“ရန်ကုန်မြို့သစ် စီမံကိန်း ဘာတွေဖြစ်လာဦးမလဲ”

“ရန်ကုန်မြို့သစ် စီမံကိန်း ဘာတွေဖြစ်လာဦးမလဲ”
(ရန်ကုန်မြို့သစ် စီမံကိန်းနှင့် ဆိုင်ရာ သတင်းများ)

၁။ "ရန်ကုန်မြို့သစ်စီမံကိန်း ရှေ့လထဲ စ အကောင်အထည်
ဖော်တော့မယ်"

ပွင့်လင်းမြင်သာမှု မရှိပဲ အာဏာပိုင်တွေ နဲ့ နီးစပ်တဲ့ကုမ္ပဏီကို
လုပ်ငန်းလုပ်ခွင့်တွေ ချပေးခဲ့လို့ ဆိုပြီး ဝေဖန် ကန့်ကွက်မှုတွေ
ကြောင့် ရပ်ဆိုင်းထားတဲ့ ရန်ကုန် မြို့သစ် စီမံကိန်းကို
လာမယ့် မတ်လထဲမှာ စတင် အကောင်အထည် ဖော်လာဖို့
ရှိနေပါတယ်။

တွံတေးနဲ့ ဆိပ်ကြီး ခနောင်တို မြို့နယ်တွေထဲ မြေဧက
၃ သောင်းကျော် နေရာယူ တည်ဆောက်ဆောက်မယ့်
အဲဒီ့ ရန်ကုန်မြို့သစ် စီမံကိန်း လုပ်ဖို့ ပြည်တွင်း ကုမ္ပဏီ
၃ ခုကို တင်ဒါ ချ ပေးထားတယ်ဆိုပြီး တင်ဒါ စိစစ်ရေး အဖွဲ့
ခေါင်းဆောင် ဦးကျော်စိုးက ဘီဘီစီ ကို ပြောပါတယ်။

အဲဒီ့ ကုမ္ပဏီတွေကတော့
- ရန်ကုန် အနောက်တောင် ဒေသ ဖွံ့ဖြိုးရေး ကုမ္ပဏီ၊
- Business Capital City Development Ltd နဲ့
- ရွှေပုပ္ပား အပြည်ပြည်ဆိုင်ရာ ဆောက်လုပ်ရေး ကုမ္ပဏီ တို့
ဖြစ်ပါတယ်။

ပြီးခဲ့တဲ့ ၂၀၁၄ ခုနှစ် တုန်းက ရန်ကုန်တိုင်း ဝန်ကြီးချုပ်
ဦးမြင့်ဆွေ ကနေ ရန်ကုန် မြို့သစ် စီမံကိန်း လုပ်ဖို့ ရန်ကုန်တိုင်း
ဒေသကြီး လွှတ်တော် ထဲ စတင် တင်းသွင်း ခဲ့တာ မှာ
လုပ်ငန်း လုပ်ကိုင်ခွင့် ရရှိ ခဲ့တဲ့ ကုမ္ပဏီ တွေ ကို ရွေးချယ် ပုံ နဲ့
ပတ်သက်ပြီး မေးခွန်း ထုတ် ခံခဲ့ရတဲ့ နောက် စီမံကိန်း
အကောင်အထည် မဖော် နိုင် ဖြစ်ခဲ့တာပါ။

ဒါပေမယ့် ပြီးခဲ့တဲ့ ရန်ကုန်တိုင်း လွှတ်တော် ထဲမှာပဲ
ဒီ စီမံကိန်း ပြန်စဖို့ မဲခွဲ ဆုံးဖြတ် နိုင်ခဲ့တယ် လို့ ဦးကျော်စိုး က
ဆိုပါတယ်။

ဒီစီမံကိန်း အတွက် သိမ်းယူ ခဲ့ရတဲ့ လယ်မြေ တွေ
တစ်ဧက ချင်းစီရဲ့ ၁၅ % ကို မြို့မြေ အဖြစ် ပိုင်ရှင် တွေကို
ပြန်ပေး မယ် ဆိုပြီး ကုမ္ပဏီ တွေက အကြံပြုထားတယ် လို့
ဦးကျော်စိုး က ပြောပါတယ်။

ဒီ မြို့သစ် စီမံကိန်းမှာ
- မြစ်ကူးတံတား ငါးစင်း၊
- စီးပွားရေးဇုံ နဲ့ တန်ဖိုးနည်း တိုက်ခန်းပေါင်း (၂) သောင်း
အပါအဝင်
- လူနေ အိမ်ရာတွေ တည်ဆောက်မှာ ဖြစ်ပြီး စီမံကိန်း ရုပ်လုံး
ပေါ်လာဖို့ကတော့ (၁၀) နှစ် လောက် အချိန်ယူ
လုပ်ဆောင်ရမယ် လို့ လည်း ဦးကျော်စိုးက ပြောပါတယ်။

***

၂။ (ဆောင်းပါးရှင် နေထွန်းနိုင် ၏ “အဂတိ လိုက်စားမှုကြောင့်
နိုင်ငံနဲ့ ပြည်သူကို နစ်နာစေခဲ့တယ် ဆိုရင် ...”ဆောင်းပါးမှ
“ရန်ကုန်မြို့သစ် စီမံကိန်း” နှင့်သာသက်ဆိုင်သည့် အပိုင်းကို 
ထုတ်နှုတ်ပါသည်။)

........................................................................
........................................................................

ရန်ကုန်မြို့သစ် စီမံကိန်း ကိစ္စလည်း ဒီအတိုင်းပဲ ဖြစ်ပါတယ်။

ကြည့်မြင်တိုင်၊ တွံတေးနဲ့ ဆိပ်ကြီးခနောင်တို မြို့နယ် သုံးခုက
မြေဧက ၃၀၀၀၀ ပေါ်မှာ အကောင်အထည် ဖော်မယ့်
ရန်ကုန်မြို့သစ် စီမံကိန်းကို ၂၀၁၄ ခုနှစ်မှာ လုပ်ဖို့
ကြိုးစားခဲ့ဖူးပါတယ်။

ဒီစီမံကိန်းနဲ့ ပတ်သက်ပြီး ရန်ကုန်မြို့တော်ဝန် ဦးလှမြင့်က
ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေ ကိုယ်စား
တိုင်းဒေသကြီး လွှတ်တော်မှာ သ၀ဏ်လွှာဖတ်ပြီး အသိပေးရုံ
လုပ်ခဲ့ပါတယ်။

အဲဒီအချိန် မတိုင်ခင် အထိ ပြည်သူတွေဟာ ဒီစီမံကိန်းအကြောင်း
ဘာမှ မသိခဲ့ရပါဘူး။ နောက်ပြီး လုပ်ပိုင်ခွင့်ကိုလည်း စီမံကိန်း
မကြေညာမီ တစ်နှစ် အလိုကမှ တည်ထောင်ထားတဲ့
မြန်မာ့စေတနာမြို့သစ် အမည်ခံ အများပိုင် ကုမ္ပဏီ တစ်ခုကို
ပေးခဲ့ပါတယ်။

အဲဒီ ကုမ္ပဏီရဲ့ မတည် ရင်းနှီးငွေက အမေရိကန်ဒေါ်လာ
တစ်ဘီလျံ ပဲ ရှိခဲ့ပါတယ်။ မတည် ရင်းနှီးငွေ အမေရိကန်
ဒေါ်လာ တစ်ဘီလျံပဲ ရှိတဲ့ ကုမ္ပဏီက အမေရိကန်ဒေါ်လာ
၁၅ ဘီလျံ စီမံကိန်းမှာ ရင်းနှီးမြှုပ်နှံမယ်ဆိုတာ ယုံကြည်
စိတ်ချရမှု အပိုင်းမှာ ဘယ်လိုမှ မဖြစ်နိုင်ပါဘူး။ ဒါကြောင့်
အဲဒါကို ပြည်သူတွေက လက်မခံဘဲ ကန့်ကွက်ခဲ့ကြပါတယ်။

ဒီအတွက် စီမံကိန်းကို ယာယီ ရပ်ဆိုင်းခဲ့ပေမယ့် ရန်ကုန်တိုင်း
ဒေသကြီး အစိုးရက နောက်ဆုတ် မသွားပါဘူး။
တိုင်းဒေသကြီး လွှတ်တော်ကို စီမံကိန်း အဆို ထပ်တင်ခဲ့ပြီး
တင်ဒါ ပြန်ခေါ်ခဲ့ကြပါတယ်။

ဒီတစ်ကြိမ်မှာ မြန်မာ့စေတနာ မြို့သစ် အများပိုင် ကုမ္ပဏီ
ပါမလာတော့ ပါဘူး။ တင်ဒါဖောင် လာဝယ်သူ ၅၄ ဦး ရှိခဲ့ပြီး
ကုမ္ပဏီ သုံးခုပဲ လာတင်ခဲ့ပါတယ်။ အဲဒီ ကုမ္ပဏီ သုံးခုက
ရန်ကုန် အနောက်တောင်ဒေသ ဖွံ့ဖြိုးရေး အများနှင့်
သက်ဆိုင်သော ကုမ္ပဏီ၊ Business Capital City နဲ့
ရွှေပုပ္ပား အပြည်ပြည်ဆိုင်ရာ ဆောက်လုပ်ရေး ကုမ္ပဏီ သုံးခု
ဖြစ်ပါတယ်။ ဒီထဲမှာ ရန်ကုန် အနောက်တောင်ဒေသ
ဖွံ့ဖြိုးရေး အများနှင့် သက်ဆိုင်သော ကုမ္ပဏီရဲ့ ဆက်နွှယ်မှု
တွေကို အသေးစိတ် သိဖို့ လိုပါသေးတယ်။

ရွှပုပ္ပား အပြည်ပြည်ဆိုင်ရာ ဆောက်လုပ်ရေး ကုမ္ပဏီကို
ရွှေသံလွင် ကုမ္ပဏီက ပိုင်ဆိုင်ထားတယ်လို့ သိရပါတယ်။

ရန်ကုန်မြို့သစ် စီမံကိန်းနဲ့ ပတ်သက်လို့လည်း ရန်ကုန်တိုင်း
ဒေသကြီး သစ်တောနှင့် စွမ်းအင်ဝန်ကြီး ဦးကျော်စိုးရဲ့
အင်တာဗျူး အဖြေတွေကို ဖေဖော်ဝါရီ ၂၇ ရက်ထုတ်
နိုင်ငံပိုင် သတင်းစာတွေမှာ ဖော်ပြခဲ့ပါတယ်။

တစ်ချိန်တည်းမှာပဲ ရန်ကုန်မြို့သစ် စီမံကိန်းကို လာမယ့်
မတ်လမှာ စတင် အကောင်အထည် ဖော်ဖို့ လုပ်လာတာတွေ
ရှိပါတယ်။

တကယ်တော့ ရန်ကုန်မြို့သစ် စီမံကိန်းနဲ့ ပတ်သက်ပြီး
အများပြည်သူကြားမှာ မြင်သာထင်သာရှိတဲ့ ပုံစံ မမြင်ရသေး
ပါဘူး။

*** စီမံကိန်း မြေနေရာဟာ အဲဒီ ဒေသမှာ
နေထိုင်သူတွေနဲ့တင် သက်ဆိုင်တာ မဟုတ်ပါဘူး။ ရ
န်ကုန်မြို့ရဲ့ နှလုံးသည်းပွတ်၊ ပင်လယ်ထွက်ပေါက်နဲ့ အနီးဆုံး
တန်ဖိုး အရှိဆုံး မြေနေရာကို စီမံကိန်း အကြောင်းပြပြီး
ရောင်းထုတ်မယ့် ကိစ္စ ဖြစ်နေတာကြောင့် တစ်နိုင်ငံလုံးနဲ့
သက်ဆိုင်ပါတယ်။ ဒါကို တိုင်းဒေသကြီး လွှတ်တော်
တစ်ခုတည်းရဲ့ ဆုံးဖြတ်ချက်နဲ့ မဟုတ်ဘဲ
ပြည်ထောင်စု လွှတ်တော်ရဲ့ ဆုံးဖြတ်ချက် ရယူရမှာပါ။ ***

လတ်တလောမှာ ဒီစီမံကိန်းကို ရပ်ပြီး အသေးစိတ် သုံးသပ်ဖို့
လိုနေ ပါတယ်။ မရပ်ဘဲ ဆက်လုပ်နေမယ် ဆိုရင် ဒါကလည်း
အဂတိ လိုက်စားမှုနဲ့ ဆက်နွှယ်ခြင်း ရှိ၊ မရှိ ဆုံးဖြတ်ကြရမှာ
ဖြစ်ပါတယ်။
..........................................................

(နေထွန်းနိုင်)

***

၃။ "ရန်ကုန်အစိုးရ၏ စီမံကိန်းများမှ လက်မခံသည်ကိစ္စများကို
မတ်လတွင်လွှတ်တော်တင်မည်"

ရန်ကုန်တိုင်းအစိုးရကတင်သွင်းထားသည့် ဒေသန္တရ
စီမံကိန်းများမှ လက်မခံနိုင်သည့်ကိစ္စများနှင့် စီမံကိန်းများ ကို
မတ်လတွင်ပြန်လည်ကျင်းပမည့် ရန်ကုန်တိုင်းလွှတ်တော်တွင်
အစီရင်ခံစာတင်သွင်းမည်ဟု ဘဏ္ဍာရေး၊ စီမံကိန်းနှင့်
စီးပွားရေးကော်မတီ ဥက္ကဋ္ဌ ဒေါ်စန္ဒာမင်းက
ဖေဖော်ဝါရီ ၂၁ရက်တွင် မဇ္ဈိမကိုပြောသည်။

"တိုင်းအစိုးရကတင်တဲ့ ဒေသန္တရစီမံကိန်းတွေထဲက
လက်မခံနိုင်တာတွေကို မတ်လထဲမှာအစီရင်ခံစာတင်မယ်။
ဘာတွေကိုငြင်းမယ်၊ ဘာတွေကိုလက်မခံနိုင်ဘူးဆိုတာကို
ပြောမယ်။ မတ်လထဲမှာရအောင်တင်မယ်။ အဲဒီ အတွက်
အခုလုပ်နေတယ်။" ဟု ၄င်းကဆိုသည်။

*** ရန်ကုန်အစိုးရက ကုန်းတံတားနှစ်စင်းတည်ဆောက်ရေး
အပါအ၀င် ဒေသန္တရစီမံကိန်းများပြုလုပ်ရန်ဟုဆိုကာ
တိုင်းလွှတ်တော်သို့ ၂၀၁၆ခုနှစ်အစပိုင်းတွင်တင်ပြထားသည်။
ယင်းစီမံကိန်းများတွင် ရန်ကုန်မြို့သစ်ဖော်ထုတ် မည့်စီမံကိန်း
မပါဝင်ပေ။ ***

လက်ရှိအစိုးရက အကောင်အထည်ဖော်မည့် စီမံကိန်းများက
ပြည်သူနှင့် နိုင်ငံအတွက်အကျိုးမရှိပါက ပယ်ချသွား မည်
ဟုလည်း ကော်မတီဥက္ကဋ္ဌတာဝန်မထမ်းဆောင်ခင်ကပင်
မဇ္ဈိမသို့ပြောထားသည်။

ရန်ကုန်အစိုးရသို့နှစ်စဉ်ခွင့်ပြုပေးနေသည့် ဘတ်ဂျတ်များအတွင်း
ရန်ကုန်မြို့တော်စည်ပင်သာယာရေး ကော်မတီက အများဆုံး
သုံးစွဲနေပြီး၊ ၂၀၁၄-၁၅ခုနှစ်တွင်ပင် ကျပ်ငွေ ၂၅၂ ဘီလီယံ
သုံးစွဲခဲ့သည်ဟု ဒေါ်စန္ဒာမင်းကဆိုသည်။

ယင်းအပြင် လှည်းတန်းကုန်းကျော်တံတားတည်ဆောက်
ရာတွင်လည်း လိုအပ်သည်ထက် ကျပ်သန်း ၁၀၀ ခန့်ကို
ရန်ကုန်မြို့တော်စည်ပင်၊ ရွှေတောင်ဖွံ့ဖြိုးတိုးတက်ရေး
ကုမ္ပဏီနှင့် မြန်မာ့ဆက်သွယ်ရေးလုပ်ငန်းတို့က
အသီးသီးလက်ခံရယူထားကြသည်ဟု ယင်းနှင့်သက်ဆိုင်သည့်
စာရင်းစစ်ချုပ်အစီရင်ခံစာကို ကိုးကားကာ ဒေါ်စန္ဒာမင်းက
မဇ္ဈိမကိုပြောသည်။

ဒေါ်စန္ဒာမင်း ဥက္ကဋ္ဌအဖြစ် တာဝန်ယူသည့် ဘဏ္ဍာရေး၊
စီမံကိန်းနှင့် စီပွားရေးကော်မတီကို တိုင်းလွှတ်တော်
ကိုယ်စားလှယ်၊ တပ်မတော်သားကိုယ်စားလှယ်တို့အပါအ၀င်
စုစုပေါင်း ၁၁ဦးဖြင့် ဖေဖော်ဝါရီ ၁၇ရက်နေ့တွင် ကျင်းပသည့်
ဒုတိယအကြိမ်ရန်ကုန်တိုင်းလွှတ်တော်တွင် ဖွဲ့စည်းခဲ့သည်။

လက်ရှိတွင် လွှတ်တော်အစည်းအဝေးကျင်းပမှုကို
ရပ်နားထားပြီး ဒုတိယအကြိမ် မတ်လဆန်းတွင် ပြန်လည်
ကျင်းပမည်ဖြစ်သည်။

(ဟိန်းကိုစိုး)

credit - BBC Burmese / Eleven Media Group &
မဇ္ဈိမသတင်းဌာန