“အစိုးရသစ်လက်ထက်တွင် ပြောင်းလဲဖွဲ့စည်းတော့မည့် ရန်ကုန်စည်ပင်နှင့် အစိုးရ အကူးအပြောင်းကာလအတွင်း တက်သုတ်ရိုက်ဆဲ စီမံကိန်းများ”

“အစိုးရသစ်လက်ထက်တွင် ပြောင်းလဲဖွဲ့စည်းတော့မည့်
ရန်ကုန်စည်ပင်နှင့် အစိုးရ အကူးအပြောင်းကာလအတွင်း
တက်သုတ်ရိုက်ဆဲ စီမံကိန်းများ”
၁။ "ရန်ကုန်မြို့တော် စည်ပင်ရွေးကောက်ပွဲ အစိုးရသစ်
ခွင့်ပြုသည့်နေ့ ကျင်းပမည်ဟု ဆို"

ရန်ကုန်မြို့တော် စည်ပင်သာယာ ရွေးကောက်ပွဲကို
အစိုးရသစ် ခွင့်ပြုသည့်နေ့တွင် ပြန်လည်ကျင်းပမည်
ဖြစ်ကြောင်း ရန်ကုန်မြို့တော် စည်ပင်သာယာရေး
ကော်မတီဝင် (၇) ဦးခင်လှိုင်က ပြောကြားသည်။

လက်ရှိ စည်ပင်သာယာရေး ကော်မတီဝင်များ၏
သက်တမ်းသည် အစိုးရအဖွဲ့၏ သက်တမ်းအတိုင်းသာ
ဖြစ်ပြီး သမ္မတ ဦးသိန်းစိန် ဦးဆောင်သော အစိုးရ
အဖွဲ့သည် လာမည့်မတ်လ ၃၁ ရက်နေ့တွင်
သက်တမ်း ကုန်ဆုံးမည် ဖြစ်သည်။

“ဥပဒေပဲလေ။ကျင်းပမဲ့ရက်ကတော့ အစိုးရသစ်
သဘောအတိုင်းပါပဲ” ဟု ဦးခင်လှိုင်က မှတ်ချက်
ပြုသည်။

လက်ရှိတွင် ရွေးကောက်ခံ စည်ပင်ကော်မတီဝင် ၁၁၅
ဦးမှာ တက်လာမည့် စည်ပင်ကော်မတီဝင် လူကြီးများ
ကို တာဝန်များ လွှဲပြောင်းပေးရန် ပြင်ဆင်ထားပြီး
၎င်းတို့ ရုံးစိုက်ရာ ရန်ကုန်မြို့တော်ခန်းမမှ ထွက်ခွာရန်
အသင့် ဖြစ်နေကြောင်း ဦးခင်လှိုင်က ရှင်းပြသည်။

ရန်ကုန်မြို့တော် စည်ပင်သာယာ ရွေးကောက်ပွဲကို
ပြီးခဲ့သည့် ၂၀၁၄ ခုနှစ် ဒီဇင်ဘာလ ၂၇ ရက်နေ့တွင်
ကျင်းပခဲ့ပြီး စည်ပင်ကော်မတီဝင်များ၏သက်တမ်းသည်
အစိုးရသက်တမ်း ဖြစ်သောကြောင့် ၁၅ လခန့်သာ
တာဝန်ထမ်းဆောင်ပြီး ပြန်လည် လွှဲပြောင်းပေးရမည်
ဖြစ်သည်။

လာမည့် NLD အစိုးရသစ်သည် ဝန်ကြီးဌာနများကိုလည်း
ပြင်ဆင်ဖွဲ့စည်းလျက် ရှိပြီး ရန်ကုန်မြို့တော် စည်ပင်
သာယာရေး ကော်မတီ၏ အကြီးအကဲဖြစ်သော
ရန်ကုန်မြို့တော်ဝန် နေရာအတွက် မည်သူ့ကို ခန့်အပ်
မည်ကို ပြည်သူများက စိတ်ဝင်စားလျက်ရှိသည်။

***

၂။ "ပြည်သူ့ရင်ပြင်အတွင်းရှိ မြေ ၃ ဒသမ ၂၈ ဧက
တက်သုတ်ရိုက် ငှားရမ်းမှု ရပ်တန့်ပေးရန် တိုင်းလွှတ်တော်
ဥက္ကဌမှ ရန်ကုန်တိုင်းဒေသကြီး အစိုးရအဖွဲ့ထံ စာပို့မည်"

ပြည်သူ့ရင်ပြင်အတွင်းရှိ မြေဧက ၃ ဒသမ ၂၈ ဧကကို
အငှားချမည့်ကိစ္စအား အစောတလျှင် မပြုလုပ်ရန်
ရန်ကုန်တိုင်းဒေသကြီးအစိုးရအဖွဲ့ထံ တိုင်းလွှတ်တော်
ဥက္ကဌ ဦးတင်မောင်ထွန်းမှ စာပေးပို့မည်ဖြစ်ကြောင်း
NLD ရန်ကုန်တိုင်းဒေသကြီး လွှတ်တော်ကိုယ်စားလှယ်
များထံမှ သိရသည်။

“လေးဧကနီးပါးရှိတဲ့မြေကွက်ကို တင်ဒါခေါ်လိုက်တယ်။
ကျွန်တော်တို့သိတဲ့အချိန် တစ်ရက်နှစ်ရက်ပဲရှိသေးတယ်။
ဦးမြင့်သိန်းဆိုတဲ့သူက တင်ဒါအောင်မြင်သွားတယ်လို့
သိရတယ်။ ဘယ်ကုမ္ပဏီကိုတော့ အတိအကျ မပြောနိုင်
သေးဘူး။ အဲဒါကြောင့် ရန်ကုန်တိုင်းမှာရှိတဲ့ NLD
လွှတ်တော်ကိုယ်စားလှယ်အားလုံးကလည်း ဒီကိစ္စကို
ရပ်ထားဖို့ ဆန္ဒရှိတယ်။ ဥက္ကဌကြီးကလည်း ဒီကိစ္စကို
အစောတလျှင်မလုပ်ဖို့ စာပို့မယ်လို့ ပြောတယ်”ဟု
မင်္ဂလာတောင်ညွှန်မြို့နယ်၊ တိုင်းဒေသကြီးအမှတ် (၂)
လွှတ်တော်ကိုယ်စားလှယ် ဦးရန်အောင်က ပြောသည်။

ပြီးခဲ့သည့်ပထမအကြိမ် ရန်ကုန်တိုင်းဒေသကြီးလွှတ်တော်
အထူးအစည်းအဝေးအစီအစဉ်များတွင် အပန်းဖြေဥယျာဉ်
အတွင်းရှိ စိးပွါးရေးအဆောက်အဦးများ၊ ဆိုင်ခန်းများကို
အငှားချထားပေးသည့်အတွက် အများပြည်သူများ
အပန်းဖြေမည့်နေရာများ ဆုံးရှုံးနေသည့်အပေါ်
ဗဟန်းမြို့နယ် အမှတ် (၂) ကိုယ်စားလှယ်
ဒေါက်တာ ညိုညိုသင်းက မေးခွန်းများမေးမြန်းခြင်း၊
အဆိုများ တင်သွင်းခြင်းတို့ ပြုလုပ်ခဲ့သည်။

“ဒီဟာကတော့ တကယ်တော့မဖြစ်သင့်ဘူး။
ပြည်သူ့ရင်ပြင်ဆိုတာ အထင်ကရနေရာပဲ။ ရန်ကုန်မြို့ရဲ့
အထင်ကရကျတဲ့နေရာ။ ဒီနေရာကို မလုပ်စေချင်ဘူး။
အခုသူတို့က တက်သုတ်ရိုက်ပြီး တင်ဒါခေါ်တဲ့ကိစ္စ
ကတော့ တော်တော်ကို စိတ်မတတ်မသာခံစား
ရတယ်။ အများနဲ့ သက်ဆိုင်တဲ့နေရတဲ့နေရာဖြစ်တယ်။
တကယ်ဆိုရင် လက်လွတ်စပယ် မလုပ်သင့်ဘူး”ဟု
ဦးရန်အောင်က ပြောသည်။

ယင်းသို့ လေလံတင်အငှားချသည့် မြေဧက
၃ ဒသမ ၂၈ ဧက တွင် ပင်မအဆောက်အအုံတလုံး၊
ကားပါကင်၊ မုန့်ဖို ၊ ဂိုဒေါင်ဝင်းနှင့် တောင်ကုန်း
ဧရိယာ ၀ ဒသမ ၇၆ ဧက ပါဝင်ကြောင်းသိရပြီး
ရန်ကုန်တိုင်းဒေသကြီးအစိုးရအဖွဲ့မှ လေလံဆွဲလိုသူများ
အား မတ်လ ၁၆ ရက်နေ့က လေလံလျှောက်လွှာများ
နောက်ဆုံး လက်ခံခဲ့ကြောင်း သိရသည်။

“အခု တင်ဒါကျသွားပြီလို့ သိရတယ်။ သူတို့ကလည်း
လုပ်ကြမှာပဲလေ။ ကျွန်တော်တို့ဘက်ကလည်း လုပ်စရာ
ရှိတာ လုပ်ရမှာပဲ”ဟု တာမွေမြို့နယ် အမှတ် (၁)
တိုင်းလွှတ်တော်ကိုယ်စားလှယ် ဦးလှသိန်းက
ပြောသည်။

(လင်းလင်းအောင်)

***

၃။ "စည်ပင် ရပ်ဆိုင်းခိုင်းသည့် ရန်ကုန်မြို့တွင်း စီမံကိန်း
၅ ခု ရင်းနှီးမြှုပ်နှံမှု ကော်မရှင် ခွင့်ပြု"

ရန်ကုန်မြို့တော် စည်ပင်သာယာရေး ကော်မတီဝင်(၇)
ရုံးက ဥပဒေပြဌာန်းချက်များနှင့် ကိုက်ညီမှုမရှိ၍ဟု ဆိုကာ
အသိပေးစာ ထုတ်ပြန်ပြီး ရပ်ဆိုင်းခိုင်းထားသော
ရန်ကုန်မြို့တွင်း စီမံကိန်း ၅ ခုကို မြန်မာနိုင်ငံရင်းနှီးမြှုပ်နှံမှု
ကော်မရှင်က ခွင့်ပြုချက်ပေးကြောင်း သိရသည်။

ယင်း စီမံကိန်းများသည် လိုအပ်သော ထောက်ခံချက်များ
ပြည့်စုံသည့်အတွက် ဆောင်ရွက်ခွင့်ပြုခြင်းဖြစ်ကြောင်း
မြန်မာနိုင်ငံ ရင်းနှီးမြှုပ်နှံမှု ကော်မရှင်က ပြောဆိုသည်။

“ကျမတို့အနေနဲ့ လိုအပ်တဲ့ ထောက်ခံချက်အားလုံး
ပြည့်စုံမှ ခွင့်ပြုပေးခဲ့တာပါ။ အဲဒီစီမံကိန်းတွေတုန်းကလည်း
ရန်ကုန်တိုင်းဒေသကြီးအစိုးရအဖွဲ့က ၀န်ကြီးချုပ်ဦးမြင့်ဆွေ
လက်မှတ်လည်း ပါတယ်။ ကျမတို့အနေနဲ့ ထပ်ပြီးတော့
အဲဒါလာတင်တုန်းက စည်ပင်သာ ယာ ရေး ကော်မတီက
ကိုယ်စားပြု၊ မပြုမေးတော့ ဦးမြင့်ဆွေ ထိုးထားတဲ့
လက်မှတ်နဲ့စည်ပင်က ခွင့်ပြုချက်လည်း ပါပါတယ်”ဟု
မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ညွှန်ကြားရေးမှူး
ဒေါ်မြစန္ဒာက ပြောသည်။

ရန်ကုန်မြို့တော် စည်ပင်သာယာရေး ကော်မတီဝင်(၇)
ရုံးက ဒဂုံစီးတီးအပါအ၀င် ရန်ကုန်မြို့တွင်း စီမံကိန်း
၅ ခုကို ဥပဒေ ပြဌာန်းချက်များနှင့် ကိုက်ညီမှုမရှိသည့်
အတွက် စီမံကိန်းများကို ရပ်ဆိုင်းရန် အသိပေးစာ
တစောင်ကို မတ်လ ၄ ရက်က ထုတ်ပြန်ခဲ့ခြင်း
ဖြစ်သည်။

နိုင်ငံခြား ရင်းနှီးမြှုပ်နှံမှု နည်းဥပဒေ ပုဒ်မ ၁၂၉
ပြဌာန်းချက်တွင် ရင်းနှီးမြှုပ်နှံမှု လုပ်ငန်းတွင်
မြို့ပြတည်ဆောက်ခြင်း၊ ဟိုတယ်၊ စာသင်ကျောင်း၊
ဆေးရုံ၊ လူနေထိုင်ရန် အဆောက်အအုံများ
ဆောက်လုပ်ရာတွင် သက်ဆိုင်ရာ စည်ပင်သာယာရေး
ကော်မတီနှင့် အစိုးရဌာနတို့၏ ခွင့်ပြုချက် ရရှိမှသာလျှင်
ကော်မရှင်သို့ တင်ပြဆောင်ရွက်ရမည်ဟု ဖော်ပြထားသော်
လည်း ရန်ကုန်မြို့တော် စည်ပင်သာယာရေး ကော်မတီ၏
ခွင့်ပြုချက်ရယူထားခြင်း မရှိဘဲ ဆောက်လုပ်ထားကြောင်း
လည်း ထုတ်ပြန်ချက်တွင် ပါရှိသည်။

ရန်ကုန်မြို့တော် စည်ပင်သာယာရေး ကော်မတီဝင်(၇)
ရုံးမှ ဦးခင်လှိုင်က
“ကော်မတီ အစည်းအဝေးမှာ ကျနော်ကိုယ်တိုင် မေးမြန်း
ထားတယ်။ ဒီစီမံကိန်းတွေ ဆောင်ရွက်တာ စည်ပင်ခွင့်ပြု
ချက် မယူထားဘူးလို့ မြို့တော်ဝန်ကလည်း ပြန်ဖြေထား
ပါတယ်။ ကျနော် တို့ စည်ပင်အနေနဲ့ တရားဝင်
ပြောနိုင်တာကတော့ စည်ပင်က ခွင့်ပြုချက် မထုတ်ပေး
ထားပါဘူး”ဟု ပြောသည်။

ရန်ကုန်မြို့တော် စည်ပင်သာယာရေး ကော်မတီ၏
ထုတ်ပြန်ချက်တွင် စီမံကိန်းများကို လုပ်ဆောင်မည့်
ကုမ္ပဏီများသည် နိုင်ငံခြား ရင်းနှီးမြှုပ်နှံမှု နည်းဥပဒေ
ပုဒ်မ ၁၂၉ ပြဌာန်းချက်ပါအတိုင်း ရန်ကုန်မြို့တော်
စည်ပင်သာယာရေး ကော်မတီထံသို့ ခွင့်ပြုချက် ရယူရန်
ယနေ့အထိ လျှောက်ထားခြင်း၊ ကော်မတီဝင်များ
အစည်းအဝေးတွင် တင်ပြခြင်း၊ ဆွေးနွေးခြင်း၊
ဆုံးဖြတ်ချက်ချမှတ်ခြင်း၊ ခွင့်ပြုချက်ပေးခြင်း လုံးဝမရှိဟု
ဖော်ပြထားသည်။

ထို့အပြင် ထိုစီမံကိန်းများနှင့် ပတ်သက်ပြီး ရင်းနှီးမြှုပ်နှံမှု
ဥပဒေပုဒ်မ ၅၃ အရ ပြည်ထောင်စု လွှတ်တော်အစည်း
အဝေးသို့ တင်ပြ ဆောင်ရွက် ဆွေးနွေးထားခြင်း မရှိ
ကြောင်း၊ ဒုတိယအကြိမ် ပြည်သူ့လွှတ်တော်မှ
စီမံကိန်းများ အဆောတလျင် ချထားပေးခြင်းကိစ္စကို
ရပ်ဆိုင်းထားရန် အတည်ပြုဆုံးဖြတ်ခဲ့ပြီး ဖြစ်ကြောင်း
လည်း ထုတ်ပြန်ချက်တွင် ပါရှိသည်။

သို့အတွက်ကြောင့် ထိုစီမံကိန်းအားလုံးသည် တည်ဆဲ
ဥပဒေများနှင့် မညီသဖြင့် လုပ်ငန်းဆောင်ရွက်ခွင့်
အလိုအလျောက် ပျယ်ပြယ် ကြောင်းကို စီမံကိန်း
ဆောင်ရွက်မည့် ကုမ္ပဏီများ သိရှိစေရန် ရန်ကုန်မြို့တော်
စည်ပင်သာယာရေး ကော်မတီက သတိပေးထုတ်ပြန်ခြင်း
ဖြစ်သည်ဟု ဦးခင်လှိုင်က ပြောသည်။

“စည်ပင်ရဲ့ သတ်မှတ်ထားချက်တွေအတိုင်း ခွင့်ပြုမိန့်
မယူခဲ့ပါဘူး။ စည်ပင်ခွင့်ပြုချက် မရှိတဲ့အတွက်
အဲဒီနေရာမှာ အဆောက်အအုံ ဆောက်ခွင့်တောင်
မရှိပါဘူး။ အသိပေးတဲ့အတိုင်း မလိုက်နာဘူးဆိုရင်တော့
စည်ပင်သာယာရေး ကော်မတီရဲ့ လုပ်ပိုင်ခွင့်ရှိတဲ့ အတိုင်း
ဖယ်ရှားရှင်းလင်းတဲ့အထိ လုပ်ဆောင်သွားလို့ ရပါတယ်”
ဟုလည်း ၎င်းက ဆက်ပြောသည်။

ထုတ်ပြန်ချက်ထဲတွင် ဖော်ပြထားသည့် စီမံကိန်း ၅ ခုမှာ
- Marga Landmark Development ကုမ္ပဏီက
လုပ်ကိုင်ခွင့် ရရှိထားသည့် ရန်ကင်းမြို့နယ်ရှိ ကမ္ဘာအေး
ဘုရားလမ်းနှင့် သစ္စာလမ်းထောင့်ရှိ သိပ္ပံနှင့် နည်းပညာ
ဝန်ကြီး ဌာနပိုင်မြေ နေရာ (၁၇.၀၇) ဧကတွင်
အကောင်အထည်ဖော်မည့် ဒဂုံစီးတီး စီမံကိန်း၊
- ဦးအိုက်ထွန်းပိုင် ရွှေတောင် ကုမ္ပဏီက လုပ်ကိုင်ခွင့်ရရှိ
ထားသည့် ဗိုလ်တထောင်မြို့နယ် ကုန်သည်လမ်းနှင့်
သိမ်ဖြူလမ်းထောင့်ရှိ ၃ ဧကခွဲ
(မြန်မာ့ မီးရထားရုံးချုပ်ဟောင်း) မြေနေရာတွင်
အကောင်အထည်ဖော်မည့် စီမံကိန်းတို့ ပါဝင်သည်။
- ထို့အပြင် Adventure Myanmar နှင့် သုခရတနာ
ကုမ္ပဏီ ၂ ခုတို့ လုပ်ကိုင်ခွင့် ရရှိထားသည့်
လမ်းမတော်မြို့နယ် မြန်မာနိုင်ငံ ကုန်သည်ကြီးများနှင့်
စက်မှုလက်မှု လုပ်ငန်းရှင်များ အသင်းချုပ်(UMFCCI)ရုံး
အနီးရှိ ယခင်ကုန်သွယ်ရေး ဌာနပိုင် ဂိုဒေါင်ရုံးဟောင်း
နေရာတွင် ကုမ္ပဏီတခုလျှင် ၄.၅ ဧကနှုန်းဖြင့် ၉ ဧကတွင်
အကောင်အထည်ဖော် တည်ဆောက်မည့် စီမံကိန်း ၂ ခု၊
- UMFCCI ဥက္ကဋ္ဌ ဦးဝင်းအောင်နှင့် IBTC ကုမ္ပဏီ
လုပ်ငန်းရှင် ဦးအောင်ကျော်မိုးတို့ ပူးပေါင်းဆောင်ရွက်မည့်
ဗိုလ်ချုပ်လမ်း ထောင့်ရှိ ကျန်းမာရေး ၀န်ကြီးဌာနပိုင်
မြေနေရာ ၄.၄ ဧကတွင် အကောင်အထည်ဖော်မည့်
Andaman Alliance Healthcare စီမံကိန်းတို့ ဖြစ်ကြောင်း
သိရသည်။

(သူဇာ)

credit - The Voice / News Watch
& Irrawaddy Publishing Group