"ပုံစံ - ၁၀၅/ ၁၀၆ဆိုတာ"
==============
- Passport ဆိုတာ "လူပုံ၊ လူရာဇ၀င်"ကို ခေါ်တာပါ။
လူဓါတ်ပုံလေးလဲ ပါတယ် ၊ လူရာဇ၀င်
အတိုချုပ်လေးလည်း ပါပါတယ်။
- မြေပုံ မြေရာဇ၀င်ဆိုတာကလည်း မြေပုံလေးလည်း
ပါရမယ်။ မြေရာဇ၀င်လေးလည်း ပါရပါမယ်။
ပုံစံ - (၁၀၅) ဆိုတာက မြေပုံ၊
ပုံစံ - (၁၀၆) က မြေရာဇ၀င်ပါ။
"သုံးမျိုးလုံး အကျုံးဝင်"
============
- မြေစာရင်း ပုံစံ (၁၀၅) ကို
"လက်ရှိမြေပုံတွင် ယခုနှစ်အသုံးပြုနေသော ဦးပိုင်မြေပုံ" လို့
ခေါ်ပါတယ်။ စာတိုခေါ်ရလျှင် "မြေပုံ"ပေါ့။
- အိုးအိမ်ဦးစီးဌာနက ထုတ်ပေးတဲ့ မြေပုံကိုတော့
"S-22" လို့ခေါ်ပါတယ်။
- ရန်ကုန် မြို့တော်စည်ပင်က ထုတ်ပေးတဲ့ မြေပုံမှာကတော့
ပုံစံနံပါတ် မပါရှိပါဘူး။
ဒီတော့ မြေပုံ ကလေးပါတဲ့ စာရွက်ကို
မြေပုံလို့ မှတ်လိုက်မယ် ဆိုရင် သုံးမျိုးလုံး အကျုံး ၀င်ပါတယ်။
"ကြည့်လို့ရတာတွေ"
===========
ပုံစံ - (၁၀၅) မြေပုံစာရွက်မှာ ကြည့်လို့ရတာတွေ
အများကြီးရှိပါတယ်။
အလေ့အကျင့်ဖြစ်အောင် ကြည့်သင့်/မှတ်သင့်ပါတယ်။
(post ပါ ပုံကိုကြည့်ပါ။)
- တိုင်း၊ ပြည်နယ်၊ ခရိုင်၊ မြို့နယ်၊ ကျေးရွာအုပ်စု၊
- ကွင်းအမှတ်၊ ကွင်းအမည်၊
- ဦးပိုင်အမှတ်၊ မြေကွက်အမှတ်၊
- ပိုင်ရှင်အမည်၊
- ပိုင်ဆိုင်မှု၊
- မြေအမျိုးအစား၊ အကျယ်အ၀န်းနှင့်
- ရေးကူးပေးသည့် အကြောင်းအရာ စသည်ဖြင့်
တိကျမှန်ကန်စွာ ရေးသားထားကြ ပါတယ်။
“သိသင့်တာလေးတွေ”
============
-ပုံစံ (၁၀၅) ဆိုတာက “မြေစာရင်းဌာန” က ထုတ်ပေးတဲ့
"ပုံစံ တစ်ခုသာ" ဖြစ်ပါတယ်။
- အဲဒီ ပုံစံက လယ်ယာမြေပဲ ဖြစ်ဖြစ် ၊
ရွာမြေ ၊ ဥယျာဉ်ခြံမြေပဲ ဖြစ်ဖြစ်၊ ဂရန်မြေပဲ ဖြစ်ဖြစ်
သက်ဆိုင်ရာမြေစာရင်းဦးစီးဌာနအပိုင် နယ်နိမိတ်
အတွင်းမှာ ရှိတဲ့
မြေတို့ရဲ့အကျယ်အဝန်းနဲ့ အမျိုးအစားကို
ဖော်ပြပေးတဲ့ပုံစံစာရွက်သာ ဖြစ်ပါတယ်။
- (နောက်တစ်နည်း ညွှန်းဆိုရလျှင်)
ပုံစံ ၁၀၅ ဆိုတာ ပိုင်ဆိုင်မှု အာမခံချက် လုံးဝ မဟုတ်ပါ။
ပုံစံ ၁၀၅ ဆိုတာ -
တည်နေရာကို ဖော်ပြရန်၊
မြေအမျိုးအစားကို ဖော်ပြရန်၊
အိမ်ဆောက်လုပ်ခွင့် လျှောက်ထားရာတွင် တည်နေရာကို
ညွန်းဆိုရန်၊
မြို့မြေဖြစ်ပါက ဂရံ လျှောက်ထားရာတွင် တည်နေရာကို
ညွန်းဆိုရန်၊ စသည်တို့အတွက်
“မြေစာရင်းဌာန” က ထုတ်ပေးတဲ့
"မြေပုံ ပုံစံ တစ်ခုသာ" ဖြစ်ပါတယ်။
*** ဒီပုံစံ (၁၀၅) လက်ထဲ ရောက်တာနဲ့
ကိုယ်လုပ်ချင်တာ လုပ်လို့ရမယ်လို့ "မထင်လိုက်ပါနဲ့ "။
အခု ပုံစံ (၁၀၅) အရ ဝယ်ထားတဲ့မြေက
“လယ်ယာမြေ” ဆိုရင်တော့
“လယ်ယာမြေလုပ်ပိုင်ခွင့်ပြုလတ်မှတ်” ရှိမယ် "ဆိုရင်"
လယ်လုပ်လို့ရမယ်ပေါ့။ ***
- အဆောက်အအုံ ဆောက်ဖို့ ၊
စီးပွားရေးလုပ်ငန်းတစ်ခုခု အခြေတည်ပြီး လုပ်ကိုင်ဖို့
ဆိုတာကတော့ ကျွန်တော့်ရဲ့အတွေ့အကြုံအရ ဆိုရင်
“သက်ဆိုင်ရာ တုိုင်းဒေသကြီးအစိုးရ” က "ခွင့်ပြုမှသာ"
ရမှာဖြစ်ပါတယ်။
- အဲဒီလို ခွင့်ပြုလိုက်ပြီဆိုရင် “ဂရန်”ကိုပါ လျှောက်ထားပိုင်ခွင့်
ရရှိတော့တာပေါ့။
- တစ်ချိန်တုန်းက
“လယ်ယာမြေ နိုင်ငံပိုင်ပြုလုပ်ရေး အက်ဥပဒေ ပုဒ်မ ၃၉"
(ယခုအခါ - လ/ယ ၃၀) နဲ့ လုပ်ပိုင်ခွင့် တူပါမယ်။
“ပုံစံ ၁၀၅ ပါ သင်္ကေတများ၏ဆိုလိုချက်”
=====================
မြေစာရင်းပုံစံ ၁၀၅ တွင်ပါရှိသော “မြေမျိုးနှင့်အတန်း” နေရာ၌
ရေးသားထားသောသင်္ကေတများ၏
အဓိပ္ပါယ်ဖွင့်ဆိုချက်(သို့) ဆိုလိုချက်များကတော့ -
(က) R = မိုးကောင်းလယ်မြေ
(ခ) R1 = ပထမတန်းစားမိုးကောင်းလယ်မြေ
(ဂ) R2 = ဒုတိယတန်းစား မိုးကောင်းလယ်မြေ
(ဃ) R3 = တတိယတန်းစား မိုးကောင်းလယ်မြေ
(အထွက်နှုန်းစပါး ၃၀ အောက်)
(င) R4 = စတုထ္ထတန်းစား မိုးကောင်းလယ်မြေ
(အထွက်နှုန်းစပါး ၂၀ အောက်)
(စ) RG = အစိုးရ ဆည်ရေသောက် လယ်မြေ
(ဆ) RP = ပုဂ္ဂလိက ဆည်ရေသောက် လယ်မြေ
(ဇ) M = မူရင်း သို့မဟုတ် နွေရာသီစိုက်လယ်မြေ
(ဈ) y = ယာမြေ
(ည) D = ဓနိမြေ
(ဋ) G = ဥယျာဉ်ခြံမြေ ဆိုပြီး ခွဲခြားပြထားတာပါ ။
မြေအမျိုးအစား ခွဲခြားခြင်းမှာ ဧကအလိုက်
သီးနှံအထွက်နူန်းကို ခန့်မှန်းသတ်မှတ်ခြင်း ဖြစ်ပါတယ်။
အထက်ပါသင်္ကေတများဖြင့် စိုက်ပျိုးရေး လုပ်ကိုင်သည့်
မြေမျိုးကို မြေစာရင် မြေပုံများနှင့် ပြေစာများတွင်
ဖော်ပြထားပါတယ်။
မြေယာကို အသုံးပြုသည့် အတွက် အခွန်အတုတ် များ
ကောက်ခံနိုင်ရန် ကြေးတိုင်နှင့်မြေစာရင်းဦးစီးဌာန
(ယခု လယ်ယာမြေ စီမံခန့်ခွဲရေးနှင့် စာရင်းအင်းဦးစီးဌာန)
မှ ကြေးတိုင်ရိုက်ခြင်း လုပ်ငန်းတွေကို လုပ်ကိုင်ရတယ် ။
ကြေးတိုင်ရိုက်ခြင်းမှာ
- စိုက်ပျိုးလုပ်ကိုင်သောမြေများကို ကွက်စိတ်တိုက် တိုင်းတားခြင်း
- မြို့တွင်း၌အခွန်ရပ်ကွက်များသတ်မှတ်ပေးခြင်း ၊
- လယ်ယာစိုက်ပျိုးလုပ်ကိုင်သော မြေကို
မြေအမျိုးအတန်းအစားခွဲခြားခြင်း ။
- ယင်းကဲ့သို့ မြေမျိုးအတန်းအစားခွဲခြားခြင်းမှာ
ဧကအလိုက် သီးနှံအထွက်နှုန်းကိုခန့်မှန်းသတ်မှတ်ရန်တို့
အတွက် ဖြစ်ပါတယ် ။
refer to - Kyi Soe (IC) &
လွှတ်တော်ရှေ့နေ မောင်ကောင်းဖေ
(စာကြွင်း)
တင်ခဲ့ပြီးသော မှတ်စုနှင့်ဆိုင်ရာ post အဟောင်းဖြစ်ပါသည်။
Facebook တွင် post အဟောင်းများကိုပြန်ရှာရန်
အခက်အခဲရှိပါသဖြင့်
အလျဉ်းသင့်သလို ပြန်တင်ပေးခြင်းအပေါ်
ဖတ်ရှုပြီးသော မိတ်ဆွေများအနေဖြင့်
နားလည်ပေးစေလိုပါသည်။
No comments:
Post a Comment