“ဒေါ်လာ သတင်းနှင့် ဒေါ်လာ ဂယက်များ”

“ဒေါ်လာ သတင်းနှင့် ဒေါ်လာ ဂယက်များ”

၁။ "တစ်ဒေါ်လာ ၁,၂၈၆ ကျပ်ထိ တက်သွားပြီး ဘဏ်အချို့
ဒေါ်လာအရောင်း ယာယီပိတ်"

ပြင်ပဈေးကွက်တွင် အမေရိကန်ဒေါ်လာဈေး ဆက်တိုက်
မြင့်တက်လာခြင်းကြောင့် ပြည်တွင်းပုဂ္ဂလိကဘဏ်အချို့၌
ဒေါ်လာအရောင်း ယာယီပိတ်ထားကြောင်း
သတင်းရရှိသည်။

ငွေဈေးကစားသူများ ဝင်ရောက်ဈေးကစားမှုကြောင့်
ပြင်ပ ဈေးကွက်တွင် အမေရိကန်ဒေါ်လာသည်
ရက်ပိုင်းအတွင်း ဈေး ဆက်တိုက် မြင့်တက်လာကာ
အောက်တိုဘာ ၁ ရက်မှ ၄ ရက် အတွင်း
တစ်ဒေါ်လာလျှင် ၂၀ ကျပ်ခန့် ဈေးမြင့်တက်လာသည်။

အောက်တိုဘာ ၁ ရက်တွင် တစ်ဒေါ်လာ ၁,၂၆၆ ကျပ်မှ
အောက်တိုဘာ ၄ ရက်တွင် ၁,၂၈၆ ကျပ်သို့
မြင့်တက်လာသည်။

‘‘ဒေါ်လာဈေးက ဆက်မြင့် ဦးမယ်’’ဟု ပြည်ပသို့ ဆန်တင်ပို့
ရောင်းချနေသည့် ကုန်သည်ဦးမျိုးသူရအေးက ဆိုသည်။

ဒေါ်လာဈေးမြင့်တက်ခြင်းသည်
* ပုဂ္ဂလိကဘဏ်များက ရက်ပိုင်းအတွင်း အတိုးပေးသည့်
ခေါ်ယူအပ်ငွေ အတိုးနှုန်း လျှော့ချခြင်း၊
* တရုတ်နိုင်ငံသို့ ကုန်ပစ္စည်းများ ရောင်းချရာတွင်
အဖမ်းအဆီးများခြင်းကြောင့် ပြည်တွင်းသို့ နိုင်ငံခြားငွေ
အမေရိကန် ဒေါ်လာ အဝင်နည်းနေပြီး ပြင်ပဈေးကွက်တွင်
ပို့ကုန်ရငွေတန်ဖိုးမြင့်တက်ပြီး အမေရိကန်
ဒေါ်လာဈေးလည်း ဆက်တိုက်မြင့်တက်လာခြင်း
ဖြစ်သည်ဟု စီးပွားရေးလုပ်ငန်းရှင်အချို့က သုံးသပ်သည်။

* အစိုးရက ဘတ်ဂျက်လိုငွေ ကျပ် ၁,၂၃၆ ဘီလီယံကို
ဗဟိုဘဏ်မှ ချေးယူခြင်း၊
* လယ်သမား များကို တိုးမြှင့်ပေးသည့် စိုက်ပျိုးစရိတ်
ချေးငွေ ကျပ်ဘီလီယံ ၅၀၀ အတွက် ငွေစက္ကူ
ရိုက်ထုတ်ရခြင်းနှင့်
* မြန်မာကျပ်ငွေ တန်ဖိုး ကျဆင်းမှုတို့ကလည်း
ဒေါ်လာဈေးကို မြင့်တက်စေသည့် အကြောင်းရင်းများ
ဖြစ်ကြောင်း  အမျိုးသားလွှတ်တော်ကိုယ်စားလှယ်
စီးပွားရေးပညာရှင်ဦးသန်းစိုး(ဘောဂဗေဒ)က
ပြောသည်။

အမေရိကန်ဒေါ်လာတန်ဖိုး တစ်လအတွင်း လျင်မြန်စွာ
မြင့်တက်ရခြင်း၏ အဓိကအကြောင်း ရင်းတစ်ခုသည်
* ပြင်ပဈေးကွက်တွင် ငွေကြေးကြွယ်ဝသူ အချို့ ဈေးကစား
မှုကြောင့် စက်တင်ဘာ တစ်လအတွင်း တစ်ဒေါ်လာလျှင်
၁၀၀ ကျပ်ကျော် မြင့်တက်လာသည်ဟု ဦးသန်းစိုးက
ပြောကြားသည်။

‘‘ချမ်းသာတဲ့ ပွဲစားကြီးတွေက ငွေကြေးစစ်ပွဲ ဖန်တီး
နေသလိုပဲ။ ငွေကြေးကစားမှုတွေကို တာဝန်ရှိသူတွေက
ထိန်းဖို့လိုတယ်’’ ဟု ဦးသန်းစိုးက သူ၏အမြင်ကို
ပြောသည်။

ဒေါ်လာဈေးနှုန်း မြင့်တက်မှုကို ဗဟိုဘဏ်က ဝင်ရောက်
မထိန်းခြင်းအပေါ် ဘဏ်လုပ်ငန်း ကျွမ်းကျင်သူများက
ဝေဖန်ပြီး ဗဟိုဘဏ်သည် နိုင်ငံခြားငွေ စီမံခန့်ခွဲမှုနှင့်
ပတ်သက်၍ စနစ်တကျ ထိန်းကျောင်းပေးရန် လိုအပ်
သော်လည်း ဗဟိုဘဏ်သက်တမ်း သုံးနှစ်အတွင်း
ထိရောက်စွာ လုပ်ကိုင်နိုင်မှုမရှိကြောင်း ကမ္ဘောဇဘဏ် 
အကြီးတန်းအကြံပေး ဦးသန်းလွင်က ပြောသည်။

အမေရိကန် ဒေါ်လာဈေး နှုန်းသည် လက်ရှိ စီးပွားရေး
အခြေအနေအရ ဆက်လက်မြင့်တက်လာမည်ဆိုလျှင်
တိုင်းပြည်စီးပွားရေး စိုးရိမ်စရာဖြစ်နေပြီး အစိုးရအတွက်
စိန်ခေါ်မှုတစ်ခု ဖြစ်လာနိုင်ကြောင်း စီးပွားရေးပညာရှင်
ဒေါက်တာအောင်ကိုကိုက ပြောကြားသည်။

(ပြည်သိမ်း)

***

၂။ "မြန်မာငွေဈေးကျနေလို့ ဗဟိုဘဏ်က လုပ်ငန်းရှင်
တွေကို ငွေကြေး မကစားဖို့ သတိပေး"

မြန်မာနိုင်ငံမှာ ကျပ်ငွေတန်ဖိုး ကျဆင်းနေပြီး အမေရိကန်
တစ်ဒေါ်လာနဲ့ မြန်မာကျပ်ငွေ လဲလှယ်နှုန်း ၁၂၉၀အထိ
ဖြစ်သွားခဲ့တဲ့အတွက် မြန်မာနိုင်ငံတော် ဗဟိုဘဏ်က
လုပ်ငန်းရှင်တွေကို ငွေကြေး မကစားဖို့
သတိပေးလိုက်ပါတယ်။

မြန်မာ ကျပ်ငွေတန်ဖိုး ကျဆင်းလာမှုအတွက် အကြောင်းရင်း
ကို စုံစမ်းဖို့ မြန်မာနိုင်ငံတော် ဗဟိုဘဏ်က လုပ်ငန်းရှင်
တွေကို ခေါ်ယူ ဆွေးနွေးမှု ပြုလုပ်ရာမှာ လုပ်ငန်းရှင်တွေကို
ငွေကြေး ကစားမှုတွေမှာ မပါဝင်ဖို့ အခုလို
သတိပေးလိုက်တာ ဖြစ်ပါတယ်။

ဒီဆွေးနွေးပွဲမှာ ဘဏ်ဘက်က မဟုတ်သူတွေလည်း
ငွေကြေး ကစားတာတွေ ရှိကြောင်း လုပ်ငန်းရှင်တွေဘက်က
တင်ပြခဲ့ပြီး ဗဟိုဘဏ်ဘက်ကလည်း ဒေါ်လာဈေး
ကစားဖို့အတွက် ဒေါ်လာစုနေတဲ့ သူတွေကို ဖော်ထုတ်ဖို့
ပြောဆိုခဲ့တယ်လို့ မြန်မာနိုင်ငံတော် ဗဟိုဘဏ် ပြန်ကြားရေး
အရာရှိ ဦးဝင်းသော်က ဘီဘီစီကို ပြောပါတယ်။

မြန်မာကျပ်ငွေနဲ့ အမေရိကန် တစ်ဒေါ်လာ လဲလှယ်နှုန်းဟာ
စက်တင်ဘာလကတည်းက တရိပ်ရိပ် တက်လာနေတာ
ဖြစ်ပြီး ဒီရက်ပိုင်း အတွင်းမှာ တရက်ချင်း ခုန်တက်မှုတွေ
ပိုများလာတာ ဖြစ်ပါတယ်။

အခုလို တက်လာရတဲ့ အကြောင်းရင်းတွေထဲမှာ
ဒေါ်လာဝယ်စုတဲ့ သူတွေကြောင့်အပြင်
ဘဏ်အပ်ငွေအတွက် အတိုးနှုန်းတွေကို ဘဏ်တွေက
လျှော့ချလိုက်တာကလဲ အဓိကကျတဲ့ အကြောင်းရင်း တစ်ခု
ဖြစ်တယ်လို့ ဆိုပါတယ်။

အခုလို ငွေလဲနှုန်း မတည်ငြိမ်တဲ့အတွက် ပြည်တွင်းက
သွင်းကုန်၊ ပို့ကုန် လုပ်ငန်းတွေ ပြီးခဲ့တဲ့ လကတည်းက စပြီး
ထိခိုက်မှုတွေ ရှိနေတယ်လို့ ရန်ကုန်မြို့က လုပ်ငန်းရှင်
တဦးဖြစ်တဲ့ ဦးရန်အောင်ကျော်က ဘီဘီစီကို ပြောပါတယ်။

သွင်းကုန် လုပ်ငန်းတွေမှာဆိုရင် မြန်မာငွေ ဈေးကျနေ
တာကြောင့် သွင်းခဲ့တဲ့ ပစ္စည်းအတွက် ဈေးကွက်မှာ လိုချင်တဲ့
ဈေးနှုန်း ပြန်ရဖို့ အခက်အခဲတွေ ရှိနေသလို ကြိုတင်ငွေ
ရထားတဲ့ ပို့ကုန်သမားတွေ အတွက်လည်း ကုန်ကြမ်း
ပြန်ဝယ်ရာမှာ မလောက်ငှတဲ့ အခက်အခဲတွေ ဖြစ်ပေါ်
နေတယ်လို့ ဦးရန်အောင်ကျော်က ပြောပါတယ်။

မြန်မာနိုင်ငံတော် ဗဟိုဘဏ်က အခုလို မြန်မာငွေလဲနှုန်း
မတည်ငြိမ်တာနဲ့ ပတ်သက်ပြီး သုံးသပ်မှုတွေ ပြုလုပ်
နေပေမယ့် ကြားဝင် ဖြေရှင်းမှုတွေနဲ့ ပတ်သက်လို့
လုပ်ငန်းရှင်တွေဘက်က အားရမှု မရှိတဲ့အပိုင်းလည်း
ရှိနေပါတယ်။

လက်ရှိအချိန်မှာ ပြည်တွင်းရွှေဈေးနှုန်းက တကျပ်သားကို
ကိုးသိန်းကျော်အထိ မြင့်တက်သွားပြီး သွင်းကုန်တွေရဲ့
ကုန်ဈေးနှုန်းတွေလည်း မြင့်တက် လာနေပေမယ့်
ဗဟိုဘဏ်ဘက်က ဒေါ်လာဈေးကို ထိန်းထားနိုင်တဲ့
အခြေအနေ မတွေ့ရသေးပါဘူး။

***

၃။ "ဒေါ်လာဈေး မြင့်တက်ခြင်းကို မထိန်းကျောင်းသည့်
အတွက် ဗဟိုဘဏ်ကို ကျွမ်းကျင်သူများ ဝေဖန်"

အမေရိကန် ဒေါ်လာ လဲလှယ်နှုန်းထားမြင့်တက်ခြင်းကို
မြန်မာနိုင်ငံတော် ဗဟိုဘဏ်က ထိန်းကျောင်းခြင်း မရှိဘဲ
၎င်း၏ ဒေါ်လာ သတ်မှတ်နှုန်းများ လိုက်ပါ
မြှင့်တင်နေခြင်းကို ငွေကြေးဈေးကွက် ကျွမ်းကျင်သူများက
ဝေဖန် ပြောကြားသည်။

“ပြည်သူတွေ အကျိုးရှိစေမယ့် အာဏာဆိုရင် တာဝန်ရှိသူ
တွေက သုံးသင့်ရင် သုံးရမှာပဲလေ။ အခုဟာက သူက
မထိန်းကျောင်းဘဲနဲ့ လိုက်စီးမျောနေတာကြီးက မဖြစ်သင့်
ပါဘူး”ဟု ငွေကြေး မူဝါဒပိုင်းဆိုင်ရာ ကျွမ်းကျင်သူ
ဦးသန်းလွင်က ပြောဆိုသည်။

*** လက်ရှိ၌ ဒေါ်လာဈေး မြင့်တက်မှုသည် ပြည်တွင်း
ငွေကြေး ဈေးကွက်၏ အန္တရာယ်ရှိ အဆင့်သို့
ရောက်ရှိလာမည့် အခြေအနေရှိပြီး ယခု ဈေးထက်
မြင့်တက်လာမည်ဆိုပါက ဗဟိုဘဏ် အနေနှင့် ထိန်းချုပ်ရန်
ပိုမို ခက်ခဲသွားမည် ဖြစ်သည့်အတွက် အချိန်မလွန်မီ
ထိန်းချုပ်သင့်ကြောင်း *** ကျွမ်းကျင်သူများက ဆိုသည်။

“ဗဟိုဘဏ်ဘက်က စဉ်းစားမယ်ဆိုရင်တော့
သူတက်သင့်တဲ့ ပမာဏအတိုင်း တက်နေတာလား၊
တက်သင့်တဲ့ ပမာဏထက် ပိုတက်နေတာလား ဆိုတာတော့
ဗဟိုဘဏ်က ထိန်းကျောင်းဖို့ လိုတာပေါ့။ တစ်ခု သိတာက
ဗဟိုဘဏ်ရဲ့ လှုပ်ရှားမှု၊ ပါဝင် ပတ်သက်မှုကို ကျွန်တော်တို့က
မတွေ့ရဘူး”ဟု ဘဏ်လုပ်ငန်းဆိုင်ရာ အကြံပေး ဦးရဲမင်းဦးက
ပြောကြားသည်။

မြန်မာနိုင်ငံတွင် လက်ရှိ အသုံးပြုနေသည့် ကုန်ပစ္စည်း
အများစုသည် ပြည်ပမှ သွင်းကုန်များ ဖြစ်သည့်အတွက်
ဒေါ်လာဈေးတက်ခြင်းကြောင့် ကုန်ပစ္စည်းများ၏ ဈေးနှုန်းများ
လိုက်ပါ မြင့်တက်ခြင်းကို ကြုံတွေ့ရကြောင်း စီးပွားရေး
လုပ်ငန်းများက ပြောဆိုသည်။

***

၎။ "ဒေါ်လာဈေး မြင့်တက်လာခြင်းအပေါ် စီးပွားရေးပညာရှင်
အချို့၏ မှတ်ချက်များ"

“သင့်တော်တဲ့ နှုန်းထား ဟုတ် ၊ မဟုတ် ဘဏ်တွေကို ခေါ်ပြီး
ဆွေးနွေးပါတယ်။ဈေးကွက်မှာ ကစားနေပြီဆိုရင် ဘဏ်တွေ
အနေနဲ့ ပါဝင်ပတ်သက်ခြင်း မရှိအောင် သတိပေးပါတယ်။
ဘဏ်တွေက ဈေးကွက်ကို ကစားတာတွေ ပါဝင်
ပတ်သက်တယ် ဆိုရင် ပါဝင်ပတ်သက်တဲ့ ဘဏ်တွေကို
ဗဟိုဘဏ် ဥပဒေ ၊ နိုင်ငံခြားသုံးငွေ စီမံခန့် ခွဲမှု ဥပဒေတွေနဲ့ 
အရေးယူမယ် ဆိုတာမျိုး သတိပေးပါတယ်။
တရားမ၀င် ဈေးကွက်မှာ ဈေးကစားတဲ့သူတွေကို ပြည်ထဲရေး
ဝန်ကြီးဌာနနဲ့ ပေါင်းစပ်ပြီး အရေးယူဖို့ လုပ်မှာ
ဖြစ်ပါတယ်။”
(မြန်မာနိုင်ငံတော် ဗဟိုဘဏ် ဒုတိယ ညွှန်ကြားရေးမှုးချုပ်
ဦးဝင်းသော်)

‘‘ပို့ကုန်က တရုတ်ကလည်း အဖမ်းအဆီးများနေတယ်။
အိန္ဒိယကလည်း အရင်လောက်မပို့နိုင်ဘူး။ ကုန်သည်တွေမှာ
နိုင်ငံခြား ငွေကျပ်နေတယ်။ ဒါကြောင့် ဒေါ်လာက
ဈေးတက်လာတာပါ’’
(မြန်မာနိုင်ငံ ဆန်စပါးအသင်းချုပ် ဒုတိယဥက္ကဋ္ဌ
ဒေါက်တာစိုးထွန်း)

“အခုတစ်ခေါက်ကတော့ ဘဏ်တချို့ရဲ့ ခေါ်ယူအပ်ငွေ
စာရင်းတွေ၊ စာရင်းသေအပ်ငွေတွေရဲ့ ဘဏ်တိုးနှုန်းကို
လျှော့တာနဲ့ ဆိုင်တယ်၊
နောက်တစ်ခုက ဘဏ်တွေနဲ့ ဗဟိုဘဏ်မှာ
နိုင်ငံခြားငွေတွေ နည်းနေပြီလားပေါ့။
လူတွေက အမျိုးမျိုး ထင်မြင်ယူဆကြပါတယ်။
ဝယ်လိုအား၊ ရောင်းလိုအားအရ ဒေါ်လာ ၀ယ်လိုအား
ကလည်း အရမ်းကောင်းနေတာကို။
နောက်တစ်ခုက MLM ကိစ္စ၊ သူကလည်း ဒီကရတဲ့
အကျိုးအမြတ်တွေကို ဒေါ်လာအဖြစ်ပြောင်းပြီး
နိုင်ငံအပြင်ဘက်ကို ယူထုတ်တယ်လို့ တချို့ကလည်း
ပြောကြတယ်။
နဂိုကတည်းက မြန်မာမှာ ကုန်သွယ်ရေး လိုငွေ၊
ဘတ်ဂျက်လိုငွေ ကျနေတယ်၊ အရင်ဝင်နေတဲ့
ကျောက်စိမ်းတို့၊ မူးယစ်ဆေးတို့ကရတဲ့
ဒေါ်လာတွေလည်း အ၀င်နည်းသွားတယ်။
နိုင်ငံခြားရင်းနှီးမြှုပ်နှံမှုကလည်း ထင်သလောက်
မ၀င်လာသေးဘူး။
အစိုးရ လိုငွေတွေများတော့ ငွေကြေးဖောင်းပွမှုနှုန်းက
များနေတယ်။ အဲဒါက ဒေါ်လာဈေးကို တက်စေတယ်။
လိုငွေက အရင်နှစ်တွေ အများကြီးကတည်းက ပြနေတာ။
ဒါပေမဲ့ အခု အစိုးရလက်ထက်မှာလည်း ထင်သလောက်
မလျှော့နိုင်ဘူး။ အသုံးစရိတ်က ကြီးတယ်။ ဟိုဟာလုပ်မယ်၊
ဒီဟာလုပ်မယ်နဲ့ သတင်းတွေ ထွက်တယ်။
ထွက်တဲ့သတင်းတွေကလည်း ကုန်ကျစရိတ်များတဲ့၊
ငွေကြေးဖောင်းပွမှုနှုန်း မြင့်သွားနိုင်တဲ့ သတင်းတွေ
ဆိုတော့ ဒေါ်လာဈေးမြင့်ဖို့ အလားအလာ
ကောင်းသွားတယ်။
အဲဒီတော့ ဒီလို သတင်းအမျိုးမျိုးကြောင့်ဖြစ်တဲ့
ငွေကြေးဆိုင်ရာ အခြေအနေတွေကို ဗဟိုဘဏ်က
အများပြည်သူရှေ့ ထွက်ရှင်းရမယ်။
တကယ့်အခြေအနေမှန်၊
ဖြစ်လာနိုင်တဲ့အခြေအနေကို အများပြည်သူကို
ပြောပြဖို့သင့်တယ်။ အစိုးရကလည်း အကျပ်အတည်း
ကာလမှာ အသုံးစရိတ် ချွေတာသင့်တယ်၊
ငွေကြေးဖောင်းပွမှုနှုန်းထပ် မြင့်စေနိုင်တဲ့ လှုပ်ရှားမှုမျိုး
အခုချိန်မှာ မလုပ်သင့်ဘူး”
(စီးပွားရေးပညာရှင်
ဒေါက်တာလှမောင် - အငြိမ်းစားသံအမတ်ကြီး)

credit - 7day Daily / BBC Burmese / The Voice /
Xinhua Myanmar & Eleven Media Group

မှတ်ချက်
---------

အိမ်ခြံမြေ အကြောင်းအရာများနှင့် 
တိုက်ရိုက်မသက်ဆိုင်သော်လည်း
သွယ်ဝိုက်ပတ်သက်မှု့ ရှိသည့် စီးပွါးရေးဆိုင်ရာ  
ဆောင်းပါး/သတင်းများ ဖြစ်နေပါသဖြင့်
မိတ်ဆွေများ လေ့လာနိူင်ရန် တင်ခဲ့ခြင်းဖြစ်ပါသည်။

“အိမ်ခြံမြေ လမ်းဆုံ”