(မြန်မာနိုင်ငံအပြောင်းအလဲတွင် ပုဒ်မပေါင်းများစွာကို
ကြားဖူးကြပေလိမ့်မည်။ အခြေခံဥပဒေ ပုဒ်မ ၅၉ (စ)၊
၄၃၆ စသည်ဖြင့်။ သို့သော် ငွေရှာနိုင်သော နိုင်ငံသားများ
၏ အိတ်ကပ်ကို ဒုတ်ဒုတ်ထိ လာရောက် လွှမ်းမိုးတော့
မည့် ပုဒ်မတစ်ခုကို သိပါသလား။ ယခုလာတော့မည်။)
တစ်လဝင်ငွေ လေးသိန်းနှင့်အထက် ရှိသော နိုင်ငံသား
တစ်ဦးသည် ယခုနှစ် ဧပြီလ ၁ ရက်နေ့မှ စတင်ကာ
နိုင်ငံတော်သို့ ဝင်ငွေခွန်ထမ်းဆောင်ရမည်။ ဤသည်မှာ
ပြည်တွင်းအခွန်များ ဦးစီးဌာန၏ ကြေညာချက်ဖြစ်သည်။
တစ်နှစ်ဝင်ငွေ ကျပ် ၄၈ သိန်းနှင့် အထက် ကျော်လွန်သူ
မည်သူမဆို ဝင်ငွေခွန် ထမ်းဆောင်ရမည်ဖြစ်ပြီး ယင်းမှာ
၂၀၁၅- ၂၀၁၆ ဘဏ္ဍာနှစ် အခွန်နှုန်းထားထက် ပိုမို
ဖြေလျှော့ထားသော နှုန်းထားလည်း ဖြစ်သည်။
လူတစ်ဦးချင်း ထမ်းဆောင်ရမည့် ဝင်ငွေခွန်ပမာဏကို
မြှင့်တင်လိုက်ခြင်းမှာ တစ်လဝင်ငွေ ငါးသိန်းခန့်ရှိသော
ဝန်ထမ်းများကို အခြေခံကာ တွက်ချက်ထားခြင်း
ဖြစ်ကြောင်း အမျိုးသားလွှတ်တော် ကိုယ်စားလှယ်
ဒေါက်တာမြတ်ဉာဏစိုးက ဆိုသည်။
တစ်နှစ်ဝင်ငွေ ကျပ် ၄၈သိန်းဟု ဆိုသော်လည်း အခြေခံ
သက်သာခွင့် ၂၀ ရာခိုင်နှုန်းကို ခံစားခွင့်ရှိသည့်အပြင်
အခြား သက်သာခွင့်များဖြစ်သော မိဘနှင့်အတူနေလျှင်
မိဘတစ်ဦးလျှင် ဆယ်သိန်းကျပ်၊ အိမ်ထောင်ရှိလျှင်
အိမ်ထောင်ဖက်အတွက် ဆယ်သိန်းကျပ်နှင့် သားသမီး
ရှိပါက တစ်ဦးလျှင် ငါးသိန်းကျပ်စီ အခွန်ကင်းလွတ်ခွင့်
ရမည်ဖြစ်သည်။
“တစ်လဝင်ငွေ ငါးသိန်းအထိပဲ ခံစားခွင့်ရှိတဲ့ အစိုးရ
ဝန်ထမ်းတွေရော၊ ပုဂ္ဂလိက ဝန်ထမ်းတွေရော ဝင်ငွေခွန်
ကင်းလွတ်ခွင့်ရအောင် လုပ်ပေးထားတာပေါ့။ တခြား
ကင်းလွတ်ခွင့်တွေ ပေးထားတာလည်း ရှိသေးတော့
ဒါတွေကို နုတ်လိုက်ရင် စည်းကြပ်ခြင်း ကနေ
ကင်းလွတ်ခွင့် ရသွားမှာပါ” ဟု
ဒေါက်တာမြတ်ဉာဏစိုးက ဆိုသည်။
ဝင်ငွေခွန်နှုန်းထားကို ဖြေလျှော့ထားသည်ဟု
ဆိုသော်လည်း ယခုအချိန်အထိ ဝင်ငွေခွန် မည်သို့
ဆောင်ရမည် ဆိုသည်ကို မသိသူ အများအပြား
ရှိနေသည်။
“ကျွန်တော်တို့က ရုံးတွေ ဘာတွေဆို ကြောက်တယ်။
တစ်ခါမှလည်း မဆောင်ဖူးဘူး။ ပြည်တွင်းအခွန်နဲ့
ပတ်သက်ရင် သိပ်မသိဘူး” ဟု ရန်ကုန်မြို့တွင်
ကုမ္ပဏီမှတ်ပုံတင်ကာ ကုန်သွယ်မှုလုပ်ငန်း လုပ်ကိုင်
နေသူ လုပ်ငန်းရှင်တစ်ဦးက ဆိုသည်။ ပြည်တွင်း
အခွန်နှင့် ပတ်သက်၍ မသိသော်လည်း လုပ်ငန်း
သဘောအရ အကောက်ခွန်နှင့် ပတ်သက်သော
လုပ်ငန်းများ လုပ်ကိုင်သည့်အတွက် ပေးဆောင်ရ
သည်များ ရှိသည်ဟု ထိုလုပ်ငန်းရှင်က ရှင်းပြသည်။
အဆိုပါလုပ်ငန်းရှင်မှာ ကုန်သွယ်မှုနှင့် ပတ်သက်သော
လုပ်ငန်းများကို နှစ်ပေါင်းများစွာ လုပ်ကိုင်နေသူတစ်ဦး
ဖြစ်သော်လည်း ဝင်ငွေခွန်ပေးဆောင်ရမည့် ပုံစံ၊
ဝင်ငွေခွန် တွက်ချက်ပုံတို့ကိုပင် ရှင်းလင်းစွာ နားလည်
သဘောပေါက်ခြင်း မရှိဟုလည်း ဝန်ခံပြောကြားသည်။
“ဒါကတော့ ရှင်းပါတယ်ဗျာ၊ ကိုယ်က ငွေထုပ်ပိုက်ပြီး
သူတို့ကို သွားပေးမှာလေ။ ကိုယ်ကလည်း ပေးရဦးမယ်၊
သူတို့ရဲ့မျက်နှာကိုလည်း ကြည့်နေရဦးမယ်ဆိုရင်တော့
ဘာလုပ်ဖို့ ဆောင်တော့မလဲ။ မဆောင်ဘဲလည်း နေလို့
ရနေတာပဲ” ဟု ၎င်းက ဆိုလေသည်။
မြန်မာနိုင်ငံ၏ အခွန်ယဉ်ကျေးမှုမှာ နိုင်ငံသားများအကြား
တွင် မပေါ်ပေါက်သေး ဟုဆိုလျှင် ငြင်းဆန်ရန်ခက်မည်
ထင်သည်။
ခေတ်မီအမြန်စား စားသောက်ဆိုင် တစ်ဆိုင်တွင်
စားသုံးသူက ငွေရှင်းပြေစာတွင် အခွန်တံဆိပ်ခေါင်း
ကပ်ပေးပါရန် တောင်းဆိုမှသာ အခွန်တံဆိပ် ကပ်ပေး
သည်ကို ကြုံတွေ့ခဲ့ရကြောင်း ယင်းဆိုင်တွင် စားသုံးဖူးသူ
တစ်ဦးက ဆိုသည်။
“ဘောက်ချာပေးတော့ သူတို့က တံဆိပ်ခေါင်းမကပ်ပေးဘူး။
ကပ်ပေးပါ ပြောတော့မှ အလုပ်ရှုပ်တဲ့ပုံစံမျိုးနဲ့ ကျွန်တော့်ကို
တံဆိပ်ခေါင်းကပ်ပေးတယ်။ အခြားလူတွေက ကျွန်တော့်လို
တံဆိပ်ခေါင်းကပ်ပေးပါလို့ မပြောရင် သူတို့က ကပ်ပေးမှာ
မဟုတ်ဘူး။ ဒါ အခွန်ရှောင်တာပဲ မဟုတ်လား” ဟု
၎င်းကဆိုသည်။
ယင်းဆိုင်မှာ ရန်ကုန်မြို့လယ်ခေါင် ဆူးလေဘုရားအနီး
မဟာဗန္ဓုလ လမ်းမပေါ်တွင် တည်ရှိနေသောဆိုင်
ဖြစ်သည်။
“ပြည်သူတွေကို အခွန်နဲ့ပတ်သက်တဲ့ အသိပညာ ပေးတာ
တွေကို လုပ်ဖို့ လိုပါတယ်” ဟု ဒေါက်တာမြတ်ဉာဏစိုးက
ဆိုသည်။
ဒီမိုကရေစီစနစ် ကျင့်သုံးသော နိုင်ငံများ၏ အဓိကဝင်ငွေမှာ
အခွန်ဘဏ္ဍာမှ ရရှိခြင်းဖြစ်ပြီး ယင်းအခွန်ဘဏ္ဍာကို
နိုင်ငံတွင် လိုအပ်နေသော ပြည်သူ့ဝန်ဆောင်မှုလုပ်ငန်းများ၊
အခြေခံအဆောက်အဦ ဖွံ့ဖြိုးတိုးတက်ရေး လုပ်ငန်းများတွင်
ပြန်လည် အသုံးချရခြင်း ဖြစ်ကြောင်း
စီးပွားရေးပညာရှင် များက ဆိုသည်။
ဒီမိုကရေစီ အသွင်ပြောင်းလဲရေး လုပ်ဆောင်နေသော
မြန်မာနိုင်ငံတွင်မူ အခွန်အကောက်မှ ရငွေမှာ တိုင်းပြည်
ဂျီဒီပီနှင့်ယှဉ်လျှင် အလွန်နည်းပါးနေပြီး အခွန်ပိုမိုရရှိနိုင်ရန်
ပြုပြင်ပြောင်းလဲမှုများ လုပ်ရန်လိုကြောင်း အပြည်ပြည်
ဆိုင်ရာ ငွေကြေးရန်ပုံငွေအဖွဲ့က နှစ်စဉ်ထုတ်ပြန်သော
အစီရင်ခံစာ များတွင် ဖော်ပြလေ့ရှိသည်။
“အခွန်ဆိုတာ ပေးကို ပေးရမှာပေါ့။ ဒါပေမဲ့ အခွန်ကို ရတဲ့
ဘက်မှာလည်း ထိထိရောက်ရောက် ရအောင်လုပ်ရသလို
သုံးတဲ့ ဘက်မှာလည်း ထိထိရောက်ရောက် အသုံးချနိုင်
ရမယ်” ဟု စီးပွားရေးမူဝါဒ ပညာရှင်
ဒေါက်တာအောင်ကိုကိုက ဆိုသည်။ အခွန်အကောက်
ကောက်ခံလိုက်၍ အခွန်ထမ်းပြည်သူများ အခွန်ဆောင်
ချင်စိတ် လျော့နည်းခြင်း၊ ပျောက်သွားခြင်းမျိုး မဖြစ်ရန်
သတိထားရမည် ဖြစ်ကြောင်း ၎င်းက ထောက်ပြသည်။
သို့ရာတွင် လခစား ပုဂ္ဂလိကဝန်ထမ်း အတော်များများ
မှာ အခွန်ထမ်းဆောင်ခြင်းနှင့် ပတ်သက်လျှင် သိရှိသူ
နည်းပါးနေသည်။
“နဂိုကတည်းကလည်း ပုဂ္ဂလိက ဝန်ထမ်းအတော်
များများက အခွန်ဆောင်တာမျိုး နည်းတယ်ဆိုတော့
အခု သတ်မှတ်တဲ့ အခွန်နှုန်းထားကြောင့် ဝင်ငွေခွန်
ကောက်ခံရမှု လျော့သွားတာ မျိုးတော့ မရှိနိုင်ပါဘူး။
ဝင်ငွေနည်းသူတွေ အခွန်ဆောင်စရာ မလိုအောင်
လုပ်ပေးလိုက်တာတော့ ကောင်းတဲ့ အချက်ပဲ” ဟု
စီးပွားရေးလုပ်ငန်းရှင် ဒေါက်တာစိုးထွန်းကဆိုသည်။
သတ်မှတ်ဝင်ငွေပမာဏကိုမြှင့်တင်ကာ အခွန်ကောက်ခံ
သည့် အတွက် ဝင်ငွေခွန် ကောက်ခံရမှု မလျော့နည်း
စေရန် အခြားတစ်ဖက်တွင် ထိန်းကျောင်းမှုများ
ရှိထားပြီးဖြစ်သည်။ ယင်းမှာ ဝင်ငွေရလမ်း မပြနိုင်သော
စည်းကြပ်မှုမှ ကင်းလွတ်နေသည့် ဝင်ငွေများ အပေါ်
အခွန်နှုန်းထား သတ်မှတ်ချက် မြှင့်တင်လိုက်ခြင်းနှင့်
အထူးကုန်စည်ခွန်များကို ယခင်ထက် ပိုမိုတိကျစွာ
ပြဋ္ဌာန်း သတ်မှတ်လိုက်ခြင်း ဖြစ်သည်။
“ဝင်ငွေခွန်မှာ ဖြေလျှော့လိုက်ပေမယ့် တစ်ဖက်မှာက
ဝင်ငွေခွန်မှ ကင်းလွတ်နေသော အခြားဝင်ငွေတွေကို
၁၅ % ကနေ စပြီးသတ်မှတ်လိုက်တယ်။
အထူးကုန်စည်ခွန် ရှိတယ်၊ ဒါကြောင့် အဲဒါနဲ့ ပြန်ချိန်ရင်
Balance (မျှခြေ) ဖြစ်ပါတယ်။ အဲ့ဒီကနေလည်း
အခွန်တွေ တိုးတက်ရရှိဖို့ ရှိပါတယ်” ဟု
ဒေါက်တာမြတ်ဉာဏစိုးက ပြောဆိုသည်။
ဝင်ငွေရလမ်းမဖော်ပြနိုင်သော ဝင်ငွေများအပေါ် လက်ရှိ
အခွန်နှုန်းထား သတ်မှတ်မှုမှာ ၃ ရာခိုင်နှုန်းမှ စတင်
ကောက်ခံခြင်း ဖြစ်ပြီး လာမည့် ၂၀၁၆-၂၀၁၇ ဘဏ္ဍာနှစ်
မှ စတင်ကာ အနည်းဆုံး ၁၅ ရာခိုင်နှုန်းမှ စတင်
သတ်မှတ်လိုက်ခြင်း ဖြစ်သည်။
ဝင်ငွေရလမ်းမဖော်ပြနိုင်သော ဝင်ငွေအပေါ် ၂၀၁၆ ခုနှစ်
အခွန်နှုန်းထား သတ်မှတ်မှုမှာ နိုင်ငံတကာနှင့်
နှိုင်းယှဉ်လျှင် ရှိသင့်ရှိထိုက်သော အခွန်နှုန်းထား ဖြစ်ပြီး
လက်ရှိကျင့်သုံးနေသော နှုန်းထားမှာ မရှိသင့် မရှိထိုက်
သော နှုန်းထားသာ ဖြစ်ကြောင်း အိမ်၊ ခြံ၊ မြေ ကျွမ်းကျင်
ပညာရှင် ဦးကြည်စိုးက ဝေဖန်ပြောကြားသည်။
“၁၅ ရာခိုင်နှုန်း၊ ၃၀ ရာခိုင်နှုန်း ဆောင်ရတယ်ဆိုတာ
လက်ထဲမှာ ငွေဖြူ မရှိလို့လေ။ ငွေဖြူမရှိဘူးဆိုတော့
သူတို့က ဘာလုပ်တာလဲ။ ဘိန်းစိုက်တာလား၊ မှောင်ခို
လုပ်တာလား၊ တစ်ခုခုကြောင့်လေ” ဟု ၎င်းကဆိုသည်။
ယင်းသို့ ဝင်ငွေရလမ်း မဖော်ပြနိုင်သော ဝင်ငွေများအပေါ်
အခွန်နှုန်းထား တိုးမြှင့်သတ်မှတ်မှုကြောင့် အခွန်ရှောင်မှု
များ ဖြစ်ပေါ်လာနိုင်ပြီး အိမ်၊ ခြံ၊ မြေ ဈေးကွက်လည်း
ထပ်မံ အေးသွားနိုင်ကြောင်း ပြည်ကြီးတံခွန် အိမ်၊ခြံ၊မြေ
လုပ်ငန်းရှင် ဦးနေဇော်အောင်က ဆိုသည်။
လာမည့်ဘဏ္ဍာနှစ်အတွက် အထူးကုန်စည်ခွန်တွင်လည်း
စီးကရက်၊ အရက်၊ ဝိုင်အမျိုးမျိုးတို့အပေါ် ကျသင့်မည့်
အခွန်နှုန်းထားကို လက်ရှိ အခွန်သတ်မှတ်မှုပုံစံထက်
ပိုမိုအသေးစိတ်ကာ သတ်မှတ်ထားသည်။ စီးကရက်ဘူး
တန်ဖိုးအလိုက် တစ်လိပ်ချင်းစီ အပေါ် အခွန်ကျသင့်မှု၊
အရက်နှင့် ဝိုင်တို့၏ တန်ဖိုးအလိုက် တစ်လီတာအပေါ်
အခွန်ကျသင့်မှု တို့ကို သတ်မှတ်ထားသည်။
“၂၀၁၆ အခွန်အကောက်ဥပဒေမှာ ထူးခြားတာဆိုရင်
အထူးကုန်စည်ခွန်တွေမှာ အရက်၊ စီးကရက်တို့ကို
တစ်လိပ်ချင်းစီအပေါ် အခွန်ကျသင့်တာမျိုးပေါ့။
အဲဒါကြောင့် အခုဆို အရက်၊ စီးကရက် ဝယ်နေသူတွေ
အများကြီးပဲ” ဟု ဒေါက်တာစိုးထွန်းက ဆိုသည်။
အခွန်ကောက်ခံခြင်းကြောင့် အစိုးရအနေနဲ့ အခွန်ဘဏ္ဍာ
ပိုရလာမည်ဖြစ်သော်လည်း အခွန်တိုးရမှုနှင့် အတူ
ကုန်ဈေးနှုန်းများ ကြီးမြင့်လာမှု ရှိ-မရှိ ကိုလည်း
စောင့်ကြည့်ရမည်ဖြစ်ကြောင်း
ဒေါက်တာ အောင်ကိုကိုက ဆိုသည်။
“ကုန်ဈေးနှုန်းတွေ တက်မလာဘူး၊ အခွန်တိုးရလာတယ်
ဆိုရင် ဒါ ကောင်းတဲ့ ရလဒ်ပေါ့။ ဒီရလာတဲ့ အခွန်တွေကို
ကျန်းမာရေး၊ပညာရေးတွေမှာ သုံးရမယ်။နောက်သဘာဝ
ဘေးအန္တရာယ်နဲ့ မြန်မာနိုင်ငံက အများကြီး ရင်ဆိုင်ရမှာ
ရှိတယ်။ ဒီအတွက် ရန်ပုံငွေမျိုး ထားရမယ်” ဟု ၎င်းက
အကြံ ပြုသည်။
အခွန်နှင့်ပတ်သက်လျှင် အသိပညာ အားနည်းနေသေး
သော၊ အခွန်ယဉ်ကျေးမှု နည်းပါးနေသော မြန်မာနိုင်ငံ
အတွက် အခွန်ဆိုင်ရာ အသိပညာပေးလုပ်ငန်းများလည်း
များစွာ လိုအပ်နေဆဲဖြစ်သည်။ အခွန်မည်သို့ဆောင်ရ
မည်ကို မသိသေးသော စီးပွားရေးလုပ်ငန်းရှင် များစွာ
ရှိနေသေးသလို မည်သည့်အခွန် အမျိုးအစားကို
ပေးဆောင်နေရသည်ကို သိရှိသူမှာလည်း
နည်းပါးနေသည်။
“ပေးတော့ ပေးနေရတာပဲ၊ ဘာအတွက် မှန်းကိုမသိဘူး။
အခွန်လား၊ ရန်ပုံငွေလား၊ ဘာမှန်းကိုမသိတာ” ဟု
ဘုရင့်နောင်ပွဲရုံ ဝင်းမှ လုပ်ငန်းရှင်တစ်ဦးက
ဖွင့်ဟသည်။
နိုင်ငံသားတိုင်းသည် ဥပဒေအရ ပေးဆောင်ရမည့်
အခွန်အကောက်များကို ပေးဆောင်ရန်တာဝန်ရှိသည်ဟု
၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၃၈၉ တွင်
ပြဋ္ဌာန်းထားသော်လည်း မြန်မာနိုင်ငံရှိ လူတစ်ရာတွင်
ယင်းပုဒ်မကို သိရှိသူ မည်မျှ ရှိမည်မသိချေ။
“ပြည်သူတွေအနေနဲ့ ရသင့်ရထိုက်တဲ့ အခွင့်အရေးကို
လည်း အပြည့်အဝအသုံး ချဖို့လိုတယ်။ ကိုယ့်ဘက်က
လည်း ပြည်သူတွေရော၊ ပုဂ္ဂလိက လုပ်ငန်းရှင်တွေရော
မှန်မှန်ကန်ကန် ဆောင်ရွက်ဖို့လိုပါတယ်။ ဒီလို
အခွင့်အရေးတွေ ပေးထားရက်သားနဲ့ ဖောက်ဖျက်ခဲ့မယ်
ဆိုရင်တော့ ထိုက်သင့်တဲ့ အရေးယူမှုတွေ ရှိလာမှာပါ။
ဒါကိုလည်း သတိမူဖို့လိုပါတယ်” ဟု အမျိုးသားလွှတ်တော်
ကိုယ်စားလှယ် ဒေါက်တာမြတ်ဉာဏစိုးက ဆိုလေသည်။
ငွေရှာနိုင်သော နိုင်ငံသားများ၏ အိတ်ကပ်ကို ဒုတ်ဒုတ်ထိ
လာရောက်လွှမ်း မိုးတော့မည့် ပုဒ်မတစ်ခုစတင် အလုပ်
လုပ်တော့မည်။ ယင်းမှာ ပုဒ်မ ၃၈၉ ဖြစ်ကြောင်း
သိပါသလား။
(စစ်ငြိမ်းသူ)
credit - The Voice
No comments:
Post a Comment