“ဈေးနှုန်းကျဆင်းသည့်တိုင် အရောင်းအ၀ယ်အေးလျက်ရှိသော ရန်ကုန်မြို့သစ် မြေကွက်များ”

“ဈေးနှုန်းကျဆင်းသည့်တိုင် အရောင်းအ၀ယ်အေးလျက်ရှိသော
ရန်ကုန်မြို့သစ် မြေကွက်များ”

၁။ "ရန်ကုန်မြို့စွန်မြေကွက်များ အရောင်းအ၀ယ် ကျဆင်းလာ"

ရန်ကုန်မြို့စွန်မြေကွက် များ ဈေးနှုန်းသည် တစ်လလျှင်
၁၀ ရာခိုင်နှုန်းခန့်  ကျဆင်းနေပြီး အရောင်းအ၀ယ်
ကျဆင်းနေ ကြောင်း မြို့စွန်မြို့နယ်များရှိ အိမ် ခြံမြေ
အကျိုးဆောင်များထံမှ သ တင်းရရှိသည်။

‘‘နှစ်ကုန်ပိုင်း အရမ်းသိသာ လာတယ်။ ငွေဖော်ချင်တဲ့သူတွေက
ဈေးလျှော့ပြီး ထုတ်ရောင်းနေ ကြပေမယ့် ၀ယ်မယ့်သူက အရမ်း
နည်းသွားတယ်’’ဟု ဒဂုံဆိပ်ကမ်း မြို့နယ်မှ အိမ်ခြံမြေ 
အကျိုးဆောင်ကိုမျိုးမြင့်အောင်ကပြော သည်။

မြို့စွန်များရှိ ယခင် ကျပ်သိန်း ၁၀၀ ကျော်တန် မြေကွက်များသည်
လက်ရှိနေရာနှင့် ရပ်ကွက်ပေါ်မူတည်ပြီး ကျပ်သိန်း၈၀မှ
သိန်း ၇၀ခန့်အထိသာ ပေါက်ဈေးရှိနေကြောင်း အရောင်းအ၀ယ်
ပြုလုပ်သူများ၏ ဈေးကွက်အတွင်းမှ သတင်းရရှိသည်။

မြောက်ဥက္ကလာပ၊ သင်္ဃန်း ကျွန်း၊ ဒဂုံဆိပ်ကမ်းမြို့နယ်များရှိ
ပါမစ်မြေနှင့် ဂရန်မြေများ ကိုင် ဆောင်ထားသူများက
ငွေဖော်လို ၍ အဓိကပြန်လည်ရောင်းချနေ သော်လည်း
ဝယ်ယူမည့်သူမရှိသ ဖြင့် အခက်တွေ့နေကြောင်း
ကိုမျိုးမြင့်အောင်က ဆိုသည်။

မြို့စွန်များမှ ပေ ၄၀ x ၆၀၊ ၁၂ ပေခွဲx၅၀ မြေကွက်များသည်
လူနေ ရပ်ကွက်များအဖြစ် ပေါ်ပေါက်လာမှု မရှိသေးခြင်း၊
ခြံ စည်းရိုးခတ်ပြီး မြေရိုင်းအဆင့် သာ ရှိနေသေးခြင်းကြောင့်
မြေ ကွက်အရောင်းအ၀ယ်သိသာစွာ ကျဆင်းလာသည်ဟု
ထန်းတပင်မြို့နယ်ငွေလောင်းရပ်ကွက်မှ အကျိုးဆောင်တစ်ဦးက 
သုံးသပ်သည်။

ပြည်တွင်းအိမ်ခြံမြေဈေး နှုန်းများသည် အစိုးရ တည်ဆောက်
ရောင်းချနေသည့် အခန်း အရေအတွက်မြောက်မြားစွာ
ပေါ်လာပါက ဈေးနှုန်းများ ထပ်မံကျဆင်းမည့်အခြေအနေ
ရှိကြောင်း နိုင်ငံတော်သမ္မတ၏ စီးပွားရေးအကြံပေး
ဒေါက်တာအောင်ထွန်းသက်က ဒီဇင်ဘာ ၂၆ ရက်တွင်
တပ်မတော်ခန်းမ၌ ပြုလုပ်သည့် အိမ်ခြံမြေ ဟောပြောပွဲတွင်
ထည့်သွင်းပြောကြားခဲ့သည်။

မြို့စွန် မြို့နယ်များရှိ မြေ ကွက်များ၊ စီမံကိန်းအသံ ကြား တိုင်း
လိုက်လံဝယ်ယူသည့်နေရာ များ၊ မြို့လယ် တိုက်ခန်းများ၊
ကန်ထရိုက်ကြိုပွိုင့်တိုက်ခန်းများသည် အရောင်းအ၀ယ်
မရှိသလောက်နည်းပါးနေကြောင်း အိမ်ခြံမြေ
အကျိုးဆောင်များက ပြောကြားသည်။

အိမ်ခြံမြေအရောင်းအ၀ယ် အေးနေသော်လည်း မြို့တွင်းပိုင်း
မြို့နယ်များရှိ မြေညီထပ် တိုက် ခန်းများတွင် စီးပွားရေးလုပ်ငန်း
လုပ်ကိုင်ရန် အငှား ဈေးကွက် အားကောင်းနေပြီး
နေရာကောင်း ကို ဈေးပိုပေး၍ ငှားရမ်းကြရသည် ဟု
အိမ်ခြံမြေအကျိုးဆောင်များ ကဆိုသည်။

(မိုးညို)

***

၂။ "ရန်ကုန်မြို့သစ် မြေကွက်များ ဈေးနှုန်းကျဆင်းလျက်
ရှိသော်လည်း အရောင်းအ၀ယ်အေး"

ရန်ကုန်မြို့သစ် မြေကွက်ဈေးနှုန်းများမှာ ဈေးနှုန်းကျဆင်းလျက်
ရှိသော်လည်း မြေကွက်ဝယ်ယူသူ နည်းပါးလျက်ရှိပြီး
အရောင်းအ၀ယ် အေးနေကြောင်း ရန်ကုန် အိမ်ခြံမြေ
ဝယ်ရောင်းဈေးကွက်မှ စုံစမ်းသိရှိရသည်။

ရန်ကုန်မြို့ အတွင်းရှိ လူကြိုက်များ၍ ၀ယ်ရောင်း ပြုလုပ်လိုသူများ
အနေဖြင့် အရောင်းအ၀ယ် အများဆုံး ပြုလုပ်လျက်ရှိသည့်
တောင်ဒဂုံ၊ ဒဂုံဆိပ်ကမ်း၊ မြောက်ဒဂုံ၊ ထောက်ကြန့်၊ ရွှေပြည်သာ၊
သန်လျင် စသည့် မြို့နယ် အတွင်းရှိ မြေကွက်များ အနေဖြင့်
ယခုလအတွင်း ဈေးနှုန်းကျဆင်းလျက် ရှိနေသော်လည်း
အရောင်းအ၀ယ် မရှိသလောက် နည်းပါးလျက် ရှိနေသည်။

“ဒီလအတွင်းမှာ မြေကွက် အရောင်းအ၀ယ်တွေက
တော်တော်လေးကို သိသိသာသာ ဈေးကျသွားတယ်။
အ၀ယ်လည်း မလိုက်ဘူး။ တချို့ ၀ယ်ရောင်းတွေဆိုရင် လက်ထဲမှာ
ပိုက်မိထားတဲ့ မြေကွက်တွေ အများကြီး ရှိတယ်။ အခု လူတွေ
တော်တော်များများက မြေကွက် ၀ယ်တာထက် တိုက်ခန်း
ဝယ်တာကို ပိုအားသန်နေကြတယ်။ ဒါကြောင့် အခုလို
အရောင်းအ၀ယ် အေးသွားတဲ့ သဘောတွေပေါ့လေ။
နောက်မြေဈေးတွေ အနေနဲ့ ၁၀ သိန်းကနေ သိန်း ၃၀ ကြားကို
ဈေးကျသွားတယ်” ဟု ဒဂုံဆိပ်ကမ်းမြို့နယ် အတွင်းမှ
အိမ်ခြံမြေ ၀ယ်ရောင်း လုပ်ကိုင်လျက်ရှိသူ ကိုဇင်မင်းက
ဆိုသည်။

ရန်ကုန်မြို့ အတွင်းရှိ မြေဈေးနှုန်းများ အနေဖြင့်
- တောင်ဒဂုံ၊ မြောက်ဒဂုံ၊ ဒဂုံဆိပ်ကမ်း စသည့် နေရာများတွင်
အနည်းဆုံး ကျပ်သိန်း ၈၀ မှ ကျပ် သိန်း၂၀၀၀ အထိ
လည်းကောင်း၊
- သန်လျင်မြို့နယ် အတွင်း၌လည်း အနည်းဆုံး ကျပ် ၇၀ သိန်းမှ
ကျပ်သိန်းသောင်းကျော်အထိ လည်းကောင်း၊
- ထောက်ကြန့်မြို့နယ်အတွင်း ကျပ်သိန်း ၁၀၀ ကျော်မှ
ကျပ်သိန်းထောင်ကျော်အထိ လည်းကောင်း ပေါက်ဈေး
ရှိနေကြောင်း ရန်ကုန်မြို့ အိမ်ခြံမြေ ရောင်းဝယ်ရေး
လုပ်ငန်းများနှင့် ၀က်ဘ်ဆိုက်များမှ စုံစမ်းသိရှိရသည်။
၂၀၁၅ ခုနှစ်အတွင်း အိမ်ခြံမြေဈေးကွက် အနေဖြင့်
အရောင်းအ၀ယ် ဈေးကွက်ထက် အငှားဈေးကွက်မှာ
ပိုသွက်လျက်ရှိပြီး အိမ်ငှား ဈေးနှုန်းများ အနေဖြင့် ဈေးနှုန်း
မြင့်တက်မှု ရှိနေသော်လည်း အိမ်ခြံမြေ ဈေးကွက်အတွင်း
မြေဈေးနှုန်းများမှာ ၀ယ်ယူသူ မရှိသလောက် နည်းပါး၍
ဈေးနှုန်းများ အနေဖြင့် ကျပ်သိန်း ၇၀ မှ ၁၀၀ ကျော်ဝန်းကျင်
တန်ဖိုးရှိ မြေကွက်များ အနေဖြင့် ကျပ် ၁၀ သိန်းမှ
သိန်း ၃၀ အတွင်း ဈေးနှုန်းကျဆင်းနေခြင်း ဖြစ်ကြောင်း
အိမ်ခြံမြေ ၀ယ်ရောင်း လုပ်ကိုင်လျက်ရှိသူ ကိုဇင်မင်းက
ဆက်လက် ပြောကြားသည်။

“အရင်တုန်းက မြေကွက်တွေက ဈေးကောင်းတော့
မြေ၀ယ်ရောင်းလုပ်ရတာ အဆင်ပြေတယ်။ အမြတ် ကျန်တယ်။
၂၀၁၅ သင်္ကြန်လောက်ကတည်းက မြေဈေးတွေ နည်းနည်း
ငြိမ်လာပြီးတော့ အရောင်းအ၀ယ် ပါးသွားပြီး
နိုဝင်ဘာလလောက်အထိ မြို့သစ်မြေကွက်တွေက
အရောင်းအ၀ယ် ဖြစ်သေးတယ်။ အခု နောက်ပိုင်းတော့ ၀ယ်သူကို
မရှိတော့တာ။ ဒီမြို့သစ် မြေကွက်တွေကို ရောင်းချင်နေတဲ့ သူ
တွေမှ တစ်ပုံကြီးပဲ။ အ၀ယ် မလိုက်တော့တဲ့အတွက် ဈေးတွေက
ထိုးကျကုန်တာ” ဟု ဒဂုံဆိပ်ကမ်းမြို့နယ် အတွင်းရှိ အိမ်ခြံမြေ
အကျိုးဆောင် တစ်ဦးက ပြောကြားသည်။

အဆိုပါ မြေကွက်ဈေးနှုန်းများ အနေဖြင့် ၂၀၁၅ ခုနှစ် နှစ်ကုန်ပိုင်းမှ
စတင်ဈေးနှုန်းကျဆင်းလာခြင်း ဖြစ်ပြီး ၂၀၁၅ ဒီဇင်ဘာလအတွင်း
အရောင်းအ၀ယ် သိသိသာသာ ကျဆင်းလျက်ရှိကြောင်း
iMyanmar-House အိမ်ခြံမြေ အရောင်းဝယ် ၀က်ဘ်ဆိုက်၏
ဖော်ပြချက်များအရ သိရသည်။

ထို့ပြင် ရန်ကုန်မြို့ အိမ်ခြံမြေ ဈေးကွက်အတွင်း မြို့သစ်မြေကွက်
ဈေးနှုန်းများ အနေဖြင့် ဈေးနှုန်းကျဆင်းလျက် ရှိနေသော်လည်း
ရန်ကုန်မြို့ရှိ အိမ်အငှား ဈေးကွက်မှာ ဈေးနှုန်းကျဆင်းခြင်း
မရှိဘဲ အတက်ဈေး၌သာ ဆက်လက် ရပ်တည်လျက်ရှိကြောင်း
သိရသည်။

(အေးမို့မို့အောင်သူ၊ မြတ်စုနိုင်)

***

၃။ "ရန်ကုန်မြို့ ဆင်ခြေဖုန်းမြို့စွန်များတွင် အိမ်ခြံမြေဈေး
ဆက်တိုက်ကျ၍ ရင်းနှီးမြှုပ်နှံထားသူများ အခက်ကြုံ"

ရန်ကုန်မြို့ ဆင်ခြေဖုန်းမြို့စွန်များတွင် မြေကွက်တန်ဖိုးများ
ဆက်တိုက် ကျဆင်းလာခဲ့သောကြောင့် ယခင်က ရင်းနှီးမြှုပ်နှံရန်
ရည်ရွယ်ချက်ဖြင့် ၀ယ်ယူထားခဲ့သူများ အခက်ကြုံနေကြောင်း
အိမ်ခြံမြေ အကျိုးဆောင်များထံမှ သိရသည်။

“အရင်က ရည်ရွယ်ချက်ရှိရှိနဲ့ ရန်ကုန်မြို့ အစွန်အဖျားက
မြို့နယ်တွေမှာ မြေကွက်ဝယ်ယူထားတဲ့ သူတွေအနေနဲ့ မြေဈေးတွေ
ထက်ဝက်လောက် ကျသွားတော့ အခက်အခဲတွေ ဖြစ်လာကြတယ်။
နောက်ပြီးတော့ ဈေးတွေပြန်တက်ဖို့လည်း အရိပ်အရောင်တောင်
မမြင်ရဘူး။ အဲဒီအတွက်ကြောင့် မြေကွက်တစ်ကွက်ထဲ
မဟုတ်ဘဲနဲ့ အများကြီး ၀ယ်ထားတဲ့သူတွေ ဆုံးရှုံးမှုတွေ
ဖြစ်လာနိုင်တယ်”ဟု သာကေတမြို့နယ်တွင် အိမ်ခြံမြေ
အကျိုးဆောင် လုပ်ကိုင်နေသူ ကိုဖိုးဖြူက ပြောသည်။

၂၀၁၅ ခုနှစ် အထွေထွေရွေးကောက်ပွဲ ပြီးဆုံးချိန်နောက်ပိုင်း
အိမ်ခြံမြေဈေးနှုန်းများ ဆက်တိုက် ကျဆင်းခဲ့ပြီး အစိုးရသစ်
အပြောင်းအလဲကို စောင့်ကြည့်ကာ စီးပွားရေးလုပ်ငန်းများလည်း
ဆိုင်းငံ့နေချိန် ဖြစ်သောကြောင့် အိမ်ခြံမြေ ဈေးနှုန်းများ
ပြန်လည်မြင့်တက်မည့် အခြေအနေ မရှိခြင်းလည်း ဖြစ်သည်ဟု
သိရသည်။ ယင်းအပြင် ရင်းနှီးမြှုပ်နှံမှု ဈေးကွက်အသစ်
ဖြစ်လာမည့် ရန်ကုန်စတော့အိတ်ချိန်း စတင်တော့မည်ဖြစ်ရာ
အိမ်ခြံမြေကဏ္ဍတွင် ရင်းနှီးမြှုပ်နှံနိုင်ခြေများ
လျော့နည်းလာနိုင်သည်ဟုလည်း သုံးသပ်မှုများ ရှိနေသည်။

“လာမယ့် အစိုးရသစ် လက်ထက်မှ နိုင်ငံရဲ့ အခြေအနေက
ဘယ်လိုပြောင်းလဲလာမယ်မှန်း မသိသေးဘူး။
အခြေအနေကတော့ အိမ်ခြံမြေဈေးတွေလည်း ပြန်တက်လာမယ့်
ပုံစံလည်းမရှိဘူး။ တန်ဖိုးနည်း အိမ်ရာတွေကလည်း ဆက်တိုက်
ပေါ်ထွက်လာနေတယ်။ နောက်ပိုင်းမှာ နိုင်ငံတကာအတိုင်း
အရစ်ကျတွေ ပေါ်လာရင် ပိုပြီးတော့တောင် ဈေးကျဦးမယ်”ဟု
အိမ်ခြံမြေ အကျိုးဆောင်တစ်ဦးက သုံးသပ်သည်။

ထို့အပြင် မြို့အစွန်ပိုင်း မြို့နယ်များတွင် အိမ်ခြံမြေဈေးနှုန်းများ
ကျဆင်းလာခဲ့သည် သာမက အချို့သော မြို့နယ်များတွင်လည်း
အိမ်အရောင်း ဈေးနှုန်းများ သာမက အိမ်အငှား
ဈေးနှုန်းများလည်း ကျဆင်းလာသည်ဟု ဆိုသော်လည်း
လူစည်ကားရာ နေရာများနှင့် အိမ်ရာအသစ်များ တည်ရှိရာ
နေရာများတွင်မူ အိမ်ငှားရမ်းခ ဈေးနှုန်းများ
မြင့်မားလျှက်ရှိသေးကြောင်း သိရသည်။

credit - 7daydaily / Eleven Media Group
& Tomorrow News