“ပြန်လည်စတင်မည်ဟု ဆိုလိုက်ပြန်တဲ့ မြို့သစ်စီမံကိန်း သတင်းနှင့် ကျူးများကို ဇန်နဝါရီ ၂၃ မှ စတင်ကာ ဖယ်ရှားမည်ဟု ဆို”

“ပြန်လည်စတင်မည်ဟု ဆိုလိုက်ပြန်တဲ့  မြို့သစ်စီမံကိန်း
သတင်းနှင့် ကျူးများကို ဇန်နဝါရီ ၂၃ မှ စတင်ကာ
ဖယ်ရှားမည်ဟု ဆို”

၁။ "အနောက်တောင် မြို့သစ်စီမံကိန်း ပြန်လည်
စတင်မည်ဟုဆို"

ရန်ကုန်မြို့ ကြည့်မြင်တိုင် တစ်ဖက်ကမ်းရှိ
အနောက်တောင်မြို့သစ်စီမံကိန်းအကောင်အထည်ဖော်ရေးမှာ
နိုင်ငံရေးအပြောင်းအလဲ များကြား၌ မသေချာမှုများရှိခဲ့သော်
လည်းလက်ရှိ အစိုးရသက်တမ်းတွင်ပင် စတင်
ဆောက်လုပ်နိုင်မည့် အခြေအနေများရှိလာကြောင်း
အဆိုပါစီမံကိန်းနှင့် စပ်လျဉ်းသူများက ပြောသည်။

ပြီးခဲ့သည့်နှစ်က ရန်ကုန်တိုင်းဒေသကြီး လွှတ်တော်တွင်
အတည်ပြုခဲ့သည့် မဟာရန်ကုန်မြို့ပြဖွံ့ဖြိုးရေး မဟာဗျူဟာ
စီမံကိန်း ၂၀၄၀ တွင်ပါဝင်သော ရန်ကုန်မြို့သစ်စီမံကိန်းခုနှစ်ခု
အနက်တစ်ခုဖြစ်သည်။

၂၀၁၄ ခုနှစ်၊ စက်တင်ဘာလက ရန်ကုန်တိုင်းဒေသကြီး
လွှတ်တော်အစည်းအဝေးတွင် ရန်ကုန် မြို့တော်ဝန်က
မြန်မာ့စေတနာမြို့သစ် ကုမ္ပဏီကို လုပ်ကိုင်ခွင့်ပေးခဲ့ကြောင်း
ကြေညာ ခဲ့ပြီးနောက် ဝေဖန်မှုများဖြင့် ရပ်ဆိုင်းခဲ့ရခြင်း
ဖြစ်သည်။

ယင်းသည် မြို့သစ်စီမံကိန်းခုနစ်ခုအနက် ဒုတိယဦးစားပေး
ဖြစ်ပြီး ပထမဆုံးအကြိမ်တင်ဒါခေါ်ယူခဲ့သည့်အချိန်တွင်
လာရောက် လျှောက်ထားသည့် ကုမ္ပဏီပေါင်း ၅၄ ခုရှိခဲ့
သော်လည်း နောက်ဆုံးအဆင့်တွင် ပြည်တွင်း ဆောက်လုပ်ရေး
ကုမ္ပဏီသုံးခုသာ ပါဝင်ယှဉ်ပြိုင်ခဲ့ခြင်းဖြစ်သည်။

ဒီဇင်ဘာလနှောင်းပိုင်းအတွင်း ရန်ကုန် တိုင်းဒေသကြီး
ဝန်ကြီးချုပ်ဦးမြင့်ဆွေက အဆိုပါ တင်ဒါလျှောက်ထားသည့်
ကုမ္ပဏီ သုံးခု၏ အကြီးပိုင်းတာဝန်ရှိသူတချို့ကိုသာ
ခေါ်ယူတွေ့ဆုံခဲ့ကာ ယင်းစီမံကိန်းကို ကုမ္ပဏီသုံးခုစလုံး
ပူးပေါင်းလုပ်ကိုင်ရန် ပြောဆိုခဲ့ကြောင်း ရန်ကုန်မြို့
အနောက်တောင်ဒေသဖွံ့ဖြိုးတိုးတက်ရေး(အများပိုင်ကုမ္ပဏီ)၏
ပြောရေးဆိုခွင့်ရှိသူဦးတင်စိန်က ပြော သည်။ အဆိုပါ
ကုမ္ပဏီသည် တင်ဒါလျှောက်ထားသည့်ကုမ္ပဏီသုံးခုတွင်
အပါအ၀င်ဖြစ်သည်။

"ကျွန်တော်တို့ လျှောက်ထားတဲ့တင်ဒါတွေကို ပညာရှင်တွေနဲ့
ဆွေးနွေးတုန်းက အကုန်လုံးတက်ရပေမယ့် ပြီးခဲ့တဲ့ လက
ဝန်ကြီးချုပ်က ကုမ္ပဏီတစ်ခုကသုံးလေး ယောက်လောက်ပဲ
ခေါ်တွေ့ပြီး ကုမ္ပဏီတွေရဲ့တင်ပြချက်တွေကိုကြည့်ပြီး
ဒီကုမ္ပဏီသုံးခုစလုံးပေါင်းလုပ်ရင်မကောင်းဘူးလားဆိုပြီး
ပြောတယ်။ အဲ့ဒါနဲ့ မြို့သစ်စီမံကိန်းကိုကုမ္ပဏီ သုံးခုစလုံး
လုပ်ခွင့် ပေးလိုက်ပါတယ်" ဟု ၎င်းက မြန်မာတိုင်း(မ်)ကို
ပြောသည်။

မြို့သစ်စီမံကိန်း အကောင်အထည်ဖော်ရန် ကုမ္ပဏီသုံးခုစလုံး
လုပ်ကိုင်ခွင့်ရရှိ ခဲ့သော်လည်းအသီးသီးတာဝန်ယူရမည့်
လုပ်ကိုင်ခွင့်များကို မခွဲဝေရသေးသည့်အတွက် လုပ်ငန်း
ခွဲဝေရေးညှိနှိုင်းမှုများအတွက် ဇန်န၀ါရီ ၁၈ ရက်တွင်
အဆိုပါကုမ္ပဏီ သုံးခုနှင့် ရန်ကုန်တိုင်းဝန်ကြီးချုပ်
ဦးမြင့်ဆွေတို့ ထပ်မံ တွေ့ဆုံခဲ့ကြောင်း ၎င်းကပြောသည်။

"ဇန်န၀ါရီ ၁၈ ရက်နေ့မှာ ၀န်ကြီးချုပ်နဲ့ ထပ်တွေ့ရတယ်။
ကုမ္ပဏီသုံးခုပေါင်းပြီးသွား ပြီဖြစ်တဲ့အတွက် သုံးခုစလုံးရဲ့
အဆိုပြုချက်တွေကို တင်ပြရတယ်။ လယ်သမားတွေကို
ဘယ်လိုရှင်းပေးမယ်၊ ဘယ်လုပ်ငန်းကို ဘယ်တော့စမလဲ
ဆိုတာတွေကို တင်ပြပြီး ၀န်ကြီးချုပ်က တင်ပြမှုကိုသုံးသပ်ပြီး
လုပ်ငန်း တွေကို ပြန်ခွဲပေးမှာပါ" ဟု ၎င်းက ပြော သည်။

ယင်းအဆိုပြုချက်များကိုဝန်ကြီးချုပ်က အတည်ပြုပြီးသည်နှင့်
တစ်ပြိုင်နက် အနောက်တောင်မြို့သစ်စီမံကိန်း၏ လုပ်ငန်း
များကို စတင်လုပ်ကိုင်တော့မည်ဖြစ်သည့်အတွက် ယင်းသည်
လက်ရှိအစိုးရသက်တမ်းတွင်အကောင်အထည်ဖော်နိုင်ခဲ့သည့်
စီမံကိန်း ဖြစ်ကြောင်း ရန်ကုန်အနောင်တောင်ဒေသ ဖွံ့ဖြိုးတိုး
တက်ရေး ကော်မတီ၏ တွဲဖက်အတွင်းရေးမှူးလည်းဖြစ်သူ
ဦးတင်စိန်က ပြောသည်။

"ဒီအစိုးရလက်ထက်မှာတင် လုပ်ငန်းစပြီဆိုတဲ့ သဘောဖြစ်တဲ့
အတွက် ဒီမြို့သစ်စီမံကိန်းက လက်ရှိအစိုးရမှာတင်
အကောင်အထည်ဖော်နိုင်မှာဖြစ်သလို နောက်အစိုးရ
လက်ထပ်မှာလည်း ပြီးဆုံးထိတိုင်အောင် ဆက်လုပ်သွားနိုင်မှာပါ။
အနောက်တောင် မြို့သစ်အကောင်အထည်ဖော်တာက
စီမံကိန်း ဆိုတာထက် ဒေသဖွံ့ဖြိုးရေးတစ်ခုပါ။ အဲဒါကြောင့်
အစိုးရကလည်း ကုမ္ပဏီကိုတာဝန်လွှဲပြီးတော့ အကောင်အထည်
ဖော်ခိုင်းတာပါ။ စီမံကိန်းဆိုရင် အစိုးရဘတ်ဂျက်နဲ့ လုပ်ရမယ်။
အခု ဒီဒေသဖွံ့ဖြိုးရေးအတွက် ကုမ္ပဏီတွေမှာ တာဝန်ရှိသွား
ပါပြီ" ဟု ၎င်းက ပြောသည်။

ကုမ္ပဏီသုံးခုအနက် ရန်ကုန်အနောက် တောင်ဒေသဖွံ့ဖြိုး
တိုးတက်ရေး (အများပိုင် ကုမ္ပဏီ)ကဦးဆောင်ပြီး
Business Capital City Development Co.,ltd နှင့်
ရွှေပုပ္ပား အပြည်ပြည်ဆိုင်ရာဆောက်လုပ်ရေးကုမ္ပဏီ တို့
ကလည်း တာဝန်ယူလုပ်ကိုင်သွားမည် ဖြစ်သည်။

"လောလောဆယ်အခြေအနေမှာ ဘယ်ကုမ္ပဏီက
ဘယ်အပိုင်းကိုလုပ်မယ်ဆိုတဲ့ လုပ်ငန်းတွေကိုမခွဲရသေးဘူး။
ဒါပေမဲ့ လုပ်ငန်း တွေကို အနောက်တောင်ကုမ္ပဏီကပဲ
ဦးဆောင်ပြီးလုပ်မှာပါ။ဘာဖြစ်လို့လဲဆိုတော့
အနောက်တောင်က ဒေသခံတွေပါဝင် ပြီး ရှယ်ယာထည့်ဝင်တဲ့
အများပိုင်ကုမ္ပဏီဖြစ် တဲ့အတွက်၊ ဒီဒေသအကြောင်းကို
အခြေခံသိရှိပြီးသားဖြစ်တဲ့အတွက် ဦးဆောင်ပြီး
လုပ် ဖို့ အကုန်လုံးကလည်း သဘောတူပါတယ်" ဟု
၎င်းကပြောသည်။

တည်ဆောက်ရေးကြောင့်လယ်သမား များ၏မြေယာအသုံးချမှု
များလည်းရှိရာ ဆောက်လုပ်မည့်မြေယာ၏၂၀ ရာခိုင်နှုန်းကို
အဆိုပါကုမ္ပဏီသုံးခုက ၎င်းတို့အားပြန်လည် ခွဲဝေပေးသွားမည်
ဖြစ်သည်။ ထို့ကြောင့် လယ် ၁၀ဧက ပိုင်ဆိုင်သူတစ်ဦး သည်
လယ်နှစ်ဧက ပြန်လည်ရရှိနိုင်မည် ဖြစ်သည်။ မြို့သစ်
တည်ဆောက်ပြီးစီးပါ က မြေအသုံးချမှုကြောင့် ၎င်းတို့
လယ်ယာများ ပါဝင်သွားသည့်လယ်ပိုင်ရှင်များသည်
ခန့်မှန်း ခြေအားဖြင့် တစ်ဦးလျှင် တိုက်ခန်းတစ်ခန်းနှင့်
ပေ ၂၀၀၊ ပေ ၈၀ မြေကွက်တစ်ကွက် ပြန်လည်ရရှိမည်
ဖြစ်ကြောင်း အနောက်တောင်ဒေသဖွံ့ဖြိုးတိုးတက်ရေး
(အများပိုင်ကုမ္ပဏီ)က ပြောသည်။

"စီမံကိန်းဒေသက လယ်မြေများတဲ့ အတွက် အခြေခံကျတဲ့
လယ်သမားတွေနဲ့ ညှိနှိုင်းပါတယ်။ လယ်သမားတွေကလည်း
ဒီလိုအချိုးချတာကို ကျေနပ်ပါတယ်။ အစက မြေအသုံးချမှု
အတွက် ၁၅ ရာခိုင်နှုန်းပဲ လယ်သမားတွေကို ခွဲဝေပေးဖို့
ညှိနှိုင်းတော့ ၀န်ကြီးချုပ်က နည်းတယ်လို့ ပြောတဲ့အတွက်
၂၀ ရာခိုင်နှုန်းပေးဖို့ပြန်ညှိနှိုင်းခဲ့တာ အဆင် ပြေပါတယ်။
အဲဒီညှိနှိုင်းမှုကို ကျွန်တော်တို့ ၀န်ကြီးချုပ်နဲ့ထပ်တွေတဲ့
ဇန်န၀ါရီ ၁၈ ရက်မှာ တင်ပြသွားမှာပါ" ဟု ဦးတင်စိန်က
အဆိုပါ နေ့မတိုင်မီက ပြောသည်။

မြို့သစ်စီမံကိန်း နေရာရှိ ဒေသခံရွာသူ၊ ရွာသားများမှာ
မြို့သစ်တည်ထောင်မည့် အစီ အစဉ်ကိုစောင့်စားနေကြပြီး
မကြာခင်စတင် နိုင်ရန် မျှော်လင့်ကြောင်းနှင့် လတ်တလော
အချိန်တွင်စီမံကိန်းဒေသ၏ အိမ်ခြံ မြေဈေးကွက်အရောင်း
အ၀ယ်မှာ လှုပ်ခတ်မှုမရှိကြောင်း တမံကြီးကျေးရွာနေဒေသခံ
ဦးခင်အေးက ပြောသည်။

၂၀၁၄ ခုနှစ်က ကနဦးစတင်ထွက်ပေါ်လာသည့် ယင်းမြို့သစ်
စီမံကိန်း အစီအစဉ်ကြောင့် အနောက်တောင် ဒေသ
ကြည့်မြင်တိုင် တစ်ဖက်ကမ်း ရှိ မြေယာများကိုလာရောက်
ဝယ်ယူ သူများပြားပြီး ဈေးများအဆမတန် မြင့်တက်သည့်
ဂယက်ဖြစ်ပေါ်ခဲ့ဖူးသည်။သို့သော်ပွင့်လင်းမြင်သာမှု
အားနည်းသည်ဆိုသည့် အချက်ဖြင့် အဆိုပါအချိန်က
စီမံကိန်းမှာ ပြန်လည် ရပ်ဆိုင်းသွားခဲ့သည်။

(မြတ်ငြိမ်းအေး)

***

၂။ "ရန်ကုန်ရှိ ကျူးကျော်နေအိမ်များကို ဇန်နဝါရီ ၂၃ ရက်နေ့မှ
စတင်ဖယ်ရှားမည်"

ရန်ကုန်တိုင်းဒေသကြီးရှိ ကျူးကျော်နေအိမ်များကို
ဇန်နဝါရီလ ၂၃ ရက်နေ့မှ စတင်ကာ ဖေဖော်ဝါရီလနောက်ဆုံးပတ်
အထိ အပြီးအပိုင် ဖယ်ရှားရှင်းလင်းမည် ဖြစ်ကြောင်း ရန်ကုန်တိုင်း
ဒေသကြီး လုံခြုံရေးနှင့် နယ်စပ်ရေးရာဝန်ကြီး
ဗိုလ်မှူးကြီး တင်အောင်ထွန်းက ပြောကြားသည်။

“အစိုးရသစ် မလွှဲပြောင်းခင်မှာ ရန်ကုန်မှာရှိတဲ့ ကျူးကျော်
နေအိမ်တွေ ရသလောက် ဖယ်ရှားမယ်၊ မြို့ပြအင်္ဂါရပ်နဲ့ မညီတဲ့
ကျူးကျော်နေအိမ်တွေကို ဖယ်ရှားရာမှာ မလိုလားအပ်တဲ့
ပြဿနာတွေ မဖြစ်ရအောင် လုံခြုံရေး အထူးတိုးမြှင့်
ဆောင်ရွက်သွားမှာပါ၊ ဖယ်ရှားခံရသူတွေကို မြေနေရာ
အစားပြန်မပေးပါဘူး၊ ကျူးကျော်နေသူ အများစုက နေရာဦး
မြေရောင်းစားနေသူတွေ” ဟု ၎င်းက ဆက်လက်ပြောကြားသည်။

အဆိုပါ ကျူးကျော်နေအိမ်များ ဖယ်ရှားရှင်းလင်းရာတွင်
ဇန်နဝါရီလ ၂၃ ရက်နေ့၌ ဒဂုံဆိပ်ကမ်းမြို့နယ်ရှိ ကျူးကျော်
နေအိမ်များကို စတင်ဖယ်ရှား ရှင်းလင်းမည်ဖြစ်ပြီး၊
ဇန်နဝါရီလ ၂၆ ရက်နေ့ တွင် မင်္ဂလာဒုံမြို့နယ် အတွင်းရှိ
ကျူးကျော်နေအိမ်များကို ဆက်လက်ဖယ်ရှား ရှင်းလင်းမည်
ဖြစ်ကြောင်း ရဲအသိုင်းအဝိုင်းနှင့် နီးစပ်သူများထံမှ သိရှိရသည်။

ရန်ကုန်တိုင်းဒေသကြီးတွင် လှိုင်သာယာ၊ ဒဂုံအရှေ့၊
ဒဂုံဆိပ်ကမ်းနှင့် လှည်းကူးမြို့နယ်တို့တွင် ကျူးကျော်နေအိမ်
သိန်းဂဏန်းချီ ရှိနေပြီး အခြားမြို့နယ်များတွင်လည်း ကျူးကျော်
နေထိုင်မှုများလည်း ရှိကြောင်း၊ ယင်းကျူးကျော် နေအိမ်များကို
အင်အားသုံး မဖြိုခွဲခင် ကျူးကျော်နေထိုင်းသူများ ကြိုတင်
ပြောင်းရွှေ့မှု စီစဉ်နိုင်ရန် အသိပေး အကြောင်းကြားသွားမည်
ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ
အကြီးတန်း ရဲအရာရှိတစ်ဦးက ပြောကြားသည်။

“အိမ်ငှားခ မတက်နိုင်လို့ ရှိစုမဲ့စု ငွေသုံးသိန်းနဲ့ မြေတစ်ကွက်
ဝယ်ပြီး တဲထိုးနေတာ သုံးလပဲ ရှိသေးတယ်၊ အခု ကျူးကျော်
နေအိမ်တွေ ဖယ်ပေးဖို့ သတင်းတွေ ထွက်လာတယ်၊
ကလေးငယ် ခြောက်ယောက်နဲ့ ဒီလိုချမ်းအေးတဲ့ ရာသီမှာ
အိမ်ဖျက်ခံရမယ်ဆို ကျွန်မတို့ မိသားစုတွေ ဘယ်သွားနေရ
မှာလဲ၊ ဖြစ်နိုင်ရင် အာဏာပိုင်တွေနဲ့ အနေနဲ့ နေစရာ မရှိတဲ့
ဆင်းရဲသားတွေအတွက် ကျောတစ်ခင်းစာ နေရာတစ်ခုတော့
ပြန်စီစဉ်ပေးစေချင်တယ်” ဟု လှိုင်သာယာမြို့နယ်
စက်မှုဇုန် (၄) အနီးရှိ ကျူးကျော်တဲများတွင် နေထိုင်သူ
အသက် ၄၀ အရွယ်ရှိ ဒေါ်မြင့်ကြည်က ပြောကြားသည်။

နာဂစ်ဖြစ်ပြီး နောက်ပိုင်းတွင် ဧရဝတီတိုင်းဒေသကြီးရှိ
အလုပ်လက်မဲ့များမှာ ရန်ကုန်တိုင်းဒေသကြီးသို့ ရွှေ့ပြောင်း
လာပြီး ကျပန်းအလုပ်များ လုပ်ကိုင်ခဲ့ရာမှ နေထိုင်စရိတ်
မြင့်တက်မှုကြောင့် မြေကွက်လွတ်များတွင် ကျူးကျော်တဲများ
ထိုးကာ နေထိုင်လာကြောင်း၊ ယင်းနောက် ကျူးကျော်တဲ
များတွင် မသမာသူတစ်စုက ကိုယ်ကျိုးအတွက် မြေကွက်များ
နေရာဦးကာ ပြန်လည်ရောင်းချမှုများ ဆောင်ရွက်ခဲ့ရာမှ
ကျူးကျော်နေအိမ်များ နေရာအနှံ့တွင် အလုအယက်
ဆောက်လုပ်ခဲ့သောကြောင့် အစိုးရသစ်လက်ထက်၌
ရန်ကုန်မြို့အတွင်း ကျူးကျော်နေအိမ် သုံးသိန်းခန့် ရှိခဲ့ကြောင်း
ရန်ကုန်တိုင်းဒေသကြီး အစိုးရအဖွဲ့ ရုံးထံမှ စုံစမ်းသိရှိရသည်။

credit - The Myanmar Times &  The Voice