အထိ ရှိနေကြောင်း အဓိက အနေဖြင့်
မြစ်ချောင်းနံဘေးများ၊ စက်မှုဇုန်များတွင် ကျူးကျော်နေထိုင်
နေကြခြင်း ဖြစ်ကြောင်း သိရသည်။
(ကျော်ထင်)

credit - 7day daily/ Xinhua Myanmar
& Eleven Media Group