“ထပ်မံရွှေ့ဆိုင်းထားသည့် ကွန်ဒိုမီနီယံဥပဒေနှင့် ၄င်းဥပဒေပြဋ္ဌာန်းနိုင်မှုအပေါ် မျော်လင့်ချက်များ”

“ထပ်မံရွှေ့ဆိုင်းထားသည့် ကွန်ဒိုမီနီယံဥပဒေနှင့်
၎င်းဥပဒေပြဋ္ဌာန်းနိုင်မှုအပေါ် မျော်လင့်ချက်များ”

၁။ "အိမ်နှင့် မြေယာပိုင်ဆိုင်မှု တိတိကျကျ ပြဋ္ဌာန်းနိုင်မှသာ
အိမ်ခြံမြေနှင့် ဆောက်လုပ်ရေးလုပ်ငန်းများ
ပြန်လည်ဦးမော့လာနိုင်"

မြန်မာနိုင်ငံတွင် အိမ်နှင့် မြေယာပိုင်ဆိုင်မှုဆိုင်ရာ မူဝါဒများ
တိတိကျကျ ပြဋ္ဌာန်းနိုင်မှသာလက်ရှိဈေးကွက်ကျဆင်းနေသည့်
အိမ်ခြံမြေနှင့် ဆောက်လုပ်ရေးလုပ်ငန်းများ ပြန်လည်
ကောင်းမွန်လာနိုင်သည်ဟု မြန်မာနိုင်ငံဆောက်လုပ်ရေးဆိုင်ရာ
လုပ်ငန်းရှင်များ အသင်း နာယက ကပြောသည်။

"၁၉၉၇ မှာ ထိုင်းနိုင်ငံကစခဲ့တဲ့ ငွေကြေးအကျပ်အတည်း
ဖြစ်တော့ အဆောက်အအုံပိုင်ရှင်တွေပြဿနာတက်ကုန်တယ်။
အစိုးရ က ဥပဒေ ချက်ချင်း ပြန်ပြင်ပေးလိုက်တယ်၊
ငွေကြေးအကျပ်အတည်း မဖြစ်ခင်တုန်းက
အဆောက်အအုံတွေကို ၄၅ ရာခိုင်နှုန်းအထိ ပဲ ရောင်းခွင့်ပေး
ထားရာကနေ ချက်ချင်း ၈၀ ရာခိုင်နှုန်းအထိ
မြုင့်ပေးလိုက်တယ်။
ထိုင်ဝမ်၊ ဟောင်ကောင်၊တရုတ်တို့က လာဝယ်လိုက် တာ
ထိုင်းဆောက်လုပ်ရေးလုပ်ငန်းတွေ ခြောက်လအတွင်း
အဆင်ပြေသွားတယ်။ ဒေါ်လာတွေ အများကြီးဝင်လာလို့
နိုင်ငံ စီးပွားရေးလည်း ပြန်တက်သွားတယ်။
မူဝါဒ တွေ ချက်ချင်း ပြင်နိုင်ရမယ်၊ ထိုင်းကိုဥပမာယူရမယ်" ဟု
ဇေကမ္ဘာကုမ္ပဏီဥက္ကဋ္ဌလည်းဖြစ်သူ ဦးခင်ရွှေကပြောသည်။

ထိုင်းနိုင်ငံတွင် ဖြစ်ပေါ်ခဲ့သော ငွေကြေးအကျပ်အတည်းကြောင့်
အိမ်ခြံမြေနှင့် ဆောက်လုပ်ရေးလုပ်ငန်းများတွင် ၀ယ်ယူ
ရင်းနှီးမြှုပ်နှံလိုသူ မရှိသလောက်ဖြစ်ခဲ့သည့် အနေအထား၌
နိုင်ငံခြားသားများ ကွန်ဒို တိုက်ခန်းဝယ်ယူနိုင်သည့် ပမာဏကို
ချက် ချင်းတိုးမြှင့် ခွင့်ပြုပေးခဲ့သည့်အပြင်
မြေယာ ပိုင်ဆိုင်မှုနှင့် ပတ်သက်သည့် ဖြေလျှော့မှု များကိုလည်း
ထိုင်းအစိုးရက အမြန်ဆုံး ဆောင်ရွက်နိုင်ခဲ့ခြင်း ဖြစ်သည်။

ပြည်ထောင်စုလွှတ်တော်တွင် အပြီးသတ်အတည်ပြုရန်
ဆွေးနွေးနေဆဲဖြစ်သည့် ကွန်ဒိုမီနီယံဥပဒေ
(စုပေါင်းပိုင် အဆောက်အအုံဥပဒေမူကြမ်း) အရ
- ကွန်ဒိုတိုက်ခန်းများ တွင် အခန်းပိုင်ရှင်များသည်
အဆောက်အအုံ ၏ မြေနေရာကို အချိုးကျပိုင်ဆိုင်ခွင့်ရှိမည်
ဖြစ်ပြီး
- နိုင်ငံခြားသားများကိုလည်း ရာခိုင်နှုန်းအလိုက် တရားဝင်
ဝယ်ယူခွင့်ပြုထားသည်။
- သို့သော် တည်ဆဲဥပဒေတစ်ခုဖြစ်သည့် ၁၉၈၇ခုနှစ်တွင်
ပြဋ္ဌာန်းခဲ့သည့် မရွှေ့မပြောင်းနိုင် သည့်ပစ္စည်း လွှဲပြောင်းခြင်း
ဆိုင်ရာ ဥပဒေ အရနိုင်ငံခြားသားများ မြေယာပိုင်ဆိုင်ခွင့် ကို
တားဆီးကန့်သတ်ထားဆဲဖြစ်သည်။

"ထိုင်းမှာ ပြသနာဖြစ်တုန်းက အိမ်ရာ မူဝါဒတွေ ချက်ချင်း
ပြင်လိုက်ပြီး နိုင်ငံခြားသား ပိုင်ဆိုင်ခွင့်ရာခိုင်နှုန်းကို
တိုးပေးလိုက်တာ တော်တော် အဆင်ပြေသွားတယ်။
ရာခိုင်နှုန်းလည်းတိုးလိုက်သလို၊အထပ်သတ်မှတ်ချက်တွေလည်း
ပြင်လိုက်တယ်။ မြန်မာပြည်မှာ ကျတော့ကွန်ဒိုဥပဒေက
မထွတ်နိုင်သေးတဲ့ အပြင် မြေယာပိုင်ဆိုင်မှု ဥပဒေနဲ့လည်း
ငြိနေတော့တိုးလိုးတန်းလန်းဖြစ်နေလို့ အခုမှ ပြင်ဖို့လုပ်နေတယ်။
ထိုင်းမှာ ကွန်ဒိုပိုင်ရင် မြေပိုင်တဲ့အတွက် နိုင်ငံခြားသားကိုလည်း
အချိုးအဆအလိုက် မြေပိုင်ခွင့်ပေးထား တယ်။
ပိုင်ဆိုင်မှုလည်းသေချာတော့ ထိုင်း အိမ်ခြံမြေနဲ့ ဆောက်လုပ်ရေး
လုပ်ငန်းတွေ နလန်ထူလာသလိုငွေရေးကြေးရေး ပြဿနာ
တွေကိုလည်း အတိုင်းအတာတစ်ခုထိ ပြေလည် သွားစေခဲ့တယ်။
အဓိကတော့ အိမ်ရာပိုင်ဆိုင် မှုနဲ့ မြေယာမူဝါဒကို တိတိကျကျ
ချမှတ်နိုင်ဖို့ ပဲ ဖြစ်ပါတယ်" ဟု
မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များအသင်း
အထွေထွေ အတွင်းရေးမှူးဦးကျော်ကျော်စိုးက ပြောသည်။

၂၀၁၄ ခုနှစ် နှစ်ကုန်ပိုင်းတွင် ရန်ကုန်မြို့ သစ်စီမံကိန်း ရပ်ဆိုင်း
ခဲ့သည့်နည်းတူ ရွှေတိဂုံဘုရားအနီးက ဆောက်လုပ်ရေးစီမံကိန်း
ငါးခု လည်း ပြီးခဲ့သည့်နှစ်တွင် ရပ်ဆိုင်းခဲ့ရသည်။

ပြီးခဲ့သည့်နှစ်အတွင်း ဖြစ်ပေါ်ခဲ့သော မြေယာ ပြဿနာများနှင့်
အိမ်ခြံမြေလောကအတွင်းဖြစ်ပေါ်ခဲ့သောလိမ်လည်မှုများကြောင့်
အိမ်ခြံမြေလုပ်ငန်းများတွင် ရင်းနှီးမြှုပ်နှံရန် ယုံကြည်မှု
ကျဆင်းလာသကဲ့သုိ့ ရွေးကောက်ပွဲ အခြေအနေ၊
အာဏာလွှဲပြောင်းမှု အခြေအနေ၊ အစိုးရသစ်လက်ထက်
ဖြစ်ပေါ်လာ နိုင်သည့် အိမ်ခြံမြေဆိုင်ရာမူဝါဒသစ်များ ကို
ရင်းနှီးမြုပ်နှံသူများမှ စောင့်ကြည့်နေဆဲကာလဖြစ်သည့်အတွက်
လက်ရှိ အိမ်ခြံမြေ ဈေးကွက်မှာ အမှန်တကယ် နေထိုင်လိုသူ
အချို့၏၀ယ်ယူမှုကလွဲ၍ အိမ်ခြံမြေနှင့် ဆောက်လုပ်ရေး
လုပ်ငန်းများတွင် ၀ယ်ယူသူ မရှိဘဲ အရောင်းအ၀ယ်
အေးလျက်ရှိနေသည်။

"နိုဝင်ဘာ ၈ ရက်ရွေးကောက်ပွဲလည်း ပြီးသွားပြီဆိုတော့
ဘယ်လိုဆက်ဖြစ်လာမလဲ ဆိုတာစောင့်ကြည့်နေကြတယ်။
ရွေးကောက်ပွဲ ရလဒ်လည်းထွက်ပြီးဖြစ်ပေမယ့် အဲဒီ ရလဒ်ကို
ဖော်ဆောင်ရမယ့် အစိုးရအပြောင်းအလဲဆိုတာ
အခုအချိန်ထိဆိုရင် ကြားကာလ မှာပဲ ရှိသေးတော့ ဘယ်သူမှ
သေသေချာချာ မမှန်းဆနိုင်သေးလို့အ၀ယ်တွေက
စောင့် ကြည့်နေတာလည်းပါတယ်။ နောက်တက် လာမယ့်
အစိုးရဘာလုပ်မလဲဆိုတာ အားလုံး က စောင့်ကြည့်နေတယ်။
သူတို့လုပ်မယ့် မြေယာဥပဒေ၊ ကွန်ဒိုဥပဒေတွေအပြင်
အိုးအိမ်နဲ့ ပတ်သက်တဲ့ မူဝါဒတွေအပေါ်မှာ မူတည်ပြီးက
ဈေးကွက်က အပြောင်းအလဲဖြစ်နိုင်တယ်" ဟု မြန်မာနိုင်ငံ
အိမ်ခြံမြေ ၀န်ဆောင်မှုအသင်း ဒုတိယဥက္ကဋ္ဌ ဦးသန်းဦးက
ပြောသည်။

(ဇေယျာလင်း)

***

၂။ "ကွန်ဒိုမီနီယံ ဥပဒေကြမ်းကို အပိုဒ်ခုနစ်ပိုဒ်
အတည်ပြုပြီးနောက် ထပ်မံရွှေ့ဆိုင်း"

လွှတ်တော်၌ သဘောကွဲလွဲမှုများကြောင့်
အပြီးသတ်အတည်ပြုရေး ဆောင်ရွက်ရာတွင်အကြိမ်ကြိမ်
ကြန့်ကြာနေခဲ့သည့် စုပေါင်းပိုင် အဆောက်အအုံဆိုင်ရာ
ဥပဒေကြမ်းကို ဒီဇင်ဘာ၂၁ ရက်က ဆက်လက်ဆွေးနွေးခဲ့ရာ
အပိုဒ်ခုနစ်ပိုဒ် အတည်ပြုပြီးသော်လည်း ထပ်မံညှိနှိုင်း
ဆွေးနွေးရန်လိုအပ်သောကြောင့် ရွှေ့ဆိုင်းခဲ့ပြန်သည်။
လွှတ်တော်၌ အတည်ပြုရာတွင် ကွန်ဒို အတွက် လိုအပ်သည့်
မြေဧရိယာအကျယ်အ၀န်းကိုအနည်းဆုံး စတုရန်းပေ
၂၀,၀၀၀ နှင့်အထက် ရှိရမည်ဖြစ်ကြောင်းအတည်ပြုခဲ့သည်။

ရန်ကုန်တိုင်းဒေသကြီးမှ ဒေါက်တာ ခင်ရွှေတင်သွင်းခဲ့သည့်
တိုင်းနှင့် ပြည်နယ် များတွင် အခြေအနေအရ နိုင်ငံခြားသားကို
ရောင်းချနိုင်ခွင့်ရှိသည့် အိမ်ခန်းအရေ အတွက်ကို လိုအပ်လျှင်
ပြင်ဆင်နိုင်ရန် တင်သွင်းသည့် အဆိုမှာမူ ရှုံးနိမ့်ခဲ့ပြီး
မူလ ပြဋ္ဌာန်းချက်ဖြစ်သည့် ခြောက်ထပ်နှင့်အထက်ရှိ
အိမ်ခန်းများ၏ ၅၀ ရာခိုင်နှုန်း အထိ ရောင်းချနိုင်ရန်
အတည်ပြုခဲ့သည်။

ထို့ပြင်စုပေါင်းပိုင်အဆောက်အအုံရှိ အိမ်ခန်းများကို ဥပဒေနှင့်
အညီ ရောင်းချခွင့်ရှိကြောင်း ပြဋ္ဌာန်းချက်ကိုလည်း
အတည်ပြုခဲ့သည်။

ဒေါက်တာခင်ရွှေကမူ ၅၀ ရာခိုင်နှုန်း ထက်မကျော်သော
အိမ်ခန်းများကို မြေပိုင် ဆိုင်ခွင့်မပါ နိုင်ငံခြားသားကို ရောင်းချ
နိုင်ခွင့်ရှိရေး ပြင်ဆင်ရန်အဆို တင်သွင်းခဲ့သည်။

သို့သော်လည်း အထက်ပါအတိုင်းဥပဒေနှင့်အညီဟုသာ
အတည်ပြုခဲ့သည်။
ဥပဒေဟုဆိုရာတွင်တည်ဆဲဥပဒေများမှ နိုင်ငံခြားသားနှင့်
သက်ဆိုင်သောဥပဒေအားလုံးကိုဆိုလိုကြောင်း
ပြည်ထောင်စု လွှတ်တော်ဥပဒေကြမ်း ပူးပေါင်းကော်မတီမှ
ဒေါက်တာစိုးမိုးအောင်ကပြောသည်။

အခြားသော အပိုဒ်အချို့ကိုလည်း အတည် ပြုနိုင်ခဲ့ပြီး
ကွန်ဒိုများတွင် ယာယီကြီးကြပ်မှုအဖွဲ့နှင့် စုပေါင်းပိုင်
အဆောက်အအုံအသင်းဖွဲ့စည်းခြင်း ဆိုသည့်အပိုဒ်ကို
အတည်ပြုရာတွင်မူထပ်မံညှိနှိုင်းဆွေးနွေးရန်ဆိုင်းငံ့ခဲ့ သည်။

ကွန်ဒိုတွင် အိမ်ခန်းဝယ်ယူနေထိုင်သူ များသည်ငွေကြေး
များစွာရင်းနှီး၍ စိတ်အေးချမ်းသာစွာနေထိုင်လိုကြပြီး
အသင်းအဖွဲ့ များ ဖွဲ့စည်းခြင်း၊မှတ်ပုံတင်ခြင်း၊ ရန်ပုံငွေ
စုဆောင်းခြင်း၊ သုံးစွဲခြင်းဆိုင်ရာများ စသည့် ကိစ္စများကို
စိတ်ရှုပ်ခံပြီးဆောင်ရွက်ရန် မလိုလားကြောင်း
ဒေါက်တာခင်ရွှေက ထောက်ပြခဲ့သည်။

နိုင်ငံတကာတွင်လည်း ထိုကဲ့သို့ ဖွဲ့စည်းဆောင်ရွက်ခြင်းများ
မရှိဘဲ သန့်ရှင်းရေး၊ ရေ၊ လမ်း၊မီး၊ လုံခြုံရေး စသည့် ကိစ္စများကို
ဝန်ဆောင်မှု ကုမ္ပဏီ(သို့)အဖွဲ့များ ကိုသာ ငှားရမ်းဆောင်
ရွက်ကြောင်းလည်း ၎င်းက ဆက်လက်ပြောကြားသည်။

ဒေါက်တာခင်ရွှေက ထိုကဲ့သို့ဆွေးနွေး ပြီးနောက်
ပြည်ထောင်စုလွှတ်တော်နာယကသူရဦးရွှေမန်းကလည်း
ထပ်မံညှိနှိုင်းရန်အတွက် ဆိုင်းငံ့ကြောင်း ဆုံးဖြတ်ခဲ့သည်။

"ဒီမိုကရေစီ အနိုင်ကျင့်တာမျိုးမဖြစ်ဖို့၊
တစ်ခါတစ်ခါ ကျတော့လည်း အနိုင်ကျင့်တာ မျိုးမဟုတ်ဘဲနဲ့
မသိလို့ သိသလောက်နဲ့ဆုံးဖြတ် တာလည်းရှိပါတယ်။
ဒါကြောင့် ဒါနဲ့ပတ်သက်ပြီးတော့ မဆုံးဖြတ်သေးဘဲ
ခဏရပ်နားပါ မယ်"ဟု ပြောကြားခဲ့သည်။

အဆိုပါ စုပေါင်းပိုင်အဆောက်အအုံ ဆိုင်ရာ ဥပဒေကြမ်း
(ကွန်ဒိုမီနီယံဥပဒေ) လွှတ်တော်၌ ဆွေးနွေးခြင်းကို
မည်သည့် ရက်တွင် ပြန်လည်ဆောင်ရွက်မည်ကိုမူ
ပြောကြားခဲ့ခြင်းမရှိပေ။

အချိန်သုံးနှစ်ကျော်ကြာ သည်အထိ အတည်ပြုနိုင်ခြင်း
မရှိသေးသော အဆိုပါဥပဒေကြမ်းကို အပြီးသတ်ရန်
လိုအပ် သည့် အရေးကြီးဥပဒေကြမ်းတစ်ခုအဖြစ်
သတ်မှတ်ထားပြီး ဥပဒေကြမ်းနှင့်ပတ်သက်သည့်
အစီရင်ခံစာကို ပြည်ထောင်စုလွှတ်တော် ဥပဒေကြမ်း
ကော်မတီကပြီးခဲ့သည့်လတွင် တတိယအကြိမ်မြောက်
တင်ပြခဲ့သည်။

(ထူးသန့်)

credit -  The Myanmar Times